RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

BSE ବଢ଼ାଇଲା ଡେଡଲାଇନ୍; ସ୍କୁଲ ମାନ୍ୟତା ଆବେଦନ ଏବେ ୭ ସେପ୍ଟେମ୍ବର ପର୍ଯ୍ୟନ୍ତ

</title>

<link>

https://khabarodisha.com/Education/bse-odisha-extends-deadline-for-fresh-renewal-rufo-recognition-applications-153970

</link>

<guid>

https://khabarodisha.com/Education/bse-odisha-extends-deadline-for-fresh-renewal-rufo-recognition-applications-153970

</guid>

Sat, 29 Aug 2026 06:33:00 GMT

</pubDate>

ଭୁବନେଶ୍ୱର: ରାଜ୍ୟର ସ୍କୁଲଗୁଡ଼ିକ ପାଇଁ ବଡ଼ ଆଶ୍ୱସ୍ତି। ବୋର୍ଡ ଅଫ ସେକେଣ୍ଡାରି ଏଡୁକେସନ୍ (BSE), ଓଡ଼ିଶା ପକ୍ଷରୁ Fresh, Renewal ଓ RUFO (Recognition Until Further Order) ମାନ୍ୟତା ପାଇଁ ଅନଲାଇନ୍ ଆବେଦନର ଶେଷ ତାରିଖ ବଢ଼ାଯାଇଛି।

ପୂର୍ବରୁ ୩୦ ଅଗଷ୍ଟ ୨୦୨୬ ପର୍ଯ୍ୟନ୍ତ ଆବେଦନର ସୁଯୋଗ ଥିବାବେଳେ, ବିଭିନ୍ନ ସ୍କୁଲର ଅନୁରୋଧକୁ ଦୃଷ୍ଟିରେ ରଖି ବୋର୍ଡ ଏହାକୁ ୭ ସେପ୍ଟେମ୍ବର ୨୦୨୬ ରାତି ୧୨ଟା ପର୍ଯ୍ୟନ୍ତ ବୃଦ୍ଧି କରିଛି। ଏନେଇ ବୋର୍ଡ ସଭାପତିଙ୍କ ସ୍ୱାକ୍ଷରିତ ବିଜ୍ଞପ୍ତି ଜାରି ହୋଇଛି।

୨୦୨୬-୨୭ ଶିକ୍ଷାବର୍ଷ ପାଇଁ Fresh, Renewal ଓ RUFO ମାନ୍ୟତା ଆବେଦନ ପ୍ରକ୍ରିୟା ୧୦ ଅଗଷ୍ଟ ଠାରୁ ଆରମ୍ଭ ହୋଇଥିଲା। Fresh ଓ RUFO ପାଇଁ ଆବେଦନ କରୁଥିବା ସ୍କୁଲଗୁଡ଼ିକୁ ୩୦ ସେପ୍ଟେମ୍ବର ସୁଦ୍ଧା ହାର୍ଡ କପି ସମ୍ପୃକ୍ତ DEOଙ୍କ ନିକଟରେ ଦାଖଲ କରିବାକୁ ହେବ। ସେହିପରି DEO କାର୍ଯ୍ୟାଳୟରୁ ସମସ୍ତ ଆବେଦନ ୨୦ ଅକ୍ଟୋବର ସୁଦ୍ଧା BSE ମୁଖ୍ୟ କାର୍ଯ୍ୟାଳୟକୁ ପଠାଯିବ।

BSE ପକ୍ଷରୁ ଦିଆଯାଉଥିବା ମାନ୍ୟତା ସ୍କୁଲର ଭିତ୍ତିଭୂମି, ଶିକ୍ଷକ, ଶିକ୍ଷାଗତ ମାନ ଓ ନିର୍ଦ୍ଧାରିତ ନିୟମ ପାଳନକୁ ସୁନିଶ୍ଚିତ କରେ। ଏହି ମାନ୍ୟତା ବିନା ସ୍କୁଲଗୁଡ଼ିକ Class IX ଓ X ପରୀକ୍ଷା ପାଇଁ ଛାତ୍ରଛାତ୍ରୀଙ୍କୁ ପଞ୍ଜୀକୃତ କରିପାରିବେ ନାହିଁ।

</description>

</item>

<item>

<title>

ଡାକ୍ତର ହେବାର ସ୍ବପ୍ନ ପୁରା କଲେ ଆଦିବାସୀ ପୁଅ

</title>

<link>

https://khabarodisha.com/Education/Tribal-youth-fulfills-dream-of-becoming-a-doctor-153598

</link>

<guid>

https://khabarodisha.com/Education/Tribal-youth-fulfills-dream-of-becoming-a-doctor-153598

</guid>

Sat, 22 Aug 2026 06:32:00 GMT

</pubDate>

ଦେବଗଡ: ଡାକ୍ତର ହେବାର ସ୍ବପ୍ନ ପୁରା କଲେ ଆଦିବାସୀ ପୁଅ । ଆଦିବାସୀ ଅଞ୍ଚଳରେ ଜନ୍ମ ହୋଇ ସେ ଆଜି ନିଜ ସ୍ବପ୍ନ ପୁରା କରି ପାରିଛନ୍ତି । ଦେବଗଡ଼ ଜିଲ୍ଲା ତିଳେଇବଣି ବ୍ଲକ ଆମ୍ବଘାଟ ଗ୍ରାମର ଆଦିବାସୀ ପୁଅ ଡାକ୍ତର ହୋଇ ଏହି ଅଞ୍ଚଳ ତଥା ଓଡିଶା ପାଇଁ ଅତ୍ୟନ୍ତ ଗର୍ବ ଓ ଗୌରବର ବିଷୟ ପାଲଟିଛନ୍ତି ।

ଆମ୍ବଘାଟ ଗ୍ରାମର ଅବସରପ୍ରାପ୍ତ ପ୍ରଧାନଶିକ୍ଷକ ଶ୍ରୀ ଗୋପବନ୍ଧୁ ନାୟକଙ୍କ ସୁପୁତ୍ର ଡାକ୍ତର ଅଜିତ କୁମାର ନାୟକଙ୍କ ଅଦ୍ଭୁତପୂର୍ବ ସାଫଲ୍ୟ ପାଇଁ ଅଞ୍ଚଳ ବାସୀ ଓ ପରିବାରର ସମସ୍ତେ ଗଭୀର ଆନନ୍ଦ ପ୍ରକାଶ କରିଛନ୍ତି। ଡାକ୍ତର ନାୟକ ଓଡ଼ିଶା ଲୋକସେବା ଆୟୋଗ (OPSC) ଦ୍ୱାରା ପ୍ରକାଶିତ ସାମ୍ପ୍ରତିକ ଫଳାଫଳରେ କୃତକାର୍ଯ୍ୟ ହୋଇ ମାଇକ୍ରୋବାୟୋଲୋଜି (Microbiology) ବିଭାଗରେ ସହକାରୀ ପ୍ରଫେସର (Assistant Professor) ଭାବେ ସଫଳ ହାସଲ କରି ମନୋନୀତ ହୋଇଛନ୍ତି। ସେ ସରକାରୀ ବିଦ୍ୟାଳୟରୁ ନିଜର ପ୍ରାଥମିକ ଶିକ୍ଷା ଶେଷ କରିଥିବା ଜଣେ ଅତ୍ୟନ୍ତ ମେଧାବୀ ଛାତ୍ର ଥିଲେ। ସେ କଟକର ପ୍ରସିଦ୍ଧ ଏସ.ସି.ବି. ମେଡିକାଲ କଲେଜରୁ MBBS, PG କରିଥିଲେ । ତାଙ୍କର ଏହି ସଫଳତାରେ ଦେବଗଡ ଜିଲ୍ଲାରେ ଖୁସିର ଲହରୀ ଦେଖିବାକୁ ମିଳିଛି।

