ମୁମ୍ବାଇ: ଆପଣ କ’ଣ ଥିଏଟରକୁ ଯାଇ ସିନେମା ଦେଖିବାକୁ ପସନ୍ଦ କରନ୍ତି? ଏହା ସହିତ, ଆପଣ ସିନେମା ଦେଖିବା ପାଇଁ ଅନଲାଇନରେ ଟିକେଟ ବୁକ୍ କରନ୍ତି କି। ଆପଣ ଅନଲାଇନରେ ଟିକେଟ ବୁକ୍ କରିବା ଅଧିକ ସୁବିଧାଜନକ ମନେ କରନ୍ତି, କିନ୍ତୁ ଏଥିପାଇଁ ଆପଣଙ୍କୁ convenience fee ଦେବାକୁ ପଡିଥାଏ । କିନ୍ତୁ, ମହାରାଷ୍ଟ୍ର ସରକାର ଟିକେଟ ବୁକିଂ ଉପରେ ଏହି ସୁବିଧା ଶୁଳ୍କ ସମ୍ପର୍କରେ କାର୍ଯ୍ୟାନୁଷ୍ଠାନ ଗ୍ରହଣ କରି ଏହାକୁ ନିଷେଧ କରିଥିଲେ। କିନ୍ତୁ, ବମ୍ବେ ହାଇକୋର୍ଟ ଦ୍ୱାରା ଜାରି କରାଯାଇଥିବା ନିର୍ଦ୍ଦେଶ ପରେ, ବୁକ୍ ମାଇ ଶୋ ଏବଂ ପିଭିଆରକୁ ଏକ ବଡ଼ ଆଶ୍ୱସ୍ତି ମିଳିଛି। କୋର୍ଟ convenience fee ଉପରେ ଲାଗୁ ହୋଇଥିବା ପ୍ରତିବନ୍ଧକକୁ ବାତିଲ କରିଦେଇଛି।

ବମ୍ବେ ହାଇକୋର୍ଟ ଗୁରୁବାର ଦିନ ମହାରାଷ୍ଟ୍ର ସରକାରଙ୍କ ଏକ ଦଶନ୍ଧି ପୁରୁଣା ଆଦେଶକୁ ବାତିଲ କରିଦେଇଛନ୍ତି, ଯେଉଁଥିରେ ଥିଏଟରଗୁଡ଼ିକୁ ଅନଲାଇନ ଟିକେଟ ବୁକିଂ ଉପରେ convenience fee ଆଦାୟ କରିବାକୁ ବାରଣ କରାଯାଇଥିଲା।

ବିଚାରପତି ମହେଶ ସୋନକ ଏବଂ ଜିତେନ୍ଦ୍ର ଜୈନ କହିଛନ୍ତି ଯେ ରାଜସ୍ୱ କମିଶନରଙ୍କ ୪ ଏପ୍ରିଲ ୨୦୧୩ ର ଆଦେଶ - ଏବଂ ପରବର୍ତ୍ତୀ ୧୮ ମାର୍ଚ୍ଚ ୨୦୧୪ ର ଆଦେଶ - ର କୌଣସି ବୈଧାନିକ ସମର୍ଥନ ନାହିଁ ଏବଂ ଏହା ସମ୍ବିଧାନର ଧାରା ୧୯(୧)(g) ଉଲ୍ଲଂଘନ କରୁଛି, ଯାହା ନାଗରିକମାନଙ୍କୁ ଯେକୌଣସି ବୃତ୍ତି ପାଳନ କରିବାର କିମ୍ବା କୌଣସି ବାଣିଜ୍ୟ କିମ୍ବା ବ୍ୟବସାୟ କରିବାର ସ୍ୱାଧୀନତାର ଗ୍ୟାରେଣ୍ଟି ଦିଏ।

