RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

ରିଲିଜ୍ ପୂର୍ବରୁ ହିଁ ବକ୍ସ ଅଫିସ୍‌ରେ ଧମାକା; ‘ରାମାୟଣ’ର ଗ୍ଲୋବାଲ୍ ଆଡଭାନ୍ସ ବୁକିଂ ୧୧୧ କୋଟି ପାର୍, ବିଦେଶରେ ବି ଜବରଦସ୍ତ କ୍ରେଜ୍

</title>

<link>

https://khabarodisha.com/National/ramayana-part-one-presales-global-box-office-update-156796

</link>

<guid>

https://khabarodisha.com/National/ramayana-part-one-presales-global-box-office-update-156796

</guid>

Wed, 04 Nov 2026 12:40:00 GMT

</pubDate>

ମୁମ୍ବାଇ: ରାତି ପାହିଲେ ହେବ ରିଲିଜ, ହେଲେ ପରଦାକୁ ଆସିବା ପୂର୍ବରୁ ହିଁ ବକ୍ସ ଅଫିସ୍‌ରେ ଚହଳ ପକାଇଛି ନିତେଶ ତିୱାରୀଙ୍କ ମହାକାବ୍ୟ ଆଧାରିତ ଫିଲ୍ମ ‘ରାମାୟଣ: ପାର୍ଟ ୱାନ୍’। ରିଲିଜ୍ ପୂର୍ବରୁ ଗ୍ଲୋବାଲ୍ ଆଡଭାନ୍ସ ଟିକେଟ୍ ବୁକିଂ ୧୦୦ କୋଟି ଟଙ୍କାର ମ୍ୟାଜିକ୍ ଫିଗର୍ ପାର୍ କରିଛି। ମଙ୍ଗଳବାର ବ୍ୟବସାୟ ଶେଷ ସୁଦ୍ଧା ଫିଲ୍ମଟି ପ୍ରାୟ ୧୧୧.୫୦ କୋଟି ଟଙ୍କାର ଗ୍ରସ୍ ଆଡଭାନ୍ସ ବୁକିଂ କରିଥିବା ରିପୋର୍ଟ ଆସିଛି।

ଘରୋଇ ବଜାରରୁ ୫୭ କୋଟିରୁ ଅଧିକ ଆୟ

ଆଡଭାନ୍ସ ବୁକିଂରେ ଭାରତୀୟ ବଜାରର ଯୋଗଦାନ ପ୍ରାୟ ୫୭.୨୫ କୋଟି ଟଙ୍କା ଗ୍ରସ୍ ରହିଛି। ଏହାର ନେଟ୍ କଲେକ୍ସନ୍ ପ୍ରାୟ ୪୮ କୋଟି ଟଙ୍କା। ଅନ୍ୟପଟେ ବିଦେଶୀ ବଜାରରୁ ପ୍ରାୟ ୫୪.୨୫ କୋଟି ଟଙ୍କା ଅର୍ଥାତ୍ ୫.୭ ମିଲିୟନ୍ ଡଲାରର ଆଡଭାନ୍ସ ବୁକିଂ ହୋଇଛି।

ଫିଲ୍ମ ରିଲିଜ୍ ପୂର୍ବରୁ ବୁକିଂରେ ଆହୁରି ବୃଦ୍ଧି ହେବାର ଆକଳନ କରାଯାଉଛି। ଏହା ୧୫୦ କୋଟି ଟଙ୍କାର ମାଇଲଖୁଣ୍ଟ ଛୁଇଁପାରେ ବୋଲି ବ୍ୟବସାୟିକ ଟ୍ରାକିଂରେ ଆଶା ପ୍ରକାଶ କରାଯାଇଛି।

ହିନ୍ଦୀ ସହ କନ୍ନଡ଼ ଭର୍ସନରେ ବି ଜବରଦସ୍ତ କ୍ରେଜ୍

ଭାରତରେ ହିନ୍ଦୀ ଭର୍ସନ୍‌ର ଓପନିଂ ଡେ ଆଡଭାନ୍ସ ବୁକିଂ ବୁଧବାର ସକାଳ ସୁଦ୍ଧା ପ୍ରାୟ ୧୭.୫୦ କୋଟି ଟଙ୍କା ନେଟ୍ ରହିଥିବା ରିପୋର୍ଟରେ କୁହାଯାଇଛି।ଅନ୍ୟପଟେ ସୁପରଷ୍ଟାର ୟଶଙ୍କ ଲୋକପ୍ରିୟତାର ପ୍ରଭାବ କନ୍ନଡ଼ ଭର୍ସନ୍‌ରେ ଦେଖିବାକୁ ମିଳିଛି। କନ୍ନଡ଼ରେ ଡବ୍ ହୋଇଥିବା ଫିଲ୍ମଗୁଡ଼ିକ ମଧ୍ୟରେ ଏହା ପ୍ରାୟ ୫ କୋଟି ଟଙ୍କାର ଗ୍ରସ୍ ଆଡଭାନ୍ସ ବୁକିଂ ସହ ରେକର୍ଡ କରିଥିବା ଦାବି କରାଯାଇଛି। ଘରୋଇ ବଜାରରେ ୫ ଦିନର ଆଡଭାନ୍ସ ବୁକିଂ ପ୍ରାୟ ୪୦ କୋଟି ଟଙ୍କା ନେଟ୍‌ରେ ପହଞ୍ଚିଛି।

ଆମେରିକାରେ ବି ରାମାୟଣର କ୍ରେଜ୍

ବିଦେଶୀ ବଜାରରେ ଆମେରିକାରୁ ସର୍ବାଧିକ ବୁକିଂ ହୋଇଛି। ଏଠାରେ ଆଡଭାନ୍ସ ଟିକେଟ୍ ବିକ୍ରି ୩.୨୦ ମିଲିୟନ୍ ଡଲାରରେ ପହଞ୍ଚିଛି। ଏହି ପରିମାଣ ହିନ୍ଦୀ ଫିଲ୍ମ ‘ଧୁରନ୍ଧର: ଦି ରିଭେଞ୍ଜ’ ପରେ ଦ୍ୱିତୀୟ ସର୍ବାଧିକ ଆଡଭାନ୍ସ ବୁକିଂ ବୋଲି ରିପୋର୍ଟରେ ଦାବି କରାଯାଇଛି।

ବର୍ତ୍ତମାନର ଟ୍ରାକିଂ ଅନୁସାରେ ଫିଲ୍ମର ଗ୍ଲୋବାଲ୍ ଓପନିଂ ୱିକେଣ୍ଡ ୨୦ ମିଲିୟନ୍ ଡଲାରରୁ ଅଧିକ ହୋଇପାରେ ବୋଲି ଆକଳନ କରାଯାଉଛି। ରିଲିଜ୍ ପୂର୍ବରୁ ଏତେ ବଡ଼ ଆଡଭାନ୍ସ ବୁକିଂ ଫିଲ୍ମକୁ ନେଇ ଦର୍ଶକଙ୍କ ଉତ୍ସାହକୁ ଦର୍ଶାଉଛି। ଏବେ ସମସ୍ତଙ୍କ ନଜର ଫିଲ୍ମର ପ୍ରଥମ ଦିନର ବକ୍ସ ଅଫିସ୍ କଲେକ୍ସନ୍ ଉପରେ।

</description>

</item>

<item>

<title>

୫୦ ହଜାର ଟଙ୍କା ବଜେଟ୍‌ରେ କିଣନ୍ତୁ ଧମାକାଦାର ସ୍ମାର୍ଟଫୋନ୍; Samsungଠାରୁ Google, ଜାଣନ୍ତୁ ଟପ୍-୫ ଫୋନ୍‌ର ଫିଚର୍ସ ଓ ଦାମ୍

</title>

<link>

https://khabarodisha.com/National/best-smartphones-under-rs-50000-for-festive-seasons-156795

</link>

<guid>

https://khabarodisha.com/National/best-smartphones-under-rs-50000-for-festive-seasons-156795

</guid>

Wed, 04 Nov 2026 11:46:00 GMT

</pubDate>

ପାର୍ବଣ ଋତୁରେ ନିଜ ପାଇଁ ହେଉ କି ପ୍ରିୟଜନଙ୍କୁ ଉପହାର ଦେବା ପାଇଁ, ଏକ ଭଲ ସ୍ମାର୍ଟଫୋନ୍ କିଣିବାକୁ ଯୋଜନା କରୁଛନ୍ତି କି? ଯଦି ଆପଣଙ୍କ ବଜେଟ୍ ପ୍ରାୟ ୫୦ ହଜାର ଟଙ୍କା, ତେବେ ବଜାରରେ ରହିଛି ଏକାଧିକ ଦମଦାର ବିକଳ୍ପ। ଶାନଦାର କ୍ୟାମେରା, ଦମଦାର ପ୍ରୋସେସର, ପ୍ରିମିୟମ୍ ଡିସପ୍ଲେ ଏବଂ ଦୀର୍ଘସ୍ଥାୟୀ ବ୍ୟାଟେରୀ ସହ Samsung, Nothing, vivo, Motorola ଓ Google ଭଳି ବ୍ରାଣ୍ଡ ଦେଉଛନ୍ତି ଜବରଦସ୍ତ ଫୋନ୍। ଆସନ୍ତୁ ଜାଣିବା ଏହି ବଜେଟ୍‌ରେ ଟପ୍-୫ ସ୍ମାର୍ଟଫୋନ୍ ବିଷୟରେ।

