<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>http://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) 2017 EASY TECHNOLOGIES.PVT.LTD, http://easytechnologies.co.in/
      </copyright>
      <image>
        <title>Khabar Odisha</title>
        <link>http://khabarodisha.com/</link>
        <url>
          http://khabarodisha.com/passets/images/logo.png
        </url>
      </image>
      <item>
        <title>
           ମଧ୍ୟପ୍ରଦେଶ: ବିଜେପି ନେତାଙ୍କୁ ଗୁଳି କରି ହତ୍ୟା
        </title>
        <link>
           http://khabarodisha.com/Crime/MP-BJP-leader-Prahlad-Bandhwar-shot-dead-in-Mandsaur-46774
        </link>
        <guid>
           http://khabarodisha.com/Crime/MP-BJP-leader-Prahlad-Bandhwar-shot-dead-in-Mandsaur-46774
        </guid>
        <pubDate>
           Fri, 18 Jan 2019 06:02:27 GMT
        </pubDate>
        <description>

ଭୋପାଳ, ଜାନୁଆରୀ ୧୮ (ଖବର ଓଡ଼ିଶା): ଭାରତୀୟ ଜନତା ପାର୍ଟି ନେତାଙ୍କୁ ଗୁରୁବାର ମଧ୍ୟପ୍ରଦେଶର ମନ୍ଦସୌର ଜିଲ୍ଲାର ନାଇ ଅବାଦିରେ ଗୁଳି କରି ହତ୍ୟା କରାଯାଇଛି । ରିପୋର୍ଟ ଅନୁସାରେ ମୃତ ବିଜେପି ନେତା ହେଉଛନ୍ତି ପ୍ରହଲ୍ଲାଦ ବନ୍ଦୱାର ଘଟଣାର ଶିକାର ହୋଇଛନ୍ତି । ପ୍ରହ୍ଲାଦ ମନ୍ଦସୌର ନଗରପାଳିକାର ସଭାପତି ଥିଲେ । 

ପ୍ରହଲ୍ଲାଦଙ୍କ ମୃତ୍ୟୁ ନେଇ ପୁଲିସ ଏକ ହତ୍ୟା ମାମଲା ରୁଜୁ କରି ଘଟଣାର ତଦନ୍ତ କରୁଛି । ପୋଲିସ କହିଛି, ଆମକୁ ଜଣେ ବ୍ୟକ୍ତିଙ୍କ ନାଁ ମିଳିଛି । ଅଭିଯୁକ୍ତକୁ ଖିରଫ କରିବା ପାଇଁ ପୋଲିସ ଛାନଭିନ ଆରମ୍ଭ କରି ଦେଇଛି । ଜମି ବିବାଦକୁ ନେଇ ଏହି ଗୁଳିକାଣ୍ଡ ଘଟଣା ଘଟିଥିବା ପୂର୍ବାନୁମାନ କରାଯାଉଛି । 

ସୂଚନାଯୋଗ୍ୟ ଯେ, ବିଜେପି ନେତାଙ୍କୁ ଗୁଳି କରି ହତ୍ୟା କରିବା ଚଳିତ ମାସରେ ଏହା ହେଉଛି ତୃତୀୟ ଘଟଣା । ଗୁଜରାଟର ପୂର୍ବତନ ବିଜେପି ବିଧାୟକ ଜୟନ୍ତୀଲାଲ ଭାନୁଶାଳୀଙ୍କୁ ଚଳିତ ମାସ ୭ ତାରିଖରେ କେହି ଜଣେ ଦୁର୍ବୃତ୍ତ ଗୁଳିକରି ହତ୍ୟା କରିଛି । ଜୟନ୍ତୀଲାଲ ଘଟଣା ଦିନ ସାୟଜୀ ନଗରୀ ଏକ୍ସପ୍ରେସ ଟ୍ରେନରେ ଯାତ୍ରା କରୁଥିଲେ । କଟିଆରା ଠାରୁ ସରବାରୀ ଷ୍ଟେସନ ମଧ୍ୟରେ ଜୟନ୍ତୀଲାଲ ବସିଥିବା ବଗିକୁ କେହି ଜଣେ ଦୁର୍ବୃତ୍ତ ପଶିଆସ ଅଚାନକ ଗୁଳି କରି ଫେରାର ହୋଇଯାଇଥିଲା । ଜିଆରପି ଥାନାରେ ଅଭିଯୋଗ ହେବା ପରେ ପୋଲିସ ଘଟଣାର ତଦନ୍ତ କରୁଛି । ଗୁଜୁରାଟ ବିଜେପି ଶାଖାର ପୂର୍ବତନ ସଭାପତି ଜୟନ୍ତୀଲାଲ ଭାନୁଶାଳୀ ଏକ ମାମଲାରେ ଛନ୍ଦି ହେବା ପରେ ଗତ ବର୍ଷ ଜୁଲାଇରେ ନିଜ ପଦରୁ ଇସ୍ତଫା ଦେଇଥିଲେ । ଜୟନ୍ତୀଲାଲ ଅବଡାସ ବିଧାନସଭା ଆସନରୁ ୨୦୦୭ରୁ ୨୦୧୨ ବିଧାୟକ ଥିଲେ । ଜୟନ୍ତୀଲାଲଙ୍କୁ ହତ୍ୟା କରିବାର ଗୋଟିଏ ଦିନ ପରେ ବିହାରରେ ଜଣେ ଭାରତୀୟ ଜନତା ପାର୍ଟିର ନେତା ମଧ୍ୟ ଅନୁରୂପ ଭାବରେ ହତ୍ୟାର ଶିକାର ହୋଇଛନ୍ତି । ରିପୋର୍ଟ ଅନୁସାରେ ମୁଜାଫରପୁର ଜିଲ୍ଲାରେ ବାଇଜୁ ପ୍ରସାଦ ଗୁପ୍ତା ନାଁରେ ଜଣେ ବ୍ୟକ୍ତିମାନଙ୍କୁ ଦୁର୍ବୃତ୍ତମାନେ ଗୁଳିକରି ହତ୍ୟା କରିଛନ୍ତି । 