</description>

</item>

<item>

<title>

+୨ ଆଡମିଶନ୍‌ରେ ଦ୍ୱିତୀୟ ସୁଯୋଗ: ଅଗଷ୍ଟ ୨୪ରୁ ଆରମ୍ଭ ହେବ ଫେଜ୍-II ଆବେଦନ, ୩୨ ହଜାରରୁ ଅଧିକ ଛାତ୍ରଛାତ୍ରୀଙ୍କୁ ମିଳିବ ସୁଯୋଗ

</title>

<link>

https://khabarodisha.com/Education/2-admission-2026-phase-ii-apply-from-august-24-check-dates-153489

</link>

<guid>

https://khabarodisha.com/Education/2-admission-2026-phase-ii-apply-from-august-24-check-dates-153489

</guid>

Thu, 20 Aug 2026 07:28:00 GMT

</pubDate>

ଭୁବନେଶ୍ୱର: ପ୍ରଥମ ପର୍ଯ୍ୟାୟରେ +2ରେ ନାମଲେଖା କରିପାରିନଥିବା ଛାତ୍ରଛାତ୍ରୀଙ୍କ ପାଇଁ ବଡ଼ ଖବର। ଉଚ୍ଚମାଧ୍ୟମିକ ଶିକ୍ଷା ନିର୍ଦ୍ଦେଶାଳୟ (DHSE) ପକ୍ଷରୁ 2026-27 ଶିକ୍ଷାବର୍ଷର +2 ଫେଜ୍-II ଆଡମିଶନ୍ ପ୍ରକ୍ରିୟା ଅଗଷ୍ଟ 24ରୁ ଆରମ୍ଭ ହେବ। ଏହି ପ୍ରକ୍ରିୟା SAMS ପୋର୍ଟାଲ ମାଧ୍ୟମରେ ସମ୍ପୂର୍ଣ୍ଣ ଅନଲାଇନରେ ହେବ।

ପ୍ରଥମ ପର୍ଯ୍ୟାୟରେ ମୋଟ 4,61,325 ଜଣ ଆବେଦନ କରିଥିବାବେଳେ 4,29,219 ଜଣ ଚୟନ ହୋଇଥିଲେ। ତେବେ 32,106 ଜଣ ଛାତ୍ରଛାତ୍ରୀ ଚୟନରୁ ବଞ୍ଚିତ ହୋଇଥିବାରୁ ସେମାନଙ୍କୁ ଏବେ ଦ୍ୱିତୀୟ ସୁଯୋଗ ମିଳିବ।

ଫେଜ୍-IIର ଗୁରୁତ୍ୱପୂର୍ଣ୍ଣ ତାରିଖ

CAF ଆବେଦନ - ଅଗଷ୍ଟ 24–31

ପ୍ରଥମ ମେରିଟ୍ ଲିଷ୍ଟ - ସେପ୍ଟେମ୍ବର 3

ଆଡମିଶନ୍ - ସେପ୍ଟେମ୍ବର 7–10

ଚଏସ୍ ଲକ୍ - ସେପ୍ଟେମ୍ବର 12–16

ସ୍ପଟ୍ ମେରିଟ୍ ଲିଷ୍ଟ - ସେପ୍ଟେମ୍ବର 21

ସ୍ପଟ୍ ଆଡମିଶନ୍ - ସେପ୍ଟେମ୍ବର 22–25

କିଏ କରିପାରିବେ ଆବେଦନ?

BSE ଓଡ଼ିଶା କିମ୍ବା ଅନ୍ୟ କୌଣସି ସ୍ୱୀକୃତ ବୋର୍ଡର HSC (ମାଟ୍ରିକ୍) ପରୀକ୍ଷା ପାସ୍ କରିଥିବା ଛାତ୍ରଛାତ୍ରୀ ଫେଜ୍-II ପାଇଁ ଯୋଗ୍ୟ। ପ୍ରଥମ ପର୍ଯ୍ୟାୟରେ ଆବେଦନ କରି ଚୟନ ହୋଇନଥିବା ପ୍ରାର୍ଥୀମାନେ CAF ଫି ବିନା ପୁନର୍ବାର ଆବେଦନ କରିପାରିବେ। ନୂଆ ଆବେଦକଙ୍କୁ ନିର୍ଦ୍ଧାରିତ ଶୁଳ୍କ ଦେବାକୁ ପଡ଼ିବ।

DHSEର ପରାମର୍ଶ

ନିର୍ଦ୍ଦେଶାଳୟ ଛାତ୍ରଛାତ୍ରୀଙ୍କୁ CAF ଫର୍ମ ପୂରଣ ବେଳେ ସମସ୍ତ ତଥ୍ୟ ସଠିକ୍ ଭାବେ ଭରିବାକୁ ପରାମର୍ଶ ଦେଇଛି। ଭୁଲ ତଥ୍ୟ କିମ୍ବା ତ୍ରୁଟି ଥିଲେ ଆବେଦନ ବାତିଲ ହୋଇପାରେ।

</description>

</item>

<item>

<title>

OES Group-B ନିଯୁକ୍ତି ପାଇଁ ବଡ଼ ନିୟମ; ୬୦୦ ମାର୍କର ଲିଖିତ ପରୀକ୍ଷା ପରେ ପର୍ସନାଲିଟି ଟେଷ୍ଟ

</title>

<link>

https://khabarodisha.com/Education/oes-group-b-recruitment-to-be-held-through-written-exam-personality-test-153434

</link>

<guid>

https://khabarodisha.com/Education/oes-group-b-recruitment-to-be-held-through-written-exam-personality-test-153434

</guid>

Wed, 19 Aug 2026 07:42:00 GMT

</pubDate>

ଭୁବନେଶ୍ୱର: ଓଡ଼ିଶା ଶିକ୍ଷା ସେବା (OES) ଗ୍ରୁପ୍-B ପଦବୀରେ ନିଯୁକ୍ତି ପାଇଁ ଆସିଲା ନୂଆ ପରୀକ୍ଷା ବ୍ୟବସ୍ଥା। ମଙ୍ଗଳବାର ସ୍କୁଲ୍ ଓ ଗଣଶିକ୍ଷା ବିଭାଗ ପକ୍ଷରୁ OES Group-B ପାଇଁ ପରୀକ୍ଷା ଯୋଜନା ଓ ସିଲାବସ୍‌ ଜାରି କରାଯାଇଛି। ନିଯୁକ୍ତି ପ୍ରକ୍ରିୟା ଦୁଇଟି ପର୍ଯ୍ୟାୟରେ ହେବ।

ପ୍ରଥମେ ପ୍ରାର୍ଥୀଙ୍କୁ ୬୦୦ ମାର୍କର ଲିଖିତ ପରୀକ୍ଷା ଦେବାକୁ ପଡ଼ିବ। ଲିଖିତ ପରୀକ୍ଷାରେ ଯୋଗ୍ୟ ବିବେଚିତ ପ୍ରାର୍ଥୀଙ୍କୁ ପରବର୍ତ୍ତୀ ପର୍ଯ୍ୟାୟରେ ୭୫ ମାର୍କର ପର୍ସନାଲିଟି ଟେଷ୍ଟ ପାଇଁ ଡକାଯିବ। ଉଭୟ ପର୍ଯ୍ୟାୟରେ ପ୍ରାର୍ଥୀଙ୍କ ପ୍ରଦର୍ଶନକୁ ଆଧାର କରି ଚୂଡ଼ାନ୍ତ ମେରିଟ୍ ଲିଷ୍ଟ ପ୍ରସ୍ତୁତ ହେବ।

