ଉତ୍ତରପ୍ରଦେଶ: ୟୁପିର ବାରାବଙ୍କାରେ ଏକ ଆଶ୍ଚର୍ଯ୍ୟଚକିତ ଘଟଣା: ସାମ୍ନାକୁ ଆସିଛି । ଏଠାରେ ଏଠାରେ ୟୁଟ୍ୟୁବ୍ ଦେଖି ଅପରେସନ୍ କରିଥିବା ନକଲି ଡାକ୍ତରଙ୍କ ଯୋଗୁ ଜଣେ ମହିଳାଙ୍କ ଜୀବନ ଚାଲିଯାଇଛି। ମାମଲା କୋଠୀ ଥାନା ଅଞ୍ଚଳର। ପୀଡ଼ିତ ଫତେ ବାହାଦୁର କହିଛନ୍ତି, ଚଳିତ ମାସ ୫ ତାରିଖ ଦ୍ବିପ୍ରହରରେ ତାଙ୍କ ପତ୍ନୀ ମୁନିଶରା ରାୱତଙ୍କ ପେଟରେ ଯନ୍ତ୍ରଣା ହେଲା। ସେ ତାଙ୍କୁ କୋଠୀ ବଜାର ସ୍ଥିତ ଶ୍ରୀ ଦାମୋଦର ଔଷଧାଳୟ ହସ୍ପିଗଲକୁ । 6861 ଜ୍ଞାନ ପ୍ରକାଶ ମିଶ୍ର ଓ ବିବେକ ମିଶ୍ର ଏହାର ପରିଚାଳନା କରୁଛନ୍ତି । ଯାଞ୍ଚରୁ ଜ୍ଞାନ ପ୍ରକାଶ ମହିଳାଙ୍କର ଷ୍ଟୋନ୍ ହୋଇଥିବା କହି ଅପରେସନ୍ ଖର୍ଚ୍ଚ ୨୫ ହଜାର କହିଲେ କିନ୍ତୁ ମାମଲା ୨୦ ହଜାରରେ ଛିଣ୍ତିଲା।

ଫତେ ବାହାଦୁରଙ୍କ ଅଭିଯୋଗ ଅନୁସାରେ, ଟଙ୍କା ପୈଠ ହେବା ପରେ ଜ୍ଞାନ ପ୍ରକାଶ ମଦ ନିଶାରେ ୟୁଟ୍ୟୁବ୍ ଭିଡିଓ ଦେଖି ପତ୍ନୀଙ୍କ ଅପରେସନ୍ ଆରମ୍ଭକଲେ । ଅତ୍ୟନ୍ତ ଅବହେଳାରେ ତାଙ୍କ ପେଟକୁ କାଟିଦେଲେ । ତାଙ୍କ ଛୋଟ ଅନ୍ତଃନଳୀ ଓ ଅନେକ ସ୍ନାୟୁ ମଧ୍ୟ କାଟିଦେଲେ। ଅପରେସନ୍ ପରେ ମହିଳା ରାତିସାରା ଯନ୍ତ୍ରଣାରେ ଛଟପଟ ହେଲେ। ପର ଦିନ ହସ୍ପିଟାଲରେ ତାଙ୍କର ମୃତ୍ୟୁ ହେଲା । ଏହା ପରେ ହସ୍ପିଟାଲ ସଂଚାଳକ ଜ୍ଞାନ ପ୍ରକାଶ ମିଶ୍ର ଓ ତାଙ୍କ ପରିବାର ଫେରାର ହୋଇଗଲେ। ସୂଚନା ପାଇ ପୁଲିସ ଘଟଣାସ୍ଥଳରେ ପହଞ୍ଚି ଯଞ୍ଚ୍ କଲା। ଶବର ପୋଷ୍ଟମର୍ଟମ୍ ମଧ୍ଯ କରାଗଲା । ଫତେ ବାହାଦୁରଙ୍କ ଅଭିଯୋଗ ଯେ ହସ୍ପିଟାଲ ସମ୍ପୂର୍ଣ ନକଲି ଏବଂ ଅଭିଯୁକ୍ତଙ୍କ ପାଖରେ କୌଣସି ପ୍ରକାର ମେଡିକାଲ ଡିଗ୍ରୀ ନାହିଁ । ଅଭିଯୁକ୍ତଙ୍କୁ ଧରିବା ଲାଗି ପୁଲିସ ଏକ ଟିମ୍ ଗଠନ କରିଛି।

ଅଧିକ ପଢନ୍ତୁ: ଭଗବାନ କୃଷ୍ଣଙ୍କୁ ବିବାହ କଲେ ଯୁବତୀ: ହିନ୍ଦୁ ରୀତିନୀତି ସମ୍ପର୍ଣ୍ଣ ହେଲା ବିବାହ

Health Tips: ଯେତେବେଳେ ଆମେ ଆମର ଯୁବାବସ୍ଥା କିମ୍ବା ମଧ୍ୟବୟସରେ ପହଞ୍ଚିଥାଉ, ଆମର ଉଚ୍ଚତା ଏକ ନିର୍ଦ୍ଦିଷ୍ଟ ସ୍ତରକୁ ପହଞ୍ଚିଥାଏ, କିନ୍ତୁ ବୟସ ବଢ଼ିବା ସହିତ ଏହା ଧୀରେ ଧୀରେ ହ୍ରାସ ପାଏ। ଏହି ପରିବର୍ତ୍ତନ ଏତେ ଧୀରେ ଧୀରେ ଯେ ଅନେକ ଲୋକ ଏହାକୁ ଲକ୍ଷ୍ୟ ମଧ୍ୟ କରନ୍ତି ନାହିଁ। ଏହାର ଉଦାହରଣ ସ୍ୱରୂପ, ଜଣେ ପୁରୁଷ ୮୦ ବର୍ଷ ବୟସରେ  ୩୫ ବର୍ଷ ବୟସ ତୁଳନାରେ ପ୍ରାୟ ଅଧ ଇଞ୍ଚ ଛୋଟ ହୋଇପାରେ। ଏହି ସମୟରେ, ଜଣେ ମହିଳା ଯିଏ ଥରେ ୫ ଫୁଟ ୪ ଇଞ୍ଚ ଉଚ୍ଚ ଥିଲେ  ୯୦ ବର୍ଷ ବୟସରେ ୫ ଫୁଟ ୨ ଇଞ୍ଚ ଉଚ୍ଚ ହୋଇପାରେ।

ଅଧିକାଂଶ ଲୋକଙ୍କଠାରେ, ଉଚ୍ଚତାର ଏହି ହ୍ରାସ ୪୦ ରୁ ୫୦ ବର୍ଷ ବୟସ ମଧ୍ୟରେ ଧୀରେ ଧୀରେ ଆରମ୍ଭ ହୁଏ, କିନ୍ତୁ ୭୦ ବର୍ଷ ବୟସ ପରେ ଏହା ଦ୍ରୁତ ଗତିରେ ବୃଦ୍ଧି ପାଇପାରେ। ଡାକ୍ତରଙ୍କ ମତରେ, ମେରୁଦଣ୍ଡରେ ପରିବର୍ତ୍ତନ, ଡିସ୍କ ପତଳା ହେବା ଏବଂ ପୋସ୍ଚର୍ ଅବନତି ମଧ୍ୟ ବୟସ ସହିତ ଉଚ୍ଚତା ହ୍ରାସର ପ୍ରମୁଖ କାରଣ ହୋଇପାରେ। ୧ ଇଞ୍ଚରୁ ଅଧିକ ହ୍ରାସ ସାଧାରଣ ବୋଲି ବିବେଚନା କରାଯାଏ ନାହିଁ ଏବଂ ଏହା ଏକ ଗଭୀର ସମସ୍ୟା ମଧ୍ୟ ସୃଷ୍ଟି କରିପାରେ।

