RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

ଭୋଟର ଲିଷ୍ଟରୁ ନାମ କଟିଯାଇଛି କି? ଚିନ୍ତା କରନ୍ତୁନି, ପୁଣି ଯୋଡ଼ିବାକୁ ମିଳିବ ସୁଯୋଗ; EC ଦେଲେ ବଡ଼ ଆଶ୍ୱସ୍ତି

</title>

<link>

https://khabarodisha.com/National/ec-form-6-rule-voters-missing-draft-sir-electoral-rolls-156769

</link>

<guid>

https://khabarodisha.com/National/ec-form-6-rule-voters-missing-draft-sir-electoral-rolls-156769

</guid>

Tue, 03 Nov 2026 17:25:00 GMT

</pubDate>

ନୂଆଦିଲ୍ଲୀ: ଭୋଟର ତାଲିକାରେ ପୂର୍ବରୁ ନାମ ଥିଲା, ହେଲେ ଏବେ SIR ଡ୍ରାଫ୍ଟ ଭୋଟର ଲିଷ୍ଟରେ ନାମ ଦେଖାଯାଉନାହିଁ କି? ତେବେ ଆଉ ଚିନ୍ତା କରିବାର ଆବଶ୍ୟକତା ନାହିଁ। ଏଭଳି ଭୋଟରଙ୍କୁ ପୁଣି ଥରେ ନିଜ ନାମ ଭୋଟର ତାଲିକାରେ ସାମିଲ କରିବା ପାଇଁ ସୁଯୋଗ ଦେଇଛନ୍ତି ନିର୍ବାଚନ କମିଶନ। ଏଥିପାଇଁ ସେମାନେ Form 6 ଦାଖଲ କରିପାରିବେ। ଏହାକୁ ନେଇ କୌଣସି ଆଇନଗତ ଭୟ ରଖିବା ଦରକାର ନାହିଁ ବୋଲି କମିଶନ ସ୍ପଷ୍ଟ କରିଛନ୍ତି।

ମଙ୍ଗଳବାର ଏନେଇ ସମସ୍ତ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀଙ୍କୁ ଚିଠି ଲେଖିଛନ୍ତି ନିର୍ବାଚନ କମିଶନ। ବର୍ତ୍ତମାନ ଚାଲିଥିବା ସ୍ପେଶାଲ ଇଣ୍ଟେନସିଭ୍ ରିଭିଜନ (SIR) ପ୍ରକ୍ରିୟାରେ ଅନେକ ପୁରୁଣା ଭୋଟରଙ୍କ ନାମ ଡ୍ରାଫ୍ଟ ତାଲିକାରେ ନଥିବାରୁ ସେମାନେ ନୂଆ ଆବେଦନ କରିବାକୁ ଦ୍ୱିଧାରେ ଥିବା କମିଶନଙ୍କ ନଜରକୁ ଆସିଥିଲା।

Form 6 ଦାଖଲ କଲେ ହେବନି ମାମଲା

ନିର୍ବାଚନ କମିଶନଙ୍କ ଏହି ସ୍ପଷ୍ଟୀକରଣ ପଛରେ ରହିଛି ଏକ ଗୁରୁତ୍ୱପୂର୍ଣ୍ଣ ଆଇନଗତ ଦ୍ୱନ୍ଦ୍ୱ। Form 6ରେ ଆବେଦନକାରୀ ପ୍ରଥମ ଥର ପାଇଁ ଭୋଟର ତାଲିକାରେ ନାମ ସାମିଲ କରିବାକୁ ଆବେଦନ କରୁଥିବା ନେଇ ଘୋଷଣା କରିବାକୁ ପଡ଼ିଥାଏ।

ଏପରି ସ୍ଥିତିରେ ପୂର୍ବରୁ ଭୋଟର ଥିବା ବ୍ୟକ୍ତି ପୁଣି Form 6 ଭରିଲେ ଏହାକୁ ମିଥ୍ୟା ଘୋଷଣା ବୋଲି ଧରାଯାଇପାରେ ଏବଂ ଜନପ୍ରତିନିଧିତ୍ୱ ଆଇନ, ୧୯୫୦ର ଧାରା ୩୧ ଅନୁସାରେ ଆଇନଗତ କାର୍ଯ୍ୟାନୁଷ୍ଠାନ ହୋଇପାରେ ବୋଲି ଅନେକ ଭୋଟର ଆଶଙ୍କା କରୁଥିଲେ।

କିନ୍ତୁ କମିଶନ ସ୍ପଷ୍ଟ କରିଛନ୍ତି ଯେ, ପୂର୍ବରୁ ଭୋଟର ଥିବା ବ୍ୟକ୍ତିଙ୍କ ନାମ SIR ଡ୍ରାଫ୍ଟ ତାଲିକାରୁ ବାଦ୍ ପଡ଼ିଥିଲେ, କେବଳ ପୁଣି ଥରେ Form 6 ଦାଖଲ କରିବା ମିଥ୍ୟା ଘୋଷଣା ଭାବେ ବିବେଚିତ ହେବ ନାହିଁ।

କେଉଁ ପରିସ୍ଥିତିରେ ହୋଇପାରିବ କାର୍ଯ୍ୟାନୁଷ୍ଠାନ ?

ଏହି ପ୍ରସଙ୍ଗରେ ନିର୍ବାଚନ କମିଶନ ଏକ ସର୍ତ୍ତ ମଧ୍ୟ ସ୍ପଷ୍ଟ କରିଛନ୍ତି। ଯଦି ଜଣେ ବ୍ୟକ୍ତି ଅନ୍ୟ କୌଣସି ନିର୍ବାଚନ ମଣ୍ଡଳୀରେ ପୂର୍ବରୁ ପଞ୍ଜୀକୃତ ଅଛନ୍ତି କିମ୍ବା ଜାଣିଶୁଣି ଭୁଲ୍ ତଥ୍ୟ ଓ ବେଆଇନ ଘୋଷଣା ଦେଇଛନ୍ତି, ତେବେ ତାଙ୍କ ବିରୋଧରେ ଆଇନ ଅନୁସାରେ ପଦକ୍ଷେପ ନିଆଯାଇପାରିବ।

କେବଳ ପୁରୁଣା ଭୋଟର ହୋଇ ମଧ୍ୟ SIR ଡ୍ରାଫ୍ଟ ତାଲିକାରେ ନାମ ନଥିବା କାରଣରୁ Form 6 ଦାଖଲ କରିଥିଲେ, ନିର୍ବାଚନ ପଞ୍ଜୀକରଣ ଅଧିକାରୀ (ERO) ଧାରା ୩୧ ଅନୁସାରେ ମାମଲା ଆରମ୍ଭ କରିପାରିବେ ନାହିଁ।

</description>

</item>

<item>

<title>

ଅନିଲ ଅମ୍ବାନୀ ଗ୍ରୁପ୍‌କୁ EDର ବଡ଼ ଝଟକା, ୫୧୦ କୋଟିର ସମ୍ପତ୍ତି ଜବତ; ୨ ବିମାନ ଓ ୬ଟି ଜମି ସାମିଲ

</title>

<link>

https://khabarodisha.com/National/ed-attaches-rs-510-crore-assets-anil-ambani-group-two-aircraft-156766

</link>

<guid>

https://khabarodisha.com/National/ed-attaches-rs-510-crore-assets-anil-ambani-group-two-aircraft-156766

</guid>

Tue, 03 Nov 2026 16:14:00 GMT

</pubDate>

ନୂଆଦିଲ୍ଲୀ: ଶିଳ୍ପପତି ଅନିଲ ଅମ୍ବାନୀଙ୍କ ରିଲାଏନ୍ସ ଗ୍ରୁପ୍‌ ବିରୋଧରେ ବଡ଼ କାର୍ଯ୍ୟାନୁଷ୍ଠାନ ନେଇଛି ପ୍ରବର୍ତ୍ତନ ନିର୍ଦ୍ଦେଶାଳୟ (ED)। ବ୍ୟାଙ୍କ ଠକେଇ ଓ ଅର୍ଥ ହେରଫେର ମାମଲାର ତଦନ୍ତ ମଧ୍ୟରେ ଗ୍ରୁପ୍‌ ସହ ଜଡ଼ିତ ପ୍ରାୟ ୫୧୦ କୋଟି ଟଙ୍କା ମୂଲ୍ୟର ସମ୍ପତ୍ତିକୁ ଅସ୍ଥାୟୀ ଭାବେ ଜବତ କରିଛି ଇଡି। ଏହି ସମ୍ପତ୍ତି ମଧ୍ୟରେ ଦୁଇଟି ଚାର୍ଟାର୍ଡ ବିମାନ, ମହାରାଷ୍ଟ୍ରର ୬ଟି ଜମି ଓ ଅନ୍ୟାନ୍ୟ ସମ୍ପତ୍ତି ରହିଛି। ଏହି ନୂଆ କାର୍ଯ୍ୟାନୁଷ୍ଠାନ ପରେ ଅନିଲ ଅମ୍ବାନୀ ଗ୍ରୁପ୍‌ ସହ ଜଡ଼ିତ ମାମଲାଗୁଡ଼ିକରେ ଏପର୍ଯ୍ୟନ୍ତ ଜବତ ଓ ଆଟାଚ୍ ହୋଇଥିବା ସମ୍ପତ୍ତିର ମୋଟ ମୂଲ୍ୟ ପ୍ରାୟ ୨୩,୧୦୦ କୋଟି ଟଙ୍କାରେ ପହଞ୍ଚିଛି।

କେଉଁ କେଉଁ ସମ୍ପତ୍ତି ଉପରେ ହୋଇଛି କାର୍ଯ୍ୟାନୁଷ୍ଠାନ ?

