ସୁପ୍ରିମକୋର୍ଟରେ ପୁନର୍ବିଚାର ଯାଚିକା ଦାଖଲ କଲା ନିର୍ଭୟା କାଣ୍ଡର ଦୋଷୀ ଅକ୍ଷୟ
Khabar Odisha:National-news-Nirbhaya-Case-Convict-Akshay-Kumar-Singh-Files-Review-Petition-In-Supreme-Court
ନୂଆଦିଲ୍ଲୀ, ଡିସେମ୍ବର ୧୦ (ଖବର ଓଡ଼ିଶା):

ନିର୍ଭୟା ଗଣ ବଳାତ୍କାର ଘଟଣାରେ ଦୋଷୀ ଅକ୍ଷୟ କୁମାର ସିଂହ ଦଣ୍ଡରୁ ବଞ୍ଚିବା ପାଇଁ ସୁପ୍ରିମକୋର୍ଟରେ ପୁନର୍ବିଚାର ଯାଚିକା ଦାଖଲ କରିଛି। ଏହା ପୂର୍ବରୁ ଶୀର୍ଷ କୋର୍ଟ ଦୋଷୀ ବିନୟ, ପବନ ଏବଂ ମୁକେଶର ପୁନର୍ବିଚାର ଯାଚିକାକୁ ଖାରଜ କରିଥିଲେ । ନିର୍ଭୟା ଗ୍ୟାଙ୍ଗରେପ ମାମଲାରେ ଏହି ଦୋଷୀମାନଙ୍କୁ ଫାଶୀ ଦଣ୍ଡ ଶୁଣାଇଛନ୍ତି କୋର୍ଟ । ଉଲ୍ଲେଖଯୋଗ୍ୟ ଯେ ସେମାନଙ୍କ ଦଣ୍ଡକୁ ଦିଲ୍ଲୀ ହାଇକୋର୍ଟ ଏବଂ ସୁପ୍ରିମକୋର୍ଟ ବଜାୟ ରଖିଥିଲେ । 

ଏହା ପୂର୍ବରୁ 2012 ମସିହାରେ ଦିଲ୍ଲୀରେ ହୋଇଥିବା ନିର୍ଭୟା ଗଣ ବଳାତ୍କାରର ଦୋଷୀ ବିନୟ ରାଷ୍ଟ୍ରପତିଙ୍କୁ ଚିଠି ଲେଖି ରାଜକ୍ଷମା ଆବେଦନକୁ ଫେରାଇ ନେବା ପାଇଁ ଦାବି କରିଥିଲେ । ଦୋଷୀ ବିନୟ ସିଂହ ନିଜର ଓକିଲ ଏପି ସିଂହଙ୍କ ମାଧ୍ୟମରେ ଶନିବାର ଦିନ ରାଷ୍ଟ୍ରପତିଙ୍କୁ ଚିଠି ଲେଖି ଅନୁରୋଧ କରିଥିଲେ ଯେ କ୍ଷମା ଆବେଦନ ଫେରାଇ ନେବା ପାଇଁ ଅନୁମତି ଦିଆଯାଉ । 

ଚିଠିରେ ଦାବି କରାଯାଇଥିଲା ଯେ ଗୃହ ମନ୍ତ୍ରାଳୟ ତରଫରୁ ରାଷ୍ଟ୍ରପତିଙ୍କୁ ପଠାଯାଇଥିବା କ୍ଷମା ଯାଚିକାରେ ବିନୟର ହସ୍ତାକ୍ଷର ନାହିଁ । ଏପି ସିଂହ ଅଭିଯୋଗ କରିଥିଲେ ଯେ ଏହା ଏକ ଷଡଯନ୍ତ୍ର, କାହିଁକି ବର୍ତ୍ତମାନ ସୁଦ୍ଧା ସେ ଯାଚିକା ଦାଖଲ କରି ନାହାନ୍ତି । ଅନ୍ୟପଟେ, ଏହା ଉପରେ ପୀଡିତାଙ୍କ ମାଆ ମଧ୍ୟ ରାଷ୍ଟ୍ରପତି ରାମନାଥ କୋବିନ୍ଦଙ୍କୁ ଚିଠି ଲେଖି କ୍ଷାମା ଯାଚିକା ଖାରଜ କରିବା ପାଇଁ ଅପିଲ କରିଛନ୍ତି ।   

Subscribe

National International State Sports Entertainment