ବିଶେଷଜ୍ଞଙ୍କ ମତରେ କେତେକ ସମୟରେ, ଉଚ୍ଚତା ହ୍ରାସ ଅଷ୍ଟିଓପୋରୋସିସ୍‌ର ପ୍ରାରମ୍ଭିକ ଲକ୍ଷଣ ହୋଇପାରେ। ଏହି ରୋଗ ହାଡ଼କୁ ଦୁର୍ବଳ ଏବଂ ପତଳା କରିଦିଏ, ଯାହା ଦ୍ଵାରା ଫ୍ରାକ୍ଚରର ବିପଦ ବୃଦ୍ଧି ପାଏ, ମେରୁଦଣ୍ଡ ସଙ୍କୁଚିତ ହୁଏ ଏବଂ ଶରୀର ଗଠନ ଦୁର୍ବଳ ହୋଇଯାଏ। ଲୋକମାନେ ପ୍ରାୟତଃ ଯେତେବେଳେ ଉଚ୍ଚତା ହ୍ରାସ ପାଏ କିମ୍ବା ହଠାତ୍ ଫ୍ରାକ୍ଚର ଅନୁଭବ କରନ୍ତି ସେତେବେଳେ ଶରୀରରେ ଅଷ୍ଟିଓପୋରୋସିସ୍ ସୃଷ୍ଟି ହୋଇଥାଏ। ଏକ ଅଧ୍ୟୟନ ଅନୁଯାୟୀ, ଯେଉଁ ପୁରୁଷମାନେ ୩ ସେଣ୍ଟିମିଟରରୁ ଅଧିକ ଉଚ୍ଚତା ହରାଇଥାନ୍ତି ସେମାନଙ୍କ ହିପ୍ ଫ୍ରାକ୍ଚର ହେବାର ସମ୍ଭାବନା ଦ୍ୱିଗୁଣିତ ଥାଏ।

ଅଷ୍ଟିଓପୋରୋସିସ୍ ହେଲେ  ଉଚ୍ଚତା ହ୍ରାସ ପାଏ?

ଭେରିୱେଲ୍‌ହେଲ୍ଥ ଅନୁଯାୟୀ, ଏହାର ଅନେକ କାରଣ ଅଛି, କମ୍ପ୍ରେସନ୍ ଫ୍ରାକ୍ଚର ସବୁଠାରୁ ସାଧାରଣ, ଯେଉଁଠାରେ ଦୁର୍ବଳ ହାଡ଼ ସହଜରେ ଫାଟିଯାଏ କିମ୍ବା ଫ୍ରାକ୍ଚର ହୁଏ। ଏହି ଫ୍ରାକ୍ଚରଗୁଡ଼ିକ ପ୍ରାୟତଃ ଗୁରୁତର ଯନ୍ତ୍ରଣା ସୃଷ୍ଟି କରେ ନାହିଁ, ତେଣୁ ଲୋକମାନେ ସେଗୁଡ଼ିକୁ ସରଳ ପିଠି ଯନ୍ତ୍ରଣା ଭାବି ଅଣଦେଖା କରନ୍ତି। ଏହା ମେରୁଦଣ୍ଡକୁ ସଙ୍କୁଚିତ କରେ ଏବଂ ଉଚ୍ଚତା ହ୍ରାସ କରାଏ। କାଇଫୋସିସ୍ ହେଉଛି ଦ୍ୱିତୀୟ ସବୁଠାରୁ ସାଧାରଣ ଅବସ୍ଥା, ଯେଉଁଠାରେ ଉପର ପିଠି ଗୋଲାକାର କିମ୍ବା କୁଞ୍ଚିତ ଦେଖାଯାଏ। ଯେତେବେଳେ ଅଷ୍ଟିଓପୋରୋସିସ୍ ମେରୁଦଣ୍ଡକୁ ଦୁର୍ବଳ କରିଦିଏ, ଶରୀର ଆଗକୁ ନଇଁବାକୁ ଆରମ୍ଭ କରେ, ଯାହା ଫଳରେ ଏହା ଛୋଟ ଦେଖାଯାଏ।

ହଜିଯାଇଥିବା ଉଚ୍ଚତା ପୁନରୁଦ୍ଧାର କରାଯାଇପାରିବ କି?

ଅଧିକାଂଶ କ୍ଷେତ୍ରରେ, ଅଷ୍ଟିଓପୋରୋସିସ୍ ଯୋଗୁଁ ଉଚ୍ଚତା ହ୍ରାସ ଅପରିବର୍ତ୍ତନୀୟ, କିନ୍ତୁ ଆପଣ ଶରୀର ଅଧିକା କ୍ଷତିକୁ ରୋକିବା ପାଇଁ ଜୀବନଶୈଳୀରେ ପରିବର୍ତ୍ତନ, ଧୂମପାନ ଛାଡିବା ଏବଂ ନିୟମିତ ବ୍ୟାୟାମ କରିବାର ଆବଶ୍ୟକ ରହିଛି। 

ଅଧିକ ପଢନ୍ତୁ: ୪୦ ବର୍ଷରୁ କମ୍ ବୟସର ମହିଳାମାନେ ହୃଦଘାତର ଶିକାର ହେବାର ସମ୍ଭାବନା କାହିଁକି ଅଧିକ ଥାଏ?

ଭୁବନେଶ୍ୱର: ଦେଶର ସର୍ବବୃହତ ବିମାନ କମ୍ପାନୀ ଇଣ୍ଡିଗୋ ଏବେ ସଙ୍କଟରେ ପଡ଼ିଛି। ଇଣ୍ଡିଗୋ କର୍ମଚାରୀମାନେ ପ୍ରତିଦିନ କୌଣସି ନ କୌଣସି ସମସ୍ୟାର ସମ୍ମୁଖୀନ ହେଉଛନ୍ତି। ସାରା ଦେଶରେ ଶହ ଶହ ଇଣ୍ଡିଗୋ ବିମାନ ବାତିଲ କରାଯାଇଛି। ତଥାପି, କିଛି ବିମାନ ବିଳମ୍ବରେ ଚାଲୁଛି। ଦିଲ୍ଲୀ, ମୁମ୍ବାଇ, ହାଇଦ୍ରାବାଦ, ବେଙ୍ଗାଲୁରୁ, ଗୋଆ ଏବଂ ଅହମ୍ମଦାବାଦରେ ବିମାନ ସେବା ବାତିଲ କରାଯାଇଛି। ଯାନ୍ତ୍ରିକ ତ୍ରୁଟି ଏବଂ କର୍ମଚାରୀ ଅଭାବ ଯୋଗୁଁ ବିମାନ ସେବାରେ ସମସ୍ୟା ଆରମ୍ଭ ହୋଇଛି। ଏହି କ୍ରମରେ, ଇଣ୍ଡିଗୋ ବିମାନ ବାତିଲର ପ୍ରଭାବ ଯୋଗୁଁ କର୍ଣ୍ଣାଟକର ହୁବଳିରେ ଏକ ଅଭାବନୀୟ ଦୃଶ୍ୟ ଦେଖିବାକୁ ମିଳିଛି। ଇଣ୍ଡିଗୋ ଏୟାରଲାଇନ୍ସର ବ୍ୟାପକ ବିମାନ ବାତିଲ୍ ହେତୁ ଜଣେ ନବ ବିବାହିତ ଦମ୍ପତି ହୁବଳିରେ ନିଜ ରିସେପ୍ସନ୍‌ରେ ପହଞ୍ଚି ନପାରି ଶେଷରେ ଭିଡିଓ କନଫରେନ୍ସିଂ ଜରିଆରେ ସାମିଲ ହୋଇଥିଲେ।