୧. Samsung Galaxy S25 5G – ପ୍ରିମିୟମ୍ ଅନୁଭୂତି ସହ AI ଫିଚର୍ସ- ଦାମ୍ ରହିଛି ୫୪,୯୯୯ ଟଙ୍କା

ପ୍ରିମିୟମ୍ ସ୍ମାର୍ଟଫୋନ୍ ଖୋଜୁଥିବା ଗ୍ରାହକଙ୍କ ପାଇଁ Samsung Galaxy S25 5G ଏକ ଆକର୍ଷଣୀୟ ବିକଳ୍ପ। ଏଥିରେ Snapdragon 8 Elite for Galaxy ପ୍ରୋସେସର ରହିଛି। ୧୨୦Hz Dynamic AMOLED 2X ଡିସପ୍ଲେ ଦେଖିବାର ଅନୁଭୂତିକୁ ଆହୁରି ଉନ୍ନତ କରେ। ଏହାର ଟ୍ରିପଲ୍ ରିୟର କ୍ୟାମେରା ସେଟଅପ୍‌ରେ 3x Optical Zoom ସୁବିଧା ରହିଛି। ଏଥିସହ Galaxy AI ଫିଚର୍ସ ଏହାକୁ ଆହୁରି ଆକର୍ଷଣୀୟ କରିଛି।

୨. Nothing Phone (4a) – ଷ୍ଟାଇଲିସ୍ ଲୁକ୍ ଓ ଦମଦାର କ୍ୟାମେରା- ଦାମ୍: ୪୪,୯୯୯ ଟଙ୍କା

ଅନ୍ୟମାନଙ୍କଠାରୁ ଅଲଗା ଡିଜାଇନ୍ ପସନ୍ଦ କରୁଥିଲେ Nothing Phone (4a) ଆପଣଙ୍କ ପସନ୍ଦ ହୋଇପାରେ। ଏଥିରେ Snapdragon 7s Gen 4 ପ୍ରୋସେସର ରହିଛି। ଡୁଆଲ୍ ୫୦MP କ୍ୟାମେରା ସହ ଏହାର ସ୍ୱତନ୍ତ୍ର Glyph Bar ଇଣ୍ଟରଫେସ୍ ଫୋନ୍‌କୁ ଏକ ଭିନ୍ନ ପରିଚୟ ଦେଇଥାଏ।

୩. vivo S2 FE – ବ୍ୟାଟେରୀ ପାଇଁ ଜବରଦସ୍ତ ବିକଳ୍ପ- ଦାମ୍ ରହିଛି ୩୮,୯୯୯ ଟଙ୍କା

ବାରମ୍ବାର ଫୋନ୍ ଚାର୍ଜ କରିବାକୁ ଚାହୁଁନଥିଲେ vivo S2 FE ଆପଣଙ୍କ ପାଇଁ ଏକ ଆକର୍ଷଣୀୟ ବିକଳ୍ପ। ଏଥିରେ ବିଶାଳ ୧୦,୦୦୦mAh ବ୍ୟାଟେରୀ ଦିଆଯାଇଛି। ଏହା ସହ IP68/IP69 ରେଟିଂ ଏବଂ Dimensity 7300e ପ୍ରୋସେସର ରହିଛି। ବ୍ୟାଟେରୀ ଓ ଡିଭାଇସ୍ ସୁରକ୍ଷାକୁ ଗୁରୁତ୍ୱ ଦେଉଥିବା ଗ୍ରାହକଙ୍କ ପାଇଁ ଏହା ଏକ ଆକର୍ଷଣୀୟ ପସନ୍ଦ ହୋଇପାରେ।

୪. Motorola Edge 70 Pro – ଡିସପ୍ଲେ ଓ ଫାଷ୍ଟ ଚାର୍ଜିଂର କମ୍ବୋ - ଦାମ୍ ରହିଛି ୪୨,୯୯୯ ଟଙ୍କା

ଗେମିଂ, ଭିଡିଓ ଦେଖିବା ଓ ଫଟୋଗ୍ରାଫି ପସନ୍ଦ କରୁଥିବା ଗ୍ରାହକଙ୍କ ପାଇଁ Motorola Edge 70 Pro ଏକ ଉଲ୍ଲେଖନୀୟ ଫୋନ୍। ଏଥିରେ ୧୪୪Hz AMOLED ଡିସପ୍ଲେ ଓ Dimensity 8500 Extreme ପ୍ରୋସେସର ରହିଛି। ସେଲ୍ଫି ପାଇଁ ୫୦MP ଫ୍ରଣ୍ଟ କ୍ୟାମେରା ସହ ୯୦W ଫାଷ୍ଟ ଚାର୍ଜିଂ ସୁବିଧା ମଧ୍ୟ ମିଳୁଛି।

୫. Google Pixel 10a – ସଫା ସଫ୍ଟୱେର୍ ଓ ଦୀର୍ଘକାଳୀନ ଅପଡେଟ୍- ଦାମ୍ ରହିଛି ୫୦,୮୯୫ ଟଙ୍କା

ସଫା ଆଣ୍ଡ୍ରଏଡ୍ ଅନୁଭୂତି ଓ ଦୀର୍ଘକାଳୀନ ସଫ୍ଟୱେର୍ ସପୋର୍ଟ ଚାହୁଁଥିବା ଗ୍ରାହକଙ୍କ ପାଇଁ Google Pixel 10a ଏକ ବିକଳ୍ପ। ଏଥିରେ Google Tensor G4 ପ୍ରୋସେସର ରହିଛି। କମ୍ପାନୀ ପକ୍ଷରୁ ୭ ବର୍ଷର OS ଅପଡେଟ୍, ସିକ୍ୟୁରିଟି ଅପଡେଟ୍ ଓ Pixel Drop ଅପଡେଟ୍‌ର ପ୍ରତିଶ୍ରୁତି ଦିଆଯାଇଛି।

କେଉଁ ଫୋନ୍ ଆପଣଙ୍କ ପାଇଁ ଭଲ?

ପ୍ରିମିୟମ୍ ଫିଚର୍ସ: Samsung Galaxy S25 5G
ଷ୍ଟାଇଲିସ୍ ଡିଜାଇନ୍: Nothing Phone (4a)
ବଡ଼ ବ୍ୟାଟେରୀ: vivo S2 FE
ହାଇ ରିଫ୍ରେସ୍ ରେଟ୍ ଓ ଫାଷ୍ଟ ଚାର୍ଜିଂ: Motorola Edge 70 Pro
ଦୀର୍ଘକାଳୀନ ସଫ୍ଟୱେର୍ ସପୋର୍ଟ: Google Pixel 10a

କିଣିବା ପୂର୍ବରୁ ସାବଧାନ

ଏହି ଫୋନ୍‌ଗୁଡ଼ିକର ଉଲ୍ଲେଖିତ ଦାମ୍ ବଜାର ମୂଲ୍ୟ ଅନୁଯାୟୀ ଦିଆଯାଇଛି। ଅନଲାଇନ୍ ଅଫର୍, ବ୍ୟାଙ୍କ ଡିସକାଉଣ୍ଟ, ଏକ୍ସଚେଞ୍ଜ ଅଫର୍ ଓ ବିକ୍ରେତାଙ୍କ ଅନୁସାରେ ଅନ୍ତିମ ମୂଲ୍ୟରେ ପରିବର୍ତ୍ତନ ହୋଇପାରେ। ତେଣୁ କିଣିବା ପୂର୍ବରୁ ଦାମ୍ ଓ ଫିଚର୍ସ ନିଶ୍ଚିତ ଯାଞ୍ଚ କରନ୍ତୁ।

</description>

</item>

<item>

<title>

୭୫ ଅଗ୍ନିବୀରଙ୍କ ସେବା ଅବଧି ୨ ବର୍ଷ ବୃଦ୍ଧି

</title>

<link>

https://khabarodisha.com/National/75-percent-agniveer-get-2-years-extension-156792

</link>

<guid>

https://khabarodisha.com/National/75-percent-agniveer-get-2-years-extension-156792