 

        </description>
      </item>
      <item>
        <title>
           ପିପିଲି ଗଣଦୁଷ୍କର୍ମ ଓ ହତ୍ୟା ଘଟଣା, ହାଇକୋର୍ଟର ଦ୍ୱାରସ୍ଥ ହେଲା କ୍ରାଇମବ୍ରାଞ୍ଚ
        </title>
        <link>
           http://khabarodisha.com/Crime/crime-odisha-pipili-issue-crime-branch-knocks-high-court-door-46756
        </link>
        <guid>
           http://khabarodisha.com/Crime/crime-odisha-pipili-issue-crime-branch-knocks-high-court-door-46756
        </guid>
        <pubDate>
           Thu, 17 Jan 2019 17:14:14 GMT
        </pubDate>
        <description>

ପିପିଲି ଗଣଦୁଷ୍କର୍ମ ଓ ହତ୍ୟା ମାମଲାରେ ହାଇକୋର୍ଟଙ୍କ ଦ୍ୱାରସ୍ଥ ହୋଇଛି କ୍ରାଇମବ୍ରାଞ୍ଚ । କ୍ରାଇମବ୍ରାଞ୍ଚ ପକ୍ଷରୁ ଏହି ଆବେଦନ କରାଯାଇଛି । ତଳକୋର୍ଟଙ୍କ ରାୟର ବିରୋଧରେ ହାଇକୋର୍ଟ ଯାଇଛି କ୍ରାଇମବ୍ରାଞ୍ଚ । ମାମଲାରେ ଉପଯୁକ୍ତ ଶୁଣାଣୀ କରି ଦୋଷୀଙ୍କ ବିରୋଧରେ ଉପଯୁକ୍ତ ଦଣ୍ଡ ଦେବାରୁ ଅପିଲ କରିଛି କ୍ରାଇମବ୍ରାଞ୍ଚ ।

ଗତ ଡିସେମ୍ବର ୨୪ ତାରିଖରେ  ଭୁବନେଶ୍ୱର ଜିଲ୍ଲା ଦୌରା ଜଜ ଦୁଇ ଅଭିଯୁକ୍ତଙ୍କୁ ନିର୍ଦ୍ଦୋଶରେ ଖଲାସ କରିଥିଲେ । ଯାହାକୁ ନେଇ ତୀବ୍ର ଅସନ୍ତୋଷ ସୃଷ୍ଟି ହୋଇଥିଲା ।  ଏହାକୁ ନେଇ ବିରୋଧୀ ଦଳ ଗୁଡିକ ସରକାର ଓ କ୍ରାଇମବ୍ରାଞ୍ଚର ତଦନ୍ତ ଉପରେ ପ୍ରଶ୍ନ ଉଠାଇଥିଲେ । 

        </description>
      </item>
      <item>
        <title>
           ଜଳେଶ୍ୱର ଗଣଦୁଷ୍କର୍ମ ମାମଲା , ଦୁଇ ବଳାତ୍କାରୀଙ୍କୁ ୨୦ ବର୍ଷ ଲେଖାଏଁ ଜେଲ ଦଣ୍ଡାଦେଶ ଦେଲେ ପୋକ୍ସୋ କୋର୍ଟ
        </title>
        <link>
           http://khabarodisha.com/Crime/crime-Odisha-jaleswar-gangrape-court-judgement-to-accused-46753
        </link>
        <guid>
           http://khabarodisha.com/Crime/crime-Odisha-jaleswar-gangrape-court-judgement-to-accused-46753
        </guid>
        <pubDate>
           Thu, 17 Jan 2019 16:28:30 GMT
        </pubDate>
        <description>

