ନିଜର କନ୍‌ର୍ସଟ ପୂର୍ବରୁ କଫି ଉଇଥ କରନରେ ନଜର ଆସିବେ ଜଷ୍ଟିନ ବିବର
Khabar Odisha:justin-bieber-will-shoot-for-Karan-johars-show-before-his-concert
ମୁମ୍ୱାଇ, ମଇ୦୮(ଖବର ଓଡ଼ିଶା): ବୁଧବାର ହେବାକୁ ଯାଉଛି ପ୍ରସିଦ୍ଧ ପପ୍‌ଷ୍ଟାର ଜଷ୍ଟିନ୍‌ ବିବରଙ୍କ ସୋ। ମୁମ୍ୱାଇରେ ହେବାକୁ ଥିବା ଏହି ସୋତଥା କନ୍ସଟରେ ଜଷ୍ଟିନଙ୍କ ଲାଇଭ ପଦର୍ଶନ ଦେଖିବାକୁ ମିଳିବ। ବିଗତ ଦିନରେ ଏହାର ଟିକେଟ କିଣାଠାରୁ ଆରମ୍ଭ କରି ଟ୍ୟାକ୍ସି ଚାଳକ ପୁଅଙ୍କୁ ମାଗଣା ଟିକେଟ ପ୍ରଦାନ ବେଶ ଚର୍ଚ୍ଚାରେ ରହିଆସିଥିଲା। ତେବେ କହିବାକୁ ଚାହୁଁଛୁ ଜଷ୍ଟିନଙ୍କ ଗସ୍ତର ଅନ୍ୟ ଏକ ଖାସ ଝଲକ କଫି ଉଇଥ କରନ୍‌ର ଆଗାମୀ ସସ୍କରଣର ପ୍ରଥମ ଅଧ୍ୟାୟରେ ଦେଖିବାକୁ ମିଳିବ।
 
ଜଷ୍ଟିନ ବିବର ପର୍ପସ ଟୁର ଅନୁଯାୟୀ ଜଷ୍ଟିନ ଭାରତ ଆସୁଛନ୍ତି। ଏହି ଗସ୍ତ ସମୟରେ ସେ କରନଙ୍କ ସୋପାଇଁ ମଧ୍ୟ ସୁଟିଂ କରିବେ। ଯଦି ଏପରି ହୁଏ ତେବେ ପ୍ରଥମ ଥର ପାଇଁ କୌଣସି ଭାରତୀୟ ସୋରେ ବିବରଙ୍କ ପରି ବଡ଼ କଳାକାରଙ୍କୁ ଦେଖିବାକୁ ମିଳିବ। ଏହାକୁ ନେଇ ଜଷ୍ଟିନ ଆଜି ସୁଟିଂ ଆରମ୍ଭ କରିବେ।
 
ମୁମ୍ୱାଇରେ ୧୦ ମଇରେ ହେବାକୁ ଥିବା ଏହି ସୋପାଇଁ ଦର୍ଶକଙ୍କ ମହଲରେ ବେଶ ଉତ୍କଣ୍ଠା ପ୍ରକାଶ ପାଇବାରେ ଲାଗିଛି। ଟିକେଟର ସର୍ବନିମ୍ନ ମୂଲ୍ୟ ୫୦୪୦ ରଖାଯାଇଥିବା ବେଳେ ପ୍ଲାଟିନମ ଟିକେଟ ଗୁଡ଼ିକ ୧୫ ହଜାର ୪ଶହ ଟଙ୍କାରେ ବିକ୍ରୀ ହେଉଛି। ଏହି କାର୍ଯ୍ୟକ୍ରମର ସବୁଠାରୁ ଅଧିକ ଟିକେଟ ଦର ୭୫ହଜାର ଟଙ୍କା ରଖାଯାଇଛି।
 
ଏହି ପପ୍‌ ସେନସେସନ୍‌ଙ୍କ ମୁମ୍ୱାଇ ଗସ୍ତକୁ ଆଖି ଆଗରେ ରଖି ୫୦୦ଶହ ପୋଲିସ୍‌ କର୍ମୀଙ୍କୁ ନିୟୋଜିତ କରାଯାଇଛି। ଏପରିକି ସଲମାନ ଖାନ୍‌ଙ୍କ ବଡ଼ିଗାର୍ଡ଼ ସେରା ଏହି ବ୍ୟବସ୍ଥା ତଦାରଖ କରୁଛନ୍ତି। ପଟେଲ ଷ୍ଟାଡ଼ିୟମରେ ହେବାକୁ ଥିବା ଏହି ସଙ୍ଗୀତମୟ ସଂନ୍ଧ୍ୟାରେ ୪୫ହଜାର ଲୋକଙ୍କ ସମାଗମ ହେବ ବୋଲି ଆଶା କରାଯାଉଛି। ତେବେ ମୁମ୍ୱାଇରେ କାର୍ଯ୍ୟକ୍ରମ ଶେଷ କରିବା ପରେ ସେ ଦିଲ୍ଲୀ, ଜୟପୁର ଏବଂ ଆଗ୍ରା ଆଦି ସହର ବୁଲିବାର କାର୍ଯ୍ୟକ୍ରମ ରହିଛି।
  • Tags:

Subscribe

National International State Sports Entertainment