ଆଧୁନିକ ଯୁଗରେ ହଜିବାକୁ  ବସିଲାନି ନିତ୍ଯ ବ୍ଯବହାର ଯୋଗ୍ଯ ସାମଗ୍ରୀ ଧିରେଧିରେ ଲୋପ ହେବାକୁ ବସିଲାଣି । ସେଥି ମଧ୍ୟରୁ ଧାନକୁଟା ଢିଙ୍କି ଅନ୍ଯତମ। ପୂର୍ବ ରୁ ଢିଙ୍କି ଦ୍ବାରା ଲୋକେ ବିଭିନ୍ନ ଖାଦ୍ଯ ସାମଗ୍ରୀ ପ୍ରସ୍ତୁତ କରିବା ପାଇଁ ବ୍ଯବହାର କରୁଥିଲେ। ସମୟ ବଦଳିବା ସହିତ ଯୁଗର ମଧ୍ୟ ପରିବର୍ତ୍ତନ ହେଉଛି । ବୈଜ୍ଞାନିକ ଯୁଗରେ ମେସିନ୍ ର ବ୍ୟବହାର ବହୁଳ ଭାବରେ ହେଉଥିବାବେଳେ ଢିଙ୍କି ମାଧ୍ୟମରେ ଯେଉଁ ଚାଉଳ କରାଯାଉଥିଲା ସେଥିରେ ଅନେକ ପରିମାଣରେ ପୋଷକତତ୍ତ୍ୱ ରହୁଥିଲା ଓ ସୁସ୍ୱାଦ ଲଗୁଥିଲା । ଧାନକଳରୁ ବାହାରୁଥିବା ଚାଉଳରେ ସେ ସବୁ ସ୍ୱାଦ ଆଉ ରହୁନାହିଁ ।

ଆମ ପୂର୍ବଜ ମାନେ ଢିଙ୍କି ଦ୍ବାରା ଖାଦ୍ୟ ସାମଗ୍ରୀ ପ୍ରସ୍ତୁତ କରୁଥିଲେ। ଧାନରୁ ଚାଉଳ, ଚୁଡା, ଚାଉଳରୁ ଚୁନା, ଗହମରୁ ଅଟା ସହ ମୁଗରୁ ଡାଲି ସହ ବିଭିନ୍ନ ସାମଗ୍ରୀ ପ୍ରସ୍ତୁତ କରୁଥିଲେ। ଢିଙ୍କି ରୁ ପ୍ରସ୍ତୁତ ହେଉଥିବା ଖାଦ୍ୟ ସାମଗ୍ରୀ ର ସ୍ବାଦ ମଧ୍ଯ ଥିଲା ବେଶନିଆରା। କିନ୍ତୁ ଲୋକମାନେ ଆଜି ଆଧୁନିକ ଚାକଚକ୍ୟ ର ବଶବର୍ତ୍ତୀ  ହୋଇ ଏବଂ ଅଳ୍ପ ସମୟରେ କାର୍ଯ୍ୟ ସାରିବା ମାନସିକତାରୁ ଆଧୁନିକ ଯନ୍ତ୍ର ପାତିକୁ ଆଦରିଛନ୍ତି। ଫଳରେ ଢିଙ୍କି ଆଜି ଲୋକମାନଙ୍କ ପାଇଁ ଅଲୋଡା ପାଲିଟିଯାଇଛି। ତାହାସହ ଏବେ ଧାନକଳ ଆସିବାରୁ ଏବେ ଧିରେଧିରେ ଢିଙ୍କିର ବ୍ୟବହାର କମି ଗଲାଣି, ଆଉ ଢିଙ୍କି ମଧ୍ୟ ଦେଖିବାକୁ ମିଳୁନାହିଁ । ଧାନକଳ ଦ୍ୱାରା ଚାଉଳ କରିବା ପାଇଁ ଲୋକମାନଙ୍କୁ ଅଧିକ ସମୟ ଅପଚୟ ଓ ପରିଶ୍ରମ କରିବାକୁ ପଡୁନାହିଁ । ପୂର୍ବକାଳରେ ଧାନକଳ ନ ଥିବାରୁ ଢ଼ିଙ୍କିର ଆଦର ରହିଥିଲା । କିନ୍ତୁ ଏବେ ଧାନକଳରେ ଧାନ କୁଟିବା ସିଖିଲା ପରେ ଲୋକେ ଢିଙ୍କିର ବ୍ୟବହାର ବନ୍ଦ କରିବାରୁ ତାହା ଏବେ ଲୋପପାଇବାକୁ ବସିଲାଣି ।