ସରକାରୀ ନିର୍ଦ୍ଦେଶ ଧାରା ୧୯(୧)(g) ଅନୁଯାୟୀ ଆବେଦନକାରୀଙ୍କ ମୌଳିକ ଅଧିକାରକୁ ଉଲ୍ଲଂଘନ କରି ଥିଏଟର ମାଲିକ ଏବଂ ଅନ୍ୟମାନଙ୍କୁ ସେମାନଙ୍କ ଗ୍ରାହକଙ୍କଠାରୁ ସୁବିଧା ଶୁଳ୍କ ଆଦାୟ କରିବାରୁ ନିଷେଧ କରିଛି, ସେ ଆହୁରି କହିଛନ୍ତି, “ଯଦି ବ୍ୟବସାୟ ମାଲିକମାନଙ୍କୁ ସେମାନଙ୍କ ବ୍ୟବସାୟର ବିଭିନ୍ନ ଦିଗ (ଆଇନ ଅନୁଯାୟୀ) ନିଷ୍ପତ୍ତି ନେବାକୁ ଅନୁମତି ଦିଆଯାଏ ନାହିଁ, ତେବେ ଆର୍ଥିକ କାର୍ଯ୍ୟକଳାପ ସମ୍ପୂର୍ଣ୍ଣ ସ୍ଥଗିତ ହୋଇଯିବ।

ସରକାର ନିର୍ଦ୍ଦେଶ ଜାରି କରିଥିଲେ

୨୦୧୩ ଏବଂ ୨୦୧୪ର ନିର୍ଦ୍ଦେଶ ପ୍ରାୟ ଏକ ଦଶନ୍ଧି ପାଇଁ ସ୍ଥଗିତ ଥିଲା, କାରଣ ହାଇକୋର୍ଟ ୯ ଜୁଲାଇ, ୨୦୧୪ରେ ଏକ ମଧ୍ୟବର୍ତ୍ତୀକାଳୀନ ନିର୍ଦ୍ଦେଶ ମାଧ୍ୟମରେ ସେମାନଙ୍କର କାର୍ଯ୍ୟକୁ ସ୍ଥଗିତ ରଖିଥିଲେ। ଏହି କାରଣରୁ, ମାମଲା କୋର୍ଟରେ ବିଚାରାଧୀନ ଥିବା ସମୟରେ ଥିଏଟର ମାଲିକମାନେ ସୁବିଧା ଶୁଳ୍କ ଆଦାୟ କରିଚାଲିଥିଲେ।

ରାଜ୍ୟର ନିର୍ଦ୍ଦେଶାବଳୀର ବୈଧତାକୁ ଚ୍ୟାଲେଞ୍ଜ କରି PVR ଲିମିଟେଡ୍, ବିଗ୍ ଟ୍ରି ଏଣ୍ଟରଟେନମେଣ୍ଟ ପ୍ରାଇଭେଟ୍ ଲିମିଟେଡ୍ (BookMyShow) ଏବଂ FICCI-ମଲ୍ଟିପ୍ଲେକ୍ସ ଆସୋସିଏସନ୍ ଅଫ୍ ଇଣ୍ଡିଆ ଦ୍ୱାରା ଦାଖଲ କରାଯାଇଥିବା ଆବେଦନର ଜବାବରେ ଏହି ନିଷ୍ପତ୍ତି ନିଆଯାଇଛି।

ଆବେଦନକାରୀମାନେ ଯୁକ୍ତି ଦେଇଥିଲେ ଯେ ଅନଲାଇନ୍ ବୁକିଂ ଏକ ଇଚ୍ଛାଧୀନ ସୁବିଧା ଯେଉଁଥିରେ ପ୍ରଯୁକ୍ତିବିଦ୍ୟା ଏବଂ ଭିତ୍ତିଭୂମିରେ ନିବେଶ ଜଡିତ। ସେମାନେ ଯୁକ୍ତି ଦେଇଥିଲେ ଯେ ଯଦି ଗ୍ରାହକମାନେ ଅତିରିକ୍ତ ଶୁଳ୍କ ଦେବାକୁ ଚାହାଁନ୍ତି ନାହିଁ, ତେବେ ସେମାନେ ବକ୍ସ ଅଫିସରେ ଟିକେଟ୍ କିଣିବାକୁ ମୁକ୍ତ। ସେମାନେ ଥିଏଟରକୁ ଆସି ସେଠାରୁ ସିଧାସଳଖ ଟିକେଟ୍ କିଣିପାରିବେ। କୋର୍ଟ ଏଥିରେ ରାଜି ହୋଇ କହିଛନ୍ତି ଯେ ଏହା ଗ୍ରାହକଙ୍କ ଇଚ୍ଛା ସେମାନେ ଚାହିଁଲେ ଅନଲାଇନ କିଣିବେ ସେମାନେ ଚାହିଁଲେ ସିଧା ଥିଏଟରକୁ ଯାଇ କିଣି ପାରିବେ ।