ନୂଆଦିଲ୍ଲୀ: ଜାତୀୟ ତଦନ୍ତକାରୀ ଏଜେନ୍ସି (ଏନଆଇଏ) ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ ଓ ଗୋଲ୍ଡି ବ୍ରାରଙ୍କ ଗ୍ୟାଙ୍ଗ ବିରୋଧରେ ଲଗାତାର କାର୍ଯ୍ୟାନୁଷ୍ଠାନ ଗ୍ରହଣ କରୁଛି। ଅନ୍ୟପକ୍ଷରେ କୁଖ୍ୟାତ ଗ୍ୟାଙ୍ଗଷ୍ଟର ଲରେନ୍ସ ବିଷ୍ଣୋଇ, ଗୋଲ୍ଡି ବ୍ରାରଙ୍କ ସମେତ ଅନେକ କୁଖ୍ୟାତ ଗ୍ୟାଙ୍ଗଷ୍ଟରଙ୍କ ବିରୋଧରେ ଏନଆଇଏ ଚାର୍ଜସିଟ୍ ଦାଖଲ କରିଛି। 

ଏନଆଇଏ ଏହାର ଚାର୍ଜସିଟରେ କହିଛି ଯେ ଲରେନ୍ସ ବିଷ୍ଣୋଇ ଏବଂ ତାଙ୍କ ଆତଙ୍କବାଦୀ ସିଣ୍ଡିକେଟ ଅଭୂତପୂର୍ବ ଢଙ୍ଗରେ ବ୍ୟାପିଛି। ୯୦ ଦଶକରେ ଦାଉଦ ଇବ୍ରାହିମ ଯେମିତି ଛୋଟଛୋଟ ଅପରାଧ କରି ନିଜର ନେଟୱର୍କ ସ୍ଥାପନ କରିଥିଲା, ସେହିଭଳି ସେ ମଧ୍ୟ ନିଜର ନେଟୱର୍କ ସ୍ଥାପନ କରିଛି। ଡ୍ରଗ୍ସ ଚୋରା ଚାଲାଣ, ଟାର୍ଗେଟ କିଲିଂ, ଜବରଦଖଲ ରାକେଟ ଜରିଆରେ ଦାଉଦ ଇବ୍ରାହିମ ନିଜର ସାମ୍ରାଜ୍ୟ ଗଢ଼ିଥିଲା ଏବଂ ତା'ପରେ ସେ ଡି କମ୍ପାନୀ ଗଠନ କରିଥିଲା। ଏହାପରେ ପାକିସ୍ତାନୀ ଆତଙ୍କବାଦୀଙ୍କ ସହ ମେଣ୍ଟ କରି ନିଜର ନେଟୱର୍କ ବିସ୍ତାର କରିଥିଲେ। ସେହି ସମୟରେ ଦାଉଦ ଇବ୍ରାହିମ ଓ ଡି କମ୍ପାନୀ ଭଳି ବିଷ୍ଣୋଇ ଗ୍ୟାଙ୍ଗ ମଧ୍ୟ ଛୋଟ ଛୋଟ ଅପରାଧ ଆରମ୍ଭ କରିଥିଲା । ଏବେ ବିଷ୍ନୋଇ ଗ୍ୟାଙ୍ଗ ଉତ୍ତର ଭାରତରେ ଧରାପଡ଼ିଛି।

କାନାଡା ପୁଲିସ ଏବଂ ଭାରତୀୟ ଏଜେନ୍ସିମାନଙ୍କଠାରୁ ୱାଣ୍ଟେଡ୍ ସତବିନ୍ଦର ସିଂ ଓରଫ ଗୋଲ୍ଡି ବ୍ରାର ବିଷ୍ଣୋଇ ଗ୍ୟାଙ୍ଗକୁ ଚଳାଉଛି। ଏନ୍ ଆଇଏ କହିଛି ଯେ ବିଷ୍ନୋଇ ଗ୍ୟାଙ୍ଗ୍ ରେ ୭୦୦ରୁ ଅଧିକ ଗୁଳିଚାଳକ ଥିବା ବେଳେ ସେମାନଙ୍କ ମଧ୍ୟରୁ ୩୦୦ ଜଣ ପଞ୍ଜାବର। ସୋସିଆଲ ମିଡିଆ ପ୍ଲାଟଫର୍ମ, ଫେସବୁକ, ଇନଷ୍ଟାଗ୍ରାମ, ୟୁଟ୍ୟୁବ ଜରିଆରେ ବିଷ୍ଣୋଇ ଓ ଗୋଲ୍ଡି ବ୍ରାରଙ୍କୁ ପ୍ରମୋଟ କରାଯାଇଥିଲା। ବିଷ୍ଣୋଇ ଗ୍ୟାଙ୍ଗ୨୦୨୦-୨୧ ବର୍ଷ ପର୍ଯ୍ୟନ୍ତ ଜବରଦଖଲରୁ କୋଟି କୋଟି ଟଙ୍କା ରୋଜଗାର କରିଥିଲା ଏବଂ ସେହି ଟଙ୍କା ହାୱାଲା ଜରିଆରେ ବିଦେଶ ପଠାଯାଇଥିଲା। 

ଏନଆଇଏ ଅନୁଯାୟୀ, ବିଷ୍ନୋଇଙ୍କ ଗ୍ୟାଙ୍ଗ ଏକଦା କେବଳ ପଞ୍ଜାବରେ ସୀମିତ ଥିଲା। କିନ୍ତୁ ନିଜ ଦୁଷ୍ଟ ମନ ଓ ଘନିଷ୍ଠ ସହଯୋଗୀ ଗୋଲ୍ଡି ବ୍ରାରଙ୍କୁ ନେଇ ସେ ହରିୟାଣା, ଦିଲ୍ଲୀ ଓ ରାଜସ୍ଥାନର ଗ୍ୟାଙ୍ଗ ସହ ମିଶି ଏକ ବଡ଼ ଗ୍ୟାଙ୍ଗ ଗଠନ କରିଥିଲେ। ବିଷ୍ଣୋଇ ଗ୍ୟାଙ୍ଗବର୍ତ୍ତମାନ ପଞ୍ଜାବ, ଉତ୍ତରପ୍ରଦେଶ, ହରିୟାଣା, ମହାରାଷ୍ଟ୍ର, ଦିଲ୍ଲୀ, ରାଜସ୍ଥାନ ଓ ଝାଡ଼ଖଣ୍ଡ ସମେତ ଉତ୍ତର ଭାରତରେ ବ୍ୟାପିଛି। ସୋସିଆଲ ମିଡିଆ ଏବଂ ବିଭିନ୍ନ ପଦ୍ଧତି ମାଧ୍ୟମରେ ଯୁବକମାନଙ୍କୁ ଗ୍ୟାଙ୍ଗରେ ନିଯୁକ୍ତି ଦିଆଯାଏ। ଏହି ଗ୍ୟାଙ୍ଗ୍ ଆମେରିକା, ଆଜରବାଇଜାନ, ପର୍ତ୍ତୁଗାଲ, ୟୁଏଇ ଓ ରୁଷିଆରେ ବ୍ୟାପିଛି। 

ଅଧିକ ପଢ଼ନ୍ତୁ: ଭାରତକୁ ଧମକ ଦିଆଗଲେ, 'ବଡ଼ ପଦକ୍ଷେପ' ନେବାକୁ ପଛଘୁଞ୍ଚା ଦେବ ନାହିଁ