ନୂଆଦିଲ୍ଲୀ: ଦିଲ୍ଲୀରୁ ହଜ୍‌ଯାତ୍ରା-୨୦୨୫ ପାଇଁ ବାହାରିଥିବା ହଜ୍ ଯାତ୍ରୀଙ୍କୁ ପ୍ରଶିକ୍ଷଣ ଦେବା ଉଦ୍ଦେଶ୍ୟରେ ଦିଲ୍ଲୀ ରାଜ୍ୟ ହଜ୍ କମିଟି ପକ୍ଷରୁ ୧୫ ଦିନିଆ ପ୍ରଶିକ୍ଷଣ ଶିବିର ଆୟୋଜନ କରାଯାଇଛି। ଫେବ୍ରୁଆରି ୧୧ତାରିଖରୁ ଆରମ୍ଭ ହୋଇଥିବା ଏହି ଶିବିର ଫେବ୍ରୁଆରି ୨୫ ତାରିଖ ପର୍ଯ୍ୟନ୍ତ ଚାଲିବ। ହଜ୍ କମିଟିର ଅଧ୍ୟକ୍ଷ କୌସର ଜାହାଁ କହିଛନ୍ତି ଯେ ତୀର୍ଥଯାତ୍ରୀଙ୍କ ପାଇଁ ସମସ୍ତ ସୁବିଧା ସୁନିଶ୍ଚିତ କରିବା ପାଇଁ ଦିଲ୍ଲୀ ହଜ୍ କମିଟି ପ୍ରତିଶ୍ରୁତିବଦ୍ଧ। ଏହି ପରିପ୍ରେକ୍ଷୀରେ ଗଣମାଧ୍ୟମକୁ ସୂଚନା ପ୍ରଦାନ କରିବା ସମୟରେ ଦିଲ୍ଲୀ ରାଜ୍ୟ ହଜ୍ କମିଟିର କାର୍ଯ୍ୟନିର୍ବାହୀ ଅଧିକାରୀ ଅଶଫାକ ଅହମ୍ମଦ ଆର୍ଫି ଉଲ୍ଲେଖ କରିଛନ୍ତି ଯେ ଏହି ଅବସରରେ ଅଧ୍ୟକ୍ଷ କୌସର ଜାହାଁ ସମସ୍ତ ହଜ୍ ଯାତ୍ରୀଙ୍କୁ ସେମାନଙ୍କ ମନୋନୀତ ହଜ୍ ଯାତ୍ରା ପାଇଁ ଅଭିନନ୍ଦନ ଜଣାଇବା ସହ ସେମାନଙ୍କ ସଫଳ ଯାତ୍ରା ପାଇଁ ଶୁଭେଚ୍ଛା ଜଣାଇଛନ୍ତି।

ଦିଲ୍ଲୀ ରାଜ୍ୟ ହଜ୍ କମିଟି ପ୍ରତିବର୍ଷ ହଜ୍ ଯାତ୍ରା ପାଇଁ ଯାଉଥିବା ତୀର୍ଥଯାତ୍ରୀମାନଙ୍କ ପାଇଁ ପର୍ଯ୍ୟାୟକ୍ରମେ ପ୍ରଶିକ୍ଷଣ ଶିବିର ଆୟୋଜନ କରିଥାଏ। ଚଳିତ ବର୍ଷ ହଜ୍ ଯାତ୍ରା ପୂର୍ବରୁ ତୀର୍ଥଯାତ୍ରୀଙ୍କୁ ସମ୍ପୂର୍ଣ୍ଣ ସୂଚନା ଓ ମାର୍ଗଦର୍ଶନ ଦେବା ପାଇଁ ଏକ ଶିବିରର ଆୟୋଜନ କରାଯାଇଛି। ଏହାବ୍ୟତୀତ ପବିତ୍ର ରମଜାନ ମାସ ପରେ ଦିଲ୍ଲୀର ବିଭିନ୍ନ ଅଞ୍ଚଳରେ ଦ୍ବିତୀୟ ପର୍ଯ୍ୟାୟ ପ୍ରଶିକ୍ଷଣ କରାଯିବ।

ଚଳିତ ବର୍ଷ ୨୯୦୦ ତୀର୍ଥଯାତ୍ରୀ ଦିଲ୍ଲୀରୁ ହଜ୍ ଅଭିମୁଖେ ଯାତ୍ରା କରିବେ ଏବଂ ସମୁଦାୟ ୧୬,୪୦୦ ହଜ୍ ତୀର୍ଥଯାତ୍ରୀ ଦିଲ୍ଲୀରୁ ସାଉଦି ଆରବର ପବିତ୍ର ସହର ମକ୍କା ଏବଂ ମଦିନା ଅଭିମୁଖେ ଯାତ୍ରା କରିବେ। ହଜ୍ ଯାତ୍ରା ପାଇଁ ବିମାନ ଦୁଇଟି ପର୍ଯ୍ୟାୟରେ ଯାତ୍ରା କରିବ। ପ୍ରଥମ ପର୍ଯ୍ୟାୟ ଏପ୍ରିଲ ୨୯ରୁ ମେ ୧୫ ପର୍ଯ୍ୟନ୍ତ ଚାଲିବ ଏବଂ ଦ୍ବିତୀୟ ପର୍ଯ୍ୟାୟ ମେ ୧୬ରୁ ମେ ୩୦ ପର୍ଯ୍ୟନ୍ତ ଚାଲିବ। ହଜ୍ ଯାତ୍ରୀଙ୍କ ସୁବିଧା କୁ ସୁନିଶ୍ଚିତ କରିବା ପାଇଁ ଦିଲ୍ଲୀ ରାଜ୍ୟ ହଜ୍ କମିଟି ଯାତ୍ରାକୁ ସୁରୁଖୁରୁରେ ଏବଂ ସଂଗଠିତ କରିବା ପାଇଁ ସମସ୍ତ ଆବଶ୍ୟକ ୀୟ ବ୍ୟବସ୍ଥା କରୁଛି।

ଅଧିକ ପଢ଼ନ୍ତୁ: ବିହାର ମୁଖ୍ୟମନ୍ତ୍ରୀ ଶିଳାନ୍ୟାସ-ଲୋକାର୍ପଣ କରିବେ ୧୪୪୭ ପ୍ରକଳ୍ପ