ଇଡିର ସୂଚନା ଅନୁସାରେ, ରିଲାଏନ୍ସ କମ୍ୟୁନିକେସନ୍‌ (RCOM) ସହ ଜଡ଼ିତ ବ୍ୟାଙ୍କ ଠକେଇ ମାମଲାରେ ୨୪୭.୧୨ କୋଟି ଟଙ୍କାର ସମ୍ପତ୍ତି ଆଟାଚ୍ କରାଯାଇଛି। ଏଥିରେ ଦୁଇଟି ଚାର୍ଟାର୍ଡ ବିମାନ, ମହାରାଷ୍ଟ୍ରର ୬ଟି ଜମି ଏବଂ ଗୋଟିଏ ଅଫିସ୍ ପରିସର ରହିଛି। ଜବତ ହୋଇଥିବା ବିମାନ ମଧ୍ୟରେ ଡାସଲ୍ଟ ଫାଲକନ୍ ୨୦୦୦ ଏବଂ ଏମ୍ବ୍ରାଏର୍ ବିମାନ ରହିଥିବା ଜଣାପଡ଼ିଛି।

ସେହିପରି ରିଲାଏନ୍ସ ହୋମ୍ ଫାଇନାନ୍ସ (RHFL) ଓ ରିଲାଏନ୍ସ କମର୍ସିଆଲ୍ ଫାଇନାନ୍ସ (RCFL) ସହ ଜଡ଼ିତ ମାମଲାରେ ୨୬୩.୦୫ କୋଟି ଟଙ୍କାର ସମ୍ପତ୍ତି ଉପରେ ଇଡି କାର୍ଯ୍ୟାନୁଷ୍ଠାନ ନେଇଛି। ଏଥିରେ ତାମିଲନାଡୁର ଦୁଇଟି ପବନ ଚକ୍କି, ବ୍ୟାଙ୍କ ଜମା, ଫିକ୍ସଡ୍ ଡିପୋଜିଟ୍, ନିବେଶ ଓ ଅନ୍ୟାନ୍ୟ ଆର୍ଥିକ ସମ୍ପତ୍ତି ଅନ୍ତର୍ଭୁକ୍ତ।

ବ୍ୟାଙ୍କ ଟଙ୍କା ହେରଫେର ନେଇ ଗୁରୁତର ଅଭିଯୋଗ

ଇଡିର ତଦନ୍ତରେ ରିଲାଏନ୍ସ ଗ୍ରୁପ୍‌ର କିଛି କମ୍ପାନୀ ବ୍ୟାଙ୍କ ଓ ଆର୍ଥିକ ସଂସ୍ଥାରୁ ନେଇଥିବା ସାର୍ବଜନୀନ ଅର୍ଥର ଅପବ୍ୟବହାର କରିଥିବା ଅଭିଯୋଗ ହୋଇଛି। ଏହାସହ ଇନସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍‌ (IBC)ର ଦୁରୁପଯୋଗ କରି କମ୍ପାନୀର ସମ୍ପତ୍ତିକୁ ବ୍ୟକ୍ତିଗତ ଲାଭ ପାଇଁ ସୁରକ୍ଷିତ ରଖିବା ଏବଂ ଭାରତରୁ ବିଦେଶର ଟ୍ୟାକ୍ସ ହେଭେନ୍‌କୁ ଅର୍ଥ ପଠାଇବା ଭଳି ଅଭିଯୋଗ ମଧ୍ୟ ଏଜେନ୍ସି ଉଠାଇଛି।

ଇଡିର ଦାବି ଅନୁସାରେ, ଏହି ଅର୍ଥର ଏକ ବଡ଼ ଅଂଶ ଗ୍ରୁପ୍‌ର ପ୍ରମୋଟର ଓ ସେମାନଙ୍କ ପରିବାରର ବ୍ୟକ୍ତିଗତ ଲାଭ ପାଇଁ ବ୍ୟବହାର ହୋଇଥିବା ତଦନ୍ତରୁ ଜଣାପଡ଼ିଛି। ତେବେ ଏଗୁଡ଼ିକ ତଦନ୍ତକାରୀ ସଂସ୍ଥାର ଅଭିଯୋଗ, ଏହାର ଚୂଡ଼ାନ୍ତ ନିଷ୍ପତ୍ତି ନ୍ୟାୟିକ ପ୍ରକ୍ରିୟା ଉପରେ ନିର୍ଭର କରିବ।

୧୦ ଜଣ ଗିରଫ, ୬ଟି ଅଭିଯୋଗପତ୍ର ଦାଖଲ

ଏହି ମାମଲାଗୁଡ଼ିକର ତଦନ୍ତ ଆରମ୍ଭ କରିବା ପାଇଁ ସିବିଆଇର ଦିଲ୍ଲୀ ଶାଖା ଏବଂ ଦିଲ୍ଲୀ ଓ ମୁମ୍ବାଇର ଆର୍ଥିକ ଅପରାଧ ଶାଖା (EOW) ପକ୍ଷରୁ ରୁଜୁ ହୋଇଥିବା ଏକାଧିକ FIR ଆଧାର ହୋଇଥିଲା। ଏହି ତଦନ୍ତ ପରିସରରେ ରିଲାଏନ୍ସ କମ୍ୟୁନିକେସନ୍, ରିଲାଏନ୍ସ ହୋମ୍ ଫାଇନାନ୍ସ, ରିଲାଏନ୍ସ କମର୍ସିଆଲ୍ ଫାଇନାନ୍ସ, ରିଲାଏନ୍ସ ଇନଫ୍ରାଷ୍ଟ୍ରକ୍ଚର, ରିଲାଏନ୍ସ ପାୱାର ଓ ରିଲାଏନ୍ସ କ୍ୟାପିଟାଲ୍ ଭଳି କମ୍ପାନୀ ରହିଛି।

</description>

</item>

<item>

<title>

୨୦୨୭ ୟୁପି ନିର୍ବାଚନ ଲଢ଼ିବେନି ଅଖିଳେଶ ଯାଦବ ! କହିଲେ- ସିଧା ମୁଖ୍ୟମନ୍ତ୍ରୀ ଭାବେ ନେବି ଶପଥ

</title>

<link>

https://khabarodisha.com/National/akhilesh-yadav-wont-contest-2027-up-assembly-elections-cm-156765

</link>

<guid>

https://khabarodisha.com/National/akhilesh-yadav-wont-contest-2027-up-assembly-elections-cm-156765

</guid>

Tue, 03 Nov 2026 15:49:00 GMT

</pubDate>

ବାରାଣସୀ: ଉତ୍ତରପ୍ରଦେଶ ରାଜନୀତିରେ ଏବେଠୁ ୨୦୨୭ ବିଧାନସଭା ନିର୍ବାଚନକୁ ନେଇ ଚର୍ଚ୍ଚା ଜୋର ଧରିଛି। ଏହାରି ମଧ୍ୟରେ ସମାଜବାଦୀ ପାର୍ଟି (SP) ମୁଖ୍ୟ ଅଖିଳେଶ ଯାଦବଙ୍କ ଏକ ବଡ଼ ବୟାନ ରାଜନୈତିକ ମହଲରେ ହଟଚମଟ ସୃଷ୍ଟି କରିଛି। ଆସନ୍ତା ୨୦୨୭ ବିଧାନସଭା ନିର୍ବାଚନରେ ସେ ନିଜେ ପ୍ରାର୍ଥୀ ହେବେ ନାହିଁ ବୋଲି ସ୍ପଷ୍ଟ କରିବା ସହ ସିଧାସଳଖ ମୁଖ୍ୟମନ୍ତ୍ରୀ ପଦର ଶପଥ ନେବା ନେଇ ଆତ୍ମବିଶ୍ୱାସ ପ୍ରକାଶ କରିଛନ୍ତି।

ମଙ୍ଗଳବାର ବାରାଣସୀ ଗସ୍ତ ସମୟରେ ସାମ୍ବାଦିକଙ୍କ ସହ ଆଲୋଚନା ବେଳେ ଅଖିଳେଶ ଏହି ମନ୍ତବ୍ୟ ଦେଇଛନ୍ତି। କାଶୀର କୌଣସି ବିଧାନସଭା ଆସନରୁ ସେ ନିର୍ବାଚନ ଲଢ଼ିବେ କି ନାହିଁ ବୋଲି ପଚରାଯିବାରୁ ନିଜ ନିଷ୍ପତ୍ତି ସ୍ପଷ୍ଟ କରିଥିଲେ। ତାଙ୍କ କହିବା ଅନୁଯାୟୀ, ଯେଉଁ ରାସ୍ତା ତାଙ୍କ ପାଇଁ ପୂର୍ବରୁ ଶୁଭ ସାବ୍ୟସ୍ତ ହୋଇଛି, ସେ ଏଥର ମଧ୍ୟ ସେହି ରାସ୍ତା ଆପଣାଇବେ।

