RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

"ଏହା ଶକ୍ତି ପ୍ରଦର୍ଶନର ସମୟ ନୁହେଁ"... ରାହୁଲ ଗାନ୍ଧୀଙ୍କୁ ଡିଡିଟିଏର ଚିଠି, ନଭେମ୍ବର ୧ ରାଲି ସ୍ଥଗିତ ରଖିବାକୁ ଅନୁରୋଧ

</title>

<link>

https://khabarodisha.com/Politics/ddta-letter-to-rahul-gandhi-postpone-delhi-rally-nov-1-156630

</link>

<guid>

https://khabarodisha.com/Politics/ddta-letter-to-rahul-gandhi-postpone-delhi-rally-nov-1-156630

</guid>

Fri, 30 Oct 2026 15:08:00 GMT

</pubDate>

ନୂଆଦିଲ୍ଲୀ: ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କୁ ଦିଲ୍ଲୀର ଏକ ପ୍ରମୁଖ ବ୍ୟବସାୟୀ ସଂଗଠନ ବଡ଼ ଅପିଲ୍ କରିଛି। ଦିଲ୍ଲୀ ଡ୍ରଗ୍ସ ଟ୍ରେଡର୍ସ ଆସୋସିଏସନ୍ (DDTA) ପକ୍ଷରୁ ଶୁକ୍ରବାର ରାହୁଲ ଗାନ୍ଧୀଙ୍କୁ ଏକ ପତ୍ର ଲେଖି ଆସନ୍ତା ନଭେମ୍ବର ୧ ତାରିଖରେ ରାମଲୀଳା ମଇଦାନରେ ହେବାକୁ ଥିବା କଂଗ୍ରେସର ପ୍ରସ୍ତାବିତ ରାଲିକୁ ସ୍ଥଗିତ ରଖିବାକୁ ଅନୁରୋଧ କରାଯାଇଛି। ସଂଗଠନ ପକ୍ଷରୁ କୁହାଯାଇଛି ଯେ, ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି ଏହି ସମୟରେ କୌଣସି ପ୍ରକାର ଶକ୍ତି ପ୍ରଦର୍ଶନ ଠିକ୍ ହେବ ନାହିଁ।

ମକ୍ ପାର୍ଲାମେଣ୍ଟ ସ୍ଥଗିତ ପ୍ରସଙ୍ଗର ଦିଆଗଲା ଦୃଷ୍ଟାନ୍ତ

ଡିଡିଟିଏ (DDTA) ସମ୍ପାଦକ ଆଶିଷ ଗ୍ରୋଭର ରାହୁଲ ଗାନ୍ଧୀଙ୍କୁ ଲେଖିଥିବା ପତ୍ରରେ ଦିଲ୍ଲୀର ବ୍ୟବସାୟୀ ସମୁଦାୟର ଚିନ୍ତା ଏବଂ ବର୍ତ୍ତମାନର ପରିସ୍ଥିତି ଉପରେ ଆଲୋକପାତ କରିଛନ୍ତି। ଆଶିଷ ଗ୍ରୋଭର ଉଲ୍ଲେଖ କରିଛନ୍ତି ଯେ, ଯେପରି କିଛି ପରିସ୍ଥିତିକୁ ଆଖି ଆଗରେ ରଖି ଆଜିର ମକ୍ ପାର୍ଲାମେଣ୍ଟ କାର୍ଯ୍ୟକ୍ରମକୁ ସ୍ଥଗିତ ରଖାଯାଇଛି, ଠିକ୍ ସେହିପରି ନଭେମ୍ବର ୧ରେ ହେବାକୁ ଥିବା ରାଲିକୁ ମଧ୍ୟ ବାତିଲ ବା ସ୍ଥଗିତ ରଖିବାକୁ ବିଚାର କରାଯାଉ। ସମ୍ବିଧାନ ଏବଂ ସାମ୍ବିଧାନିକ ଅନୁଷ୍ଠାନଗୁଡ଼ିକର ମର୍ଯ୍ୟାଦା ରକ୍ଷା କରିବା ଉପରେ ସଂଗଠନ ଗୁରୁତ୍ୱାରୋପ କରିଛି।

ବ୍ୟାପାର ଓ ବାଣିଜ୍ୟ ପ୍ରତି ବିପଦ, ଚିନ୍ତାରେ ବ୍ୟବସାୟୀ

ପତ୍ରରେ କୁହାଯାଇଛି ଯେ, ଯେତେବେଳେ ମାମଲାଟି ପୂର୍ବରୁ ଅଦାଲତରେ ବିଚାରାଧୀନ ରହିଛି ଏବଂ ସମ୍ପୃକ୍ତ ପକ୍ଷଗୁଡ଼ିକ ସୁପ୍ରିମକୋର୍ଟରେ ନିଜର ଜବାବ ଦାଖଲ କରିସାରିଛନ୍ତି, ସେତେବେଳେ ରାଜନୈତିକ ଧକ୍କା ଓ ସର୍ବସାଧାରଣରେ ଶକ୍ତି ପ୍ରଦର୍ଶନ ବଦଳରେ ନ୍ୟାୟିକ ପ୍ରକ୍ରିୟା ଉପରେ ଭରସା ରଖିବା ଅଧିକ ଦାୟିତ୍ୱପୂର୍ଣ୍ଣ ପଦକ୍ଷେପ ହେବ।

