ମୁମ୍ବାଇ: ମହାରାଷ୍ଟ୍ରର ବୀଡରୁ ଏକ ଚାଞ୍ଚଲ୍ୟକର ଘଟଣା ସାମ୍ନାକୁ ଆସିଛି। ଏଠାରେ ସ୍ପଷ୍ଟ ଦିବାଲୋକରେ ଜଣେ ବିଜେପି ନେତାଙ୍କୁ ଧାରୁଆ ଅସ୍ତ୍ରରେ ହତ୍ୟା କରାଯାଇଛି। ଏହା ପରେ ଅଭିଯୁକ୍ତ ଆତ୍ମସମର୍ପଣ କରିଛି। ଏହି ଘଟଣାଟି ମାଜଲଗାଓଁ ସହରରେ ଘଟିଛି। ମଙ୍ଗଳବାର ଅପରାହ୍ନରେ ବିଜେପି ପଦାଧିକାରୀଙ୍କୁ ନିର୍ମମ ଭାବରେ ହତ୍ୟା କରାଯାଇଛି, ଯାହା ସମଗ୍ର ସହରକୁ ଥରାଇ ଦେଇଛି। ରକ୍ତ ଜୁଡୁବୁଡୁ ଯୁବକଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।

କିଟିୟାଡଗାଓଁର ବିଜେପି ଲୋକସଭା ବିସ୍ତାରକାରୀ ବାବାସାହେବ ପ୍ରଭାକର ଆଗେ (ବୟସ ୩୫) ଧାରୁଆ ଅସ୍ତ୍ରରେ ଆକ୍ରମଣ ହେବାରୁ ଘଟଣାସ୍ଥଳରେ ହିଁ ମୃତ୍ୟୁବରଣ କରିଥିଲେ। ଏହି ମାମଲାରେ, ଅଭିଯୁକ୍ତ ଜଣକ ପୋଲିସ ଷ୍ଟେସନରେ ପହଞ୍ଚି ଆତ୍ମସମର୍ପଣ କରିଥିଲା। ପୋଲିସ ଇନ୍ସପେକ୍ଟର ରାହୁଲ ସୂର୍ଯ୍ୟତାଲ କହିଛନ୍ତି ଯେ ବାବାସାହେବ ହତ୍ୟା ମାମଲାର ଅଭିଯୁକ୍ତ ନିଜକୁ ଥାନାରେ ହାଜର କରିଥିଲା।

ମାଜଲଗାଓଁରେ ବାବାସାହେବ ପ୍ରଭାକର ଆଗେ ନାମକ ଜଣେ ଯୁବକଙ୍କୁ ଦାଆରେ କାଟି ନିର୍ମମ ଭାବରେ ହତ୍ୟା କରାଯାଇଥିଲା। ଏହି ସୂଚନା ବର୍ତ୍ତମାନ ମଜଲଗାଓଁ ପୋଲିସ ଇନ୍ସପେକ୍ଟର ରାହୁଲ ସୁର୍ଯ୍ୟଟାଲ ପ୍ରଦାନ କରିଛନ୍ତି। ସେ କହିଛନ୍ତି ଯେ ଆମେ ସୂଚନା ପାଇଲୁ ଯେ ଶାହୁନଗର ବିଜେପି କାର୍ଯ୍ୟାଳୟ ନିକଟରେ ଜଣେ ବ୍ୟକ୍ତିଙ୍କୁ ମାଡ଼ ଦିଆଯାଉଛି, ଯେତେବେଳେ ଆମେ ଘଟଣାସ୍ଥଳରେ ପହଞ୍ଚିଲୁ, ବାବାସାହେବ ପ୍ରଭାକର ଆହତ ଅବସ୍ଥାରେ ପାଇଲୁ।

ସେ କହିଛନ୍ତି ଯେ ଆମେ ତାଙ୍କୁ ଚିକିତ୍ସା ପାଇଁ ଗ୍ରାମାଞ୍ଚଳ ଡାକ୍ତରଖାନାକୁ ନେଇଥିଲୁ, ଯେଉଁଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଅପରାଧର ଅଭିଯୁକ୍ତ ନାରାୟଣ ଫାଫଲ ନିଜେ ପୋଲିସ ଷ୍ଟେସନରେ ହାଜର ହୋଇ କହିଛି ଯେ ସେ ଏହି ଅପରାଧ କରିଛି। ତଦନ୍ତରୁ ମିଳିଥିବା ତଥ୍ୟ ଅନୁଯାୟୀ ଆମେ ଏହି ମାମଲାରେ କାର୍ଯ୍ୟାନୁଷ୍ଠାନ ଗ୍ରହଣ କରିବୁ ବୋଲି ପୁଲିସ କହିଛି।

ଅଧିକ ପଢ଼ନ୍ତୁ: ଆଫଗାନିସ୍ତାନରେ ୬.୪ ତୀବ୍ରତାର ଭୂମିକମ୍ପ