ରେଡ୍ଡୀ ବର୍ତ୍ତମାନ ଲଣ୍ଡନରେ ଅଛନ୍ତି। ସେଠାରୁ ତାଙ୍କର ଆମେରିକା ଯିବା ଏବଂ ଅଗଷ୍ଟ ୩୦ ରେ ହାଇଦ୍ରାବାଦ ଫେରିବାର ଯୋଜନା ଥିଲା। CM ଅଫିସ ପକ୍ଷରୁ କୁହାଯାଇଛି ଯେ ମୁଖ୍ୟମନ୍ତ୍ରୀ ଏ. ରେଭନ୍ତ ରେଡ୍ଡୀଙ୍କ ନେତୃତ୍ୱାଧୀନ ଆଧିକାରିକ ‘ତେଲେଙ୍ଗାନା-ରାଇଜିଂ’ ପ୍ରତିନିଧିମଣ୍ଡଳୀକୁ ଆମେରିକା ଗସ୍ତ ବାତିଲ କରିବାକୁ ପଡ଼ିଲା, କାରଣ ବୈଦେଶିକ ବ୍ୟାପାର ମନ୍ତ୍ରଣାଳୟ (MEA) ଏଥିପାଇଁ ଅନୁମତି ଦେଇନାହିଁ। ରେଡ୍ଡୀ ଆମେରିକାର ବୋଷ୍ଟନ ଯିବା ବଦଳରେ ଅଗଷ୍ଟ ୨୩ ରେ ଲଣ୍ଡନରୁ ହାଇଦ୍ରାବାଦ ଫେରିବେ। 

ଆମେରିକାରେ କ’ଣ ପ୍ଲାନ୍ ଥିଲା?

ଏହାପରେ ମୁଖ୍ୟମନ୍ତ୍ରୀଙ୍କୁ ଆସନ୍ତା ସପ୍ତାହରେ ଆମେରିକା ଯିବାର ଥିଲା, ଯେଉଁଠାରେ ସେ ହାର୍ଭାର୍ଡ ବିଶ୍ୱବିଦ୍ୟାଳୟ (Harvard University) ଏବଂ ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (MIT) ପରିସର ପରିଦର୍ଶନ କରିଥାନ୍ତେ। ତାଙ୍କର ଅଗଷ୍ଟ ୨୫ ରେ ବୋଷ୍ଟନଠାରେ ଭର୍ଜିନିଆ ଟେକ୍ ୟୁନିଭରସିଟିର ଏକ ଦଳ ସହିତ ଆଲୋଚନାର କାର୍ଯ୍ୟକ୍ରମ ରହିଥିଲା। 

ବ୍ରିଟେନରେ କ’ଣ କାର୍ଯ୍ୟକ୍ରମ?

ରାଜ୍ୟ ସରକାରଙ୍କ ଅନୁଯାୟୀ, ବ୍ରିଟେନରେ ରେଡ୍ଡୀ ଅକ୍ସଫୋର୍ଡ ବିଶ୍ୱବିଦ୍ୟାଳୟର ‘ବ୍ଲାଭାଟନିକ୍ ସ୍କୁଲ ଅଫ୍ ଗଭର୍ଣ୍ଣମେଣ୍ଟ’ ଏବଂ ଏମିରେଟ୍ସ ଷ୍ଟାଡିୟମ୍ ପରିଦର୍ଶନ କରିବାର କାର୍ଯ୍ୟକ୍ରମ ରହିଛି। ରେଡ୍ଡୀ ଏମିରେଟ୍ସ ଷ୍ଟାଡିୟମରେ ଇଂଲିଶ ପ୍ରିମିୟର ଲିଗ୍ (EPL) ଫୁଟବଲ୍ ସମ୍ବନ୍ଧୀୟ ଏକ ଉପସ୍ଥାପନାରେ (Presentation) ଭାଗ ନେବେ। ବ୍ରିଟେନ ଗସ୍ତ ସମୟରେ ରେଡ୍ଡୀ କେମ୍ବ୍ରିଜ୍ ବିଶ୍ୱବିଦ୍ୟାଳୟ, ଲଣ୍ଡନ ବିଶ୍ୱବିଦ୍ୟାଳୟ ଏବଂ ଲଣ୍ଡନ ବିଜନେସ୍ ସ୍କୁଲ (LBS) ରେ ଆଲୋଚନା ଓ ଅନ୍ୟାନ୍ୟ କାର୍ଯ୍ୟକ୍ରମରେ ଯୋଗଦେବାର ଯୋଜନା ରହିଛି।