ବ୍ୟାଙ୍କ ଲୁଟ୍ ଘଟଣାର ପର୍ଦ୍ଦାଫାସ୍‌: ୫ କେଜି ସୁନା ଅଳଙ୍କାର ଜବତ, ୯ ଡକାୟତ ଗିରଫ
Khabar Odisha:Bank-robbery-revealed-5-kg-of-gold-jewelery-seized-9-robbers-arrested
ଢେଙ୍କାନାଳ, ଜାନୁଆରୀ ୧୭(ଖବର ଓଡିଶା):

ଢେଙ୍କାନାଳ ଜିଲ୍ଲା ରାସୋଳ ସ୍ଥିତ ଓଡିଶା ଗ୍ରାମ୍ୟ ବ୍ୟାଙ୍କ ଡକାୟତୀ ଘଟଣାର ହୋଇଛି ପର୍ଦ୍ଦାଫାସ । ଏହି ଲୁଟ ଘଟଣାରେ ୯ ଜଣ ଡକାୟତଙ୍କୁ ପୋଲିସ ଗିରଫ କରିବାରେ ସଫଳ ହୋଇଛି । ଏହାସହିତ ଲୁଟ୍ ହୋଇଥିବା ମୋଟ ୭ କେଜି ସୁନା ଅଳଙ୍କାରରୁ ୫ କେଜି ୩୫୮ ଗ୍ରାମ୍ ସୁନା ଗହଣା ପୋଲିସ ଜବତ କରିଛି । 

ତେବେ ଜବତ ହୋଇଥିବା ସୁନାଗହଣାର ଆନୁମାନିକ ମୂଲ୍ୟ ଅଢେଇ କୋଟି ଟଙ୍କା ହେବା ବୋଲି ଅନୁମାନ କରାଯାଉଛି । ସେହିପରି ୧୨ ଲକ୍ଷ ୭୭ ହଜାର ୭୭୩ ଲୁଟ ଟଙ୍କାରୁ ୧୧ ଲକ୍ଷ ୫୫ ହଜାର ଟଙ୍କା ପୋଲିସ ଜବତ କରିଛି । ଦୁଇଟି ବାଇକ, ଗୋଟିଏ ସ୍କୁଟି ଓ ଗୋଟିଏ କାର ମଧ୍ୟ ଜବତ କରାଯାଇଛି । 

ସୂଚନା ଅନୁସାରେ, ଗତ ୧୨ ତାରିଖରେ ୬ ଜଣ ମୁଖାପିନ୍ଧା ଡକାୟତ ବ୍ୟାଙ୍କ କର୍ମଚାରୀଙ୍କୁ ଆକ୍ରମଣ କରି ବ୍ୟାଙ୍କର ଷ୍ଟ୍ରଙ୍ଗ ରୁମରୁ କୋଟି କୋଟି ଟଙ୍କାର ସୁନାଗହଣା ଓ ଲକ୍ଷ ଲକ୍ଷ ଟଙ୍କା ଲୁଟ୍ କରିଥିଲେ ।  

  • Tags:

Subscribe

National International State Sports Entertainment