ନୂଆଦିଲ୍ଲୀ: ୟୁନେସ୍କୋର ଅସ୍ଥାୟୀ ବିଶ୍ୱ ଐତିହ୍ୟ ତାଲିକାରେ ଦେଶର ୭ଟି ସୁନ୍ଦର ଐତିହାସିକ ସ୍ଥାନର ନାମ ଅନ୍ତର୍ଭୁକ୍ତ ହୋଇଛି। ଏଥିରେ ପଞ୍ଚଗନିର ଡେକାନ୍ ଟ୍ରାପ୍ସ, ମହାରାଷ୍ଟ୍ରର ମହାବଳେଶ୍ୱର ଏବଂ ଆନ୍ଧ୍ର ପ୍ରଦେଶର ତିରୁମାଲା ପାହାଡ଼ର ନାମ ସାମିଲ ରହିଛି। ୟୁନେସ୍କୋକୁ ଭାରତର ସ୍ଥାୟୀ ପ୍ରତିନିଧି ଦଳ ଅନୁଯାୟୀ ଏହି ୭ଟି ଐତିହ୍ୟ ଦେଶର ସମୃଦ୍ଧ ସାଂସ୍କୃତିକ ଐତିହ୍ୟର ଅଂଶ। ଏହା ସହିତ ୟୁନେସ୍କୋର ଅସ୍ଥାୟୀ ବିଶ୍ୱ ଐତିହ୍ୟ ତାଲିକାରେ ଅନ୍ତର୍ଭୁକ୍ତ ସ୍ଥାନଗୁଡ଼ିକର ନାମ ମଧ୍ୟ କୁହାଯାଇଛି।

ୟୁନେସ୍କୋରେ ଭାରତ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଏକ ପୋଷ୍ଟ ସେୟାର କରି ଲେଖିଛନ୍ତି, ୟୁନେସ୍କୋକୁ ଭାରତର ସ୍ଥାୟୀ ପ୍ରତିନିଧି ଦଳ ଘୋଷଣା କରି ଖୁସି ହେଉଛି ଯେ ଭାରତର 7ଟି ସ୍ଥାନକୁ ୟୁନେସ୍କୋର ଅସ୍ଥାୟୀ ବିଶ୍ୱ ଐତିହ୍ୟ ତାଲିକାରେ ଅନ୍ତର୍ଭୁକ୍ତ କରାଯାଇଛି।

• ପଞ୍ଚଗନି ଏବଂ ମହାବଳେଶ୍ୱର ମହାରାଷ୍ଟ୍ରର ଡେକାନ୍ ଟ୍ରାପ୍
• ମେଘାଳୟ ପୂର୍ବ ଖାସି ପାହାଡ଼ର ୨ ଗୁମ୍ଫା
• ନାଗା ପାହାଡ଼ ଓଫିଓଲାଇଟ୍ କିଫାୟାର, ନାଗାଲାଣ୍ଡ
• ତିରୁମାଲା ପାହାଡ଼ ତିରୁପତି, ଆନ୍ଧ୍ର ପ୍ରଦେଶ
• ଭର୍କଲା କେରଳ
• ଏରା ମାଟି ଦିବାଲୁ ବିଶାଖାପାଟଣା, ଆନ୍ଧ୍ର ପ୍ରଦେଶ
• ସେଣ୍ଟ ମେରି ଦ୍ୱୀପ କ୍ଲଷ୍ଟର ଉଡୁପି, କର୍ଣ୍ଣାଟକ

ଏହା ସହିତ ଭାରତର ୬୯ଟି ସ୍ଥାନ ୟୁନେସ୍କୋର ଅସ୍ଥାୟୀ ବିଶ୍ୱ ଐତିହ୍ୟ ତାଲିକାରେ ପଞ୍ଜୀକୃତ ହୋଇଛି। ଏଥିରେ ୪୯ଟି ସାଂସ୍କୃତିକ, ୩ଟି ମିଶ୍ରିତ ଏବଂ ୧୭ଟି ପ୍ରାକୃତିକ ବର୍ଗର ସ୍ଥାନ ଅନ୍ତର୍ଭୁକ୍ତ।

ଅଧିକ ପଢ଼ନ୍ତୁ: ଏଫବିଆଇ ନିର୍ଦ୍ଦେଶକଙ୍କ ଉପରେ ଉଠିଲା ପ୍ରଶ୍ନ