୨ଟି ପେପର, ମୋଟ ୬୦୦ ମାର୍କ

ଲିଖିତ ପରୀକ୍ଷାରେ ଦୁଇଟି ପେପର ରହିବ। ପ୍ରତ୍ୟେକ ପେପର ୩୦୦ ମାର୍କର ହେବ।

ପେପର-I:

ଏହା Objective Type ହେବ। ଏଥିରେ ୧୫୦ଟି ପ୍ରଶ୍ନ ରହିବ ଏବଂ ପ୍ରତ୍ୟେକ ପ୍ରଶ୍ନ ୨ ମାର୍କର ହେବ। General Awareness, ଓଡ଼ିଆ ଓ General English ଉପରେ ପ୍ରଶ୍ନ ଆସିବ। ଏହି ପେପରରେ Negative Marking ରହିବ। ଭୁଲ୍ ଉତ୍ତର ପାଇଁ ପ୍ରଶ୍ନକୁ ନିର୍ଦ୍ଧାରିତ ମାର୍କର ୨୫% କାଟି ଦିଆଯିବ।

କୌଣସି ପ୍ରଶ୍ନର ଉତ୍ତର ନଦେଲେ ମାର୍କ କଟିବ ନାହିଁ। Objective ପେପର OMR ଆଧାରିତ ହେବ ନା Computer-Based Test (CBT) ମାଧ୍ୟମରେ ହେବ, ସେନେଇ ନିଷ୍ପତ୍ତି OPSC ନେବ।

ପେପର-II:

ଏହି ପେପର ମଧ୍ୟ ୩୦୦ ମାର୍କର ହେବ ଏବଂ Subjective Type ପ୍ରଶ୍ନ ରହିବ। ଏଥିରେ ପ୍ରାର୍ଥୀଙ୍କ Education ବିଷୟର ଜ୍ଞାନ ପରୀକ୍ଷା କରାଯିବ। ସିଲାବସ୍‌ର ବିଭିନ୍ନ ଅଂଶରୁ କେତୋଟି ପ୍ରଶ୍ନ ରହିବ, ସେନେଇ OPSC ନିଷ୍ପତ୍ତି ନେବ।

ମେରିଟ୍‌ରେ ସମାନ ମାର୍କ ହେଲେ କିଏ ଆଗରେ?

ଦୁଇ କିମ୍ବା ଅଧିକ ପ୍ରାର୍ଥୀ ସମାନ ମାର୍କ ରଖିଲେ ପ୍ରଥମେ ଲିଖିତ ପରୀକ୍ଷାରେ ଅଧିକ ମାର୍କ ପାଇଥିବା ପ୍ରାର୍ଥୀଙ୍କୁ ମେରିଟ୍‌ରେ ଉପରେ ରଖାଯିବ। ଯଦି ଲିଖିତ ପରୀକ୍ଷାର ମାର୍କ ମଧ୍ୟ ସମାନ ରହେ, ତେବେ ମାଷ୍ଟର୍ସ ଡିଗ୍ରୀ ପରୀକ୍ଷାରେ ଅଧିକ ମାର୍କ ପାଇଥିବା ପ୍ରାର୍ଥୀଙ୍କୁ ଅଧିକ ମେରିଟ୍ ଦିଆଯିବ। ବିଭିନ୍ନ ବର୍ଗର ପ୍ରାର୍ଥୀଙ୍କ ପାଇଁ ପ୍ରତ୍ୟେକ ପେପର ଏବଂ/କିମ୍ବା ମୋଟ ମାର୍କରେ ଆବଶ୍ୟକୀୟ Qualifying Marks ମଧ୍ୟ OPSC ନିର୍ଦ୍ଧାରଣ କରିବ।

ଓଡ଼ିଶା ପବ୍ଲିକ୍ ସର୍ଭିସ କମିଶନ୍ (OPSC) ଏହି ନିଯୁକ୍ତି ପରୀକ୍ଷା ପରିଚାଳନା କରିବ। ସମଗ୍ର ନିଯୁକ୍ତି ପ୍ରକ୍ରିୟା Odisha Education Service (Method of Recruitment and Conditions of Service) Rules, 2019 ଅନୁଯାୟୀ ହେବ।

</description>

</item>

<item>

<title>

ଏଣିକି AEDP ଡିଗ୍ରୀକୁ ମିଳିବ ନିୟମିତ ଡିଗ୍ରୀର ମାନ୍ୟତା, ବଡ଼ ନିଷ୍ପତ୍ତି ନେଲେ ଓଡ଼ିଶା ସରକାର

</title>

<link>

https://khabarodisha.com/Education/odisha-directs-varsities-to-recognise-aedp-degrees-as-equivalent-to-regular-ug-degrees-153428

</link>

<guid>

https://khabarodisha.com/Education/odisha-directs-varsities-to-recognise-aedp-degrees-as-equivalent-to-regular-ug-degrees-153428

</guid>

Wed, 19 Aug 2026 06:14:00 GMT

</pubDate>

ଭୁବନେଶ୍ୱର: ରାଜ୍ୟର ଉଚ୍ଚଶିକ୍ଷା ବ୍ୟବସ୍ଥାରେ ବଡ଼ ପଦକ୍ଷେପ ନେଇଛନ୍ତି ଓଡ଼ିଶା ସରକାର। ଏଣିକି Apprenticeship Embedded Degree Programmes (AEDPs) ଅଧୀନରେ ପ୍ରଦାନ କରାଯାଉଥିବା ଡିଗ୍ରୀକୁ ସମ୍ପୃକ୍ତ ପାରମ୍ପରିକ ସ୍ନାତକ ଡିଗ୍ରୀ ସହ ସମାନ ମାନ୍ୟତା ମିଳିବ। ଉଚ୍ଚଶିକ୍ଷା ପାଇଁ ଏହି ଡିଗ୍ରୀଗୁଡ଼ିକୁ BA, BCom ଓ BSc ଭଳି ପାରମ୍ପରିକ ସ୍ନାତକ ଡିଗ୍ରୀ ସହ ସମକକ୍ଷ ଭାବେ ବିବେଚନା କରାଯିବ।

ଅଗଷ୍ଟ ୧୮ରେ ଜାରି ଏକ ଚିଠିରେ ରାଜ୍ୟର ସମସ୍ତ ବିଶ୍ୱବିଦ୍ୟାଳୟ ଓ ସ୍ୱୟଂଶାସିତ ମହାବିଦ୍ୟାଳୟକୁ ଉଚ୍ଚଶିକ୍ଷା ବିଭାଗ ଏନେଇ ନିର୍ଦ୍ଦେଶ ଦେଇଛି। ଛାତ୍ରଛାତ୍ରୀଙ୍କ ନିଯୁକ୍ତି ଯୋଗ୍ୟତା ବଢ଼ାଇବା ଉଦ୍ଦେଶ୍ୟରେ AEDP ଆରମ୍ଭ କରାଯାଇଥିବା ବିଭାଗ ପକ୍ଷରୁ କୁହାଯାଇଛି। ଏହି ନିଷ୍ପତ୍ତି UGCର ମାର୍ଚ୍ଚ ୨୦୨୫ର Apprenticeship Embedded Degree Programmes ସମ୍ପର୍କିତ ଗାଇଡଲାଇନ୍‌ ଆଧାରରେ ନିଆଯାଇଛି। UGC ନିର୍ଦ୍ଦେଶାବଳୀ ଅନୁଯାୟୀ, AEDP ଡିଗ୍ରୀକୁ ନିୟମିତ ସ୍ନାତକ ଡିଗ୍ରୀ ସହ ସମାନ ଭାବେ ବିଚାର କରାଯିବ।