୨୦୧୨ର ଉଦାହରଣ ଦେଲେ ସପା ମୁଖ୍ୟ

ନିଜ ରାଜନୈତିକ ଅଭିଜ୍ଞତାକୁ ଉଦାହରଣ ଭାବେ ରଖି ଅଖିଳେଶ କହିଛନ୍ତି ଯେ, ସେ ଯେତେବେଳେ ମୁଖ୍ୟମନ୍ତ୍ରୀ ହୋଇଥିଲେ, ସେତେବେଳେ ବିଧାନସଭା ନିର୍ବାଚନ ଲଢ଼ିନଥିଲେ। ବରଂ ଲୋକସଭା ସାଂସଦ ଥାଇ ମୁଖ୍ୟମନ୍ତ୍ରୀ ହୋଇଥିଲେ। ତେଣୁ ଏଥର ମଧ୍ୟ ସେହି ରାଜନୈତିକ ପଥ ଅନୁସରଣ କରିବେ ବୋଲି ସଙ୍କେତ ଦେଇଛନ୍ତି।

ଉଲ୍ଲେଖଯୋଗ୍ୟ, ୨୦୧୨ରେ ଉତ୍ତରପ୍ରଦେଶରେ ସମାଜବାଦୀ ପାର୍ଟି ସରକାର ଗଠନ କରିବା ପରେ ଅଖିଳେଶ ଯାଦବ ମୁଖ୍ୟମନ୍ତ୍ରୀ ହୋଇଥିଲେ। ସେହି ସମୟରେ ସେ କନ୍ନୌଜରୁ ଲୋକସଭା ସାଂସଦ ଥିଲେ। ମୁଖ୍ୟମନ୍ତ୍ରୀ ହେବା ପରେ ଲୋକସଭା ସଦସ୍ୟତାରୁ ଇସ୍ତଫା ଦେଇଥିଲେ।

ଯୋଗୀ ସରକାରଙ୍କୁ ଘେରିଲେ ଅଖିଳେଶ

ବାରାଣସୀରେ କେବଳ ନିର୍ବାଚନ ନୁହେଁ, ବିଭିନ୍ନ ପ୍ରସଙ୍ଗରେ ଯୋଗୀ ଆଦିତ୍ୟନାଥଙ୍କ ସରକାରକୁ ମଧ୍ୟ ଟାର୍ଗେଟ କରିଛନ୍ତି ସପା ମୁଖ୍ୟ। ଏମଏଲସି ନିର୍ବାଚନରେ ସପା ପ୍ରାର୍ଥୀଙ୍କୁ ହରାଇବା ପାଇଁ ପ୍ରଶାସନ ଉଦ୍ୟମ କରିଥିବା ସେ ଅଭିଯୋଗ କରିଛନ୍ତି। ତେବେ ବାବା ବିଶ୍ୱନାଥଙ୍କ ଆଶୀର୍ବାଦରୁ ଦଳକୁ ସଫଳତା ମିଳିଥିବା ସେ କହିଛନ୍ତି।

</description>

</item>

<item>

<title>

ସଂସଦରେ SIR ସମେତ ସବୁ ପ୍ରସଙ୍ଗରେ ଆଲୋଚନା ପାଇଁ ପ୍ରସ୍ତୁତ ସରକାର: ରାହୁଲ ଗାନ୍ଧିଙ୍କୁ ଅମିତ ଶାହଙ୍କ ଖୋଲା ଚ୍ୟାଲେଞ୍ଜ

</title>

<link>

https://khabarodisha.com/National/amit-shah-challenges-rahul-gandhi-sir-parliament-debate-naxalism-156763

</link>

<guid>

https://khabarodisha.com/National/amit-shah-challenges-rahul-gandhi-sir-parliament-debate-naxalism-156763

</guid>

Tue, 03 Nov 2026 14:58:00 GMT

</pubDate>

ରାୟପୁର: ସଂସଦରେ ଉଠୁଥିବା ବିଭିନ୍ନ ପ୍ରସଙ୍ଗକୁ ନେଇ ବିରୋଧୀଙ୍କ ହଟ୍ଟଗୋଳ ମଧ୍ୟରେ ନିଜର ଆଭିମୁଖ୍ୟ ସ୍ପଷ୍ଟ କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହ। ଭୋଟର ତାଲିକାର ସ୍ୱତନ୍ତ୍ର ସଘନ ସଂଶୋଧନ (SIR) ସମେତ ପ୍ରତ୍ୟେକ ପ୍ରସଙ୍ଗରେ ସଂସଦରେ ଆଲୋଚନା କରିବାକୁ ମୋଦୀ ସରକାର ପ୍ରସ୍ତୁତ ବୋଲି ସେ କହିଛନ୍ତି। ଏଥିସହ କଂଗ୍ରେସ ନେତା ରାହୁଲ ଗାନ୍ଧିଙ୍କୁ ମଧ୍ୟ ବିତର୍କ ପାଇଁ ଆହ୍ୱାନ ଦେଇଛନ୍ତି ଶାହ। ଛତିଶଗଡ଼ର ରାୟପୁର ଅଟଳ ନଗରସ୍ଥିତ କାୟାବାନ୍ଧାରେ 'ବିକଶିତ ଭାରତ ସଂକଳ୍ପ ପାର୍କ ପୀପଲ ୱାନ୍'ର ଉଦଘାଟନ କାର୍ଯ୍ୟକ୍ରମରେ ଯୋଗଦେଇ ଶାହ ଏହି ବୟାନ ଦେଇଛନ୍ତି।

ନକ୍ସଲବାଦ ପ୍ରସଙ୍ଗରେ କଂଗ୍ରେସକୁ ଟାର୍ଗେଟ

ନିଜ ଅଭିଭାଷଣରେ ଅମିତ ଶାହ କଂଗ୍ରେସ ଏବଂ ରାହୁଲ ଗାନ୍ଧିଙ୍କୁ କଡ଼ା ସମାଲୋଚନା କରିଥିଲେ। ତାଙ୍କ ଅଭିଯୋଗ ଅନୁଯାୟୀ, କଂଗ୍ରେସ ସବୁବେଳେ ଅସାମ୍ବିଧାନିକ ବ୍ୟବସ୍ଥା ଓ ସରକାରଗୁଡ଼ିକୁ ସମର୍ଥନ କରିଆସିଛି।

ଶାହ କହିଥିଲେ ଯେ, ନକ୍ସଲ ପ୍ରଭାବିତ ଅଞ୍ଚଳରେ ମାଓବାଦୀମାନେ ନିଜସ୍ୱ ଜନତା ସରକାର ଗଠନ କରି ମୁଖ୍ୟମନ୍ତ୍ରୀ, ଗୃହମନ୍ତ୍ରୀ ଓ ଅର୍ଥମନ୍ତ୍ରୀ ଭଳି ପଦବୀ ସୃଷ୍ଟି କରିଥିଲେ। ଏଭଳି ସମାନ୍ତରାଳ ଶାସନ ବ୍ୟବସ୍ଥାକୁ କେଉଁ ସମ୍ବିଧାନ ଅନୁମତି ଦେଇଛି ବୋଲି ସେ ପ୍ରଶ୍ନ କରିଥିଲେ। ଏହାସହ ନିରୀହ ସାମ୍ବାଦିକ, ସମାଜସେବୀ ଓ ଛାତ୍ରଛାତ୍ରୀଙ୍କୁ ହତ୍ୟା କରାଯାଇଥିବା ଅଭିଯୋଗ ଉଠାଇ ନକ୍ସଲବାଦୀଙ୍କ ଏଭଳି କାର୍ଯ୍ୟକଳାପକୁ ସମର୍ଥନ କରିବା ନେଇ କଂଗ୍ରେସକୁ ଘେରିଥିଲେ ଗୃହମନ୍ତ୍ରୀ।

ଅଟଳଜୀ ଛତିଶଗଡ଼ ଗଢ଼ିଥିଲେ, ମୋଦୀଜୀ ନକ୍ସଲମୁକ୍ତ କରିଛନ୍ତି

ଛତିଶଗଡ଼ର ବିକାଶ ଏବଂ ନକ୍ସଲବାଦ ଦମନ ପ୍ରସଙ୍ଗରେ ମଧ୍ୟ ଶାହ ବଡ଼ ମନ୍ତବ୍ୟ ଦେଇଥିଲେ। ସେ କହିଥିଲେ, ପୂର୍ବତନ ପ୍ରଧାନମନ୍ତ୍ରୀ ଅଟଳ ବିହାରୀ ବାଜପେୟୀ ଛତିଶଗଡ଼ ରାଜ୍ୟ ଗଠନ କରିଥିବା ବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏହାକୁ ନକ୍ସଲବାଦରୁ ମୁକ୍ତ କରି ବିକାଶର ନୂଆ ରାସ୍ତା ଦେଖାଇଛନ୍ତି।