 ଦୁଷ୍କର୍ମକାରୀଙ୍କୁ ମିଳିଲା ଦଣ୍ଡ । ୨୦୧୬ରେ ଜଳେଶ୍ୱର ଥାନା ଅଞ୍ଚଳରେ ହୋଇଥିବା ଗଣଦୁଷ୍କର୍ମ ଘଟଣାରେ ଦୁଇ ଦୋଷୀଙ୍କୁ ମିଳିଛି ୨୦ବର୍ଷ ଲେଖାଏଁ ଦଣ୍ଡ । ଅଭିଯୁକ୍ତ ସନାତନ ମଣ୍ଡଳ ଓ ବିକ୍ରମ ମାଝୀଙ୍କୁ ବାଲେଶ୍ଵରର ସ୍ଵତନ୍ତ୍ର ପୋକ୍ସୋ କୋର୍ଟ ଏହି ଦଣ୍ଡରେ ଦଣ୍ଡିତ କରିଛନ୍ତି।

ସୂଚନା ମୁତାବକ ୨୦୧୬ରେ ବାଲେଶ୍ୱର ଜିଲ୍ଲା ଜଳେଶ୍ୱର ଥାନା ଅଞ୍ଚଳରେ  ହୋଇଥିବା ଗଣଦୁଷ୍କର୍ମ ମାମଲା ଅଭିଯୋଗରେ ଗୁରୁବାର ପୋକ୍ସୋ କୋର୍ଟରେ ଶୁଣାଣୀ ହୋଇଛି। ଏହି ଘଟଣାରେ ଜଜ  ଅଭିଯୁକ୍ତଙ୍କୁ ୨୦ ବର୍ଷ ଲେଖାଏଁ ଜେଲଦଣ୍ଡାଦେଶ ମିଳିଛି । ଗଣବଳାତ୍କାରର ଅଭିଯୁକ୍ତ ସନାତନ ମଣ୍ଡଳ ଓ ବିକ୍ରମ ମାଝିଙ୍କୁ ୨୦ ବର୍ଷ ଲେଖାଏଁ ଜେଲ ଦଣ୍ଡ ଦିଆଯାଇଛି ।

କୋର୍ଟଙ୍କ ନିଷ୍ପତ୍ତି ପରେ ପୀଡିତାଙ୍କ ପରିବାର ଲୋକେ ଆଶ୍ଵସ୍ତି ପ୍ରକାଶ କରି କହିଛନ୍ତି ଯେ ଦୀର୍ଘ ବର୍ଷ ପରେ ଆମକୁ ନ୍ୟାୟ ମିଳିଛି। ବିଳମ୍ବ ହେଲେ ମଧ୍ୟ ଦୋଷୀଙ୍କୁ ଉଚିତ୍ ଦଣ୍ଡ ମିଳିଛି। 

        </description>
      </item>
      <item>
        <title>
           ହାତୀ ଛୁଆ ମୃତ୍ୟୁ ଘଟଣାକୁ ଲୁଚେଇବାକୁ ପ୍ରୟାସ, ତଦନ୍ତ ଆରମ୍ଭ
        </title>
        <link>
           http://khabarodisha.com/Crime/crime-odisha-baripada-forest-department-tried-to-hide-elephant-death-46750
        </link>
        <guid>
           http://khabarodisha.com/Crime/crime-odisha-baripada-forest-department-tried-to-hide-elephant-death-46750
        </guid>
        <pubDate>
           Thu, 17 Jan 2019 16:11:42 GMT
        </pubDate>
        <description>

 ହାତୀ ମୃତ୍ୟୁ ଲୁଚାଇବାକୁ ପ୍ରୟାସ । ନିଜ ଦୋଷ ଲୁଚାଇବାକୁ ବନବିଭାଗର ହୀନ ଉଦ୍ୟମ । ଏପରି ଏକ ଘଟଣା ଦେଖିବାକୁ ମିଳିଛି କପ୍ତିପଦା ରେଞ୍ଜ ରାଇପାହାଡ଼ରେ । ଏହି ଅଂଚଳରେ ଏକ ହାତରଛୁଆର ମୃତ୍ୟୁ ହେବା ପରେ ତାକୁ ପୋତିଦିଆଯାଇଛି ।

ସୂଚନା ମୁତାବକ, ବାରିପଦା ଜିଲ୍ଲା କପ୍ତିପଦା ରେଞ୍ଜ ରାଇପାହାଡ଼ରେ ଏକ ହାତୀ ଛୁଆର ମୃତ୍ୟୁ ହୋଇଥିଲା । ଘଟଣା ପ୍ରଘଟ ନହେବା ପାଇଁ  ତାକୁ ବନକର୍ମଚାରୀମାନେ ପୋତିଦେଇଛନ୍ତି  । ହାତୀଛୁଆର ମୃତ୍ୟୁର କାରଣ ଅସ୍ପଷ୍ଟ ରହିଛି । ମୃତ ହାତୀଛୁଆକୁ ପୋତି ଦିଆଯାଇଥିବା ଖୋଦ ଡ଼ିଏଫଓ ସ୍ୱୀକାର କରିଛନ୍ତି  ।

