ନୂଆଦିଲ୍ଲୀ: ଜମ୍ମୁ କଶ୍ମୀରର ସୁରକ୍ଷା ପରିସ୍ଥିତି ଉପରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ  ଗୁରୁବାର ଦିଲ୍ଲୀରେ  ଏକ ଉଚ୍ଚସ୍ତରୀୟ ବୈଠକର ଅଧ୍ୟକ୍ଷତା କରିବେ। ଲେଫ୍ଟନାଣ୍ଟ ରାଜ୍ୟପାଳ ମନୋଜ ସିହ୍ନା, କେନ୍ଦ୍ର ଗୃହ ସଚିବ ଗୋବିନ୍ଦ ମୋହନ, ଗୁଇନ୍ଦା ବ୍ୟୁରୋ ନିର୍ଦ୍ଦେଶକ ତପନ ଡେକା ଏବଂ ଜମ୍ମୁ-କାଶ୍ମୀର ପୋଲିସ ମୁଖ୍ୟ ନଳିନ ପ୍ରଭାତଙ୍କ ସମେତ ଅନ୍ୟମାନେ ଯୋଗଦେବାର ଆଶା କରାଯାଉଛି।

ଅଧିକାରୀମାନେ କହିଛନ୍ତି ଯେ ବୈଠକରେ ପିର ପଞ୍ଜାଲ ଅଞ୍ଚଳର ସୁରକ୍ଷା ପରିସ୍ଥିତି ଏବଂ କେନ୍ଦ୍ର ଶାସିତ ଅଞ୍ଚଳରେ ଚାଲିଥିବା ବିକାଶ ପ୍ରକଳ୍ପଗୁଡ଼ିକର ସମୀକ୍ଷା କରାଯିବ। ଶାହ ସେପ୍ଟେମ୍ବର ୧ରେ ଜମ୍ମୁ କଶ୍ମୀର ଉପରେ ଶେଷ ସମୀକ୍ଷା ବୈଠକର ଅଧ୍ୟକ୍ଷତା କରିଥିଲେ।

ଜଣେ ଅଧିକାରୀ କହିଛନ୍ତି ଯେ ଗୃହମନ୍ତ୍ରୀ ଆତଙ୍କବାଦ ବିରୁଦ୍ଧରେ ଶୂନ୍ୟ ସହନଶୀଳତା ନୀତି ଉପରେ ଗୁରୁତ୍ୱାରୋପ କରିବାର ସମ୍ଭାବନା ଅଛି ଏବଂ ଜମ୍ମୁ କଶ୍ମୀରରେ ଆତଙ୍କବାଦକୁ ଦୂର କରିବା ପାଇଁ ସମସ୍ତ ସୁରକ୍ଷା ଏଜେନ୍ସିକୁ ସଜାଗ ରହିବା ଏବଂ ସମନ୍ୱିତ ଭାବରେ କାମ କରିବାକୁ ନିର୍ଦ୍ଦେଶ ଦେଇପାରନ୍ତି।

ଅଧିକ ପଢ଼ନ୍ତୁ: ଭୋର ସକାଳୁ ଭୂପୃଷ୍ଠରରୁ ୫କିମି ଗଭୀରରେ ଥରିଲା ପୃଥିବୀ