<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>https://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) Khabar Odisha.
      </copyright>
      <image>
        <title>Khabar Odisha</title>
        <link>https://khabarodisha.com/</link>
        <url>
          https://khabarodisha.com/passets/images/logo.png
        </url>
      </image>
      <item>
        <title>
           ଦୁବାଇରେ ଦେଖିବାକୁ ମିଳିବ ୯୦୦ ଫୁଟର ଚନ୍ଦ୍ର
        </title>
        <link>
           https://khabarodisha.com/Tourism/900-feet-moon-to-be-seen-in-Dubai-103661
        </link>
        <guid>
           https://khabarodisha.com/Tourism/900-feet-moon-to-be-seen-in-Dubai-103661
        </guid>
        <pubDate>
           Tue, 23 May 2023 03:08:00 GMT
        </pubDate>
        <description>

   ଦୁନିଆରେ ଏପରି ମନୁଷ୍ୟ କୃତ ତଥା ଅଦ୍ଭୁଦ କଳାକୃତୀ ରହିଛି ଯାହାକୁ ଦେଖିଲେ ଆପଣ  ବିଶ୍ୱାସ କରିପାରିବେ ନାହିଁ । ଯାହା ଇଞ୍ଜିନିୟରଙ୍କ ହାତର ଯାଦୁଗରୀ ଏବଂ ଟେକ୍ନୋଲୋଜି ଦ୍ୱାରା ସମ୍ଭବ ହୋଇପାରିଛି । ଏମିତି ଏକ ସହର ହେଉଛି ଦୁବାଇ । କଥାରେ ଅଛି ଯେ ସୁନା,ତୈଳ ଖଣିର ଗନ୍ଥଘର ତଥା ସୁଉଚ୍ଚ ଅଟ୍ଟାଳିକା ଏବଂ ସ୍ୱତନ୍ତ୍ର ସ୍ଥାପତ୍ୟ କଳା ପାଇଁ ଦୁବାଇ ସାରା ବିଶ୍ୱରେ ପରିଚିତ । ଯେଉଁଠି ଯୁଆଡେ ଚାହିଁଲେ ସିଆଡ଼େ ଆକାଶକୁ ଛୁଉଁଥିବା ବଡ଼ ବଡ଼ ଅଟ୍ଟାଳିକାମାନ ଦେଖିବାକୁ ପାଇବେ । ଖାଲି ଏତିକି ନୁହେଁ ସେଠାକାର ହାଇଟେକ୍ ଇଞ୍ଜିନିଅରିଂ ଟେକ୍ନୋଲୋଜିରେ ମରୁଭୂମିରେ ବି ସମୁଦ୍ର ତିଆରି କରାଯାଇଛି । ଏତିକିରେ ସରିନି ଏଠାକାର କଳାକୃତୀ । ଏହା ଭିତରେ ଦୁବାଇ ତା’ର ସୁନ୍ଦରତା ଆହୁରି ବୃଦ୍ଧି କରିବାକୁ ଚନ୍ଦ୍ରକୁ ବି ଭୂଲୋକ ଆଣିବାକୁ ଯୋଜଦାର ପ୍ରସ୍ତୁତି ଆରମ୍ଭ ହୋଇଗଲାଣି । ସୂଚନା ମୁତାବକ, ଦୁବାଇର ଏକ ରିସୋର୍ଟରେ ଚନ୍ଦ୍ର ପ୍ରତିକୃତି ସ୍ଥାପନ ପାଇଁ କୋଟି କୋଟି ଟଙ୍କା ଖର୍ଚ୍ଚ କରିବାକୁ ଯୋଜନା କରାଯାଉଛି । ଏହି ପ୍ରୋଜେକ୍ଟରେ ୪ ମିଲିୟନ ପାଉଣ୍ଡ ଅର୍ଥାତ୍ ଭାରତୀୟ ମୁଦ୍ରାରେ ୪୧ ହଜାର କୋଟି ଟଙ୍କା ଖର୍ଚ୍ଚ କରାଯିବ ।

    ଏହି ପ୍ରେଜେକ୍ଟକୁ ପ୍ରସ୍ତୁତ କରିଛନ୍ତି କାନାଡାର ଉଦ୍ୟୋଗୀ ମାଇକେଲ ହ୍ୟାଣ୍ଡର୍ସନ । ମାଇକେଲ ଏହି ୯୦୦ ଫୁଟର ଚନ୍ଦ୍ରର ମଡେଲକୁ ଆକାର ଦେବେ । ଯାହାକୁ ୧୦୦ ଫୁଟ ଉଚ୍ଚ କୋଠା ଉପରେ ରଖାଯିବ । ଏହି ପ୍ରୋଜେକ୍ଟକୁ ‘ମୁନ୍’ ନାମ ଦିଆଯାଇଛି । କୁହାଯାଉଛି କି ଏହି କୃତ୍ରିମ ଚନ୍ଦ୍ର ଦ୍ୱାରା ଲୋକେ ଅତି ପାଖରୁ ଚନ୍ଦ୍ରକୁ ଦେଖିବାର ମଜା ଉଠାଇ ପାରିବେ । ଏହି ପ୍ରୋଜେକ୍ଟକୁ ଏପରି ପ୍ରସ୍ତୁତ କରାଯାଉଛି, ଯାହାକୁ ଦେଖିବାକୁ ପ୍ରତିବର୍ଷ ୨.୫ ମିଲିୟନ ବା ୨୫ ଲକ୍ଷ ପର୍ଯ୍ୟଟକ ଆସିବେ ବୋଲି ଅନୁମାନ କରାଯାଉଛି ।

ହ୍ୟାଣ୍ଡର୍ସନଙ୍କ ଅନୁଯାୟୀ ଏହି କୃତ୍ରିମ ଚନ୍ଦ୍ର ଆକୃତି ହୋଟେଲ ରାତିରେ ଅସଲି ଚନ୍ଦ୍ର ପରି ଚମକିବ । ଯେଉଁଥିରେ ୪ ହଜାର ରୁମ୍ ରହିଛି । ଏହା ସହିତ ଏଠାରେ ପାଖାପାଖି ୧୦ ହଜାର ଲୋକ ରହିପାରିବେ । ଆହୁରି ମଧ୍ୟ ଏଠାରେ ଚାଲିଲେ ଚନ୍ଦ୍ରରେ ଚାଲିବା ପରି ଲାଗିବ । ଯାହା ଦ୍ୱାରା ଲୋକମାନେ ସ୍ପେଶ୍ ଓ୍ୱାକ ର ଅନୁଭବ ନେଇ ପାରିବେ ।