ମାଷ୍ଟର୍ସ ଓ PhD ପଢ଼ିପାରିବେ ଛାତ୍ରଛାତ୍ରୀ

AEDP ଡିଗ୍ରୀଧାରୀ ଛାତ୍ରଛାତ୍ରୀ ଏଣିକି ଉଚ୍ଚଶିକ୍ଷାରୁ ବଞ୍ଚିତ ହେବେ ନାହିଁ। UGC ନିୟମ ଅନୁଯାୟୀ, AEDP ସମ୍ପୂର୍ଣ୍ଣ କରିଥିବା ଛାତ୍ରଛାତ୍ରୀ ମାଷ୍ଟର୍ସ ଏବଂ PhD ପ୍ରୋଗ୍ରାମରେ ନାମ ଲେଖାଇପାରିବେ। ଏହାଦ୍ୱାରା AEDPରେ ପଢ଼ୁଥିବା ଛାତ୍ରଛାତ୍ରୀଙ୍କ ମଧ୍ୟରେ ଉଚ୍ଚଶିକ୍ଷାକୁ ନେଇ ରହିଥିବା ଦ୍ୱନ୍ଦ୍ୱ ଦୂର ହେବ ବୋଲି ଆଶା କରାଯାଉଛି।

ପ୍ରତିଯୋଗିତାମୂଳକ ପରୀକ୍ଷା ପାଇଁ ମଧ୍ୟ ବ୍ୟବସ୍ଥା

କେବଳ ଉଚ୍ଚଶିକ୍ଷା ନୁହେଁ, AEDP ଛାତ୍ରଛାତ୍ରୀଙ୍କୁ ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷା ପାଇଁ ପ୍ରସ୍ତୁତ କରିବା ନେଇ ମଧ୍ୟ ବିଭାଗ ପଦକ୍ଷେପ ନେଇଛି। ବିଶ୍ୱବିଦ୍ୟାଳୟ ଓ ସ୍ୱୟଂଶାସିତ ମହାବିଦ୍ୟାଳୟଗୁଡ଼ିକୁ AEDP ଛାତ୍ରଛାତ୍ରୀଙ୍କ ପାଇଁ Multidisciplinary Courses (MDC) ଓ Skill Enhancement Courses (SEC) ମାଧ୍ୟମରେ ବିଭିନ୍ନ ପ୍ରତିଯୋଗିତାମୂଳକ ପରୀକ୍ଷା ସହ ଜଡ଼ିତ ବିଷୟ ପଢ଼ିବାର ସୁଯୋଗ ଦେବାକୁ କୁହାଯାଇଛି। ସରକାରଙ୍କ ଏହି ନିଷ୍ପତ୍ତି AEDP ଛାତ୍ରଛାତ୍ରୀଙ୍କ ଉଚ୍ଚଶିକ୍ଷା ଓ ନିଯୁକ୍ତି ସୁଯୋଗକୁ ଆହୁରି ସୁଦୃଢ଼ କରିବ ବୋଲି ଆଶା କରାଯାଉଛି।

</description>

</item>

<item>

<title>

ବିଦେଶରେ ପାଠ ପଢ଼ିବାକୁ ସରକାର ଦେବ ଟଙ୍କା; SC-ST ଛାତ୍ରଛାତ୍ରୀଙ୍କୁ ମିଳିବ ୫୦ ଲକ୍ଷ ଯାଏଁ ସହାୟତା, ଆଜିଠୁ ଆରମ୍ଭ ଆବେଦନ

</title>

<link>

https://khabarodisha.com/Education/big-opportunity-for-odisha-sc-st-students-government-to-fund-overseas-pg-phs-studies-153393

</link>

<guid>

https://khabarodisha.com/Education/big-opportunity-for-odisha-sc-st-students-government-to-fund-overseas-pg-phs-studies-153393

</guid>

Tue, 18 Aug 2026 12:01:00 GMT

</pubDate>

ଭୁବନେଶ୍ୱର: ବିଦେଶର ପ୍ରତିଷ୍ଠିତ ବିଶ୍ୱବିଦ୍ୟାଳୟରେ ଉଚ୍ଚଶିକ୍ଷା କରିବାକୁ ଇଚ୍ଛା ରଖୁଥିବା ଓଡ଼ିଶାର ମେଧାବୀ ଛାତ୍ରଛାତ୍ରୀଙ୍କ ପାଇଁ ବଡ଼ ଖୁସି ଖବର। ଅନୁସୂଚିତ ଜାତି (SC) ଓ ଅନୁସୂଚିତ ଜନଜାତି (ST) ବର୍ଗର ଛାତ୍ରଛାତ୍ରୀଙ୍କୁ ବିଦେଶରେ PG ଓ PhD ପଢ଼ିବା ପାଇଁ ଆର୍ଥିକ ସହାୟତା ଦେବାକୁ ଓଡ଼ିଶା ସରକାର ମଙ୍ଗଳବାର ‘ବିଦେଶ ଶିକ୍ଷାବୃତ୍ତି’ ଯୋଜନା ଆରମ୍ଭ କରିଛନ୍ତି।

ମୁଖ୍ୟମନ୍ତ୍ରୀ ମେଧାବୀ ଛାତ୍ର ପ୍ରୋତ୍ସାହନ ଯୋଜନା (MMCPY) ଅଧୀନରେ ଆରମ୍ଭ ହୋଇଥିବା ଏହି ସ୍କଲାରସିପ୍‌ ମାଧ୍ୟମରେ ପ୍ରତିବର୍ଷ ୫୦ ଜଣ ଛାତ୍ରଛାତ୍ରୀଙ୍କୁ ସହାୟତା ମିଳିବ। ଟ୍ୟୁସନ୍‌ ଫି’, ରହିବା ଖର୍ଚ୍ଚ ସହ ବିଦେଶରେ ପଢ଼ା ସମୟର ଅନ୍ୟାନ୍ୟ ଆବଶ୍ୟକ ଖର୍ଚ୍ଚ ପାଇଁ ସରକାର ଆର୍ଥିକ ସହାୟତା ଦେବେ।

ଅଗଷ୍ଟ ୧୮ରୁ ୩୧ ଯାଏଁ ଆବେଦନ

୨୦୨୫-୨୬ ଓ ୨୦୨୬-୨୭ ଶିକ୍ଷାବର୍ଷ ପାଇଁ ଯୋଗ୍ୟ ଛାତ୍ରଛାତ୍ରୀ ଅଗଷ୍ଟ ୧୮ରୁ ୩୧ ତାରିଖ ମଧ୍ୟରେ ଓଡ଼ିଶା ଷ୍ଟେଟ୍‌ ସ୍କଲାରସିପ୍‌ ପୋର୍ଟାଲ୍‌ ଜରିଆରେ ଆବେଦନ କରିପାରିବେ।

କିଏ କରିପାରିବେ ଆବେଦନ?

କେବଳ ଓଡ଼ିଶାର ସ୍ଥାୟୀ ବାସିନ୍ଦା SC ଓ ST ବର୍ଗର ଛାତ୍ରଛାତ୍ରୀ ଏହି ସୁବିଧା ପାଇପାରିବେ। ଆବେଦନକାରୀଙ୍କ ପାଖରେ ବିଦେଶର QS ରାଙ୍କିଙ୍ଗ୍‌ର ଶ୍ରେଷ୍ଠ ୨୦୦ ମଧ୍ୟରେ ଥିବା ବିଶ୍ୱବିଦ୍ୟାଳୟରୁ ଅନକଣ୍ଡିସନାଲ୍‌ ଆଡମିସନ୍‌ ଅଫର ରହିବା ଆବଶ୍ୟକ।

ପରିବାରର ବାର୍ଷିକ ମୋଟ ଆୟ ୧୨ ଲକ୍ଷ ଟଙ୍କାରୁ ଅଧିକ ହୋଇନଥିବା ଦରକାର। ପରିବାରର ସମସ୍ତ ସଦସ୍ୟଙ୍କ ଆୟ, ପେନସନ୍‌ ଆଦିକୁ ହିସାବରେ ନିଆଯିବ।

PG ଓ PhD ପାଇଁ ଅଲଗା ଯୋଗ୍ୟତା

PG ପାଠ୍ୟକ୍ରମ ପାଇଁ ସମ୍ପୃକ୍ତ ବ୍ୟାଚେଲର୍‌ ଡିଗ୍ରୀରେ ଅତିକମରେ ୬୫% ମାର୍କ ଏବଂ ବୟସ ୩୫ ବର୍ଷରୁ ଅଧିକ ହୋଇନଥିବା ଆବଶ୍ୟକ।ସେହିପରି PhD ପାଇଁ ସମ୍ପୃକ୍ତ ମାଷ୍ଟର୍‌ ଡିଗ୍ରୀରେ ଅତିକମରେ ୬୫% ମାର୍କ ଏବଂ ବୟସ ୪୦ ବର୍ଷରୁ ଅଧିକ ହୋଇନଥିବା ଦରକାର।

ବର୍ଷକୁ ମିଳିବ ୨୫ ଲକ୍ଷ!