 ପୂର୍ବରୁ ଗାଁ ଗହରିଲେ ପ୍ରତେକ  ଦାଣ୍ଡ ବାରଣ୍ଡାରେ ଗୋଟିଏ ଲେଖାଏଁ ଢିଙ୍କି ଦେଖିବାକୁ ମିଳୁଥିଲା। ପର୍ବ ପର୍ବାଣି ଆସିଲେ ଢିଙ୍କି ର ଆଦର ତ କରିଲେ ନ ସରେ ଢିଙ୍କି କୁଟିବା ସମୟରେ ଏହାର ଶଦ୍ଦ  ମଧ୍ଯ ଭାରି ସ୍ମୁତି ମଧୁର ହୋଇଥାଏ କିନ୍ତୁ ଏବେ ଗାଁ ଗହଳିରେ କାଁ ଭାଁ କିଛି ଘରେ ଢିଙ୍କି ଦେଖି ମିଳୁଥିବା  ବେଳେ ଏହା ପ୍ରାୟ ଲୋପ ହେବାକୁ  ବସିଲାଣି । ଏବେ ଢିଙ୍କିର ଢିକ୍ ଢିକ୍ ଶବ୍ଦ ଶୁଭୁ ନ ଥିବାବେଳେ ଢିଙ୍କି କୁଟା ଚାଉଳ ମଧ୍ୟ ସ୍ୱପ୍ନ ହୋଇପଡିଛି । ପୂର୍ବରେ ଯେଉଁ ଢିଙ୍କି କୁଟା ଚାଉଳ ମିଲୁଥିଲା ସେହି ଚାଉଳ କୁ ଲୋକେ ଖାଇ ତୃପ୍ତି ଅନୁଭବ କରୁଥିଲେ । ସେହି ଖାଦ୍ୟ ସ୍ୱାଦଯୁକ୍ତ ଥିବାବେଳେ ସେହି ଖାଦ୍ୟ ଏବେ ଲୋକେ ପାଇପାରୁ ନାହାନ୍ତି  ।ଢିଙ୍କି ପରି ଅନେକ ପୁରାତନ ଜିନିଷ ଏବେ ଲୋପ ପାଇବାକୁ ବସିଥିବା ବେଳେ ଏହାର ପୁର୍ନଉଦ୍ଦାର ହେବା ଅତ୍ଯନ୍ତ ଆବଶ୍ଯକ। ଢିଙ୍କି କୁଟା ସମୟରେ ମହିଳାମାନେ ଏକାଠି ବସି ଢିଙ୍କି କୁଟା କାମକରିବା ସହିତ ସେମାନଙ୍କ ମଧ୍ୟରେ ଅନେକ ପ୍ରକାର ଆଲାପ ଆଲୋଚନା ହେବା ଦ୍ୱାରା ମହିଳାମାନଙ୍କ ମଧ୍ୟରେ ନିବିଡତା ବାନ୍ଧିହୋଇ ଯାଉଥିଲା । ଏଥି ସହ ଶାରୀରିକ ବ୍ୟାୟମ ଭାବେ ମଧ୍ୟ ଢିଙ୍କିଟି ମହିଳାମାନଙ୍କୁ ସାହାର୍ଯ୍ୟ କରୁଥିଲା । ଢିଙ୍କିରେ କେବଳ ଧାନରୁ ଚାଉଳ କୁଟା ହେଉଥିଲା ତାହା ନୁହେଁ, ଢିଙ୍କିରେ ଚାଉଳକୁ ମଧ୍ୟ ଗୁଣ୍ଡକରି ଚୁନା ପ୍ରସ୍ତୁତ କରାଯାଉଥିଲା । ସହି ଚାଉଳ ଚୁନାରେ ନାନାଦି ପ୍ରକାର ପିଠା ପଣା ଭଲି ଅନେକ ବ୍ୟଞ୍ଜନ ତିଆରି କରାଯାଉଥିଲା, ଯାହାକି ଖାଇଲା ପରେ ମନ ଭରି ଉଠୁଥିଲା । କିନ୍ତୁ ଏବେ ଆଉ ସେଭଲି ଖାଦ୍ୟ ମିଲିପାରୁ ନାହିଁ ।

ମହିଳାମାନେ ଢିଙ୍କି ଶାଳରେ ଏକାଠି ହୋଇ ଭାବ ବିନିମୟର ଆଦାନ ପ୍ରଦାନ କରୁଥିବାବେଳେ ଗାଁର ଢିଙ୍କି ଶାଳ ଏକ ମହିଳାମାନଙ୍କ ପାଇଁ ଭାବ ବିନିମୟର ଏକ ମାଧ୍ୟମ ପାଲଟିଥିଲା । ଏବେ ଆଉ ସେହି ଢିଙ୍କି ଶାଳର ଢିଙ୍କି କୁଟା ଶଦ୍ଦ ଶୁଣିବାକୁ ମିଳୁନାହିଁ । ଗାଁ ଗହଳିର କିଛି ସର୍ବ ପୂରାତନ ପରିବାର ପାଖରେ ଏହି ଢିଙ୍କି ରହିଯାଇଥିବା ବେଳେ ଆଗାମୀ ଦିନରେ କେବଳ କାଗଜ ଚିତ୍ରରେ ହିଁ ଦେଖିବାକୁ ମିଳିବ ।ଆଧୁନିକ ଚାକଚକ୍ୟ ର ବସବତି ହୋଇ ଆଜିର ମଣିଷ ପୁରାତନ ଜିନିଷ କୁ ଲୋପ କରିବାକୁ ବସିଛି।