ଦିଲ୍ଲୀରେ କ୍ରମଗତ ଭାବେ ହେଉଥିବା ବିରୋଧ ପ୍ରଦର୍ଶନ, ଧାର୍ଷଣା ଏବଂ ରାଲି ଯୋଗୁଁ ବ୍ୟାପାରିକ କାର୍ଯ୍ୟକଳାପ, ଟ୍ରାଫିକ୍ ବ୍ୟବସ୍ଥା ଏବଂ ସାଧାରଣ ଲୋକଙ୍କ ଜୀବନଯାତ୍ରା ପ୍ରଭାବିତ ହେଉଥିବା ନେଇ ଡିଡିଟିଏ ଗଭୀର ଚିନ୍ତା ପ୍ରକଟ କରିଛି। ସଂଗଠନ କହିଛି ଯେ ବେପାରୀ, ଦୋକାନୀ, କ୍ଷୁଦ୍ର ବ୍ୟାପାରୀ ଏବଂ ଦିନମଜୁରିଆମାନେ ପୂର୍ବରୁ ହିଁ ଆର୍ଥିକ କ୍ଷତିର ସମ୍ମୁଖୀନ ହୋଇଛନ୍ତି। ଏଭଳି ପରିସ୍ଥିତିରେ ଏବେ ଆଗକୁ ପର୍ବପର୍ବାଣୀ ଏବଂ ବିବାହର ସିଜିନ୍ ଥିବାରୁ, ରାଲି କାରଣରୁ ବ୍ୟାପାରରେ ବାଧା ସୃଷ୍ଟି ହେଲେ ସ୍ଥିତି ଆହୁରି ଜଟିଳ ହୋଇପଡ଼ିବ।

"ଏହା ରାଜନୈତିକ ଶକ୍ତି ପ୍ରଦର୍ଶନର ସମୟ ନୁହେଁ"

ଶାନ୍ତିପୂର୍ଣ୍ଣ ପ୍ରତିବାଦ ଏବଂ ମତାମତ ପ୍ରକାଶ କରିବାର ଅଧିକାରକୁ ଗଣତାନ୍ତ୍ରିକ ଅଧିକାର ବୋଲି ସ୍ୱୀକାର କରିବା ସହ ଡିଡିଟିଏ କହିଛି ଯେ, ରାଜନୈତିକ କାର୍ଯ୍ୟକ୍ରମ ଯୋଗୁଁ ସାଧାରଣ ଜନତା ଅଯଥା ଅସୁବିଧାର ସମ୍ମୁଖୀନ ହେବା ଏବଂ ସହରର ଅର୍ଥନୀତି ଉପରେ ଏହାର କୁପ୍ରଭାବ ପଡ଼ିବା ଅନୁଚିତ୍।

ପତ୍ରର ଶେଷରେ ଆଶିଷ ଗ୍ରୋଭର ଲେଖିଛନ୍ତି, "ଏହା କୌଣସି ରାଜନୈତିକ ଶକ୍ତି ପ୍ରଦର୍ଶନର ସମୟ ନୁହେଁ, ବରଂ ଗଣତାନ୍ତ୍ରିକ ମୂଲ୍ୟବୋଧକୁ ବଜାୟ ରଖିବା, ସାମ୍ବିଧାନିକ ସଂସ୍ଥାଗୁଡ଼ିକୁ ସମ୍ମାନ ଦେବା ଏବଂ ଦିଲ୍ଲୀର କୋଟି କୋଟି ନାଗରିକ ଓ ବ୍ୟାପାରୀଙ୍କ ସ୍ୱାର୍ଥକୁ ରାଜନୈତିକ ସ୍ୱାର୍ଥଠାରୁ ଉପରେ ରଖିବାର ସମୟ। ଆଶା କରୁଛୁ ଆପଣ ଏହି ଅପିଲ୍‌କୁ ଗ୍ରହଣ କରିବେ ଏବଂ ରାଲି ସ୍ଥଗିତ ରଖିବାକୁ ଘୋଷଣା କରିବେ।"

</description>

</item>

<item>

<title>

ଉତ୍ତର ପ୍ରଦେଶରେ ଶାହଙ୍କ ଘୋଷଣା, ଲାଗୁ ହେବ ୟୁସିସି

</title>

<link>

https://khabarodisha.com/Politics/amit-shah-announces-ucc-will-be-implemented-in-up-156617

</link>

<guid>

https://khabarodisha.com/Politics/amit-shah-announces-ucc-will-be-implemented-in-up-156617