ରାଜ୍ୟରେ ପୂର୍ବତନ ରମଣ ସିଂହ ସରକାରଙ୍କ ସମୟରେ ବିକାଶମୂଳକ କାର୍ଯ୍ୟ ହୋଇଥିବା ସେ ଉଲ୍ଲେଖ କରିଥିଲେ। ଅନ୍ୟପଟେ କଂଗ୍ରେସ ଶାସନ ସମୟରେ ନକ୍ସଲ ପ୍ରଭାବିତ ଅଞ୍ଚଳରେ ବିକାଶକୁ ଆବଶ୍ୟକ ଗୁରୁତ୍ୱ ଦିଆଯାଇନଥିବା ଅଭିଯୋଗ କରିଥିଲେ।

ଆଦିବାସୀଙ୍କ ଅଧିକାର ନେଇ ଉଠାଇଲେ ପ୍ରଶ୍ନ

ନକ୍ସଲବାଦର ପ୍ରଭାବରେ ଜଙ୍ଗଲ ଅଞ୍ଚଳରେ ଶିକ୍ଷା ଓ ସାଂସ୍କୃତିକ ଜୀବନ କ୍ଷତିଗ୍ରସ୍ତ ହୋଇଥିବା କହି ଶାହ ଭାବପ୍ରବଣ ମନ୍ତବ୍ୟ ଦେଇଥିଲେ। ଯେଉଁ ଜଙ୍ଗଲରେ ମହୁଲ ଓ ଲୋକଗୀତର ମାହୋଲ ରହିବା କଥା, ସେଠାରେ ବାରୁଦୀ ସୁଡ଼ଙ୍ଗ ବିଛାଯାଇଥିଲା। ଯେଉଁ ପିଲାଙ୍କ ହାତରେ ବହି ଓ ବସ୍ତାନି ରହିବା କଥା, ସେମାନଙ୍କ ହାତରେ ବନ୍ଧୁକ ଧରାଇ ଦିଆଯାଇଥିଲା ବୋଲି ସେ କହିଥିଲେ।

</description>

</item>

<item>

<title>

ଅଭିନେତା ତୁଷାର କପୁରଙ୍କୁ ୫ କୋଟିର ଦାଦାବଟି ଧମକ; ହ୍ୟାରି ବକ୍ସର ନାଁରେ ଫୋନ୍, ମୁମ୍ବାଇ କ୍ରାଇମ୍ ବ୍ରାଞ୍ଚର ତଦନ୍ତ ଜାରି

</title>

<link>

https://khabarodisha.com/National/tusshar-kapoor-5-crore-extortion-threat-bishnoi-gang-harry-boxer-156757

</link>

<guid>

https://khabarodisha.com/National/tusshar-kapoor-5-crore-extortion-threat-bishnoi-gang-harry-boxer-156757

</guid>

Tue, 03 Nov 2026 11:07:00 GMT

</pubDate>

ମୁମ୍ବାଇ: ବଲିଉଡ୍ ଅଭିନେତା ତୁଷାର କପୁରଙ୍କୁ ୫ କୋଟି ଟଙ୍କାର ଦାଦାବଟି ଧମକ। ନିଜକୁ ଲରେନ୍ସ ବିଷ୍ଣୋଇ ଗ୍ୟାଙ୍ଗ୍‌ର ସଦସ୍ୟ ହ୍ୟାରି ବକ୍ସର ବୋଲି ପରିଚୟ ଦେଇ ଜଣେ ଫୋନ୍ କରି ଏହି ଟଙ୍କା ଦାବି କରିଥିବା ଜଣାପଡ଼ିଛି। ଘଟଣାକୁ ନେଇ ତୁଷାର ମୁମ୍ବାଇ ପୋଲିସର ଦ୍ୱାରସ୍ଥ ହୋଇଛନ୍ତି। ଏହାପରେ ଆଣ୍ଟି ଏକ୍ସଟର୍ସନ୍ ସେଲ୍ ଓ କ୍ରାଇମ୍ ବ୍ରାଞ୍ଚ ତଦନ୍ତ ଆରମ୍ଭ କରିଛି।

ତେବେ ଘଟଣାରେ ଆସିଛି ନୂଆ ମୋଡ଼। ଧମକପୂର୍ଣ୍ଣ ଫୋନ୍ କଲ୍‌ର ଅଡିଓ ଯାଞ୍ଚ ପରେ ଏହା ହ୍ୟାରି ବକ୍ସରଙ୍କ ସ୍ୱର ସହ ମେଳ ଖାଉନଥିବା ପ୍ରାଥମିକ ଭାବେ ଜଣାପଡ଼ିଛି। ତେଣୁ ଗ୍ୟାଙ୍ଗ୍‌ର ନାଁ ବ୍ୟବହାର କରି କେହି ଅଭିନେତାଙ୍କୁ ଭୟଭୀତ କରି ଟଙ୍କା ଆଦାୟ କରିବାକୁ ଉଦ୍ୟମ କରିଥିବା ପୋଲିସ ସନ୍ଦେହ କରୁଛି।

ହ୍ୟାରି ବକ୍ସରଙ୍କ ସ୍ୱର ସହ ମେଳ ଖାଇଲାନି ଅଡିଓ

ମୁମ୍ବାଇ ପୋଲିସ ସୂତ୍ର ଅନୁସାରେ, କ୍ରାଇମ୍ ବ୍ରାଞ୍ଚର ଟେକ୍ନିକାଲ୍ ଟିମ୍ ଧମକପୂର୍ଣ୍ଣ କଲ୍‌ର ଅଡିଓ ରେକର୍ଡିଂ ଯାଞ୍ଚ କରିଛି। ପୋଲିସ ଡାଟାବେସ୍‌ରେ ଥିବା ହ୍ୟାରି ବକ୍ସରଙ୍କ ସ୍ୱର ନମୁନା ସହ ଏହାକୁ ତୁଳନା କରାଯାଇଥିଲା। ପ୍ରାଥମିକ ଯାଞ୍ଚରେ ଉଭୟ ସ୍ୱର ମଧ୍ୟରେ କୌଣସି ମେଳ ମିଳିନାହିଁ। ଏହାପରେ ଧମକ ଦେଇଥିବା ବ୍ୟକ୍ତିଙ୍କ ପ୍ରକୃତ ପରିଚୟ ଖୋଜୁଛି ପୋଲିସ। ତେବେ ଏପର୍ଯ୍ୟନ୍ତ ଏହି ଘଟଣାରେ କୌଣସି FIR ରୁଜୁ ହୋଇନଥିବା ସୂଚନା ମିଳିଛି।

ଗ୍ୟାଙ୍ଗ୍‌ର ନାଁରେ ଚାଲିଛି କି ନକଲି ଦାଦାବଟି ରାକେଟ୍?

ପୋଲିସ ସନ୍ଦେହ କରୁଛି ଯେ କିଛି ସ୍ଥାନୀୟ ଅପରାଧୀ ଲରେନ୍ସ ବିଷ୍ଣୋଇ ଗ୍ୟାଙ୍ଗ୍‌ର ନାଁ ବ୍ୟବହାର କରି ବ୍ୟବସାୟୀ ଓ ପ୍ରତିଷ୍ଠିତ ବ୍ୟକ୍ତିଙ୍କୁ ଭୟଭୀତ କରି ଟଙ୍କା ଆଦାୟ ଉଦ୍ୟମ କରୁଥାଇପାରନ୍ତି।

</description>

</item>

<item>

<title>

ପ୍ରତିବାଦସ୍ଥଳକୁ ସବୁ ଦିନ ପାଇଁ କବଜା କରି ପାରିବେ ନାହିଁ, ରୋକ୍ ଠୋକ୍ ଶୁଣାଇ ଦେଲେ ସୁପ୍ରିମକୋର୍ଟ

</title>

<link>

https://khabarodisha.com/National/protesters-can-not-occupy-a-place-for-long-time-156754

</link>

<guid>

https://khabarodisha.com/National/protesters-can-not-occupy-a-place-for-long-time-156754

</guid>

Tue, 03 Nov 2026 10:23:00 GMT

</pubDate>

ନୂଆଦିଲ୍ଲୀ: କୌଣସି ବି ସଂଗଠନ, ବ୍ୟକ୍ତି କିମ୍ବା ପ୍ରଦର୍ଶନକାରୀ କୌଣସି ବି ପ୍ରତିବାଦସ୍ଥଳକୁ ସବୁ ଦିନ ପାଇଁ କବଜା କରି ରଖି ପାରିବେ ନାହିଁ। ଏମିତି ସ୍ପଷ୍ଟ ଶବ୍ଦରେ କହିଛନ୍ତି ସୁପ୍ରିମକୋର୍ଟ। କୋର୍ଟ କହିଛନ୍ତି, ଏମିତି ସ୍ଥଳ ଉପରେ କେବଳ ଏକ ନିର୍ଦ୍ଧାରିତ ସମୟ ପାଇଁ କବଜା କରି ପାରିବେ। ଯଦ୍ଵାରା ଅନ୍ୟ ସଂଗଠନ ମଧ୍ୟ ଏହାର ବ୍ୟବହାର କରି ପାରିବେ। ଦେଶର ପ୍ରଧାନ ବିଚାରପତି(CJI) ଜଷ୍ଟିସ ସୂର୍ଯ୍ୟକାନ୍ତ, ଜଷ୍ଟିସ ଜୟମାଲା ବାଗଚୀ ଓ ଜଷ୍ଟିସ ଭି ମୋହନାଙ୍କ ପୀଠ ରାଷ୍ଟ୍ରୀୟ ରାଜଧାନୀ ଦିଲ୍ଲୀରେ ମୁଖ୍ୟ ନିର୍ବାଚନ ଆୟୁକ୍ତ ଜ୍ଞାନେଶ କୁମାରଙ୍କ ବିରୋଧରେ ଅକ୍ଟୋବରରେ ହୋଇଥିବା ବିକ୍ଷୋଭ ପ୍ରଦର୍ଶନ ସଂପର୍କିତ ଯାଚିକା ଉପରେ ଶୁଣାଣି କରି ଉପରୋକ୍ତ ଟିପ୍ପଣୀ କରିଛନ୍ତି।

