ଭୁବନେଶ୍ୱର: ରାଜ୍ୟସଭା ନିର୍ବାଚନ ଲାଗି ଚଳିତ ମାସ ୧୬ ପୂର୍ବାହ୍ଣ ୯ଟାରୁ ଅପରାହ୍ଣ ୪ଟା ପର୍ଯ୍ୟନ୍ତ ଭୋଟ ଗ୍ରହଣ ଥିବାରୁ ଏହିଦିନ ବିଧାନସଭା ଚାଲିବ ନାହିଁ। ବିଧାନସଭା କାର୍ଯ୍ୟ ଦିନକ ପାଇଁ ମୁଲତବୀ ରହିବ। ଶୁକ୍ରବାର ଗୃହରେ ଗୃହୀତ କାର୍ଯ୍ୟ ପରାମର୍ଶଦାତା କମିଟିଙ୍କ ରିପୋର୍ଟ ଅନୁଯାୟୀ ଏହା ସ୍ଥିରିକୃତ ହୋଇଛି। ବାଚସ୍ପତି ସୁରମା ପାଢୀ ମାର୍ଚ୍ଚ ୧୬ ରେ ବିଧାନସଭା ମୁଲତବୀ ପାଇଁ ନିର୍ଦ୍ଦେଶ ଦେଇଛନ୍ତି।  

ମୁଲତବୀ ହେତୁ ମାର୍ଚ୍ଚ ୧୬ ବୈଠକରେ ଆଲୋଚନା ହେବାକୁ ଥିବା ପ୍ରଶ୍ନଗୁଡିକର ଉତ୍ତର ୧୭ ତାରିଖ (ମଙ୍ଗଳବାର) ଗୃହରେ ଉପସ୍ଥାପିତ ହେବ ବୋଲି ଧରି ନିଆଯିବ। ଏହା ସହିତ, ସ୍କୁଲ ଏବଂ ଗଣଶିକ୍ଷା ବିଭାଗ ଏବଂ ଉଚ୍ଚଶିକ୍ଷା ବିଭାଗ ସହିତ ଜଡିତ ଅନୁଦାନ ଦାବି, ଯାହା ସୋମବାର ଆଲୋଚନା ଏବଂ ଭୋଟିଂ ପାଇଁ ପୂର୍ବରୁ ସ୍ଥିର କରାଯାଇଥିଲା, ତାହାକୁ ମାର୍ଚ୍ଚ ୨୦ କୁ ପୁନଃନିର୍ଦ୍ଧାରିତ କରାଯାଇଛି। ଅର୍ଥାତ୍ ବିଧାନସଭା କାର୍ଯ୍ୟାଳୟ ଶନିବାର ଏବଂ ରବିବାର ସ୍ୱାଭାବିକ ଭାବରେ କାର୍ଯ୍ୟ କରିବ।

ଅଧିକ ପଢନ୍ତୁ: ଗ୍ୟାସ୍ ତାତି ଭିତରେ ଚାଲିପାରୁନି ବିଧାନସଭା; ଅପରାହ୍ଣ ୪ଟା ଯାଏଁ ଗୃହ ମୁଲତବୀ କଲେ ବାଚସ୍ପତି