ଏମିତି ବି ଆସେ ମରଣ, ଗୁପଚୁପ୍ ଖାଇବାବେଳେ ତଣ୍ଟିରେ ଲାଖିବାରୁ ଶ୍ବାସରୁଦ୍ଧ ହୋଇ ପ୍ରାଣ ହରାଇଲେ ମହିଳା
Khabar Odisha:Shocking-Sundargarh-woman-chokes-on-gupchup-dies
ସୁନ୍ଦରଗଡ, ସେପ୍ଟେମ୍ବର ୨୩ (ଖବର ଓଡ଼ିଶା):

ଗୁପଚୁପ ଖାଇବାବେଳେ ତଣ୍ଟିରେ ଲାଖିବାରୁ ଶ୍ବାସରୁଦ୍ଧ ହୋଇ ଜଣେ ମହିଳାଙ୍କ ମୃତ୍ୟୁ ଘଟିଛି ।  ସୁନ୍ଦରଗଡ଼ ଜିଲ୍ଲା ଲେଫି୍ରପଡ଼ା ଥାନା ଅନ୍ତର୍ଗତ ସରଫଗଡ଼ ଗାଁରେ ଜଣେ ମହିଳାଙ୍କ ତଣ୍ଟିରେ ଗୁପଚୁପ ଲାଗିଯିବାରୁ ସେ ଶ୍ୱାସରୁଦ୍ଧ ହୋଇ ପ୍ରାଣ ହରାଇଛନ୍ତି ।

ମୃତ ମହିଳା ଜଣକ ହେଲେ ଫୁଲମତି କିସାନ (୩୦) । ଦିନ ୧୨ଟାରେ ସ୍ୱାମୀ କୁଶ କିସାନ ଧାନ ବିଲରୁ କାମ ସାରି ଫେରିବା ପରେ ଘରେ ଥିବା ଫୁଲମତି ତାଙ୍କ ଆଗରେ ଗୁପଚୁପ ଖାଇବେ ବୋଲି କହିଥିଲେ ।

 କୁଶ ତାଙ୍କ ପୁଅକୁ ୨୦ ଟଙ୍କା ଦେଇ ଗାଁ ରାସ୍ତା କଡ଼ରେ ଠେଲାରେ ବିକୁଥିବା ଗୁପଚୁପ ଆଣିବା ପରେ ସ୍ୱାମୀ ସ୍ତ୍ରୀ ଓ ତାଙ୍କ ଦୁଇ ପିଲା ବସି ଖାଇଥିଲେ । ତେବେ ଖାଇଲା ବେଳେ ଗୋଟା ଗୁପଚୁପ ଫୁଲମତିଙ୍କ ତଣ୍ଟିକୁ ଖସି ଯାଇ ଲାଗି ଯାଇଥିଲା । ସେ ଢେ଼ାକିବାକୁ ଚେଷ୍ଟା କରିଥିଲେ ମଧ୍ୟ ସମ୍ଭବ ହୋଇନଥିଲା ଓ ସେଇଠି ସେ ଅଚେତ ହୋଇପଡ଼ିଗଲେ ।

ତାଙ୍କୁ ସ୍ୱାମୀ ଓ ପରିବାର ଅନ୍ୟମାନେ ତୁରନ୍ତ ଲେଫି୍ରପଡ଼ା ଡାକ୍ତରଖାନାକୁ ଆଣିଥିଲେ । କିନ୍ତୁ ସେତେବେଳେ ତାଙ୍କ ପ୍ରାଣବାୟୁ ଉଡ଼ି ଯାଇଥିଲା ।

  • Tags:

Subscribe

National International State Sports Entertainment