</guid>

Fri, 30 Oct 2026 09:26:00 GMT

</pubDate>

ଲକ୍ଷ୍ନୌ: କେନ୍ଦ୍ର ମନ୍ତ୍ରୀ ଅମିତ ଶାହ ଉତ୍ତର ପ୍ରଦେଶରେ ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେବା ଅବସରରେ ବଡ଼ ଘୋଷଣା କରିଛନ୍ତି । ଉତ୍ତର ପ୍ରଦେଶ ତୃତୀୟ ଥର ପାଇଁ ବିଜେପି ସରକାରକୁ ଆସିଲେ 'ୟୁନିଫର୍ମ ସିଭିଲ୍ କୋଡ୍' (UCC) ବା ସମାନ ନାଗରିକ ସଂହିତା ଲାଗୁ କରାଯିବ ବୋଲି ଶାହ ପ୍ରତିଶ୍ରୁତି ଦେଇଛନ୍ତି ।

ଭାରତୀୟ ଜନତା ପାର୍ଟି ର ଶୀର୍ଷ ନେତୃତ୍ୱ ୨୦୨୭ ଉତ୍ତର ପ୍ରଦେଶ ବିଧାନସଭା ନିର୍ବାଚନ ପାଇଁ ପ୍ରସ୍ତୁତିକୁ ଜୋରଦାର କରିଛନ୍ତି । ଦଳର ମୁଖ୍ୟ ରଣନୀତିଜ୍ଞ ଭାବେ ବିବେଚିତ ଅମିତ ଶାହଙ୍କ ତତ୍ତ୍ୱାବଧାନରେ, ବିଜେପି ନିଜର ନିର୍ବାଚନ ପ୍ରଚାରକୁ ଅଧିକ ପ୍ରଭାବଶାଳୀ କରିବା ପାଇଁ ସାଙ୍ଗଠନିକ କାର୍ଯ୍ୟକଳାପକୁ ତ୍ୱରାନ୍ୱିତ କରିଛି । ବିଜେପି କାର୍ଯ୍ୟକାରିଣୀ କମିଟିର ଏକ ବୈଠକ ଉଦ୍‌ଘାଟନ କରିବା ପାଇଁ କେନ୍ଦ୍ର ମନ୍ତ୍ରୀ ଶାହ ଲକ୍ଷ୍ନୌରେ ପହଞ୍ଚିଥିଲେ। ଏହି ଅବସରରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ରାଜ୍ୟ ସଭାପତି ପଙ୍କଜ ଚୌଧୁରୀ, ରାଜ୍ୟ ସାଧାରଣ ସମ୍ପାଦକ (ସଙ୍ଗଠନ) ଧର୍ମପାଲ ସିଂହ, ରାଜ୍ୟ ପ୍ରଭାରୀ ବିନୋଦ ତାୱଡେ ଏବଂ ଉପ-ମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ ଓ ବ୍ରଜେଶ ପାଠକ ମଧ୍ୟ ଉପସ୍ଥିତ ଥିଲେ।

ଦଳର ବରିଷ୍ଠ ନେତାମାନଙ୍କ ଉପସ୍ଥିତିରେ, ଶାହ ଉତ୍ତର ପ୍ରଦେଶ ବିଜେପି ଟିମ୍‌ରେ ଉତ୍ସାହ ଭରିଦେଇଛନ୍ତି। ସେ ଘୋଷଣା କରିଛନ୍ତି ଯେ ଯଦି ରାଜ୍ୟରେ ବିଜେପି କ୍ରମାଗତ ତୃତୀୟ ଥର ପାଇଁ କ୍ଷମତାକୁ ଆସେ ରାଜ୍ୟରେ ୟୁସିସି ଲାଗୁ କରାଯିବ ।

ଶାହ କହିଛନ୍ତି ଯେ ଅନ୍ୟ କେତେକ ରାଜ୍ୟରେ ୟୁସିସି ପୂର୍ବରୁ ହିଁ ଲାଗୁ ହୋଇସାରିଛି ଏବଂ ବର୍ତ୍ତମାନ ଉତ୍ତର ପ୍ରଦେଶର ପାଳି ଆସିଛି। ସେ ବିଜେପି ସରକାର ଗଠନ କରିବାକୁ ଜନତାଙ୍କୁ ଆହ୍ୱାନ ଦେଇଛନ୍ତି ଏବଂ ପ୍ରତିଶ୍ରୁତି ଦେଇଛନ୍ତି ଯେ ଏହା ପରେ ୟୁସିସି ଲାଗୁ କରାଯିବ।

ପୂର୍ବରୁ ୟୁସିସି ଗୁଜରାଟ ଓ ଆସାମରେ ଲାଗୁ ହୋଇ ସାରିଛି । ୟୁସିସି ଲାଗୁ ହେବା ପରେ ରାଜ୍ୟରେ ସମସ୍ତ ସମ୍ପ୍ରଦାୟ ପାଇଁ ବିବାହ, ଛାଡ଼ପତ୍ର, ଉତ୍ତରାଧିକାରୀ ଏବଂ ଲିବ୍ ଇନ୍ ରିଲେସନସିପ୍ ପାଇଁ ସମାନ ନିୟମ ଲାଗୁ ହେବ । ପଞ୍ଜିକୃତ ହେବ ଲିଭ୍-ଇନ୍ ରିଲେସନସିପ୍, ସମସ୍ତ ଧର୍ମରେ ବିବାହ ପଞ୍ଜିକରଣ ବାଧ୍ୟତା ମୂଳକ, ସବୁ ଧର୍ମରେ ବିବାହ ବୟସ ସମାନ ଏବଂ ଉତ୍ତରାଧିକାରୀ ପାଇଁ ସମାନ ନିୟମ ଲାଗୁ ହେବ ।