ହାତୀଛୁଆ ମୃତ୍ୟୁ ଘଟଣାକୁ ଲୁଚେଇବାକୁ ଉଦ୍ୟମ ପଛରେ ଥିବା କାରଣର ତଦନ୍ତ ପାଇଁ ଘଟଣାସ୍ଥଳରେ ଏସିଏଫ ଓ ରେଞ୍ଜର ପହଁଚିଛନ୍ତି ।  ଘଟଣା ପଛର କାରଣ ତଦନ୍ତ କରାଯାଇ କାର‌୍ୟ୍ୟାନୁଷ୍ଟାନ ନିଆଯିବ ବୋଲି ଡ଼ିଏଫଓ କହିଛନ୍ତି ।

        </description>
      </item>
      <item>
        <title>
           ବୃଦ୍ଧାଙ୍କୁ ଭୁଆଁ ବୁଲାଇଲେ ଲୁଟେରା , ଲୁଟିନେଲେ ସୁନାଗହଣା
        </title>
        <link>
           http://khabarodisha.com/Crime/crime-odisha-titlagarh-gold-loot-by-old-lady-46746
        </link>
        <guid>
           http://khabarodisha.com/Crime/crime-odisha-titlagarh-gold-loot-by-old-lady-46746
        </guid>
        <pubDate>
           Thu, 17 Jan 2019 15:53:37 GMT
        </pubDate>
        <description>

 ଅଜଣା ବ୍ୟକ୍ତିଙ୍କ କଥାରେ ପଡ଼ିଏବଂ ସେମାନଙ୍କ ମିଥ୍ୟାକଥାକୁ ବିଶ୍ଵାସ କରି ଲୋକେ ବିପଦରେ ପଡ଼ିଥିବା ଅନେକ ନଜିର ରହିଛି। ଏହି ପରି ଏକ ଘଟଣା ବଲାଙ୍ଗିର  ଜିଲ୍ଲାର ଟିଟିଲାଗଡ଼ରେ ଦେଖିବାକୁ ମିଳିଛି। ଏଠାରେ ଜଣେ ବୃଦ୍ଧାଙ୍କୁ କିଛି ଲୋକ ମିଥ୍ୟା କହି ଭୁଆଁ ବୁଲାଇ ସୁନା ଗହଣା ଲୁଟ୍ କରିଥିବା ଅଭିଯୋଗ ହୋଇଛି। ଏ ନେଇ ବୃଦ୍ଧା ଜଣକ ଥାନାରେ ମାମଲା ରୁଜୁ କରିଛନ୍ତି।

ସୂଚନା ମୁତାବକ ଗୁରୁବାର ଟିଟଲାଗଡ଼ ସିଣ୍ଡିକେଟ ବ୍ୟାଙ୍କ ନିକଟରେ  ବୃଦ୍ଧା ଜଣଖ  ଯାଉଥିବା ବେଳେ ତାଙ୍କୁ କିଛି ଦୁର୍ବୃତ୍ତ ଅଟକାଇ ଥିଲେ। ସେମାନେ ବୃଦ୍ଧାଙ୍କ ପାଖକୁ ଆସି ଏମିତି ସୁନାଗହଣା ପିନ୍ଧି ରାସ୍ତାରେ ଗଲେ ଚୋର ନେଇଯିବାର ଭୟ ଦେଖାଇଥିଲେ। ଏହା ସହିତ ସମସ୍ତ ସୁନାଗହଣା ଗୋଟିଏ ରୁମାଲରେ ବାନ୍ଧି ନେବାକୁ ବୃଦ୍ଧାଙ୍କୁ କହିଥିଲେ । ଏହି  ଅଜଣା ବ୍ୟକ୍ତିଙ୍କ କଥାରେ ଭାସିଯାଇଥିଲେ ବୃଦ୍ଧା ଏବଂ ସବୁ ସୁନାଗୁଡିକ ଦେହରୁ ଖୋଲି ରୁମାଲରେ ରଖିଥିଲେ । ମାତ୍ର ବୃଦ୍ଧା ଜଣକ ରୁମାଲରେ ସୁନାଗହଣା ଗୁଡ଼ାଇବା ମାତ୍ରେ ଲୁଟି ନେଇଥିଲେ ଦୁବୃର୍ତ୍ତ ଏବଂ ବୃଦ୍ଧା ଜଣକ କିଂକର୍ତ୍ତବ୍ୟମୂଢ ସାଜିଥିଲେ।

ଏହାକୁ ନେଇ ବୃଦ୍ଧା ଜଣକ ସ୍ଥାନୀୟ ଥାନାରେ ଏତଲା ଦାୟର କରିଛନ୍ତି। ତାଙ୍କର ଅଭିଯୋଗକୁ  ଭିତ୍ତି କରି ପୋଲିସ ତଦନ୍ତ ଆରମ୍ଭ କରିଛି ।