        </description>
      </item>
      <item>
        <title>
           ଦୀର୍ଘ ୬ ମାସ ପରେ ଭକ୍ତଙ୍କ ପାଇଁ ଖୋଲିଲା ବାବା କେଦାରନାଥଙ୍କ ଧାମ
        </title>
        <link>
           https://khabarodisha.com/Tourism/World-famous-Baba-Kedarnath-Dham-opens-its-portals-for-devotees-103181
        </link>
        <guid>
           https://khabarodisha.com/Tourism/World-famous-Baba-Kedarnath-Dham-opens-its-portals-for-devotees-103181
        </guid>
        <pubDate>
           Tue, 25 Apr 2023 23:36:00 GMT
        </pubDate>
        <description>

ଦୀର୍ଘ ୬ ମାସ ପରେ ଭକ୍ତଙ୍କ ପାଇଁ ଖୋଲିଲା ବାବା କେଦାରନାଥଙ୍କ ଧାମ l ପାଲିଙ୍କି ଯାତ୍ରାରେ କେଦାରବାବାଙ୍କୁ ଅଣାଯିବା ପରେ ଆଜି ନୀତି ମୁତାବକ କେଦାରନାଥଙ୍କ ଦ୍ବାର ଫିଟିଛି। ଏହି ଅବସରରେ ସେନା ପକ୍ଷରୁ ବ୍ୟାଣ୍ଡ ପ୍ରଦର୍ଶନ ହୋଇଥିଲା। ଯାହା ଉପସ୍ଥିତ ଲୋକେ ମନୋଭରି ଉପଭୋଗ କରିଥିଲେ। ବ୍ରାହ୍ମ ମୁହୂର୍ତ୍ତରେ ଗର୍ଭଗୃହରେ କେଦାରନାଥଙ୍କ ସ୍ୱତନ୍ତ୍ର ପୂଜାର୍ଚ୍ଚନା କରାଯାଇ ସର୍ବସାଧାରଣ ଦର୍ଶନ ପାଇଁ କବାଟ ଖୋଲିଛି । କେଦାରନାଥ ମନ୍ଦିରକୁ ୩୫ କୁଇଣ୍ଟାଲ ଫୁଲରେ ସୁନ୍ଦର ଭାବେ ସଜାଯାଇଥିବା ବେଳେ ଜୟକାର ଧ୍ୱନୀରେ ପ୍ରକମ୍ପିତ ହୋଇଉଠିଛି ପରିବେଶ । ଆଜି ହଜାର ହଜାର ଶ୍ରଦ୍ଧାଳୁ ବାବାଙ୍କ ଦର୍ଶନ କରିଛନ୍ତି । ଯାହାକୁ ନେଇ ଭକ୍ତଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ଦର୍ଶନ ପାଇଁ ଗଙ୍ଗୋତ୍ରୀ ଧାମର କବାଟ ଖୋଲିବା ପରେ ଚାରିଧାମ ଯାତ୍ରା ଆରମ୍ଭ ହୋଇଛି । 

ଖବର ଅନୁଯାୟୀ, ପ୍ରବଳ ଥଣ୍ଡା କାରଣରୁ ଗତ ଅକ୍ଟୋବର ମାସରୁ ଶ୍ରଦ୍ଧାଳୁଙ୍କ ପାଇଁ ମନ୍ଦିର ବନ୍ଦ କରାଯାଇଥିଲା । ତେବେ ପଦଯାତ୍ରା ସହ ଶ୍ରଦ୍ଧାଳୁମାନେ ହେଲିକପ୍ଟରରେ ମଧ୍ୟ ଯାତ୍ରା କରିପାରିବେ । ଉତ୍ତରଖଣ୍ଡ ପର୍ଯ୍ୟଟନ ବିଭାଗ ପକ୍ଷରୁ ହେଲିକପ୍ଟର ଯୋଗେ କେଦାରନାଥଯାତ୍ରା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ଏଯାଏ କେଦାରନାଥଯାତ୍ରା ପାଇଁ ପ୍ରାୟ ୩ ଲକ୍ଷ ଲୋକ ବୁକିଂ କରିଥିବା ଜଣାପଡିଛି । ତେବେ ପର୍ଯ୍ୟଟକଙ୍କ ପାଇଁ କେଦାରନାଥ ଯାତ୍ରା ୩୦ ତାରିଖ ରବିବାର ପର୍ଯ୍ୟନ୍ତ ବନ୍ଦ କରାଯାଇଥିଲା। ହରିଦ୍ୱାର ଓ ଋଷିକେଶରେ ଖରାପ ପାଗ ଓ ଅତ୍ୟଧିକ ତୁଷାର ପାତ ଯୋଗୁଁ ଏହି ନିଷ୍ପତ୍ତି ନିଆଯାଇଥିଲା ବୋଲି ଚାରଧାମ ଯାତ୍ରାର ଯାତ୍ରା ବିଭାଗରନରେନ୍ଦ୍ର ସିଂ କାବିରିଆଲ ସୂଚନା ଦେଇଥିଲେ। 

        </description>
      </item>
      <item>
        <title>
           ସେଲ୍ଫି ସାଜିଲା ଜମ ଦଉଡ଼ି !
        </title>
        <link>
           https://khabarodisha.com/Tourism/CAUSE-OF-DEATH-SELFIE-103150
        </link>
        <guid>
           https://khabarodisha.com/Tourism/CAUSE-OF-DEATH-SELFIE-103150
        </guid>
        <pubDate>
           Sun, 23 Apr 2023 05:10:00 GMT
        </pubDate>
        <description>

ସେଲ୍ଫି ନେବା ପଡିଲା ମହଙ୍ଗା। ସେଲ୍ଫି ଯୋଗୁଁ ଚାଲିଗଲା ଅମୁଲ୍ୟ ଜୀବନ। ଚଳନ୍ତା ହେଲିକପ୍ଟର ବାହାରେ ସେଲଫି ନେବା ଉତ୍ତରାଖଣ୍ଡର ଜଣେ ପ୍ରଶାସନିକ ଅଧିକାରୀଙ୍କ ମୃତ୍ୟୁର କାରଣ ହୋଇଛି। ସେ ହେଲିକପ୍ଟରର ବ୍ଲେଡ୍‌ରେ ମାଡ଼ ହେବା ପରେ ତଳେ ପଡ଼ି ପ୍ରାଣ ହରାଇଛନ୍ତି। ଆଜି କେଦାରନାଥରେ ଏହି ଘଟଣା ଘଟିଛି। ମୃତକ ଜଣକ ଉତ୍ତରାଖଣ୍ଡ ବେସାମରିକ ବିମାନ ଚଳାଚଳ ବିକାଶ ପ୍ରାଧିକରଣର ଅର୍ଥିକ ନିୟନ୍ତ୍ରକ ଜିତେନ୍ଦ୍ର କୁମାର ସାଇନି ବୋଲି ଜଣାପଡ଼ିଛି। ତେବେ କେଦାରନାଥ ଧାମର ହେଲିପ୍ୟାଡ୍‌ରେ ଏହି ଘଟଣା ଘଟିଛି। ସେ ସେଲ୍‌ଫି ନେଉଥିବା ବେଳେ ଚଳନ୍ତା ହେଲିକପ୍ଟର ଟେଲ ରୋଟର୍ ବ୍ଲେଡ୍ ସଂସ୍ପର୍ଶରେ ଆସି ଯାଇଥିଲେ। ବ୍ଲେଡ ମାଡ଼ ହେବାରୁ ତାଙ୍କର ମୃତ୍ୟୁ ହୋଇଥିବା କୁହାଯାଉଛି।