</description>

</item>

<item>

<title>

ବିରୋଧୀଙ୍କ ଉପରେ ବର୍ଷିଲେ ମୋଦୀ, କିଛି ଲୋକଙ୍କୁ ପସନ୍ଦ ଆସୁନାହିଁ ଦେଶର ବିକାଶ

</title>

<link>

https://khabarodisha.com/Politics/pm-modi-targets-congress-156615

</link>

<guid>

https://khabarodisha.com/Politics/pm-modi-targets-congress-156615

</guid>

Fri, 30 Oct 2026 09:20:00 GMT

</pubDate>

ଅହମ୍ମଦାବାଦ: ଦେଶର ଯୁବଶକ୍ତି ବିକଶିତ ଭାରତ ନିର୍ମାଣ କରିବାକୁ ଚାହୁଁଛନ୍ତି । କିନ୍ତୁ ଦୁର୍ଭାଗ୍ୟର ବିଷୟ କିଛି ଲୋକଙ୍କୁ ଏହା ପସନ୍ଦ ଆସୁନାହିଁ । ଦେଶରେ ସଙ୍କଟ ଆସିଲେ ସେମାନଙ୍କୁ ଖୁସି ମିଳୁଛି । ଆଜି ଗୁଜରାଟ ବନାସକାଣ୍ଠାରେ ବିଭିନ୍ନ ଲୋକାଭିମୁଖି ଯୋଜନାର ଶୁଭାରମ୍ଭ କରିବା ଅବସରରେ ବିରୋଧୀଙ୍କ ଉପରେ ଏମିତି ବର୍ଷିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ।

ପ୍ରଧାନମନ୍ତ୍ରୀ ତାଙ୍କର ଅଭିଭାଷଣରେ ଦେଶରେ ଆସୁଥିବା ସଙ୍କଟବେଳେ ବିରୋଧୀଙ୍କ ଆଭିମୁଖ୍ୟକୁ କଡ଼ା ସମାଲୋଚନା କରିଛନ୍ତି । ମୋଦୀ କହିଛନ୍ତି ଯେ ଦେଶରେ ଯେତେବେଳେ ସଙ୍କଟ ଆସେ, କିଛି ଲୋକ ଖୁସୀ ହୁଅନ୍ତି । ଏଭଳି ଲୋକ ଦେଶକୁ ଅସୁବିଧାରେ ଦେଖିବାକୁ ଚାହୁଁଛନ୍ତି । ଇରାନ ଓ ପଶ୍ଚିମ ଏସିଆରେ ଯୁଦ୍ଧ ସମୟରେ ଯେତେବେଳେ ସାରା ଦେଶ ଏକଜୁଟ ହୋଇ ସଙ୍କଟର ସାମ୍ନା କରୁଥିଲା, ସେତେବେଳେ କିଛି ଲୋକ ଗୁଜବ ସୃଷ୍ଟି କରିବାରେ ଲାଗିଥିଲେ । ଚାଷୀଙ୍କୁ ଖତ ମିଳିବ ନାହିଁ ଏବଂ ମହିଳାଙ୍କୁ ଗ୍ୟାସ ମିଳିବ ନାହିଁ କହି ଡରାଉଥିଲେ । ତାଙ୍କର କେବଳ ଗୋଟିଏ ଉଦ୍ଦେଶ୍ୟ, ଦେଶରେ ଅରାଜକତା ସୃଷ୍ଟି କରିବା, କାରଣ ମୋଦୀକୁ ବଦନାମ କରିପାରିବେ ।

ମୋଦୀ ବିରୋଧୀଙ୍କ ନାଁ ନେଇ କହିଛନ୍ତି ଯେ ଯୁଦ୍ଧ ଏବେବି ଜାରି ରହିଛି, କିନ୍ତୁ ଭାରତ ଏବେବି ଏକଜୁଟ ହୋଇ ଏହାର ସାମ୍ନା କରୁଛି । ସରକାର ଚାଷୀଙ୍କୁ କୌଣସି ଅସୁବିଧାରେ ସମ୍ମୁଖୀନ ହେବାକୁ ଦେଇ ନାହାଁନ୍ତି । ଚାଷୀଙ୍କୁ ଆଜି ବି ୩୦୦ ଟଙ୍କାରେ ଖତ ଦିଆଯାଉଛି ।

ପ୍ରଧାନମନ୍ତ୍ରୀ କହିଛନ୍ତି ଯେ ଦେଶର ଯୁବବର୍ଗ ଏକ ବିକଶିତ ଭାରତ ଗଠନ କରିବାକୁ ଆଶା ରଖିଛନ୍ତି, କିନ୍ତୁ ଦୁର୍ଭାଗ୍ୟବଶତଃ କିଛି ଲୋକଙ୍କୁ ଏହା ପସନ୍ଦ ନୁହେଁ। ବିକାଶ ଦିଗରେ କରାଯାଉଥିବା ପ୍ରତ୍ୟେକ ପ୍ରୟାସର ଲକ୍ଷ୍ୟ ହେଉଛି ଭାରତକୁ ଏକ ବିକଶିତ ରାଷ୍ଟ୍ରରେ ପରିଣତ କରିବା। ସେ ଆହୁରି ମଧ୍ୟ କହିଛନ୍ତି ଯେ, ଅନିଶ୍ଚିତତାରେ ଭରପୂର ଏହି ବିଶ୍ୱ ପରିସ୍ଥିତି ମଧ୍ୟରେ ସମଗ୍ର ବିଶ୍ୱ ଭାରତର ଦ୍ରୁତ ଅଗ୍ରଗତିକୁ ଦେଖୁଛି।