        </description>
      </item>
      <item>
        <title>
           ପିସି ନେଲା ଲକ୍ଷ୍ମୀଧରଙ୍କ ଜୀବନ, ଘର ଦେବା ପାଇଁ ମାଗିଥିଲେ ଲାଞ୍ଚ
        </title>
        <link>
           http://khabarodisha.com/Crime/crime-odisha-video-of-laxmidhar-behera-virals-46741
        </link>
        <guid>
           http://khabarodisha.com/Crime/crime-odisha-video-of-laxmidhar-behera-virals-46741
        </guid>
        <pubDate>
           Thu, 17 Jan 2019 17:20:11 GMT
        </pubDate>
        <description>

ଲୋକଙ୍କୁ ଘରଟିଏ ଯୋଗାଇ ଦେବାକୁ ରହିଛି ମାଳ ମାଳ ଯୋଜନା । କିନ୍ତୁ ପ୍ରକୃତ ହିତାଧିକାରୀ ଏଥିରୁ ହେଉଛନ୍ତି ବଞ୍ଚିତ । ଦଲାଲ ସାଜୁଛନ୍ତି ମଧ୍ୟସ୍ତି । ଟଙ୍କା ନ ଦେଲେ ମିଳିବନି ଘର । ଶେଷରେ ସବୁଆଡ଼ୁ ନିରାଶ ହେବା ପରେ ମୃତ୍ୟୁକୁ ଆପଣାଇ ନେଉଛି ଗରୀବ ହିତାଧିକାରୀ । ଖୋର୍ଦ୍ଧା ନିରାକାରପୁରରେ ଯୁବକ ଆତ୍ମହତ୍ୟା ଘଟଣାର ଏଭଳି ଚାଞ୍ଚଲ୍ୟକର ତଥ୍ୟ ମିଳିଛି । ମୃତ୍ୟୁ ପୂର୍ବରୁ ତାଙ୍କର ଏକ ଭିଡ଼ିଓ ଏବେ ଭାଇରାଲ ହୋଇଛି । ଘର ଦେବା ପାଇଁ ବ୍ଲକ୍‌ କର୍ମଚାରୀ ତାଙ୍କୁ ଲାଞ୍ଚ ମାଗିଥିବା ସେ ଭିଡ଼ିଓରେ କହିଛନ୍ତି । ଭିଡ଼ିଓରେ ବିଜେଡ଼ି ସରକାର, ମୁଖ୍ୟମନ୍ତ୍ରୀ ଓ ସ୍ଥାନୀୟ ସରପଞ୍ଚକୁ ଦାୟୀ କରିଛନ୍ତି । ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଖୋର୍ଦ୍ଧା ଜିଲ୍ଲାପାଳ ନିର୍ମଳ ମିଶ୍ର । 

ଗତକାଲି ସାହାଡ଼ାଯୋଡ଼ି ନିକଟରେ ନିରାକାରପୁରର ଲକ୍ଷ୍ମୀଧର ବେହେରାଙ୍କର ମୃତ ଦେହ ଉଦ୍ଧାର ହୋଇଥିଲା । କିନ୍ତୁ ମୃତ୍ୟୁ ପୂର୍ବର ଏକ ଭିଡ଼ିଓ ରାଜ୍ୟ ସରକାରଙ୍କ ପାଇଁ କାଳ ହୋଇଛି । ଲକ୍ଷ୍ମୀଧର ଭିଡ଼ିଓରେ ସେ ଘରଟିଏ ପାଇଁ ନିବେଦନ କରିଛନ୍ତି । ଘର ପାଇଁ ସ୍ଥାନୀୟ ସରପଞ୍ଚ, ବିଜେଡ଼ି ନେତା ଓ ବ୍ଲକ୍‌ ଅଧିକାରୀଙ୍କୁ କହିଥିଲେ । କିନ୍ତୁ ଘର ବଦଳରେ ତାଙ୍କୁ ଲାଞ୍ଚ ମଗାଯାଇଥିଲା । ୧୦ ରୁ ୧୫ହଜାର ଟଙ୍କା ଦେଲେ ଘର ଦେବେ ବୋଲି କହିଥିଲେ ବୋଲି ଲକ୍ଷ୍ମୀଧର ଭିଡ଼ିଓରେ କହିଛନ୍ତି । ଏପରି ଗୋଟିଏ ନୁହେଁ ତିନୋଟି ଭିଡ଼ିଓ ଭାଇରାଲ ହୋଇଛି । ସେ ଏଥିପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ବିଜେଡ଼ି ଦଳ, ବ୍ଲକ୍‌ ଅଧିକାରୀ ଓ ସ୍ଥାନୀୟ ସରପଞ୍ଚଙ୍କୁ ସିଧାସଳଖ ଦାବି କରିଛନ୍ତି । ସବୁଆଡ଼ୁ ନିରାଶ ହେବା ପରେ ସେ ଆତ୍ମହତ୍ୟା କରିଛନ୍ତି ବୋଲି ଅଭିଯୋଗ ହୋଇଛି । 

