ସୋସିଆଲ ମିଡିଆରେ ଭାଇରାଲ ହୋଇଥିବା ChatGPT ‘80s ଟ୍ରେଣ୍ଡ’ ଏବେ କେବଳ ନଷ୍ଟାଲଜିଆରେ ସୀମିତ ରହିନାହିଁ। ଏହାକୁ ନେଇ ଆରମ୍ଭ ହୋଇଛି କଂଗ୍ରେସ ଓ ଭାରତୀୟ ଜନତା ପାର୍ଟି (ବିଜେପି) ମଧ୍ୟରେ ଜୋରଦାର ରାଜନୈତିକ ବାକଯୁଦ୍ଧ। AI ଦ୍ୱାରା ତିଆରି ହୋଇଥିବା ୧୯୮୦ ଦଶକର ଫଟୋକୁ ଅସ୍ତ୍ର କରି ଉଭୟ ଦଳ ପରସ୍ପରକୁ କଟାକ୍ଷ କରିଛନ୍ତି।

ସବୁକିଛି ଆରମ୍ଭ ହୋଇଥିଲା କେରଳ କଂଗ୍ରେସର ଏକ X ପୋଷ୍ଟରୁ। ପୋଷ୍ଟରେ AI ଦ୍ୱାରା ସୃଷ୍ଟି ହୋଇଥିବା ଏକ ଚିତ୍ରରେ ମାରୁତି ସୁଜୁକି ଓମ୍ନି ଭ୍ୟାନର ଡ୍ରାଇଭର ସିଟ୍‌ରେ ବସିଥିବା ଜଣେ ବ୍ୟକ୍ତିଙ୍କୁ ଦେଖାଯାଇଥିଲା। କ୍ୟାପସନ୍ ଥିଲା “A Gujarat street in the 80s.” ଏହାକୁ ବିଜେପି ସରକାର ଉପରେ ପରୋକ୍ଷ ବ୍ୟଙ୍ଗ ବୋଲି ଧରାଯାଉଛି।

ତେବେ ପୋଷ୍ଟଟି ଭାଇରାଲ ହେବା ପରେ ଅନେକ ୟୁଜର ଏକ ରୋଚକ ତଥ୍ୟ ଧରିପକାଇଥିଲେ। ରାସ୍ତା କଡ଼ରେ ଥିବା ଏକ ପୋଷ୍ଟରରେ ହିନ୍ଦୀରେ ଲେଖା ଥିଲା “Please Smile, You Are in Delhi”। ଫଳରେ ଗୁଜରାଟର ଦାବିକୁ ନେଇ ମଧ୍ୟ ପ୍ରଶ୍ନ ଉଠିଥିଲା।

ଏହାର କଡ଼ା ଜବାବ ଦେଇଥିଲା ବିଜେପିର ତେଲେଙ୍ଗାନା ୟୁନିଟ୍। ସେମାନେ ଏକ AI ଚିତ୍ର ପୋଷ୍ଟ କରିଥିଲେ, ଯେଉଁଥିରେ ଲାଲ ପୋଷାକ ପିନ୍ଧିଥିବା ଜଣେ ମହିଳା ବାର୍ ଭିତରେ ଟେବୁଲ୍ ଉପରେ ନୃତ୍ୟ କରୁଥିବା ଦେଖାଯାଇଥିଲେ। କ୍ୟାପସନ୍ ଥିଲା “Lusiana, Italy. Circa 1970s.” କାହାର ନାମ ଉଲ୍ଲେଖ ନଥିଲେ ମଧ୍ୟ ଏହା କଂଗ୍ରେସ ନେତ୍ରୀ ସୋନିଆ ଗାନ୍ଧୀଙ୍କ ଜନ୍ମସ୍ଥାନକୁ ଇଙ୍ଗିତ କରୁଥିବା ଚର୍ଚ୍ଚା ହେଉଛି।

ଏହି ବିବାଦ ମଧ୍ୟରେ ମାରୁତି ଓମ୍ନି ଭ୍ୟାନ ପୁଣି ଥରେ ଆଲୋଚନାରେ ଆସିଛି। ୧୯୮୪ରେ ଭାରତରେ ଲଞ୍ଚ ହୋଇଥିବା ଏହି ଗାଡ଼ି ବଲିଉଡ଼ର ଅନେକ ସିନେମାରେ ଗ୍ୟାଙ୍ଗଷ୍ଟର ଓ ଭିଲେନଙ୍କ ଯାନ ଭାବେ ଦେଖାଯାଉଥିଲା। ସେଥିପାଇଁ ଏହାକୁ ନେଇ ‘Kidnapping Van’ ମିମ୍ ମଧ୍ୟ ବେଶ୍ ଲୋକପ୍ରିୟ ହୋଇଥିଲା।

ଏହି ଟ୍ରେଣ୍ଡରେ ରାଜନେତାମାନେ ମଧ୍ୟ ପଛରେ ରହିନାହାନ୍ତି। କେନ୍ଦ୍ରମନ୍ତ୍ରୀ କିରେନ ରିଜିଜୁ ନିଜର ୮୦ ଦଶକର AI ଫଟୋ ସେୟାର କରି ଲେଖିଥିଲେ, “ସମସ୍ତେ ୮୦ ଦଶକକୁ ଫେରୁଛନ୍ତି, ମୁଁ ବି ନଷ୍ଟାଲଜିଆରେ।” ଅନ୍ୟପଟେ ପୀୟୂଷ ଗୋୟଲ ମଧ୍ୟ ହସୁଥିବା ଇମୋଜି ସହ ନିଜର ରେଟ୍ରୋ ଲୁକ୍ ପୋଷ୍ଟ କରିଥିଲେ।

ବାସ୍ତବରେ ChatGPT ‘80s ଟ୍ରେଣ୍ଡ’ ହେଉଛି AI ମାଧ୍ୟମରେ ଆଧୁନିକ ଫଟୋକୁ ୧୯୮୦ ଦଶକର ରଙ୍ଗ, ପୋଷାକ, ହେୟାରଷ୍ଟାଇଲ୍ ଓ ପରିବେଶରେ ପରିଣତ କରିବାର ଏକ ଲୋକପ୍ରିୟ ପ୍ରୟାସ। ସାଧାରଣ ୟୁଜର, ସେଲିବ୍ରିଟିଙ୍କ ପରେ ଏବେ ରାଜନୈତିକ ଦଳମାନେ ମଧ୍ୟ ଏହି ଟ୍ରେଣ୍ଡକୁ ପ୍ରଚାର ଓ ପରସ୍ପର ଆକ୍ରମଣର ନୂଆ ମାଧ୍ୟମରେ ପରିଣତ କରିଛନ୍ତି। 

