ଗାଜା ଷ୍ଟ୍ରିପ୍: ଇସ୍ରାଏଲ ଏବଂ ହମାସ ମଧ୍ୟରେ ୨୧ ମାସ ଧରି ଚାଲିଥିବା ଯୁଦ୍ଧରେ ୬୦ ହଜାରରୁ ଅଧିକ ପାଲେଷ୍ଟାଇନ ନାଗରିକଙ୍କ ମୃତ୍ୟୁ ହୋଇଛି। ଗାଜାର ସ୍ୱାସ୍ଥ୍ୟ ମନ୍ତ୍ରଣାଳୟ ମଙ୍ଗଳବାର ଦିନ କହିଛି ଯେ ୨୦୨୩ ଅକ୍ଟୋବର ୭ରେ ହମାସ ଆକ୍ରମଣ ପରେ ମୃତ୍ୟୁ ସଂଖ୍ୟା ୬୦,୦୩୪କୁ ବୃଦ୍ଧି ପାଇଛି ଏବଂ ୧,୪୫,୮୭୦ ଲୋକ ଆହତ ହୋଇଛନ୍ତି। ଏଥିରେ ମୃତକଙ୍କ ମଧ୍ୟରୁ କେତେ ଜଣ ସାଧାରଣ ନାଗରିକ କିମ୍ବା ଆତଙ୍କବାଦୀ ତାହା କୁହାଯାଇ ନାହିଁ। ମନ୍ତ୍ରଣାଳୟ କହିଛି ଯେ ମୃତକଙ୍କ ମଧ୍ୟରୁ ପ୍ରାୟ ଅଧା ମହିଳା ଏବଂ ଶିଶୁ। ଜାତିସଂଘ ଏବଂ ଅନ୍ୟାନ୍ୟ ସ୍ୱାଧୀନ ବିଶେଷଜ୍ଞମାନେ ଏହାର ସଂଖ୍ୟାକୁ ମୃତାହତଙ୍କ ସବୁଠାରୁ ନିର୍ଭରଯୋଗ୍ୟ ସଂଖ୍ୟା ବୋଲି ବିବେଚନା କରନ୍ତି।

ଇସ୍ରାଏଲୀୟ ଆକ୍ରମଣ ଗାଜାର ବିସ୍ତୃତ ଅଞ୍ଚଳକୁ ନଷ୍ଟ କରିଛି, ପ୍ରାୟ ୯୦ ପ୍ରତିଶତ ଜନସଂଖ୍ୟାକୁ ବିସ୍ଥାପିତ କରିଛି ଏବଂ ଗାଜାରେ ଏକ ଭୟଙ୍କର ମାନବିକ ସଙ୍କଟ ସୃଷ୍ଟି କରିଛି, ଯାହା ଯୋଗୁଁ ବିଶେଷଜ୍ଞମାନେ ଦୁର୍ଭିକ୍ଷର ଚେତାବନୀ ଦେଇଛନ୍ତି।

ଖାଦ୍ୟ ସଙ୍କଟ ସହିତ ଜଡିତ ଅନ୍ତର୍ଜାତୀୟ କର୍ତ୍ତୃପକ୍ଷ କହିଛନ୍ତି ଯେ ଗାଜା ଷ୍ଟ୍ରିଫ୍ରେ ବର୍ତ୍ତମାନ ଦୁର୍ଭିକ୍ଷର ସବୁଠାରୁ ଖରାପ ପରିସ୍ଥିତି ସୃଷ୍ଟି ହେଉଛି ଏବଂ ଯଦି ତୁରନ୍ତ ପଦକ୍ଷେପ ନିଆ ନ ଯାଏ। ବହୁ ସଂଖ୍ୟକ ଲୋକଙ୍କ ଜୀବନ ଯିବାର ସମ୍ଭାବନା ରହିଛି। ଗାଜାରୁ ଅପପୁଷ୍ଟିର ଶିକାର ଶିଶୁଙ୍କ ଚିତ୍ର ଏବଂ ଅନାହାର ଘଟଣାର ରିପୋର୍ଟ ମଧ୍ୟରେ ମଙ୍ଗଳବାର ସମନ୍ୱିତ ଖାଦ୍ୟ ସୁରକ୍ଷା ପର୍ଯ୍ୟାୟ ବର୍ଗୀକରଣ ଏହି ବିବୃତ୍ତି ଦେଇଛି।

ସେ କହିଛନ୍ତି ଯେ ଏହି ଚେତାବନୀ ଏକ ସତର୍କ ଘଣ୍ଟି। ଇସ୍ରାଏଲ ଗାଜାକୁ ଖାଦ୍ୟ ଶସ୍ୟ ଯୋଗାଣ ବୃଦ୍ଧି କରିବା ପାଇଁ ଗତ କିଛି ଦିନ ମଧ୍ୟରେ ଅନେକ ନୂତନ ପଦକ୍ଷେପ ଘୋଷଣା କରିଛି। ସହାୟତା ଗୋଷ୍ଠୀଗୁଡ଼ିକ କହିଛନ୍ତି ଯେ ଏହି ପଦକ୍ଷେପଗୁଡ଼ିକର କୌଣସି ତୁରନ୍ତ ପ୍ରଭାବ ପଡ଼ିନାହିଁ।

ଗାଜାରେ ସୁରକ୍ଷା ବ୍ୟବସ୍ଥା ଭୁଶୁଡ଼ି ପଡ଼ିଛି। ଭୋକିଲା ପାଲେଷ୍ଟାଇନୀମାନଙ୍କୁ ସୁରକ୍ଷିତ ଭାବରେ ଖାଦ୍ୟ ପହଞ୍ଚାଇବା ପ୍ରାୟ ଅସମ୍ଭବ ହୋଇଗଲାଣି। ସେଠାରେ ପହଞ୍ଚିଥିବା ସୀମିତ ସହାୟତା କଳା ବଜାରରେ ବିକ୍ରି ହେବା ଆରମ୍ଭ ହୋଇଛି।

ଅଧିକ ପଢ଼ନ୍ତୁ: ରାସ୍ତା ନିର୍ମାଣ ପାଇଁ ଦେଶରେ ପ୍ରଥମ ଥର ପାଇଁ ବ୍ୟବହୃତ ହେବ ଏଆଇ