ନୂଆଦିଲ୍ଲୀ: ଖଜୁରୀ ଖାସ୍ ଅଞ୍ଚଳରେ ଦୁର୍ବୃତ୍ତମାନେ ଜଣେ ଯୁବକଙ୍କୁ ଗୁଳି କରି ହତ୍ୟା କରିଛନ୍ତି। ମୃତକ ରାଜା ମେୱାତି ଓରଫ ଅକ୍କି ଓରଫ ଆକିବ୍ ଭାବେ ଚିହ୍ନଟ ହୋଇଛନ୍ତି। ଗୁଳିମାଡ଼ରେ ଯୁବକଙକ ମୃତ୍ୟୁ ପରେ ଆକ୍ରମଣକାରୀମାନେ ଘଟଣାସ୍ଥଳରୁ ଖସି ପଳାଇଛନ୍ତି।
ଖଜୁରୀ ଖାସ୍ ପୋଲିସ ଷ୍ଟେସନ ମୃତଦେହକୁ ହେପାଜତକୁ ନେଇ ପୋଷ୍ଟମର୍ଟମ ପାଇଁ ପଠାଇଛି। ଆକ୍ରମଣକାରୀମାନେ ପ୍ରାୟ ଆଠ ରାଉଣ୍ଡ ଗୁଳି ଚଳାଇଥିଲେ, ଯାହା ମଧ୍ୟରୁ ତିନୋଟି ଯୁବକଙ୍କ ଉପରେ ବାଜିଥିଲା। ମୃତକଙ୍କ ବିରୋଧରେ ଅନେକ ଅପରାଧିକ ମାମଲା ମଧ୍ୟ ରୁଜୁ ହୋଇଥିଲା।
ପୋଲିସ ମଙ୍ଗଳବାର ରାତିରେ ଖବର ପାଇଥିଲା ଯେ ଖଜୁରୀ ଖାସ୍ରେ ଜଣେ ଯୁବକଙ୍କୁ ଗୁଳି କରାଯାଇଛି। ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲା।
ଆହତ ବ୍ୟକ୍ତିଙ୍କୁ ଜଗ ପ୍ରବେଶ ଚନ୍ଦ୍ର ହସ୍ପିଟାଲରେ ଭର୍ତ୍ତି କରାଯାଇଥିଲା, ଯେଉଁଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ। ସନ୍ଦେହ କରାଯାଉଛି ଯେ ଏହି ହତ୍ୟା ବ୍ୟକ୍ତିଗତ ଶତ୍ରୁତାରୁ ହୋଇଥିଲା। ଆକ୍ରମଣକାରୀଙ୍କୁ ଧରିବା ପାଇଁ ଅନେକ ଦଳ ନିୟୋଜିତ କରାଯାଇଛି।
ଅଧିକ ପଢ଼ନ୍ତୁ: ଶୁଭେନ୍ଦୁଙ୍କ ଚେତାବନୀ ପରେ ଭାରତ ଛାଡି ପଳାୟନ କରୁଛନ୍ତି ଶହଶହ ବାଂଲାଦେଶୀ