ସିବିଆଇ ସ୍କାନରରେ ବିଶିଷ୍ଟ ଶିଳ୍ପପତି ମହିମା ମିଶ୍ର,ବିଭିନ୍ନ ସ୍ଥାନରେ ଚାଲିଛି ରେଡ଼୍
Khabar Odisha:In-the-CBI-scanner-prominent-industrialist-Majia-Mishra-raids-are-going-on-at-various-places
କଟକ , ଅଗଷ୍ଟ 4(ଖବର ଓଡ଼ିଶା):

ସିବିଆଇ ସ୍କାନରରେ ବିଶିଷ୍ଟ ଶିଳ୍ପପତି ମହିମା ମିଶ୍ର । ଆଜି ସକାଳୁ ମହିମା ମିଶ୍ରଙ୍କ ଅଫିସ୍ ଓ ଘର ସମେତ ବିଭିନ୍ନ ସ୍ଥାନରେ ରେଡ଼୍ କରୁଛି ସିବିଆଇର ସ୍ପେଶାଲ ଟିମ୍ ।

କଟକ,ପାରାଦ୍ୱୀପ୍ ଏବଂ ଅନ୍ୟ ୪ ଟି ସ୍ଥାନରେ ରେଡ଼୍ କାର୍ଯ୍ୟ ଚାଲିଛି । କଟକ ଓଡ଼ିଆ ବଜାର ମହିମା ମିଶ୍ରଙ୍କ ଘରେ ,ଲିଙ୍କ୍ ରୋଡ଼୍ ଓ ପାରାଦ୍ୱୀପ ବଡ଼ପଡ଼ିଆ ସ୍ଥିତ ଓଏସଏଲ ଅଫିସ୍ ରେ ମଧ୍ୟ ରେଡ଼୍ ପ୍ରକ୍ରିୟା ଚାଲିଛି ।

ପାରାଦ୍ୱୀପ୍ ପୋର୍ଟର ଜଣେ ପଦସ୍ଥ ଅଧିକାରୀ ଏବଂ ଜଣେ ଠିକା କର୍ମଚାରୀ ଙ୍କୁ ମଧ୍ୟ ପଚରାଉଚରା କରାଯାଉଛି ।ଉଭୟଙ୍କୁ ପାରାଦ୍ୱୀପର ଏକ ଗେଷ୍ଟ ହାଉସ୍‌ରେ ପଚରାଉଚରା କରାଯାଉଛି ।

ସୁଚନା ଅନୁସାରେ ୨୦୧୮ ଜୁଲାଇ ୧୬ ତାରିଖରେ  ଓଡ଼ିଶା ହାଇକୋର୍ଟ ବିଶିଷ୍ଟ ଶିଳ୍ପପତି ମହିମା ମିଶ୍ରଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରିଥିଲେ । ପାରରଦୀପ ତାରିଣୀପଡ଼ା ଓ କଟକ ଖାନନଗର ବୋମାମାଡ଼ ମାମଲାରେ ହାଇକୋର୍ଟ ମହିମାଙ୍କୁ ଜାମିନ ପ୍ରଦାନ କରିଥିଲେ ।

ଶିଳ୍ପପତି ମହିମା ମିଶ୍ରଙ୍କୁ ହାଇକୋର୍ଟ ୧ଲକ୍ଷ ଟଙ୍କିଆ ୨ଜଣିଆ ଜାମିନଦାରଙ୍କ ବଦଳରେ ଜାମିନରେ ମୁକୁଳିଥିଲେ । ତେବେ କୌଣସି ସାକ୍ଷ୍ୟଙ୍କୁ କୌଣସିମତେ ପ୍ରଭାବିତ ନ କରିବାକୁ ହାଇକୋର୍ଟ ରଖିଥିଲେ ସର୍ତ୍ତ । 

ଅବଶ୍ୟ ମହିମା ମିଶ୍ରଙ୍କୁ ସି’ୱେଜ୍ ସିପିଂ ଜିଏମ ହତ୍ୟା ମାମଲାରେ ଜାମିନ ମିଳିସାରିଛି ।

  • Tags:

Subscribe

National International State Sports Entertainment