ଏହି ଯୋଜନାରେ ଜଣେ ଛାତ୍ରଛାତ୍ରୀଙ୍କୁ ବର୍ଷକୁ ପ୍ରାୟ ୨୫ ଲକ୍ଷ ଟଙ୍କା ପର୍ଯ୍ୟନ୍ତ ଆର୍ଥିକ ସହାୟତା ମିଳିପାରିବ।

ଟ୍ୟୁସନ୍‌ ଫି’ ପାଇଁ ୧୫ ଲକ୍ଷ ଟଙ୍କା ପର୍ଯ୍ୟନ୍ତ
ରହିବା ଖର୍ଚ୍ଚ ପାଇଁ ୭ ଲକ୍ଷ ଟଙ୍କା
ଯାତ୍ରା, ବୀମା ଓ ଅନ୍ୟାନ୍ୟ ଖର୍ଚ୍ଚ ପାଇଁ ୩ ଲକ୍ଷ ଟଙ୍କା

ତେବେ ପ୍ରତି ପାଠ୍ୟକ୍ରମ ପାଇଁ ସମୁଦାୟ ସହାୟତା ୫୦ ଲକ୍ଷ ଟଙ୍କାରେ ସୀମିତ ରହିବ। ଜଣେ ଛାତ୍ର ଜୀବନକାଳରେ କେବଳ ଥରେ ଏହି ସ୍କଲାରସିପ୍‌ ନେଇପାରିବେ PG କିମ୍ବା PhD ମଧ୍ୟରୁ ଯେକୌଣସି ଗୋଟିଏ ପାଇଁ।

QS ରାଙ୍କିଙ୍ଗ୍‌ ଆଧାରରେ ଚୟନ

ବିଦେଶୀ ବିଶ୍ୱବିଦ୍ୟାଳୟର QS ରାଙ୍କିଙ୍ଗ୍‌ ମୁଖ୍ୟତଃ ଚୟନର ଆଧାର ହେବ। ଉଚ୍ଚ ରାଙ୍କିଙ୍ଗ୍‌ ବିଶ୍ୱବିଦ୍ୟାଳୟରେ ଆଡମିସନ୍‌ ପାଇଥିବା ପ୍ରାର୍ଥୀଙ୍କୁ ଅଧିକ ପ୍ରାଥମିକତା ମିଳିବ। ସମାନ ରାଙ୍କ୍‌ ହେଲେ ପୂର୍ବ ପରୀକ୍ଷାର ମାର୍କ ଏବଂ ପରେ ପରିବାରର ଆୟକୁ ବିଚାର କରାଯିବ।

ଓଡ଼ିଶା ଷ୍ଟେଟ୍‌ ହାୟର ଏଜୁକେସନ୍‌ କାଉନସିଲ୍‌ (OSHEC) ଏହି ପ୍ରକ୍ରିୟାର ନୋଡାଲ୍‌ ଏଜେନ୍ସି ଭାବେ କାମ କରିବ। ଚୟନ କମିଟି ଆବେଦନ ଯାଞ୍ଚ କରିବା ସହ ଶିକ୍ଷାଗତ ଯୋଗ୍ୟତା, ଆଡମିସନ୍‌ ଓ ବିଶ୍ୱବିଦ୍ୟାଳୟର ରାଙ୍କିଙ୍ଗ୍‌ ଯାଞ୍ଚ କରିବ। ଆବଶ୍ୟକ ହେଲେ ପ୍ରାର୍ଥୀଙ୍କ ସାକ୍ଷାତକାର ମଧ୍ୟ ନିଆଯିବ।

ତେବେ ଏହି ସ୍କଲାରସିପ୍‌ ନେଉଥିବା ଛାତ୍ରଛାତ୍ରୀ ସମାନ ପାଠ୍ୟକ୍ରମ ପାଇଁ ଅନ୍ୟ କୌଣସି ସ୍କଲାରସିପ୍‌, ଫେଲୋସିପ୍‌, ଗ୍ରାଣ୍ଟ କିମ୍ବା ଷ୍ଟାଇପେଣ୍ଡ ନେଇପାରିବେ ନାହିଁ। ନିୟମ ଉଲ୍ଲଂଘନ କଲେ ସ୍କଲାରସିପ୍‌ ବାତିଲ ସହ ଟଙ୍କା ସୁଧ ସହିତ ଫେରସ୍ତ ନେବାର ବ୍ୟବସ୍ଥା ରହିଛି। ଏହି ଯୋଜନା ଆର୍ଥିକ ଅସୁବିଧା କାରଣରୁ ବିଦେଶରେ ଉଚ୍ଚଶିକ୍ଷାର ସୁଯୋଗରୁ ବଞ୍ଚିତ ହେଉଥିବା ଓଡ଼ିଶାର ମେଧାବୀ SC-ST ଛାତ୍ରଛାତ୍ରୀଙ୍କ ପାଇଁ ଏକ ବଡ଼ ସୁଯୋଗ ସୃଷ୍ଟି କରିବ ବୋଲି ଆଶା କରାଯାଉଛି।

</description>

</item>

<item>

<title>

ବଡ଼ ଖବର: ଆଜି ପ୍ରକାଶ ପାଇବ ମାଟ୍ରିକ୍ ସପ୍ଲିମେଣ୍ଟାରୀ ରେଜଲ୍ଟ, ୪ଟା ୩୦ରେ ଫଳ ଘୋଷଣା

</title>

<link>

https://khabarodisha.com/Education/bse-odisha-to-publish-supplementary-hsc-and-open-school-results-today-153055

</link>

<guid>

https://khabarodisha.com/Education/bse-odisha-to-publish-supplementary-hsc-and-open-school-results-today-153055

</guid>

Wed, 12 Aug 2026 08:28:00 GMT

</pubDate>

ଭୁବନେଶ୍ୱର: ମାଟ୍ରିକ୍ ପରୀକ୍ଷାରେ ସଫଳତା ଅପେକ୍ଷାରେ ଥିବା ହଜାର ହଜାର ଛାତ୍ରଛାତ୍ରୀଙ୍କ ପାଇଁ ବଡ଼ ଖବର। ଆଜି ପ୍ରକାଶ ପାଇବ Supplementary High School Certificate (SHSC) 2026 ଏବଂ State Open School Certificate Examination (SOSC) 2026 (2nd) ରେଜଲ୍ଟ। ଏନେଇ ବୋର୍ଡ ଅଫ୍ ସେକେଣ୍ଡାରୀ ଏଜୁକେସନ୍‌ (BSE), ଓଡ଼ିଶା ପକ୍ଷରୁ ଅଫିସିଆଲ୍ ଘୋଷଣା କରାଯାଇଛି।

