ସମ୍ବଲପୁର : ସମ୍ବଲପୁର ପୋଲିସ ପକ୍ଷରୁ ଚାଲିଥିବା ସ୍ୱତନ୍ତ୍ର ନିଶା ନିବାରଣ ଅଭିଯାନକୁ ବଡ଼ ସଫଳତା ମିଳିଛି। ସମ୍ବଲପୁର ପୋଲିସ ପକ୍ଷରୁ ସହରର ବିଭିନ୍ନ ଥାନା ଅଞ୍ଚଳରେ ପୋଲିସ ଚଢ଼ାଉ କରି ୧୧୫ ବୋତଲ ବେଆଇନ କଫ ସିରଫ ସହ ୩ ଜଣକୁ ଗିରଫ କରାଯାଇଛି। ସେହିପରି ସଟ୍ଟା ଆଡ୍ଡା ଉପରେ ଚଢ଼ାଉ କରି ୨୭,୫୭୦ଟଙ୍କା ସହ ମୋଟ ୨ ଜଣ ଅଭିଯୁକ୍ତକୁ ଗିରଫ କରାଯାଇଛି। ଏନେଇ ଏସଡିପିଓ ତୋଫାନ ବାଗ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି। 

ପୋଲିସ ସୂଚନା ଅନୁସାରେ ବରେଇପାଲି ପୋଲିସ ପକ୍ଷରୁ ରେମେଡ ବ୍ରିଜ ଚେପେଟି ପୁଲିଆ ନିକଟରେ ସୁଦାମ ସୁନାନୀ,ମୁକ୍ତିଲଭ ମହାକୁଡ଼ ଓ ସୁନିଲ ମହାନ୍ତି ନାମକ ୩ ଜଣ ଅଭିଯୁକ୍ତଙ୍କ ଠାରୁ ୧୧୫ ବୋତଲ ବେଆଇନ କଫସିରଫ,ନିଶା ବଟିକା ଓ ନଗଦ ଟଙ୍କା ଜବତ କରି ଅଭିଯୁକ୍ତଙ୍କୁ ଗିରଫ କରାଯାଇଛି। ଗିରଫ ଅଭିଯୁକ୍ତ ମାନେ ଟ୍ରେନରେ ଆଉଟ୍ ସୋସିଙ୍ଗ ସଫେଇ କର୍ମଚାରୀ ଭାବରେ କାର୍ଯ୍ୟ କରୁଥିବା ବେଳେ କୋଲକତାରୁ ବେଆଇନ କଫସିରଫ ଆଣିଥିବା ନେଇ ଏସଡିପିଓ ସୂଚନା ଦେଇଛନ୍ତି।