ନୂଆଦିଲ୍ଲୀ: ସୋସିଆଲ ମିଡିଆରେ ଏବେ ଛାଇଯାଇଛି ‘80s AI Photo Trend’। ସାଧାରଣ ସେଲ୍ଫିକୁ କୃତ୍ରିମ ବୁଦ୍ଧିମତା (AI) ସାହାଯ୍ୟରେ ୧୯୮୦ ଦଶକର ଭିଣ୍ଟେଜ୍ ଷ୍ଟୁଡିଓ ଫଟୋରେ ପରିଣତ କରୁଛନ୍ତି ୟୁଜର୍ସ। ପୁରୁଣା ପାରିବାରିକ ଆଲବମ୍ କିମ୍ବା ବଲିଉଡ୍ ଷ୍ଟାଇଲ୍ ଫଟୋଶୁଟ୍ ଭଳି ଦେଖାଯାଉଥିବା ଏହି ଫଟୋ ଏବେ ଇଣ୍ଟରନେଟର ନୂଆ କ୍ରେଜ୍ ପାଲଟିଛି।

ଏହି ଟ୍ରେଣ୍ଡ କେବଳ ଇନ୍‌ଫ୍ଲୁଏନ୍ସର କିମ୍ବା ସେଲିବ୍ରିଟିଙ୍କ ମଧ୍ୟରେ ସୀମିତ ରହିନାହିଁ। ଦେଶର ରାଜନେତାମାନେ ମଧ୍ୟ ଏଥିରେ ସାମିଲ ହୋଇଛନ୍ତି। କେନ୍ଦ୍ର ବାଣିଜ୍ୟ ଓ ଶିଳ୍ପ ମନ୍ତ୍ରୀ ପିୟୂଷ ଗୋୟଲ ନିଜର AI ଜେନେରେଟେଡ୍ ୮୦ ଦଶକର ଫଟୋ ସେୟାର କରି “Vibing to the 80s trend” ବୋଲି କ୍ୟାପ୍ସନ୍ ଦେଇଛନ୍ତି।

ସେୟାର ହୋଇଥିବା ଫଟୋରେ ପିୟୂଷ ଗୋୟଲ ଧୂସର ରଙ୍ଗର ସୁଟ୍, ଧଳା ସାର୍ଟ ଓ ଏଭିଏଟର୍ ସନ୍‌ଗ୍ଲାସ୍ ପିନ୍ଧିଥିବା ବେଳେ ସେପିଆ ଟୋନ୍, ଫିଲ୍ମ ଗ୍ରେନ୍ ଓ ଫେଡେଡ୍ ଟେକ୍ସଚର୍ ତାହାକୁ ସମ୍ପୂର୍ଣ୍ଣ ରେଟ୍ରୋ ଲୁକ୍ ଦେଇଛି।

ଅନ୍ୟପଟେ କେନ୍ଦ୍ର ସଂସଦୀୟ ବ୍ୟାପାର ମନ୍ତ୍ରୀ କିରେନ୍ ରିଜିଜୁ ମଧ୍ୟ ନିଜର ରେଟ୍ରୋ ଷ୍ଟାଇଲ୍ ଫଟୋ ପୋଷ୍ଟ କରିଛନ୍ତି। ସନ୍‌ଗ୍ଲାସ୍, ବ୍ଲେଜର୍ ଓ କାର୍ ପାଖରେ ତାଙ୍କର ପୋଜ୍ ୧୯୮୦ ଦଶକର ଫିଲ୍ମି ଅନୁଭବ ଦେଉଛି। ମଜାଳିଆ ଢଙ୍ଗରେ ସେ ଲେଖିଛନ୍ତି, “ସମସ୍ତେ ୮୦ ଦଶକକୁ ଫେରୁଛନ୍ତି, ମୁଁ ମଧ୍ୟ ନଷ୍ଟାଲଜିଆରେ ସାମିଲ ହେଲି।”

AI ଫଟୋ ଏଡିଟିଂର ଏହି ଟ୍ରେଣ୍ଡ ଏବେ ଲକ୍ଷ ଲକ୍ଷ ଲୋକଙ୍କୁ ନିଜର ପୁରୁଣା ଯୁଗର କଳ୍ପିତ ରୂପ ଦେଖିବାର ସୁଯୋଗ ଦେଉଛି, ଯାହା ସୋସିଆଲ ମିଡିଆରେ ନୂଆ ନଷ୍ଟାଲଜିଆ ସୃଷ୍ଟି କରିଛି।

Vibing to the 80s trend 😎 pic.twitter.com/nvzhrMDg1T

— Piyush Goyal (@PiyushGoyal) September 8, 2026

Me in the 80s! [also starring: @ishaantharoor (in red shirt) @kanishktharoor (maroon shirt)] #80sTrend pic.twitter.com/sKmYJMuSxD

— Shashi Tharoor (@ShashiTharoor) September 9, 2026

ମଧ୍ୟପ୍ରଦେଶ: ମାତ୍ର ଦୁଇ ମିନିଟ୍‌ର ବିଳମ୍ବ। ଆଉ ସେହି ଦୁଇ ମିନିଟ୍‌ ହିଁ ଛଡାଇନେଲା ଗୋଟିଏ ଛାତ୍ରୀର ଭବିଷ୍ୟତର ସୁଯୋଗ। ମଧ୍ୟପ୍ରଦେଶର ବିଦିଶାରୁ ଆସିଥିବା ଏହି ଦୃଶ୍ୟ ଆଜି ସୋସିଆଲ ମିଡିଆରେ ଲକ୍ଷ ଲକ୍ଷ ଲୋକଙ୍କୁ ଭାବୁକ କରିଦେଇଛି।

