ୱାଶିଂଟନ: ଶାନ୍ତି ଚୁକ୍ତିନାମାରେ ପହଞ୍ଚିବା ପାଇଁ ପ୍ରୟାସ ମଧ୍ୟରେ ଆମେରିକା ଏବଂ ଇରାନ ମଧ୍ୟରେ ପୁଣି ଥରେ ଉତ୍ତେଜନା ବୃଦ୍ଧି ପାଇଛି। ବୁଧବାର ଇରାନ କୁଏତ ଏବଂ ବାହାରିନରେ ଥିବା ଆମେରିକୀୟ ସାମରିକ ଘାଟି ଉପରେ ଡ୍ରୋନ୍ ଏବଂ କ୍ଷେପଣାସ୍ତ୍ର ସାହାଯ୍ୟରେ ଆକ୍ରମଣ କରିଥିଲା। ପ୍ରତିଶୋଧ ସ୍ୱରୂପ ଆମେରିକୀୟ ସେନା ଇରାନର କ୍ୱେଶମ୍ ଦ୍ୱୀପ ଏବଂ ଅନ୍ୟାନ୍ୟ ଘାଟିକୁ ଟାର୍ଗେଟ କରିଥିଲା।

ଆମେରିକାର କେନ୍ଦ୍ରୀୟ କମାଣ୍ଡ ଏକ ବିବୃତ୍ତି ଜାରି କରି କହିଛି ଯେ ତେହେରାନ ଏହାର ପଡ଼ୋଶୀ ଦେଶଗୁଡ଼ିକ ଉପରେ ଡ୍ରୋନ୍ ଏବଂ କ୍ଷେପଣାସ୍ତ୍ର ଆକ୍ରମଣ କରିଥିଲା, ଯାହା ସବୁ ବିଫଳ ହୋଇଥିଲା। କୁଏତରେ ଇରାନର କ୍ଷେପଣାସ୍ତ୍ର ସେମାନଙ୍କ ଲକ୍ଷ୍ୟ ହରାଇଥିଲା କିମ୍ବା ରାସ୍ତାରେ ଧ୍ୱଂସ କରାଯାଇଥିଲା। ବାହାରିନ ଉପରେ ନିକ୍ଷେପ କରାଯାଇଥିବା ତିନୋଟି କ୍ଷେପଣାସ୍ତ୍ର ମଧ୍ୟ ଆମେରିକା ଏବଂ ବାହାରିନ ବାୟୁ ପ୍ରତିରକ୍ଷା ପ୍ରଣାଳୀ ଦ୍ୱାରା ପ୍ରତିରୋଧ କରାଯାଇଥିଲା।

ଆମେରିକାର କେନ୍ଦ୍ରୀୟ କମାଣ୍ଡ ସାମାଜିକ ଗଣମାଧ୍ୟମ ‘ଏକ୍ସ’ରେ ପୋଷ୍ଟ କରି କହିଛି, ‘ଇରାନର ଇସଲାମିକ୍ ରିଭଲ୍ୟୁସନରୀ ଗାର୍ଡ କର୍ପସ ବାହାରିନରେ ଥିବା ଆମେରିକୀୟ ୫ମ ଫ୍ଲିଟ୍ ମୁଖ୍ୟାଳୟ ଏବଂ ଏହି ଅଞ୍ଚଳରେ ଥିବା ଏକ ଆମେରିକୀୟ ଏୟାରବେସ ଉପରେ କ୍ଷେପଣାସ୍ତ୍ର ଏବଂ ଡ୍ରୋନ୍ ସାହାଯ୍ୟରେ ଆକ୍ରମଣ କରିଥିବା ଦାବି କରିଛି। ଏହି ଦାବି ସମ୍ପୂର୍ଣ୍ଣ ମିଥ୍ୟା। ଆମେରିକୀୟ ସେନା ଉପରେ ସମସ୍ତ ଇରାନୀ ଆକ୍ରମଣ ବିଫଳ ହୋଇଛି। ଆମେରିକୀୟ ସେନା ସଜାଗ ଏବଂ ଇରାନର ଯେକୌଣସି ଆକ୍ରମଣ ବିରୁଦ୍ଧରେ ପ୍ରତିରକ୍ଷା କରିବାକୁ ପ୍ରସ୍ତୁତ।

ଅଧିକ ପଢ଼ନ୍ତୁ: