<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           କୁମ୍ଭମେଳାରେ ଭାଇଚାରା: ହିନ୍ଦୁ ଆଖଡ଼ାରେ ଆଲୋକର ବ୍ୟବସ୍ଥା କଲେ ମୁସଲିମ ବ୍ୟକ୍ତି
        </title>
        <link>
           http://khabarodisha.com/National/Muslim-who-gives-light-to-Hindu-Akhadas-46778
        </link>
        <guid>
           http://khabarodisha.com/National/Muslim-who-gives-light-to-Hindu-Akhadas-46778
        </guid>
        <pubDate>
           Fri, 18 Jan 2019 07:05:01 GMT
        </pubDate>
        <description>

ପ୍ରୟାଗରାଜ, ଜାନୁଆରୀ ୧୮ (ଖବର ଓଡ଼ିଶା): ଉତ୍ତରପ୍ରଦେଶର ପ୍ରୟାଗରାଜ ଠାରେ ଜାରି ଥିବା କୁମ୍ଭମେଳାରେ ପୁଣି ଏକ ଭାଇଚାରା ଜ୍ୱଳନ୍ତ ଉଦାହରଣ ଦେଖିବାକୁ ମିଳିଛି । ବିଶ୍ୱର ସର୍ବବୃହତ୍ତ ଆଧ୍ୟାତ୍ମିକ ମେଳାରେ ହିନ୍ଦୁ ଆଖଡ଼ାରେ ଜଣେ ମୁସଲିମ ବ୍ୟକ୍ତି ଆଲୋକର ବ୍ୟବସ୍ଥା କରୁଛନ୍ତି । ଏହା ଥରେ କି ଦୁଇଥର ନୁହେଁ ସଂପୃକ୍ତ ବ୍ୟକ୍ତି ତିନି ଦଶନ୍ଧି ଧରି ହିନ୍ଦୁ ଆଖଡ଼ାରେ ଇଲେକ୍ଟ୍ରି ଯୋଗାଉଛନ୍ତି । 

ନିଜ ଘର ଠାରୁ ଦୀର୍ଘ ୮୦୦ କିଲୋମିଟରୁ ଆସିଛନ୍ତି ମହମ୍ମଦ ମେହମୁଦ । ସେ ଜୁନା ଆଖଡ଼ାରେ ସାଧୁସନ୍ଥଙ୍କ ପାଇଁ ଆଲୋକର ବ୍ୟବସ୍ଥା କରୁଛନ୍ତି । ଖୁସିରେ ମହମ୍ମଦ କହିଛନ୍ତି, ଯେକୌଣସି ଆଖଡାକୁ ବିଦ୍ୟୁତ ସଂଯୋଗ କରିବା ପାଇଁ ମୁଁ ପ୍ରସ୍ତୁତ । କୌଣସି ସାଧୁଙ୍କ ମନରେ କଷ୍ଟ ନ ଦେବା ମୋର ଲକ୍ଷ୍ୟ । ଜରୁରୀକାଳୀନ ପରିସ୍ଥିତିରେ ମୁଁ ସେବା ଯୋଗାଇବାକୁ ପ୍ରସ୍ତୁତ । ସାଧୁମାନେ ଏହି ବ୍ୟକ୍ତିଙ୍କୁ ଖୁସିରେ ମୁଲ୍ଲା ଜୀ ଡାକୁଛନ୍ତି । 

ସୂଚନାଯୋଗ୍ୟ ଦୀର୍ଘ ୨ ମାସ ଧରି ଚାଲିବାକୁ ଥିବା ଏହି ମେଳାରେ ପାଖାପାଖି ୧୨ କୋଟି ଶ୍ରଦ୍ଧାଳୁଙ୍କ ସମାବେଶ ହେବ। ଉତ୍ତର ପ୍ରଦେଶ ସରକାର ଏଥିପାଇଁ ଆବଶ୍ୟକ ପଦକ୍ଷେପ ନେଇଛନ୍ତି। ଆଗାମୀ ମାର୍ଚ୍ଚ ୦୪ ଯାଏଁ ଚାଲିବାକୁ ଥିବା ଏହି ମେଳାର ବିଭିନ୍ନ ସମୟରେ ଶ୍ରଦ୍ଧାଳୁମାନେ ପବିତ୍ର ଗଙ୍ଗା ନଦୀରେ ବୁଡ଼ ପକାଇବେ। କୁମ୍ଭମେଳାରେ ଲକ୍ଷାଧିକ ନାଗା ସାଧୁ ଏକତ୍ର ହେବେ। ଜାନୁଆରୀ ୧୫ରେ ଶାହୀ ସ୍ନା ବୁଡ଼ ଆରମ୍ଭ ହୋଇଯାଇଥିବା ବେଳେ ଦ୍ୱିତୀୟ ଶାହୀ ସ୍ନାନ ଫେବୃୟାରୀ ୪ ଓ ତୃତୀୟ ଶାହୀ ସ୍ନାନ ଫେବୃୟାରୀ ୧୦ରେ ଆୟୋଜନ ହେବ ।

କୁମ୍ଭସ୍ଥଳରେ ପ୍ରବଳ ଭିଡ଼କୁ ଦୃଷ୍ଟିରେ ରଖି ସୁରକ୍ଷା ବ୍ୟବସ୍ଥା କଡ଼ା କଡ଼ି କରି ଦିଆଯାଇଛି। ପ୍ରୟାଗରାଜ ଠାରେ ପ୍ରତି ୬ ବର୍ଷରେ କୁମ୍ଭମେଳା ଓ ପ୍ରତି ୧୨ ବର୍ଷରେ ମହାକୁମ୍ଭମେଳା ଆୟୋଜନ ହୋଇଥାଏ। ଚଳିତ ବର୍ଷ  ଉତ୍ତରପ୍ରଦଶେ ସରକାର ଅର୍ଦ୍ଧକୁମ୍ଭ ମେଳାକୁ ‘କୁମ୍ଭ’ ଓ କୁମ୍ଭକୁ ‘ମହାକୁମ୍ଭ’ ବୋଲି ଘୋଷଣା କରିଛନ୍ତି। ହିନ୍ଦୁ ଜ୍ୟେର୍ତିବିଦଙ୍କ ଦ୍ୱାରା ପ୍ରକୃତ କୁମ୍ଭମେଳା ନିର୍ଦ୍ଧାରଣ ହୋଇଥାଏ। 

 

        </description>
      </item>
      <item>
        <title>
           ଦେଶର ୪୦ ହଜାର କଲେଜରେ ଏହି ଶିକ୍ଷା ବର୍ଷରେ ଲାଗୁ ହେବ ସଂରକ୍ଷଣ ବ୍ୟବସ୍ଥା: ମୋଦୀ
        </title>
        <link>
           http://khabarodisha.com/National/New-reservation-will-be-implemented-in-40000-colleges-Narendra-Modi-46775
        </link>
        <guid>
           http://khabarodisha.com/National/New-reservation-will-be-implemented-in-40000-colleges-Narendra-Modi-46775
        </guid>
        <pubDate>
           Fri, 18 Jan 2019 06:08:28 GMT
        </pubDate>
        <description>

ଗାନ୍ଧୀନଗର, ଜାନୁଆରୀ ୧୮ (ଖବର ଓଡ଼ିଶା): ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଗୁରୁବାର କହିଛନ୍ତି, ସାଧାରଣ ବର୍ଗର ଗରିବ ପିଲାମାନଙ୍କ ପାଇଁ ୧୦ ପ୍ରତିଶତ ସଂରକ୍ଷଣ ପାଇଁ ସାମ୍ବିଧାନିକ ସଂଶୋଧନ କରିବା କେନ୍ଦ୍ର ସରକାରଙ୍କ ରାଜନୈତିକ ଆଗ୍ରହ ଯୋଗୁଁ ସମ୍ଭବ ହୋଇଛି। ନୂତନ ସଂରକ୍ଷଣ ବ୍ୟବସ୍ଥା ଏହି ଶିକ୍ଷାବର୍ଷ ଠାରୁ ଲାଗୁ କରାଯିବ। ଦେଢ଼ ହଜାର ବେଡ ବିଶିଷ୍ଟ ସର୍ଦ୍ଦାର ବଲ୍ଲଭଭାଇ ପଟେଲ ଆୟୁବିଜ୍ଞାନ ଏବଂ ଅନୁସନ୍ଧାନ ପ୍ରତିଷ୍ଠାନର ଉଦ୍‌ଘାଟନ ପରେ ପ୍ରଧାନମନ୍ତ୍ରୀ ମୋଦୀ ଉପସ୍ଥିତ ଲୋକଙ୍କୁ ଏହି ସୂଚନା ଦେଇଛନ୍ତି। ମୋଦୀ କହିଛନ୍ତି, ବର୍ତ୍ତମାନ ସାମାଜିକ ସଂରକ୍ଷଣକୁ ପ୍ରଭାବିତ ବିନା ଆର୍ଥିକ ଆଧାରରେ ସଂରକ୍ଷଣ ଦିଆଯାଇଛି।  

ସରକାର ସମାଜର ସବୁ ବର୍ଗର ଲୋକଙ୍କୁ ସମାନ ସୁବିଧା ଦେବେ

ପ୍ରଧାନମନ୍ତ୍ରୀ ମୋଦୀ କହିଛନ୍ତି, ନୂତନ ସଂରକ୍ଷଣ ବ୍ୟବସ୍ଥା ଏହି ବର୍ଷ ଠାରୁ ଆରମ୍ଭ ହୋଇଯାଉଛି। ଦେଶର ୯୦୦ ବିଶ୍ୱବିଦ୍ୟାଳୟର ୪୦ ହଜାର କଲେଜରେ ଏହି ସଂରକ୍ଷଣ ବ୍ୟବସ୍ଥାକୁ ଲାଗୁ କରାଯିବ। କଲେଜ ଗୁଡ଼ିକରେ ୧୦ ପ୍ରତିଶତ ସିଟ ବଢ଼ାଇ ଦିଆଯିବ। ମୋଦୀ କହିଛନ୍ତି, ତାଙ୍କ ନେତୃତ୍ୱରେ ପରିଚାଳିତ ସରକାର ସମାଜର ସବୁ ବର୍ଗକୁ ସୁଯୋଗ ଦେବାକୁ ପ୍ରତିବଦ୍ଧ। ମୋଦୀ କହିଛନ୍ତି, ଉଦ୍‌ଘାଟିତ ନୂଆ ହସ୍ପିଟାଲରେ ଆୟୁଷ୍ମାନ ଭାରତ ଯୋଜନା ସହିତ ଯୋଡ଼ାଯିବ। ଏହା ଦ୍ୱାରା ଗରିବ ଲୋକଙ୍କୁ ଚିକିତ୍ସା କରାଇବାରେ ସୁବିଧା ହେବ। 

ମୋଦୀ କହିଛନ୍ତି, ପ୍ରଧାନମନ୍ତ୍ରୀ ଆୟୁଷ୍ମାନ ଭାରତ ଯୋଜନାରେ ୧୦୦ ଦିନରେ ୭ ଲକ୍ଷ ଗରିବ ଲୋକ ଚିକିତ୍ସା କରାଇଛନ୍ତି। ଏହା ପ୍ରଥମ ହସ୍ପିଟାଲ, ଯେଉଁଠାରେ ହେଲିପେଡ ବ୍ୟବସ୍ଥା ରହିବ। ବର୍ଷ ୨୦୧୨ରେ ଆରମ୍ଭ ହୋଇଥିବା ହସ୍ପିଟାଲରେ ନୂତନ ଜ୍ଞାନକୌଶଳ ମାଧ୍ୟମରେ ଲୋକଙ୍କୁ ଚିକିତ୍ସା ମିଳିବ। 

        </description>
      </item>
      <item>
        <title>
           ମିଶନ ୨୦୧୯: ମେଣ୍ଟକୁ ମାତ୍ ଦେଇ ପଦ୍ମ ଫୁଟାଇବା ପାଇଁ ବ୍ୟୁହୋ ରଚନା କରିବେ ଶାହା
        </title>
        <link>
           http://khabarodisha.com/National/Politics-Odisha-BJP-president-amit-shah-will-make-strategy-to-defeat-sp-bsp-gathbandhan-46773
        </link>
        <guid>
           http://khabarodisha.com/National/Politics-Odisha-BJP-president-amit-shah-will-make-strategy-to-defeat-sp-bsp-gathbandhan-46773
        </guid>
        <pubDate>
           Thu, 17 Jan 2019 22:56:05 GMT
        </pubDate>
        <description>

ଭାରତୀୟ ଜନତା ପାର୍ଟି ୨୦୧୯ ଲୋକସଭା ନିର୍ବାଚନରେ ୟୁପିରେ ବଡ଼ ବିଜୟ ପାଇଁ ବୁଥ୍ ଦଖଲ ରଣନୀତି ଉପରେ ଆଗକୁ  ବଢୁଛି। ପାର୍ଟିର ଅଧ୍ୟକ୍ଷ ଅମିତ୍ ଶାହା ଖୋଦ୍ ପଶ୍ଚିମ ୟୁପିର ୨୭,୫୦୦ ବୁଥ୍ ଟିମକୁ  ନିର୍ବାଚନୀ ବ୍ୟୁହୋ ରଚନା ପାଇଁ ଟିପ୍ସ ଦେବେ। ଏଥିପାଇଁ ଫେବୃଆରୀ ୨ରେ ଗଜରୌଲା ବୁଥ୍ ସମ୍ମିଳନୀର ଆୟୋଜନ କରାଯାଇଛି।  ଏଠାରେ ପାର୍ଟି ନିଜର ବୁଥ୍ କର୍ମୀଙ୍କୁ ‘ମୋର ବୁଥ୍ ସବୁଠୁ ମଜବୁତ’ ଓ ‘ବୁଥ୍ ଜିତ, ସବୁ ଜିତ’ ସନ୍ଦେଶ ଦେବ। 

ଉଲ୍ଲେଖଯୋଗ୍ୟ, ଭାରତୀୟ ଜନତା ପାର୍ଟି ଦୁଇ ମାସ ପୂର୍ବରୁ ହିଁ ୨୦୧୯ ଲୋକସଭା ନିର୍ବାଚନ ପାଇଁ ପ୍ରସ୍ତୁତିରେ ଜୁଟିଛି। ପାର୍ଟି ନିର୍ବାଚନ ପର୍ଯ୍ୟନ୍ତ ତିନି ପର୍ଯ୍ୟାୟର ପ୍ରୋଗ୍ରାମ ମଧ୍ୟ ଜାରି କରିଛି। ବିଜେପିର କହିବା କଥା ୭୩ ପ୍ଲସ ଲୋକସଭା ସିଟ୍  ହାସଲ ପାଇଁ ଦକ୍ଷିଣ ୟୁପିରେ ଏସପି-ବିଏସପି ମେଣ୍ଟକୁ ବୁଥ୍ ସ୍ତରରୁ ହିଁ ମାତ୍ ଦେବାକୁ ପଡ଼ିବ। ଏଥିପାଇଁ ଖୋଦ୍  ପାର୍ଟି ଅଧ୍ୟକ୍ଷ ଅମିତ୍ ଶାହା ଓ ପିଏମ ନରେନ୍ଦ୍ର ମୋଦୀ ବୁଥ୍ ସ୍ତରର କର୍ମୀଙ୍କ ସହ ସିଧାସଳଖ କଥା ହେଉଛନ୍ତି।

ଏହା ରହିବ ରଣନୀତି

କୁହାଯାଉଛି ଯେ ବିଜେପି ନୀତିରେ ବିଶ୍ଵାସ ରଖୁଥିବା ୫୦ ପ୍ରତିଶତରୁ ଅଧିକ  ଭୋଟର୍ସଙ୍କୁ ପାର୍ଟି ପକ୍ଷରେ ଟାଣିବା ଲକ୍ଷ୍ୟକୁ ପୂରା କରିବା ପାଇଁ ଶାହା କାର୍ଯ୍ୟକର୍ତ୍ତାଙ୍କୁ ଟିପ୍ସ ଦେବେ। ପାର୍ଟି ଉଦ୍ୟମ କରିବ ଯେ ଯେମିତି ପ୍ରତ୍ୟେକ ବୁଥରେ ଅତି କମରେ ୮୦ ପ୍ରତିଶତରୁ ଅଧିକ ଭୋଟିଂ ପଡ଼ିବ। ଭୋଟ୍ ଦେବାରେ ଯେମିତି କେହି ବଞ୍ଚିତ ନହୁଅନ୍ତି ସେଥିପାଇଁ ବୁଥ୍ ଓ ବୁଥ୍  ପାର୍ଟି ପ୍ରମୁଖଙ୍କ ଦଳ ସହିତ ଉତ୍ତମ ସମନ୍ଵୟ ରଖାଯିବ।

୨୦୧୬ରେ ମଧ୍ୟ ପାଠ ପଢାଇଥିଲେ ଶାହା

ଉଲ୍ଲେଖଯୋଗ୍ୟ ୨୦୧୭ ୟୁପି ବିଧାନସଭା ନିର୍ବାଚନ ପୂର୍ବରୁ ମଧ୍ୟ ୨୦୧୬ ଜୁନ ୩୦ରେ ଅମିତ୍ ଶାହା ଦକ୍ଷିଣ ୟୁପିର ବୁଥସ୍ତରୀୟ କାର୍ଯ୍ୟକର୍ତ୍ତାଙ୍କ ସମ୍ମିଳନୀ କରିଥିଲେ। ଏହା ପରେ ବିଧାନସଭା ନିର୍ବାଚନରେ ପାର୍ଟି ଉନ୍ନତ ପ୍ରଦର୍ଶନ କରିଥିଲା। 

        </description>
      </item>
      <item>
        <title>
           ମହାକାଶରୁ ରଖାଯିବ ପାକିସ୍ତାନ ସହ ଲାଗି ରହିଥିବା ସୀମା ଉପରେ ନଜର, ଚାଲିଛି ଦମଦାର ପ୍ଲାନ
        </title>
        <link>
           http://khabarodisha.com/National/National-Odisha-ISRO-launch-exclusive-satellite-to-help-mha-in-securing-46771
        </link>
        <guid>
           http://khabarodisha.com/National/National-Odisha-ISRO-launch-exclusive-satellite-to-help-mha-in-securing-46771
        </guid>
        <pubDate>
           Thu, 17 Jan 2019 22:03:45 GMT
        </pubDate>
        <description>

ସେହି ଦେଶର ସୀମାକୁ କେହି  ଛୁଇଁ ପାରିବେ ନାହିଁ, ଯେଉଁ ଦେଶ ନିଜ ସୀମା ଉପରେ ସର୍ବଦା ନଜର ରଖୁଥିବ। ଭାରତ ପାଇଁ ସୀମାର ସୁରକ୍ଷା ସର୍ବଦା ଚ୍ୟାଲେଞ୍ଜ ରହି ଆସିଛି କାରଣ ଆମର ପଡୋଶୀ ଦେଶ ସର୍ବଦା ସୀମାରେ ଅନୁପ୍ରବେଶ କରିବା ସହିତ ଆତଙ୍କୀ ଆକ୍ରମଣ କରିବାକୁ ଚେଷ୍ଟା କରୁଛି। ଏହାକୁ ରୋକିବା ପାଇଁ ଭାରତୀୟ ସୁରକ୍ଷା ବଳଙ୍କୁ ଦିନ ରାତି ସୀମାରେ ପ୍ରହରା ଦେବାକୁ ପଡ଼ୁଛି। ଏଥିରେ ଧନଜୀବନ ମଧ୍ୟ କ୍ଷତି ଘଟୁଛି। ମାତ୍ର ଶୀଘ୍ର ସୀମାକୁ ଆହୁରି ସଶକ୍ତ କରିବା ପାଇଁ ଅନ୍ତରୀକ୍ଷରେ ଥିବା ସାଟେଲାଇଟ୍ ଶୀଘ୍ର ଦେଶର  ଆଖି ହେବାକୁ ଯାଉଛି। ଏହି ଉପଗ୍ରହ ସୀମାରେ କୌଣସି ପ୍ରକାରର ଗତିବିଧି ଉପରେ ନଜର ରଖିବ।