NEET ପରୀକ୍ଷା ପାଇଁ ନିଜ ଝିଅକୁ ନେଇ ବିଦିଶାର ସରକାରୀ ଗର୍ଲ୍ସ କଲେଜ୍ ପରୀକ୍ଷା କେନ୍ଦ୍ରରେ ପହଞ୍ଚିଥିଲେ ଜଣେ ବାପା। କିନ୍ତୁ ଘଣ୍ଟାର କାଠି ସେମାନଙ୍କ ପକ୍ଷରେ ନଥିଲା। ନିର୍ଦ୍ଧାରିତ ସମୟ ଅପରାହ୍ନ ୧ଟା ୩୦ ମିନିଟ୍‌ରେ ଗେଟ୍ ବନ୍ଦ ହୋଇଯାଇଥିଲା। ବାପା-ଝିଅ ପହଞ୍ଚିଥିଲେ ୧ଟା ୩୨ ମିନିଟ୍‌ରେ।

ମାତ୍ର ଦୁଇ ମିନିଟ୍‌ ପାଇଁ ଝିଅକୁ ପରୀକ୍ଷା ହଲ୍‌କୁ ଯିବାକୁ ଅନୁମତି ମିଳିଲାନି। ବାପା ବାରମ୍ବାର ହାତ ଯୋଡ଼ି ଅଧିକାରୀଙ୍କୁ ଅନୁରୋଧ କଲେ। ଝିଅକୁ ଭିତରକୁ ଛାଡ଼ିଦେବା ପାଇଁ କାନ୍ଦି କାନ୍ଦି ଗୁହାରି କଲେ। କିନ୍ତୁ ନିୟମର ଦୁଆର ଖୋଲିଲାନି।

ଗେଟ୍‌ ବାହାରେ ନିରାଶ ହୋଇ ବସିପଡ଼ିଲେ ସେ। ନିଜକୁ ସମ୍ଭାଳି ନ ପରି ଭୋ ଭୋ ହୋଇ କାନ୍ଦି ତଳେ ପଡି ଅଚେତ ହେଇଗଲେ। ବର୍ଷ ବର୍ଷର ପରିଶ୍ରମ, ଅନେକ ତ୍ୟାଗ, ଅଗଣିତ ଆଶା ଓ ସ୍ୱପ୍ନ... ସବୁକିଛି ମୁହୂର୍ତ୍ତକ ମଧ୍ୟରେ ଭାଙ୍ଗିଯାଇଥିଲା।

ଏହି ଭିଡିଓ କେବଳ ଜଣେ ବାପାଙ୍କ ଅସହାୟତାର କାହାଣୀ ନୁହେଁ। ଏହା ସେହି ହଜାର ହଜାର ପରିବାରର କାହାଣୀ, ଯେଉଁମାନେ ସନ୍ତାନଙ୍କ ସ୍ୱପ୍ନ ପାଇଁ ଦିନରାତି ପରିଶ୍ରମ କରନ୍ତି। ଏହା ସେହି ଛାତ୍ରଛାତ୍ରୀଙ୍କ ବେଦନା, ଯେଉଁମାନେ ଗୋଟିଏ ପରୀକ୍ଷା ପାଇଁ ବର୍ଷ ବର୍ଷ ଧରି ପ୍ରସ୍ତୁତି କରନ୍ତି।

ନିୟମ ନିଶ୍ଚିତ ଭାବେ ଆବଶ୍ୟକ। ପରୀକ୍ଷା ପରିଚାଳନାରେ ସମୟାନୁବର୍ତ୍ତିତା ମଧ୍ୟ ଜରୁରୀ। କିନ୍ତୁ ଏହି ଘଟଣା ପରେ ସୋସିଆଲ ମିଡିଆରେ ଗୋଟିଏ ପ୍ରଶ୍ନ ବାରମ୍ବାର ଉଠୁଛି, ମାତ୍ର ଦୁଇ ମିନିଟ୍‌ର ବିଳମ୍ବ ପାଇଁ କି ଜଣେ ଛାତ୍ରୀଙ୍କ ଗୋଟିଏ ବର୍ଷର ପରିଶ୍ରମ ଓ ସ୍ୱପ୍ନକୁ ଅଟକାଇ ଦେବା ଠିକ୍ କି? 

ସେହି ଦିନ ଗେଟ୍‌ ବନ୍ଦ ହୋଇଥିଲା ମାତ୍ର ଦୁଇ ମିନିଟ୍‌ ପୂର୍ବରୁ। କିନ୍ତୁ ସେହି ଦୁଇ ମିନିଟ୍‌ରେ ହୁଏତ ଜଣେ ଝିଅର ଡାକ୍ତର ହେବାର ସ୍ୱପ୍ନ, ଜଣେ ବାପାଙ୍କ ଆଶା ଏବଂ ଗୋଟିଏ ପରିବାରର ଅପେକ୍ଷା ନିରବରେ ଭାଙ୍ଗି ଯାଇଥିଲା।

ଗୁଜରାଟର ପବିତ୍ର ତୀର୍ଥସ୍ଥଳୀ ଦ୍ୱାରକାର ଗୋମତୀ ଘାଟରେ ଘଟିଛି ଏକ ଛାତିଥରା ଘଟଣା। ସମୁଦ୍ରର ଉତ୍ତାଳ ଢେଉ ମଧ୍ୟରେ ଜଣେ ବୃଦ୍ଧ ଭାସିଯାଉଥିବା ବେଳେ ସ୍ଥାନୀୟ ଲୋକେ ନିଜ ଜୀବନକୁ ବିପଦରେ ପକାଇ ତାଙ୍କୁ ଉଦ୍ଧାର କରିଥିଲେ। ହେଲେ ଉଦ୍ଧାର ପରେ ଘଟିଥିବା ଏକ ଘଟଣା ସୋସିଆଲ ମିଡିଆରେ ନୂଆ ଚର୍ଚ୍ଚାର ବିଷୟ ପାଲଟିଛି।

ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଭାଇରାଲ ହୋଇଥିବା ଏକ ଭିଡିଓରେ ଦେଖାଯାଇଛି ଯେ, ଗୋମତୀ ଘାଟ ନିକଟରେ ଥିବା ପଥରିଆ ସିଢ଼ି ପାଖରେ ଜଣେ ବୃଦ୍ଧ ସମୁଦ୍ରର ପ୍ରବଳ ଢେଉରେ ଫସିଯାଇଥିଲେ। ମୁହୂର୍ତ୍ତକ ମଧ୍ୟରେ ଢେଉ ତାଙ୍କୁ ଭିତରକୁ ଟାଣି ନେଇଥିଲା। ପରିସ୍ଥିତି ଏପରି ହୋଇଥିଲା ଯେ, ବୃଦ୍ଧଙ୍କ ଜୀବନ ବଞ୍ଚିବା ନେଇ ଆଶଙ୍କା ସୃଷ୍ଟି ହୋଇଥିଲା।

