ମୋଦୀଙ୍କୁ ଲାଲୁଙ୍କ ସମାଲୋଚନା: ମୋଦୀ ନିଜକୁ ରାମ ଓ ଜନତାଙ୍କୁ ହନୁମାନ ବନେଇବାକୁ ଚାହୁଁଛନ୍ତି
Khabar Odisha:pm-modi-wants-to-become-dictator-and-ruin-nation-lalu

ପାଟନା,ମେ୧୪(ଖବର ଓଡ଼ିଶା): ଆରଜେଡ଼ି ମୁଖ୍ୟ ଲାଲୁ ପ୍ରସାଦ ଯାଦବ ରବିବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଆରୋପ ଲଗାଇ କହିଛନ୍ତି ଯେ ମୋଦୀ ନିଜକୁ ଭଗବାନ ରାମ ଦେଖାଇବାକୁ ଚାହୁଁଛନ୍ତି। ସେ କହିଛନ୍ତି ଯେ ପିଏମ ମୋଦୀ ଏକଛତ୍ରବାଦ ଶାସନ କରିବାକୁ ଚାହୁଛନ୍ତି, ଏଥିରେ ସମସ୍ତ ବ୍ୟବସ୍ଥା ନଷ୍ଟ ହୋଇଯିବ।

ଲାଲୁ ପ୍ରସାଦ ଯାଦବ ସାମ୍ବାକିକଙ୍କ ସହ କଥାବାର୍ତ୍ତା ସମୟରେ କାଶ୍ମୀରରେ ପଥରମାଡ଼ଠୁ ନେଇ ପାକିସ୍ତାନ ଓ ଆମ୍ ଆଦମୀ ପାର୍ଟିର କନ୍ଦଳ ବିଷୟରେ ନିଜର ପ୍ରତିକ୍ରିୟା ଦେବା ସମୟରେ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ ନିଜେ ହେବାକୁ ଚେଷ୍ଟା କରୁଛନ୍ତି ଏବଂ ଲୋକଙ୍କୁ ହନୁମାନଙ୍କ ପରି ହେବାକୁ କହୁଛନ୍ତି। ଏହା ସହ ମୋଦୀ ଚାହୁଁଛନ୍ତି ଯେ ତାଙ୍କୁ କେହି ପ୍ରଶ୍ନ ନପଚାରି କେବଳ ତାଙ୍କ କଥା ଶୁଣନ୍ତୁ। ମୋଦୀ ଏକଛତ୍ରବାଦ ହେବାକୁ ଚାହୁଁଛନ୍ତି। ତାଙ୍କ ଶାସନ ଅମଳରେ ନା ଦେଶରେ ବିକାଶ ହୋଇ ପାରିବ ନା ନିଜକୁ ସୁରକ୍ଷିତ ରଖି ପାରିବ। ଲାଲୁ କହିଛନ୍ତି ଯେ ବିଜେପି ଦେଶକୁ ଗୋ ମାଂସର ସବୁଠୁ ବଡ଼ ଉତ୍ପାଦନକାରୀ ରାଷ୍ଟ୍ରରେ ପରିଣତ କରିଛନ୍ତି। ମାତ୍ର ଯିଏ ଗୋ ପାଳନ କରୁଛି ତାକୁ ମାରପିଟ କରାଯାଉଛି।

ଦେଶର ଏହି ପୂର୍ବ ରେଳମନ୍ତ୍ରୀ କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀ କହିଥିଲେ ଯେ ନୋଟବନ୍ଦୀ ପରେ କାଶ୍ମୀରରେ ପଥରମାଡ଼ ଘଟଣା ଓ ନକ୍ସଲ ଗତିବିଧିରେ ହ୍ରାସ ପାଇବ। ମାତ୍ର ଦରବୃଦ୍ଧି କମିବା ପରିବର୍ତ୍ତେ ବୃଦ୍ଧି ପାଇ ଚାଲିଛି। ଦେଶରେ ବେରୋଜଗାରୀ ଓ ସାମ୍ପ୍ରଦାୟିକ ଘଟଣା ବୃଦ୍ଧି ପାଇ ଚାଲିଛି। 

  • Tags:

Subscribe

National International State Sports Entertainment