ତୀର୍ଥଯାତ୍ରୀଙ୍କ ପାଇଁ ଚାର ଧାମ ଯାତ୍ରା ଆରମ୍ଭ ହେବାର ଗୋଟିଏ ଦିନ ପରେ ଏହି ଘଟଣା ଘଟିବା ଆଲୋଚନାକୁ ବଢ଼ାଇଛି।

ଅକ୍ଷୟ ତୃତୀୟା ଅବସରରେ ଉତ୍ତରକାଶୀ ଜିଲ୍ଲାର ଗାଙ୍ଗା ଏବଂ ଯମୁନା ସ୍ନାନ ନିମନ୍ତେ ଯାତ୍ରୀଙ୍କ ପାଇଁ ପଞ୍ଜୀକରଣ ପୋର୍ଟାଲ ଖୋଲିଥିଲା। ୧୬ ଲକ୍ଷରୁ ଅଧିକ ତୀର୍ଥଯାତ୍ରୀ ତୀର୍ଥଯାତ୍ରା ପାଇଁ ପଞ୍ଜୀକୃତ ହୋଇସାରିଛନ୍ତି ଏବଂ ଏହି ସଂଖ୍ୟା ବୃଦ୍ଧି ପାଉଛି। ଯେତେବେଳେ କି ଯାତ୍ରୀଙ୍କ ଠାକୁର ଦର୍ଶନ ନିମନ୍ତେ କେଦାରନାଥ ମନ୍ଦିର ଏପ୍ରିଲ ୨୫ରେ ଏବଂ ବଦ୍ରିନାଥ ମନ୍ଦିର ୨୭ ଏପ୍ରିଲରେ ଖୋଲାଯିବ।

        </description>
      </item>
      <item>
        <title>
           ଅଷ୍ଟମ ଆଶ୍ଚର୍ଯ୍ୟର ଗଣତି ଭୁଲ୍: ୪୦୦ ମିଟର ଦୀର୍ଘ ପୋଲ ଉପରେ ସହର !
        </title>
        <link>
           https://khabarodisha.com/Tourism/400m-long-Chongqing-bridge-integrates-Chinese-and-Western-architecture-103132
        </link>
        <guid>
           https://khabarodisha.com/Tourism/400m-long-Chongqing-bridge-integrates-Chinese-and-Western-architecture-103132
        </guid>
        <pubDate>
           Sat, 22 Apr 2023 05:24:00 GMT
        </pubDate>
        <description>

ଶିଳ୍ପପତି ହର୍ଷ ଗୋଏଙ୍କାଙ୍କ ଟ୍ବିଟର ଟାଇମ୍‌ଲାଇନ୍ ସର୍ବଦା ମଜାଦାର ଫଟୋ ଓ ଭିଡିଓରେ ଭରପୂର ଥାଏ। କାରଣ ଯଦି କୌଣସି କଥା ତାଙ୍କ ମନକୁ ଛୁଏଁ, ତେବେ ସେ ତାହାକୁ ତୁରନ୍ତ ତାଙ୍କ ଟାଇମ୍‌ଲାଇନରେ ସ୍ଥାନ ଦେଇଥା’ନ୍ତି। ତେବେ ନିକଟରେ ସେ ଛାଡ଼ିଥିବା ଏକ ଅନନ୍ୟ ଚୀନୀ ସହରର ଭିଡିଓ କ୍ଳିପିଂ ଏବେ ଖୁବ୍ ଭାଇରା଼ଲ୍ ହେବାରେ ଲାଗିଛି। ରଙ୍ଗବେରଙ୍ଗର ଉକ୍ତ ଦର୍ଶନୀୟ ସହରଟି ସେହି ସ୍ଥାନର ଉପଯୋଗକୁ ପ୍ରୋତ୍ସାହିତ କରିବା ସହ ଉଭୟ ପାରମ୍ପରିକ ଓ ପାଶ୍ଚାତ୍ୟ ଶୈଳୀର ଅଟ୍ଟାଳିକାର ମିଶ୍ରଣର ଏକ ଝଲକ ପ୍ରଦାନ କରୁଛି। ତେବେ ଚୀନ୍‌ର ଚୋଙ୍ଗକିଙ୍ଗ ଲିନ୍‌ଶି ଭାବେ ପରିଚିତ ସେହି ସହରଟିର ସ୍ୱତନ୍ତ୍ରତା ହେଉଛି ଯେ, ଏହା ୪୦୦ ମିଟର ଦୀର୍ଘ ଏକ ପୋଲ ଉପରେ ହିଁ ନିର୍ମିତ। ଆକାଶମାର୍ଗରୁ ଉତ୍ତୋଳନ କରାଯାଇଥିବା ଚିତ୍ରରୁ ଯାହା ଜଣାପଡୁଛି, ସତେ ଯେପରି ଉକ୍ତ ସହରଟି ଅନ୍ୟତମ ବୈଷୟିକ ଚମତ୍କାର।