ବନାସକାଣ୍ଠାରେ ଆୟୋଜିତ ଏକ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ମୋଦୀ ୧୪,୦୦୦ କୋଟି ଟଙ୍କାରୁ ଅଧିକ ମୂଲ୍ୟର ବିକାଶମୂଳକ ପ୍ରକଳ୍ପଗୁଡ଼ିକର ଉଦ୍‌ଘାଟନ ଓ ଭିତ୍ତିପ୍ରସ୍ତର ସ୍ଥାପନ କରିଛନ୍ତି। ଏହି ଅବସରରେ ସେ 'ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି'ର ୨୪ତମ କିସ୍ତି ମଧ୍ୟ କୃଷକମାନଙ୍କ ଖାତାକୁ ପ୍ରଦାନ କରିଛନ୍ତି । ପ୍ରାୟ ୪.୫ ଲକ୍ଷ କୋଟି ଟଙ୍କା କ୍ଷୁଦ୍ର ଚାଷୀମାନଙ୍କ ବ୍ୟାଙ୍କ ଖାତାକୁ ସିଧାସଳଖ ହସ୍ତାନ୍ତର କରାଯାଇଛି।

</description>

</item>

<item>

<title>

ବଢ଼ିଲା ସୌରଭ ଦାସଙ୍କ ଅଡ଼ୁଆ, ପରିଚୟ ଯାଞ୍ଚ ପାଇଁ ମାଡ୍ରାସ ହାଇକୋର୍ଟଙ୍କ ନୋଟିସ୍

</title>

<link>

https://khabarodisha.com/Politics/madras-highcourt-directs-to-probe-the-identity-of-sourav-das-156612

</link>

<guid>

https://khabarodisha.com/Politics/madras-highcourt-directs-to-probe-the-identity-of-sourav-das-156612

</guid>

Fri, 30 Oct 2026 08:35:00 GMT

</pubDate>

ଚେନ୍ନାଇ: କକ୍ରୋଚ ଜନତା ପାର୍ଟିର ରାଷ୍ଟ୍ରୀୟ ମୁଖପାତ୍ର ସୌରଭ ଦାସଙ୍କ ପାଇଁ ଅଡ଼ୁଆ ବଢ଼ିଛି । ଶୁକ୍ରବାର ମାଡ୍ରାସ ହାଇକୋର୍ଟ ଏକ ଆବେଦନର ଶୁଣାଣି କରି ସୌରଭଙ୍କ ପରିଚୟ ଓ ଜନ୍ମ ପୃଷ୍ଠଭୂମି ଯାଞ୍ଚ କରିବାକୁ ନୋଟିସ୍ ଜାରି କରିଛନ୍ତି ।

ସୌରଭ ଦାସଙ୍କ ସୋସିଆଲ୍ ମିଡ଼ିଆ ଆକାଉଣ୍ଟରେ ଦେଶର ନ୍ୟାୟିକ ବ୍ୟବସ୍ଥା ଏବଂ ସର୍ବୋଚ୍ଚ ଅଦାଲତଙ୍କ ଉପରେ ଅନେକ ବିବାଦୀୟ ପୋଷ୍ଟ କରାଯାଇଛି । ଯାହାକୁ କେନ୍ଦ୍ର କରି ମାଡ୍ରାସ ହାଇକୋର୍ଟରେ ଏକ ଆବେଦନ କରାଯାଇଛି । ହାଇକୋର୍ଟ ମୁଖ୍ୟ ବିଚାରପତି ଏସ୍.ଏ. ଧର୍ମାଧିକାରୀ ଏବଂ ବିଚାରପତି ଜୀ. ଅରୁଲ ମୁରୁଗନଙ୍କ ଦୁଇ ଜଣିଆ ଖଣ୍ଡପୀଠ ଆବେଦନର ଶୁଣାଣି କରିଛନ୍ତି । ହାଇକୋର୍ଟ ସୌରଭଙ୍କ ପରିଚୟ ଯାଞ୍ଚ କରିବାକୁ ନୋଟିସ୍ ଜାରି କରିଛନ୍ତି । ଚେନ୍ନାଇ ପାସପୋର୍ଟ ଅଧିକାରୀ, ୟୁଆଇଡିଏଆଇ ଅଧ୍ୟକ୍ଷ, କେନ୍ଦ୍ର ଗୃହ ମନ୍ତ୍ରାଳୟ, ବୈଦେଶିକ ବ୍ୟାପାର ମନ୍ତ୍ରାଳୟ, ଆଇନ ମନ୍ତ୍ରାଳୟ, ବୈଦ୍ୟୁତିକ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରାଳୟ, ଏକ୍ସ ଏବଂ ଇନଷ୍ଟାଗ୍ରାମକୁ ନୋଟିସ୍ ଜାରି ହୋଇଛି । ଆସନ୍ତା 6 ସପ୍ତାହ ମଧ୍ୟରେ ନୋଟିସର ଜବାବ ରଖିବାକୁ ନିର୍ଦ୍ଦେଶ ରହିଛି । ସେପର୍ଯ୍ୟନ୍ତ ଶୁଣାଣି ସ୍ଥଗିତ ରହିବ ।