ବୋର୍ଡର ସୂଚନା ଅନୁସାରେ, ଆଜି ଅପରାହ୍ନ ୪ଟା ୩୦ରେ ଦୁଇଟି ପରୀକ୍ଷାର ଫଳାଫଳ ଘୋଷଣା ହେବ। ତେବେ ଛାତ୍ରଛାତ୍ରୀମାନେ ସନ୍ଧ୍ୟା ୫ଟା ପରଠାରୁ ଅନଲାଇନ୍‌ରେ ନିଜ ରେଜଲ୍ଟ ଦେଖିପାରିବେ।

ରେଜଲ୍ଟ ଜାଣିବା ପାଇଁ ଛାତ୍ରଛାତ୍ରୀମାନେ BSE ଓଡ଼ିଶାର ଅଫିସିଆଲ୍ ୱେବସାଇଟ୍‌କୁ ଯାଇ ନିଜ ରୋଲ୍ ନମ୍ବର ଦେଇ ଫଳାଫଳ ଯାଞ୍ଚ କରିପାରିବେ। ୱେବସାଇଟ୍‌ରେ ରେଜଲ୍ଟ ଲିଙ୍କ୍ ଆକ୍ଟିଭ୍ ହେବା ପରେ ସେଠାରୁ ମାର୍କସିଟ୍ ମଧ୍ୟ ଦେଖିପାରିବେ।

SMSରେ ବି ଜାଣିପାରିବେ ରେଜଲ୍ଟ

ଯେଉଁ ଛାତ୍ରଛାତ୍ରୀଙ୍କ ପାଖରେ ଇଣ୍ଟରନେଟ୍ ସୁବିଧା ନାହିଁ, ସେମାନଙ୍କ ପାଇଁ ମଧ୍ୟ ବୋର୍ଡ ପକ୍ଷରୁ ବିକଳ୍ପ ବ୍ୟବସ୍ଥା କରାଯାଇଛି। SMS ମାଧ୍ୟମରେ ମଧ୍ୟ ରେଜଲ୍ଟ ଜାଣିହେବ। ଏଥିପାଇଁ ମୋବାଇଲ୍‌ର ମେସେଜ୍‌ ବକ୍ସରେ OR10<RollNo> ଟାଇପ୍ କରି 5676750 ନମ୍ବରକୁ ପଠାଇବାକୁ ପଡ଼ିବ। ଏହାପରେ ଛାତ୍ରଛାତ୍ରୀଙ୍କ ରେଜଲ୍ଟ SMS ମାଧ୍ୟମରେ ମିଳିପାରିବ।

ଅଗଷ୍ଟ ୧୭ରୁ ଡିଜିଟାଲ୍ ସାର୍ଟିଫିକେଟ୍

କେବଳ ରେଜଲ୍ଟ ନୁହେଁ, ସଫଳ ଛାତ୍ରଛାତ୍ରୀଙ୍କ ପାଇଁ ଡିଜିଟାଲ୍ ସାର୍ଟିଫିକେଟ୍‌ର ବ୍ୟବସ୍ଥା ମଧ୍ୟ ରହିଛି। ଅଗଷ୍ଟ ୧୭, ୨୦୨୬ରୁ ସଫଳ ପରୀକ୍ଷାର୍ଥୀମାନେ ଡିଜିଟାଲ୍ ସାର୍ଟିଫିକେଟ୍ ଡାଉନଲୋଡ୍ କରିପାରିବେ। ରେଜଲ୍ଟ ପ୍ରକାଶ ପରେ ଛାତ୍ରଛାତ୍ରୀମାନେ ନିଜର ନାମ, ରୋଲ୍ ନମ୍ବର ଓ ଅନ୍ୟାନ୍ୟ ତଥ୍ୟ ଭଲ ଭାବେ ଯାଞ୍ଚ କରିବା ସହ ଭବିଷ୍ୟତ ପାଇଁ ଡିଜିଟାଲ୍ କପି ସୁରକ୍ଷିତ ରଖିବାକୁ ବୋର୍ଡ ପକ୍ଷରୁ ପରାମର୍ଶ ଦିଆଯାଇଛି।

</description>

</item>

<item>

<title>

NEP-2020 ଅନୁଯାୟୀ ୬ ସପ୍ତାହର ଇଣ୍ଟର୍ନସିପ୍ ହେବ ବାଧ୍ୟତାମୂଳକ; ସରକାରୀ କାର୍ଯ୍ୟାଳୟରୁ ଆଇଟି କମ୍ପାନୀ ପର୍ଯ୍ୟନ୍ତ ସୃଷ୍ଟି ହେବ ସୁଯୋଗ

</title>

<link>

https://khabarodisha.com/Education/Internship-to-Be-Mandatory-for-Odisha-Degree-Students-Under-NEP-2020-152756

</link>

<guid>

https://khabarodisha.com/Education/Internship-to-Be-Mandatory-for-Odisha-Degree-Students-Under-NEP-2020-152756

</guid>

Fri, 07 Aug 2026 07:37:00 GMT

</pubDate>

ଭୁବନେଶ୍ୱର: ରାଜ୍ୟର ଉଚ୍ଚଶିକ୍ଷା ବ୍ୟବସ୍ଥାରେ ଆସୁଛି ଏକ ବଡ଼ ପରିବର୍ତ୍ତନ। ଜାତୀୟ ଶିକ୍ଷା ନୀତି (NEP)-୨୦୨୦ ଅନୁଯାୟୀ ଏଣିକି ସ୍ନାତକ ପାଠ୍ୟକ୍ରମରେ ପଢ଼ୁଥିବା ପ୍ରତିବର୍ଷ ଦୁଇ ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ପାଇଁ ୬ ସପ୍ତାହ ବା ୩୫ କାର୍ଯ୍ୟଦିବସର ବାଧ୍ୟତାମୂଳକ ଇଣ୍ଟର୍ନସିପ୍ ଓ କମ୍ୟୁନିଟି ଏନ୍‌ଗେଜମେଣ୍ଟ କାର୍ଯ୍ୟକ୍ରମ ଆରମ୍ଭ ହେବ। ଏହାକୁ ରାଜ୍ୟବ୍ୟାପୀ ସଫଳ କରିବା ପାଇଁ ଉଚ୍ଚଶିକ୍ଷା ବିଭାଗ ବିଭିନ୍ନ ସରକାରୀ ବିଭାଗକୁ ପଦକ୍ଷେପ ନେବାକୁ ନିର୍ଦ୍ଦେଶ ଦେଇଛି।

ଏହି ନୂଆ ବ୍ୟବସ୍ଥା ଅନୁସାରେ ସରକାରୀ କାର୍ଯ୍ୟାଳୟ, ସରକାରୀ ଉଦ୍ୟୋଗ (PSU), ଏମ୍‌ଏସ୍‌ଏମ୍‌ଇ, ଆଇଟି କମ୍ପାନୀ, ଷ୍ଟାର୍ଟଅପ୍, ଶିଳ୍ପ ସଂସ୍ଥା, ବ୍ୟାଙ୍କ, ଗଣମାଧ୍ୟମ, ବ୍ଲକ ଓ ତହସିଲ କାର୍ଯ୍ୟାଳୟ, ଅଙ୍ଗନୱାଡ଼ି କେନ୍ଦ୍ର, ସ୍ୱାସ୍ଥ୍ୟକେନ୍ଦ୍ର, ବିଦ୍ୟାଳୟ, ବିଶ୍ୱବିଦ୍ୟାଳୟ, ଗବେଷଣା ପ୍ରତିଷ୍ଠାନ ଓ ପଞ୍ଜୀକୃତ ସ୍ୱେଚ୍ଛାସେବୀ ସଂଗଠନରେ ଇଣ୍ଟର୍ନସିପ୍ ସୁଯୋଗ ସୃଷ୍ଟି କରାଯିବ। ଏଥିପାଇଁ ରାଜ୍ୟବ୍ୟାପୀ ଉପଲବ୍ଧ ଇଣ୍ଟର୍ନସିପ୍ ସୁଯୋଗର ମ୍ୟାପିଂ କରାଯିବ।