ଗୁରୁବାର ସରକାରୀ ବୟାନରେ କୁହାଯାଇଛି ଯେ  ଭାରତୀୟ  ମହାକାଶ ଗବେଷଣକାରୀ ସଂସ୍ଥା(ଇସ୍ରୋ) ପାକିସ୍ତାନ ଓ ବାଂଲାଦେଶ ସମେତ ଅନ୍ୟ ଦେଶ ସହ ଲାଗି ରହିଥିବା ସୀମାକୁ ପୂରା ସୁଦୃଢ କରିବାରେ ସ୍ଵରାଷ୍ଟ୍ର ମନ୍ତ୍ରଣାଳୟର ସାହାଯ୍ୟ ପାଇଁ ଏକ ଖାସ୍ ଉପଗ୍ରହ ଉତକ୍ଷେପଣ କରିବ।  ଗୃହ ମନ୍ତ୍ରୀ ରାଜନାଥ ସିଂହ ଏହାକୁ ସ୍ଵୀକାର କରିଛନ୍ତି ଯେ ଏହି ପ୍ରୋଜେକ୍ଟର ସମୟସୀମା- ଲଘୁ, ମଧ୍ୟମ ଓ ଦୀର୍ଘକାଳୀନ ଯୋଜନା ଆଧାରରେ ଇସ୍ରୋ ଓ ପ୍ରତିରକ୍ଷା ମନ୍ତ୍ରଣାଳୟ ସହିତ ମିଶି  5 ବର୍ଷରେ ଏହାକୁ ଲାଗୁ କରିବାକୁ ପ୍ରସ୍ତାବ ରହିଛି।

ଗୃହ ମନ୍ତ୍ରଣାଳୟ ବୟାନ ମୁତାବକ ଏହି ରିପୋର୍ଟରେ ପ୍ରମୁଖ ପ୍ରସ୍ତାବ ସୀମାରେ ମୁତୟନ ସୁରକ୍ଷାବଳଙ୍କ କ୍ଷମତା ବୃଦ୍ଧି କରିବାକୁ ନେଇ ରହିଛି। ଏଥିପାଇଁ ସୁରକ୍ଷା, ଅପରେସନାଲ ପ୍ଲାନିଂ ଓ ସୀମାରେ ଇନଫ୍ରାଷ୍ଟ୍ରକଚର ବିକାଶ ପାଇଁ  ମହାକାଶ ବିଜ୍ଞାନର ବ୍ୟବହାର କରିବାକୁ କୁହାଯାଇଛି। 

ମିଡ-ଟର୍ମରେ ଏମଏଚଏର ବିଶେଷ ବ୍ୟବହାର ପାଇଁ ଇସ୍ରୋ ଦ୍ଵାରା ଏକ ଉପଗ୍ରହ ପ୍ରକ୍ଷେପଣ କରାଯିବ। ଅନ୍ୟ ପଟେ ଦୀର୍ଘକାଳୀନ ଯୋଜନା ଆଧାରରେ ଏମଏଚଏ ଏହାର ଇନଫ୍ରାଷ୍ଟ୍ରକଚର ବିକଶିତ କରିବ। ଏଥିରେ ଏଜେନ୍ସି ଉପଗ୍ରହରୁ ସୀମା ସମ୍ବନ୍ଧିତ ସୂଚନା ପାଇ ପାରିବେ। ଉପଗ୍ରହରୁ ମିଳିବାକୁ ଥିବା ଫୋଟକୁ ଗୋଟିଏ ଜାଗାରେ ଷ୍ଟୋର କରିବା ଏବଂ ଏହାକୁ ଏଜେନ୍ସିକୁ ପ୍ରଦାନ କରିବା ପାଇଁ ସ୍ଵତନ୍ତ୍ର ବ୍ୟବସ୍ଥା କରାଯାଉଛି। 

ଗୃହ ମନ୍ତ୍ରଣାଳୟ କହିଛି ଯେ,  ସୁଦୂର ଇଲାକାରେ ମୁତୟନ କେନ୍ଦ୍ରୀୟ ସଶସ୍ତ୍ର ପୋଲିସ ବଳଙ୍କୁ ମଧ୍ୟ ଉପଗ୍ରହର ସୂଚନା ପ୍ରଦାନ କରାଯିବ। ଉଲ୍ଲେଖଯୋଗ୍ୟ  ଭାରତ ସୀମାରେ ପାକିସ୍ତାନ, ଚୀନ, ବାଂଲାଦେଶ, ନେପାଳ, ଭୂଟାନ ଓ ମିଆନମାର ଲାଗି  ରହିଛି। 

        </description>
      </item>
      <item>
        <title>
           ଲୋକସଭା ନିର୍ବାଚନ ତାରିଖର ମିଛ ପ୍ରଚାର ନେଇ ରାଗିଲେ ନିର୍ବାଚନ ଆୟୋଗ
        </title>
        <link>
           http://khabarodisha.com/National/national-news-state--Election-Commission-Directs-Chief-Electoral-Officer-Delhi-To-Investigate-The-Matter-Of-Fake-News-46770
        </link>
        <guid>
           http://khabarodisha.com/National/national-news-state--Election-Commission-Directs-Chief-Electoral-Officer-Delhi-To-Investigate-The-Matter-Of-Fake-News-46770
        </guid>
        <pubDate>
           Thu, 17 Jan 2019 21:42:47 GMT
        </pubDate>
        <description>

ଭରତୀୟ ନିର୍ବାଚନ ଆୟୋଗ ମିଛ ଖବର ପ୍ରସାରଣଙ୍କୁ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ କହିଛନ୍ତି । ଲୋକସଭା ନିର୍ବାଚନ ତାରିଖ ଘୋଷଣା ନେଇ ଯେଉଁ ମିଛ ଖବର ପ୍ରସାରଣ ହେଉଛି ତାକୁ ବନ୍ଦ କରିବା ସହ ଏହି ଘଟଣାରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରିବାକୁ ନିର୍ଦେଶ ଦେଇଛନ୍ତି । ଭାରତୀୟ ନିର୍ବାଚନ ଆୟୋଗ ଏହି ମିଛ ଖବର ପ୍ରସାରଣ ରୋକିବା ପାଇଁ ଦିଲ୍ଲୀର ନିର୍ବାଚନ ଆଯୋଗଙ୍କୁ ନିର୍ଦେଶ ଦେଇଛନ୍ତି । ନିର୍ବାଚନ ଆୟୋଗ ନିର୍ଦେଶ ଦେଇଛନ୍ତି ଯେ ପୋଲିସ ଏହି ମିଛି ପ୍ରଚାର ବିରୋଧରେ ଯାଞ୍ଚ କରୁ । ଏହି ମିଛ ପ୍ରଚାରରେ ଜଡିତ ଥିବା ବ୍ୟାକ୍ତି ଓ ସଂଗଠନ ବିରୋଧରେ କାର୍ଯ୍ୟନୁଷ୍ଠାନ ଗ୍ରହଣ କରାଯାଉ ବୋଲି କହିଛନ୍ତି । 

ସୂଚନାଯୋଗ୍ୟ ଯେ ୨୦୧୯ ରେ ହେବାକୁ ଥିବା ଲୋକସଭା ନିର୍ବାଚନ ତାରିଖକୁ ନେଇ ସାମାଜିକ ଗଣମାଧ୍ୟମରେ ମିଛ ପ୍ରଚାର ହେଉଛି ।  