ସୂଚନା ମୁତାବିକ, ବେଙ୍ଗାଲୁରୁରେ କାର୍ଯ୍ୟ କରୁଥିବା ହୁବଳିର ମେଧା କ୍ଷୀରସାଗର ଏବଂ ଓଡ଼ିଶାର ଭୁବନେଶ୍ୱରର ସଙ୍ଗମ ଦାସ ଉଭୟ ପେଶାରେ ସଫ୍ଟୱେୟାର ଇଞ୍ଜିନିୟର। ଦୁହେଁ ନଭେମ୍ବର ୨୩ ତାରିଖରେ ଭୁବନେଶ୍ୱରରେ ବିବାହ କରିଥିଲେ। ଡିସେମ୍ବର ୩ ତାରିଖରେ କନ୍ୟାଙ୍କ ଜନ୍ମସ୍ଥାନ ହୁବଳିର ଗୁଜରାଟ ଭବନରେ ସେମାନଙ୍କର ରିସେପ୍ସନ୍ କାର୍ଯ୍ୟକ୍ରମ ରଖାଯାଇଥିଲା। ଡିସେମ୍ବର ୨ ତାରିଖରେ ଏହି ଦମ୍ପତି ଭୁବନେଶ୍ୱରରୁ ବେଙ୍ଗାଲୁରୁ ଦେଇ ହୁବଳି ଯିବା ପାଇଁ ଟିକେଟ୍ ବୁକ୍ କରିଥିଲେ। କିନ୍ତୁ ବିମାନଗୁଡ଼ିକ ବାରମ୍ବାର ବିଳମ୍ବ ହେବା ପରେ ଡିସେମ୍ବର ୩ ତାରିଖ ସକାଳେ ଶେଷରେ ବିମାନ ବାତିଲ ହୋଇଯାଇଥିଲା। ପାଇଲଟ୍ ଅଭାବ ଏବଂ ଅପରେସନାଲ୍ ସମସ୍ୟା ଯୋଗୁଁ ଇଣ୍ଡିଗୋ ଦେଶବ୍ୟାପୀ ଶତାଧିକ ବିମାନ ବାତିଲ୍ କରିବା ଯୋଗୁଁ ଏହି ସମସ୍ୟା ସୃଷ୍ଟି ହୋଇଥିଲା।

ସେପଟେ ରିସେପ୍ସନ୍ ଆୟୋଜନ ହୋଇସାରିଥିବା ହେତୁ ଏବଂ ଅତିଥିମାନେ ପହଞ୍ଚି ସାରିଥିବାରୁ କନ୍ୟାଙ୍କ ପରିବାର ଶେଷ ମୁହୂର୍ତ୍ତରେ କାର୍ଯ୍ୟକ୍ରମକୁ ବାତିଲ କରିପାରି ନ ଥିଲେ। ତେଣୁ ଭୁବନେଶ୍ୱରରେ ରହି ପାରମ୍ପରିକ ପୋଷାକରେ ସଜ୍ଜିତ ହୋଇ ଦମ୍ପତି ଭିଡିଓ କନଫରେନ୍ସିଂ ମାଧ୍ୟମରେ ରିସେପ୍ସନ୍‌ରେ ଯୋଗ ଦେଇଥିଲେ। ଘଟଣାକୁ ନେଇ କନ୍ୟାଙ୍କ ମା' କହିଛନ୍ତି, "ଆମେ ସମ୍ପର୍କୀୟଙ୍କୁ ଭୋଜି ପାଇଁ ନିମନ୍ତ୍ରଣ କରିଥିଲୁ, ତେଣୁ ଶେଷ ମୁହୂର୍ତ୍ତରେ କାର୍ଯ୍ୟକ୍ରମ ବାତିଲ କରିବା ଅସମ୍ଭବ ଥିଲା। ଶେଷରେ ପରିବାର ମଧ୍ୟରେ ଆଲୋଚନା ପରେ, ଆମେ ଦମ୍ପତିଙ୍କୁ ଅନଲାଇନ ଜରିଆରେ ରିସେପ୍ସନରେ ଯୋଗଦେବାକୁ କହିଥିଲେ ଏବଂ ସ୍କ୍ରିନରେ ସେମାନଙ୍କର ଅଂଶଗ୍ରହଣର ସିଧା  ପ୍ରସାରଣ କରିବାକୁ ନିଷ୍ପତ୍ତି ନେଇଥିଲୁ"।

ଅଧିକ ପଢନ୍ତୁ: ସତ ହେଲା "ବିବାହ" ସିନେମାର କାହାଣୀ; ହସ୍ପିଟାଲ ବେଡ୍‌ରେ କନ୍ୟା ମଥାରେ ସିନ୍ଦୁର ଭରିଲା ସ୍ୱାମୀ,ଭାଇରାଲ ହେଲା ଭିଡିଓ 

Unlucky that their Indigo flight was cancelled. The couple still joined their reception online and made the best of the moment.🥺❤️#Indigo #IndigoDelay#indigochaos #Indigoairlines pic.twitter.com/R3UB2izDFD

— Karl Marx2.O (@Marx2PointO) December 5, 2025

ନୂଆଦିଲ୍ଲୀ: ଦୂରସଂଚାର ବିଭାଗ (DoT) ଭାରତର ସ୍ମାର୍ଟଫୋନ୍ କମ୍ପାନୀଗୁଡ଼ିକୁ ସମସ୍ତ ନୂତନ ସ୍ମାର୍ଟଫୋନ୍‌ରେ ସରକାର ଦ୍ବାରା ବିକଶିତ ସାଇବର ସୁରକ୍ଷା ଆପ୍ "ସଞ୍ଚାର ସାଥୀ" ପୂର୍ବରୁ ସଂସ୍ଥାପନ କରିବାକୁ କହିଛି। ଏହି ଆପ୍ ବ୍ୟବ‌ହାରକାରୀଙ୍କୁ ଠକେଇ କଲ୍ ଏବଂ ମେସେଜ୍ ରିପୋର୍ଟ କରିବାରେ ସାହାଯ୍ୟ କରେ, ଏବଂ ଚୋରି ହୋଇଥିବା ମୋବାଇଲ୍ ଫୋନ୍ ବିଷୟରେ ସୂଚନା ପ୍ରଦାନ କରେ। ସୂତ୍ର ଅନୁଯାୟୀ, DoT ସ୍ମାର୍ଟଫୋନ୍‌ କମ୍ପାନୀଗୁଡ଼ିକୁ ଏହା ମଧ୍ଯ କହିଛି ଯେ ଉପଭୋକ୍ତାମାନେ ଆପ୍ ଡିଲିଟ୍ କରିପାରିବେ ନାହିଁ ତାହା ନିଶ୍ଚିତ କରନ୍ତୁ ଏହା ବ୍ୟତୀତ, ସେମାନେ ପୂର୍ବରୁ ବିକ୍ରି ହୋଇସାରିଥିବା ଫୋନ୍‌ଗୁଡ଼ିକରେ ଆପ୍ ଯୋଡ଼ିବା ପାଇଁ ସଫ୍ଟୱେର୍‌ ଅପଡେଟ୍ ଜାରି କରିବା ଉଚିତ। ଏହି ନିର୍ଦେଶ ପାଳନପାଇଁ ସ୍ମାର୍ଟଫୋନ୍ କମ୍ପାନୀଗୁଡ଼ିକୁ ୩ ମାସର ସମୟ ଦିଆଯାଇଛି।

