ନୂଆଦିଲ୍ଲୀ: ମଧ୍ୟପ୍ରଦେଶର ଧାରସ୍ଥିତ ଭୋଜଶାଳାରେ ପୂଜା କରିବା ପାଇଁ ଅନୁମତି ପାଇବା ପରେ ହିନ୍ଦୁ ସଂଗଠନଗୁଡ଼ିକ ଆଶାବାଦୀ ଯେ ସେମାନଙ୍କୁ ଦିଲ୍ଲୀର କୁତବ ମୀନାର ପରିସରରେ ମଧ୍ୟ ପୂଜା କରିବାକୁ ଅନୁମତି ମିଳିବ। ୟୁନାଇଟେଡ୍ ହିନ୍ଦୁ ଫ୍ରଣ୍ଟ ବ୍ୟାନର ତଳେ ହିନ୍ଦୁ ସଂଗଠନଗୁଡ଼ିକର ଏକ ପ୍ରତିନିଧିମଣ୍ଡଳ ଖୁବ୍ ଶୀଘ୍ର ଭୋଜଶାଳା ମାମଲାରେ ହିନ୍ଦୁମାନଙ୍କ ପ୍ରତିନିଧିତ୍ୱ କରୁଥିବା ବରିଷ୍ଠ ଆଇନଜୀବୀ ବିଷ୍ଣୁ ଶଙ୍କର ଜୈନଙ୍କ ସହ ସାକ୍ଷାତ କରି ତାଙ୍କ ପରାମର୍ଶ ନେବେ।

୨୦୨୦ ମସିହାରେ ଜୈନ କୁତବ ମୀନାର ପରିସରରେ ପୂଜା କରିବା ପାଇଁ ଅନୁମତି ମାଗି ସାକେତ କୋର୍ଟରେ ଏକ ଆବେଦନ ଦାଖଲ କରିଥିଲେ, ଯାହାକୁ ୨୦୨୩ ମସିହାରେ ଖାରଜ କରିଦିଆଯାଇଥିଲା। ବିଷ୍ଣୁ ଜୈନ ଏକ ଆବେଦନ ପୁନଃ ଦାଖଲ କରିଥିଲେ, ଯାହା ବିଚାରାଧୀନ ଅଛି।

ସେ ଦ୍ୱିତୀୟ ଆବେଦନ ଦାଖଲ କରିଥିଲେ, ଯାହା ଏପର୍ଯ୍ୟନ୍ତ ବିଚାରାଧୀନ ଅଛି। କୁହାଯାଏ ଯେ କୁତୁବ ମୀନାର ପରିସରରେ ଥିବା ଲୁହା ସ୍ତମ୍ଭ ରାଜା ଅନଙ୍ଗପାଲଙ୍କ ଦ୍ୱାରା ନିର୍ମିତ ବିଷ୍ଣୁ ମନ୍ଦିରରେ ସ୍ଥାପିତ ହୋଇଥିଲା। ଏହାକୁ ବିଷ୍ଣୁ ସ୍ତମ୍ଭ କୁହାଯାଏ। ସ୍ତମ୍ଭ ନିକଟରେ ବିବାଦୀୟ ଢାଞ୍ଚା ଅଛି, ଯାହା ୨୭ଟି ହିନ୍ଦୁ ଏବଂ ଜୈନ ମନ୍ଦିର ଭାଙ୍ଗିବା ପରେ ନିର୍ମିତ ହୋଇଥିଲା। ଏହାକୁ କୁୱତ-ଉଲ-ଇସଲାମ ମସଜିଦ କୁହାଯାଏ। ଏହି ଢାଞ୍ଚା ମଧ୍ୟରେ ହିନ୍ଦୁ ଦେବତାଙ୍କ ଭଙ୍ଗା ମୂର୍ତ୍ତି ଏବେ ବି ରହିଛି। 

ମସଜିଦର ଫାଟକରେ ଥିବା ଏକ ଶିଳାଲେଖରେ କୁହାଯାଇଛି ଯେ ଏହା ୨୭ଟି ଜୈନ ଏବଂ ହିନ୍ଦୁ ମନ୍ଦିର ଭାଙ୍ଗିବା ପରେ ନିର୍ମିତ ହୋଇଥିଲା। ଏଏସ୍‌ଆଇର ପୂର୍ବତନ ନିର୍ଦ୍ଦେଶକ ଡକ୍ଟର ଧରମବୀର ଶର୍ମାଙ୍କ ଅନୁଯାୟୀ, କୁତୁବୁଦ୍ଦିନ ଆଇବାକ ହିନ୍ଦୁ ଏବଂ ଜୈନ ମନ୍ଦିର ଭାଙ୍ଗିବା ପରେ ଜାମା ମସଜିଦ ନାମରେ ଏହି ବିବାଦୀୟ ଢାଞ୍ଚା ନିର୍ମାଣ କରିଥିଲେ। ସେ ବିଶ୍ୱାସ କରନ୍ତି ଯେ ଏହି ଢାଞ୍ଚା ଦେଶର ଦ୍ୱିତୀୟ ଭୋଜଶାଳା।

ବିରିଷ୍ଠ ଆଇନଜୀବୀ ବିଷ୍ଣୁ ଶଙ୍କର ଜୈନ କହିଛନ୍ତି କୁତବ ମିନାର ପରିସରରେ ପୂଜା କରିବାର ଅଧିକାର ପାଇଁ ସାକେତ କୋର୍ଟରେ ଏକ ଆବେଦନ ଦାୟର କରାଯାଇଥିଲା। କୋର୍ଟ ଆବେଦନକୁ ଖାରଜ କରିଦେଇଥିଲେ। ପରବର୍ତ୍ତୀ ସମୟରେ ଏକ ନୂତନ ଆବେଦନ ଦାୟର କରାଯାଇଥିଲା, ଯାହା ଉପରେ ନୋଟିସ୍ ଜାରି କରାଯାଇଥିଲା। ଏହି ଆବେଦନ ଏବେ ବି ବିଚାରାଧୀନ ଅଛି। ଆମେ ଆଶା କରୁଛୁ ଯେ ନ୍ୟାୟ ମିଳିବ। 

ଅଧିକ ପଢ଼ନ୍ତୁ: ଦିଲ୍ଲୀ-ଉତ୍ତରପ୍ରଦେଶରେ ତାପମାତ୍ରା ୪୫ ଡିଗ୍ରୀ ଅତିକ୍ରମ