        </description>
      </item>
      <item>
        <title>
           ସୈନିକ ମାନଙ୍କ ପାଇଁ ନୂଆ ବୁଝାରୀ ନିର୍ମାଣ କଲା ଡିଆରଡିଓ, ବାର୍ଷିକ ସଞ୍ଚୟ ହେବ ୩,୬୫୦ କୋଟି
        </title>
        <link>
           http://khabarodisha.com/National/national-odisha-DRDO-Made-Bukhari-For-Soldiers-Will-Save-3650-Crore-Yearly-46767
        </link>
        <guid>
           http://khabarodisha.com/National/national-odisha-DRDO-Made-Bukhari-For-Soldiers-Will-Save-3650-Crore-Yearly-46767
        </guid>
        <pubDate>
           Thu, 17 Jan 2019 20:44:56 GMT
        </pubDate>
        <description>

ରକ୍ଷା ଅନୁସନ୍ଧାନ ଏବଂ ବିକାଶ ସଂଗଠନ ଏକ ନୂଆ ବୁଖାରୀ ନିର୍ମାଣ କରିଛନ୍ତି । ଏହି ନୂଆ ବୁଖାରୀ ପାଇଁ ବାର୍ଷିକ ୩,୬୫୦ କୋଟି ଟଙ୍କା ସରକରୀ ଟଙ୍କା ବଞ୍ଚିତ ହେବ । ଏହି ବୁଖାରୀ ମୁଖ୍ୟତ ଥଣ୍ଡା ଅଞ୍ଚଳରେ ରହୁଥିବା ସୈନିକ ମାନଙ୍କୁ ସାହାର୍ଯ୍ୟ କରିବ । ସିଆଚୀନ ପରି ଥଣ୍ଡା ସ୍ଥାନାରେ ସୈନିକ ମାନଙ୍କ ପାଇଁ ଲଗାଯିବ । ଏହି ବୁଖାରୀ ବ୍ୟବହାର କରାଯିବା ପରେ ଦୈନିକ ପ୍ରାୟ ୧୦ ଲିଟିର ଇନ୍ଧନ ବଞ୍ଚିବ । ଏହା ସହ ଏହି ବୁଖାରୀର ବ୍ୟାବହାର ଫଳରେ ପ୍ରଦୂଷଣର ମାତ୍ର ମଧ୍ୟ କମିବ । 

ଏହି ବୁଖାରୀ କିରୋସିନ ଦ୍ୱାରା ଚାଲିବା ଏବଂ ରୁମ ହିଟର ପରି କାମ କରିବ । ଏହା ସେହି ଅଞ୍ଚଳ ଗୁଡିକରେ ବ୍ୟବହାର କରାଯିବ ଯେଉଁଠାରେ ବିଜୁଳୀ ନଥିବ । ସିଆଚୀନ ପରି ଅତ୍ୟଧିକ ଥଣ୍ଡା ଜାଗା ଯେଉଁଠାରେ ତାପମାତ୍ର ଶୂନ୍ୟ ଡିଗ୍ରୀ ତଳକୁ ଚାଲିଯାଇଥାଏ ସେଠାରେ ବିନା ହିଟରରେ ରହିବା ଅସମ୍ଭବ ହୋଇଥାଏ, ସେଠାରେ ଥିବା ଶିବିର ଗୁଡିକରେ ଗରମ କରିବା ପାଇଁ ବୁଖାରୀର ବ୍ୟବହାର କରାଯାଇଥାଏ । 

ଏହି ନୂଆ ବୁଖାରୀକୁ ଡିଆରଡିଓର ଡିଫେନ୍ସ ଇଷ୍ଟିଚିୟୁଟ ଅଫ ଫିଜିଓଲୋଜି ଏଣ୍ଡ ଏଲାଇଡ ସାଇନ୍ସ(ଦୀପାସ) ନିର୍ମାଣ କରିଛି । ସେନା ପାଖରେ ବର୍ତ୍ତମାନ ୨୦ ହଜାର ବୁଖାରୀ ଅଛି । ପାରମ୍ପାରିକ ବୁଖାରୀ ବଦଳରେ ନୂଆ ବୁଖାରୀ ବ୍ୟବହାର କରିବା ଦ୍ୱାରା 

        </description>
      </item>
      <item>
        <title>
           ସିବିଆଇ ମୁଖ୍ୟ ବର୍ମାଙ୍କ ପରେ ଆସ୍ତାନାଙ୍କ ଉପରେ ପ୍ରହାର, କାର୍ଯ୍ୟକାଳ ସରିବା ପୂର୍ବରୁ ହଟାଗଲା ପଦରୁ
        </title>
        <link>
           http://khabarodisha.com/National/National-odisha-government-curtails-tenures-of-rakesh-asthana-from-cbi-46766
        </link>
        <guid>
           http://khabarodisha.com/National/National-odisha-government-curtails-tenures-of-rakesh-asthana-from-cbi-46766
        </guid>
        <pubDate>
           Thu, 17 Jan 2019 20:40:15 GMT
        </pubDate>
        <description>

ସିବିଆଇ ବିବାଦରେ ଏଜେନ୍ସିର ନିର୍ଦ୍ଦେଶକ ପଦରୁ ଆଲୋକ ବର୍ମା ବହିଷ୍କାର ହେବା ପରେ  ଏବେ ସ୍ଵତନ୍ତ୍ର ନିର୍ଦ୍ଦେଶକ ରାକେଶ ଆସ୍ତାନାଙ୍କ ସମେତ ଚାରି ଜଣ ଅଫିସରଙ୍କ ଉପରେ ପଡ଼ିଛି ଚଡ଼କ। ସରକାର ତତ୍କାଳ ପ୍ରଭାବରୁ  ରାକେଶ ଆସ୍ତାନା ଓ ସିବିଆଇର ଅନ୍ୟ ତିନି ଜଣ ଅଫିସରଙ୍କ କାର୍ଯ୍ୟକାଳ ହ୍ରାସ କରିଛନ୍ତି। ଫଳରେ କାର୍ଯ୍ୟକାଳ ସରିବା ପୂର୍ବରୁ ଏହି ଚାରି ଅଧିକାରୀଙ୍କୁ ପଦରୁ ହଟାଯାଇଛି। କ୍ୟାବିନେଟର ନିଯୁକ୍ତ  ସମିତି ଗୁରୁବାର ସନ୍ଧ୍ୟାରେ ଏହି ସମ୍ବନ୍ଧରେ  ଆଦେଶ ଜାରି କରିଛନ୍ତି। 

ଏଠାରେ କହି ରଖୁଛୁ ଯେ କିଛି ଦିନ ପୂର୍ବେ  ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଗଠିତ ଉଚ୍ଚକ୍ଷମତା ସଂପନ୍ନ ଚୟନ କମିଟି ସିବିଆଇ ନିର୍ଦ୍ଦେଶକ ଆଲୋକ ବର୍ମାଙ୍କୁ  ପଦରେ ହଟାଇବାକୁ ବଡ଼  ନିଷ୍ପତ୍ତି ନେଇଥିଲେ। ସମିତିରେ ଅନ୍ୟ ସଦସ୍ୟଙ୍କ ମଧ୍ୟରେ କଂଗ୍ରେସର ବରିଷ୍ଠ ନେତା ମଲିକାର୍ଜୁନ ଖଡ଼ଗେ ଓ ଜଷ୍ଟିସ ଏକେ ସିକରୀ ସାମିଲ ଥିଲେ।