ସରକାରଙ୍କ କହିବାନୁଯାୟୀ, ନକଲି କିମ୍ବା ଜାଲ୍ IMEI (International Mobile Equipment Identity) ନମ୍ବର ଯୋଗୁଁ ହେଉଥିବା ଠକାମି ଏବଂ ନେଟୱର୍କର ଅପବ୍ୟବହାରକୁ ରୋକିବା ପାଇଁ ଏହି ଆପ୍ ଅତ୍ୟନ୍ତ ଜରୁରୀ। ଜାନୁଆରୀରେ ଆରମ୍ଭ ହୋଇଥିବା ଏହି ଆପ୍ ଜରିଆରେ ଏପର୍ଯ୍ୟନ୍ତ ୭ ଲକ୍ଷରୁ ଅଧିକ ହଜିଯାଇଥିବା ଫୋନ୍ ଉଦ୍ଧାର କରାଯାଇଛି ଏବଂ ୩.୭ ମିଲିୟନରୁ ଅଧିକ ଚୋରି ହୋଇଥିବା କିମ୍ବା ହଜିଯାଇଥିବା ଫୋନ୍ ବ୍ଲକ୍ କରାଯାଇଛି। ଏହା ବ୍ୟତୀତ ୩୦ ମିଲିୟନରୁ ଅଧିକ ଜାଲ୍ ସଂଯୋଗ (fraudulent connections) ବନ୍ଦ କରାଯାଇଛି।

ଆପଲ୍, ସାମସଙ୍ଗ, ଭିଭୋ, ଓପୋ ଏବଂ ଶାଓମି ଭଳି କମ୍ପାନୀମାନେ ଏହି ନୂଆ ନିୟମ ପାଳନ କରିବାକୁ ବାଧ୍ୟ। ତେବେ, ଆପଲ୍ ସାଧାରଣତଃ ନିଜର ଉପକରଣରେ ସରକାରୀ କିମ୍ବା ତୃତୀୟ ପକ୍ଷର (third-party) ଆପ୍‌କୁ ପୂର୍ବରୁ ଇନ୍‌ଷ୍ଟଲ୍ କରିବାକୁ ବାରଣ କରିଥାଏ, ତେଣୁ ଏହି ପ୍ରସଙ୍ଗରେ ଆଲୋଚନା ହେବାର ସମ୍ଭାବନା ରହିଛି।

ରଏଟର୍ସ ରିପୋର୍ଟ ଅନୁଯାୟୀ କରିଛି ଯେ ନଭେମ୍ବର ୨୮ରେ ଆସିଥିବା ନିର୍ଦ୍ଦେଶ ଅନୁଯାୟୀ, ପ୍ରମୁଖ ସ୍ମାର୍ଟଫୋନ୍ କମ୍ପାନୀଗୁଡ଼ିକୁ ନୂଆ ମୋବାଇଲ୍ ଫୋନରେ ଏହି ଆପ୍ ଇନ୍‌ଷ୍ଟଲ୍ କରିବାକୁ ୯୦ ଦିନ ସମୟ ଦିଆଯାଇଛି। ନିର୍ଦ୍ଦେଶରେ ସ୍ପଷ୍ଟ କୁହାଯାଇଛି ଯେ, ଉପଭୋକ୍ତାମାନେ ଏହି ଆପ୍‌କୁ ନିଷ୍କ୍ରିୟ ବା ଡିଲିଟ୍ କରିପାରିବେ ନାହିଁ।

ସଞ୍ଚାର ସାଥୀ ଆପ୍ କେତେ ପ୍ରଭାବଶାଳୀ?

ସରକାରୀ ସଂଖ୍ୟାଗୁଡ଼ିକ ବହୁତ ପ୍ରଭାବଶାଳୀ:

• ୫ ମିଲିୟନରୁ ଅଧିକ ଡାଉନଲୋଡ୍
• ୩୭ ଲକ୍ଷରୁ ଅଧିକ ଚୋରି/ହଜିଯାଇଥିବା ଫୋନ୍ ଅବରୋଧ କରାଯାଇଛି। 
• ୩ କୋଟିରୁ ଅଧିକ ନକଲି ମୋବାଇଲ୍ ସଂଯୋଗ ଅବରୋଧ କରାଯାଇଛି। 
• କଳା ବଜାରରେ ନକଲି ଫୋନର ବିକ୍ରୟ ହ୍ରାସ ପାଇଛି।
• ସରକାର ଦାବି କରୁଛନ୍ତି ଯେ ଏହି ପଦକ୍ଷେପ ସାଇବର ସୁରକ୍ଷାକୁ ସୁଦୃଢ଼ ​​କରିବ ଏବଂ ଅପରାଧୀମାନଙ୍କ ପାଇଁ ଏହାକୁ ପାଇବା ସହଜ ହେବ।

ଏହା ଆପଣଙ୍କ ଉପରେ କି ପ୍ରଭାବ ପକାଇବ?

ଏହି ଆପ୍ ସାଧାରଣ ବ୍ୟବହାରକାରୀଙ୍କ ପାଇଁ କୌଣସି ସମସ୍ୟା ସୃଷ୍ଟି କରିବ ନାହିଁ।

ସୁବିଧା:

• ଯଦି ଆପଣଙ୍କ ଫୋନ୍ ଚୋରି ହୋଇଯାଏ, ତେବେ ତୁରନ୍ତ ଏହାକୁ ବ୍ଲକ୍ କରନ୍ତୁ
• IMEI ଏବଂ କଲ୍ ଯାଞ୍ଚ ବୈଶିଷ୍ଟ୍ୟ
• ସାଇବର ଠକେଇରୁ ସୁରକ୍ଷା
• କିନ୍ତୁ ଗୋପନୀୟତା କର୍ମୀ ଏବଂ ଆପଲ୍ ଭଳି ବ୍ରାଣ୍ଡ ଏହାକୁ ବ୍ୟବହାରକାରୀଙ୍କ ସ୍ୱାଧୀନତାରେ ହସ୍ତକ୍ଷେପ ବୋଲି ବିବେଚନା କରିପାରନ୍ତି।

ଅଧିକ ପଢନ୍ତୁ: ରୁଷ ସହ ହେବ ବଡ ଡିଫେନ୍ସ ଡିଲ୍‌, ଜାଣନ୍ତୁ କେତେ ଗୁରୁତ୍ୱପୂର୍ଣ୍ଣ ପୁଟିନଙ୍କ ଭାରତ ଗସ୍ତ

କେରଳ: ସୋସିଆଲ ମିଡିଆରେ ଏକ ଭିଡିଓ ଏବେ ଭାଇରାଲ ହେଉଛି। ଏହି ଭିଡିଓକୁ ଯିଏ ଦେଖୁଛି ସେ କହୁଛି, 'ସତ ହେଲା ସିନେମାର କାହାଣୀ'। ଆପଣମାନେ ବହୁଚର୍ଚ୍ଚିତ ହିନ୍ଦୀ ସିନେମା 'ବିବାହ' ଦେଖିଥିବେ, ଏହି ସିନେମାରେ ନାୟିକା ଜଣକ ଅସୁସ୍ଥ ହୋଇ ହସ୍ପିଟାଲ ବେଡ୍‌ରେ ଥିବାବେଳେ ନାୟକ ଜଣକ ସେଇ ହସ୍ପିଟାଲରେ ହିଁ ତାଙ୍କ ମଥାରେ ସିନ୍ଦୁର ଭରିଥିଲେ। ଠିକ ସିନେମା ଭଳି କେରଳରେ ଘଟିଛି ଏଭଳି ଏକ ଘଟଣା। ବିବାହ ତାରିଖ ସ୍ଥିର ହୋଇସାରିଥିବ ବେଳେ ଭାବିପତ୍ନୀ ଏକ ଦୁର୍ଘଟଣାର ସମ୍ମୁଖୀନ ହୁଅନ୍ତି। ଆଉ ଏହା ପରେ, ବର ହସ୍ପିଟାଲକୁ ଯାଇ ତାଙ୍କୁ ସେଠାରେ ବିବାହ କରନ୍ତି। କେରଳର ଏହି ପ୍ରେମ କାହାଣୀ ସୋସିଆଲ ମିଡିଆରେ ଭାଇରାଲ ହୋଇଛି। 