'ଏଠାରେ ବସବାସ କରିବା ପାଇଁ କଳ୍ପନା କରନ୍ତୁ', ବୋଲି ଶୀର୍ଷକ ଥିବା ଏହି ଭିଡିଓ କ୍ଳିପିଂରେ ସଂପୃକ୍ତ ପୋଲ ଉପରେ ବିଭିନ୍ନ ଆକୃତିର ରଙ୍ଗିନ କୋଠାଗୁଡ଼ିକ ଜଳାଶୟ ଉପରେ ଆକାଶକୁ ଚାହିଁ ରହି ଅନନ୍ୟ ଶୋଭା ବଢାଉଛନ୍ତି। ତେବେ ଏକ ମନୋରମ ପ୍ରାକୃତିକ ଦୃଶ୍ୟରେ ପରିବେଷ୍ଟିତ ଏହି ସହରଟି ଏକ ସୁଦୃଶ୍ୟ ପର୍ବତଶ୍ରେଣୀ ମଧ୍ୟରେ ଅବସ୍ଥିତ। ଏଥି ସହିତ ଘରଗୁଡ଼ିକ ଗୋଟିଏ ଧାଡ଼ିରେ ନିର୍ମିତ ହୋଇଥିବାରୁ କୌଣସି କୋଠା ବା ଦୃଶ୍ୟ ମଝିରେ କୌଣସି ନଭଶ୍ଚୁମ୍ବୀ ଅଟ୍ଟାଳିକା ପ୍ରତିବନ୍ଧକ ସାଜୁନାହିଁ। ଚୋଙ୍ଗକିଙ୍ଗ ଲିନ୍‌ଶିର ମନୋରମ ଦୃଶ୍ୟକୁ ବାନ୍ଧି ରଖିଥିବା ଉକ୍ତ ଭିଡିଓଟି ସାମାଜିକ ଗଣମାଧ୍ୟମରେ ଭାଇରା଼ଲ୍ ହେବା ପରେ ହଜାର ହଜାର ଅନୁଗାମୀ ଉପଭୋଗ କରୁଛନ୍ତି ଏବଂ ରୋଚକ ମନ୍ତବ୍ୟମାନ ମଧ୍ୟ ଦେବାରେ ଲାଗିଛନ୍ତି।

        </description>
      </item>
      <item>
        <title>
           ତାଇୱାନର ଏହି ମନ୍ଦିର ‘ଲିନିଂ ଟାୱାର’ ଭଳି ଢ଼ଳି ରହିଛି।
        </title>
        <link>
           https://khabarodisha.com/Tourism/Leaning-Temple-Is-Taiwans-Version-Of-The-Tower-Of-Pisa-102832
        </link>
        <guid>
           https://khabarodisha.com/Tourism/Leaning-Temple-Is-Taiwans-Version-Of-The-Tower-Of-Pisa-102832
        </guid>
        <pubDate>
           Thu, 30 Mar 2023 05:02:00 GMT
        </pubDate>
        <description>

ଇଟାଲିର ପିସା ସହରସ୍ଥିତ ‘ଲିନିଂ ଟାୱାର’ ବା ଆନତ କୋଠା ବିଶ୍ବ ପର୍ଯ୍ୟଟକମାନଙ୍କ ପାଇଁ ଏକ ପ୍ରମୁଖ ଆକର୍ଷଣ। ଦିନକୁ ଦିନ ଢଳି ଢଳି ଆସୁଥିବା ଷାଠିଏ ମିଟର ଉଚ୍ଚର ଏହି ଟାୱାରଟି ଭୂମି ସହ ଠିକ୍‌ ଲମ୍ବ ଭାବରେ ନ ରହି ୧୦ ଡିଗ୍ରି କୋଣରେ ଆନତ ରହିଛି। ତଥାପି ଭୁଶୁଡ଼ି ନ ପଡ଼ି ଦଣ୍ଡାୟମାନ ରହିବା ହେଉଛି ତାହାର ବିଶେଷତ୍ବ। ଅନୁରୂପ ଭାବେ ଆନତ ଅବସ୍ଥାରେ ରହିଛି ତାଇୱାନର ଚିୱାଇ ପ୍ରଦେଶର ତାଇହେ ଝେଜିଂ ରାଜପ୍ରାସାଦ ନାମକ ମନ୍ଦିର। ଏହାକୁ ପର୍ଯ୍ୟଟକମାନେ ପିସା ଟାୱାରର ତାଇଵାନ ସଂସ୍କରଣ ବୋଲି ବିବେଚନା କରୁଛନ୍ତି। ୨୦୦୯ ଅଗଷ୍ଟ ମାସରେ ଆସିଥିବା ମାରାକୋଟ ନାମକ ସାମୁଦ୍ରିକ ବାତ୍ୟା ଓ ବନ୍ୟାରେ ପ୍ରବାହିତ ଭୀଷଣ କାଦୁଅ ସ୍ରୋତରେ ଝେଜିଂ ସ୍ଥିତ ଉକ୍ତ ମନ୍ଦିରଟି ଢଳିଯାଇଥିଲା। ଏହା ଏବେ ଭୂଇଁଠାରୁ ୪୫ ଡିଗ୍ରି କୋଣରେ ଢଳିରହିଛି। ତେବେ ଆଶ୍ଚର୍ଯ୍ୟର କଥା, ଉକ୍ତ ଝଡ଼ତୋଫାନରେ ତାଇୱାନରେ ପ୍ରଭୂତ ଧନଜୀବନ ନଷ୍ଟ ହୋଇଥିବା ବେଳେ ଉକ୍ତ ମନ୍ଦିରଟିର ଢଳିଯିବା ଛଡ଼ା ଅନ୍ୟ କୌଣସି କ୍ଷତି ହୋଇନାହିଁ। ଏବେ ଏହା ଦେଶବିଦେଶର ପର୍ଯ୍ୟଟକମାନଙ୍କ ପାଇଁ ଆକର୍ଷଣର କେନ୍ଦ୍ର ପାଲଟିଛି। ତେବେ ପରିଦର୍ଶକମାନଙ୍କ ପାଇଁ ଏହା ନିହାତି ଭାବରେ ଏକ ଖୁସିର ଖବର ଓ ତାଇୱାନ ପାଇଁ ଏହା ଲାଭଦାୟକ ହେବ ବୋଲି କୁହାଯାଉଛି । 

        </description>
      </item>
      <item>
        <title>
           ଭୂସ୍ୱର୍ଗ ଗନ୍ଧମାର୍ଦ୍ଦନକୁ ମିଳିଲା ଜୈବବିବିଧତା ଐତିହ୍ୟସ୍ଥଳ ମାନ୍ୟତା
        </title>
        <link>
           https://khabarodisha.com/Tourism/Historic-Hills-of-Odisha-Gandhamardan-declared-as-biodiversity-heritage-site-102745
        </link>
        <guid>
           https://khabarodisha.com/Tourism/Historic-Hills-of-Odisha-Gandhamardan-declared-as-biodiversity-heritage-site-102745
        </guid>
        <pubDate>
           Fri, 24 Mar 2023 04:47:00 GMT
        </pubDate>
        <description>