ତିନି ଅନ୍ୟ ଅଫିସରଙ୍କ ମଧ୍ୟରେ ଯୁଗ୍ମ ନିର୍ଦ୍ଦେଶକ ଅରୁଣ କୁମାର ଶର୍ମା, ଡିଆଇଜି ଅରୁଣ କୁମାର ଶର୍ମା, ଡିଆଇଜି ମନୀଷ କୁମାର ସିହ୍ନା, ଏସପି ଜୟନ୍ତ ଜେ, ନାଇକନଓ୍ଵେର ସାମିଲ ଅଛନ୍ତି। ଏହି ସବୁ ଅଧିକାରୀଙ୍କୁ କାର୍ଯ୍ୟକାଳ ସରିବା ପୂର୍ବରୁ ପଦରୁ ହଟାଯାଇଛି। ଏହା ପୂର୍ବରୁ  ସିବିଆଇର ଦୁଇ ଜଣ ବରିଷ୍ଠ ଅଫିସର ପରସ୍ପର ଉପରେ ଗମ୍ଭୀର ଆରୋପ ଲଗାଇବା ପରେ ଉଭୟଙ୍କୁ ପଦମୁକ୍ତ କରାଯାଇ ଅନିର୍ଦ୍ଧିଷ୍ଟକାଳ ପର୍ଯ୍ୟନ୍ତ ଛୁଟିରେ ପଠାଇ ଦିଆଯାଇଥିଲା।  

ଏହା ପରେ ଘଟଣାକ୍ରମ ଦ୍ରୁତ ଗତିରେ ପରିବର୍ତ୍ତନ ଘଟିଥିଲା।  ସୁପ୍ରିମକୋର୍ଟ ନିକଟରେ ଆଲୋକ ବର୍ମାଙ୍କୁ ତାଙ୍କ ପଦରେ ପୁନଃ  ଅବସ୍ଥାପିତ କରିଥିଲେ।  ମାତ୍ର ଗୋଟିଏ ଦିନ ପରେ ଉଚ୍ଚକ୍ଷମତା ସଂପନ୍ନ ଚୟନ କମିଟି ବର୍ମାଙ୍କୁ ହଟାଇ ଅଗ୍ନିଶମ ଓ ନିରାପତ୍ତ ବିଭାଗକୁ ବଦଳି କରିଥିଲେ। ସିବିଆଇ ଇତିହାସରେ ଏହା ପ୍ରଥମ ଘର ଘଟିଥିଲା ଯେବେ ଏଜେନ୍ସିର ମୁଖ୍ୟ ବିରୋଧରେ ଏମିତି କାର୍ଯ୍ୟାନୁଷ୍ଠାନ ନିଆଯାଇଥିଲା। 

        </description>
      </item>
      <item>
        <title>
           କର୍ଣ୍ଣାଟକ ସଂକଟ ପାଇଁ ବିଜେପି ନୁହେଁ, ଦଳୀୟ ନେତାଙ୍କ କ୍ଷମତା ଲୋଭ ଦାୟୀ
        </title>
        <link>
           http://khabarodisha.com/National/Politics-National-Karnatak-crisis-power-tussle-between-siddaramaiah-and-dk-shivakumar-46765
        </link>
        <guid>
           http://khabarodisha.com/National/Politics-National-Karnatak-crisis-power-tussle-between-siddaramaiah-and-dk-shivakumar-46765
        </guid>
        <pubDate>
           Thu, 17 Jan 2019 20:09:11 GMT
        </pubDate>
        <description>

 କର୍ଣ୍ଣାଟକରେ ବିଜେପି ଅପରେସନ ଲୋଟସ୍ ଜରିଆରେ କଂଗ୍ରେସ ନେତାଙ୍କୁ ଚକିତ କରିଛି। ମାତ୍ର ସୂତ୍ର ମୁତାବକ  କଂଗ୍ରେସର ଅବସ୍ଥା ଠିକ୍ ନାହିଁ। କାରଣ ସଂକଟ ପଛରେ ବିଜେପି ନୁହଁ ବରଂ ପାର୍ଟିର ବରିଷ୍ଠ ନେତା ଦାୟୀ ଅଟନ୍ତି।  ଏବେ ସଂକଟକୁ ଟାଳିବାର ଶ୍ରେୟ ମୁଖ୍ୟମନ୍ତ୍ରୀ କୁମାରସ୍ଵାମୀଙ୍କୁ ଦିଆଯାଉଛି, କାରଣ ସେ ଆଗକୁ ଆସି ଅସନ୍ତୁଷ୍ଟ  ବିଧାୟକଙ୍କ ସହ ଆଲୋଚନା କରିଛନ୍ତି।

କଂଗ୍ରେସର ସୂତ୍ର ମୁତାବକ ଏହି ମେଣ୍ଟ ସରକାର କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କ କାରଣରୁ ହୋଇଛି। ଏବେ ଉପୁଜିଥିବା ଏହି ସଂକଟ ସମୟରେ ମୁଖ୍ୟମନ୍ତ୍ରୀ କୁମାରସ୍ଵାମୀ ଦିଲ୍ଲୀରେ ବିଜେପି  ଜାଲରେ ଫସିଥିବା ବିଧାୟକଙ୍କ ସହିତ ସଂପର୍କରେ ଥିଲେ। ସେଥିପାଇଁ ସେ ତାଙ୍କ ସରକାର ଭାଙ୍ଗିବ ନାହିଁ ବୋଲି ନିଶ୍ଚିତ ଥିଲେ। ସୂତ୍ର ମୁତାବକ ତିନି ଦିନ ପର୍ୟ୍ୟେନ୍ତ ଚାଲିଥିବା ସଂକଟର ସବୁଠୁ ବଡ଼ କାରଣ ବିଧାୟକ ଦଳର ନେତା ସିଦ୍ଧରମୈୟା ଓ ଜଳ ସମ୍ବଳ ମନ୍ତ୍ରୀ ଡିକେ ଶିବକୁମାରଙ୍କ ମଧ୍ୟରେ ଚାଲିଥିବା କ୍ଷମତା ଲଢେଇ। କ୍ୟାବିନେଟ୍ ପଦ ବ୍ୟତୀତ ବୋର୍ଡ ଓ କର୍ପୋରେସନରେ ପଦକୁ ନେଇ ମଧ୍ୟ ଉଭୟ ନେତାଙ୍କ ମଧ୍ୟରେ ଟଣାଓଟରା ଲାଗି ରହିଛି। ଯାହାର ଫାଇଦା ବିଜେପି ଉଠାଇବାକୁ ଚେଷ୍ଟା କରିଛି।