ଏହା ଦେଖି ସେଠାରେ ଥିବା କିଛି ସାହସୀ ସ୍ଥାନୀୟ ବ୍ୟକ୍ତି ତୁରନ୍ତ ସମୁଦ୍ରକୁ ଡେଇଁ ପଡ଼ିଥିଲେ। ଉତ୍ତାଳ ଢେଉ ଓ ପଥରିଆ ଅଞ୍ଚଳ ମଧ୍ୟରେ ସେମାନେ ବୃଦ୍ଧଙ୍କ ନିକଟରେ ପହଞ୍ଚି ତାଙ୍କୁ କୂଳକୁ ଆଣିବା ପାଇଁ ସଂଘର୍ଷ କରିଥିଲେ। ଏହି ସମୟରେ ଜଣେ ଉଦ୍ଧାରକାରୀ ମଧ୍ୟ ଭାରସାମ୍ୟ ହରାଇ ପଡ଼ିଯିବାକୁ ବସିଥିଲେ। ତଥାପି ସମସ୍ତଙ୍କ ମିଳିତ ଉଦ୍ୟମରେ ଶେଷରେ ବୃଦ୍ଧଙ୍କୁ ସୁରକ୍ଷିତ ଭାବେ କୂଳକୁ ଆଣାଯାଇଥିଲା।

କିନ୍ତୁ ଘଟଣାର ସବୁଠୁ ଚର୍ଚ୍ଚିତ ଦିଗ ଥିଲା ଉଦ୍ଧାର ପରର ଦୃଶ୍ୟ। ଭିଡିଓରେ ଦେଖାଯାଇଛି, ବୃଦ୍ଧ ଜଣକ ସୁରକ୍ଷିତ ଭାବେ କୂଳକୁ ଆସିବା ପରେ ଜଣେ ବ୍ୟକ୍ତି ତାଙ୍କୁ ଚାପୁଡ଼ା ମାରୁଛନ୍ତି। ଅନେକଙ୍କ ମତରେ, ବୃଦ୍ଧଙ୍କ ବେପରୁଆ କାର୍ଯ୍ୟ ପାଇଁ ନିଜ ଜୀବନକୁ ବିପଦରେ ପକାଇଥିବା ଉଦ୍ଧାରକାରୀଙ୍କ ରାଗର ପ୍ରକାଶ ଥିଲା ଏହି ଚାପୁଡ଼ା।

ଏହି ଭିଡିଓ ଏବେ ସୋସିଆଲ ମିଡିଆରେ ଲକ୍ଷାଧିକ ଲୋକଙ୍କ ନଜର କାଢ଼ିଛି। କେହି ଉଦ୍ଧାରକାରୀଙ୍କ ସାହସକୁ ପ୍ରଶଂସା କରୁଥିବା ବେଳେ, ଆଉ କେହି ଚାପୁଡ଼ା ଘଟଣାକୁ ନେଇ ଭିନ୍ନ ମତ ଦେଉଛନ୍ତି। ତେବେ ଗୋଟିଏ କଥା ସ୍ପଷ୍ଟ, କିଛି ସାହସୀ ଲୋକଙ୍କ ତତ୍ପରତା ନଥାନ୍ତା, ହୁଏତ ଏକ ବଡ଼ ଅଘଟଣ ଘଟିଯାଇଥାନ୍ତା।

ସାଧାରଣତଃ ପୋଲିସ ନାଁ ଶୁଣିଲେ ଲୋକଙ୍କ ମନରେ ଭୟ, କଡ଼ାକଡ଼ି ଯାଞ୍ଚ, ଗିରଫ କିମ୍ବା ଥାର୍ଡ ଡିଗ୍ରୀ ଭଳି ଚିତ୍ର ଭାସିଉଠେ। କିନ୍ତୁ ସୋସିଆଲ ମିଡିଆରେ ଏବେ ଏମିତି ଏକ ଭିଡିଓ ଭାଇରାଲ ହେଉଛି, ଯାହା ପୋଲିସର ଆଉ ଏକ ମାନବିକ ଓ ସମ୍ବେଦନଶୀଳ ଚେହେରାକୁ ସାମ୍ନାକୁ ଆଣିଛି। ଏହି ଘଟଣା ଦେଖିବା ପରେ ଅନେକେ କହୁଛନ୍ତି “ଖାକି ପୋଷାକ ଭିତରେ ବି ଏକ  ହୃଦୟ ଆଉ ମାନବିକତା ଲୁଚିଛି"।

ମହାରାଷ୍ଟ୍ର ପୋଲିସରେ କାର୍ଯ୍ୟରତ ସୁଶୀଲ ଶିଖରେ ଏବେ ଇଣ୍ଟରନେଟର ନୂଆ ହିରୋ ପାଲଟିଛନ୍ତି। ନିୟମିତ ପାଟ୍ରୋଲିଂ ସମୟରେ ତାଙ୍କ ନଜର ପଡ଼ିଥିଲା ଏକ ଯାଯାବର ପରିବାର ଉପରେ। ରାସ୍ତା କଡ଼ରେ ଜୀବନ କାଟୁଥିବା ଏହି ପରିବାର ପାଇଁ ଆକାଶ ହିଁ ଛାତ ଓ ରାସ୍ତା କଡ଼ ହିଁ ଘର ପାଲଟିଥିଲା।

ପରିବାରର ଜଣେ ମହିଳା ନିଜ ଶିଶୁକୁ ଶୁଆଇବା ପାଇଁ ଛିଣ୍ଡା କପଡ଼ା ଓ ବାଉଁଶ ସାହାଯ୍ୟରେ ଏକ ଅସ୍ଥାୟୀ ଦୋଳି ତିଆରି କରିଥିଲେ। ପ୍ରଥମେ ପୋଲିସ ଅଧିକାରୀ ସେହି ଦୋଳିକୁ ହଟାଇ ଦେଉଥିବା ଦେଖି ଆଖପାଖର ଲୋକମାନେ ଆଶ୍ଚର୍ଯ୍ୟ ହୋଇଥିଲେ। ଅନେକଙ୍କ ମନରେ ଧାରଣା ହୋଇଥିଲା ଯେ ବୋଧହୁଏ ସେ ଗରିବ ପରିବାରକୁ ହଇରାଣ କରୁଛନ୍ତି।

