ଖୁବ୍‌ଶୀଘ୍ର ହେବ ୨ରୁ ୧୮ ବର୍ଷ ବୟସର ପିଲାଙ୍କୁ ଟିକାକରଣ, ସ୍ୱାସ୍ଥ୍ୟ ନିର୍ଦ୍ଦେଶକ
Khabar Odisha:The-director-of-immunization-will-soon-be-vaccinating-children-between-the-ages-of-2-and-18
ଭୁବନେଶ୍ୱର, ଅକ୍ଟୋବର ୧୩(ଖବର ଓଡିଶା):

ଖୁବ୍‌ଶୀଘ୍ର ହେବ ୨ରୁ ୧୮ ବର୍ଷ ବୟସର ପିଲାଙ୍କୁ ଟିକାକରଣ । ଏନେଇ କେନ୍ଦ୍ର ସରକାରଙ୍କ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଥିବା ବେଳେ ରାଜ୍ୟ ସରକାର ବି ଯୋଜନା ପ୍ରସ୍ତୁତ କରୁଛନ୍ତି । କେନ୍ଦ୍ର ଗାଇଡଲାଇନ୍ ଆସିଲେ ରାଜ୍ୟ ସରକାର ଟିକାକରଣ ନେଇ ରଣନୀତି କରିବୋ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ ବିଜୟ ମହାପାତ୍ର କହିଛନ୍ତି । 

ଏବେ ୨ରୁ ୧୮ ବର୍ଷ ବୟସର ପିଲାଙ୍କୁ ଟିକାକରଣ ନେଇ ଟାସ୍କଫୋର୍ସର ରିପୋର୍ଟ ଅନୁସାପେ ଡିସିସିଆଇ ଅନୁମୋଦନ ଦେବେ । ପୂର୍ବରୁ ଶିଶୁଙ୍କୁ ଡିପିଟି ଏବଂ ପୋଲିଓ ବୁନ୍ଦା ପ୍ରଦାନ କରି ଟିକାକରଣ ନେଇ ଅଭିଜ୍ଞତା ରହିଛି । ଏହାସହିତ ରାଜ୍ୟରେ ଭିତ୍ତିଭୂମି ରହିଛି । ଟିକା ଆସିଲେ ଟିକାକରଣକୁ ଜୋରଦାର କରାଯିବ ବୋଲି ସ୍ୱାସ୍ଥ୍ୟ ନିର୍ଦ୍ଦେଶକ କହିଛନ୍ତି । 

ସେହିପରି ରାଜ୍ୟରେ କୋଟିଏ ଚାଳିଶ ଲକ୍ଷ ପ୍ରାୟ ଶିଶୁ ଓ କିଶୋରଙ୍କୁ ଟିକା ଦିଆଯିବ । ଦୁଇ ଡୋଜ୍ ମଧ୍ୟରେ କେତେଦିନର ବ୍ୟବଧାନ ତାହା ଗାଇଡଲାଇନ ଆସିବା ପରେ ସ୍ପଷ୍ଟ ହେବ ବୋଲି ପରିବାର କଲ୍ୟାଣ ବିଭାଗ ନିର୍ଦ୍ଦେଶକ ବିଜୟ ପାଣିଗ୍ରାହୀ କହିଛନ୍ତି ।

  • Tags:

Subscribe

National International State Sports Entertainment