ମାଡ଼ିଗଲା ଟ୍ରକ ଆଉ ଚାଲିଗଲା ୭ ଜୀବନ । ଏଭଳି ଏକ ଅଘଟଣ ଘଟିଛି , ତାମିଲନାଡୁରେ । ଗତକାଲି ତାମିଲନାଡୁର ତିରୁପଥୁର ଜିଲ୍ଲାରେ ୭ଜଣ ଯାତ୍ରୀଙ୍କ ଜୀବନ ଚାଲିଯାଇଛି ।
ସୂଚନା ଅନୁସାରେ, କିଛି ଲୋକ ଏକ ଭ୍ୟାନରେ କେଉଁଆଡେ ଯାତ୍ରା କରୁଥିଲେ। ତିରୁପଥୁର ଜିଲ୍ଲାର ଏକ ସ୍ଥାନରେ ହଠାତ୍ ସେମାନଙ୍କ ଗାଡି ଖରାପ ହୋଇଯାଇଥିଲା। ବହୁତ ସମୟ ଧରି ଅପେକ୍ଷା କରିଥିଲେ ମଧ୍ୟ ଗାଡିଟି ଠିକ ହୋଇନଥିଲା । ଫଳରେ ଯାତ୍ରୀମାନେ ଗାଡିରୁ ଓହ୍ଲାଇ ରାସ୍ତାକଡରେ ବସିଥିଲେ । ମୃତ୍ୟୁ କେତେବେଳେ ଆସେ କେହି କହିପାରିବେ ନାହିଁ । ଏହି ସମୟରେ ଠିକ ବିପରୀତ ଦିଗରୁ ଏକ ବଡ଼ ଟ୍ରକ ଆସୁଥିଲା । ଟ୍ରକଟି ସେହି ଯାତ୍ରୀମାନଙ୍କ ଉପରେ ଚଢ଼ି ଯାଇଥିଲା । ଘଟଣାସ୍ଥଳରେ ହିଁ ୭ ଜଣ ଯାତ୍ରୀଙ୍କ ମୃତ୍ୟୁ ଘଟିଥିଲା । ଏ କଥା ଏବେ ଚାରିଆଡେ ଏକ ଚାଞ୍ଚଲ୍ୟକର ପରିସ୍ଥିତି ସୃଷ୍ଟି କରିଛି । ଏନେଇ ସ୍ଥାନୀୟ ଲୋକମାନଙ୍କ ଠାରୁ ଖବର ପାଇ ପୋଲିସ ମୃତଦେହ ସବୁକୁ ଜବତ କରିଥିଲା । ଏବେ ପୋଲିସ ଏହି ଘଟଣାର ତଦନ୍ତ କରୁଛି । ଏ ପର୍ଯ୍ୟନ୍ତ ଏଘଟଣାରେ ସମ୍ପୃକ୍ତ ଥିବା ଡ୍ରାଇଭର ଧରା ପଡ଼ିନାହିଁ ।