</guid>

Wed, 04 Nov 2026 11:08:00 GMT

</pubDate>

ନୂଆଦିଲ୍ଲୀ: ଦେଶର ଅଗ୍ନିବୀରଙ୍କୁ କେନ୍ଦ୍ର ସରକାର ଆଗୁଆ ଦୀପାବଳି ଭେଟି ଦେଇଛନ୍ତି । ବୁଧବାର ଆହୂତ କେନ୍ଦ୍ର କ୍ୟାବିନେଟ୍ ବୈଠକରେ ଅଗ୍ନିପଥ ଯୋଜନାରେ ଭର୍ତ୍ତି ଅଗ୍ନିବୀର ସେବାଙ୍କ ଅବଧିକୁ ଆଗାମୀ ଦୁଇ ବର୍ଷ ପାଇଁ ବୃଦ୍ଧି କରାଯାଇଛି ।

ଡିଫେନ୍ସ ଷ୍ଟାଫ ମୁଖ୍ୟ ସ୍ପଷ୍ଟ କରିଛନ୍ତି ଯେ ଅଗ୍ନିବୀରଙ୍କ ପ୍ରଥମ ବ୍ୟାଚର ଚାରି ବର୍ଷ ସେବା ଅବଧି ଶେଷ ହେବା ପାଇଁ ଯାଉଛି । ସରକାର ୭୫ ପ୍ରତିଶତ ଅଗ୍ନିବୀରଙ୍କ ସେବା ଅବଧିକୁ ଆସନ୍ତା ୨ ବର୍ଷ ପାଇଁ ବୃଦ୍ଧି କରିବା ପ୍ରସ୍ତାବକୁ ଅନୁମୋଦନ କରିଛନ୍ତି । ବର୍ତ୍ତମାନର ବ୍ୟବସ୍ଥାରେ ୨୫ ପ୍ରତିଶତ ଅଗ୍ନିବୀରଙ୍କ ସ୍ଥାୟୀ ନିଯୁକ୍ତି ମିଳୁଥିବାବେଳେ ୭୫ ପ୍ରତିଶତଙ୍କୁ ସେବା ନିବୃତ୍ତ ନେବାକୁ ବ୍ୟବସ୍ଥା ରହିଥିଲା । କିନ୍ତୁ ସେନା କମାଣ୍ଡର ତରଫରୁ ଏମାନଙ୍କ ପ୍ରଦର୍ଶନକୁ ନେଇ ସକରାତ୍ମକ ପ୍ରତିକ୍ରିୟା ମିଳିବା ପରେ ୨୫ ପ୍ରତିଶତଙ୍କୁ ସେବା ନିବୃତ୍ତ କରାଯିବ ଏବଂ ବାକି ୭୫ ପ୍ରତିଶତ ଅଗ୍ନିବୀରଙ୍କ ଅବଧିକୁ ବୃଦ୍ଧି କରାଯାଇ ଦ୍ୱିତୀୟ ସୁଯୋଗ ପ୍ରଦାନ କରାଯିବାର ବ୍ୟବସ୍ଥା ରହିଛି ।

ଏହି ସମୟ ମଧ୍ୟରେ ସେମାନେ ନିଜର ପ୍ରଦର୍ଶନକୁ ଆହୁରି ଉତ୍ତମ କରିପାରିବେ ଏବଂ ଏହା ପରେ ସେମାନଙ୍କୁ ମୂଲ୍ୟାଙ୍କନ କରାଯିବ । ଯେଉଁ ଅଗ୍ନିବୀରଙ୍କ ପ୍ରଦର୍ଶନ ଶ୍ରେଷ୍ଠ ବିବେଚିତ ହେବ ଏବଂ ସନ୍ତୋଷଜନକ ହେବ ସେମାନଙ୍କୁ ପ୍ରତିରକ୍ଷା କ୍ଷେତ୍ରରେ ନିୟମିତ କରାଯିବ । ଅଚାନକ ଜଣେ ଅଗ୍ନିବୀରଙ୍କୁ ବାହାର କରିବା ବଦଳରେ ସେମାନଙ୍କୁ ଦ୍ୱିତୀୟ ସୁଯୋଗ ଦିଆଯିବା ପାଇଁ ଏଭଳି ବ୍ୟବସ୍ଥା କରାଯାଇଥିବା ସିଡିଏସ୍ ସ୍ପଷ୍ଟ କରିଛନ୍ତି ।

ସେହିପରି ଅଗ୍ନିବୀରଙ୍କ ଦରମା ପ୍ରଥମ ବର୍ଷରେ ୪୩,୪୦୦ ଟଙ୍କା ଏବଂ ଦ୍ୱିତୀୟ ବର୍ଷରେ ୪୭,୫୦୦ ଟଙ୍କା ହେବ । ପ୍ରଥମ ବ୍ୟାଚ୍ ଅଗ୍ନିବୀରଙ୍କ ସକାରାତ୍ମକ ପ୍ରଦର୍ଶନ ଯୋଗୁଁ କେନ୍ଦ୍ର ସରକାର ବ୍ୟବସ୍ଥାରେ ପରିବର୍ତ୍ତନ କରିଛନ୍ତି ।

କେନ୍ଦ୍ର କ୍ୟାବିନେଟର ଏହି ନିଷ୍ପତ୍ତି ଉଭୟ ପକ୍ଷ ପାଇଁ ଲାଭଦାୟକ ହେବ। ଏହା ଦ୍ୱାରା ସେନାକୁ ଯେପରି କର୍ମୀ ମିଳିବେ, ସେହିପରି 'ଅଗ୍ନିବୀର'ମାନେ ମଧ୍ୟ ନିଯୁକ୍ତି ପାଇପାରିବେ। ସେବା ଅବଧି ବୃଦ୍ଧି ପାଇବା ଫଳରେ ଅଗ୍ନିବୀରମାନେ ସେନାରେ ଅଧିକ ସମୟ କାର‌୍ୟ୍ୟ କରିବାର ସୁଯୋଗ ପାଇବେ, ଯାହା ସେମାନଙ୍କୁ ଅଧିକ ଅଭିଜ୍ଞତା ଅର୍ଜନ କରିବାରେ ଏବଂ ସେନା ସହ ଦୀର୍ଘ ସମୟ ଧରି ଜଡ଼ିତ ରହି ଲାଭବାନ ହେବାରେ ସାହାଯ୍ୟ କରିବ। ଏଥିସହିତ ସେନା ମଧ୍ୟ ଉପକୃତ ହେବ । କାରଣ ଏହା ଦ୍ୱାରା ସେନାରେ ଯବାନଙ୍କ ସଂଖ୍ୟାରେ କୌଣସି ଅଭାବ ଦେଖାଦେବ ନାହିଁ।

</description>

</item>

<item>

<title>

ଆଜି ସଞ୍ଜରେ ଭାରତରେ ମାଡ଼ ହୋଇପାରେ ନାସା ଟେଲିସ୍କୋପ୍

</title>

<link>

https://khabarodisha.com/National/nasas-22-year-old-swift-telescope-set-for-uncontrolled-re-entry-into-earths-atmosphere-156791

</link>

<guid>

https://khabarodisha.com/National/nasas-22-year-old-swift-telescope-set-for-uncontrolled-re-entry-into-earths-atmosphere-156791

</guid>

Wed, 04 Nov 2026 10:20:00 GMT

</pubDate>

ନୂଆଦିଲ୍ଲୀ: ଆମେରିକାର ନାସା ମହାକାଶ ଗବେଷଣା କେନ୍ଦ୍ରର ଏକ ଟେଲିସ୍କୋପ୍ ପୃଥିବୀ ପୃଷ୍ଠରେ ମାଡ଼ ହେବ । ଦୀର୍ଘ ୨୨ ବର୍ଷ ପରେ ଟେଲିସ୍କୋପ୍ଟି ଅକାମୀ ହେବା ପରେ ପୃଥିବୀକୁ ଖସିପଡ଼ିବ । ତେବେ ଏହା ଭାରତରେ କୌଣସି ସ୍ଥାନରେ ମାଡ଼ ହୋଇପାରେ ବୋଲି ଆକଳନ କରାଯାଇଛି ।