କିନ୍ତୁ କିଛି ମୁହୂର୍ତ୍ତ ପରେ ସାମ୍ନାକୁ ଆସିଥିଲା ଘଟଣାର ପ୍ରକୃତ ଚିତ୍ର। ସୁଶୀଲ ଶିଖରେ ନିଜେ ଏକ ନୂଆ ଓ ସୁରକ୍ଷିତ ଝୁଲା ଦୋଳି ଆଣି ସେଠାରେ ଲଗାଇଥିଲେ। ଏହାପରେ ମାଆଙ୍କ କୋଳରୁ ଶିଶୁଟିକୁ ଆଦରରେ ଉଠାଇ ନିଜେ ନୂଆ ଦୋଳିରେ ଶୁଆଇ ଦେଇଥିଲେ। ଏହି ଦୃଶ୍ୟ ଦେଖି ଶିଶୁର ମାଆଙ୍କ ଆଖି ଛଳଛଳ ହୋଇଯାଇଥିଲା।

ଏହା କେବଳ ଏକ ଦୋଳି ଦେବାର କାହାଣୀ ନୁହେଁ। ଏହା ହେଉଛି ମାନବିକତା, ସହାନୁଭୂତି ଓ କର୍ତ୍ତବ୍ୟବୋଧର ଏକ ସୁନ୍ଦର ଉଦାହରଣ। ଯେଉଁ ସମୟରେ ପୋଲିସକୁ ନେଇ ନକାରାତ୍ମକ ଖବର ଅଧିକ ଚର୍ଚ୍ଚାରେ ରହୁଛି, ସେହି ସମୟରେ ସୁଶୀଲ ଶିଖରେଙ୍କ ଏହି କାର୍ଯ୍ୟ ପ୍ରମାଣ କରିଛି ଯେ ଖାକି ପୋଷାକ କେବଳ ଶକ୍ତିର ପ୍ରତୀକ ନୁହେଁ, ବରଂ ମାନବିକତାର ମଧ୍ୟ ଏକ ପରିଚୟ। ଏହି କାରଣରୁ ତାଙ୍କର ଏହି ଭିଡିଓ ଲକ୍ଷ ଲକ୍ଷ ଲୋକଙ୍କ ହୃଦୟ ଜିତି ନେଇଛି।

 

 

 

 

View this post on Instagram

 

 

 

 

 

 

 

 

 

 

 

A post shared by Sushil Shikhare (@copssushilk_18)

ଛତିଶଗଡ଼: ଜଶପୁର ବିମାନ ଦୁର୍ଘଟଣା ଖବରରେ ଆସିଲା ନୂଆ ମୋଡ। ରାଜ୍ୟ ସରକାର ଛତିଶଗଡ଼ର ଜଶପୁର ଜିଲ୍ଲାର ନାରାୟଣପୁର ପାହାଡ଼ ନିକଟରେ ଏକ ବିମାନ ଦୁର୍ଘଟଣା ଖବରକୁ ସମ୍ପୂର୍ଣ୍ଣ ଭ୍ରମାତ୍ମକ ବୋଲି କହି ଏହାକୁ ଅସ୍ୱୀକାର କରିଛନ୍ତି। କଲେକ୍ଟର ରୋହିତ ବ୍ୟାସ ସ୍ପଷ୍ଟ କରିଛନ୍ତି ଯେ, ଛତିଶଗଡ଼ ଏୟାର ଟ୍ରାଫିକ୍ କଣ୍ଟ୍ରୋଲ ପାଖରେ ଏନେଇ କୌଣସି ନିଖୋଜ ବିମାନ ବିଷୟରେ କୌଣସି ସୂଚନା ନାହିଁ। ରାଜ୍ୟ ସରକାର ମଧ୍ୟ ଏହି ଖବରକୁ ସମ୍ପୂର୍ଣ୍ଣ ମିଛ ବୋଲି କହି ଏହାକୁ ଅସ୍ୱୀକାର କରିଛନ୍ତି।

ବିମାନ ଦୁର୍ଘଟଣା ନିଶ୍ଚିତ ହୋଇନାହିଁ

ପ୍ରଶାସନର ତଦନ୍ତରୁ ଜଣାପଡିଛି ଯେ କୌଣସି ATC କିମ୍ବା ଫ୍ଲାଇଂ କ୍ଲବ୍ ବିମାନ ନିଖୋଜ ବିଷୟରେ ରିପୋର୍ଟ କରିନାହାଁନ୍ତି। ଏହି ଅଞ୍ଚଳଟି ଓଡ଼ିଶା ଏବଂ ଝାଡ଼ଖଣ୍ଡ ସୀମାନ୍ତ ମଧ୍ୟ ଅଟେ, ତେଣୁ ସ୍ଥାନୀୟ ATC ଏବଂ ଫ୍ଲାଇଂ କ୍ଲବ୍ ସହିତ ଯୋଗାଯୋଗ କରାଯାଇଥିଲା, କିନ୍ତୁ ବିମାନ ଦୁର୍ଘଟଣାର କୌଣସି ନିଶ୍ଚିତତା ମିଳିନାହିଁ।

କୌଣସି ପ୍ରତ୍ୟକ୍ଷଦର୍ଶୀ ବିମାନ ଦୁର୍ଘଟଣା ଦେଖି ନାହାଁନ୍ତି

କଲେକ୍ଟରଙ୍କ ଅନୁଯାୟୀ, କୌଣସି ପ୍ରତ୍ୟକ୍ଷଦର୍ଶୀ ବିମାନ ଦୁର୍ଘଟଣା ଦେଖି ନାହାଁନ୍ତି। ସୋସିଆଲ ମିଡିଆରେ ଦୁଇଟି ସ୍ଥିର ଫଟୋ ଏବଂ ଜଙ୍ଗଲରୁ ଉଠିଥିବା ଧୂଆଁ ଦ୍ୱାରା ଏହି ଗୁଜବ ପ୍ରସାରିତ ହୋଇଥିଲା। କଲେକ୍ଟର କହିଛନ୍ତି, ଧୂଆଁ ଜଙ୍ଗଲର ନିଆଁ ହୋଇପାରେ, ଯାହା ପ୍ରାୟତଃ ଘଟୁଛି। ତଥାପି, ସତର୍କତା ସ୍ୱରୂପ, ଡ୍ରୋନ୍ ଏବଂ ବନ କର୍ମଚାରୀ ବ୍ୟବହାର କରି ଧୂଆଁ ବହନ କରୁଥିବା ଅଞ୍ଚଳ ଯାଞ୍ଚ କରାଯାଉଛି। ରାଜ୍ୟ ସରକାର ଏବଂ ଜିଲ୍ଲା ପ୍ରଶାସନ ଏକ ବିଜ୍ଞପ୍ତି ଜାରି କରି ସ୍ପଷ୍ଟ କରିଛନ୍ତି ଯେ ବିମାନ ଦୁର୍ଘଟଣା ସମ୍ପୂର୍ଣ୍ଣ ଭାବରେ ଏକ ଗୁଜବ। 

