ରାଜ୍ୟଗୋଷ୍ଠୀ କ୍ରୀଡ଼ା: ରୋମାଞ୍ଚକର ସେମିଫାଇନାଲରେ ହାରିଲେ ଭାରତୀୟ ମହିଳା ହକି ଟିମ୍‌, କାଂସ୍ୟ ପାଇଁ ଲଢ଼ିବେ ଖେଳାଳି
Khabar Odisha:Sports-Indian-womens-hockey-team-which-lost-to-Australia-in-the-Semi-Finals

ନୂଆଦିଲ୍ଲୀ, ଅଗଷ୍ଟ ୦୬ (ଖବର ଓଡ଼ିଶା): ଶେଷ ମିନିଟରେ ବନ୍ଦନା କଟାରିଆଙ୍କ ଗୋଲ ବଳରେ ଫର୍ମକୁ ଫେରିଥିବା ଭାରତୀୟ ମହିଳା ଟିମ୍ ରାଜ୍ୟଗୋଷ୍ଠୀ କ୍ରୀଡ଼ାରେ ଶୁକ୍ରବାର ଏକ ରୋମାଞ୍ଚକର ସେମିଫାଇନାଲରେ ସୁଟଆଉଟ୍‌ରେ ଅଷ୍ଟ୍ରେଲିଆ ଠାରୁ ୦-୩ ଗୋଲରେ ପରାସ୍ତ ହୋଇଛି । ଏବେ ଭାରତୀୟ ଟିମ୍ କାଂସ୍ୟ ପଦକ ପାଇଁ ଖେଳିବ । କାଂସ୍ୟ ପଦକ ଭାଇ ଭାରତର ସାମ୍ନା କରିବ ନ୍ୟୁଜିଲାଣ୍ଡ । 

ଖେଳର ୧୦ ମିନିଟରେ ରେବେକା ଗ୍ରେଇନେରଙ୍କ ଗୋଲ ବଳରେ ଅଷ୍ଟ୍ରେଲିଆ ଆଗୁଆ ହୋଇଥିଲା । କିନ୍ତୁ ଏହା ପରେ ଗୋଲକିପର ସବିତା ପୁନିଆଙ୍କ ନେତୃତ୍ୱରେ ଭଲ ପ୍ରଦର୍ଶନ କରି ଭାରତୀୟ ରକ୍ଷାପଂକ୍ତି ଅଷ୍ଟ୍ରେଲିଆକୁ ଚାପ ପକାଇଥିଲା । ଟୋକିଓ ଅଲିମ୍ପିକ୍ସରେ ୪ର୍ଥ ସ୍ଥାନରେ ଥିବା ଭାରତୀୟ ଟିମ ପାଇଁ ସମାନ ପ୍ରକାରର ଗୋଲ ୪୯ତମ ମିନିଟରେ ସୁଶୀଲାଙ୍କ ପାଖରେ ବନ୍ଦନା କଟାରିଆ ଦେଇଥିଲେ । 

ବିବାଦୀୟ ପେନାଲ୍ଟି ଶୁଟଆଉଟରେ ଭାରତ ପାଇଁ ନେହା, ନଭନୀତ କୌର ଓ ଲାଲରେମ୍ସିୟାମି ଗୋଲ କରିପାରି ନଥିଲେ । ଅଷ୍ଟ୍ରେଲିଆ ପାଇଁ ଏମ୍ବ୍ରୋସିୟା ମାଲୋନ, ଏମି ଲାଟନ ଓ କ୍ୟାଟଲୀନ ନୋବ୍ସଙ୍କ ସର୍ଟ ଟାର୍ଗେଟରେ ପହଞ୍ଚି ଥିଲା । ଭାରତକୁ ପ୍ରଥମ କ୍ୱାର୍ଟରରେ ୬ଟି ପେନାଲ୍ଟି କର୍ଣ୍ଣର ମିଳିଥିଲା । କିନ୍ତୁ ଗୋଲ ହୋଇପାରି ନଥିଲା । 

 

  • Tags:

Subscribe

National International State Sports Entertainment