କେନ୍ଦ୍ରାପଡ଼ା: ପିପିଲି ପରେ ଏବେ କେନ୍ଦ୍ରାପଡ଼ାରେ ବାର୍ଡ଼ ଫ୍ଲୁ ଆତଙ୍କ। ରାସ୍ତାକଡରେ, ନାଳରେ ଭାସୁଛି କୁଢ଼ କୁଢ଼ ମଲା କୁକୁଡ଼ା। ଏହି ଘଟଣାରେ ଲୋକେ ଆତଙ୍କିତ ହୋଇପଡିଛନ୍ତି। କେନ୍ଦ୍ରାପଡ଼ା ଜିଲ୍ଲା ଡେରାବିଶ ବ୍ଲକ୍ ନରସିଂହପୁର ପଞ୍ଚାୟତର ନରସିଂହ ପୁର ଗାଁରେ ଶହ ଶହ ମଲା କୁକୁଡ଼ାକୁ ଅଖାରେ ବାନ୍ଧି ରାସ୍ତାକଡ଼ରେ ଓ ନାଳରେ ଭସା ଯାଇଛି। ଏହି କୁକୁଡ଼ାକୁ କୁକୁର, ବିଲୁଆ ଟାଣି ଖାଇବାସହ, ସମଗ୍ର ଅଂଚଳ ଏବେ ଦୁର୍ଗନ୍ଧରେ ଫାଟି ପଡୁଛି। ଏହି ଅଂଚଳରେ ରେ ପ୍ରାୟ ୩୦ ରୁ ଉର୍ଦ୍ଧ କୁକୁଡ଼ା ଫାର୍ମ ଥିବା ବେଳେ କୋଉ ଫାର୍ମର କୁକୁଡ଼ାକୁ ଏପରି ଫୋପାଡି ଦିଆଯାଇଛି ତାହା ଜଣା ପଡିନାହିଁ। ପ୍ରାୟ ୪ ଦିନ ହେବ ଏଭଳି ପରିସ୍ଥିତି ଉପୁଜିଥିଲେ ମଧ୍ୟ ପ୍ରାଣୀ ସମ୍ପଦ ବିଭାଗ ପଖରେ ଏ ନେଇ କୌଣସି ଖବର ନାହିଁ। 

ସୂଚନା ଯୋଗ୍ୟ, ଏବେ ରାଜ୍ୟରେ ବାର୍ଡ଼ଫ୍ଲୁ କୁ ନେଇ ଚିନ୍ତା ପ୍ରକଟ କରାଯାଉଥିବା ବେଳେ, ପ୍ରଥମେ ପିପିଲିରେ ବାର୍ଡ଼ ଫ୍ଲୁରେ ଲକ୍ଷାଧିକ କୁକୁଡ଼ା ମଡ଼କ ପଡିବା ସହ ଲୋକମାନଙ୍କୁ ସଚେତନ କରାଉଛି ସ୍ୱାସ୍ଥ୍ୟ ବିଭାଗ। ଆଉ ଏବେ କେନ୍ଦ୍ରାପଡ଼ାରେ ଏଭଳି ସ୍ଥିତି ଉପୁଜିବା ପରେ ଲୋକେ ଆତଙ୍କିତ। ତେବେ ଏହା ଜିଲ୍ଲା ପ୍ରଶାସନ ଏବଂ ସ୍ୱାସ୍ଥ୍ୟ ବିଭାଗ ଏହି ଘଟଣା ଉପରେ କି ପଦକ୍ଷେପ ନେଉଛି ତାହା ଦେଖିବାକୁ ବାକି ରହିଲା।

ଜଗତସିଂପୁର: ନିଜର ଦୃଢ଼ ଇଚ୍ଛା ଶକ୍ତି ବଳରେ ମହିଳା ମାନେ ଆଜି ରୋଜଗାରକ୍ଷମ ହୋଇପାରିଛନ୍ତି। ନିଜର ଲୁକ୍କାୟିତ ପ୍ରତିଭାକୁ ସୁବିନିଯୋଗ କରି ଆଜି ଗ୍ରାମରେ ରହୁଥିବା ମହିଳାମାନେ କପଡା ତୁଳାରେ ସୁନ୍ଦର ସୁନ୍ଦର ଟେଡି, କଣ୍ଢେଇ, ବାଘ, ଭାଲୁ, ଠେକୁଆ,ଶୁଆ, ଭଳି ବିଭିନ୍ନ ପଶୁ ପକ୍ଷୀ, ଭ୍ୟାନିଟ ବ୍ୟାଗ, ପର୍ସ, ଚାନ୍ଦୁଆ ଆଦି ତିଆରି କରି ଏହାକୁ ବିକ୍ରୀ କରି ନିଜେ ସ୍ବାବଲମ୍ବୀ ହୋଇ ପାରିଛନ୍ତି। ଜଗତସିଂପୁର ଜିଲ୍ଲା ତିର୍ତ୍ତୋଲ ବ୍ଲକ ସ୍ଥିତ ଆହାଣା ଗ୍ରାମରେ ୩୦ ରୁ ଉର୍ଦ୍ଧ୍ ମହିଳା ସତ୍ୟସାଇ ଉତ୍ପାଦିକା ଗୋଷ୍ଠୀ ଗଠନ କରି ଦୈନିକ ୨ରୁ ୩ ଘଣ୍ଟା ସମୟ ବାହାର କରି ତିଆରି କରୁଛନ୍ତି ସୁନ୍ଦର ସୁନ୍ଦର କଣ୍ଢେଇ। ଏହା ସହ ବଜାରର ଚାହିଦା ମୁତାବକ ଭ୍ୟାନିଟ ବ୍ୟାଗ୍ ଓ ଚାନ୍ଦୁଆ ଆଦି ତିଆରି କରୁଛନ୍ତି। 