ହସ୍ପିଟାଲର ଜରୁରୀକାଳୀନ ୱାର୍ଡ ଭିତରେ ଏହି ଦମ୍ପତିଙ୍କ ହୃଦୟସ୍ପର୍ଶୀ ମୁହୂର୍ତ୍ତ କ୍ୟାମେରାରେ କଏଦ ହୋଇଥିଲା। ଇଣ୍ଟରନେଟରେ ଲୋକମାନେ ଏହାକୁ "ରିଅଲ ଲାଇଫ ବିବାହ ବା ବିବାହ ଚଳଚ୍ଚିତ୍ରର ବାସ୍ତବ ସଂସ୍କରଣ" ବୋଲି କହିଛନ୍ତି। 

ରିପୋର୍ଟ ଅନୁସାରେ, କନ୍ୟା ବିବାହରେ ସାମିଲ ହେବାକୁ ଯାଉଥିବା ସମୟରେ ଏକ ଦୁର୍ଘଟଣାରେ ଶିକାର ହୋଇ ଗୁରୁତର ହୋଇପଡନ୍ତି, ହେଲେ ବିବାହର ତାରିଖ ଏବଂ ଶୁଭ ସମୟର ଗୁରୁତ୍ୱ ହେତୁ, ବର ହସ୍ପିଟାଲରେ ପହଁଚି ବିନା ଆଡ଼ମ୍ବରରେ କନ୍ୟାକୁ ସେଠାରେ ବିବାହ କରିଥିଲେ। ପରିବାର ଲୋକେ ହସ୍ପିଟାଲ ଅଧିକାରୀଙ୍କଠାରୁ ଅନୁମତି ପାଇଲା ପରେ କୌଣସି ଆଡମ୍ବର ଏବଂ ପ୍ରଦର୍ଶନ ବିନା ବିବାହ ରୀତିନୀତି ସମ୍ପନ୍ନ କରିଥିଲେ। ଏହି ଉତ୍ସବରେ ଡାକ୍ତରଙ୍କଠାରୁ ଆରମ୍ଭ କରି ନର୍ସ ଏବଂ ନିକଟ ସମ୍ପର୍କୀୟ ସମସ୍ତେ ସେଠାରେ ଉପସ୍ଥିତ ଥିଲେ। 

ଅଧିକ ପଢନ୍ତୁ: ବଢ଼ୁଥିବା ପ୍ରଦୂଷଣ ଯୋଗୁଁ ଆଡଭାଇଜରୀ ଜାରି କଲେ ଦିଲ୍ଲୀ ସରକାର; ୫୦% ଘରୋଇ କାର୍ଯ୍ୟାଳୟ କର୍ମଚାରୀ କରିବେ ୱାର୍କ ଫ୍ରମ ହୋମ

Real-life Vivah moment: Kerala man marries injured bride in hospital.#Kerala #Vivah #ViralVideo pic.twitter.com/qKrU2IaXvq

— TIMES NOW (@TimesNow) November 22, 2025

ଦୁବାଇ ଏୟାର ଶୋ’ରେ ଦୁର୍ଘଟଣାଗ୍ରସ୍ତ ତେଜସ୍ ବାୟୁସେନାର ଲଢ଼ୁଆ ବିମାନରେ ହିମାଚଳ ପ୍ରଦେଶର କାଙ୍ଗଡ଼ା ଜିଲ୍ଲାର ବାସିନ୍ଦା ୱିଙ୍ଗ କମାଣ୍ଡର ନମନ ସିଆଲଙ୍କ ମୃତ୍ୟୁ ଘଟିଛି। ଏହି ସମୟରେ, ଦୁର୍ଘଟଣାର ଏକ ଭିଡିଓ ସୋସିଆଲ ମିଡିଆରେ ଖୁବ ଭାଇରାଲ ହେଉଛି। ଯେଉଁ ଭିଡିଓରେ, ୱିଙ୍ଗ କମାଣ୍ଡର ନମନ ସିଆଲଙ୍କ ପ୍ରତିରକ୍ଷା ରାଷ୍ଟ୍ରମନ୍ତ୍ରୀ ସଞ୍ଜୟ ସେଠ, ୟୁଏଇରେ ଭାରତୀୟ ରାଷ୍ଟ୍ରଦୂତ ଦୀପକ ମିତ୍ତଲ ଏବଂ ବୈଦେଶିକ ମନ୍ତ୍ରଣାଳୟର ଅତିରିକ୍ତ ସଚିବ (ଉପସାଗର) ଅସୀମ ମହାଜନଙ୍କ ସହିତ ଦେଖିବାକୁ ମିଳୁଛି।

ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେଉଛି ଏବଂ ଲକ୍ଷ ଲକ୍ଷ ଲୋକଙ୍କ ହୃଦୟକୁ ଭାଙ୍ଗି ଦେଉଛି। ଫୁଟେଜରେ ସେ ଏକ ଗ୍ରୁପ୍ ଫଟୋ ପାଇଁ ପୋଜ୍ ଦେଉଛନ୍ତି, କିନ୍ତୁ ଏହା ତାଙ୍କ ଜୀବନର ଶେଷ ମୁହୂର୍ତ୍ତ ହେବ ବୋଲି କେହିବି ଜାଣିନଥିଲେ।

ଦୁବାଇ ପୂର୍ବରୁ, ୱିଙ୍ଗ କମାଣ୍ଡର ନମନ ସିଆଲ ଗୁଆହାଟିରେ ଏୟାର ଶୋ’ରେ ଏକ ଚମତ୍କାର ପ୍ରଦର୍ଶନ କରିଥିଲେ।ତେବେ ଗତକାଲି (ଶୁକ୍ରବାର) ଅପରାହ୍ନ ପ୍ରାୟ ୨ଟା୧୦ ସମୟରେ ଅଲ ମକତୁମ ଅନ୍ତର୍ଜାତୀୟ ବିମାନବନ୍ଦରରେ ଏୟାର ସୋ ଚାଲୁଥିବା ବେଳେ ଲଢୁଆ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା। ବିମାନଟି ବାୟୁରେ ଏକ ଚମତ୍କାର ମୋଡ଼ ନେଉଥିବା ବେଳେ ହଠାତ୍ ନିୟନ୍ତ୍ରଣ ହରାଇଲା। କିଛି ସେକେଣ୍ଡ ମଧ୍ୟରେ, ତେଜସ୍ ଖସିପଡ଼ି ସିଧା ଭୂମି ଆଡ଼କୁ ଯାଉଥିବା ପରି ଦେଖାଗଲା। ଧକ୍କା ହେବା ମାତ୍ରେ, ଏକ ଜୋରଦାର ବିସ୍ଫୋରଣ ହେଲା, ଯାହା ଅଲ୍ ମକତୁମ୍ ଅନ୍ତର୍ଜାତୀୟ ବିମାନବନ୍ଦର ଉପରେ କଳା ଧୂଆଁର ଏକ ସ୍ତର ସୃଷ୍ଟି କଲା। ଏହି ଦୁର୍ଘଟଣାରେ ୱିଙ୍ଗ କମାଣ୍ଡରନମନ ସିଆଲଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା।