ନାସାର ନେଲ୍ ଗେହରେଲ୍ସ ସ୍ୱିଫ୍ଟ ଓବଜରଭେଟୋରୀ ନାମକ ଟେଲିସ୍କୋପ୍ଟି ଅକାମୀ ହେବା ପରେ ନିୟନ୍ତ୍ରଣ ହରାଇବା ପରେ ପୃଥିବୀ ପୃଷ୍ଠକୁ ଖସି ଆସୁଛି । ପୃଥିବୀର ବିଷୁବ ରେଖା ୨୦.୬ ଡିଗ୍ରୀ ଉତ୍ତର–୨୦.୬ ଡିଗ୍ରୀ ଦକ୍ଷିଣରେ ପଡ଼ିବାର ଆକଳନ କରାଯାଇଛି । ଭାରତର ଦମନଠାରୁ ଆରମ୍ଭ କରି ଓଡ଼ିଶାର କଟକ ମଧ୍ୟରେ ଏହି ଲାଇନ୍ ରହିଛି । ଭାରତର ପରିପ୍ରେକ୍ଷୀରେ, ଏହି ବିସ୍ତୃତ ଅଞ୍ଚଳଟି ପଶ୍ଚିମ ଉପକୂଳସ୍ଥ ଦମନରୁ ପୂର୍ବ ଉପକୂଳସ୍ଥ ଓଡ଼ିଶାର କଟକ ପର‌୍ୟ୍ୟନ୍ତ ପ୍ରାୟ ଏକ କଳ୍ପିତ ରେଖା ଦକ୍ଷିଣରେ ଥିବା ଅଞ୍ଚଳଗୁଡ଼ିକୁ ଅନ୍ତର୍ଭୁକ୍ତ । ମୁମ୍ବାଇ, ହାଇଦ୍ରାବାଦ, ବେଙ୍ଗାଲୁରୁ ଏବଂ ଚେନ୍ନାଇ ଏହି କ୍ଷେତ୍ର ମଧ୍ୟରେ ଆସୁଥିବା ବେଳେ ଦିଲ୍ଲୀ, କୋଲକାତା ଏବଂ ଉତ୍ତର ଭାରତର ଅଧିକାଂଶ ଅଂଶ ଏହାର ବାହାରେ ରହିଛି।

ଏହାର ଓଜନ ପ୍ରାୟ ଦେଢ଼ ଟନ୍ ରହିଛି । ମହାକାଶ ବୈଜ୍ଞାନିକଙ୍କ ଆକଳନ ଅନୁଯାୟୀ, ଏହା ବାୟୁମଣ୍ଡଳରେ ପ୍ରବେଶ କରିବା ପରେ ପ୍ରାୟ ୧୬୦୦୦ରୁ ୧୮୦୦୦ କିଲୋମିଟର ବେଗରେ ପୃଥିବୀ ପୃଷ୍ଠକୁ ଆସିବା । କିନ୍ତୁ ବାୟୁମଣ୍ଡଳରେ ପ୍ରବେଶ କରିବା ପରେ ଟେଲିସ୍କୋପର ପ୍ରାୟ ୯୯ ପ୍ରତିଶତ ଜଳିଯିବ । ଏହାର କିଛିଟା ଅଂଶ ଭୂପୃଷ୍ଠରେ ପଡ଼ିବ । ତେଣୁ ଏହା ବିଶେଷ କିଛି କ୍ଷତି କରିବ ନାହିଁ ।

ଗେହରେଲ୍ସ ସ୍ୱିଫ୍ଟ ଓବଜରଭେଟୋରୀ ନାମକ ଟେଲିସ୍କୋପକୁ ୨୦ ନଭେମ୍ବର, ୨୦୦୪ ମହିସାରେ ନାସା ପକ୍ଷରୁ ମହାକାଶରେ ସ୍ଥାପନ କରାଯାଇଥିଲା । ଯାହା ବର୍ତ୍ତମାନ ଅକାମୀ ହୋଇଯାଇଛି ।

</description>

</item>

<item>

<title>

ରାଜ୍ୟ ସରକାରଙ୍କୁ ସୁପ୍ରିମକୋର୍ଟଙ୍କ ବଡ଼ ଅଧିକାର; ବିକ୍ରି କର ଉପରେ ଲଗାଇପାରିବେ ଅତିରିକ୍ତ ଟିକସ, ୭ ଜଣିଆ ଖଣ୍ଡପୀଠଙ୍କ ବଡ଼ ରାୟ

</title>

<link>

https://khabarodisha.com/National/supreme-court-state-taxing-powers-additional-sales-tax-surcharge-cess-156790

</link>

<guid>

https://khabarodisha.com/National/supreme-court-state-taxing-powers-additional-sales-tax-surcharge-cess-156790

</guid>

Wed, 04 Nov 2026 10:18:00 GMT

</pubDate>

ନୂଆଦିଲ୍ଲୀ: ରାଜ୍ୟ ସରକାରଙ୍କ ଟିକସ ଆଦାୟ କ୍ଷମତାକୁ ନେଇ ସୁପ୍ରିମକୋର୍ଟଙ୍କ ବଡ଼ ରାୟ। ବିକ୍ରି କିମ୍ବା କ୍ରୟ ଉପରେ ପୂର୍ବରୁ ଲାଗୁଥିବା ଟିକସ ଆଧାରରେ ରାଜ୍ୟ ବିଧାନସଭା ଅତିରିକ୍ତ ଟିକସ, ସରଚାର୍ଜ କିମ୍ବା ସେସ୍ ଲଗାଇପାରିବେ। ଏହି ଅଧିକାରକୁ କାଏମ ରଖିଛନ୍ତି ସୁପ୍ରିମକୋର୍ଟଙ୍କ ୭ ଜଣିଆ ସମ୍ବିଧାନିକ ଖଣ୍ଡପୀଠ।

ମୁଖ୍ୟ ବିଚାରପତି ଜଷ୍ଟିସ୍ ସୂର୍ଯ୍ୟକାନ୍ତଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ କହିଛନ୍ତି ଯେ, ବିକ୍ରି କର ଉପରେ ଅତିରିକ୍ତ ଟିକସ ଲଗାଇବାର ରାଜ୍ୟମାନଙ୍କ ବିଧାନସଭା କ୍ଷମତାକୁ ପୂର୍ବରୁ ହିଁ ସ୍ୱୀକୃତି ମିଳିସାରିଛି। ଏହି ଆଇନଗତ ସ୍ଥିତି ଏବେ ବି ବଳବତ୍ତର ରହିଛି।

୨୭ ବର୍ଷ ପୁରୁଣା ମାମଲାରେ ଆସିଲା ରାୟ

ଏହି ମାମଲା ପ୍ରାୟ ୨୭ ବର୍ଷ ପୂର୍ବେ ୭ ଜଣିଆ ଖଣ୍ଡପୀଠକୁ ପଠାଯାଇଥିଲା। ବିବାଦର ମୂଳରେ ଥିଲା ଓଡ଼ିଶା ସେଲ୍ସ ଟ୍ୟାକ୍ସ ଆକ୍ଟ, ୧୯୪୭ର ଧାରା ୫A। ଏହି ନିୟମ ଅନୁସାରେ କିଛି ବ୍ୟବସାୟୀଙ୍କ ବାର୍ଷିକ କାରବାର ଆଧାରରେ ଅତିରିକ୍ତ ଟିକସ ଲାଗୁ କରାଯାଉଥିଲା।

ନିୟମ ଅନୁସାରେ:

ବାର୍ଷିକ କାରବାର ୧୦ ଲକ୍ଷରୁ ୧ କୋଟି ଟଙ୍କା ମଧ୍ୟରେ ଥିଲେ ୧୦ ପ୍ରତିଶତ ଅତିରିକ୍ତ ଟିକସ।

ବାର୍ଷିକ କାରବାର ୧ କୋଟି ଟଙ୍କାରୁ ଅଧିକ ହେଲେ ୧୫ ପ୍ରତିଶତ ଅତିରିକ୍ତ ଟିକସ।

ଏହି ବ୍ୟବସ୍ଥାକୁ ନେଇ ବ୍ୟବସାୟୀମାନେ ଆପତ୍ତି ଉଠାଇଥିଲେ।

ବ୍ୟବସାୟୀଙ୍କ ଯୁକ୍ତିକୁ ମାନିଲେନି ସୁପ୍ରିମକୋର୍ଟ

ଆବେଦନକାରୀଙ୍କ ଯୁକ୍ତି ଥିଲା ଯେ, ରାଜ୍ୟ ସରକାର ଏପରି ଅତିରିକ୍ତ ଟିକସ ଲଗାଇବାକୁ ଅଧିକାରୀ ନୁହନ୍ତି। ଏହା ବିକ୍ରି କିମ୍ବା କ୍ରୟ ଉପରେ ଟିକସ ନହୋଇ ବ୍ୟବସାୟୀଙ୍କ ଆୟ ଉପରେ ଟିକସ ଲଗାଇବା ସହ ସମାନ। ଏହା ସଂସଦର ଅଧିକାର କ୍ଷେତ୍ରରେ ହସ୍ତକ୍ଷେପ କରୁଛି ବୋଲି ସେମାନେ ଯୁକ୍ତି ଦର୍ଶାଇଥିଲେ।

କିନ୍ତୁ ସୁପ୍ରିମକୋର୍ଟ ଏସ୍. କୋଡର ବନାମ କେରଳ ରାଜ୍ୟ ମାମଲାରେ ୫ ଜଣିଆ ଖଣ୍ଡପୀଠଙ୍କ ପୂର୍ବ ରାୟକୁ ଉଦ୍ଧୃତ କରିଥିଲେ। ସେହି ରାୟରେ ଅତିରିକ୍ତ ବିକ୍ରି କରକୁ ବୈଧ ବୋଲି ଗ୍ରହଣ କରାଯାଇଥିଲା।