CJI ସୂର୍ଯ୍ୟକାନ୍ତ କହିଛନ୍ତି, ଆପଣ ସର୍ବଦା ପାଇଁ କୌଣସି ସ୍ଥାନକୁ କବଜା କରି ପାରିବେ ନାହିଁ। କାରଣ ଆହୁରି ଅନେକ ପ୍ରଦର୍ଶନକାରୀ ଅଛନ୍ତି। ଆପଣ ଯଦି ଏମିତି କରିବେ କୃଷକ ସଂଗଠନ କୁଆଡ଼େ ଯିବେ ? ଟ୍ରେଡ ୟୁନିୟନ କେଉଁଆଡ଼େ ଯିବେ ? ବାସହୀନ ଲୋକ କୁଆଡ଼େ ଯିବେ ? ପ୍ରତ୍ୟେକଙ୍କୁ ବିରୋଧ କରିବାର ଅଧିକାର ରହିଛି। ଶୁଣାଣି ସମୟରେ ସର୍ବୋଚ୍ଚ ନ୍ୟାୟାଳୟ ବିକ୍ଷୋଭ କାରଣରୁ ଦିନ ମଜୁରିଆଙ୍କ ହେଉଥିବା କ୍ଷତି ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ପ୍ରଧାନ ବିଚାରପତି କହିଛନ୍ତି, ବିରୋଧ କରିବାର ଅଧିକାର ସମ୍ବିଧାନ ସମସ୍ତଙ୍କୁ ଦେଇଛି। ସେହିପରି ବ୍ୟବସାୟୀ ସଂଗଠନର ମଧ୍ୟ ଏଠାରେ ଆନ୍ଦୋଳନ କରିବାର ଅଧିକାର ରହିଛି। ଏଠାରେ ବ୍ୟବସାୟ ଅର୍ଥ କେବଳ ବ୍ୟବସାୟିକ ପ୍ରତିଷ୍ଠାନ ନୁହେଁ ବରଂ ଦିନ ମଜୁରିଆଙ୍କ ଆଜୀବିକା ସାଧନର କଥା କହୁଛୁ।ସେହି ଲୋକେ ନିଜର ରୋଜଗାର ପାଇଁ କୁଆଡ଼େ ଯିବେ ?

ବ୍ୟବସାୟୀଙ୍କ କ୍ଷତି ଘଟିଥିବା ଆସିଲା ଅଭିଯୋଗ

ପୀଠ କିରାନା କମିଟି ଦିଲ୍ଲୀର ଯାଚିକା ସମେତ ଅନେକ ଯାଚିକା ଉପରେ ଶୁଣାଣି କରିଛନ୍ତି। ଏଥିରେ ରାମଲୀଲା ମଇଦାନରେ ମହାମେଣ୍ଟର ବିଶାଳ ପ୍ରଦର୍ଶନ କାରଣରୁ ବ୍ୟବସାୟୀଙ୍କ ହୋଇଥିବା କ୍ଷତିର ମଧ୍ୟ ଉଲ୍ଲେଖ ରହିଛି। ଶୁଣାଣି ସମୟରେ ସୁପ୍ରିମକୋର୍ଟ ବ୍ୟବସାୟୀକ ସଂଗଠନକୁ କହିଛନ୍ତି ଯେ, କାରବାର କ୍ଷତି ହୋଇଥିବା ଅଭିଯୋଗ ଯାଚିକାରେ ମୁଖ୍ୟ ନିର୍ବାଚନ ଆୟୁକ୍ତଙ୍କ ବିରୋଧରେ ପ୍ରଦର୍ଶନ କରିଥିବା ସଂଗଠନକୁ ମଧ୍ୟ ପକ୍ଷକାର କରନ୍ତୁ।

ପ୍ରଦର୍ଶନରେ ବନ୍ଦ ରହିଲା ସବୁ ଦୋକାନ

ବ୍ୟବସାୟୀ ସଂଗଠନ ପକ୍ଷରୁ ହାଜର ବରିଷ୍ଠ ଆଇନଜୀବୀ ମୁକୁଲ ରୋହତଗୀ କହିଛନ୍ତି ପ୍ରଦର୍ଶନ ସ୍ଥଳର ଆଖପାଖ ଅଞ୍ଚଳରେ ୫୦ ଲକ୍ଷ ଲୋକ ବସବାସ କରୁଛନ୍ତି। ଆନ୍ଦୋଳନ ଦିନ ସବୁ ଦୋକାନ ବନ୍ଦ ରହିଲା ଏବଂ ସେହି ଦିନ କନ୍ନଟ ପ୍ଲେସରେ ମଧ୍ୟ କୌଣସି ଦୋକାନ ଖୋଲା ନ ଥିଲା। ସୁପ୍ରିମକୋର୍ଟ କହିଛନ୍ତି, ଯେ ପର୍ଯ୍ୟନ୍ତ ବ୍ୟବସାୟୀକ ସଂଗଠନ ପ୍ରଦର୍ଶନ କରୁଥିବା ସମସ୍ତ ସଂଗଠନକୁ ମାମଲାରେ ପକ୍ଷକାର କରି ନାହାନ୍ତି ସେ ପର୍ଯ୍ୟନ୍ତ କୌଣସି ବି ଅଦାଲତ ଏହି ପ୍ରସଙ୍ଗ ଉପରେ ନିଷ୍ପତ୍ତି ନେଇ ପାରିବେ ନାହିଁ।

</description>

</item>

<item>

<title>

ଦିୟା ମିର୍ଜାଙ୍କ ଦୀପାବଳି ଭିଡ଼ିଓ ଡିଲିଟ୍ ମାମଲା: ପୁଣି ଥରେ ଅପଲୋଡ୍ ବମ୍ବେ ହାଇକୋର୍ଟଙ୍କ ନିର୍ଦ୍ଦେଶ

</title>

<link>

https://khabarodisha.com/National/bombay-highcourt-directs-bmc-to-reupload-video-of-dia-mirza-156752

</link>

<guid>

https://khabarodisha.com/National/bombay-highcourt-directs-bmc-to-reupload-video-of-dia-mirza-156752

</guid>

Tue, 03 Nov 2026 08:21:00 GMT

</pubDate>

ମୁମ୍ବାଇ: ପରିବେଶ ଅନୁକୂଳ ଏବଂ ପ୍ରଦୂଷଣ ମୁକ୍ତ ଦୀପାବଳି ପାଳନ ପାଇଁ ବଲିଉଡ୍ ଅଭିନେତ୍ରୀ ଦିୟା ମିର୍ଜା ଜାରି କରିଥିବା ଭିଡ଼ିଓକୁ ହଟାଇବାକୁ ନେଇ କ୍ଷୋଭ ପ୍ରକାଶ କରିଛନ୍ତି ବମ୍ବେ ହାଇକୋର୍ଟ । ପୁନର୍ବାର ତାଙ୍କର ଭିଡ଼ିଓ ସାମାଜିକ ଗଣମାଧ୍ୟମରେ ଅପଲୋଡ୍ କରିବାକୁ ହାଇକୋର୍ଟ ବମ୍ବେ ମହାନଗର ନିଗମକୁ ନିର୍ଦ୍ଦେଶ ଦେଇଛନ୍ତି ।

ବମ୍ବେ ହାଇକୋର୍ଟ ବିଚାରପତି ଗିରିଶ କୁଲକର୍ଣ୍ଣି ଏବଂ ବିଚାରପତି ନୀଲା ଗୋଖଲେଙ୍କୁ ନେଇ ଗଠିତ ଖଣ୍ଡପୀଠ ଶୁଣାଣିରେ କହିଛନ୍ତି ଯେ କିଛି ବ୍ୟକ୍ତି ବିଶେଷ, ବିଶେଷକରି ଜନପ୍ରତିନିଧିମାନଙ୍କ, ସଂକୀର୍ଣ୍ଣ ମାନସିକତା ଗଭୀର ଆଘାତ ଦେଇଛି। ପରିବେଶ ତଥା ବାୟୁ ଓ ଶବ୍ଦ ପ୍ରଦୂଷଣ ସମ୍ପର୍କରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ପ୍ରସ୍ତୁତ ଏକ ଭିଡିଓକୁ ଯେଭଳି ଭାବେ ଭିନ୍ନ ରୂପ ଦିଆଗଲା, ତାହା ଅତ୍ୟନ୍ତ ଦୁର୍ଭାଗ୍ୟଜନକ।