ଅଧିକ ପଢନ୍ତୁ: ଅଗ୍ନିବୀର ମୃତ୍ୟୁଙ୍କୁ ନେଇ ବଢ଼ିଲା ରହସ୍ୟ; ନୌସେନା ପ୍ରଶିକ୍ଷଣ କେନ୍ଦ୍ରର ଜିମରୁ ମିଳିଲା ମୃତଦେହ

ବାଲେଶ୍ୱର: ରିଲ୍ସର ନିଶା କେବଳ ମନୋରଞ୍ଜନରେ ସୀମିତ ରହିନାହିଁ, ବରଂ ଏବେ ଜୀବନ ପାଇଁ ବିପଦ ସୃଷ୍ଟି କରୁଛି। ବାରମ୍ବାର ସଚେତନତା ସତ୍ତ୍ୱେ ମଧ୍ୟ ଯୁବପିଢ଼ି ଏହି ଆକର୍ଷଣରୁ ଦୂରେଇପାରୁନାହାନ୍ତି। ଏମିତି ଏକ ଅବହେଳାର ଦୁର୍ଘଟଣା ଘଟିଛି ବାଲେଶ୍ୱର ଜିଲ୍ଲାର ସିମୁଳିଆ ରେଳ ଷ୍ଟେସନ ନିକଟରେ, ଯେଉଁଠାରେ ଚଳନ୍ତା ଟ୍ରେନର ଦ୍ୱାର ପାଖରେ ରିଲ୍ସ କରୁଥିବା ବେଳେ ୨୯ ବର୍ଷୀୟ ଯୁବକ ମୁଫିଦାର ଇସଲାମ ଗୁରୁତର ଆହତ ହୋଇଛନ୍ତି।

ସୂଚନାଅନୁସାରେ, ଆନ୍ଧ୍ରପ୍ରଦେଶର ବାସିନ୍ଦା ମୁଫିଦାର ଆସାମରେ କାମ କରୁଥିଲେ ଏବଂ ଚେରାପଲି ଟ୍ରେନ ଯୋଗେ ଘରକୁ ଫେରୁଥିଲେ। ରବିବାର ମଧ୍ୟାହ୍ନ ସମୟରେ ମାର୍କୋଣା ଷ୍ଟେସନ ନିକଟରେ ସେ ଟ୍ରେନ ଦ୍ୱାର ପାଖରେ ରିଲ୍ସ ଶୁଟ୍ କରୁଥିବା ବେଳେ ଅଚାନକ ସନ୍ତୁଳନ ହରାଇ ତଳକୁ ଖସି ପଡ଼ିଥିଲେ। ଘଟଣା ପରେ ଟ୍ରେନର ଅନ୍ୟ ଯାତ୍ରୀମାନେ ତୁରନ୍ତ ଚେନ ଟାଣି ଟ୍ରେନକୁ ଅଟକାଇବା ସହ ପୋଲିସକୁ ସୂଚନା ଦେଇଥିଲେ।

ଷ୍ଟେସନ କର୍ମଚାରୀଙ୍କ ସହଯୋଗରେ ଆହତ ମୁଫିଦାରଙ୍କୁ ପ୍ରଥମେ ସିମୁଳିଆ ଓ ପରେ ଭଦ୍ରକ ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଯାଇଛି, ଯେଉଁଠାରେ ସେ ଚିକିତ୍ସାଧୀନ ଅଛନ୍ତି।

ଏହି ଘଟଣା ପୁଣିଥରେ ମନେପକାଇଛି ଯେ କିଛି ସେକେଣ୍ଡର ଭିଡିଓ ପାଇଁ ଜୀବନକୁ ବିପଦରେ ପକାଇବା କେତେ ଭୟଙ୍କର ହୋଇପାରେ। ସୋସିଆଲ୍ ମିଡିଆର ଲାଇକ୍‌ ଓ ଭ୍ୟୁସ୍‌ ପାଇଁ ଏମିତି ବିପଦଜ୍ଜନକ ଭାବେ ଖେଳିବାର କି ଆବଶ୍ୟକ?  

ସୋସିଆଲ ମିଡିଆରେ ଗାଳି ଦେଲେ ଜେଲରେ କଟିବ ଦିନ। କାରଣ ସୋସିଆଲ ମିଡିଆରେ ଅଶ୍ଳୀଳ ଭାଷା ଓ ଅପଶବ୍ଦ ବ୍ୟବହାରକୁ ନେଇ ଏବେ ସରକାର କଠୋର ମନୋଭାବ ନେଇଛନ୍ତି। ଆଗାମୀ ଦିନରେ ଏପରି କାର୍ଯ୍ୟ କରିଲେ କେବଳ ସତର୍କତା ନୁହେଁ, ସିଧାସଳଖ ଆଇନଗତ କାର୍ଯ୍ୟାନୁଷ୍ଠାନ ସାମ୍ନା କରିବାକୁ ପଡିପାରେ। ଏପରି ଏକ କଠୋର ଆଇନ ଆଣିବାକୁ ସରକାର ପ୍ରସ୍ତୁତି ଆରମ୍ଭ କରିଛନ୍ତି।

ରାଜ୍ୟର ଆଇନ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ସ୍ପଷ୍ଟ କରିଛନ୍ତି ଯେ, ସୋସିଆଲ ମିଡିଆରେ ଦିନକୁ ଦିନ ଅସଭ୍ୟତା ବଢ଼ୁଛି। ଅନେକ ଲୋକ ନିଜ ସୀମା ଉଲ୍ଲଂଘନ କରି ଅପଶବ୍ଦ ବ୍ୟବହାର କରୁଛନ୍ତି, ଯାହା ସମାଜରେ ଖରାପ ପ୍ରଭାବ ପକାଉଛି। ମନ୍ତ୍ରୀ କହିଛନ୍ତି, ସୋସିଆଲ ମିଡ଼ିଆ କୁତ୍ସିତ ହେବାକୁ ଆରମ୍ଭ ହେଲାଣି। କିଛି ଲୋକ ଅଭଦ୍ର ମାନସିକତା ଦେଖାଉଛନ୍ତି। ଏହାର ପ୍ରକୃତ ଚିକିତ୍ସା ହେବା ଦରକାର। ଏହାକୁ ରୋକିବା ପାଇଁ “Prevention of Hate Speech and Hate Crime Act” ଆଣିବାକୁ ପ୍ରସ୍ତାବ ରହିଛି।