୭ ଜଣିଆ ଖଣ୍ଡପୀଠ ସ୍ପଷ୍ଟ କରିଛନ୍ତି ଯେ, ବିକ୍ରି କର ଆଧାରରେ ନିର୍ଦ୍ଧାରିତ ଅତିରିକ୍ତ ଟିକସ ମଧ୍ୟ ବିକ୍ରି କିମ୍ବା କ୍ରୟ ଉପରେ ଟିକସର ପ୍ରକୃତି ବହନ କରେ।

GST ଲାଗୁ ପରେ ମାମଲାର ଗୁରୁତ୍ୱ କମିଛି

କୋର୍ଟ ଆହୁରି କହିଛନ୍ତି ଯେ, ଏହି ବିବାଦର ମୂଳ ଆଇନଗତ ବ୍ୟବସ୍ଥା ପରବର୍ତ୍ତୀ ସମୟରେ ବଦଳିଯାଇଛି କିମ୍ବା ତାହାର ସ୍ଥାନରେ ଅନ୍ୟ ଆଇନ ଲାଗୁ ହୋଇଛି। ତେଣୁ ୭ ଜଣିଆ ଖଣ୍ଡପୀଠଙ୍କ ନିକଟକୁ ପଠାଯାଇଥିବା ପ୍ରଶ୍ନର ଏବେ ବ୍ୟବହାରିକ ଗୁରୁତ୍ୱ ନାହିଁ। ଏହା କେବଳ ଏକ ଶୈକ୍ଷିକ ବା ଆଇନଗତ ଆଲୋଚନାର ବିଷୟ ହୋଇ ରହିଛି।

ଶୁଣାଣି ସମୟରେ ସଲିସିଟର ଜେନେରାଲ ତୁଷାର ମେହେଟା ମଧ୍ୟ ଯୁକ୍ତି ଦେଇଥିଲେ ଯେ, ୨୦୧୭ରେ GST ଲାଗୁ ହେବା ପରେ ଏହି ବିବାଦର ଗୁରୁତ୍ୱ ଅନେକ ହ୍ରାସ ପାଇଛି।

୭ ଜଣିଆ ଖଣ୍ଡପୀଠରେ କିଏ କିଏ ଥିଲେ?

ଏହି ଖଣ୍ଡପୀଠରେ CJI ଜଷ୍ଟିସ୍ ସୂର୍ଯ୍ୟକାନ୍ତଙ୍କ ସହ ଜଷ୍ଟିସ୍ କେ.ଭି. ବିଶ୍ୱନାଥନ, ଏସ୍.ଭି.ଏନ୍. ଭଟ୍ଟି, ଜୟମାଲ୍ୟା ବାଗଚୀ, ଏନ୍.ଭି. ଅଞ୍ଜାରିଆ, ଅରୁଣ ପଲ୍ଲୀ ଓ ଭି. ମୋହନା ସାମିଲ ଥିଲେ। ଜଷ୍ଟିସ୍ ବିଶ୍ୱନାଥନ ଏହି ରାୟ ସହ ସହମତି ପ୍ରକାଶ କରି ଏକ ପୃଥକ ରାୟ ମଧ୍ୟ ଲେଖିଛନ୍ତି।

ଏହି ରାୟ ମାଧ୍ୟମରେ ବିକ୍ରି କର ଆଧାରରେ ଅତିରିକ୍ତ ଟିକସ ଲଗାଇବା ନେଇ ରାଜ୍ୟମାନଙ୍କର ପୂର୍ବରୁ ସ୍ୱୀକୃତ ବିଧାନସଭା କ୍ଷମତାକୁ ସୁପ୍ରିମକୋର୍ଟ ପୁଣିଥରେ ସ୍ପଷ୍ଟ କରିଛନ୍ତି।

</description>

</item>

<item>

<title>

ଦେଢ଼ ଏକର ଜମି ପାଇଁ ବଧୂ ହତ୍ୟା: ମୁଣ୍ଡ କାଟି ଅଲଗା କରିଦେଲେ ଶାଶୁ ଘର ଲୋକେ

</title>

<link>

https://khabarodisha.com/National/in-law-beheaded-daughter-in-law-for-land-156788

</link>

<guid>

https://khabarodisha.com/National/in-law-beheaded-daughter-in-law-for-land-156788

</guid>

Wed, 04 Nov 2026 08:25:00 GMT

</pubDate>

ହାଇଦ୍ରାବାଦ: ତେଲେଙ୍ଗାନାର ମେହବୁବନଗର ଜିଲ୍ଲାରେ ଏକ ଲୋମହର୍ଷକାରୀ ହତ୍ୟାକାଣ୍ଡ ସମସ୍ତଙ୍କ ଛାତିକୁ ଥରାଇ ଦେଇଛି । ଜମିବାଡ଼ି ବିବାଦକୁ ନେଇ ବୋହୂର ମୁଣ୍ଡକାଟି ଅଲଗା କରିଦେଇଛନ୍ତି ଶାଶୁ ଘର ଲୋକେ । ଶାଶୁ, ଶ୍ୱଶୁର ଏବଂ ଦିଅର- ଯାଆ ମିଶି ମହିଳାଙ୍କ ବେକରେ ଗାମୁଛା ପକାଇ ଟାଣି ଟାଣି ନେବା ସହିତ ତାଙ୍କୁ ଗଳା କାଟି ମୁଣ୍ଡରୁ ଗଣ୍ଡି ଅଲଗା କରି ଦେଇଛନ୍ତି । ମୃତ ମହିଳାଙ୍କୁ ସୁନିତା ନାଏକ ନାମରେ ଚିହ୍ନଟ କରାଯାଇଛି ।

ପୋଲିସ ସୂଚନା ଅନୁସାରେ, ଜମିବାଡ଼ି ବିବାଦକୁ କେନ୍ଦ୍ର କରି ମେହବୁବନଗର ଅନ୍ତର୍ଗତ ଓବୁଲୟାପଲ୍ଲୀ ଗ୍ରାମର ସୁନିତାଙ୍କୁ ତାଙ୍କ ଶ୍ୱଶୁର ଘର ଲୋକେ ନିର୍ଦ୍ଦୟ ଭାବେ ହତ୍ୟା କରିଛନ୍ତି । ସୋମବାର ଅପରାହ୍ନରେ ସୁନିତା କୋଇଲକୋଣ୍ଡା ସ୍ଥିତ ନିଜ ଚାଷ ଜମିକୁ ଯାଉଥିବାବେଳେ ତାଙ୍କ ଶ୍ୱଶୁର ମାଣିକ୍ୟ ନାଏକ, ଦେଢ଼ଶୁର ମାନ୍ୟା ନାଏକ ଓ ଦିଅର ପାଣ୍ଡୁ ନାଏକ ଏବଂ ପାଣ୍ଡୁଙ୍କ ପତ୍ନୀ ପାର୍ବତୀ ତାଙ୍କୁ ଘେରି ଯାଇଥିଲେ । ଏହା ପରେ ସୁନିତାଙ୍କ ବେକରେ ଏକ କପଡ଼ା ବାନ୍ଧି ତାଙ୍କୁ ଘୋଷାଡ଼ି ଘୋଷାଡ଼ି ଘରକୁ ନେଇଥିଲେ । ସେଠାରେ ଛୁରୀରେ ଆକ୍ରମଣ କରିବା ପରେ ତାଙ୍କ ବେକ କାଟି ଦେଇଥିଲେ ।

ସୁନିତାଙ୍କ ପିତା ଭାଲ୍ୟା ନାଏକଙ୍କ ଶ୍ୱଶୁର ଘର ବିରୋଧରେ ହତ୍ୟା ଅଭିଯୋଗ ଆଣିଛନ୍ତି । ଭାଲ୍ୟାଙ୍କ ଅଭିଯୋଗ ଆଧାରରେ ପୋଲିସ ବିଏନଏସ୍ ଧାରା ୧୦୧ ଏବଂ ୧୦୩ ଅଧୀନରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ଘଟଣା ପରଠାରୁ ସମସ୍ତ ଚାରି ଅଭିଯୁକ୍ତ କେଉଁଆଡ଼େ ଫେରାର ହୋଇଯାଇଛନ୍ତି । ପୋଲିସ ସେମାନଙ୍କୁ ଧରିବାକୁ ବିଭିନ୍ନ ସ୍ଥାନରେ ଚଢ଼ଉ କରୁଛି ।