ବିଏମସି କମିଶନରଙ୍କ କାର୍ଯ୍ୟର ପ୍ରଶଂସା କରି କୋର୍ଟ କହିଲେ ଯେ, ସଚେତନତା ଅଭିଯାନ ପାଇଁ ବିଶିଷ୍ଟ ବ୍ୟକ୍ତିତ୍ୱ ବା ସେଲିବ୍ରିଟିମାନଙ୍କୁ ଚୟନ କରିବାର ନିଷ୍ପତ୍ତି ସମ୍ପୂର୍ଣ୍ଣ ଉପଯୁକ୍ତ ଥିଲା। ଏଭଳି ଏକ ମହତ୍ ଉଦ୍ୟମକୁ ନେଇ ଅନାବଶ୍ୟକ ବିବାଦ ସୃଷ୍ଟି କରିବା ସମ୍ପୂର୍ଣ୍ଣ ଅଯୌକ୍ତିକ ଅଟେ। ଯେଉଁମାନେ ଏହି ଭିଡିଓକୁ ବିରୋଧ କରିଥିଲେ, ସେମାନଙ୍କୁ ସତର୍କ କରାଇ କୋର୍ଟ କହିଲେ ଯେ ସମାଜର ପ୍ରତ୍ୟେକ ବ୍ୟକ୍ତି ଧର୍ମ, ଜାତି କିମ୍ବା ମତ ନିର୍ବିଶେଷରେ ସମ୍ମାନ ପାଇବାର ଯୋଗ୍ୟ ଅଟନ୍ତି । କୋର୍ଟ ଗୁରୁତ୍ୱାରୋପ କରି କହିଛନ୍ତି ଯେ ଆମ ଦେଶ ଏକ ଧର୍ମନିରପେକ୍ଷ ରାଷ୍ଟ୍ର ଏବଂ ଏହାର ନାଗରିକମାନେ ଏହି ଭାବନାକୁ ବଜାୟ ରଖିବା ଉଚିତ।

ଉଲ୍ଲେଖ ଯୋଗ୍ୟ, ପ୍ରଦୂଷଣ ମୁକ୍ତ ଦୀପାବଳି ପାଳନ ପାଇଁ ବିଏମସି ଏକ ସ୍ୱତନ୍ତ୍ର ଅଭିଯାନ ଚଳାଇଥିଲା । ଏଥିରେ ସାମିଲ ହେବାକୁ ସମସ୍ତ ଅଭିନେତା ଓ ଅଭିନେତ୍ରୀ ଏବଂ ବିଶିଷ୍ଟବ୍ୟକ୍ତିଙ୍କୁ ଆହ୍ୱାନ କରିଥିଲା । ଅଭିନେତ୍ରୀ ଦିୟା ମିର୍ଜା ମଧ୍ୟ ଏଥିରେ ସାମିଲ ହୋଇ ପରିବେଶ ଅନୁକୂଳ ଦୀପାବଳି ପାଳନ ପାଇଁ ଅନୁରୋଧ କରିଥିଲେ । କିନ୍ତୁ ବିଜେପି ଏହା ଉପରେ ଆପତ୍ତି ଜଣାଇବାରୁ ବିବାଦ ଆରମ୍ଭ ହୋଇଥିଲା । ଶେଷରେ ବିଏମସି ଉକ୍ତ ଭିଡ଼ିଓଟିକୁ ହଟାଇ ଦେଇଥିଲା ।

</description>

</item>

<item>

<title>

ଆଦାନୀଙ୍କ ୧.୫ ବିଲିୟନ ଡଲାର ଋଣ ଯୋଜନା; ଡାଟା ସେଣ୍ଟର ବଜାରରେ ଅମ୍ବାନୀଙ୍କ ସହ ହେବ କଡ଼ା ଟକ୍କର

</title>

<link>

https://khabarodisha.com/National/adani-1-5-billion-dollar-data-center-loan-india-ambani-ai-investment-156749

</link>

<guid>

https://khabarodisha.com/National/adani-1-5-billion-dollar-data-center-loan-india-ambani-ai-investment-156749

</guid>

Tue, 03 Nov 2026 07:18:00 GMT

</pubDate>

ନୂଆଦିଲ୍ଲୀ: ଭାରତର ଡିଜିଟାଲ୍ ଭବିଷ୍ୟତକୁ ନେଇ ଦେଶର ଦୁଇ ବଡ଼ ଶିଳ୍ପପତିଙ୍କ ମଧ୍ୟରେ ଆରମ୍ଭ ହୋଇଛି ବଡ଼ ପ୍ରତିଯୋଗିତା। ଗୋଟିଏ ପଟେ ମୁକେଶ ଅମ୍ବାନୀଙ୍କ ରିଲାଏନ୍ସ ଏଆଇ (AI) କ୍ଷେତ୍ରରେ ବିପୁଳ ନିବେଶ ଯୋଜନା କରୁଥିବାବେଳେ, ଅନ୍ୟପଟେ ଗୌତମ ଆଦାନୀ ଡାଟା ସେଣ୍ଟର ବ୍ୟବସାୟରେ ବଡ଼ ଦାଉ ଖେଳିବାକୁ ଯାଉଛନ୍ତି। ନିଜ ଡାଟା ସେଣ୍ଟର ବ୍ୟବସାୟର ସମ୍ପ୍ରସାରଣ ପାଇଁ ଅଡାନୀ ଗ୍ରୁପ୍ ପ୍ରାୟ ୧.୫ ବିଲିୟନ ଡଲାର ବା ୧୨,୫୦୦ କୋଟିରୁ ଅଧିକ ଟଙ୍କାର ବିଦେଶୀ ଋଣ ଉଠାଇବାକୁ ଯୋଜନା କରୁଥିବା ରିପୋର୍ଟ ସାମ୍ନାକୁ ଆସିଛି।

୧.୫ ବିଲିୟନ ଡଲାର ଋଣ ପାଇଁ ବିଦେଶୀ ବ୍ୟାଙ୍କ ସହ ଆଲୋଚନା

ରିପୋର୍ଟ ଅନୁସାରେ, ଆଦାନୀ ଗ୍ରୁପ୍‌ର ଯୁଗ୍ମ ଉଦ୍ୟୋଗ କମ୍ପାନୀ ଅଡାନୀକନେକ୍ସ ପ୍ରାଇଭେଟ୍ (AdaniConneX Pvt.) ଏହି ଋଣ ଉଠାଇବା ପ୍ରକ୍ରିୟାରେ ଆଗରେ ରହିଛି। ଏହି କମ୍ପାନୀ ଡାଟା ସେଣ୍ଟର ଅପରେଟର EdgeConneX ସହ ମିଶି ଗଠିତ ହୋଇଛି। ଏହି ବିଦେଶୀ ଋଣ ପାଇଁ ଡିବିଏସ୍ ଗ୍ରୁପ୍, ଫର୍ଷ୍ଟ ଆବୁଧାବି ବ୍ୟାଙ୍କ (FAB), ମିତ୍ସୁବିସି UFJ ଫାଇନାନ୍ସିଆଲ୍ ଗ୍ରୁପ୍ (MUFG) ସମେତ ଅନେକ ବଡ଼ ଅନ୍ତର୍ଜାତୀୟ ବ୍ୟାଙ୍କ ସହ ଆଲୋଚନା ଚାଲିଥିବା ସୂତ୍ରରୁ ଜଣାପଡ଼ିଛି।

ଏହାବ୍ୟତୀତ ନାଟିକ୍ସିସ୍ (Natixis), ING ବ୍ୟାଙ୍କ ଏବଂ ସୋସାଇଟି ଜେନେରାଲ୍ (Societe Generale) ଭଳି ଗ୍ଲୋବାଲ୍ ଫାଇନାନ୍ସିଂ ସଂସ୍ଥା ସହ ମଧ୍ୟ ଆଲୋଚନା ହେଉଛି। ଏହି ଋଣର ଅବଧି ୫ରୁ ୭ ବର୍ଷ ହୋଇପାରେ। ତେବେ ସୁଧ ହାର ଓ ଅନ୍ୟାନ୍ୟ ସର୍ତ୍ତ ଏଯାଏଁ ଚୂଡ଼ାନ୍ତ ହୋଇନାହିଁ।

୨୦୩୫ ସୁଦ୍ଧା ୧୦୦ ବିଲିୟନ ଡଲାର ନିବେଶ ଲକ୍ଷ୍ୟ

ଆଦାନୀ ଗ୍ରୁପ୍ ଏବେ କେବଳ ଶକ୍ତି କ୍ଷେତ୍ରରେ ନୁହେଁ, ଡିଜିଟାଲ୍ ଇନଫ୍ରାଷ୍ଟ୍ରକ୍ଚର କ୍ଷେତ୍ରରେ ମଧ୍ୟ ନିଜର ପ୍ରଭାବ ବଢ଼ାଇବାକୁ ଚାହୁଁଛି। ୨୦୩୫ ସୁଦ୍ଧା ଡାଟା ସେଣ୍ଟର ସମେତ ଅନ୍ୟ ଡିଜିଟାଲ୍ ଭିତ୍ତିଭୂମିରେ ପ୍ରାୟ ୧୦୦ ବିଲିୟନ ଡଲାର ନିବେଶ କରିବାର ଯୋଜନା ରହିଛି। ଏହି ନୂଆ ଋଣ ଯୋଜନାକୁ ଏହି ବଡ଼ ଲକ୍ଷ୍ୟର ଏକ ଅଂଶ ଭାବେ ଦେଖାଯାଉଛି। ଉଲ୍ଲେଖଯୋଗ୍ୟ, କିଛି ମାସ ପୂର୍ବରୁ ଅଡାନୀକନେକ୍ସ ୮୦୦ ମିଲିୟନ ଡଲାରର ଡାଟା ସେଣ୍ଟର ଋଣ ହାସଲ କରିଥିଲା। ଏହି ଋଣର ଅବଧି ୧୮ ମାସ ଥିଲା।