ତେବେ ଏହି ଘଟଣାର ତଦନ୍ତ ନିର୍ଦ୍ଦେଶ ଦେଇଛନ୍ତି ଖୋର୍ଦ୍ଧା ଜିଲ୍ଲାପାଳ ନିର୍ମଳ ମିଶ୍ର । ଲକ୍ଷ୍ମୀଧରଙ୍କ ମୃତ୍ୟୁର କାରଣ କ’ଣ ଏବଂ ତାଙ୍କୁ ଘର ଦେବାକୁ କିଏ ଟଙ୍କା ମାଗିଥିଲା ତଦନ୍ତ ପରେ ସ୍ପଷ୍ଟ ହେବ ବୋଲି କହିଛନ୍ତି । 

ଏଠାରେ ଉଲ୍ଲେଖ ଯୋଗ୍ୟ, ଗତକାଲି ସାହାଡ଼ାଯୋଡ଼ି ନିକଟ ଏକ ବିଲ ମଝିରୁ ଲକ୍ଷ୍ମୀଧରଙ୍କ ମୃତ ଦେହକୁ ଉଦ୍ଧାର କରାଯାଇଥିଲା । ତାଙ୍କ ନିକଟରେ ଏକ କୀଟନାଶକ ବୋତଲ ମଧ୍ୟ ଜବତ କରାଯାଇଥିଲା ।  

        </description>
      </item>
      <item>
        <title>
           ଆଲ୍‌ବମ୍‌ ଅଭିନେତ୍ରୀ ସିମରନ୍‌ଙ୍କ ଶାଶୁ ଘରେ ଝୁଲିଲା ଲଟ୍‌କା
        </title>
        <link>
           http://khabarodisha.com/Crime/crime-Odisha-sambalpur-simran-murder-mystery-46723
        </link>
        <guid>
           http://khabarodisha.com/Crime/crime-Odisha-sambalpur-simran-murder-mystery-46723
        </guid>
        <pubDate>
           Thu, 17 Jan 2019 12:15:49 GMT
        </pubDate>
        <description>

 ବହଚର୍ଚ୍ଚିତ ସମ୍ବଲପୁରୀ ଆଲବମ ଅଭିନେତ୍ରୀ ସିମରନଙ୍କ ମୃତ୍ୟୁ ଘଟଣା ନୂଆ ମୋଡ଼ ଦେଇ ଗତି କରୁଛି । ଶାଶୁ-ଶ୍ୱଶୁର ହାଜର ନ ହେବାରୁ ତାଙ୍କ ଘରେ ଲଟକା ଲଗାଇଛି ବୁର୍ଲା ପୋଲିସ । ଏହା ସହିତ ଜଣେ ସମ୍ପର୍କୀୟଙ୍କୁ ମଧ୍ୟ ଥାନାରେ ହାଜର ହେବାକୁ ନୋଟିସ୍‌ ଜାରି କରାଯାଇଛି ।

ସିମରନଙ୍କ  ମୃତ୍ୟୁ ଘଟଣା ହତ୍ୟା ଅଭିଯୋଗରେ ପରିଣତ ହେବା ପରେ ଏଥିରେ ଯଡ଼ିତ ଥିବା ଲୋକଙ୍କୁ ଜେରା କରୁଛି ପୋଲିସ  । ହତ୍ୟା କରାଯାଇଥିବା ଅଭିଯୋଗ ଆଧାରରେ ତାଙ୍କ ଶାଶୁ ଓ ଶ୍ୱଶୁରଙ୍କୁ ଜେରା ପାଇଁ ନୋଟିସ ଦିଆଯାଇଥିଲା । ବାରମ୍ବାର ନୋଟିସ ସତ୍ୱେ ସେମାନେ ହାଜର ନ ହେଉଥିବାରୁ ତାଙ୍କ ବଲାଙ୍ଗୀରସ୍ଥିତ ବେଲପଡ଼ାରେ ଥିବା ଘରେ ଲଟକା ଲଗାଇଛି ବୁର୍ଲା ପୋଲିସ । ଏହାଛଡ଼ା ଅଭିଯୁକ୍ତ ଧ୍ରୁବରାଜ ସୁନା (ସିମରନ୍‌ଙ୍କ ସ୍ୱାମୀ)ଙ୍କ ଜଣେ ସମ୍ପର୍କୀୟଙ୍କୁ ମଧ୍ୟ ହାଜର ପାଇଁ ନୋଟିସ ଦେଇଛି ପୋଲିସ ।