କାଞ୍ଚିପୁରମ ଜିଲ୍ଲାର ଗଣେଶ କୁମାର ସୌରଭ ଦାସଙ୍କ ପରିଚୟ ଏବଂ ପୃଷ୍ଠଭୂମି ଯାଞ୍ଚ କରିବାକୁ ଆବେଦନ କରିଥିଲେ । ସୌରଭଙ୍କ ପାସପୋର୍ଟ ଓ ଆଧାରକାର୍ଡ ରଦ୍ଦ କରି ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ।

</description>

</item>

<item>

<title>

ରାହୁଲଙ୍କ ରାଲି ଯୋଗୁଁ କ୍ଷତି ହେବ ୧୦ ହଜାର କୋଟି, ସୋନିଆଙ୍କୁ ଚିଠି ଲେଖିଲା ବ୍ୟବସାୟୀ ସଂଘ

</title>

<link>

https://khabarodisha.com/Politics/cti-requests-sonia-gandhi-to-postpond-rally-of-rahul-gandhi-156604

</link>

<guid>

https://khabarodisha.com/Politics/cti-requests-sonia-gandhi-to-postpond-rally-of-rahul-gandhi-156604

</guid>

Fri, 30 Oct 2026 06:05:00 GMT

</pubDate>

ନୂଆଦିଲ୍ଲୀ: ଦିଲ୍ଲୀର ରାମଲୀଳା ମୈଦାନରେ ନଭେମ୍ବର ୧ ରେ ହେବାକୁ ଥିବା ରାହୁଲ ଗାନ୍ଧୀଙ୍କ ଶୋଭାଯାତ୍ରାକୁ ନେଇ ବ୍ୟବସାୟୀ ସଂଘର ଚିନ୍ତା ବଢ଼ିଛି । ଆଗକୁ ଦୀପାବଳି ଆସୁଥିବାରୁ ପ୍ରାୟ ୧୦ ହଜାର କୋଟି ଟଙ୍କାର ବାଣିଜ୍ୟିକ କ୍ଷତି ହେବା ଆଶଙ୍କାରେ ଚ୍ୟାମ୍ବର୍ ଅଫ୍ ଟ୍ରେଡ୍ ଆଣ୍ଡ୍ ଇଣ୍ଡଷ୍ଟ୍ରି (ସିଟିଆଇ) କଂଗ୍ରେସ ସଂସଦୀୟ ଦଳ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଚିଠି ଲେଖିଛି । ନଭେମ୍ବର ୧ ବଦଳରେ ଦୀପାବଳି ପରେ ରାଲି କରିବାକୁ ଚିଠିରେ ଅନୁରୋଧ କରିଛନ୍ତି ।

ଫେଡେରେସନ୍ ଅଫ୍ ସଦର ବଜାର ଟ୍ରେଡର୍ସ ଆସୋସିଏସନ୍ (ଖାରି ବାଓଲି, ଦିଲ୍ଲୀ)ର ଗ୍ରୋସରୀ କମିଟି, 'ଇଣ୍ଡି' ମେଣ୍ଟର ବରିଷ୍ଠ ନେତା ଅଖିଳେଶ ଯାଦବ ଏବଂ ମମତା ବାନାର୍ଜୀଙ୍କୁ ଏକ ଚିଠି ଲେଖି ରାମଲୀଳା ମୈଦାନରେ ପ୍ରସ୍ତାବିତ ରାଲିକୁ ଦୀପାବଳି ପରେ ଆୟୋଜନ କରିବାକୁ ଅନୁରୋଧ କରିଛି।

ସିଟିଆଇ କହିଛି ଯେ ନଭେମ୍ବର ୬ ତାରିଖରେ ଧନତେରସ୍ ଏବଂ ୮ ତାରିଖରେ ଦୀପାବଳି ରହିଛି । ଦୀପାବଳି ପାଇଁ ଭଲ ବ୍ୟବସାୟ ଆଶାରେ ବ୍ୟବସାୟୀମାନେ ରହିଛନ୍ତି । କିନ୍ତୁ ରାହୁଲଙ୍କ ଶୋଭାଯାତ୍ରାରେ ପ୍ରାୟ ୧୦ ଲକ୍ଷ ଲୋକଙ୍କ ସମାଗମ ହେବାର ଆଶଙ୍କା ରହିଛି । ଫଳରେ କେନ୍ଦ୍ରୀୟ ଦିଲ୍ଲୀ ଏବଂ ପୁରୁଣା ଦିଲ୍ଲୀରେ ଟ୍ରାଫିକ୍ ସମସ୍ୟା ବଢ଼ିଯିବ । ଯାହାର ସିଧାସଳଖ ପ୍ରଭାବ ସାଧାରଣ ବ୍ୟବସାୟୀଙ୍କ ଉପରେ ପଡ଼ିବାର ସମ୍ଭାବନା ରହିଛି ।