ଔଷଧୀୟ ଗଛରେ ପରିପୂର୍ଣ୍ଣ ଗନ୍ଧମାର୍ଦ୍ଦନ ପର୍ବତକୁ ମିଳିଲା BHS ମାନ୍ୟତା । ବାୟୋଡାଇଭର୍ସିଟି ହେରିଟେଜ୍ ସାଇଟ୍ ବା ଜୈବବିବିଧତା ଐତିହ୍ୟ ସ୍ଥଳ ମାନ୍ୟତା ପାଇଲା ବଲାଙ୍ଗୀର ଓ ବରଗଡ଼ ଫରେଷ୍ଟ ଡିଭିଜିନର ଗନ୍ଧମାର୍ଦ୍ଦନ ପର୍ବତ । ରାଜ୍ୟର ତୃତୀୟ BHS ମାନ୍ୟତା ପାଇଛି ଗନ୍ଧମାର୍ଦ୍ଦନ ।  କାରଣ ଏହା ପୂର୍ବରୁ କନ୍ଧମାଳ ଜିଲ୍ଲାର ମଣ୍ଡାସୁରୁ ଜର୍ଜ ଏବଂ ଗଜପତି ଜିଲ୍ଲାର ମହେନ୍ଦ୍ର ତନୟାକୁ ମିଳିଛି BHS ମାନ୍ୟତା । କାହିଁ କେଉଁ କାଳରୁ  ଏହି ପାହାଡ଼ରେ ଆୟୁବୈଦିକ ଔଷଧୀୟ ଗଛ ସହିତ ଶହ ଶହ ମୂଲ୍ୟବାନ ପ୍ରାକୃତିକ ପଦାର୍ଥ ରହିଛି। ତେବେ ଗନ୍ଧମାର୍ଦ୍ଦନରେ ୧ ହଜାର ୫୫ ପ୍ରକାର ବୃକ୍ଷ ପ୍ରଜାତି ରହିଥିବାବେଳେ ୮୪୯ ପ୍ରଜାତିର ଆଞ୍ଜିଓସ୍ପର୍ମ, ୫୬ ପ୍ରକାର ଟେରିଡୋଫାଇଟ, ୪୦ ପ୍ରକାର ବ୍ରାୟୋଫାଇଟ, ୪୫ ପ୍ରକାର ଲାଇକେନ, ୨ ପ୍ରକାର ଜିମନୋସ୍ପର୍ମ ରହିଛି ବୋଲି ସୂଚନା ମିଳିଛି । ଖାଲି ସେତିକି ନୁହେଁ ଆହୁରି ଅନେକ କିଛି  ରହିଛି ଗନ୍ଧମାର୍ଦ୍ଧନ ପର୍ବତ ଦେଶରେ ଓ ୫୦୦ ପ୍ରଜାତିର ପ୍ରାଣୀଙ୍କ ଅଭୟସ୍ଥଳୀ ହେଉଛି ଗନ୍ଧମାର୍ଦ୍ଦନ । ତନ୍ମଧ୍ୟରେ ଅଛନ୍ତି ୪୩ ପ୍ରକାର ସ୍ତନ୍ୟପାୟୀ, ୧୬୧ ପ୍ରକାର ପକ୍ଷୀ, ୪୪ ପ୍ରକାର ସରୀସୃପ, ୧୧୮ ପ୍ରକାର ଉଭୟଚର, ୨୭ ପ୍ରକାର ଡ୍ରାଗନଫ୍ଲାଏ ବାସ କରୁଛନ୍ତି । ସେହପିର ୮୩ ପ୍ରଜାତିର ସ୍ପାଇଡର ବି ଗନ୍ଧମାର୍ଦ୍ଦନରେ ରହିଛନ୍ତି । ତେବେ ଏହାକୁ ‘ଆୟୁର୍ବେଦର ସ୍ୱର୍ଗ’ ଭାବେ ସ୍ଥାନୀୟ ଲୋକେ ଗ୍ରହଣ କରୁଥିବା ବେଳେ ଅନେକ ରୋଗର ମୁକ୍ତି ପାଇଁ ଏଠାରୁ ଔଷଧ ସଂଗ୍ରହ କରୁଥିବା କହିଛନ୍ତି ଓ ଦିଶାରୀମାନେ ଏଠାରୁ ବିଭିନ୍ନ ଗଛ ଲତା ଆଣି ଲୋକଙ୍କ ଚିକିତ୍ସାରେ ଲଗାଉଛନ୍ତି।

        </description>
      </item>
      <item>
        <title>
           ଏପ୍ରିଲ ୪ରୁ ମା’ ବୁଢୀ ଠାକୁରାଣୀଙ୍କ ଯାତ୍ରା, ସ୍ଥାପନ ହେଲା ଶୁଭଖୁଣ୍ଟି
        </title>
        <link>
           https://khabarodisha.com/Tourism/Budhi-Thakurani-Jatra-Begins-From-July-4-102690
        </link>
        <guid>
           https://khabarodisha.com/Tourism/Budhi-Thakurani-Jatra-Begins-From-July-4-102690
        </guid>
        <pubDate>
           Sat, 18 Mar 2023 00:46:00 GMT
        </pubDate>
        <description>

 ବ୍ରହ୍ମପୁରର ପ୍ରସିଦ୍ଧ ମା’ ବୁଢୀ ଠାକୁରାଣୀଙ୍କ ଯାତ୍ରା ପାଇଁ ସ୍ଥାପନ ହୋଇଛି ଶୁଭ ଖୁଣ୍ଟି। ଏହାସହ ଯାତ୍ରା ପାଇଁ ସମୟ ନିର୍ଘଣ୍ଟ ହୋଇଛି।  ଏପ୍ରିଲ ୪ତାରିଖରୁ ଯାତ୍ରା ଆରମ୍ଭ ହୋଇ ମେ ମାସ ୧ ତାରିଖରେ ସରିବ ମାଙ୍କ ଯାତ୍ରା । ଏପ୍ରିଲ ୪ ତାରିଖରେ ମାଆ ସାଆନ୍ତାଣୀ ବାପା ଘରକୁ ଆଗମନ କରିବେ ଏବଂ ମେ ୧ ତାରିଖରେ ବାପା ଘରୁ ବିଦାୟ ନେବେ । ଗତକାଲି ଶୁଭଖୁଣ୍ଟିଙ୍କୁ ମନ୍ଦିର ନେଇ ପୂଜାର୍ଚ୍ଚନା କରିବା ପରେ ରାତ୍ର ପ୍ରାୟ ୨ଟା ବେଳେ ଦେଶୀବେହେରା ସାହିକୁ ଆଣି ପୂଜାର୍ଚ୍ଚନା କରାଯାଇଥିଲା | ଦେଶୀ ବେହେରା ପାରମ୍ପରିକ ପୂଜକ ଶୁଭ ଖୁଣ୍ଟି ସ୍ଥାପନ କରିବାପରେ ମାଆଙ୍କ ଆଗମନ ନେଇ ଶୁଭ ମୂହୁର୍ତ୍ତ ନିର୍ଣ୍ଣୟ କରିଥିଲେ। ଚଳିତବର୍ଷ ଦୀର୍ଘ ୨୮ ଦିନ ଧରି ଚାଲିବ ମା ବୁଢୀ ଠାକୁରାଣୀଙ୍କ ଯାତ୍ରା । ଏନେଇ ସର୍ବସଧାରଣରେ ବୈଠକ ଅନୁଷ୍ଠିତ ହୋଇଯାଇଛି ।  ଯାତ୍ରା ପାଇଁ ଶୁଭ ସମୟ ନେଇ ଦିନ ଧାର୍ଯ୍ୟ କରିଥିଲେ ସିଦ୍ଧାନ୍ତଗୁରୁ । ଏହାପରେ ଏକ ବିରାଟ ପଟୁଆରା ମା ବୁଢୀ ଠାକୁରାଣୀ ମନ୍ଦିର ଅଭିମୁଖେ ଯାତ୍ରା କରିଥିଲେ । ଏଥିରେ ହଜାର ହଜାର ଭକ୍ତ ସାମିଲ ହୋଇଥିବା ବେଳେ ବାଜା-ନାଚ ଗୀତର ତାଳେ ତାଳେ ଦୁଲୁକି ଉଠିଥିଲା ରେଶମ ସହର ବ୍ରହ୍ମପୁର ।

