ୱାଶିଂଟନ୍: ଟେକ୍ସାସର ହିଲ୍ କଣ୍ଟ୍ରି ଅଞ୍ଚଳରେ ଏକ ଛୋଟ ବିମାନ ଗଛକୁ ଧକ୍କା ଦେବାରୁ ୫ ଜଣଙ୍କର ମୃତ୍ୟୁ ଘଟିଛି। ସମସ୍ତ ମୃତକ ଏକ ଟୁର୍ଣ୍ଣାମେଣ୍ଟକୁ ଯାଉଥିବା ପିକଲ୍ ବଲ୍ ଖେଳାଳି ଥିଲେ। ଅଧିକାରୀମାନେ ଶୁକ୍ରବାର କହିଛନ୍ତି।

ଟେକ୍ସାସର ଜନ ସୁରକ୍ଷା ବିଭାଗ ଅନୁଯାୟୀ ଅଷ୍ଟିନ୍ ଠାରୁ ପ୍ରାୟ ୪୦ ମାଇଲ୍ (୬୫ କିଲୋମିଟର) ଦକ୍ଷିଣ-ପଶ୍ଚିମରେ ଥିବା ୱିମ୍ବରଲି ସହରରେ ଗୁରୁବାର ରାତି ପ୍ରାୟ ୧୧ଟା ସମୟରେ ଏହି ଦୁର୍ଘଟଣା ଘଟିଥିଲା। ସାର୍ଜେଣ୍ଟ ବିଲି ରେ ସାମ୍ବାଦିକମାନଙ୍କୁ କହିଛନ୍ତି ଯେ ପାଇଲଟ୍ ଏବଂ ଚାରି ଜଣ ଯାତ୍ରୀଙ୍କୁ ଘଟଣାସ୍ଥଳେ ମୃତ ଘୋଷଣା କରାଯାଇଥିଲା।

କର୍ତ୍ତୃପକ୍ଷ ତୁରନ୍ତ ମୃତକଙ୍କ ନାମ ପ୍ରକାଶ କରି ନାହାଁନ୍ତି। ଯଦିଓ ଟେକ୍ସାସର ଆମରିଲୋରେ ଥିବା ଆମରିଲୋ ପିକଲ୍ ବଲ୍ କ୍ଲବ୍ କହିଛି ଯେ ସେମାନେ କ୍ଲବ୍ ସଦସ୍ୟ ଥିଲେ ଏବଂ ଏକ ଟୁର୍ଣ୍ଣାମେଣ୍ଟକୁ ଯାଉଥିବା ବେଳେ ଏହି ଦୁର୍ଘଟଣା ଘଟିଥିଲା। 

ଅଧିକ ପଢ଼ନ୍ତୁ: ଜର୍ମାନୀରୁ ୫୦୦୦ ସୈନ୍ୟ ପ୍ରତ୍ୟାହାର କରିବ ଆମେରିକା