ଦେଢ଼ ଏକର ଜମି ପାଇଁ ହତ୍ୟା

ପ୍ରାୟ ୧୨ ବର୍ଷ ପୂର୍ବେ ସୁନିତାଙ୍କ ବିବାହ ଚିନ୍ଥାଲର ବାସିନ୍ଦା ବଳରାମଙ୍କ ସହ ବିବାହ ହୋଇଥିଲା। ସେମାନଙ୍କର ଦୁଇଟି ଝିଅ ଅଛନ୍ତି। ବଳରାମ ମାନସିକ ସମସ୍ୟାରେ ପୀଡ଼ିତ ଥିବାରୁ ଅଧିକାଂଶ ସମୟରେ ଝଗଡ଼ା ହୁଏ । ଏହା ପରେ ଗ୍ରାମବାସୀଙ୍କ ଉପସ୍ଥିତିରେ ସୁନୀତା ଏବଂ ପିଲାଙ୍କ ଭବିଷ୍ୟତ ପାଇଁ ଶ୍ୱଶୁର ଦେଢ଼ ଏକର ଜମି ବୋହୂ ନାମରେ କରି ଦେଇଥିଲେ । କିନ୍ତୁ ବଳରାମଙ୍କ ଦୁଇ ଭାଇ ପାଣ୍ଡୁ ଏବଂ ମାନ୍ୟା ଏଥିରେ ଅସନ୍ତୁଷ୍ଟ ଥିଲେ । ଶ୍ୱଶୁର ଘର ଲୋକେ ଜାଣିଶୁଣି ସ୍ୱାମୀ-ସ୍ତ୍ରୀଙ୍କୁ ଏକାଠି ରହିବାକୁ ଦେଉନଥିବାରୁ ସୁନୀତା ନିଜ ବାପଘରେ ରହୁଥିଲେ । ତାଙ୍କ ବାପା-ମା' ତାଙ୍କୁ ବୁଝାଇ ଚିନ୍ଥାଲ ଫେରାଇ ଆଣିଥିଲେ ତାଙ୍କ ପାଇଁ ଏକ ଘର ନିର୍ମାଣ କରାଇ ଦେଇଥିଲେ। ସେ ଗତ ଏକ ମାସ ଧରି ନିଜର ଦୁଇ ଝିଅଙ୍କ ସହ ସେଠାରେ ରହୁଥିଲେ। ତଥାପି ଶ୍ୱଶୁର ଘର ଲୋକେ ଜମି ଛାଡ଼ିବାକୁ ବାରମ୍ବାର ଚାପ ପକାଉଥିଲେ ।

</description>

</item>

<item>

<title>

ଗୌହ୍ୱାଟୀରେ ହୋଟେଲ ଗୁଳିକାଣ୍ଡ ମାମଲା: ମୁଖ୍ୟ ଅଭିଯୁକ୍ତ ଏନକାଉଣ୍ଟରରେ ନିପାତ

</title>

<link>

https://khabarodisha.com/National/guwahati-hotel-shooting-accused-ghankanta-gogoi-killed-in-police-encounter-156778

</link>

<guid>

https://khabarodisha.com/National/guwahati-hotel-shooting-accused-ghankanta-gogoi-killed-in-police-encounter-156778

</guid>

Wed, 04 Nov 2026 04:16:00 GMT

</pubDate>

ଗୌହ୍ୱାଟୀ: ଆସାମର ଗୌହ୍ୱାଟୀରେ “ହୋଟେଲ ବିଲାସ ଇନ୍” ଗୁଳିକାଣ୍ଡ ମାମଲାର ମୁଖ୍ୟ ଅଭିଯୁକ୍ତ ଘନକାନ୍ତ ଗୋଗୋଇ ପୋଲିସ ଏନକାଉଣ୍ଟରରେ ପ୍ରାଣ ହରାଇଛି । ବୁଧବାର ଭୋର ୩.୩୦ ସମୟରେ ଗୌରୀସାଗର ଥାନା ଅନ୍ତର୍ଗତ ରୋଙ୍ଗମନ ଢାବା ନିକଟରେ ପୋଲିସ ଘନକାନ୍ତକୁ ଏନକାଉଣ୍ଟର କରିଛି ।

ଶିବସାଗର ପୋଲିସ ଏସପି, ପାପୋରୀ ଚୈତିୟାଙ୍କ ସୂଚନା ଅନୁସାରେ, ଘନକାନ୍ତ ପଞ୍ଜାବ ନ୍ୟାସନାଲ୍ ବ୍ୟାଙ୍କର ଏକ ଋଣ ଠକେଇ ମାମଲାରେ ଜଡ଼ିତ ଥିଲା । ଉକ୍ତ ମାମଲାର ତଦନ୍ତ ପାଇଁ ଶିବସାଗର ଥାନାର ଏକ ପୋଲିସ ଟିମ୍ ଘନକାନ୍ତକୁ ଗୌହ୍ୱାଟୀକୁ ଆଣୁଥିଲା । ଘନକାନ୍ତ ପରିଶ୍ରା ଯିବା ବାହାନାରେ ଗାଡ଼ିରୁ ଓହ୍ଲାଇଥିଲା । ଗାଡ଼ି ଅଟକିବା ପରେ ତୁରନ୍ତ ପୋଲିସଠାରୁ ସର୍ଭିସ୍ ବନ୍ଧୁକ ଛଡ଼ାଇ ନେଇ ଗୁଳି ଚଳାଇ ଫେରାର ହେବାକୁ ଉଦ୍ୟମ କରିଥିଲା । ପୋଲିସର ଜବାବୀ ଗୁଳିରେ ଘନକାନ୍ତ ଟଳି ପଡ଼ିଥିଲା ।

ଏଥିରେ ଏସ୍ଆଇ ଦେବାଶୀଷ ଶର୍ମା ମଧ୍ୟ ଆହତ ହୋଇଛନ୍ତି । ତାଙ୍କୁ ଏକ ଡାକ୍ତରଖାନାରେ ଭର୍ତ୍ତି କରାଯାଇଛି ।

ଏଠାରେ ଉଲ୍ଲେଖ ଯୋଗ୍ୟ, ଅକ୍ଟୋବର ୨୬ ତାରିଖ ରାତିରେ , ଜିଏସ୍ ରୋଡର ବୋରା ସର୍ଭସ୍ ନିକଟରେ ଥିବା “ହୋଟେଲ ବିଲାସ ଇନ୍”ରେ ରାତି ଅଧରେ ଭୟଙ୍କର ଗୁଳିକାଣ୍ଡ ହୋଇଥିଲା । ହୋଟେଲ ମାଲିକ ଏବଂ ଲିଜଧାରୀ ଘନକାନ୍ତ ଗୌଗୋଇଙ୍କ ମଧ୍ୟରେ ଯୁକ୍ତି ତର୍କ ହୋଇଥିଲା । ଏହି ସମୟରେ ଘନକାନ୍ତ ଆଖିବୁଜା ଗୁଳି ଚାଳନା କରି ଫେରାର ହୋଇଯାଇଥିଲା । ଏଥିରେ ମାଲିକଙ୍କ ପରିବାର ୪ ଜଣ ସଦସ୍ୟଙ୍କ ସମେତ ମୋଟ ୫ ଜଣଙ୍କର ମୃତ୍ୟୁ ହୋଇଥିଲା । ଏଥିରେ ଅନ୍ୟ ୬ ଜଣ ଲୋକ ଆହତ ହୋଇଥିଲେ ।

</description>

</item>

<item>

<title>

ରେଳ ଧାରଣାରେ ଭୟଙ୍କର ବିସ୍ଫୋରଣ, ରେଳବାଇ ଅଧିକାରୀ ଓ ସୁରକ୍ଷା ଏଜେନ୍ସି ପକ୍ଷରୁ ତଦନ୍ତ ଆରମ୍ଭ

</title>

<link>

https://khabarodisha.com/National/Massive-explosion-on-railway-tracks-156775

</link>

<guid>

https://khabarodisha.com/National/Massive-explosion-on-railway-tracks-156775

</guid>

Wed, 04 Nov 2026 03:03:00 GMT

</pubDate>

ରାଜସ୍ଥାନ: ରେଳପଥରେ ଭୟଙ୍କର ବିସ୍ଫୋରଣ । ଯାହା ସୁରକ୍ଷା ବ୍ୟବସ୍ଥାକୁ ନେଇ ଚିନ୍ତା ବଢ଼ାଇ ଦେଇଛି। ଭାରତ-ପାକିସ୍ତାନ ସୀମାବର୍ତ୍ତୀ ରାଜସ୍ଥାନର ଶ୍ରୀଗଙ୍ଗାନଗର ଜିଲ୍ଲାର ଅନୂପଗଡ଼-ସୁରତଗଡ଼ ରେଳ ଲାଇନର ୫୦ ଜିବି ଗାଁ ନିକଟରେ ଏକ ଭୟଙ୍କର ବିସ୍ଫୋରଣ ଘଟିଛି। ମଙ୍ଗଳବାର ରାତି ପ୍ରାୟ ୯ଟା ୪୫ରେ ୫୦ ରେ ଅନୁପଗଡ଼-ସୁରତଗଡ଼ ରେଳପଥରେ ଭୟଙ୍କର ବିସ୍ଫୋରଣ ହୋଇଛି।