        </description>
      </item>
      <item>
        <title>
           ଦେବ ଦେବ ମହାଦେବଙ୍କ ଜାଗରଯାତ୍ରା: ଚଳଚଞ୍ଚଳ ସବୁ ଶୈବପୀଠ
        </title>
        <link>
           https://khabarodisha.com/Tourism/Today-is-holy-Maha-Shivratri-Devotees-throng-Shiva-temples-across-Odisha-to-offer-special-prayer-102358
        </link>
        <guid>
           https://khabarodisha.com/Tourism/Today-is-holy-Maha-Shivratri-Devotees-throng-Shiva-temples-across-Odisha-to-offer-special-prayer-102358
        </guid>
        <pubDate>
           Sat, 18 Feb 2023 23:19:00 GMT
        </pubDate>
        <description>

 ଆଜି ଦେବ ଦେବ ମହାଦେବଙ୍କ ଜାଗରଯାତ୍ରା। ଏଥିପାଇଁ ଭୋରରୁ ଶୈବପୀଠରେ ଶ୍ରଦ୍ଧାଳୁଙ୍କ ଗହଳି ଲାଗିଛି। ଶୃଙ୍ଖଳିତ ଦର୍ଶନ ପାଇଁ ସବୁଠି ବ୍ୟାପକ ବ୍ୟବସ୍ଥା ହୋଇଛି। ରାଜଧାନୀର ଲିଙ୍ଗରାଜ ମନ୍ଦିର, କଟକର ଧବଳେଶ୍ବର, ଗଡ଼ଗଡ଼େଶ୍ବର ପୀଠ, ଭଦ୍ରକର ଆଖଣ୍ଡଳମଣି, ଢେଙ୍କାନାଳର କପିଳାସ, ନୟାଗଡ଼ର ଲଡ଼ୁବାବା ପୀଠ, ସମ୍ବଲପୁରର ପ୍ରସିଦ୍ଧ ଶୈବ ପୀଠ ହୁମା ବିମଳେଶ୍ବର ବାବାଙ୍କ ବକ୍ର ମନ୍ଦିର, ପୁରୀର ଲୋକନାଥ ମନ୍ଦିର ଓ ରାଉରକେଲାର ବେଦବ୍ୟାସ ଆଦି ଶୈବପୀଠରେ ଆଜି ଭୋର ସମୟରୁ ହଜାର ହଜାର ଭକ୍ତଙ୍କ ଭିଡ଼ ପରିଲକ୍ଷିତ ହୋଇଛି। 

ଲିଙ୍ଗରାଜ ମନ୍ଦିରରେ ଭୋରୁ ଆରମ୍ଭ ହୋଇଛି ନୀତିକାନ୍ତି । ପ୍ରଥମେ ମଙ୍ଗଳ ଆଳତୀ ଏବଂ ଅବକାଶ ପରେ ୩ଟା ୩୦ରୁ ଆରମ୍ଭ ହୋଇଛି ସାହାଣ ମେଲା ଦର୍ଶନ । ପ୍ରଥମେ ଉତ୍ତର ଦ୍ୱାର ଦେଇ ସେବାୟତ ଏବଂ ତାଙ୍କ ପରିବାର ପ୍ରଭୁଙ୍କ ଦର୍ଶନ କରିବା ପରେ ସିଂହଦ୍ୱାର ଦେଇ ପ୍ରବେଶ କରୁଛନ୍ତି ଶ୍ରଦ୍ଧାଳୁ । ରାତି ୧୦ଟାରେ ଉଠିବ ମହାଦୀପ । ଶୃଙ୍ଖଳିତ ଦର୍ଶନ ପାଇଁ ହୋଇଛି ସ୍ୱତନ୍ତ୍ର ବ୍ୟାରିକେଡ୍ ବ୍ୟବସ୍ଥା । ୪ଟି ସିଫ୍ଟରେ ଡ୍ୟୁଟି କରୁଛନ୍ତି ପୋଲିସ । ୫ ଜଣ ଆଡସିନାଲ ଏସପି, ୧୧ ଜଣ ଏସିପି, ୧୯ ଜଣ ଆଇଆଇସି, ୮୦ ଜଣ ଏଏସଆଇ, ୧୧୦ ହୋମଗାର୍ଡ ଏବଂ ୩୨ ପ୍ଲାଟୁନ ପୋଲିସ ଫୋର୍ସ ନିୟୋଜିତ ହୋଇଛନ୍ତି ।

ପୁରୀରେ ଶ୍ରୀ ଲୋକନାଥଙ୍କ ପୀଠରେ ମଧ୍ୟ ଜାଗର ଯାତ୍ରା ପାଇଁ ବ୍ୟାପକ ଆୟୋଜନ ହୋଇଥିବା ବେଳେ ଭୋରରୁ ଦର୍ଶନ ପାଇଁ ଶ୍ରଦ୍ଧାଳୁଙ୍କ ଭିଡ଼ ଲାଗିଛି। ବିଳମ୍ବିତ ରାତି ୧୨ଟା ୩୦ରେ ଲୋକନାଥଙ୍କ ମନ୍ଦିର ଦ୍ୱାର ଖୋଲିବା ପରେ ଅନ୍ୟାନ୍ୟ ନୀତି ବଢିବା ପରେ ଭୋର ୪ଟାରୁ ଆରମ୍ଭ ହୋଇଥିଲା ସର୍ବସାଧାରଣ ଦର୍ଶନ। ଶୃଙ୍ଖଳିତ ଦର୍ଶନ ପାଇଁ ବ୍ୟାପକ ପୋଲିସ ମୁତୟନ କରାଯାଇଛି ।