ତେବେ ପ୍ରଥମରୁ କ୍ଷତି ସହିଥିଲେ ହେଁ ପରସ୍ପରର ସହଯୋଗରେ ପୁନଶ୍ଚ କାମ ଆରମ୍ଭ କରିଥିଲେ ମହିଳା ମାନେ। ପରିଶ୍ରମର ଫଳ ସ୍ୱରୂପ ଦୁଇ ଲକ୍ଷ ୪ହଜାର ଟଙ୍କାର ସରକାରୀ ପ୍ରୋତ୍ସାହନ ଏହି ଉତ୍ପାଦିକା ଗୋଷ୍ଠୀକୁ  ମିଳିଥିଲା ।  ସରକାରୀ ପ୍ରୋତ୍ସହନ ସହ କାର୍ଯ୍ୟ କରିବା ପାଇଁ ଗୋଟେ ଗୃହର ଆବଶ୍ୟତା ଥିବା ବେଳେ ପ୍ରଚାର ପ୍ରସାରର ଆବଶ୍ୟକତା ରହିଛି  ବୋଲି ମହିଳା ମାନେ ପ୍ରକାଶ କରିଛନ୍ତି।

ଗଞ୍ଜାମ: ଝିମିଟି ଖେଳରୁ ମହାଭାରତ ପରି ସାମାନ୍ୟ ବଚସା ଉଗ୍ରରୂପ ନେଇ ଆକ୍ରମଣ ପର୍ଯ୍ୟନ୍ତ ଗଲା ଓ ଶେଷରେ ହତ୍ୟାକାଣ୍ଡର ସୂତ୍ରପାତ ହେଲା। ବଡ ଭାଇର ଟାଙ୍ଗିଆ ଆକ୍ରମଣରେ ଚାଲିଯାଇଛି ସାନ ଭାଇର ଜୀବନ। ଏପରି ଏକ ଘଟଣା ଘଟିଛି ଗଞ୍ଜାମ ଜିଲ୍ଲା ତାରାସିଂ ଥାନା ଅନ୍ତର୍ଗତ ନୂଆ ବାଙ୍କତରା ଗାଁରେ। ମୃତ୍ୟୁବରଣ କରିଥିବା ବ୍ୟକ୍ତି ଜଣକ ହେଲେ କବିରାଜ ଗୌଡ଼।

ସୂଚନାଯୋଗ୍ୟ ଆଜି ସକାଳୁ ଜମିରେ ପାଣି ମଡ଼ାଇବା ପାଇ ନିଜ ପୁଅ ସହ ଯାଇଥିଲେ। ସେହି ସମୟରେ ଜମିରେ ବଡ ଭାଇ ଦେବ ଗୌଡ଼ ମଧ୍ୟ କିଛି ଲୋକଙ୍କ ଉପସ୍ଥିତିରେ ନିଜ ଜମିରେ କାମ କରୁଥିଲେ। ଜମିରେ ପାଣିଦେବାକୁ ନେଇ ହଠାତ ଦୁଇ ଭାଇଙ୍କ ମଧ୍ୟରେ କଳହ ହୋଇଥିଲା।  କଥା ଏତେ ଆଗକୁ ବଢିଗଲା ଯେ ଉଭୟ ପରସ୍ପରକୁ ମାରପିଟ କରିବା ସହ ହାଣିବାକୁ ବି ପଛାଇନଥିଲେ। ସେମାନଙ୍କ ସହ ଉଭୟ ପକ୍ଷରୁ ୫ ଜଣ ଆହତ ହୋଇଥିଲେ। ସ୍ଥାନୀୟ ଲୋକ ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଥିଲେ ହେଁ ଡାକ୍ତର କବିରାଜଙ୍କୁ ମୃତ ଘୋଷଣା କରିଥିଲେ। ଏହାକୁ ନେଇ ପୋଲିସ ମାମଲା ରୁଜୁକରି ତଦନ୍ତ ଆରମ୍ଭ କରିଛି। 