ଏହି ଆଇନ ଲାଗୁ ହେଲେ, କେବଳ ସୋସିଆଲ ମିଡିଆ ନୁହେଁ, ସର୍ବସାଧାରଣ ସ୍ଥାନରେ ମଧ୍ୟ ଅପଶବ୍ଦ ବ୍ୟବହାର କଲେ ଲୋକମାନେ ଆଇନର ଜାଳରେ ପଡିପାରିବେ। ଆଇନ କମିଶନ ମଧ୍ୟ ଏହି ଦିଗରେ ଏକ ବିସ୍ତୃତ ପ୍ରସ୍ତାବ ଦେଇଛି, ଯାହା ଆଧାରରେ ଶୀଘ୍ର ନୂତନ ନିୟମ ଆସିପାରେ।

ବିଶେଷକରି ଯୁବପିଢ଼ି ମଧ୍ୟରେ ସୋସିଆଲ ମିଡିଆର ବ୍ୟବହାର ବଢ଼ିଥିବା ବେଳେ, ଭାଷାର ଅନିୟନ୍ତ୍ରିତ ବ୍ୟବହାର ନେଇ ଚିନ୍ତା ବଢ଼ିଛି। ମନ୍ତ୍ରୀଙ୍କ କହିବା ଅନୁସାରେ, ଏହା କେବଳ ଆଇନର ପ୍ରଶ୍ନ ନୁହେଁ, ସମାଜିକ ଶିଷ୍ଟାଚାରର ମଧ୍ୟ ଅଂଶ।

ସରକାରଙ୍କ ଏହି ପଦକ୍ଷେପକୁ କେହି ସ୍ୱାଗତ କରୁଥିବା ବେଳେ, କେହି ଏହାକୁ ମତ ପ୍ରକାଶର ସ୍ୱାଧୀନତା ଉପରେ ପ୍ରଭାବ ପକାଇପାରେ ବୋଲି ମତ ଦେଉଛନ୍ତି। ତଥାପି ଏହା ସ୍ପଷ୍ଟ ଯେ ଆଗାମୀ ଦିନରେ ସୋସିଆଲ ମିଡିଆରେ ଅଶ୍ଳୀଳ ଏବଂ ଅପଶବ୍ଦ ବ୍ୟବହାର କଲେ, ତାହାର ମୂଲ୍ୟ ଦେବାକୁ ପଡିବ।

ଅଧିକ ପଢନ୍ତୁ: ରାଜ୍ୟରେ ୧୩୬୩ ଜୁନିଅର ରେଭେନ୍ୟୁ ଆସିଷ୍ଟାଣ୍ଟ ନିଯୁକ୍ତିକୁ ମଞ୍ଜୁରୀ; ୩୦ ଜିଲ୍ଲାରେ ଚାକିରି ସୁଯୋଗ, ଶୀଘ୍ର ଆରମ୍ଭ ଆବେଦନ

ନୂଆଦିଲ୍ଲୀ: ଗମ୍ଭୀର ରାଜନୀତିକ ମଞ୍ଚ ମଧ୍ୟରେ ହସର ଝଡ଼। ଖଡ଼ଗେଙ୍କ ଜୋକ୍‌ରେ ହସିଲା ରାଜ୍ୟସଭା। ବୁଧବାର ରାଜ୍ୟସଭାରୁ ଅବସର ନେଉଥିବା ସାଂସଦମାନଙ୍କୁ ବିଦାୟ ଦେବା ଅବସରରେ କଂଗ୍ରେସ ଅଧ୍ୟକ୍ଷ ତଥା ବିରୋଧୀ ଦଳ ନେତା ମଲ୍ଲିକାର୍ଜୁନ ଖଡ଼ଗେ,ଏମିତି ଡାଏଲଗ୍ ମାରିଲେ, ଯାହା ଶୁଣି ବିରୋଧୀଙ୍କ ଠୁ ନେଇ ଶାସକ ଦଳ ଯାଏଁ ସମସ୍ତେ ହସି ଉଠିଲେ।

“ରାଜନୀତିରେ ନ ଥାଏ କ୍ଲାନ୍ତି କି ଅବସର"

ଆଜି ଅବସରକାଳୀନ ସମ୍ବର୍ଦ୍ଧନା ବେଳେ ଖଡ଼ଗେ କହିଛନ୍ତି, "ରାଜନୀତି କେବଳ ପଦବୀ ନୁହେଁ, ଏହା ଜୀବନବ୍ୟାପି ଏକ  ଦାୟିତ୍ୱ। ରାଜନୀତିରେ ନା କେହି ଥକେ, ନା କେହି ସତରେ ଅବସର ନେଉଥାଏ। ରାଜନୀତିରେ ଥିବା ଲୋକ ଦେଶସେବା ପ୍ରତି ନିଜ ଦାୟିତ୍ୱକୁ କେବେ ଛାଡ଼ନ୍ତି ନାହିଁ। ପଦବୀ ଶେଷ ହେଲେ ମଧ୍ୟ ଲୋକତନ୍ତ୍ର ପ୍ରତି ଦାୟିତ୍ୱ ଜାରି ରହେ"।