ଉଚ୍ଚଶିକ୍ଷା ବିଭାଗ ସମସ୍ତ ପ୍ରଶାସନିକ ବିଭାଗକୁ ନିଜ ଅଧୀନସ୍ଥ କାର୍ଯ୍ୟାଳୟ ଓ ପ୍ରତିଷ୍ଠାନରେ ଥିବା ଇଣ୍ଟର୍ନସିପ୍ ସୁବିଧା ସମ୍ପର୍କିତ ତଥ୍ୟ ଗୁଗୁଲ୍ ଫର୍ମ ମାଧ୍ୟମରେ ଦେବାକୁ କହିଛି। ସେହିପରି ପ୍ରତ୍ୟେକ ବିଭାଗରେ ଜଣେ ନୋଡାଲ ଅଧିକାରୀ ନିଯୁକ୍ତ କରାଯିବ, ଯିଏ ଉଚ୍ଚଶିକ୍ଷା ବିଭାଗ ସହ ସମନ୍ୱୟ ରକ୍ଷା କରିବେ।

ଇଣ୍ଟର୍ନସିପ୍ ସଫଳତାର ସହ ସମ୍ପୂର୍ଣ୍ଣ କରିଥିବା ଛାତ୍ରଛାତ୍ରୀ ୪ଟି ଏକାଡେମିକ୍ କ୍ରେଡିଟ୍ ହାସଲ କରିବେ। ଏହା ଦ୍ୱାରା ସେମାନଙ୍କର ବୃତ୍ତିଗତ ଦକ୍ଷତା, କାର୍ଯ୍ୟକ୍ଷେତ୍ରର ଅଭିଜ୍ଞତା ଓ ନିଯୁକ୍ତିଯୋଗ୍ୟତା ବୃଦ୍ଧି ପାଇବ ବୋଲି ବିଭାଗ ଆଶା ପ୍ରକାଶ କରିଛି। ଶିକ୍ଷା ସହ ପ୍ରାୟୋଗିକ ଅନୁଭୂତିର ସମନ୍ୱୟ ଘଟାଇବା ଏହି ଯୋଜନାର ମୁଖ୍ୟ ଲକ୍ଷ୍ୟ।

ତେବେ ଏହି ଇଣ୍ଟର୍ନସିପ୍ ଅଣ-ପାରିଶ୍ରମିକ (Non-Stipendiary) ମଡେଲରେ ପରିଚାଳିତ ହେବ। ଅର୍ଥାତ୍ ଇଣ୍ଟର୍ନସିପ୍ କରୁଥିବା ଛାତ୍ରଛାତ୍ରୀଙ୍କୁ କୌଣସି ଷ୍ଟାଇପେଣ୍ଡ ମିଳିବ ନାହିଁ ଏବଂ ସରକାର କିମ୍ବା ଇଣ୍ଟର୍ନସିପ୍ ପ୍ରଦାନକାରୀ ସଂସ୍ଥା ଉପରେ ମଧ୍ୟ କୌଣସି ଆର୍ଥିକ ବୋଝ ପଡ଼ିବ ନାହିଁ।

ଛାତ୍ରଛାତ୍ରୀଙ୍କ ଚୟନ ଶିକ୍ଷାଗତ ଯୋଗ୍ୟତା, ଉପସ୍ଥିତି, ଷ୍ଟେଟମେଣ୍ଟ ଅଫ୍ ପର୍ପୋଜ୍ (SOP) ଓ ସଂସ୍ଥାର ଆବଶ୍ୟକତା ଆଧାରରେ ଡିଜିଟାଲ୍ ପୋର୍ଟାଲ୍ ମାଧ୍ୟମରେ କରାଯିବ। ଏହା ସହ ଦୈନିକ ଲଗ୍‌ବୁକ୍, ଭାଇଭା ମୂଲ୍ୟାୟନ ଓ ଅନ୍‌ଲାଇନ୍ ଅଭିଯୋଗ ନିରାକରଣ ବ୍ୟବସ୍ଥା ମଧ୍ୟ ରହିବ।

ଏହି ନୂଆ ବ୍ୟବସ୍ଥା ଶିକ୍ଷା, ଶିଳ୍ପ ଓ ସରକାରଙ୍କ ମଧ୍ୟରେ ସେତୁବନ୍ଧ ସୃଷ୍ଟି କରିବା ସହ ଛାତ୍ରଛାତ୍ରୀଙ୍କୁ ବାସ୍ତବ କାର୍ଯ୍ୟକ୍ଷେତ୍ରର ଅଭିଜ୍ଞତା ଦେବାରେ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି ଶିକ୍ଷାବିତ୍‌ମାନେ ମତ ପ୍ରକାଶ କରିଛନ୍ତି।

</description>

</item>

<item>

<title>

+୨ ସ୍ପଟ୍ ସିଲେକ୍ସନ ତାଲିକା ପ୍ରକାଶ; ୭,୩୩୮ ଜଣଙ୍କୁ ମିଳିଲା ପ୍ରଥମ ପସନ୍ଦ କଲେଜ, କଳା ବିଭାଗରେ ସର୍ବାଧିକ ଭର୍ତ୍ତି

</title>

<link>

https://khabarodisha.com/Education/odisha-2-spot-admission-2026-25332-students-selected-152712

</link>

<guid>

https://khabarodisha.com/Education/odisha-2-spot-admission-2026-25332-students-selected-152712

</guid>

Thu, 06 Aug 2026 12:29:00 GMT

</pubDate>

ଭୁବନେଶ୍ୱର: ଉଚ୍ଚମାଧ୍ୟମିକ (+୨) ଶିକ୍ଷା ପାଇଁ ଚାଲିଥିବା ୨୦୨୬-୨୭ ଶିକ୍ଷାବର୍ଷର SAMS e-Admission ପ୍ରକ୍ରିୟାର ଫେଜ୍-୧ SPOT ଆଡମିଶନ ଚୟନ ତାଲିକା ପ୍ରକାଶ ପାଇଛି। ଏଥିରେ ରାଜ୍ୟର ବିଭିନ୍ନ ଜୁନିୟର କଲେଜରେ ମୋଟ ୨୫,୩୩୨ ଜଣ ଛାତ୍ରଛାତ୍ରୀ ଭର୍ତ୍ତି ପାଇଁ ଚୟନ ହୋଇଛନ୍ତି।

ଅଧିକାରୀମାନଙ୍କ ସୂଚନା ଅନୁସାରେ, ଏହି ଚୟନ ତାଲିକାରେ ୩,୭୮୬ ଜଣ ନୂଆ ପ୍ରାର୍ଥୀ ସୁଯୋଗ ପାଇଛନ୍ତି। ଏମାନେ ପୂର୍ବରୁ ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ଚୟନ ତାଲିକାରେ ସ୍ଥାନ ପାଇନଥିଲେ।

ବିଭାଗଭିତ୍ତିକ ଚୟନ ଦେଖିଲେ କଳା (Arts)ରେ ସର୍ବାଧିକ ୧୪,୧୮୦ ଜଣ ଛାତ୍ରଛାତ୍ରୀ ଚୟନ ହୋଇଛନ୍ତି। ସେହିପରି ବିଜ୍ଞାନ (Science)ରେ ୭,୨୨୬, ବାଣିଜ୍ୟ (Commerce)ରେ ୨,୬୦୧, ଧନ୍ଦାମୂଳକ (Vocational)ରେ ୧,୦୬୮ ଏବଂ ସଂସ୍କୃତ ବିଭାଗରେ ୨୫୭ ଜଣ ଚୟନ ହୋଇଛନ୍ତି।