ଦେଶରେ ମୁଣ୍ତବିନ୍ଧାର କାରଣ ପାଲଟିଲାଣି ମଙ୍କି ପକ୍ସ । ଏହାକୁ ନେଇ ଏବେ ଚାରିଆଡେ ଚିନ୍ତାର ବିଷୟ ପାଲଟିଲାଣି । ସ୍ୱାସ୍ଥ୍ୟ ବିଭାଗ ପକ୍ଷରୁ ବିମାନ ବନ୍ଦର ଏବଂ ବିଭିନ୍ନ ସହର ଓ ରାଜ୍ୟର ସୀମା ଅଞ୍ଚଳରେ ସତର୍କ ରହିବାକୁ ନିର୍ଦେଶ ଦିଆଯାଇଛି । ଯଦିଓ ରାଜ୍ୟକୁ କେନ୍ଦ୍ର ସରକାରଙ୍କ ପକ୍ଷରୁ ନିର୍ଦିଷ୍ଟ ନିର୍ଦେଶନାମା ଆସିନାହିଁ ତଥାପି ସ୍ବାସ୍ଥ୍ୟ ବିଭାଗ ଏନେଇ ସମସ୍ତ ସିଡିଏମ୍ଓଙ୍କୁ ଚିଠି ଲେଖି ଅବଗତ କରାଇଛନ୍ତି।

ମଙ୍କି ପକ୍ସ ପ୍ରଥମେ ଡେନମାର୍କରେ ଦେଖାଦେଇଥିବାବେଳେ ବିଶ୍ବ ସ୍ବାସ୍ଥ୍ୟ ସଙ୍ଗଠନ ଏହାକୁ ମାରାତ୍ମକ ବୋଲି ଅଭିହିତ କରିଛି। ଏହାଦ୍ବାରା ଶରୀର ଦୁର୍ବଳ ଲାଗେ। ଜଣେ ଅନ୍ୟଜଣଙ୍କ ସଂସ୍ପର୍ଶରେ ଆସିଲେ ଏହା ବ୍ୟାପିଥାଏ। ମଙ୍କି ପକ୍ସ ଏବଂ ଚିକେନ ପକ୍ସ ଲକ୍ଷଣ ପ୍ରାୟତଃ ସମାନ। ଏଥିରେ ଆକ୍ରାନ୍ତ ହେଲେ ଶରୀରରେ ନାଲି ନାଲି ପରି ଚିହ୍ନ ସୃଷ୍ଟି ହୋଇ ଫୁଲିଯାଏ। ଏନେଇ ଜନସ୍ବାସ୍ଥ୍ୟ ନିର୍ଦେଶକ ଡା. ନୀଳକଣ୍ଠ ମିଶ୍ର କହିଛନ୍ତି ଯେ, ମଙ୍କି ପକ୍ସ ପାଇଁ ସ୍ୱାସ୍ଥ୍ୟ ବିଭାଗ ଆଗୁଆ ପ୍ରସ୍ତୁତି କରିଛି। ସମସ୍ତ ସିଡିଏମ୍ଓ ଏବଂ ଜିଲା ସ୍ୱାସ୍ଥ୍ୟ ଅଧିକାରୀଙ୍କୁ ଚିଠି କରାଯାଇଛି। ଯଦି ଏସମ୍ପର୍କିତ କୌଣସି ଲକ୍ଷଣ ଦେଖାଦେଉଛି ତୁରନ୍ତ ବିଭାଗକୁ ଜଣାଇବା ସହ ଆଇସୋଲେସନରେ ରଖିବାକୁ ନିର୍ଦେଶ ଦିଆଯାଇଛି। ମଙ୍କି ପକ୍ସରେ ସଂକ୍ରମିତ ହେଲେ କେଉଁ ପ୍ରକାରର ଚିକିତ୍ସା ଯୋଗାଇ ଦିଆଯିବ, ଡାକ୍ତରମାନେ ଏହି ସମୟରେ କ’ଣ କରିବେ ସେନେଇ ପ୍ରସ୍ତୁତ ରହିବାକୁ କୁହାଯାଇଛି।

ଅଧିକା ପଢନ୍ତୁ :ବିଷାକ୍ତ ମଦ ପିଇ ଜଣେ ମୃତ, ତାତିଲେ ଜନତା

ବରଗଡ: ଓଡିଶାରେ ଟାଟା ପାୱାର  ଆସିବା ପରେ ଜନ ସାଧାରଣ ବହୁ ହଇରାଣ ହରକତରେ ପଡୁଥିବା ସମୟ ସମୟରେ ଅଭିଯୋଗ କରାଯାଉଛି। ଇତି ମଧ୍ୟରେ ଶୁକ୍ରବାର ବରଗଡ ଜିଲ୍ଳାର ଗାଁ ଗାଁରେ ସ୍ମାଟ ମିଟର ଲଗାଇବା ପ୍ରକ୍ରିୟା ଆରମ୍ଭ ହୋଇଯାଇଛି। ଟାଟା ପାୱାରର ସ୍ମାଟ ମିଟରକୁ ବିରୋଧ କରି ଶୁକ୍ରବାର ବରଗଡ ଜିଲ୍ଳା ସୋହେଲା ଗ୍ରିଡ୍ ୨ କେନପାଲି ଗାଁର ବିଦ୍ୟୁତ ଗ୍ରାହକ ମାନେ ନୁତନ ସ୍ମାଟ ମିଟର ବିରୋଧରେ କେନପାଲି ଗାଁର ସମସ୍ତ ଘରରୁ ସ୍ମାଟ ମିଟର ଖୋଲି ସୋହେଲା ୨ ନମ୍ବର ଗ୍ରିଡ୍ ଠାରେ ଜମା କରିଛନ୍ତି।  