ଦେବେଗୌଡାଙ୍କୁ ନେଇ ଖଡ଼ଗେଙ୍କ ମଜାଦାର କଟାକ୍ଷ

ଗମ୍ଭୀର ଚର୍ଚ୍ଚା ମଧ୍ୟରେ ଆଜି ରାଜ୍ୟସଭାରେ ଖଡ଼ଗେଙ୍କ ଏକ ମଜାଦାର ଟିପ୍ପଣୀ ଗୃହରେ ସମସ୍ତଙ୍କୁ ହସାଇଥିଲା। ପୂର୍ବତନ ପ୍ରଧାନମନ୍ତ୍ରୀ ଏଚ୍‌.ଡି. ଦେବେଗୌଡାଙ୍କ  ସହ ୫୪ ବର୍ଷର ସମ୍ପର୍କକୁ ଉଲ୍ଲେଖ କରି ଖଡ଼ଗେ କହିଥିଲେ, “ପରେ କ’ଣ ହେଲା ଜାଣିନି... ହେଲେ ଦେବେଗୌଡା ପ୍ରଥମେ ପ୍ରେମ ଆମ ସହ କଲେ, କିନ୍ତୁ ବିବାହ ମୋଦୀଙ୍କ ସହ”... ଏହି କଥା ପ୍ରଧାନମନ୍ତ୍ରୀ ମୋଦୀଙ୍କ ସାମ୍ନାରେ ସେ କହିବା ସହିତ ରାଜ୍ୟସଭାରେ ସମସ୍ତେ ଏହାକୁ ଶୁଣି ହସିବାକୁ ଲାଗିଥିଲେ। ଏପରିକି ପ୍ରଧାନମନ୍ତ୍ରୀ ନିଜେ ମଧ୍ୟ ଏହା ଶୁଣି ହସିଥିଲେ। 

ବିଦାୟୀ ସାଂସଦଙ୍କୁ ମୋଦୀଙ୍କ ସନ୍ଦେଶ – ‘ରାଜନୀତିରେ ଫୁଲ୍ ଷ୍ଟପ୍ ନାହିଁ’

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ବିଦାୟ ନେଉଥିବା ୩୭ ଜଣ ସାଂସଦଙ୍କୁ ଧନ୍ୟବାଦ ଜଣାଇ କହିଥିଲେ ରାଜନୀତିରେ କେବେ ବିରାମ ନାହିଁ, ସେବା ଜାରି ରହିବ। ସେହିପରି ନୂଆ ସାଂସଦମାନଙ୍କୁ ଖଡଗେ, ଦେବେଗୌଡା ଓ ଶରଦ ପୱାର ଭଳି ଅନୁଭବୀ ନେତାଙ୍କଠାରୁ ଶିଖିବାକୁ ଉତ୍ସାହିତ କରିଥିଲେ।

ସେହିପରି କେନ୍ଦ୍ରମନ୍ତ୍ରୀ ରାମଦାସ ଆଥାୱାଲଙ୍କୁ ବିଦାୟ ସଭାରେ ମୋଦୀ କହିଥିଲେ,“ଆଥାୱାଲେ ଆଜି ସଂସଦରୁ ଯାଉଛନ୍ତି ସତ, କିନ୍ତୁ ତାଙ୍କ ହସ ଓ ବ୍ୟଙ୍ଗ କେବେ ଯିବ ନାହିଁ। ପ୍ରଧାନମନ୍ତ୍ରୀ ତାଙ୍କୁ “ଏଭରଗ୍ରିନ୍” ବୋଲି କହି ସମ୍ବୋଧନ କରିଥିଲେ।

ରାଜ୍ୟସଭାର ଏହି ବିଦାୟୀ ଦିନ କେବଳ ରାଜନୀତି ନୁହେଁ, ଏହା ମଣିଷ ପ୍ରତି ଥିବା ସମ୍ପର୍କ ଓ ସମ୍ମାନକୁ ଦର୍ଶାଉଛି। ଏହି  ବିଦାୟୀ ଦିନ ଦର୍ଶାଉଛି ଯେ, ରାଜନୀତିରେ ମତଭେଦ ଥାଏ ସତ, କିନ୍ତୁ ପରସ୍ପର ପ୍ରତି ମନରେ ସମ୍ପର୍କ ଓ ସମ୍ମାନ ବି ସେମିତି ଅବିକଳ ରହିଥାଏ।

ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେଉଛି, ଯେଉଁଥିରେ ଜଣେ ବ୍ୟକ୍ତି ନିଜର ଭଙ୍ଗା ହାତ ସତ୍ତ୍ୱେ ପରିବାର ପ୍ରତିପୋଷଣ ପାଇଁ ଅଟୋ ଚଲାଉଥିବା ଦେଖିବାକୁ ମିଳିଛି। ଭିଡିଓରେ ଦେଖାଯାଉଛି ଯେ, ଅଟୋ ଚାଳକଙ୍କ ଡାହାଣ ହାତରେ ଏକ ବାହ୍ୟ ମେକାନିକାଲ୍ ରଡ୍ (External Fixator) ଲାଗିଛି। ସାଧାରଣତଃ ହାଡ଼ ଭୟଙ୍କର ଭାବେ ଭାଙ୍ଗିଗଲେ ଏହିପରି ରଡ୍ ବ୍ୟବହାର କରାଯାଇଥାଏ।

ଏତେ ଯନ୍ତ୍ରଣାଦାୟକ ପରିସ୍ଥିତିରେ ବି ପରିବାରର ପେଟ ପୋଷିବା ପାଇଁ ସେ ରାସ୍ତାରେ ଅଟୋ ଚଲାଉଛନ୍ତି। ଏହି ଭିଡିଓଟି କେଉଁ ସ୍ଥାନର ତାହା ସ୍ପଷ୍ଟ ହୋଇନାହିଁ, କିନ୍ତୁ ସୋସିଆଲ ମିଡିଆ ବ୍ୟବହାରକାରୀମାନେ ତାଙ୍କର ଏହି ସାହସ ଓ ସଂଘର୍ଷକୁ ଦେଖି ଭାବବିହ୍ୱଳ ହୋଇପଡ଼ିଛନ୍ତି। ଅନେକ ଲୋକ ତାଙ୍କୁ ଜଣେ 'ଅସଲି ନାୟକ' ବୋଲି କହି ପ୍ରଶଂସା କରୁଛନ୍ତି।

କୁହାଯାଏ ଯେ, ଯେତେବେଳେ କାନ୍ଧରେ ପରିବାରର ବୋଝ ଓ ପେଟର ଭୋକ ଥାଏ, ସେତେବେଳେ ଶରୀରର କଷ୍ଟ ମଧ୍ୟ ଛୋଟ ମନେହୁଏ। ଏହି ବ୍ୟକ୍ତିଜଣକ ତାହାର ଏକ ଜ୍ୱଳନ୍ତ ଉଦାହରଣ।

Despite a fractured arm with a rod inserted, Man Drives auto for his Family🥹 pic.twitter.com/aFOUIoq1tq

— Ghar Ke Kalesh (@gharkekalesh) March 17, 2026