ଏକ ପାସେଞ୍ଜର ଟ୍ରେନ ସେହି ସ୍ଥାନ ଦେଇ ଗତି କରିବାର ପ୍ରାୟ ୪୫ ମିନିଟ୍ ପରେ ଏହି ବିସ୍ଫୋରଣ ହୋଇଥିଲା। ଅଳ୍ପକେ ଏକ ବଡ଼ ଦୁର୍ଘଟଣା ଟଳି ଯାଇଛି।

ଲୋକଙ୍କ କହିବା ଅନୁଯାୟୀ ବିସ୍ଫୋରଣର ତୀବ୍ରତା ଏତେ ଅଧିକ ଥିଲା ଯେ ଏହାର ଶବ୍ଦ ୨୦୦ ମିଟର ଦୂର ପର୍ଯ୍ୟନ୍ତ ଶୁଣାଯାଇଥିଲା। ରେଳ ଧାରଣା ତଳେ ଥିବା ଦୁଇଟି ସିମେଣ୍ଟ ସ୍ଲିପର ସମ୍ପୂର୍ଣ୍ଣ ଭାଙ୍ଗି ଯାଇଛି ଏବଂ ପଟ୍ରି ମଝିରେ ପ୍ରାୟ ୨ ଫୁଟ ଗଭୀର ଗାତ ସୃଷ୍ଟି ହୋଇଛି।

ଘଟଣାସ୍ଥଳରେ ସ୍ଥାନୀୟ ପୋଲିସ ସହ ଆଣ୍ଟି-ଟେରରିଷ୍ଟ ସ୍କ୍ଵାଡ୍ (ATS), IB ଏବଂ FSL (ଫୋରେନସିକ) ଟିମ୍ ପହଞ୍ଚି ଯାଞ୍ଚ ଚଳାଇଛନ୍ତି। ଏହି ରୁଟ୍‌ରେ ଚଳାଚଳ କରୁଥିବା ଟ୍ରେନଗୁଡ଼ିକୁ ସାମୟିକ ଭାବେ ବାତିଲ କରାଯାଇଛି ।

</description>

</item>

<item>

<title>

ଭୋଟର ଲିଷ୍ଟରୁ ନାମ କଟିଯାଇଛି କି? ଚିନ୍ତା କରନ୍ତୁନି, ପୁଣି ଯୋଡ଼ିବାକୁ ମିଳିବ ସୁଯୋଗ; EC ଦେଲେ ବଡ଼ ଆଶ୍ୱସ୍ତି

</title>

<link>

https://khabarodisha.com/National/ec-form-6-rule-voters-missing-draft-sir-electoral-rolls-156769

</link>

<guid>

https://khabarodisha.com/National/ec-form-6-rule-voters-missing-draft-sir-electoral-rolls-156769

</guid>

Tue, 03 Nov 2026 17:25:00 GMT

</pubDate>

ନୂଆଦିଲ୍ଲୀ: ଭୋଟର ତାଲିକାରେ ପୂର୍ବରୁ ନାମ ଥିଲା, ହେଲେ ଏବେ SIR ଡ୍ରାଫ୍ଟ ଭୋଟର ଲିଷ୍ଟରେ ନାମ ଦେଖାଯାଉନାହିଁ କି? ତେବେ ଆଉ ଚିନ୍ତା କରିବାର ଆବଶ୍ୟକତା ନାହିଁ। ଏଭଳି ଭୋଟରଙ୍କୁ ପୁଣି ଥରେ ନିଜ ନାମ ଭୋଟର ତାଲିକାରେ ସାମିଲ କରିବା ପାଇଁ ସୁଯୋଗ ଦେଇଛନ୍ତି ନିର୍ବାଚନ କମିଶନ। ଏଥିପାଇଁ ସେମାନେ Form 6 ଦାଖଲ କରିପାରିବେ। ଏହାକୁ ନେଇ କୌଣସି ଆଇନଗତ ଭୟ ରଖିବା ଦରକାର ନାହିଁ ବୋଲି କମିଶନ ସ୍ପଷ୍ଟ କରିଛନ୍ତି।

ମଙ୍ଗଳବାର ଏନେଇ ସମସ୍ତ ରାଜ୍ୟର ମୁଖ୍ୟ ନିର୍ବାଚନ ଅଧିକାରୀଙ୍କୁ ଚିଠି ଲେଖିଛନ୍ତି ନିର୍ବାଚନ କମିଶନ। ବର୍ତ୍ତମାନ ଚାଲିଥିବା ସ୍ପେଶାଲ ଇଣ୍ଟେନସିଭ୍ ରିଭିଜନ (SIR) ପ୍ରକ୍ରିୟାରେ ଅନେକ ପୁରୁଣା ଭୋଟରଙ୍କ ନାମ ଡ୍ରାଫ୍ଟ ତାଲିକାରେ ନଥିବାରୁ ସେମାନେ ନୂଆ ଆବେଦନ କରିବାକୁ ଦ୍ୱିଧାରେ ଥିବା କମିଶନଙ୍କ ନଜରକୁ ଆସିଥିଲା।

Form 6 ଦାଖଲ କଲେ ହେବନି ମାମଲା

ନିର୍ବାଚନ କମିଶନଙ୍କ ଏହି ସ୍ପଷ୍ଟୀକରଣ ପଛରେ ରହିଛି ଏକ ଗୁରୁତ୍ୱପୂର୍ଣ୍ଣ ଆଇନଗତ ଦ୍ୱନ୍ଦ୍ୱ। Form 6ରେ ଆବେଦନକାରୀ ପ୍ରଥମ ଥର ପାଇଁ ଭୋଟର ତାଲିକାରେ ନାମ ସାମିଲ କରିବାକୁ ଆବେଦନ କରୁଥିବା ନେଇ ଘୋଷଣା କରିବାକୁ ପଡ଼ିଥାଏ।

ଏପରି ସ୍ଥିତିରେ ପୂର୍ବରୁ ଭୋଟର ଥିବା ବ୍ୟକ୍ତି ପୁଣି Form 6 ଭରିଲେ ଏହାକୁ ମିଥ୍ୟା ଘୋଷଣା ବୋଲି ଧରାଯାଇପାରେ ଏବଂ ଜନପ୍ରତିନିଧିତ୍ୱ ଆଇନ, ୧୯୫୦ର ଧାରା ୩୧ ଅନୁସାରେ ଆଇନଗତ କାର୍ଯ୍ୟାନୁଷ୍ଠାନ ହୋଇପାରେ ବୋଲି ଅନେକ ଭୋଟର ଆଶଙ୍କା କରୁଥିଲେ।

କିନ୍ତୁ କମିଶନ ସ୍ପଷ୍ଟ କରିଛନ୍ତି ଯେ, ପୂର୍ବରୁ ଭୋଟର ଥିବା ବ୍ୟକ୍ତିଙ୍କ ନାମ SIR ଡ୍ରାଫ୍ଟ ତାଲିକାରୁ ବାଦ୍ ପଡ଼ିଥିଲେ, କେବଳ ପୁଣି ଥରେ Form 6 ଦାଖଲ କରିବା ମିଥ୍ୟା ଘୋଷଣା ଭାବେ ବିବେଚିତ ହେବ ନାହିଁ।

କେଉଁ ପରିସ୍ଥିତିରେ ହୋଇପାରିବ କାର୍ଯ୍ୟାନୁଷ୍ଠାନ ?

ଏହି ପ୍ରସଙ୍ଗରେ ନିର୍ବାଚନ କମିଶନ ଏକ ସର୍ତ୍ତ ମଧ୍ୟ ସ୍ପଷ୍ଟ କରିଛନ୍ତି। ଯଦି ଜଣେ ବ୍ୟକ୍ତି ଅନ୍ୟ କୌଣସି ନିର୍ବାଚନ ମଣ୍ଡଳୀରେ ପୂର୍ବରୁ ପଞ୍ଜୀକୃତ ଅଛନ୍ତି କିମ୍ବା ଜାଣିଶୁଣି ଭୁଲ୍ ତଥ୍ୟ ଓ ବେଆଇନ ଘୋଷଣା ଦେଇଛନ୍ତି, ତେବେ ତାଙ୍କ ବିରୋଧରେ ଆଇନ ଅନୁସାରେ ପଦକ୍ଷେପ ନିଆଯାଇପାରିବ।

କେବଳ ପୁରୁଣା ଭୋଟର ହୋଇ ମଧ୍ୟ SIR ଡ୍ରାଫ୍ଟ ତାଲିକାରେ ନାମ ନଥିବା କାରଣରୁ Form 6 ଦାଖଲ କରିଥିଲେ, ନିର୍ବାଚନ ପଞ୍ଜୀକରଣ ଅଧିକାରୀ (ERO) ଧାରା ୩୧ ଅନୁସାରେ ମାମଲା ଆରମ୍ଭ କରିପାରିବେ ନାହିଁ।

