ପ୍ରକାଶ ପାଇଲା ଜେଇଇ ଆଡଭାନ୍ସ ୨୦୨୨ ରେଜଲ୍ଟ। ରାଙ୍କ ୱାନରେ ରହିଛନ୍ତି ଆଇଆଇଟି ବମ୍ବେ ଜୋନ୍‌ର ଆର.କେ ଶିଶିର । ମୋଟ ୩୬୦ ନମ୍ବରରୁ ୩୧୪ ନମ୍ବର ରଖିଛନ୍ତି ଶିଶିର। ସେ କର୍ଣ୍ଣାଟକ କମନ ଏଣ୍ଟ୍ରାନ୍ସ ଟେଷ୍ଟରେ ଫାର୍ମାସି ଷ୍ଟ୍ରିମରେ ଟପ୍ କରିଥିଲେ।

ସେହିପରି ରାଙ୍କ ୨ରେ ଅଛନ୍ତି ପି. ଲକ୍ଷ୍ମୀସାଇ ରୋହି ରେଡ୍ଡୀ। ତୃତୀୟରେ ଥୋମାସ ବିଜୁ ଚିରମଭେଲିଲ, ଚତୁର୍ଥରେ ଭି, ସାଇ ସିଦ୍ଧାର୍ଥ, ପଞ୍ଚମରେ ମୟଙ୍କ ମନଓ୍ବାନୀ, ଷଷ୍ଠରେ ପି. କାର୍ତ୍ତିକେୟ, ସପ୍ତମରେ ପ୍ରତୀକ ସାହୁ, ଅଷ୍ଟମରେ ଧୀରଜ କୁରକୁଣ୍ଡା, ନବମରେ ମହିତ ଗାଧିଓ୍ବାଲା, ଦଶମରେ ଭି. ଜ୍ଞାନ ମହେଶ ରହିଛନ୍ତି।

ସେହିପରି ଆଇଆଇଟି ଭୁବନେଶ୍ବରରେ ଜାହ୍ନବୀ ସା, ଆଇଆଇଟି ମାଡ୍ରାସର ପଲ୍ଲୀ ଜଳଜାଖୀ ଓ ଆଇଆଇଟି ରୁରକିର ବିଦୂଷୀ ଟପ୍ପର ହୋଇଛନ୍ତି । ମୋଟ ୧ଲକ୍ଷ ୫୫ହଜାର ୫୩୮ ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ୪୦ହଜାର ୭୧୨ ପିଲାଙ୍କୁ ରାଙ୍କ ମିଳିଛି । ସେମାନଙ୍କ ମଧ୍ୟରେ ଅଛନ୍ତି ୬ହଜାର ୫୧୬ ଛାତ୍ରୀ । jeeadv.ac.inରେ ରେଜଲ୍ଟ ଉପଲବ୍ଧ ହେଉଛି ।