ଅଧିକ ପଢନ୍ତୁ: ଏୟାର ଶୋ’ରେ ବଡ ଅଘଟଣ: ଉଡ଼ାଣ ପ୍ରଦର୍ଶନ ବେଳେ ଜଳିଗଲା ଯୁଦ୍ଧ ବିମାନ ତେଜସ୍

India’s Braveheart Pilot of Tejas Fighter Jet Wg Commander Namansh Syal seen here in a video during Dubai Air Show with India’s MoS Defence Sanjay Seth & India’s Envoy to UAE Deepak Mittal pic.twitter.com/3Oq1iLMe6C

— Vivek Awasthi (@VivekAwasthi89) November 22, 2025

ଭୁବନେଶ୍ୱର: ଡାଉନ୍ ହେଲା ସୋସିଆଲ୍ ମିଡିଆ ପ୍ଲାଟଫର୍ମ ‘ଏକ୍ସ’ର ସର୍ଭର। ମଙ୍ଗଳବାର ଅପରାହ୍ନ ୫ଟା.୨୦  ପରଠାରୁ  ହଠାତ୍ ‘ଏକ୍ସ’ର ସର୍ଭର ଡାଉନ୍ ରହିଛି। ଯାହାଫଳରେ ୟୁଜର୍ସମାନେ ଅନେକ ଅସୁବିଧାର ସାମ୍ନା ହେବା ସହିତ ଏନେଇ ଅଭିଯୋଗ ମଧ୍ୟ କରୁଛନ୍ତି। ଏପରିକି ‘ଏକ୍ସ’ରେ ଟ୍ୱିଟର ଡାଉନ୍ ବୋଲି ଟ୍ରେଣ୍ଡ ହେବାରେ ମଧ୍ୟ ଲାଗିଛି। ସର୍ଭର ଡାଉନ୍ ହେବା କାରଣରୁ ୟୁଜର୍ସମାନେ ‘ଏକ୍ସ’ରେ ପୋଷ୍ଟ ସେୟାର କରିପାରୁନାହାଁନ୍ତି। ଉଭୟ ଫୋନ୍ ଏବଂ ୱେବରେ ୟୁଜର୍ସମାନେ ଏହି ଅସୁବିଧାର ସାମ୍ନା କରୁଛନ୍ତି।

 X ଖୋଲିବା ସମୟରେ, Welcome ଲେଖା ହୋଇଛି କିନ୍ତୁ ଏହା ପରେ କୌଣସି ପୋଷ୍ଟ ଦେଖାଯାଉନି। ଉଭୟ ମୋବାଇଲ୍ ଏବଂ ଡେସ୍କଟପ୍ ବ୍ୟବହାରକାରୀ ଏହି ସମସ୍ୟାର ସମ୍ମୁଖୀନ ହେଉଛନ୍ତି। ଉଭୟ ଭେରିଫାଇଡ ଓ ନନ୍ ଭେରିଫାଇଡ ଉଭୟଙ୍କ ପାଇଁ ଅସୁବିଧା ହୋଇଛି। ଏଥିପାଇଁ ବିଶ୍ଵବ୍ୟାପୀ କୋଟି କୋଟି ୟୁଜର୍ସ ସମସ୍ୟା ଭୋଗୁଛନ୍ତି।

ନୂଆଦିଲ୍ଲୀ: ICC ODI ବିଶ୍ୱକପ୍ ୨୦୨୫ ଜିତିବା ପରେ, ଭାରତୀୟ ମହିଳା କ୍ରିକେଟ୍ ଦଳ ପ୍ରଧାନମନ୍ତ୍ରୀ ମୋଦିଙ୍କୁ ତାଙ୍କ ବାସଭବନରେ ଭେଟିଥିଲେ, ଯାହାର ଭିଡିଓ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି। ଏହି ସାକ୍ଷାତକାରର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ପ୍ରଧାନମନ୍ତ୍ରୀ ମୋଦି ଭାରତୀୟ ମହିଳା ଦଳର ଖେଳାଳିମାନଙ୍କୁ ସେମାନଙ୍କ ଅଭିଜ୍ଞତା ବିଷୟରେ ପ୍ରଶ୍ନ ପଚାରୁଥିବାର ଦେଖାଯାଇଛି, କିନ୍ତୁ ମଝିରେ ବ୍ୟାଟସମ୍ୟାନ ହରଲିନ୍ ଦେଓଲ ପ୍ରଧାନମନ୍ତ୍ରୀ ମୋଦିଙ୍କୁ ଏପରି ଏକ ମଜାଦାର ପ୍ରଶ୍ନ ପଚାରିଥିଲେ ଯେ ସମଗ୍ର ପ୍ରଧାନମନ୍ତ୍ରୀ ବାସଭବନ ହସରେ ଗୁଞ୍ଜରିତ ହୋଇଗଲା। 

ହରଲିନ୍ ଦେଓଲ ପ୍ରଧାନମନ୍ତ୍ରୀ ମୋଦିଙ୍କୁ ତାଙ୍କ ସ୍କିନ୍ କେୟାର ରୁଟିନ୍ ବିଷୟରେ ପଚାରିଲେ

ପ୍ରକୃତରେ, କଥାବାର୍ତ୍ତା ସମୟରେ ପ୍ରଧାନମନ୍ତ୍ରୀ ମୋଦି ହରଲିନ୍ ଦେଓଲଙ୍କ ସ୍ୱଭାବ ଏବଂ ଦକ୍ଷତାକୁ ପ୍ରଶଂସା କରିଥିଲେ, ଯେତେବେଳେ ସେ ଏକ ହାଇ-ପ୍ରେସ ମ୍ୟାଚ୍‌ରେ ଚମତ୍କାର ପ୍ରଦର୍ଶନ କରିଥିଲେ। ଉତ୍ତରରେ, ହରଲିନ୍ ଦେଓଲ ହଠାତ୍ ପଚାରିଲେ, " ସାର୍, ଆପଣଙ୍କର ସ୍କିନ୍ କେୟାର ରୁଟିନ୍ କ'ଣ? ଆପଣ ବହୁତ ଚମକୁଛନ୍ତି, ସାର୍।"

ସେ ଏହି ପ୍ରଶ୍ନ ପଚାରିବା ମାତ୍ରେ ସେଠାରେ ଉପସ୍ଥିତ ସମସ୍ତେ ହସିବାକୁ ଲାଗିଲେ। ପ୍ରଧାନମନ୍ତ୍ରୀ ମୋଦି ମଧ୍ୟ ତାଙ୍କ ପ୍ରଶ୍ନ ଶୁଣି ଜୋରରେ ହସିବାକୁ ଲାଗିଲେ, ଏବଂ କହିଲେ ଯେ ସେ ଏହି ବିଷୟ ପ୍ରତି ଅଧିକ ଧ୍ୟାନ ଦେଇ ନାହାଁନ୍ତି।