ରାମଲୀଳା ମୈଦାନକୁ ଲାଗି କରି ପ୍ରାୟ ଛୋଟ ବଡ଼ ୨୦ଟି ବଜାର ରହିଛି । ଚାନ୍ଦନୀ ଚୌକ, ସଦର ବଜାର, କନ୍ନାଟ୍ ପ୍ଲେସ୍, ପାଲିକା ବଜାର, ଜନପଥ, ଭାଗୀରଥ ପ୍ରାସାଦ, ଖରି ବାଓଲି, କାଶ୍ମୀରୀ ଫାଟକ, ନୟା ବଜାର, ଲଜପତ ରାୟ ବଜାର, ଚାୱରୀ ବଜାର, କିନାରୀ ବଜାର, ଦାରିବା କାଲାନ, ବାଲିମରନ୍ ଓ ଫତେହପୁରୀ ଭଳି ବଜାର ରହିଛି । ଯେଉଁଠାରେ ପ୍ରତ୍ୟେକ ଦିନ ୧୦ରୁ ୧୨ ହଜାର କୋଟିର କାରବାର ହୋଇଥାଏ ।

ବ୍ୟବସାୟୀ ସଂଘ ଆଶଙ୍କା ଜତାଇଛି ଯେ ଶୋଭା ଯାତ୍ରା ଯୋଗୁଁ ବସ୍, କାର, ବାଇକ୍ ଭଳି ଯାନ ଗୁଡ଼ିକ ବଡ଼ ଟ୍ରାଫିକ୍ ସମସ୍ୟା ଉତ୍ପନ୍ନ କରିବେ । ପ୍ରାୟ ୧୫ରୁ ୨୦ ହଜାର ଯାନବାହାନର ଆବଶ୍ୟକତା ରହିଛି । ଫଳରେ ବ୍ୟବସାୟୀଙ୍କ ସାମଗ୍ରୀ ଦୋକାନ ପାଖରେ ପହଁଚିବାରେ ସମସ୍ୟା ସୃଷ୍ଟି ହେବ । ପର୍ବପର୍ବାଣୀ ଥିବାରୁ ବ୍ୟବସାୟରେ ବଡ଼ ଘାଟା ହେବାର ଯଥେଷ୍ଟ ସମ୍ଭାବନା ରହିଛି ।

ସିଟିଆଇ ସୋନିଆଙ୍କ ବ୍ୟକ୍ତିଗତ ହସ୍ତକ୍ଷେପ ଲୋଡ଼ିଛି । ସଂଘ ଦୁଇଟି ବିକଳ୍ପ ମଧ୍ୟ ଦେଇଛି । ୧ ନଭେମ୍ବର ବଦଳରେ ଦୀପାବଳି ପରେ ରାଲି କରିବାକୁ ପରାମର୍ଶ ଦେଇଥିବାବେଳେ ସ୍ଥାନ ବଦଳାଇବାକୁ ମଧ୍ୟ ବିକଳ୍ପ ଦେଇଛି । ରାମଲୀଳା ମଇଦାନ ବଦଳରେ ବୁରାଡ଼ୀ ମୈଦାନରେ କରିବାକୁ ସଂଘ ଅନୁରୋଧ କରିଛି ।

</description>

</item>

<item>

<title>

ମୀରା କୁମାରୀ ହେବେ ବାଚସ୍ପତି, ଖଡଗେ ରଖିବେ ପ୍ରସ୍ତାବ ! ସିଇସି ଜ୍ଞାନେଶଙ୍କ ବିରୋଧରେ ଏମିତି ଆସିବ ‘ଜନ ମହାଭିଯୋଗ’

</title>

<link>

https://khabarodisha.com/Politics/india-alliance-mock-cec-trial-kharge-house-meira-kumar-permission-denied-156597

</link>

<guid>

https://khabarodisha.com/Politics/india-alliance-mock-cec-trial-kharge-house-meira-kumar-permission-denied-156597

</guid>

Fri, 30 Oct 2026 18:40:00 GMT

</pubDate>

ନୂଆଦିଲ୍ଲୀ: ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କ ବିରୋଧରେ ଆସିଥିବା ଅଭିଯୋଗ ଏବଂ ଭୋଟ୍ ଚୋରି ପ୍ରସଙ୍ଗକୁ ନେଇ ବିରୋଧୀ 'ଇଣ୍ଡିଆ' (INDIA) ମେଣ୍ଟ ଆକ୍ରମଣାତ୍ମକ ରୂପ ଗ୍ରହଣ କରିଛି। ପ୍ରଶାସନ ପକ୍ଷରୁ କାର୍ଯ୍ୟକ୍ରମ ପାଇଁ ଅନୁମତି ମିଳିନଥିବାରୁ, ବିରୋଧୀ ଦଳଗୁଡ଼ିକ ଏବେ ଏହି ପ୍ରତୀକତ୍ମକ 'ଜନ ମହାଭିଯୋଗ' କାର୍ଯ୍ୟକ୍ରମକୁ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେଙ୍କ ବାସଭବନକୁ ସ୍ଥାନାନ୍ତର କରିଛନ୍ତି। ଆସନ୍ତାକାଲି (ଶୁକ୍ରବାର) ଏହି ସ୍ୱତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହେବ।

