ଭୁୁବନେଶ୍ୱର: ଓଡିଶାରୁ ବାତ୍ୟା ବିପଦ ହଟିବା ପରେ ଗତ କିଛି ଦିନ ହେବ ରାଜ୍ୟରେ ପ୍ରବଳ ଜାଡ ଅନୂଭୂତ ହେଉଛି । ସାରା ରାଜ୍ୟରେ ଶୀତର ପ୍ରକୋପ ଅଧିକ ଦେଖିବାକୁ ମିଳିଛି । ତେବେ ଆଜିଠୁ ୪ ଦିନ ପର୍ଯ୍ୟନ୍ତ ୨ରୁ ୪ ଡିଗ୍ରୀ ବଢିବ ପାରଦ । ଫଳରେ ଶୀତ କମିବ । ଆଜିଠାରୁ ରାଜ୍ୟରେ ଶୀତ ହାଲୁକା କମିବା ଆରମ୍ଭ ହେବାର ସମ୍ଭାବନା ରହିଛି । ରାତିର ସର୍ବନିମ୍ନ ତାପମାତ୍ରା ୧୪ ଡିଗ୍ରୀ ମଧ୍ୟରେ ରହିବା ଆଶଙ୍କା କରାଯାଉଛି । ଏ ନେଇ ଭୁବନେଶ୍ୱର ଆଞ୍ଚଳିକ ପାଣିପାଗ କେନ୍ଦ୍ର ପକ୍ଷରୁ ସୂଚନା ଦିଆଯାଇଛି ।
ରାଜ୍ୟର ୫ ସହରର ତାପମାତ୍ରା ୧୦ ଡିଗ୍ରି ତଳକୁ ଖସିଥିବା ବେଳେ ଦାରିଙ୍ଗବାଡ଼ି ଓ ଫୁଲବାଣୀର ରାତି ପାରଦ ୮.୫ ଡିଗ୍ରିକୁ ଖସିଛି। ସେହିଭଳି ଗୁରୁବାର ରାତିରେ ଝାରସୁଗୁଡ଼ାରେ ୯.୨ ଡିଗ୍ରି, ଅନୁଗୁଳର ୯.୬ ଡିଗ୍ରି ଓ ଭବାନୀପାଟଣାରେ ୯.୮ ଡିଗ୍ରି ରାତ୍ରି ତାପମାତ୍ରା ରହିଥିଲା। ଅନ୍ୟପଟେ କୋରାପୁଟରେ ୧୦ ଡିଗ୍ରି, ରାଉରକେଲାରେ ୧୦.୧ ଡିଗ୍ରି, ସୁନ୍ଦରଗଡ଼ ଓ ବଲାଙ୍ଗୀରରେ ୧୧.୨ ଡିଗ୍ରି, କେନ୍ଦୁଝରରେ ୧୧.୮ ଡିଗ୍ରି ଓ ଢେଙ୍କାନାଳରେ ୧୨ ଡିଗ୍ରି ଲେଖାଏଁ ରାତି ତାପମାତ୍ରା ରହିଥିଲା।
ତେବେ ଆଜିଠାରୁ ରାଜ୍ୟରେ ଶୀତ ହାଲୁକା କମିବା ଆରମ୍ଭ ହେବ। ଆସନ୍ତା ୪ ଦିନରେ ରାଜ୍ୟର ରାତି ପାରଦ ପାଖାପାଖି ୨ରୁ ୪ ଡିଗ୍ରି ପର୍ୟ୍ୟନ୍ତ ବୃଦ୍ଧି ପାଇପାରେ ବୋଲି ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ କୁହାଯାଇଛି। ଫଳରେ ରାଜ୍ୟବାସୀ ଶୀତରୁ ସାମାନ୍ୟ ଆଶ୍ବସ୍ତି ପାଇବେ।
Also read: ଭକ୍ତଙ୍କ ପାଇଁ ଗୁଣ୍ଡିଚା ମନ୍ଦିର ଖୋଲାଯିବା ପ୍ରସ୍ତାବ ସ୍ଥଗିତ, ଏହି କାରଣରୁ ନିଆଗଲା ନିଷ୍ପତ୍ତି