ରେଙ୍ଗାଳି କେନାଲରେ ଫସି ରହିଛି ଦନ୍ତା
Khabar Odisha:State-Odisha-Badjhara-Rengali-canal-in-Dhenkanal-district-where-a-wild-elephant-has-been-trapped
ଢେଙ୍କାନାଳ, ସେପ୍ଟେମ୍ବର ୧୧(ଖବର ଓଡ଼ିଶା):

ଢେଙ୍କାନାଳ ରେଙ୍ଗାଳି କେନାଲରେ ଏକ ଦନ୍ତା ହାତୀ ଫସି ରହିଛି । ସେଠାରୁ ବାହାରିବାକୁ ଦନ୍ତା ଉଦ୍ୟମ କରୁଥିବା ବେଳେ ବାହାରିପାରୁନାହିଁ । ଉକ୍ତ ସ୍ଥାନରେ ବନବିଭାଗ ପହଂଚି ଦନ୍ତାକୁ ଉଦ୍ଧାର କରିବା ପାଇଁ ଉଦ୍ୟମ ଜାରି କରିଛି ।

ମିଳିଥିବା ସୂଚନା ମୁତାବକ, ଢେଙ୍କାନାଳ ଜିଲ୍ଲା ବଡ଼ଝରା ରେଙ୍ଗାଳି କେନାଲରେ ଖାଦ୍ୟ ଅନ୍ୱେଷଣରେ ଥିବା ଏକ ଦନ୍ତା ହାତୀ ହଠାତ ଖସି ପଡ଼ି ଥିଲା । ଏହା ପରେ ଚେଷ୍ଟା କରୁଥିଲେ ମଧ୍ୟ କେନାଲରୁ ଦନ୍ତାଟି ବାହାରି ପାରୁନାହିଁ । ବାରମ୍ବାର ବାହାରକୁ ବାହାରିବାକୁ ଉଦ୍ୟମ କରୁଥିଲେ ମଧ୍ୟ ବିଫଳ ହେଉଛି ଦନ୍ତା । କେନାଲରେ ପାଣି ଭର୍ତ୍ତି ଥିବା ବେଳେ ହାତୀଟି ପହଂରୁଥିବା ଦେଖିବାକୁ ମିଳିଛି । ଘଟଣାସ୍ଥଳରେ ବନବିଭାଗ କର୍ମଚାରୀ ପହଂଚି ଦନ୍ତାକୁ ଉଦ୍ଧାର କରିବା ପାଇଁ ଉଦ୍ୟମ ଆରମ୍ଭ କରିଛି ।

  • Tags:

Subscribe

National International State Sports Entertainment