SPOT ଚୟନ ପାଇଁ ମୋଟ ୪୮,୫୩୬ ଜଣ ପ୍ରାର୍ଥୀଙ୍କୁ ବିଚାର କରାଯାଇଥିଲା। ସେଥିମଧ୍ୟରୁ ୨୫,୩୩୨ ଜଣ ଚୟନ ହୋଇଥିବା ବେଳେ ୨୩,୨୦୪ ଜଣ ଚୟନ ହୋଇପାରିନାହାନ୍ତି। ପ୍ରଥମ, ଦ୍ୱିତୀୟ ଓ SPOT ଚୟନ ପରେ ମଧ୍ୟ ୨୦,୪୫୦ ଜଣ ପ୍ରାର୍ଥୀ ଏପର୍ଯ୍ୟନ୍ତ ଚୟନ ବାହାରେ ରହିଛନ୍ତି। ଏହାଛଡ଼ା, ମୋଟ ୭,୩୩୮ ଜଣ ପ୍ରାର୍ଥୀ ସେମାନଙ୍କ ପ୍ରଥମ ପସନ୍ଦର କଲେଜ ଓ ବିଭାଗରେ ସିଟ୍ ପାଇଛନ୍ତି।

ଚୟନ ହୋଇଥିବା ଛାତ୍ରଛାତ୍ରୀଙ୍କୁ SAMS ପୋର୍ଟାଲରେ ଲଗ୍‌ଇନ୍ କରି ଆଡମିଶନ, ଡକ୍ୟୁମେଣ୍ଟ ଯାଞ୍ଚ ଓ ପରବର୍ତ୍ତୀ ପ୍ରକ୍ରିୟା ସମ୍ବନ୍ଧୀୟ ସମସ୍ତ ସୂଚନା ଯାଞ୍ଚ କରିବାକୁ ବିଭାଗ ପକ୍ଷରୁ ପରାମର୍ଶ ଦିଆଯାଇଛି। ପରବର୍ତ୍ତୀ ପର୍ଯ୍ୟାୟର e-Admission କାର୍ଯ୍ୟସୂଚୀ ଖୁବ୍ ଶୀଘ୍ର ପ୍ରକାଶ କରାଯିବ ବୋଲି ଜଣାପଡ଼ିଛି।

</description>

</item>

<item>

<title>

ବନ୍ୟା ପାଇଁ ବଢ଼ିଲା ମାଟ୍ରିକ ଫର୍ମ ଫିଲ୍-ଅପ୍ ତାରିଖ; ଅଗଷ୍ଟ ୧୪ ଯାଏଁ ସୁଯୋଗ

</title>

<link>

https://khabarodisha.com/Education/odisha-extends-matric-exam-2027-form-fill-up-deadline-till-august-14-amid-flood-situation-152372

</link>

<guid>

https://khabarodisha.com/Education/odisha-extends-matric-exam-2027-form-fill-up-deadline-till-august-14-amid-flood-situation-152372

</guid>

Fri, 31 Jul 2026 12:31:00 GMT

</pubDate>

ଭୁବନେଶ୍ୱର: ରାଜ୍ୟରେ ଜାରି ରହିଥିବା ବନ୍ୟା ପରିସ୍ଥିତି ମଧ୍ୟରେ ମାଟ୍ରିକ ଛାତ୍ରଛାତ୍ରୀଙ୍କୁ ମିଳିଛି ବଡ଼ ଆଶ୍ୱସ୍ତି। ବନ୍ୟା ଯୋଗୁଁ ବିଭିନ୍ନ ଅଞ୍ଚଳରେ ସୃଷ୍ଟି ହୋଇଥିବା ଯାତାୟାତ ଓ ଇଣ୍ଟରନେଟ୍ ସମସ୍ୟାକୁ ଦୃଷ୍ଟିରେ ରଖି ମାଟ୍ରିକ ପରୀକ୍ଷା-୨୦୨୭ ପାଇଁ ଫର୍ମ ଫିଲ୍-ଅପ୍ ତାରିଖ ବୃଦ୍ଧି କରିଛି ମାଧ୍ୟମିକ ଶିକ୍ଷା ବୋର୍ଡ, ଓଡ଼ିଶା (BSE)।

ପୂର୍ବରୁ ଜୁଲାଇ ୩୧ ତାରିଖ ଫର୍ମ ଫିଲ୍-ଅପ୍‌ର ଶେଷ ତାରିଖ ରହିଥିଲା। ତେବେ ବର୍ତ୍ତମାନ ଛାତ୍ରଛାତ୍ରୀମାନେ ଅଗଷ୍ଟ ୧୪ ତାରିଖ ପର୍ଯ୍ୟନ୍ତ ମାଟ୍ରିକ ପରୀକ୍ଷା ପାଇଁ ଆବେଦନ ଫର୍ମ ପୂରଣ କରିପାରିବେ। ଶୁକ୍ରବାର ବୋର୍ଡ ପକ୍ଷରୁ ଏନେଇ ସୂଚନା ଦିଆଯାଇଛି।

ବନ୍ୟା ପ୍ରଭାବିତ ଜିଲ୍ଲାଗୁଡ଼ିକରେ ଅନେକ ବିଦ୍ୟାଳୟର ସ୍ୱାଭାବିକ କାର୍ଯ୍ୟ ପ୍ରଭାବିତ ହୋଇଛି। ରାସ୍ତାଘାଟରେ ପାଣି, ଯାତାୟାତରେ ବାଧା, ଇଣ୍ଟରନେଟ୍ ସଂଯୋଗରେ ସମସ୍ୟା ସହ ଅନ୍ୟାନ୍ୟ ସମସ୍ୟା ଯୋଗୁଁ ଅନେକ ଛାତ୍ରଛାତ୍ରୀ ନିର୍ଦ୍ଧାରିତ ସମୟ ମଧ୍ୟରେ ଅନଲାଇନ୍ ଫର୍ମ ପୂରଣ କରିପାରିନଥିଲେ। ଏଭଳି ସ୍ଥିତିରେ ଯୋଗ୍ୟ ଛାତ୍ରଛାତ୍ରୀ ଯେପରି ପରୀକ୍ଷା ଦେବାରୁ ବଞ୍ଚିତ ନହୁଅନ୍ତି, ସେଥିପାଇଁ ବୋର୍ଡ ଏହି ସମୟସୀମା ବଢ଼ାଇଛି।

ସଂଶୋଧିତ ସମୟସୀମା ମଧ୍ୟରେ ସମସ୍ତ ଯୋଗ୍ୟ ଛାତ୍ରଛାତ୍ରୀଙ୍କ ଫର୍ମ ଫିଲ୍-ଅପ୍ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ ବିଦ୍ୟାଳୟ କର୍ତ୍ତୃପକ୍ଷ ଓ ପ୍ରଧାନଶିକ୍ଷକମାନଙ୍କୁ ବୋର୍ଡ ପକ୍ଷରୁ ନିର୍ଦ୍ଦେଶ ଦିଆଯାଇଛି। ଶେଷ ଦିନକୁ ଅପେକ୍ଷା ନକରି ଯଥାଶୀଘ୍ର ଫର୍ମ ପୂରଣ କରିବାକୁ ମଧ୍ୟ ପରାମର୍ଶ ଦିଆଯାଇଛି, ଯାହାଦ୍ୱାରା ଶେଷ ମୁହୂର୍ତ୍ତରେ କୌଣସି ବୈଷୟିକ ସମସ୍ୟା ହେଲେ ଅସୁବିଧା ନହୁଏ।

</description>

</item>

</rss>

</channel>