ଉଲ୍ଲେଖଯୋଗ୍ୟ, ସମ୍ବଲପୁର ଜିଲ୍ଲା ଗୋଇରା ମଠ ପାଖ ମହାନଦୀ ପୋଲ ତଳୁ ସିମରନ୍‌ଙ୍କ ମୃତ ଦେହ ଉଦ୍ଧାର କରାଯାଇଥିଲା । । ତାଙ୍କର ମୁହଁ ଓ ଶରୀରର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିଲା । ସେ ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବାବେଳେ ତାଙ୍କୁ ହତ୍ୟା କରାଯାଇଛି ବୋଲି ପରିବାର ଲୋକ ଅଭିଯୋଗ କରିଥିଲେ । ସିମରନ୍‌ଙ୍କ ଶାଶୁ ଘର ଲୋକଙ୍କରେ ଏଥିରେ ସଂପୃକ୍ତିଥିବା ତାଙ୍କ ବାପଘର ଲୋକ କହିଥିଲେ । ଅଭିଯୋଗ ଆଧାରରେ ସ୍ୱାମୀ ଧ୍ରୁବରାଜ ସୁନାଙ୍କୁ ପୋଲିସ ଗିରଫ କରିଥିଲା ।

        </description>
      </item>
      <item>
        <title>
           ଜୁଆ ଆଡ୍ଡାରେ ଚଢାଉ: ୫ ଗିରଫ, ୧୫ ବାଇକ ଓ ଦେଢ଼ ଲକ୍ଷ ଟଙ୍କା ଜବତ
        </title>
        <link>
           http://khabarodisha.com/Crime/crime-odisha-5-gamblers-arrested-from-anugul-talcher-central-colony-46722
        </link>
        <guid>
           http://khabarodisha.com/Crime/crime-odisha-5-gamblers-arrested-from-anugul-talcher-central-colony-46722
        </guid>
        <pubDate>
           Thu, 17 Jan 2019 11:02:22 GMT
        </pubDate>
        <description>

 

ଅନୁଗୁଳ ଜିଲ୍ଲାରେ ଜୁଆ ଅଡ୍ଡା ଉପରେ ପୋଲିସ ଚଢାଉ କରିଛି । ତାଳଚେର ସେଂଟ୍ରାଲ କଲୋନୀ ନିକଟ ଜଙ୍ଗଲରେ ଜୁଆ ଖେଳ ଚାଲିଥିବା ଚଢ଼ଉ ହୋଇଚି । ପୋଲିସ ୫ଜଣ ଜୁଆଡ଼ିଙ୍କୁ ଗିରଫ କରିଛି ।

 

ସେଂଟ୍ର।ଲ କଲୋନୀ ନିକଟ ଜଙ୍ଗଲରେ ଜୁଆ ଖେଳ ଚାଲିଥିବା ନେଇ ପୋଲିସ ଜାଣିବାକୁ ପାଇଥିଲା । ଏହା ପରେ ଚଢ଼ାଉ କରି ୫ଜଣ ଜୁଆଡ଼ିଙ୍କୁ ଗିରଫ କରିଛି । କିଛି ଜଣ ସେଠାରୁ ଚମ୍ପଟ ମାରିଥିଲେ । ଜୁଆ ଅଡ୍ଡାରୁ ୧୫ଟି ବାଇକମୋବାଇଲ ସହିତ ୧ଲକ୍ଷ ୮୪ ହଜାର ଟଙ୍କା ଜବତ କରାଯାଇଛି । ପୋଲିସ ତଦନ୍ତ ଆରମ୍ଭ କରିଛି ।

        </description>
      </item>
      <item>
        <title>
           ପରକୀୟା ପ୍ରୀତିରୁ ଯୁବକଙ୍କୁ ଛୁରୀ ଭୁସି ହତ୍ୟା
        </title>
        <link>
           http://khabarodisha.com/Crime/crime-odisha-malkanagiri-murder-for-extra-marital-affair-46717
        </link>
        <guid>
           http://khabarodisha.com/Crime/crime-odisha-malkanagiri-murder-for-extra-marital-affair-46717
        </guid>
        <pubDate>
           Thu, 17 Jan 2019 10:01:48 GMT
        </pubDate>
        <description>

 ପରକୀୟା ପ୍ରୀତିରୁ ଗଲା ଯୁବକଙ୍କ ପ୍ରାଣ । ଏମିତି ଏକ ବର୍ବରକାଣ୍ଡ ମାଲକାନାଗିର ଜିଲ୍ଲା ଏମପିଭି-୩୮ଗାଁ  ନିକଟରେ ଘଟିଛି  । ପରକୀୟା ପ୍ରୀତିକୁ ନେଇ ନିରଞ୍ଜନ ସର୍ଦ୍ଦାରଙ୍କୁ ରାସ୍ତା ମଝିରେ ଛୁରାମାରି ହତ୍ୟା କରାଯାଇଛି । ହତ୍ୟାକାଣ୍ଡ ସ୍ଥାନୀୟ ଅଂଚଳରେ ଚାଚଲ୍ୟ ଖେଳିଯାଇଛି । ଏହି ଘଟଣାରେ ଅଭିଯୁକ୍ତକୁ ଗିରଫ କରି ପୋଲିସ ତନାଘନ ଆରମ୍ଭ କରିଛି । 