ସୂଚନାଯୋଗ୍ୟ ଶୁକ୍ରବାର ଦିନ ୧୦ ଟା ସମୟରେ କେନପାଲି ଗ୍ରାମରେ ପ୍ରତି ଘରେ ପଶି ମିଟର ଯାଞ୍ଚ କରି ସ୍ମାଟ ମିଟର ଲଗାଉଥିବା ନେଇ ଗାଁରେ ଉତ୍ତେଜନା ରହିଥିଲା ।

ଏନେଇ ଗ୍ରାମବାସୀ ବିରୋଧ ପ୍ରଦର୍ଶନ କରିଥିଲେ ଓ ଅଧିକ ବିଦ୍ୟୁତ ଵିଲ ଆସୁଥିବା ଅଭିଯୋଗ ଆଣିଥିଲେ। ସୋହେଲା ୨ନମ୍ବର ଗ୍ରିଡ୍ ର ଅଧିକାରୀଙ୍କୁ ଏ ସମ୍ପର୍କରେ ଅବଗତ କରିଥିଲେ । 

ଗ୍ରୀଡ଼ ଅଧିକାରୀ କ୍ଷେତ୍ରମୋହନ ଶାସମଲ ପ୍ରତିକ୍ରିୟା ପ୍ରକାଶ କରି କହିଥିଲେ ସ୍ମାର୍ଟ ମିଟର ଘର ବାହାରେ ଲଗାଯାଇଥିଲା । ଯାଞ୍ଚ ସମୟରେ ବିଦ୍ୟୁତ ବିଭାଗର ଅଧିକାରୀଙ୍କ ସହ ମହିଳା ଅଧିକାରୀ ମଧ୍ୟ ରହିଥିଲେ । ଏହା ସତ୍ତ୍ୱେ ଗ୍ରାମବାସୀଙ୍କ ଅସନ୍ତୋଷ ବୃଦ୍ଧି ପାଇଛି  । ସମ୍ପର୍କରେ ସେ ନିଜ ଉଚ୍ଚ ପଦସ୍ଥ ଅଧିକାରୀଙ୍କୁ ଅବଗତ କରିଛନ୍ତି ବୋଲି କହିଥିଲେ ।

ଖବର ଓଡ଼ିଶା: ପୂର୍ବ ନବୀନ ସରକାରଙ୍କ ବସୁଧା ଯୋଜନା ଫେଲ ମାରିଛି । କେନ୍ଦ୍ରାପଡା ଜିଲ୍ଲା ପୁରୁଷୋତମପୁର ସେଠୀ ସାହି ଗାଁ ଲୋକ ପାଣି ଟୋପାଏ ପାଇଁ ହନ୍ତସନ୍ତ ହେଉଛନ୍ତି । ପିଇବା ପାଣି ପାଇଁ ଗାଁର ପ୍ରାୟ ପାଞ୍ଚ ଶହ ଲୋକ ଡହଳ ବିକଳ ହେଉଛନ୍ତି । ଗାଁର ଏକମାତ୍ର ନଳକୂପ ଅଚଳ ହୋଇ ପଡିବାରୁ ଏଭଳି ପରିସ୍ଥିତି ଉପୁଜିଛି I ଘର ପାଖରୁ ଦୂରକୁ ଚାଲିଚାଲି ଯାଇ ପାଣି ଆଣିବାକୁ ପଡ଼ୁଛି । ଗାଁକୁ ଆସୁଥିବା ପାଇପ ପାଣିରୁ ଆବର୍ଜନା ଓ ସିଉଳି ବାହାରୁଥିବା ଅଭିଯୋଗ ହୋଇଛି । 

ଗ୍ରାମବାସୀଙ୍କ ଅଭିଯୋଗ ମୁତାବକ, କେନ୍ଦ୍ରାପଡା ଜିଲ୍ଲା ପୁରୁଷୋତମପୁର ସେଠୀ ସାହି ଗାଁରେ ପ୍ରାୟ ୧୦୦ ପରିବାର ବସବାସ କରୁଛନ୍ତି । ଗାଁର ଏକମାତ୍ର ନଳକୂପ ଅଚଳ ହୋଇ ପଡିବାରୁ ପାଣି ମୁନ୍ଦାଏ ପାଇଁ ହନ୍ତସନ୍ତ ହେଉଛନ୍ତି ଗ୍ରାମବାସୀ । ପିଇବା ପାଣି ଟୋପେ ପାଇଁ ଗାଁର ମହିଳାମାନେ ଦୀର୍ଘପଥ ଅତିକ୍ରମ କରି ଯାଉଛନ୍ତି । । ତାହା ପୁଣି ଜଣେ ବ୍ୟକ୍ତିଙ୍କ ନିଜସ୍ଵ ଜାଗାରେ ଥିବା ବୋରିଂରୁ ପାଣି ଆଣିବା ପାଇଁ । ଜଣେ ବ୍ୟକ୍ତିଙ୍କ ନିଜସ୍ୱ ବୋରିଂରୁ ପିଇବା ପାଣି ଆଣିବାକୁ,ପାଣି କାଦୁଅରେ ପଶି ଯିବାକୁ ପଡୁଛି । ସେହିପରି ଘର ପାଖ ଦର ଉପରେ ମଧ୍ୟ କିଛି ଲୋକ ନିର୍ଭର କରୁଛନ୍ତି । 

