ଖେଳ ପଡ଼ିଆରେ ଚାଲିଗଲା ଖେଳାଳିଙ୍କ ଜୀବନ । ଏପରି ଏକ ହୃଦୟବିଦାରକ ଘଟଣା ଇଣ୍ଡୋନେସିଆର  ସିଲିବାଙ୍ଗି ଷ୍ଟାଡିୟମରେ ଦେଖିବାକୁ ମିଳିଛି । ଖେଳାଳି ଜଣଙ୍କ ଖେଳୁଥିବା ସମୟରେ ହଠାତ ବିଜୁଳି ମାରିଥିଲା ଯାହାଫଳରେ ଖେଳାଳି ଜଣଙ୍କର ଜୀବନ ଚାଲିଯାଇଥିଲା । ସୂଚନା ଅନୁସାରେ, ଗତ ଶନିବାର ଇଣ୍ଡୋନେସିଆର  ସିଲିବାଙ୍ଗି ଷ୍ଟାଡିୟମରେ ଫୁଟବଲ ମ୍ୟାଚ ଚାଲିଥିଲା  । ଏହି ମ୍ୟାଚ୍ ଚାଲୁଥିବା ସମୟରେ ସେଠାକାର ପାଣିପାଗର ପରିବର୍ତ୍ତନ ଆସିଲା ।

ବର୍ଷା ପାଗ ହେବାସହିତ ବିଜୁଳି , ଘଡ଼ଘଡ଼ି ମାରିବା ଆରମ୍ଭ କରିଥିଲା । ଠିକ ଏହି ସମୟରେ  ବିଜୁଳି ଜଣେ ଖେଳାଳିଙ୍କ ଉପରେ ପଡିଥିଲା । ସେହି ଘଟଣାସ୍ଥଳରେ ହିଁ ଖେଳାଳି ଜଣଙ୍କ ଟଳି ପଡ଼ିଥିଲେ । ପଡ଼ିଆରେ ଥିବା ସାଥି ଖେଳାଳିମାନେ ହଠାତ କିଛି ବୁଝି ପାରିଲେନାହିଁ । କିଛି ସମୟ ପରେ ସାଥି ଖେଳାଳିମାନେ ଖେଳାଳି ଜଣଙ୍କୁ ମେଡିକାଲରେ ଭର୍ତ୍ତି କରିଥିଲେ । ସେଠାରେ ଡାକ୍ତର ତାଙ୍କୁ ମୃତ ବୋଲି ଘୋଷଣା କରିଥିଲେ । ସେହି ସମୟର ଦୃଶ୍ୟ ଅତି ଭୟଙ୍କର ଥିଲା  । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରଲ ହେବାରେ ଲାଗିଛି  । ଏ  ଭିଡିଓକୁ ଦେଖିଲେ , ଏମିତି ବି ମୃତ୍ୟୁ ଆସେ ଭାବନାଟି ସତ ଭଳି ଲାଗୁଛି ।