ସେଠାରେ ଥିବା ସାଥୀ ଖେଳାଳି ସ୍ନେହ ରାଣା ତୁରନ୍ତ ମନ୍ତବ୍ୟ ଦେଲେ, "ମହାଶୟ, ଏହା ଦେଶର ଲକ୍ଷ ଲକ୍ଷ ଲୋକଙ୍କର ପ୍ରେମ।" ଏହା ଶୁଣି ପ୍ରଧାନମନ୍ତ୍ରୀ କହିଥିଲେ, "ହଁ, ଏହା ସତ। ଦେଶବାସୀଙ୍କ ଭଲପାଇବା ମୋତେ ଏତେ ବାଟଯାଏ ଆଣିଛି। ମୁଁ ୨୫ବର୍ଷ ଧରି ସରକାରରେ ଅଛି। ସରକାର ମୁଖ୍ୟ ଭାବରେ କାର୍ଯ୍ୟ କରିବାରେ ବହୁତ ଦିନ ବିତିଗଲାଣି। ଯେତେବେଳେ ଲୋକମାନେ ଆଶୀର୍ବାଦ ଦିଅନ୍ତି, ଏହାର ପ୍ରଭାବ ପଡ଼ିଥାଏ।"

ସେହି ସମୟରେ ଦଳର ପ୍ରଶିକ୍ଷକ ଅମୋଲ ମଜୁମଦାର ମଧ୍ୟ ମଜା କରି ମନ୍ତବ୍ୟ ଦେଇ କହିଥିଲେ, "ଦେଖନ୍ତୁ, ମହାଶୟ, ମୋତେ ପ୍ରତିଦିନ ଏଭଳି ଦୁଷ୍ଟ ଖେଳାଳିମାନଙ୍କ ସହିତ ମୁକାବିଲା କରିବାକୁ ପଡ଼ୁଛି, ସେଥିପାଇଁ ମୋର କେଶ ଧଳା ହୋଇଯାଇଛି।"

ଅଧିକ ପଢନ୍ତୁ: 'କଚ୍ଛର କୋକିଳ' ଗୀତା ରବାରୀଙ୍କ କୃଷ୍ଣ ସ୍ତୁତି ଗାନରେ ଭାବପ୍ରବଣ ହେଲେ ସନ୍ଥ ପ୍ରେମାନନ୍ଦ

#WATCH | Delhi: Cricketer and member of the Champion Indian Cricket team, Harleen Kaur Deol, asks Prime Minister Narendra Modi about his skin care routine.

Prime Minister Narendra Modi says, "I did not pay a lot of attention to this... I've been in government for 25 years now.… pic.twitter.com/deqCTZcCAE

— ANI (@ANI) November 6, 2025

ନୂଆଦିଲ୍ଲୀ: ବର୍ତ୍ତମାନ ପିଲାଠୁ ନେଇ ବୟସ୍କ ଯାଏ ସମସ୍ତଙ୍କୁ ରିଲ୍ସ ନିଶା ଘାରିଛି । ସମସ୍ତେର ରିଲ୍ସ କରିବା ପାଇଁ ପାଗଳ । ଏବେ ଭାରତରେ ହିନ୍ଦୀରେ ରିଲ୍ସ କରୁଥିବା ୟୁଜର୍ସଙ୍କ ଭିଡ଼ିଓ ଅନ୍ୟ ଭାଷା ଏବଂ ଅନ୍ୟ ଦେଶର ଲୋକେ ଦେଖିପାରିବେ ଓ ବୁଝିମଧ୍ୟ ପାରିବେ । ମେଟା (Meta) ତାର ଇନଷ୍ଟାଗ୍ରାମ (Instagram)ରେ ନୂଆ ଫିଚର୍ସ ଆଣିଛି ।  ଯେଉଁଥିରେ ହିନ୍ଦୀ ଭାଷା ଯୋଡ଼ା ଯାଇଛି ।

ପୂର୍ବରୁ ଇନଷ୍ଟାଗ୍ରାମରେ କେବଳ ଇଂରାଜୀ ଏବଂ ସ୍ପେନ ଭାଷା ଉପଲବ୍ଧ ହେଉଥିଲା । ଆପଣ ଯାହା ପୋଷ୍ଟ କରିବେ ତାହା ଏହି ଦୁଇଟି ଭାଷାକୁ ଟ୍ରାନ୍ସଲେଟ୍ ହେଉଥିଲା । କିନ୍ତୁ ମେଟା ପକ୍ଷରୁ ଆଉ ଅନ୍ୟ ଭାଷାକୁ ଯୋଡ଼ା ଯାଇଛି । ସେଥିରେ ହିନ୍ଦୀ ଏବଂ ପର୍ତ୍ତୁଗାଲ ଭାଷା ସାମିଲ ରହିଛି । ଫଳରେ ଭାରତରେ ଯେଉଁମାନେ ହିନ୍ଦୀରେ ରିଲ୍ସ କରିବେ ତାହା ଏବେ ଇଂରାଜୀ, ସ୍ପାନିସ୍, ଏବଂ ପର୍ତ୍ତୁଗାଲୀ ଭାଷାରେ ଟ୍ରାନ୍ସଲେଟ୍ ହୋଇପାରିବେ । ଫଳରେ ଭାରତୀୟଙ୍କ ରିଲ୍ସକୁ ଏହି ଭାଷାଭାଷୀର ଲୋକେ ଦେଖି ବୁଝିପାରିବେ । ଏହା ଦ୍ୱାରା ଆୟ ମଧ୍ୟ ବଢ଼ିବ । 

ବହୁତ ଇନଷ୍ଟ୍ରାଗ୍ରାମ ୟୁଜର୍ସ ଅଛନ୍ତି ଯେଉଁମାନେ କଣ୍ଟେଣ୍ଟ୍ ବନାଉଛନ୍ତି । କିନ୍ତୁ ସେମାନଙ୍କ ଭିଡ଼ିଓ ଅନ୍ତର୍ଜାତୀୟ ସ୍ତରରେ ପହଁଚି ପାରୁନି । ହିନ୍ଦୀ ଭାଷା ଆସିବା ଦ୍ୱାରା ଏହା ସହଜ ହେବ ଏବଂ ସେମାନଙ୍କ ବ୍ରାଣ୍ଡ୍ ହେଉ କିମ୍ବା ଭିଡ଼ିଓ ବିଶ୍ୱ ସ୍ତରରେ ପରିଚିତ ହେବ । 

ମେଟା ଏଆଇ (AI)ର ନୂତନ ଟୁଲ୍ସରେ ଭିଡ଼ିଓ ନିର୍ମାତା ନିଜ ରିଲ୍ସକୁ ଟ୍ରାନ୍ସଲେଟ୍ କରିପାରିବେ । ଖାଲି ସେତିକି ନୁହେଁ ଯେଉଁମାନେ ରିଲ୍ସ ଦେଖୁଥିବେ ସେମାନେ ମଧ୍ୟ ଏଆଇ ଦ୍ୱାରା ଟ୍ରାନ୍ସଲେଟ୍ କରି ଦେଖିପାରିବେ ।  ଟ୍ରାନ୍ସଲେଟ୍ ସହିତ ଲିପ୍ସିଂ ଅର୍ଥାତ୍ ନିଜେ ଅଡ଼ିକୁ ଶୁଣି ନିଜେ କହିବା ଭଳି ସୁବିଧା ଉପଲବ୍ଧ ହେବ । ଯାହା ଦ୍ୱାରା ଭିଡ଼ିଓଟି ସମ୍ପୂର୍ଣ୍ଣ ଅସଲି ଭଳି ଲାଗିବ । ଏଥିପାଇଁ ‘Translated with Meta AI’ ବିକଳ୍ପ ଦେଖାଇବ । ଯାହା ଦ୍ୱାରା ଭିଡ଼ିଓର କଣ୍ଟେଣ୍ଟ୍ ଟ୍ରାନ୍ସଲେଟ୍ ହୋଇପାରିବେ । ଏହା ସହିତ ଟ୍ରାନ୍ସଲେଟ୍ ସରିବା ପରେ ପୁନର୍ବାର ଅନୁଧ୍ୟାନ ବା ଚେକିଂ ମଧ୍ୟ କରିପାରିବେ ଏବଂ ଟ୍ରାନ୍ସଲେଟ୍ ବିକଳ୍ପକୁ ଅନ୍ କିମ୍ବା ଅଫ୍ ମଧ୍ୟ କରିପାରିବେ । ଅନ୍ ଅଫ୍ ହେଲେ ଭ୍ୟୁୟର୍ସ ମୂଳ ଭାଷାରେ ଭିଡ଼ିଓକୁ ମଧ୍ୟ ଦେଖିପାରିବେ ।  