ଗାଁକୁ ପାଇପ୍ ଯୋଗେ ପାଣି ଯୋଗାଣ ପାଇଁ ପୂର୍ବ ନବୀନ ସରକାରଙ୍କର ବସୁଧା ଯୋଜନାର ବ୍ୟବସ୍ଥା କରାଯାଇଛି । କିନ୍ତୁ ପାଇପ ପାଣିରୁ ଆବର୍ଜନା ଓ ଶିଉଳି ବାହାରୁଛି । ଯାହାକି ବ୍ୟବହାର ଉପଯୋଗୀ ନୁହେଁ । ପାଇପ୍ ଯୋଗେ ଆସୁଥିବା ପାଣିରେ ବାସନ ମାଜିବା ଓ ଗୃହପାଳିତ ପଶୁଙ୍କୁ ପିଆଇବା କାମ ହୋଇ ପାରୁଛି । ରୋଷେଇବାସ ଓ ପିଇବା ପାଇଁ ଦୁରରୁ ପାଣିବାକୁ ପଡୁଛି । ଏକ ନୂତନ ଟିୟୁବୱେଲ ଖନନ କରିବା ସହ ପାଇପ ପାଣିରେ ଆସୁଥିବା ଆବର୍ଜନା ସମ୍ପର୍କରେ ଯାଚଂ କରିବା ପାଇଁ ଗାଁ ଲୋକେ ଦାବି କରିଛନ୍ତି । ତେବେ ଲୋକମାନଙ୍କର ଏହି ସମସ୍ୟା ନେଇ ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗର ଅଧିକାରୀଙ୍କ ସହ ଆମେ ଯୋଗାଯୋଗ କରିଥିଲୁ । କିନ୍ତୁ ଏ ନେଇ ସେ କୌଣସି ପ୍ରତିକ୍ରିୟା ଦେବା ପାଇଁ ମନା କରିଦେଇଥିଲେ । 

ରାଜଧାନୀ ଭୁବନେଶ୍ୱର ଗୋଟିଏ ମାଲବାହୀ ଟ୍ରେନର ଗୋଟିଏ ବଗି ଲାଇନଚ୍ୟୁତ ହୋଇଛି । ଭୁବନେଶ୍ୱର ରେଳଷ୍ଟସନ ଅତିକ୍ରମ କରି କଟକ ଅଭିମୁଖେ ଯାଉଥିବାବଳେ ଲାଇନଚ୍ୟୁତ ହୋଇଥିବା ପୂର୍ବତଟ ରେଳବାଇ ପକ୍ଷରୁ ସୂଚନା ଦିଆଯାଇଛି । ଟ୍ରେନ ଲାଇନଚ୍ୟୁତ ହେବା ପରେ କୌଣସି କ୍ଷୟକ୍ଷତି ହୋଇନଥିବା ପୂର୍ବତଟ ରେଳପଥ ପକ୍ଷରୁ ମଧ୍ୟ ସୂଚନା ପ୍ରଦାନ କରାଯାଇଛି ।

ଖବର ଓଡ଼ିଶା: ଜଗତସିଂହପୁର ଜିଲ୍ଲା ତିର୍ତୋଲ ବ୍ଲକ ଅନ୍ତର୍ଗତ ପଟିଲୋ ଗ୍ରାମ ପଂଚାୟତରେ ପିଡ଼ିଏସ ସାମଗ୍ରୀ ବଣ୍ଟନରେ ଅନିୟମିତତା ହେଉଥିବା ଅଭିଯୋଗ ହୋଇଛି । ଲୋକମାନଙ୍କୁ ପିଡ଼ିଏସ ଚାଉଳ ମିଳିବ କହି ଖୋଦ ପିଇଓଙ୍କର ଦେଖା ନାହିଁ । ଫଳରେ ପିଡ଼ିଏସ ଚାଉଳ ନେବାକୁ ଆସୁଥିୂବା ହିତାଧିକାରୀଙ୍କୁ ଘଣ୍ଟା ଘଣ୍ଟା ଧରି ଅପେକ୍ଷା କରିବାକୁ ପଡ଼ୁଛି । 

