ମେରିଡ଼ା: ଆମେରିକୀୟ ଦେଶ ‘ମେକ୍ସିକୋ’ରେ ବଡ଼ଧରରଣ ଗୁଳିକାଣ୍ଡ ହୋଇଛି । ଏଥିରେ ୧୧ ଜଣ ଲୋକଙ୍କର ମୃତ୍ୟୁ ହୋଇଥିବା ନେଇ ଜାତୀୟ ଗଣମାଧ୍ୟମ ରିପୋର୍ଟ କରିଛି । ଚିୟାପାସର ଚିକୋମୁସେଲୋ ସହରରେ ଏହି ସାମୁହିକ ଗୁଳିକାଣ୍ଡ ହୋଇଥିବା ଜଣାପଡ଼ିଛି । 

ସୂଚନାଯୋଗ୍ୟ, ଏହି ଅଞ୍ଚଳ ପ୍ରବାସୀ ଓ ନିଶାଦ୍ରବ୍ୟ ଚାଲାଣ ପାଇଁ ଜଣାଶୁଣା । ନିକଟରେ କାର୍ଟେଲ ଟର୍ଫ ଲଢ଼ାଇ ପାଇଁ ଏହି ଅଞ୍ଚଳ ପ୍ରଭାବିତ ହୋଇଥିଲା । ମୋରେଲିୟାର ଟାଉନଶିପ ଓ ବାହାର ବସ୍ତି, ଗ୍ୱାଟେମାଲା ସହିତ ମେକ୍ସକୋର ସୀମା ନିକଟରେ କମ ଲୋକ ବସବାସ କରନ୍ତି । ସୋମବାର ମଧ୍ୟ ଏହି ଅଞ୍ଚଳରେ ଉତ୍ତେଜନା ପରିସ୍ଥିତି ଦେଖାଯାଇଥିଲା । 

ଚିଆପାସର ସୀମାବର୍ତ୍ତୀ ଅଞ୍ଚଳରେ ଉତ୍ତେଜନା ବଢ଼ି ଥିବାରୁ ଏଠାରୁ ଲୋକଙ୍କୁ ଉଦ୍ଧାର କରାଯାଇ ଅନ୍ୟତ୍ର ଥଇଥାନ କରାଯାଉଛି । କାରଣ କର୍ଟେଲ ପ୍ରବାସୀ, ନିଶାଔଷଧ ଓ ଅସ୍ତ୍ରଶସ୍ତ୍ର ଚାଲାଣର ପେଣ୍ଠ ସ୍ଥଳୀ ପାଲଟିଛି ।