ଟ୍ରକ ଧକ୍କାରେ ୪ ଜଣ ମୃତ୍ୟୁବରଣ କରିଛନ୍ତି । ଗତକାଲି ଅପରାହ୍ନ ୩ଟା ସମୟରେ ତିଗିରିଆ ଥାନା ଅନ୍ତର୍ଗତ ନୂଆସଡ଼କ ଛକ ନିକଟରେ ଏଭଳି ଏକ ଭୟଙ୍କର ଦୁର୍ଘଟଣା ଘଟିଛି  ।

ଘଟଣାସ୍ଥଳରେ ୪ ଜଣ ଯୁବକଙ୍କ ମୃତ୍ୟୁ ଘଟିଥିବା ବେଳେ ଆଉ ଜଣେ ଗୁରୁତର ଅବସ୍ଥାରେ କଟକ ବଡ଼ ଡାକ୍ତରଖାନାରେ ଚିକିତ୍ସ ହେଉଛନ୍ତି । ସୂଚନା ଅନୁସାରେ , ଗତକାଲି  ଅପରାହ୍ନ ୩ଟା ସମୟରେ ନୂଆସଡ଼କ ଛକର ରାସ୍ତାରେ ସଂକେତ ଅଭାବ ଯୋଗୁ ଦ୍ରୁତ ବେଗରେ ଅସୁଥିବା ଏକ ଆଇଚର ଟ୍ରକ ମାଡିଆସିଥିଲା । ଫଳରେ ଘଟଣାସ୍ଥଳରେ ଉପସ୍ଥିତ ଥିବା ୪ ଜଣ ଯୁବକଙ୍କ ଉପରେ ଚଢି ଯାଇଥିଲା । ଆଉ ଘଟଣାସ୍ଥଳରେ ହିଁ ୪ ଜଣଙ୍କର ମୃତ୍ୟୁ ହୋଇଥିଲା । ଆଉ ଜଣେ ଏହି ଦୁର୍ଘଟଣାରେ ଗୁରୁତର ଆହତ ହୋଇଥିଲେ । ତାଙ୍କୁ ତୁରନ୍ତ ନିକଟସ୍ଥ ଆଠଗଡ ଡାକ୍ତରଖାନାରୁ କଟକ ବଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି । ତାଙ୍କ ଅବସ୍ଥା ଏବେ ବହୁତ ଗୁରୁତର ଥିବାର ଜଣାପଡିଛି । ଆଉ ଏପଟେ ମୃତ ୪ ଜଣଙ୍କର ପରିଚୟ ମିଳିଛି । ଖବର ପାଇ ତିଗିରିଆ ଥାନା ଅଧିକାରୀ  ଘଟଣା ସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହ ମିଶି ଗ୍ୟାସ କଟରରେ ଗାଡ଼ିକୁ କାଟି ସମସ୍ତଙ୍କୁ ଉଦ୍ଧାର କରିଛି । ଧକ୍କା ଦେଇଥିବା ଟ୍ରକ ଡ୍ରାଇଭର ଏପର୍ଯ୍ୟନ୍ତ ଫେରାର ଅଛି । ପୋଲିସ ଏ ଘଟଣାର ଅଧିକ ତଦନ୍ତ କରୁଛି । 

ଆଗକୁ ପଢନ୍ତୁ :- ବିଦ୍ୟୁତ ସଂସ୍ପର୍ଶରେ ଆସି ଜଣେ ମୃତ ୨ ଗୁରୁତର