ଯୁବକଙ୍କୁ ଗୁଳି ମାଡ କରି ଟଙ୍କା ନଥିବା ବ୍ୟାଗକୁ ଛଡାଇ ନେଲେ ଦୁବୃର୍ତ୍ତ
Khabar Odisha:Firing-By-2-Miscreants-to-youth-Who-Snatched-Bag

ଆଠଗଡ,ମେ ୧୩(ଖବର ଓଡିଶା): ଯୁବକଙ୍କୁ ଗୁଳିମାଡ କରି ବିନା ଟଙ୍କା ବ୍ୟାଗକୁ ନେଇ ଦୃବୁର୍ତ୍ତ ଫେରାର ହୋଇଯିବା ଘଟଣା ସ୍ଥାନୀୟ ବଜାରରେ ଚର୍ଚ୍ଚାର ବିଷୟ ହେଇଛି । ଘଟଣାଟି ଘଟିଛି ଆଠଗଡ ସହର ନିକଟ କନ୍ତୋଲ ବଜାରରେ ।

ରିପୋର୍ଟ ଅନୁସାରେ, ଯୁବକ ଜଣକ ବାଇକରେ ନରସିଂହପୁରରୁ ଜଗତସିଂହପୁରକୁ ଯାଉଥିଲେ । ତାଙ୍କ ହାତରେ ବ୍ୟାଗ୍ ଦେଖି ୨ ଜଣ ଦୁବୃର୍ତ୍ତ ବାଇକ ଯୋଗେ ତାଙ୍କୁ ପିଛା କରିଥିଲେ । କନ୍ତୋଲ ବଜାରରେ ନିକଟହେବା ମାତ୍ରେ ଦୁବୃର୍ତ୍ତ ଦ୍ୱୟ ଯୁବକଙ୍କୁ ଅଟକାଇଥିଲେ । ଏହା ଦେଖି ଯୁବକ ଜଣକ ତାଗିଦ୍ କରିବାରୁ ଦୁବୃର୍ତ୍ତ ମାନେ ଯୁବକଙ୍କୁ ଗୁଳି ମାଡ କରିଥିଲେ । ଗୁଳିଟି ଯୁବକଙ୍କ ହାତରେ ବାଜିବାରୁ ସେହି ସ୍ଥାନରେ ସେ ପଡିଯାଇଥିଲେ ଏବଂ ଜୋରରେ ପାଟି କରିଥିଲେ । ଏହା ଦେଖି ଦୁବୃର୍ତ୍ତ ଦ୍ୱୟ ଯୁବକଙ୍କ ହାତରୁ ବ୍ୟାଗଟିକୁ ନେଇ ସେଠାରୁ ଫେରାର୍ ହୋଇଯାଇଥିଲେ ।

 ତେବେ ଘଟଣାସ୍ଥଳରେ ଆଠଗଡ ପୋଲିସ ପହଞ୍ଚି ଆହତ ଯୁବକଙ୍କୁ କଟକ ବଡ ମେଡିକାଲକୁ ହସ୍ତାନ୍ତର କରିଥିଲା । ପୋଲିସର କହିବା ଅନୁସାରେ, ବ୍ୟାଗରେ କିଛି ଟଙ୍କା ନଥିଲା । ଦୁବୃର୍ତ୍ତ ମାନେ ଟଙ୍କା ବ୍ୟାଗ୍ ଭାବି ଯୁବକଙ୍କୁ ଗୁଳି କରିଥିଲେ । ୨ ଜଣ ଦୁବୃର୍ତ୍ତଙ୍କୁ ଧରିବା ପାଇଁ ଅନୁସନ୍ଧାନ ଜରିରହିଛି ବୋଲି ପୋଲିସ କହିଛି ।

  • Tags:

Subscribe

National International State Sports Entertainment