ସୂଚନାଯୋଗ୍ୟ, ଗତକାଲି ରାତିରେ ନିରଞ୍ଜନ ଯାତ୍ରା ଦେଖି ଫେରୁଥିବାବେଳେ  ଅଭିଯୁକ୍ତ ସମୀର ବୈରାଗୀ ତାଙ୍କୁ ରାସ୍ତା ମଝିରେ ଛୁରୀ ଭୁସି ହତ୍ୟା କରିଥିଲେ । ଅଭିଯୁକ୍ତ ସମୀରର ପତ୍ନୀ ସହ ନିରଞ୍ଜନଙ୍କ ଅନୈତିକ ସମ୍ପର୍କ ରଖିଥିବା ନେଇ ଏହି ହତ୍ୟାକାଣ୍ଡ ଘଟିଛି । 

ମାଲକାନାଗିରି ପୋଲିସ ସମୀର ବୈରାଗୀକୁ ଗିରଫ କରିଛି । ପତ୍ନୀ ସହ ନିଞ୍ଜନ ଅନୈତିକ ସମ୍ପର୍କ ରଖିଥିବା କାରଣରୁ ତାଙ୍କୁ ମୁଁ ହତ୍ୟା କରିଛି ବୋଲି ପୋଲିସ ଆଗରେ ସ୍ୱୀକାର କରିଛି ଅଭିଯୁକ୍ତ ସମୀର । 

        </description>
      </item>
      <item>
        <title>
           ଆଇଏସ ଲିଙ୍କ ଅଭିଯୋଗ, ୭ଟି ସ୍ଥାନରେ ଏନଆଇଏର ଚଢଉ
        </title>
        <link>
           http://khabarodisha.com/Crime/crime-odisha-uttar-pradesh-nia-raid-isis-link-46716
        </link>
        <guid>
           http://khabarodisha.com/Crime/crime-odisha-uttar-pradesh-nia-raid-isis-link-46716
        </guid>
        <pubDate>
           Thu, 17 Jan 2019 10:00:48 GMT
        </pubDate>
        <description>

ଆଇଏସଆଇଏସ ଲିଙ୍କ ଏବଂ ବେଆଇନ ଅସ୍ତ୍ରଶସ୍ତ୍ର ଆମଦାନୀ ରପ୍ତାନୀର ନେଟୱାର୍କକୁ ଭାଙ୍ଗିବା ପାଇଁ ସୁରକ୍ଷା ଏଜେନ୍ସୀମାନେ ଲଗାତାର ଭାବେ ବିଭିନ୍ନ ସ୍ଥାନରେ ଚଢଉ କରୁଛନ୍ତି । ଆଇଏସଆଇଏସ ସହ ଜଡିତ ଅଭିଯୋଗରେ ଗିରଫ ହୋଇଥିବା ନଇମ ଏବଂ ଅମରାହୋର ସୁହେଲଠାରୁ ସୁରାକ ପାଇ ଅସ୍ତ୍ରଶସ୍ତ୍ର ସପ୍ଲାଇକୁ ନେଇ ଏନଆଇଏ ପକ୍ଷରୁ ଅନେକ ସ୍ଥାନରେ ଚଢାଉ କରାଯାଇଛି । 

ଆଜି ସକାଳେ ଏନଆଇଏ ଏବଂ ଏଟିଏସର ଏକ ଟିମ ପଶ୍ଚିମ ୟୁପିର କିଛି ସ୍ଥାନରୁ କେତେକ ସନ୍ଦିଗ୍ଧଙ୍କୁ ଗିରଫ କରି ପଚରାଉଚରା କରିଛି । ଅମରୋହର ସାଦାତ ଅଂଚଳରୁ ଜଣେ ଯୁବକଙ୍କୁ ଏନଆଇଏ କାବୁ କରିଛି । 

ଏନଆଇର ସୂତ୍ରାନୁସାରେ, ବହୁତ ଜଲଦି ଆଉ କିଛି ସନ୍ଦିଗ୍ଧଙ୍କୁ କାବୁ କରାଯିବ । ସେମାନଙ୍କୁ ପଚରାଉଚରା କରାଯିବ । ସକାଳ ୫ଟାରୁ ଏହି ସର୍ଚ୍ଚ ଅପରେସନ ଆରମ୍ଭ ହୋଇଛି । ହାପୁଡ ଜିଲ୍ଲାରେ ତିନିଜଣ ଯୁବକଙ୍କୁ ଅଟକ ରଖାଯାଇଛି । ବଦରଖା ଗ୍ରାମରେ ମଧ୍ୟ ଚଢଉ କରାଯାଇଛି ।  

        </description>
      </item>
   </rss>
 </channel>