କଟକ ଆଠଗଡର ଧବଳେଶ୍ୱର ପୀଠରେ ଶ୍ରଦ୍ଧାଳୁଙ୍କ ଭିଡ଼କୁ ଦେଖି ଝୁଲାପୋଲ କିମ୍ବା ଡଙ୍ଗା ଉପରେ ଭକ୍ତମାନଙ୍କ ଯିବା ଆସିବା ବାରଣ କରାଯାଇଛି । ଶୃଙ୍ଖଳିତ ଦର୍ଶନ ପାଇଁ ମହାନଦୀ ଭିତରେ ଏକ ଅସ୍ଥାୟୀ ରାସ୍ତା ନିର୍ମାଣ କରାଯାଇଛି। ପୂଜକ ସମିତି ପକ୍ଷରୁ ଭୋର ୪ଟାରୁ ଦ୍ୱାର ଫିଟାଯାଇ ମହାସ୍ନାନ କରାଯାଇଥିଲା। ଅପରାହ୍ଣରେ ଚାରି ପ୍ରହର ପୂଜା କରାଯାଇ ତୃତୀୟ ପ୍ରହର ପୂଜାରେ ମାଣ୍ଡୁଅ ଭୋଗଲାଗି ବେଢା ପରିକ୍ରମା କରାଯିବ।

ଭଦ୍ରକ ଜିଲ୍ଲା ପ୍ରସିଦ୍ଧ ଶୈବ ପୀଠ ଆରଡ଼ିର ବାବା ଆଖଣ୍ଡଳମଣିଙ୍କ ପୀଠରେ ବାବାଙ୍କ ଯଥା ରୀତି ପୂଜାଅର୍ଚ୍ଚନା ଆରମ୍ଭ କରାଯାଇଛି। ଜାଗର ଉତ୍ସବ ଓ ମହା ଶିବରାତ୍ରି ପାଇଁ ଉତ୍ସବ ମୁଖର ହୋଇଛି ଆରଡ଼ି ପୀଠ। ଲକ୍ଷାଧିକ ଭକ୍ତଙ୍କ ସମାଗମ ପାଇଁ ପୁଲିସ ଓ ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି।

        </description>
      </item>
      <item>
        <title>
           ଆଜି ପଙ୍କୋଦ୍ଧାର ଏକାଦଶୀ, ବାବା ଲୋକନାଥଙ୍କ ଶ୍ରୀଅଙ୍ଗରୁ ହେବ ପାଦୁକା ଉଦ୍ଧାର
        </title>
        <link>
           https://khabarodisha.com/Tourism/Pankodhar-Ekadasi-of-Lord-Lokanath-in-Puri-Today-102335
        </link>
        <guid>
           https://khabarodisha.com/Tourism/Pankodhar-Ekadasi-of-Lord-Lokanath-in-Puri-Today-102335
        </guid>
        <pubDate>
           Thu, 16 Feb 2023 23:33:00 GMT
        </pubDate>
        <description>

ଆଜି ପୁରୀର ପ୍ରସିଦ୍ଧ ପ୍ରଭୁ ଶ୍ରୀ ଲୋକନାଥ ଦେବଙ୍କ ମନ୍ଦିରରେ ପଙ୍କୋଦ୍ଧାର ଏକାଦଶୀ ନୀତି ଅନୁଷ୍ଠିତ ହୋଇଯାଇଛି । ବର୍ଷର ଏହି ଗୋଟିଏ ଦିନ ପ୍ରଭୁ ଶ୍ରୀଲୋକନାଥଙ୍କ ଗମ୍ଭୀରା ଭିତରକୁ ଯାଇ ଭକ୍ତ ଓ ଶ୍ରଦ୍ଧାଳୁ ଦର୍ଶନ କରିଛନ୍ତି । ଖବର ଅନୁଯାୟୀ, ବିଶ୍ୱନିୟନ୍ତା ପ୍ରଭୁ ଶ୍ରୀ ଲୋକନାଥ ଦେବଙ୍କ ବିଳମ୍ୱିତ ରାତିରୁ ଦ୍ୱାରଫିଟା ନୀତି ପରେ ବିଭିନ୍ନ ନୀତି କାନ୍ତି ବଢ଼ି ୮ଟାରୁ ପଙ୍କୋଦ୍ଧାର ଓ ମାଘ ସ୍ନାନ କରାଯାଇ ସର୍ବସାଧାରଣ ଦର୍ଶନ ଆରମ୍ଭ ହୋଇଛି । ଖବର ଅନୁସାରେ ପଙ୍କୋଦ୍ଧାର ଏକାଦଶୀ ଅବସରରେ ମନ୍ଦିର ପରିଚାଳନା ଟ୍ରଷ୍ଟ ବୋର୍ଡ ପକ୍ଷରୁ ଚୁଡ଼ାନ୍ତ ନୀତି ନିର୍ଘଣ୍ଟ ଅନୁସାରେ ରାତ୍ର ୧୨ଟାରୁ ଦ୍ୱାର ଫିଟା ପରେ ବିଭିନ୍ନ ନୀତିକାନ୍ତି ବଢ଼ି ଭୋର ୫ଟାରୁ ସକାଳ ୭ଟା ମଧ୍ୟରେ ପଙ୍କୋଦ୍ଧାର ଶେଷ ପରେ ମାଘ ସ୍ନାନ ହୋଇ ଟିକେଟ ଦର୍ଶନ ଓ ସର୍ବସାଧାରଣ ଦର୍ଶନ ଚାଲିଛି । ମନ୍ଦିର ଗମ୍ଭୀରାରେ ବର୍ଷ ତମାମ ଭକ୍ତମାନଙ୍କ ଦ୍ୱାରା ଅର୍ପଣ କରାଯାଇଥିବା ବେଲପତ୍ର, ପୁଷ୍ପ, ଫଳ, ସୁନା, ରୂପା ଓ ନୈବେଦ୍ୟକୁ କଢା ଯିବ। ପ୍ରାୟ ଏକବର୍ଷ ପରେ ଆଜି ପ୍ରଭୁ ଶ୍ରୀ ଲୋକନାଥଦେବଙ୍କ ସମ୍ପୁର୍ଣ୍ଣ ଲିଙ୍ଗ ଦର୍ଶନ କରିବାର ସୌଭାଗ୍ୟ ମିଳିବ ଭକ୍ତଙ୍କୁ । ଏହି ଦିନ ଶ୍ରଦ୍ଧାଳୁମାନେ ଶ୍ରୀଲୋକନାଥଙ୍କ ଦର୍ଶନ କଲେ ଲକ୍ଷେ ଶିବଲିଙ୍ଗ ଦର୍ଶନ କରିବାର ପୂଣ୍ୟ ଅର୍ଜନ ହୋଇଥାଏ ବୋଲି ବିଶ୍ୱାସ ରହିଛି । ଏହି ଅବସରରେ ପାର୍ବତୀ ସାଗର କୂଳରେ ଜଳିବ ଜଗତ ମଙ୍ଗଳ ଜାଗର ଦୀପ । ପ୍ରସିଦ୍ଧ ଶୈବପୀଠ ବାବା ଲୋକନାଙ୍କ ମନ୍ଦିରରେ ଏଭଳି ପରମ୍ପରା ସାରା ଦେଶରେ ନିଆରା । 

