ସ୍କୁଟିକୁ ଧକ୍କା ଦେଲା ଅଟୋ । ଅଳ୍ପକେ ବର୍ତିଲା ଯାତ୍ରୀଙ୍କ ଜୀବନ । ଏଭଳି ଏକ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ମୁଖ୍ୟରାସ୍ତା ନାଉଗୋରଡା ଛକ ନିକଟରେ । ସୂଚନା ଅନୁସାରେ ଘଣ୍ଟେଶ୍ୱର ହରିଚନ୍ଦନପୁରରୁ ଚାନ୍ଦବାଲି ଅଭିମୁଖେ ଏକ ଅଟୋ ଆସୁଥିଲା । ପରେ ଏକ ସ୍କୁଟିକୁ ପଛପଟୁ ଆସୁଥିବା ଏହି ଅଟୋ ଧକ୍କା ଦେଇଥିଲା । ଯାହା ଫଳରେ ଅଟୋଟି ଭାରସାମ୍ୟ ହରାଇ ରାସ୍ତା କଡକୁ ଓଲଟି ପଡିଥିଲା । ଏବଂ ଅଟୋରେ ଥିବା ୬ରୁ୭ ଜଣ ଯାତ୍ରୀ ଅଳ୍ପକେ ବର୍ତି ଯାଇଥିଲେ । ଏହି ଘଟଣାରେ ଜଣେ ବୃଦ୍ଧ ଗୁରୁତର ଭାବେ ଆହତ ହୋଇଛନ୍ତି । ଏବଂ ଆହତ ଯାତ୍ରୀ ଓ ଅଟୋ ଚାଳକଙ୍କୁ ସ୍ଥାନୀୟ ଲୋକେ ଚାନ୍ଦବାଲି ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଛନ୍ତି । ତେବେ ଖବର ପାଇ ଚାନ୍ଦବାଲି ପୋଲିସ ଘଟଣା ସ୍ଥଳରେ ପହଂଚି ଅଧିକ ତଦନ୍ତ ଜାରି ରଖିଛି ।