ଶିମଲା: ହିମାଚଳ ପ୍ରଦେଶର ମଣ୍ଡି ଜିଲ୍ଲାରେ ରବିବାର ଭୋର ସକାଳୁ ଏକ ଭୟଙ୍କର ଦୁର୍ଘଟଣାରେ ତିନି ଜଣ ଯୁବକଙ୍କ ମୃତ୍ୟୁ ଘଟିଛି ଏବଂ ଜଣେ ଗୁରୁତର ଆହତ ହୋଇଛନ୍ତି। ଦୁର୍ଘଟଣାଟି ପ୍ରାୟ ୪ଟା ସମୟରେ ଘଟିଛି। ଚାରି ଜଣ ବନ୍ଧୁ ଏକ କାର ଯୋଗେ ଘରୁ ବାହାରିଥିଲେ ଏବଂ ଜିପ୍ ବୁନାଲିଧର ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁଇ ଜଣ ଯୁବକଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ତୃତୀୟ ଜଣକ ଏକ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଥିଲେ। ଦୁର୍ଘଟଣାଟି ସେମାନଙ୍କ ଘରୁ ୨୪ କିଲୋମିଟର ଦୂରରେ ଘଟିଥିଲା। ଗାଡ଼ିଟି ବାଗସ୍ୟାଦର ବାସିନ୍ଦା ଯୋଗରାଜଙ୍କର ଥିଲା। ଯୋଗରାଜଙ୍କ ପୁଅ ହାର୍ଦ୍ଦିକ ମଧ୍ୟ ଦୁର୍ଘଟଣାରେ ମୃତ୍ୟୁବରଣ କରିଥିଲେ।

ରବିବାର ସକାଳେ ଚାରି ଜଣ ବନ୍ଧୁ କାହାକୁ କିଛି ନ ଜଣାଇ ସେମାନଙ୍କ ଜିପ୍ HP65 5148ରେ ଘରୁ ବାହାରିଥିଲେ। ସେମାନଙ୍କ ଘରୁ ଅଳ୍ପ ଦୂରରେ ଲାମ୍ବାଥାଚ-କଲାହାନି ରାସ୍ତାରେ ବୁନାଲିଧର ନିକଟରେ ଗାଡ଼ିଟି ନିୟନ୍ତ୍ରଣ ହରାଇ ୨୦୦ ମିଟର ଗଭୀର ଗର୍ତ୍ତରେ ପଡ଼ିଥିଲା। ଖସିପଡ଼ିଥିବା ଗାଡ଼ିର ଶବ୍ଦ ଶୁଣି ପାଖ ଅଞ୍ଚଳର ଲୋକମାନେ ଘଟଣାସ୍ଥଳରେ ପହଞ୍ଚି ଦେଖିଲେ ଯେ ଗାଡ଼ି ବାହାରେ ଦୁଇ ଜଣ ଯୁବକ ପଡ଼ିଛନ୍ତି। ଭିତରେ ଦୁଇଜଣ ଅଛନ୍ତି। ଏହି ଆହତମାନଙ୍କୁ ତୁରନ୍ତ ଉଠାଇ ଡାକ୍ତରଖାନା ନିଆଯାଇଥିଲା ଯେଉଁଠାରେ ଡାକ୍ତର ଦୁଇ ଯୁବକଙ୍କୁ ମୃତ ଘୋଷଣା କରିଥିଲେ ଏବଂ କିଛି ସମୟ ପରେ ତୃତୀୟ ଜଣଙ୍କର ମୃତ୍ୟୁ ହୋଇଥିଲା।

ଦୁର୍ଘଟଣା ସମ୍ପର୍କରେ ସୂଚନା ପାଇ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚିଥିଲା। ଦୁର୍ଘଟଣା ଏତେ ଭୟଙ୍କର ଥିଲା ଯେ ଯୁବକମାନଙ୍କୁ ଚିହ୍ନଟ କରାଯାଇ ପାରିଲା ନାହିଁ। କୁହାଯାଉଛି ଯେ ଯୁବକମାନେ ଆଇଟିଆଇରେ ପାଠପଢ଼ୁଥିଲେ। ଅନ୍ୟପକ୍ଷରେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ପୋଲିସ ଷ୍ଟେସନ ଇନଚାର୍ଜ ଜାଞ୍ଜେହଲି ରାମକୃଷ୍ଣ କହିଛନ୍ତି ଯେ ପୋଲିସ ଘଟଣାସ୍ଥଳରେ ପହଞ୍ଚିଛି ଏବଂ ଦୁର୍ଘଟଣାର କାରଣ ତଦନ୍ତ କରାଯାଉଛି।

ଅଧିକ ପଢ଼ନ୍ତୁ: ପ୍ରଧାନମନ୍ତ୍ରୀ ମୋଦୀଙ୍କୁ ନିମନ୍ତ୍ରଣ କଲା ବାଂଲାଦେଶ