ପଟିଲୋ ପଂଚାୟତରେ ଅଠରଟି ୱାର୍ଡ଼ ରହିଛି । ପଂଚାୟତ ପିଇଓ ଏକାଧିକ ପଂଚାୟତର ଦାଇତ୍ୱରେ ରହିଛନ୍ତିା ।  ଫଳରେ ସେ ଚାଉଳ ବଣ୍ଟନ କରିବାକୁ ସମୟ ଦେଇ ପାରୁ ନ ଥିବା ଲୋକମାନେ ଅଭିଯୋଗ କରିଛନ୍ତି ।  ହିତାଧିକାରୀ ମାନେ ବ୍ୟାଗକୁ ଧାଡ଼ିରେ ରଖି ପିଇଓ ଙ୍କ ବିରୁଦ୍ଧରେ ଅଭିଯୋଗ କରିଥିଲେ ।  ଆଗକୁ ବଣ୍ଟନ କରିବାରେ ଅବହେଳା କଲେ ଲୋକେ ଧାରଣାରେ ବସିବେ ବୋଲି ଚେତାବନୀ ଦେଇଛନ୍ତି । 

ସ୍ନାନପୂର୍ଣ୍ନିମାରେ ଅତ୍ୟଧିକ ସ୍ନାନ କରି ଏବେ ଅଣସର ଘରେ ଜ୍ୱରରେ ପୀଡିତ ଚତୁର୍ଦ୍ଧାବିଗ୍ରହ। ଏଥିପାଇଁ ମହାପ୍ରଭୁଙ୍କ ଶ୍ରୀଅଙ୍ଗ ଦଇତାପତି ସେବାୟତ ମାନେ ଜାରି ରଖିଛନ୍ତି ଗୁପ୍ତ ଚିକିତ୍ସା। ସମ୍ପୂର୍ଣ୍ଣ ଆୟୁର୍ବେଦ ପ୍ରଣାଳୀରେ ମହାପ୍ରଭୁଙ୍କ ଚିକିତ୍ସା ଜାରି ରହିଛି। ଗତକାଲି ଚତୁର୍ଦ୍ଧାବିଗ୍ରହଙ୍କ ଶରୀରରେ ଫୁଲୁରୀ ତେଲ ଲାଗିପରେ ଆଜିଠାରୁ ନବମୀ ତିଥି ପର୍ଯ୍ୟନ୍ତ ମହାପ୍ରଭୁଙ୍କ ଠାରେ ଓଷ ଲାଗି ହେବାର ଵିଧି ରହିଛି |

108 ଗରା ସୁବାସିତ ଜଳରେ ସ୍ନାନ କରିବା ପରେ ଏବେ  ଜ୍ୱରରେ ପୀଡିତ ଜଗତରନାଥ ପ୍ରଭୂ ଜଗନ୍ନାଥ। ଶ୍ରୀଜୀଉଙ୍କ ଜ୍ୱର ଉପଶମ ପାଇଁ ଶ୍ରୀମନ୍ଦିରରେ ଗୁପ୍ତ ସେବା ଜାରି ରହିଛି । ଅଣସର ଘରେ ଅବସ୍ଥାନ କରିଥିବା ମହାପ୍ରଭୁଙ୍କ ଶ୍ରୀଅଙ୍ଗରେ ଗତକାଲି ଫୁଲୁରୀ ତେଲ ଲାଗି ପରେ ସାମାନ୍ୟ ସୁସ୍ଥ ହୋଇଛନ୍ତି ମହାପ୍ରଭୁ। ଆଜିଠୁ ବିଭିନ୍ନ ଔଷଧୀୟ ଉପଚାର ଲାଗୁ କରାଯିବ। ଆଜି ମଧ୍ୟାହ୍ନ ଧୂପ ପରେ  ସୁଦ୍ଧଶୁଆର ମାନେ ପ୍ରସ୍ତୁତ କରିଥିବା ଝୁଣା, ତେଲ ଓ ବିଭିନ୍ନ ଚେର ମୂଳିରେ ପ୍ରସ୍ତୁତ ଔଷଧକୁ ଦଇତାପତି ସେବକମାନେ ଶ୍ରୀଜୀଉଙ୍କ ଅଙ୍ଗରେ ଲଗାଇବେ। ଆଜିଠୁ ତିନିଦିନ ଧରି ମହାପ୍ରଭୁଙ୍କୁ ଓଷ ଲାଗି କରାଯିବ । ଷଷ୍ଠୀ ଠାରୁ ନବମୀ ତିଥି ପର୍ଯ୍ୟନ୍ତ ଏହି ଔଷଧ ଲାଗି କରାଯିବ। ଫଳରେ କିଛି ମାତ୍ରାରେ ଶ୍ରୀଜୀଉ ଜ୍ୱରରୁ ଉପଶମ ପାଇବେ। ଦଶମୀ ଦିନ ରାଜବୈଦ୍ୟଙ୍କ ଦ୍ୱାରା ପ୍ରସ୍ତୁତ ଦଶମୂଳ ମୋଦକ ଖାଇବା ପରେ ମହାପ୍ରଭୁ ସମ୍ପୂର୍ଣ୍ଣ ଉପଶମ ହେବେ ।