କାଠମାଣ୍ଡୁ: ନେପାଳୀ ପର୍ବତାରୋହୀ କାମି ରିତା ଶେର୍ପା ରବିବାର ୩୨ତମ ଥର ପାଇଁ ମାଉଣ୍ଟ ଏଭରେଷ୍ଟ ଚଢ଼ି ଇତିହାସ ରଚିଛନ୍ତି। ସେ ସର୍ବାଧିକ ସଂଖ୍ୟକ ଆରୋହଣ ପାଇଁ ନିଜ ବିଶ୍ୱ ରେକର୍ଡ ଭାଙ୍ଗିଛନ୍ତି। ୫୬ ବର୍ଷୀୟ ପର୍ବତାରୋହୀ ରବିବାର ସକାଳ ୧୦ଟା ୧୨ରେ ୮୮୪୯ ମିଟର ଉଚ୍ଚ ଶିଖରରେ ପହଞ୍ଚିଥିଲେ। ସେ ୧୪ପିକ୍ସ ଏକ୍ସପିଡିସନ୍ ଦ୍ୱାରା ପରିଚାଳିତ ଏକ ଅଭିଯାନର ନେତୃତ୍ୱ ନେଉଥିଲେ।

ଏଭରେଷ୍ଟ ବେସ୍ କ୍ୟାମ୍ପରେ ପର୍ଯ୍ୟଟନ ବିଭାଗର କ୍ଷେତ୍ର କାର୍ଯ୍ୟାଳୟ ସଫଳ ଆରୋହଣକୁ ନିଶ୍ଚିତ କରିଛି। ପର୍ଯ୍ୟଟନ ବିଭାଗ ଶେର୍ପାଙ୍କୁ ଅଭିନନ୍ଦନ ଜଣାଇ କହିଛି ଯେ ତାଙ୍କର ସଫଳତା ନେପାଳର ପର୍ବତାରୋହଣ କ୍ଷେତ୍ର ଏବଂ ଏହାର ଅନ୍ତର୍ଜାତୀୟ ଖ୍ୟାତି ପାଇଁ ଏକ ଗୁରୁତ୍ୱପୂର୍ଣ୍ଣ ଅବଦାନକୁ ପ୍ରତିନିଧିତ୍ୱ କରେ। କୋଶି ପ୍ରଦେଶର ସୋଲୁଖୁମ୍ବୁ ଜିଲ୍ଲାର ଏକ ଗାଁରେ ଜାନୁଆରୀ ୧୯୭୦ରେ ଜନ୍ମଗ୍ରହଣ କରିଥିବା କାମି ରିତା ୧୯୯୨ରେ ଜଣେ ବୃତ୍ତିଗତ ପର୍ବତାରୋହୀ ଭାବରେ ତାଙ୍କର କ୍ୟାରିଅର ଆରମ୍ଭ କରିଥିଲେ।

କାମି ପ୍ରଥମ ଥର ପାଇଁ ୧୯୯୪ ମସିହାରେ ଏଭରେଷ୍ଟ ପର୍ବତାରୋହୀ ହୋଇଥିଲେ। ସେ ୨୦୨୫ ମେ ୨୭ରେ ତାଙ୍କର ୩୧ତମ ଏଭରେଷ୍ଟ ଆରୋହଣ ସମାପ୍ତ କରିଥିଲେ। ରବିବାର ଦିନ, ‘ପର୍ବତ ରାଣୀ’ ଭାବରେ ଜଣାଶୁଣା ଏବଂ ଏଭରେଷ୍ଟ ଆରୋହଣ କରିଥିବା ପ୍ରଥମ ନେପାଳୀ ମହିଳା ଲାକପା ଶେର୍ପା ତାଙ୍କର ୧୧ତମ ସଫଳ ଶିଖର ଆରୋହଣ ସମାପ୍ତ କରି ନିଜର ବିଶ୍ୱ ରେକର୍ଡ ଭାଙ୍ଗିଥିଲେ। ସେ ରବିବାର ସକାଳ ୯ଟ ୩୦ରେ ଶିଖରରେ ପହଞ୍ଚିଥିଲେ।

ଅଧିକ ପଢ଼ନ୍ତୁ: ଭାରତୀୟ ନୌସେନାରେ ସାମିଲ ହେବ ବ୍ରହ୍ମୋସ୍ କ୍ରୁଜ୍ କ୍ଷେପଣାସ୍ତ୍ରରେ ସଜ୍ଜିତ ୩ଟି ବିପଦପୂର୍ଣ୍ଣ ଯୁଦ୍ଧଜାହାଜ