ଜଣେ ମନ୍ତ୍ରୀ କହିଛନ୍ତି ଯେ ବିଜେପି ଏହି ସଙ୍କଟକୁ ଉସୁକାଇବା ପାଇଁ ଦାୟୀ ନୁହଁ। ଉପ ମୁଖ୍ୟମନ୍ତ୍ରୀ ଜି ପରମେଶ୍ଵର ମଧ୍ୟ ମାନିଛନ୍ତି ଯେ ଏହି ସଂକଟ ପରିସ୍ଥିତି ପାଇଁ ବିଜେପି ଦାୟୀ ନୁହଁ। ମୁଁ ମନା କରୁନାହିଁ ଯେଉଁ ବିଧାୟକଙ୍କୁ କ୍ୟାବିନେଟରେ ସାମିଲ ହେବାର ଇଚ୍ଛା ଥିଲା କିମ୍ବା ମନ୍ତ୍ରୀ ହେବାକୁ ଚାହୁଁଥିଲେ, ସେମାନେ ନିଜ ନିଜର ଭାବନାକୁ ମଧ୍ୟ କହିଥିଲେ। ମାତ୍ର କିଛି ମାସ ପରେ ବିଧାୟକଙ୍କ ଏହି ଇଚ୍ଛା ଦବି ଯାଇଥିଲା ଏବଂ ସେମାନେ ଅନୁଭବ କରିଥିଲେ ଯେ ସବୁ ଲୋକଙ୍କୁ ମନ୍ତ୍ରୀ କରାଯାଇ ପାରିବ ନାହିଁ। 

ଉପମୁଖ୍ୟମନ୍ତ୍ରୀ ପରେମଶ୍ଵର କଂଗ୍ରେସ ପକ୍ଷରୁ କୁମାରସ୍ଵାମୀ ଦ୍ଵାରା ମଧ୍ୟସ୍ତ ଭୂମିକାକୁ  ଉଚିତ୍ ଦର୍ଶାଇ କହିଛନ୍ତି ଯେ  ସେ କୌଣସି ପାର୍ଟିର ନୁହନ୍ତି ବରଂ  ରାଜ୍ୟର ମୁଖ୍ୟମନ୍ତ୍ରୀ। ନିଶ୍ଚିତ ରୂପେ ସେ ବିଧାୟକଙ୍କ ସମର୍ଥନରେ ଥିଲେ ଏବଂ ତାଙ୍କ ସହ ଆଲୋଚନା କରିଥିଲେ। ତେଣୁ ଏହି ସଂକଟ ଟଳିଯାଇଛି। 

        </description>
      </item>
      <item>
        <title>
           ପ୍ରତିବନ୍ଧକ ସତ୍ୱେ ତାମିଲନାଡୁରେ ଜଲ୍ଲୀକଟ୍‌ଟୁ ଆୟୋଜିତ, ପ୍ରତିଯୋଗିତାରେ ୧୦୦ରୁ ଅଧିକ ଆହତ
        </title>
        <link>
           http://khabarodisha.com/National/culture-odisha--Jallikattu-Is-Continue-In-Tamilnadu-More-Than-100-People-Injured-46764
        </link>
        <guid>
           http://khabarodisha.com/National/culture-odisha--Jallikattu-Is-Continue-In-Tamilnadu-More-Than-100-People-Injured-46764
        </guid>
        <pubDate>
           Thu, 17 Jan 2019 19:42:16 GMT
        </pubDate>
        <description>

ତାମିଲନାଡୁରେ ପାରମ୍ପାରିକ ପ୍ରତିଯୋଗିତା ଜଲ୍ଲୀକଟ୍‌ଟୁ ପାଇଁ ୧୦୦ରୁ ଅଧିକ ଆହତ ହୋଇଥିବା ସୂଚନା ମିଳିଛି । ପୋଲିସର କହିବାକଥା ଅନୁସାରେ ୨୦ରୁ ଅଧିକ ଗୁରୁତର ଆହତ ହୋଇଛନ୍ତି । ଗୁରୁତର ମାନଙ୍କୁ ଡାକ୍ତରଖାନରେ ଭର୍ତ୍ତି କରାଯାଇଛି । ତାମିଲନାଡୁରେ ଷଣ୍ଡକୁ କାବୁ କରିବାର ଏକ ପାରମ୍ପାରିକ ପ୍ରତିଯୋଗିତା ରହିଛି । ଯାହା ଜଲ୍ଲୀକଟ୍‌ଟୁ ନାଁରେ ପରିଚିତ । 

ସୂଚନାଯୋଗ୍ୟ ଯେ ସୁପ୍ରିମୋକୋର୍ଟ ଜଲ୍ଲୀକଟ୍‌ଟୁ ଉପରେ ପ୍ରତିବନ୍ଧ ଲଗାଇ ସାରିଛନ୍ତି । ଏହାପରେ ମଧ୍ୟ ପ୍ରତି ବର୍ଷ ଜାନୁଆରୀରେ ପାଳନ କରାଯାଉଥିବା ପୋଙ୍ଗଲରେ ଏହା ଆୟୋଜନ କରାଯାଇଥାଏ । ସୂଚନା ଅନୁସାରେ ୫ ଶହ ଷଣ୍ଡଙ୍କୁ କାବୁ କରିବାକୁ ପ୍ରାୟ ୭୫୦ ଜଣ ଲୋକ ପ୍ରତିଯୋଗିତାରେ ସାମିଲ ହୋଇଥିଲେ । ମଦୁରାଇର ଅଲଙ୍ଗନଲ୍ଲୁରରେ ଗୁରୁବାର ଷଣ୍ଡ ମାନଙ୍କୁ ପୂଜା କରିବା ପରେ ଏହି ପ୍ରତିଯୋଗିତା ଆରମ୍ଭ ହୋଇଥିଲା । ଏହି ପ୍ରତିଯୋଗିତାର ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ବୋଲି ପୋଲିସ ପକ୍ଷରୁ କୁହାଯାଇଛି । 

ଜଲ୍ଲୀକଟ୍‌ଟୁ ତାମିଲନାଡୁରେ ପୋଙ୍ଗଲ ସମୟରେ ହେଉଥିବା ଏକ ପାରମ୍ପାରିକ ପ୍ରତିଯୋଗିତା । ଏଥିରେ ପ୍ରଥମେ ଷଣ୍ଡ ମାନଙ୍କୁ ରଗାଯାଇଥାଏ, ଏହାପରେ ସେହି ଷଣ୍ଡକୁ କାବୁ କରାଯାଇଥାଏ । ପଶୁପକ୍ଷୀ ମାନଙ୍କ ଅଧିକାରୀ ପାଇଁ ଲଢୁଥିବା ଗୋଟିଏ ସଂଗଠନର ବିରୋଧ ପରେ ଏହା ଉପରେ ରୋକ ଲଗାଯାଇଥିଲେ ସୁପ୍ରିମକୋର୍ଟ । ଏହାପରେ ମଧ୍ୟ ଏହି ପ୍ରତିଯୋଗିତା ଜାରି ରହିଛି । 