</description>

</item>

<item>

<title>

ଅନିଲ ଅମ୍ବାନୀ ଗ୍ରୁପ୍‌କୁ EDର ବଡ଼ ଝଟକା, ୫୧୦ କୋଟିର ସମ୍ପତ୍ତି ଜବତ; ୨ ବିମାନ ଓ ୬ଟି ଜମି ସାମିଲ

</title>

<link>

https://khabarodisha.com/National/ed-attaches-rs-510-crore-assets-anil-ambani-group-two-aircraft-156766

</link>

<guid>

https://khabarodisha.com/National/ed-attaches-rs-510-crore-assets-anil-ambani-group-two-aircraft-156766

</guid>

Tue, 03 Nov 2026 16:14:00 GMT

</pubDate>

ନୂଆଦିଲ୍ଲୀ: ଶିଳ୍ପପତି ଅନିଲ ଅମ୍ବାନୀଙ୍କ ରିଲାଏନ୍ସ ଗ୍ରୁପ୍‌ ବିରୋଧରେ ବଡ଼ କାର୍ଯ୍ୟାନୁଷ୍ଠାନ ନେଇଛି ପ୍ରବର୍ତ୍ତନ ନିର୍ଦ୍ଦେଶାଳୟ (ED)। ବ୍ୟାଙ୍କ ଠକେଇ ଓ ଅର୍ଥ ହେରଫେର ମାମଲାର ତଦନ୍ତ ମଧ୍ୟରେ ଗ୍ରୁପ୍‌ ସହ ଜଡ଼ିତ ପ୍ରାୟ ୫୧୦ କୋଟି ଟଙ୍କା ମୂଲ୍ୟର ସମ୍ପତ୍ତିକୁ ଅସ୍ଥାୟୀ ଭାବେ ଜବତ କରିଛି ଇଡି। ଏହି ସମ୍ପତ୍ତି ମଧ୍ୟରେ ଦୁଇଟି ଚାର୍ଟାର୍ଡ ବିମାନ, ମହାରାଷ୍ଟ୍ରର ୬ଟି ଜମି ଓ ଅନ୍ୟାନ୍ୟ ସମ୍ପତ୍ତି ରହିଛି। ଏହି ନୂଆ କାର୍ଯ୍ୟାନୁଷ୍ଠାନ ପରେ ଅନିଲ ଅମ୍ବାନୀ ଗ୍ରୁପ୍‌ ସହ ଜଡ଼ିତ ମାମଲାଗୁଡ଼ିକରେ ଏପର୍ଯ୍ୟନ୍ତ ଜବତ ଓ ଆଟାଚ୍ ହୋଇଥିବା ସମ୍ପତ୍ତିର ମୋଟ ମୂଲ୍ୟ ପ୍ରାୟ ୨୩,୧୦୦ କୋଟି ଟଙ୍କାରେ ପହଞ୍ଚିଛି।

କେଉଁ କେଉଁ ସମ୍ପତ୍ତି ଉପରେ ହୋଇଛି କାର୍ଯ୍ୟାନୁଷ୍ଠାନ ?

ଇଡିର ସୂଚନା ଅନୁସାରେ, ରିଲାଏନ୍ସ କମ୍ୟୁନିକେସନ୍‌ (RCOM) ସହ ଜଡ଼ିତ ବ୍ୟାଙ୍କ ଠକେଇ ମାମଲାରେ ୨୪୭.୧୨ କୋଟି ଟଙ୍କାର ସମ୍ପତ୍ତି ଆଟାଚ୍ କରାଯାଇଛି। ଏଥିରେ ଦୁଇଟି ଚାର୍ଟାର୍ଡ ବିମାନ, ମହାରାଷ୍ଟ୍ରର ୬ଟି ଜମି ଏବଂ ଗୋଟିଏ ଅଫିସ୍ ପରିସର ରହିଛି। ଜବତ ହୋଇଥିବା ବିମାନ ମଧ୍ୟରେ ଡାସଲ୍ଟ ଫାଲକନ୍ ୨୦୦୦ ଏବଂ ଏମ୍ବ୍ରାଏର୍ ବିମାନ ରହିଥିବା ଜଣାପଡ଼ିଛି।

ସେହିପରି ରିଲାଏନ୍ସ ହୋମ୍ ଫାଇନାନ୍ସ (RHFL) ଓ ରିଲାଏନ୍ସ କମର୍ସିଆଲ୍ ଫାଇନାନ୍ସ (RCFL) ସହ ଜଡ଼ିତ ମାମଲାରେ ୨୬୩.୦୫ କୋଟି ଟଙ୍କାର ସମ୍ପତ୍ତି ଉପରେ ଇଡି କାର୍ଯ୍ୟାନୁଷ୍ଠାନ ନେଇଛି। ଏଥିରେ ତାମିଲନାଡୁର ଦୁଇଟି ପବନ ଚକ୍କି, ବ୍ୟାଙ୍କ ଜମା, ଫିକ୍ସଡ୍ ଡିପୋଜିଟ୍, ନିବେଶ ଓ ଅନ୍ୟାନ୍ୟ ଆର୍ଥିକ ସମ୍ପତ୍ତି ଅନ୍ତର୍ଭୁକ୍ତ।

ବ୍ୟାଙ୍କ ଟଙ୍କା ହେରଫେର ନେଇ ଗୁରୁତର ଅଭିଯୋଗ

ଇଡିର ତଦନ୍ତରେ ରିଲାଏନ୍ସ ଗ୍ରୁପ୍‌ର କିଛି କମ୍ପାନୀ ବ୍ୟାଙ୍କ ଓ ଆର୍ଥିକ ସଂସ୍ଥାରୁ ନେଇଥିବା ସାର୍ବଜନୀନ ଅର୍ଥର ଅପବ୍ୟବହାର କରିଥିବା ଅଭିଯୋଗ ହୋଇଛି। ଏହାସହ ଇନସଲଭେନ୍ସି ଆଣ୍ଡ ବ୍ୟାଙ୍କରପ୍ସି କୋଡ୍‌ (IBC)ର ଦୁରୁପଯୋଗ କରି କମ୍ପାନୀର ସମ୍ପତ୍ତିକୁ ବ୍ୟକ୍ତିଗତ ଲାଭ ପାଇଁ ସୁରକ୍ଷିତ ରଖିବା ଏବଂ ଭାରତରୁ ବିଦେଶର ଟ୍ୟାକ୍ସ ହେଭେନ୍‌କୁ ଅର୍ଥ ପଠାଇବା ଭଳି ଅଭିଯୋଗ ମଧ୍ୟ ଏଜେନ୍ସି ଉଠାଇଛି।

ଇଡିର ଦାବି ଅନୁସାରେ, ଏହି ଅର୍ଥର ଏକ ବଡ଼ ଅଂଶ ଗ୍ରୁପ୍‌ର ପ୍ରମୋଟର ଓ ସେମାନଙ୍କ ପରିବାରର ବ୍ୟକ୍ତିଗତ ଲାଭ ପାଇଁ ବ୍ୟବହାର ହୋଇଥିବା ତଦନ୍ତରୁ ଜଣାପଡ଼ିଛି। ତେବେ ଏଗୁଡ଼ିକ ତଦନ୍ତକାରୀ ସଂସ୍ଥାର ଅଭିଯୋଗ, ଏହାର ଚୂଡ଼ାନ୍ତ ନିଷ୍ପତ୍ତି ନ୍ୟାୟିକ ପ୍ରକ୍ରିୟା ଉପରେ ନିର୍ଭର କରିବ।

୧୦ ଜଣ ଗିରଫ, ୬ଟି ଅଭିଯୋଗପତ୍ର ଦାଖଲ

ଏହି ମାମଲାଗୁଡ଼ିକର ତଦନ୍ତ ଆରମ୍ଭ କରିବା ପାଇଁ ସିବିଆଇର ଦିଲ୍ଲୀ ଶାଖା ଏବଂ ଦିଲ୍ଲୀ ଓ ମୁମ୍ବାଇର ଆର୍ଥିକ ଅପରାଧ ଶାଖା (EOW) ପକ୍ଷରୁ ରୁଜୁ ହୋଇଥିବା ଏକାଧିକ FIR ଆଧାର ହୋଇଥିଲା। ଏହି ତଦନ୍ତ ପରିସରରେ ରିଲାଏନ୍ସ କମ୍ୟୁନିକେସନ୍, ରିଲାଏନ୍ସ ହୋମ୍ ଫାଇନାନ୍ସ, ରିଲାଏନ୍ସ କମର୍ସିଆଲ୍ ଫାଇନାନ୍ସ, ରିଲାଏନ୍ସ ଇନଫ୍ରାଷ୍ଟ୍ରକ୍ଚର, ରିଲାଏନ୍ସ ପାୱାର ଓ ରିଲାଏନ୍ସ କ୍ୟାପିଟାଲ୍ ଭଳି କମ୍ପାନୀ ରହିଛି।

</description>

</item>

</rss>

</channel>