ବିଶ୍ୱର ବନ୍ୟଜନ୍ତୁ ବେଆଇନ କାରବାରରେ ବଜ୍ରକାପ୍ତା ଚାଲାଣ ସବୁଠୁ ଅଧିକ, ରହିଛି ଏହି କାରଣ
Khabar Odisha:Pangolian-Most-traficked-Animal-in-World
ଭୁବନେଶ୍ୱର, ଜାନୁଆରୀ 23 (ଖବର ଓଡିଶା) :

ସାରା ବିଶ୍ୱରେ ବନ୍ୟଜନ୍ତୁ ଚୋରାଚାଲାଣ କାରବାର ବୃଦ୍ଧି ପାଇବାରେ ଲାଗିଛି  । ବନ୍ୟଜନ୍ତୁ ଚାଲାଣ କାରବାର ଭିତରେ ବଜ୍ରକାପ୍ତା ଚାଲାଣ ସବୁଠାରୁ ଅଧିକ  ।  ଇଣ୍ଟରନ୍ୟାସନାଲ ୟୁନିଅନ୍ ଫର କନଭର୍ସନ ଅଫ୍ ନେଚର ଅନୁଯାୟୀ, ବିଶ୍ୱରେ ବନ୍ୟଜନ୍ତୁ ବେଆଇନ କାରବାରର 20 ପ୍ରତିଶତ କେବଳ ପାଙ୍ଗୋଲିନ ଅର୍ଥାତ ବଜ୍ରକାପ୍ତା ଚାଲାଣ ହେଉଛି  । ବିଶେଷ କରି ଚାଇନାରେ ଏହି ପଶୁର ଚାହିଦା ଅଧିକ  । କାରଣ ବଜ୍ରକାପ୍ତାର ଚର୍ମ ଏବଂ ମାଂସରୁ ତିଆରି ହେଉଛି ପାରମ୍ପାରିକ ଔଷଧ  ।

ସାରା ବିଶ୍ୱରେ ବଜ୍ରକାପ୍ତା ଚୋରା ଚାଲାଣ କରାଯାଉଛି   ବଜ୍ରକାପ୍ତା ସ୍ତନ୍ୟପାୟୀ ଜୀବମାନଙ୍କ ଶ୍ରେଣୀର  । ଦଶନ୍ଧି ଧରି ଏହି ଜୀବକୁ ସାରା ବିଶ୍ୱରେ ଚୋରା ଚାଲାଣ କରାଯାଉଛି   ଏହି ବଜ୍ରକାପ୍ତାରୁ ନିର୍ମିତ ଔଷଧଗୁଡିକ ବହୁମୂଲ୍ୟରେ ବିକ୍ରି ହୁଏ    ପରିସ୍ଥିତି ଏପରି ହୋଇଛି ଯେ ବଜ୍ରକାପ୍ତା ବର୍ତ୍ତମାନ ବିଲୁପ୍ତ ଜୀବମାନଙ୍କ ବର୍ଗରେ ପହଞ୍ଚି ସାରିଛି   ବଜ୍ରକାପ୍ତା ପ୍ରାୟ 60 ମିଲିୟନ ବର୍ଷରୁ ପୃଥିବୀରେ ଦେଖାଯାଉଛି   ଏହି ଜୀବମାନେ ପିମ୍ପୁଡ଼ି ଖାଇ ବଞ୍ଚନ୍ତି  । ଏହି ବଜ୍ରକାପ୍ତାଙ୍କର ମାଂସ ମଧ୍ୟ ବହୁତ ଉତ୍ସାହ ସହିତ ଲୋକ ଖାଆନ୍ତି  । ଏକ କିଲୋ ବଜ୍ରକାପ୍ତା ମାଂସର ମୂଲ୍ୟ ପ୍ରାୟ 27,000 ଟଙ୍କା  । ବଜ୍ରକାପ୍ତା  ମାଂସ ଅନ୍ୟ ପ୍ରାଣୀମାନଙ୍କ ଭଳି ବଜାରରେ ବିକ୍ରି ହୁଏ ନାହିଁ, ଏହା କେବଳ ଦାମୀ ରେଷ୍ଟୁରାଣ୍ଟଗୁଡିକ ବିକ୍ରି ହୋଇଥାଏ 

ଚାଇନାର ପାରମ୍ପରିକ ଔଷଧ ତିଆରିରେ ଏହି ବଜ୍ରକାପ୍ତା ବ୍ୟବହାର ହୋଇଥାଏ   ବଜ୍ରକାପ୍ତାର ମାଂସରୁ ବିଭିନ୍ନ ଔଷଧ ତିଆରି କରାଯାଏ, କେବଳ ଏତିକି ନୁହେଁ ଏହାର ଖୋଳରୁ ବିଭିନ୍ନ ପ୍ରକାର ଔଷଧ ହୋଇଥାଏ   ପ୍ରତ୍ୟେକ ଔଷଧ ଭିନ୍ନ ରୋଗ ପାଇଁ ବ୍ୟବହୃତ କରାଯାଉଛି  । ବଜ୍ରକାପ୍ତା ଖୋଳ କଠିନ ଥିବାରୁ  ଏହାକୁ ଗରମ ପାଣି କିମ୍ବା ଆଲକହଲରେ ଦ୍ରବୀଭୂତ କରି ସେବନ କରାଯାଏ 

 

  • Tags:

Subscribe

National International State Sports Entertainment