        </description>
      </item>
      <item>
        <title>
           ସାମ୍ବାଦିକ ଛତ୍ରପତି ହତ୍ୟାକାଣ୍ଡ: ରାମ ରହିମଙ୍କୁ ଆଜୀବନ ଜେଲ୍
        </title>
        <link>
           http://khabarodisha.com/National/National-odisha-gurmeet-ram-rahim-ram-chander-chhatrapati-murder-case-46763
        </link>
        <guid>
           http://khabarodisha.com/National/National-odisha-gurmeet-ram-rahim-ram-chander-chhatrapati-murder-case-46763
        </guid>
        <pubDate>
           Thu, 17 Jan 2019 20:39:21 GMT
        </pubDate>
        <description>

ସାଧ୍ଵୀ ଯୌନ ଶୋଷଣ ମାମଲାରେ ସୁନାରିଆ ଜେଲରେ ସଜା କାଟୁଥିବା ଡେରା ସଚ୍ଚା ସୌଦାର ପ୍ରମୁଖ ଗୁରମିତ ରାମ ରହିମଙ୍କୁ ସାମ୍ବାଦିକ ରାମଚନ୍ଦ୍ର ଛତ୍ରପତିଙ୍କ ହତ୍ୟାକାଣ୍ଡରେ ସିବିଆଇର ସ୍ଵତନ୍ତ୍ର କୋର୍ଟ ଆଜୀବନ କାରାଦଣ୍ଡରେ ଦଣ୍ଡିତ କରିଛନ୍ତି। 16 ବର୍ଷର ପୁରୁଣା ମାମଲାରେ କୋର୍ଟ ଗୁରମିତ ରାମ ରହିମଙ୍କୁ ଆଜୀବନ ଦଣ୍ଡାଦେଶ ଶୁଣାଇଛନ୍ତି କୋର୍ଟ। ଏହି ମାମଲାରେ ରାମ ରହିମଙ୍କ ବ୍ୟତୀତ ତିନି ଅନ୍ୟ ଦୋଷୀ କୁଲଦୀପ ସିଂହ,  ନିର୍ମଳ ସିଂହ ଓ କୃଷ୍ଣ ଲାଲଙ୍କୁ ମଧ୍ୟ ଆଜୀବନ କାରାଦଣ୍ଡରେ କୋର୍ଟ ଦଣ୍ଡିତ କରିଛନ୍ତି। ଏହା ବ୍ୟତୀତ ସବୁ ଦୋଷୀଙ୍କ ଉପରେ 50 ହଜାର ଟଙ୍କା ଲେଖାଏ ଜୋରିମାନା ମଧ୍ୟ ଲଗାଯାଇଛି। ସଜା ଘୋଷଣା ପୂର୍ବରୁ ସିବିଆଇ କୋର୍ଟରେ ରାମ ରହିମଙ୍କୁ ଫାଶି ଦେବାକୁ ଦାବି କରିଥିଲେ। ୨୦ ବର୍ଷର ସଜା ଶେଷ ହେବା ପରେ ୭୦ ବର୍ଷ ବୟସରେ ତାଙ୍କର ଏହି ସଜା ଆରମ୍ଭ ହେବ। 

ସାଧ୍ଵୀ ଯୌନ ଶୋଷଣ ମାମଲାର ଶୁଣାଣି ସମୟରେ ପଞ୍ଚକୁଲାରେ  ଘଟି ଯାଇଥିବା ଦଙ୍ଗାକୁ ଧ୍ୟାନରେ ରଖି ପଞ୍ଜାବ ଓ ହରିୟାଣାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା।  ସୁରକ୍ଷା ଦୃଷ୍ଟିକୋଣରୁ ସୁରକ୍ଷାବଳଙ୍କୁ ପ୍ରତିଟି ଜାଗାରେ ମୁତୟନ କରାଯାଇଥିଲା, ଯେମିତି କୌଣସି ପ୍ରକାର ଅଘଟଣ ନଘଟେ। 

ଖବର ପ୍ରକାଶିତ କରିବାକୁ ହୋଇଥିଲା ହତ୍ୟା

ଉଲ୍ଲେଖଯୋଗ୍ୟ ୨୦୦୨ରେ ସାମ୍ବାଦିକ ରାମଚନ୍ଦ୍ର ଛତ୍ରପତିଙ୍କୁ ଗୁଳି କରି ହତ୍ୟା କରାଯାଇଥିଲା। ଏହାର କାରଣ ଛତ୍ରପତି ନିଜର ସମାଚାରରେ ଡେରା ସଚ୍ଚା ସମ୍ବନ୍ଧିତ ଖବର ପ୍ରକାଶିତ କରୁଥିଲେ। ତାଙ୍କ  ହତ୍ୟା ପରେ ପରିବାରଲୋକେ ମାମଲା ରୁଜୁ କରିଥିଲେ। ପରେ ଏହାର ତଦନ୍ତ ଭାର ସିବିଆଇକୁ ଦିଆଯାଇଥିଲା। ସିବିଆଇ ୨୦୦୭ରେ ଚାର୍ଜସିଟ୍ ଦାଖଲ କରିଥିଲା ଏବଂ ଏଥିରେ ରାମ ରହିମଙ୍କୁ ରାମଚନ୍ଦ୍ରଙ୍କ ହତ୍ୟା ପାଇଁ ଷଡ଼ଯନ୍ତ୍ର ରଚିଥିବା ଅଭିଯୋଗରେ ଆରୋପି କରାଯାଇଥିଲା।

ଏହି ଧାରା ଅନୁସାରେ ଦୋଷୀ ସାବ୍ୟସ୍ତ

ସାମ୍ବାଦିକ ଛତ୍ରପତି ହତ୍ୟାକାଣ୍ଡ ମାମଲାରେ ପଞ୍ଚକୁଲାର ସ୍ଵତନ୍ତ୍ର ସିବିଆଇ କୋର୍ଟ ଡେରା ପ୍ରମୁଖ ଗୁରମିତ ରାମ ରହିମ ଓ କୃଷ୍ଣଲାଲଙ୍କୁ ଆଇପିସିର ଧାରା ୧୨୦ବି(ଅପରାଧିକ ଷଡ଼ଯନ୍ତ୍ର ରଚିବା) ଓ ୩୦୨ ଆଧାରରେ ଦୋଷୀ ସାବ୍ୟସ୍ତ କରିଥିଲେ। ଏହି  ପରି କୁଲଦୀପ ସିଂହ ଓ ନିର୍ମଲ ସିଂହଙ୍କୁ ଆଇପିସିର ଧାରା ୩୦୨(ହତ୍ୟା ଷଡ଼ଯନ୍ତ୍ର) ଓ ୧୨୦ବି(ଅପରାଧିକ ଷଡ଼ଯନ୍ତ୍ର) ଆଧାରରେ ଦୋଷୀ ବିବେଚନା କରାଯାଇଥିଲା। 

        </description>
      </item>
   </rss>
 </channel>