ଅମ୍ବାନୀ ମଧ୍ୟ ପଛରେ ନାହାନ୍ତି, AIରେ ୧୧୦ ବିଲିୟନ ଡଲାର ନିବେଶ ଯୋଜନା

ଡାଟା ସେଣ୍ଟର ଓ ଏଆଇ ଭିତ୍ତିଭୂମି କ୍ଷେତ୍ରରେ ଅଡାନୀଙ୍କୁ କଡ଼ା ଟକ୍କର ଦେବାକୁ ରିଲାଏନ୍ସ ମଧ୍ୟ ପ୍ରସ୍ତୁତ। ମୁକେଶ ଅମ୍ବାନୀଙ୍କ ରିଲାଏନ୍ସ ଗ୍ରୁପ୍ ଆଗାମୀ ୭ ବର୍ଷ ମଧ୍ୟରେ ଏଆଇ ଭିତ୍ତିଭୂମି କ୍ଷେତ୍ରରେ ୧୧୦ ବିଲିୟନ ଡଲାର ପର୍ଯ୍ୟନ୍ତ ନିବେଶ କରିବାର ଯୋଜନା ରଖିଛି। ଏହି ଦୁଇ ବଡ଼ କମ୍ପାନୀଙ୍କ ନିବେଶ ଯୋଜନା ଭାରତର ଡିଜିଟାଲ୍ ଇନଫ୍ରାଷ୍ଟ୍ରକ୍ଚର ବଜାରକୁ ନୂଆ ଦିଗ ଦେଇପାରେ।

କାହିଁକି ବଢ଼ୁଛି ଡାଟା ସେଣ୍ଟରର ଚାହିଦା?

ବର୍ତ୍ତମାନ ଏଆଇ, କ୍ଲାଉଡ୍ କମ୍ପ୍ୟୁଟିଂ ଓ ଡିଜିଟାଲ୍ ସେବାର ବ୍ୟବହାର ଦ୍ରୁତ ଗତିରେ ବଢ଼ୁଛି। ଏହି ସେବାଗୁଡ଼ିକୁ ଚାଲୁ ରଖିବା ପାଇଁ ବିପୁଳ ଡାଟା ସଂରକ୍ଷଣ ଓ ପ୍ରୋସେସିଂ କ୍ଷମତା ଆବଶ୍ୟକ। ଏଥିପାଇଁ ଡାଟା ସେଣ୍ଟରର ଗୁରୁତ୍ୱ ବଢ଼ିଯାଇଛି।

ଏହି କ୍ଷେତ୍ରରେ ଭାରତ ଏକ ବଡ଼ ବଜାର ଭାବେ ଉଭା ହେଉଛି। ରିପୋର୍ଟ ଅନୁସାରେ, ଅଗଷ୍ଟ ୨୦୨୬ ସୁଦ୍ଧା ଭାରତର ଡାଟା ସେଣ୍ଟର କ୍ଷମତା ପ୍ରାୟ ୧.୫୭ ଗିଗାୱାଟ୍ ଥିଲା। ୨୦୩୦ ସୁଦ୍ଧା ଏହା ପ୍ରାୟ ୮ ଗିଗାୱାଟ୍‌ରେ ପହଞ୍ଚିବା ନେଇ ଆକଳନ କରାଯାଇଛି। ଆଗାମୀ ୭ରୁ ୮ ବର୍ଷ ମଧ୍ୟରେ ଭାରତର ଡାଟା ସେଣ୍ଟର ବଜାରରେ ପ୍ରାୟ ୨୦୦ ବିଲିୟନ ଡଲାର ନିବେଶ ଆସିବାର ସମ୍ଭାବନା ରହିଛି।

ଡିଜିଟାଲ୍ ଭାରତରେ ଆରମ୍ଭ ହେବ କର୍ପୋରେଟ୍ ମହାଲଢ଼େଇ?

ଗୋଟିଏ ପଟେ ଆଦାନୀଙ୍କ ୧୦୦ ବିଲିୟନ ଡଲାରର ଡିଜିଟାଲ୍ ଭିତ୍ତିଭୂମି ନିବେଶ ଲକ୍ଷ୍ୟ, ଅନ୍ୟପଟେ ଅମ୍ବାନୀଙ୍କ ୧୧୦ ବିଲିୟନ ଡଲାରର AI ନିବେଶ ଯୋଜନା। ଦୁଇ ଶିଳ୍ପଗୋଷ୍ଠୀଙ୍କ ଏହି ବଡ଼ ଯୋଜନା ଭାରତର ଡାଟା ସେଣ୍ଟର ଓ AI ବଜାରରେ ନୂଆ ପ୍ରତିଯୋଗିତା ସୃଷ୍ଟି କରିବାକୁ ଯାଉଛି। ଏହାର ପ୍ରଭାବ ଆଗାମୀ ଦିନରେ ଦେଶର ଡିଜିଟାଲ୍ ଅର୍ଥନୀତି ଉପରେ କିପରି ପଡ଼ିବ, ତାହା ଉପରେ ସମସ୍ତଙ୍କ ନଜର।

</description>

</item>

<item>

<title>

ଏଭରେଷ୍ଟ ବେସ୍ କ୍ୟାମ୍ପରେ ଭୟଙ୍କର ଦୁର୍ଘଟଣା; ଆକାଶରେ ଧକ୍କା ଖାଇ ଖସିଲା ୨ ହେଲିକପ୍ଟର, ଜଣେ ଭାରତୀୟଙ୍କ ମୃତ୍ୟୁ

</title>

<link>

https://khabarodisha.com/National/everest-base-camp-helicopter-crash-two-helicopters-collide-indian-death-156747

</link>

<guid>

https://khabarodisha.com/National/everest-base-camp-helicopter-crash-two-helicopters-collide-indian-death-156747

</guid>

Tue, 03 Nov 2026 06:09:00 GMT

</pubDate>

କାଠମାଣ୍ଡୁ: ନେପାଳର ମାଉଣ୍ଟ ଏଭରେଷ୍ଟ ଅଞ୍ଚଳରେ ଘଟିଛି ଭୟଙ୍କର ହେଲିକପ୍ଟର ଦୁର୍ଘଟଣା। ଫେରିଚେ ହେଲିପ୍ୟାଡ୍‌ରେ ଅବତରଣ ସମୟରେ ପରସ୍ପର ସହ ଧକ୍କା ହୋଇ କ୍ରାସ୍ ହୋଇଛି ଦୁଇଟି ହେଲିକପ୍ଟର। ଏହି ଦୁର୍ଘଟଣାରେ ଜଣେ ଭାରତୀୟ ନାଗରିକଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଦୁଇଜଣ ଆହତ ହୋଇଛନ୍ତି। ଘଟଣା ପରେ ସମଗ୍ର ଅଞ୍ଚଳରେ ଆତଙ୍କ ଖେଳିଯାଇଛି।

ମୃତକ ଭାରତୀୟ

ସୂଚନା ଅନୁସାରେ, ନଭେମ୍ବର ୩ ତାରିଖ ମଙ୍ଗଳବାର ସକାଳେ ଏଭରେଷ୍ଟ ଅଞ୍ଚଳର ଫେରିଚେ ହେଲିପ୍ୟାଡ୍‌ରେ ଏହି ଦୁର୍ଘଟଣା ଘଟିଛି। ଦୁଇଟି ହେଲିକପ୍ଟର ଫିଶ୍ ଟେଲ୍ ଏୟାର ଏବଂ ଏୟାର ଡାଇନାଷ୍ଟିର ବୋଲି ଜଣାପଡ଼ିଛି। ଏହି ଦୁର୍ଘଟଣାରେ ଭାରତୀୟ ନାଗରିକ ବସନ୍ତ କୁମାର ବାଲାରାମାରାମଡୁଙ୍କ ମୃତ୍ୟୁ ହୋଇଛି। ଅନ୍ୟପଟେ ଆହତଙ୍କ ମଧ୍ୟରେ ଭାରତୀୟ ନାଗରିକ ଶୈଳେଶ କୃଷ୍ଣ ପଟେଲଙ୍କ ସହ ଜଣେ ନ୍ୟୁଜିଲାଣ୍ଡ ନାଗରିକ ରହିଛନ୍ତି।

