ରାଜସ୍ଥାନ: ୬ ବିଜେପି ବିଧାୟକ ଗୁଜୁରାଟ ଗଲେ, ରାଜନାଥ ସିଂହଙ୍କୁ ଭେଟିଲେ ବସୁନ୍ଧରା ରାଜେ
Khabar Odisha:Politics-Rajasthan-BJP-sends-6-MLA-to-Gujarat-Vasundhara-Raje-meets-Rajnath-Singh

ପୋରବନ୍ଦର, ଅଗଷ୍ଟ ୦୯ (ଖବର ଓଡ଼ିଶା): ରାଜସ୍ଥାନରେ ଅଗଷ୍ଟ ୧୪ରୁ ଆରମ୍ଭ ହେବାକୁ ଥିବା ବିଧାନସଭା ଅଧିବେଶନ ପୂର୍ବରୁ ଭାରତୀୟ ଜନତା ପାର୍ଟି ନିଜର ୬ ଜଣ ବିଧାୟକଙ୍କୁ ଶନିବାର ଗୁଜୁରାଟ ପଠାଇଛି । ଏମାନେ ସମସ୍ତେ ଗୁଜୁରାଟର ପୋରବନ୍ଦରରେ ପହଂଚିଛନ୍ତି । ଚାଟାର୍ଡ ବିମାନରେ ଏଠାକୁ ଆସିଥିବା ଜଣେ ବିଧାୟକ ଜାତୀୟ ଗଣମାଧ୍ୟମକୁ କହିଛନ୍ତି, ରାଜସ୍ଥାନରୁ ବିଜେପି ବିଧାୟକମାନେ ଗୁଜୁରାଟ ପହଂଚିଛନ୍ତି । ବିଜେପି ବିଧାୟକ ନିର୍ମଳ କୁମାୱତ ଗଣମାଧ୍ୟମର ପ୍ରତିନିଧିଙ୍କୁ କହିଛନ୍ତି, ରାଜସ୍ଥାନ କଂଗ୍ରେସ ସରକାର ବିରୋଧୀ ଦଳର ବିଧାୟକଙ୍କୁ ଧମକ ଦେଉଛି । 

ସେ କହିଛନ୍ତି, ବିଧାୟକମାନେ ମାନସିକ ଶାନ୍ତି ଲାଗି ସୋମନାଥ ମନ୍ଦିର ଦର୍ଶନ କରିବାକୁ ଆସିଛନ୍ତି । କୁମାୱତ କହିଛନ୍ତି, କଂଗ୍ରେସରେ ଗୋଷ୍ଠୀକନ୍ଦଳ ଥିବାରୁ ଦୀର୍ଘ ଏକମାସ ହେବ ରାଜସ୍ଥାନ ରାଜନୀତି ତଳଉପର ହେଉଛି । ମୁଖ୍ୟମନ୍ତ୍ରୀ ଅଶୋକ ଗହଲୋତଙ୍କ ପାଖରେ ସଂଖ୍ୟା ଗରିଷ୍ଠତା ନାହିଁ ଏବଂ ଚାପରେ ଅଛନ୍ତି । ଫଳରେ ସେମାନେ ବିଜେପି ବିଧାୟକଙ୍କୁ ଧମକ ଦେଉଛନ୍ତି । ସେ କହିଛନ୍ତି, ବିଜେପିର ଶ୍ରେଷ୍ଠ ନେତୃତ୍ୱ ନିର୍ଦ୍ଦେଶରେ ସେମାନେ ଗୁଜୁରାଟ ଆସିଛନ୍ତି । 

ରାଜସ୍ଥାନରେ ରାଜନୈତିକ ନାଟକ ଜାରି ଥିବା ବେଳେ ପୂର୍ବତନ ମୁଖ୍ୟମନ୍ତ୍ରୀ ଏବଂ ବିଜେପି ନେତ୍ରୀ ବସୁନ୍ଧରା ରାଜେ ଶନିବାର ନୂଆଦିଲ୍ଲୀରେ କେନ୍ଦ୍ର ପ୍ରତିରକ୍ଷାମନ୍ତ୍ରୀ ରାଜନାଥ ସିଂହଙ୍କୁ ଭେଟିଛନ୍ତି । ରାଜସ୍ଥାନର ରାଜନୈତିକ ପରିଦୃଶ୍ୟ ସଂପର୍କରେ ଉଭୟ ନେତାଙ୍କ ମଧ୍ୟରେ ଆଲୋଚନା ହୋଇଛି । 

 

  • Tags:

Subscribe

National International State Sports Entertainment