        </description>
      </item>
      <item>
        <title>
           ଶ୍ରୀମନ୍ଦିର ରକ୍ଷଣାବେକ୍ଷଣ ଉପରେ ପ୍ରଶ୍ନବାଚୀ: ସିଂହଦ୍ୱାର ଗୁମୁଟ ପାର୍ଶ୍ୱରେ ଫାଟ, ଭାଙ୍ଗିଯାଉଛି ପ୍ରାଚୀନ ମୂର୍ତ୍ତି
        </title>
        <link>
           https://khabarodisha.com/Tourism/Puri-Jagannath-Temple-is-on-dangerous-situation-102280
        </link>
        <guid>
           https://khabarodisha.com/Tourism/Puri-Jagannath-Temple-is-on-dangerous-situation-102280
        </guid>
        <pubDate>
           Sat, 11 Feb 2023 00:07:00 GMT
        </pubDate>
        <description>

ଶ୍ରୀମନ୍ଦିର ସିଂହଦ୍ବାର ଗୁମୁଟ ପାର୍ଶ୍ବରେ ବଡ଼ବଡ଼ ଫାଟ ଦେଖିବାକୁ ମିଳିଛି। ପଥର ସନ୍ଧିରେ ଫାଟ ଏତେ ବଡ ହୋଇଛି ଯେ, ସେଥିରେ ସରୀସୃପ ବାସ କରୁଥିବା ଆଶଙ୍କା କରାଯାଉଛି । କେବଳ ଫାଟ ନୁହେଁ, ଯେଉଁ ପ୍ରାଚୀନ ମୂର୍ତ୍ତି ଲାଗିଛି, ତାହା ବି ଭାଙ୍ଗିଗଲାଣି। ହେଲେ ଏଥିପ୍ରତି ଶ୍ରୀମନ୍ଦିର ପ୍ରଶାସନ କି ଭାରତୀୟ ପ୍ରତ୍ନତତ୍ୱ ବିଭାଗର ନଜର ନାହିଁ । ତେଣୁ ଶ୍ରୀମନ୍ଦିରର ରକ୍ଷଣାବେକ୍ଷଣାକୁ ନେଇ ବଡ ପ୍ରଶ୍ନ ସୃଷ୍ଟି ହୋଇଛି । ୧୯୭୫ ମସିହାରୁ ଭାରତୀୟ ପ୍ରତ୍ନତତ୍ତ୍ବ ବିଭାଗ(ଏଏସ୍‌ଆଇ) ବହୁ ପ୍ରାଚୀନ ଶ୍ରୀମନ୍ଦିରର ରକ୍ଷଣାବେକ୍ଷଣ ଦାୟିତ୍ବ ତୁଲାଇ ଆସୁଛି। ପୂର୍ବରୁ ଶ୍ରୀମନ୍ଦିର ଉପରେ ଲାଗିଥିବା ଚୂନର ମୋଟା ଆସ୍ତରଣକୁ ବିପଦ ବୋଲି ଏଏସଆଇ ଦର୍ଶାଇବା ପରେ ମାମଲା କୋର୍ଟକୁ ଯାଇଥିଲା । ଏହା ପରେ ହାଇକୋର୍ଟଙ୍କ ନିର୍ଦ୍ଦେଶରେ ୩୦ ବର୍ଷ ତଳୁ ଶ୍ରୀମନ୍ଦିରର ଚୁନ ଛଡାଇ ସ୍ୱତନ୍ତ୍ର କେମିକାଲ ଲଗାଯାଇଛି । ତଥାପି ଶ୍ରୀମନ୍ଦିର ଉପରୁ ବିପଦ ଟଳିନି। ମଝିରେ ମଝିରେ ବଡ଼ବଡ଼ ପଥର ଖଣ୍ଡ ଖସି ଶ୍ରୀମନ୍ଦିର ଅସୁରକ୍ଷିତ ବୋଲି ଦର୍ଶାଇ ଦେଉଛି। ସିଂହଦ୍ବାରରେ ପ୍ରବେଶ ପଥର ବାମପାର୍ଶ୍ବ ସିଂହ ମୂର୍ତ୍ତି କଡ଼ ଉପରିଭାଗରେ ପଥରରେ ଫାଟ ପରେ ଏଭଳି ଏକାଧିକ ଫାଙ୍କ ଦେଖିବାକୁ ମିଳିଛି। ଦେଖା ଦେଇଥିବା ଏକ ବଡ଼ ଫାଟ ଆକାର ଦେଖିଲେ, ଏହାର ଲମ୍ବ ପ୍ରାୟ ଦୁଇଫୁଟ ହୋଇଥିବାବେଳେ ଚଉଡ଼ା ପ୍ରାୟ ୪/୫ ଇଞ୍ଚ ହେବ। ସେହିଭଳି ଯେଉଁ ପ୍ରାଚୀନ ଦେବଦେବୀ ମୂର୍ତ୍ତି ଲାଗିଛି, ସେଥିରୁ କାହାର ଆଣ୍ଠୁଠାରୁ ପାଦ ପର୍ଯ୍ୟନ୍ତ ପଥର ଗଳି ପଡ଼ିଲାଣି ତ କାହାର ମୁହଁ ଗଳି ପଡ଼ିଲାଣି। ଏଭଳି ସ୍ଥିତିରେ ସିଂହଦ୍ବାର ପ୍ରବେଶ ପଥର ବାମପାର୍ଶ୍ବରେ ପଥରରେ ବଡ଼ବଡ଼ ଫାଙ୍କ ସୃଷ୍ଟି ହେବା ଶ୍ରୀମନ୍ଦିର ପାଇଁ ବିପଦ ସୃଷ୍ଟି କରିଛି।

        </description>
      </item>
   </rss>
 </channel>