ମୁଜାଫରାବାଦ: ଜମ୍ମୁ କଶ୍ମୀର ମିଳିତ ଆୱାମୀ କାର୍ଯ୍ୟ କମିଟି (ଜେଏସିସି) ଅଭିଯୋଗ କରିଛି ଯେ ଅଧିକୃତ ଜମ୍ମୁ କଶ୍ମୀରରେ ପ୍ରଦର୍ଶନ ସମୟରେ ପାକିସ୍ତାନୀ ସୁରକ୍ଷା ବାହିନୀ ଦ୍ୱାରା ଗୁଳିଚାଳନା ଯୋଗୁଁ ନିହତ ପ୍ରଦର୍ଶନକାରୀଙ୍କ ମୃତଦେହ ସେମାନଙ୍କ ପରିବାରକୁ ହସ୍ତାନ୍ତର କରାଯାଉନାହିଁ। ମୃତାହତଙ୍କ ପ୍ରକୃତ ସଂଖ୍ୟା ଲୁଚାଇବା ପାଇଁ ଏହା କରାଯାଉଛି। ପିଓକେରେ ଚାଲିଥିବା ପ୍ରତିବାଦରେ ୫୩ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା ରିପୋର୍ଟ ହୋଇଛି ଏବଂ ଶହଶହ ପ୍ରଦର୍ଶନକାରୀ ମଧ୍ୟ ଆହତ ମଧ୍ୟ ହୋଇଛନ୍ତି। ସେନା ମୁଖ୍ୟ ଅସୀମ ମୁନିର ଆନ୍ଦୋଳନକୁ ଦମନ କରିବା ପାଇଁ ତାଙ୍କର ସମସ୍ତ ଶକ୍ତି ନିୟୋଜିତ କରିଛନ୍ତି।

ପ୍ରତିବାଦର ମୁଖ୍ୟ କେନ୍ଦ୍ର ହେଉଛି ରାୱାଲାକୋଟ, ଯେଉଁଠାରେ ଗତ ଶୁକ୍ରବାର ସୁରକ୍ଷା ବାହିନୀ ସହିତ ସଂଘର୍ଷରେ ଜଣେ ବ୍ୟବସାୟୀଙ୍କ ମୃତ୍ୟୁ ପରେ ହିଂସା ସୃଷ୍ଟି ହୋଇଥିଲା। ଜେଏସିସି ପ୍ରତିନିଧି ଇମତିଆଜ ଅସଲମ କହିଛନ୍ତି ଯେ ଯେପର୍ଯ୍ୟନ୍ତ କର୍ତ୍ତୃପକ୍ଷ କାର୍ଯ୍ୟକର୍ତ୍ତାଙ୍କ ମୃତଦେହ ସେମାନଙ୍କ ପରିବାରକୁ ହସ୍ତାନ୍ତର କରନ୍ତି ନାହିଁ ଏବଂ କମିଟି ଉପରେ ପ୍ରତିବନ୍ଧକ ଲଗାଇଥିବା ବିଜ୍ଞପ୍ତିକୁ ବାତିଲ କରନ୍ତି ନାହିଁ, ସେପର୍ଯ୍ୟନ୍ତ ପ୍ରତିବାଦ ଜାରି ରହିବ। ଏହି ଗୋଷ୍ଠୀ ସାଧାରଣ ନାଗରିକ ମୃତ୍ୟୁର ତଦନ୍ତ ଏବଂ ସହରାଞ୍ଚଳରୁ ସେନା ପ୍ରତ୍ୟାହାର ଦାବି ମଧ୍ୟ କରିଛି। ଡନ୍ ରିପୋର୍ଟ ଅନୁଯାୟୀ, PoJKରେ ଇଣ୍ଟରନେଟ୍ ବନ୍ଦ ସତ୍ତ୍ୱେ, ହଜାର ହଜାର ପ୍ରଦର୍ଶନକାରୀ ରାୱାଲକୋଟ ଚାରିପାଖରେ ଏକାଠି ହୋଇଥିଲେ, ଯେତେବେଳେ ସୁରକ୍ଷା ବାହିନୀ ଅଞ୍ଚଳରେ ପ୍ରବଳ ଭାବରେ ମୁତୟନ ରହିଥିଲେ। 

ପାକିସ୍ତାନ PoJK ଖାଲି କରିବା ଉଚିତ: ବ୍ରିଟିଶ ସାଂସଦ

ବରିଷ୍ଠ ବ୍ରିଟିଶ କଞ୍ଜରଭେଟିଭ ସାଂସଦ ବବ୍ ବ୍ଲାକମ୍ୟାନ୍ ପିଓକେରେ ପ୍ରଦର୍ଶନକାରୀଙ୍କ ଉପରେ କଠୋର କାର୍ଯ୍ୟାନୁଷ୍ଠାନକୁ କଡ଼ା ସମାଲୋଚନା କରିଥିଲେ ଏବଂ ପାକିସ୍ତାନକୁ ଏହି ଅଞ୍ଚଳ ଖାଲି କରି ଭାରତ ସହିତ ପୁନଃ ମିଶ୍ରଣ କରିବାକୁ ସମର୍ଥନ କରିଛନ୍ତି। ସେ କହିଛନ୍ତି,ପାକିସ୍ତାନ ୧୯୪୭ ମସିହାରୁ ଅବୈଧ ଭାବରେ ଭାରତୀୟ ଅଞ୍ଚଳ ଦଖଲ କରିଆସିଛି। କିଛି ବ୍ରିଟିଶ ନାଗରିକ ମଧ୍ୟ ହିଂସା ଦ୍ୱାରା ପ୍ରଭାବିତ ହୋଇଛନ୍ତି, ଯାହା ଏହି ମାମଲାକୁ ବ୍ରିଟେନ ପାଇଁ ସିଧାସଳଖ ଚିନ୍ତାର ବିଷୟ କରିଛି।

ଅଧିକ ପଢ଼ନ୍ତୁ: ଫିଫା ବିଶ୍ୱକପ୍ ଇତିହାସରେ ପ୍ରଥମ: ଡ୍ର ସତ୍ତ୍ୱେ ଇତିହାସ ରଚିଲା କାନାଡା