କାଠମାଣ୍ଡୁ ହସ୍ପିଟାଲକୁ ସ୍ଥାନାନ୍ତର ଆହତ

ଦୁର୍ଘଟଣାରେ ଆହତ ଦୁଇଜଣଙ୍କୁ ହେଲିକପ୍ଟର ଯୋଗେ କାଠମାଣ୍ଡୁସ୍ଥିତ ମେଡିସିଟି ହସ୍ପିଟାଲକୁ ନିଆଯାଇଛି। ସେଠାରେ ସେମାନଙ୍କର ଚିକିତ୍ସା ଚାଲିଛି। ସୋଲୁଖୁମ୍ବୁ ଜିଲ୍ଲାର ପୋଲିସ ମୁଖ୍ୟ ମୌସମ ତାମାଙ୍ଗ ଏହି ଦୁର୍ଘଟଣା ଏବଂ ମୃତାହତଙ୍କ ସମ୍ପର୍କରେ ସୂଚନା ଦେଇଛନ୍ତି।

ସାମ୍ନାକୁ ଆସିଲା ଦୁର୍ଘଟଣାର ଭିଡିଓ

ଘଟଣାର ଏକ ଭିଡିଓ ସୋସିଆଲ ମିଡିଆରେ ସାମ୍ନାକୁ ଆସିଛି। ଭିଡିଓରେ ଦୁଇଟି ହେଲିକପ୍ଟର ପରସ୍ପର ନିକଟକୁ ଆସିବା ପରେ ଧକ୍କା ହେଉଥିବାର ଦୃଶ୍ୟ ଦେଖିବାକୁ ମିଳୁଛି। ଧକ୍କା ପରେ ହେଲିପ୍ୟାଡ୍‌ରେ ଉପସ୍ଥିତ ଲୋକଙ୍କ ମଧ୍ୟରେ ହଠାତ୍ ଆତଙ୍କ ଖେଳିଯାଇଥିଲା। ଜୀବନ ବଞ୍ଚାଇବା ପାଇଁ ଲୋକେ ଏଣେତେଣେ ଦୌଡ଼ିବାକୁ ଲାଗିଥିଲେ।

ଉଦ୍ଧାର କାର୍ଯ୍ୟ ଜାରି

ଘଟଣାସ୍ଥଳରେ ସିମ୍ରିକ୍ ଏୟାରର ଏକ ହେଲିକପ୍ଟର ପହଞ୍ଚି ଉଦ୍ଧାର କାର୍ଯ୍ୟରେ ସହଯୋଗ କରିଛି। ଫିଶ୍ ଟେଲ୍ ଏୟାରର ହେଲିକପ୍ଟରକୁ କ୍ୟାପ୍ଟେନ୍ ପ୍ରଜ୍ଜ୍ୱଳ କେ.ସି. ଉଡ଼ାଉଥିବାବେଳେ ଏୟାର ଡାଇନାଷ୍ଟିର ହେଲିକପ୍ଟରର ଦାୟିତ୍ୱରେ କ୍ୟାପ୍ଟେନ୍ ରବିନ୍ଦ୍ର ପ୍ରଜାପତି ଥିଲେ।

ତେବେ ଦୁଇଟି ହେଲିକପ୍ଟର କିପରି ପରସ୍ପର ସହ ଧକ୍କା ହେଲା, ତାହାର କାରଣ ଏବେ ଯାଏଁ ସ୍ପଷ୍ଟ ହୋଇନାହିଁ। ଘଟଣାର ଅଧିକ ତଥ୍ୟ ସଂଗ୍ରହ କରୁଛନ୍ତି ନେପାଳର ସମ୍ପୃକ୍ତ ଅଧିକାରୀ।ଏଭରେଷ୍ଟ ଅଞ୍ଚଳରେ ଏହି ଦୁର୍ଘଟଣା ପୁଣିଥରେ ପର୍ବତାଞ୍ଚଳରେ ହେଲିକପ୍ଟର ଉଡ଼ାଣର ସୁରକ୍ଷାକୁ ନେଇ ପ୍ରଶ୍ନ ଉଠାଇଛି।

</description>

</item>

<item>

<title>

ଗାଜିଆବାଦରେ ୬୦୦ ଟପିଲା ବାୟୁ ଗୁଣାବତ୍ତା, ବିଗିଡ଼ିଲା ସ୍ୱାସ୍ଥ୍ୟାବସ୍ଥା

</title>

<link>

https://khabarodisha.com/National/delhi-pollution-crosses-600-aqi-156746

</link>

<guid>

https://khabarodisha.com/National/delhi-pollution-crosses-600-aqi-156746

</guid>

Tue, 03 Nov 2026 04:51:00 GMT

</pubDate>

ନୂଆଦିଲ୍ଲୀ: ଜାତୀୟ ରାଜଧାନୀ ଦିଲ୍ଲୀରେ ପ୍ରଦୂଷଣ ଉତ୍କଟ ରୂପ ଧାରଣ କରିଛି । ଦିଲ୍ଲୀ-ଏନସିଆରରେ, ନଭେମ୍ବର ଆରମ୍ଭରୁ ବାୟୁ ପ୍ରଦୂଷଣର ଉଦବେଗଜନକ ସ୍ଥିତି ରହିଛି । ଦିଲ୍ଲୀ, ନୋଏଡା, ଗ୍ରେଟର ନୋଏଡା, ଗାଜିଆବାଦ ଏବଂ ଗୁରୁଗ୍ରାମରେ ବାୟୁର ଗୁଣବତ୍ତା 'ଅତ୍ୟନ୍ତ ଗମ୍ଭୀର' (severe) ଏବଂ ବିପଜ୍ଜନକ ବର୍ଗରେ ପହଞ୍ଚିଛି । ବିଷାକ୍ତ ଧୂଆଁଳିଆ କୁହୁଡ଼ି ଯୋଗୁଁ ଲୋକମାନଙ୍କୁ ନିଶ୍ୱାସ ନେବାରେ ବହୁତ ଅସୁବିଧା ହେଉଛି, ଏହା ସହିତ ଆଖିରେ ଜଳାପୋଡ଼ା ଏବଂ ଗଳା ଯନ୍ତ୍ରଣା ଭଳି ସମସ୍ୟା ମଧ୍ୟ ଦେଖାଦେଉଛି।

ତଥ୍ୟ ଅନୁଯାୟୀ ଗାଜିଆବାଦରେ ପ୍ରଦୂଷଣ ସମସ୍ତ ରେକର୍ଡ ଭାଙ୍ଗି ଦେଇଛି । ଗାଜିଆବାଦରେ ହାରାହାରି ବାୟୁ ଗୁଣବତ୍ତା ସୂଚକାଙ୍କ (AQI) ୬୩୬ ରେକର୍ଡ କରାଯାଇଛି । ଅନ୍ୟପକ୍ଷରେ, ଦିଲ୍ଲୀ ଏବଂ ନୋଏଡାର ଅଧିକାଂଶ ସ୍ଥାନରେ ମଧ୍ୟ ଏକ୍ୟୁଆଇ ୪୫୦ରୁ ଅଧିକ ରହିଛି । ଗୁରୁଗ୍ରାମରେ ଏକ୍ୟୁଆଇ ୩୬୪ରେ ପହଁଚିଛି ।

ଯଦି ମଙ୍ଗଳବାର ପାଣିପାଗକୁ ଦେଖିବା ତେବେ ସକାଳ ୮:୦୨ ସୁଦ୍ଧା, ଦିଲ୍ଲୀରେ ତାପମାତ୍ରା ୧୯°C ରହିଛି । ପାଗ ଧୂଆଁଳିଆ ରହିଛି ଏବଂ ସାମାନ୍ୟ ଖରା ମଧ୍ୟ ଦେଖାଯାଉଛି। ପବନ ପଶ୍ଚିମ-ଉତ୍ତରପଶ୍ଚିମ ଦିଗରୁ ଘଣ୍ଟା ପ୍ରତି ୧୧ କିଲୋମିଟର ବେଗରେ ବହୁଛି । ଏହା ବ୍ୟତୀତ, ଆର୍ଦ୍ରତା ୭୭ ପ୍ରତିଶତ ରହିଛି ଏବଂ ଦୃଶ୍ୟମାନତା ୧୦ କିଲୋମିଟର ରେକର୍ଡ କରାଯାଇଛି।

ଡାକ୍ତର ଏବଂ ସ୍ୱାସ୍ଥ୍ୟ ବିଶେଷଜ୍ଞମାନେ ପିଲାମାନେ, ବୟସ୍କ ବ୍ୟକ୍ତି ଏବଂ ଆଜମା (ଅସ୍ତମା) କିମ୍ବା ହୃଦ୍‌ରୋଗ ଥିବା ବ୍ୟକ୍ତିମାନଙ୍କୁ ଘରୁ ବାହାରକୁ ନ ଯିବାକୁ ଏବଂ ମାସ୍କ ବ୍ୟବହାର କରିବାକୁ ପରାମର୍ଶ ଦେଇଛନ୍ତି। ପ୍ରଶାସନ ପରିସ୍ଥିତି ଉପରେ ନଜର ରଖିଛି ଏବଂ ଏହାକୁ ନିୟନ୍ତ୍ରଣକୁ ଆଣିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରୁଛି।

</description>

</item>

</rss>

</channel>