ତେବେ ଏହି ସୁବିଧା ସମସ୍ତଙ୍କ ପାଇଁ ଉପଲବ୍ଧ ହୋଇପାରିବ ନାହିଁ । ଯେଉଁମାନଙ୍କ 1000ରୁ ଉର୍ଦ୍ଧ୍ୱ ଫଲୋର୍ସ ଥିବେ ସେମାନେ ଏହି ସୁବିଧାର ଲାଭ ଉଠାଇ ପାରିବେ । 

ନୂଆଦିଲ୍ଲୀ: ଗତ କିଛି ଦିନ ଧରି ଗୁଜବ ପ୍ରଚାରିତ ହେଉଛି ଯେ ଅକ୍ଟୋବର ୧୪ ପରେ Windows 10 ଚଲାଉଥିବା ଲାପଟପ୍ କାମ କରିବା ବନ୍ଦ କରିଦେବ। ଯଦି ଆପଣ ଏହା ଶୁଣିଛନ୍ତି, ତେବେ ଜାଣି ରଖନ୍ତୁ ଯେ ଏହା ସମ୍ପୂର୍ଣ୍ଣ ଭାବରେ ଏକ ଗୁଜବ ଏବଂ ଏପରି କିଛି ହେବ ନାହିଁ। ଅକ୍ଟୋବର ୧୪ ପରେ Windows 10 ଆଉ Microsoft ସମର୍ଥନ ପାଇବ ନାହିଁ, କିନ୍ତୁ ଏହା ଆପଣଙ୍କ ଲାପଟପ୍‌ର କାର୍ଯ୍ୟକାରିତାକୁ ପ୍ରଭାବିତ କରିବ ନାହିଁ ବରଂ ଏହା ପୂର୍ବ ପରି କାର୍ଯ୍ୟ କରିବ।

ଏହି ଗୁଜବ କାହିଁକି ଘଟୁଛି?

ପ୍ରକୃତରେ, Microsoft ଅକ୍ଟୋବର ୧୪ ତାରିଖରୁ Windows 10 ପାଇଁ ସମର୍ଥନ ବନ୍ଦ କରିବାକୁ ଘୋଷଣା କରିଛି। ତେଣୁ, ଯଦି ଅକ୍ଟୋବର ୧୪ ପରେ Windows 10 ସିଷ୍ଟମରେ କୌଣସି ସୁରକ୍ଷା ଦୁର୍ବଳତା ଦେଖାଦିଏ, ତେବେ କମ୍ପାନୀ ଏହାକୁ ସମାଧାନ କରିବା ପାଇଁ ଏକ ସୁରକ୍ଷା ପ୍ୟାଚ୍ ପ୍ରକାଶ କରିବ ନାହିଁ। ଏହା ବ୍ୟବହାରକାରୀ ସୁରକ୍ଷାକୁ ଦୁର୍ବଳ କରିବ ଏବଂ ସାଇବର ଆକ୍ରମଣର ଆଶଙ୍କା ବୃଦ୍ଧି କରିବ। ଏହି ଖବର ପ୍ରକାଶ ପାଇବା ପରେ ଅନେକ ଲୋକ ଭାବିଲେ ଯେ Windows 10 ଚଲାଉଥିବା ଲାପଟପ୍ ଏବଂ ସିଷ୍ଟମ ଅକ୍ଟୋବର ୧୪ ପରେ କାମ କରିବା ବନ୍ଦ କରିଦେବ।

ସିଷ୍ଟମଗୁଡ଼ିକ ପୂର୍ବ ପରି କାର୍ଯ୍ୟ କରିବ

ଅକ୍ଟୋବର ୧୪ ପରେ ମଧ୍ୟ Windows 10 ସିଷ୍ଟମଗୁଡ଼ିକ ପୂର୍ବ ପରି କାର୍ଯ୍ୟ କରିବା ଜାରି ରହିବ। ଏକମାତ୍ର ପାର୍ଥକ୍ୟ ହେବ ଯେ Microsoft ଏହି ସିଷ୍ଟମଗୁଡ଼ିକ ପାଇଁ କୌଣସି ଅପଡେଟ୍ ପ୍ରକାଶ କରିବ ନାହିଁ। ପ୍ରାୟ ଏକ ଦଶନ୍ଧି ପରେ, Microsoft Windows 10 ବନ୍ଦ କରୁଛି ଏବଂ ବ୍ୟବହାରକାରୀମାନଙ୍କୁ Windows 11କୁ ସ୍ଥାନାନ୍ତର କରିବାକୁ ଅନୁରୋଧ କରିଛି।

Windows 10 ବ୍ୟବହାରକାରୀଙ୍କ ପାଖରେ ଏବେ କ’ଣ ବିକଳ୍ପ ଅଛି?

Windows 10 ସମର୍ଥନ ସମାପ୍ତ ହେବା ପରେ, ସିଷ୍ଟମଗୁଡ଼ିକୁ Microsoft Defender ଆଣ୍ଟିଭାଇରସ୍ ସହିତ ସୁରକ୍ଷିତ କରାଯାଇପାରିବ। ଏହି ଆଣ୍ଟିଭାଇରସ୍ ଅକ୍ଟୋବର ୨୦୨୮ ପର୍ଯ୍ୟନ୍ତ ସୁରକ୍ଷା ଅପଡେଟ୍ ପାଇବା ଜାରି ରଖିବ। ଏହା ସହିତ  Microsoft ବିସ୍ତାରିତ ସୁରକ୍ଷା ଅପଡେଟ୍ (ESU) ମଧ୍ୟ ଘୋଷଣା କରିଛି। ଅକ୍ଟୋବର ୧୫ ତାରିଖରୁ, ବ୍ୟବହାରକାରୀମାନେ ଏଥିରେ ସବସ୍କ୍ରାଇବ କରିପାରିବେ। ଏହି କାର୍ଯ୍ୟକ୍ରମ ମାଧ୍ୟମରେ, ସେମାନେ ମାଗଣା Windows ବ୍ୟାକଅପ୍ ପାଇପାରିବେ କିମ୍ବା $୩୦(ପ୍ରାୟ ₹୨,୬୫୦) ରେ ଏକ ବର୍ଷର କଭରେଜ୍ ପାଇପାରିବେ। ଏହା ଆସନ୍ତା ବର୍ଷ ଅକ୍ଟୋବର ପର୍ଯ୍ୟନ୍ତ ସୁରକ୍ଷା ପ୍ରଦାନ କରିବ। ESU କାର୍ଯ୍ୟକ୍ରମର ମୂଲ୍ୟ ବ୍ୟବସାୟ ପାଇଁ   $61(ପ୍ରାୟ₹୫,୪୦୦)।

ଅଧିକା ପଢନ୍ତୁ:ପାର୍ବଣ ପରେ ଅଶାନ୍ତ ରାଜଧାନୀ; ଇନଫୋଭାଲି ଅଞ୍ଚଳରେ ଗର୍ଜିଲା ବନ୍ଧୁକ, ଦୁର୍ବୁତ୍ତଙ୍କ ଆତଙ୍କରାଜରେ ୨ ଗୁରୁତର