ସାମ୍ନାକୁ ଆସିଥିବା ସୂଚନା ଅନୁଯାୟୀ, ଲୋକସଭାର ପୂର୍ବତନ ସ୍ପିକର ମୀରା କୁମାର ଏହି ପ୍ରତୀକାତ୍ମକ 'ଜନ ମହାଭିଯୋଗ' କାର୍ଯ୍ୟକ୍ରମର ଅଧ୍ୟକ୍ଷତା କରିବେ। ଅନ୍ୟପଟେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖରଗେ କାର୍ଯ୍ୟକ୍ରମର କାର୍ଯ୍ୟକାରିତା ଆରମ୍ଭ କରି 'ମହାଭିଯୋଗ ପ୍ରସ୍ତାବ' ଆଗତ କରିବେ। ଏହାପରେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀ ଏହି କାର୍ଯ୍ୟକ୍ରମର ଶେଷରେ ସମାପନ ଭାଷଣ ଦେବାର କାର୍ଯ୍ୟକ୍ରମ ରହିଛି।

କଥିତ 'ଭୋଟ୍ ଚୋରି' ଏବଂ ନିର୍ବାଚନ ଆୟୋଗ ଦ୍ୱାରା ଗଣତାନ୍ତ୍ରିକ ବ୍ୟବସ୍ଥାକୁ ଦୁର୍ବଳ କରାଯାଉଥିବା ଅଭିଯୋଗ ଆଣି ବିରୋଧୀ ମେଣ୍ଟ ଏହି ଅଭିନବ ପ୍ରତିବାଦର ପନ୍ଥା ଆପଣାଇଛି। ଗୁରୁବାର ଦିନ ଖରଗେଙ୍କ ବାସଭବନରେ ଇଣ୍ଡିଆ ମେଣ୍ଟର ବରିଷ୍ଠ ନେତାମାନଙ୍କ ଏକ ଜରୁରୀ ବୈଠକ ବସିଥିଲା, ଯେଉଁଥିରେ ଏହି ସମଗ୍ର କାର୍ଯ୍ୟକ୍ରମର ରୂପରେଖା ଏବଂ କୌଶଳକୁ ଚୂଡ଼ାନ୍ତ କରାଯାଇଥିଲା। ଏହି ବୈଠକରେ ପ୍ରିୟଙ୍କା ଗାନ୍ଧୀ ଭାଡ୍ରା, ଝାରଖଣ୍ଡ ମୁକ୍ତି ମୋର୍ଚ୍ଚାର ମହା ମାଝୀ, ତୃଣମୂଳ କଂଗ୍ରେସର ଡେରେକ୍ ଓ'ବ୍ରାଏନ୍‌ଙ୍କ ସମେତ ବିଭିନ୍ନ ଦଳର ପ୍ରମୁଖ ନେତାମାନେ ଅଂଶଗ୍ରହଣ କରିଥିଲେ।

ବିରୋଧୀ ଦଳଗୁଡ଼ିକର କହିବା କଥା ହେଲା ଯେ, ନିର୍ବାଚନ ଆୟୋଗଙ୍କ ପକ୍ଷରୁ ନିରପେକ୍ଷତା ରକ୍ଷା କରାଯାଉନାହିଁ ଏବଂ ଏହାର ଜବାବଦେହି ନିଶ୍ଚିତ କରିବା ପାଇଁ ଜନସାଧାରଣଙ୍କ ମଧ୍ୟରେ ଏହି ଅଭିଯାନ ଜାରି ରହିବ। ଏହି କାର୍ଯ୍ୟକ୍ରମ ପରେ ଆଗାମୀ ନଭେମ୍ବର ୧ ତାରିଖରେ ଦିଲ୍ଲୀର ରାମଲୀଳା ମଇଦାନରେ ଏକ ବିଶାଳ ରାଲି ଆୟୋଜନ କରିବାକୁ ମଧ୍ୟ ମେଣ୍ଟ ପକ୍ଷରୁ ଯୋଜନା କରାଯାଇଛି।

Also Read: ବାତ୍ୟା ‘ଅର୍ଣ୍ଣବ’ ଓ ବନ୍ୟା ତାଣ୍ଡବ: ଆନ୍ଧ୍ର ଓ ଓଡ଼ିଶାର ସ୍ଥିତିକୁ ନେଇ ଚିନ୍ତା ପ୍ରକାଶ କଲେ ରାହୁଲ ଗାନ୍ଧୀ, ଦେଲେ ବଡ଼ ବାର୍ତ୍ତା

</description>

</item>

<item>

<title>

SIR ବିବାଦ ମଧ୍ୟରେ ନିର୍ବାଚନ ଆୟୋଗଙ୍କ ବଡ଼ ନିଷ୍ପତ୍ତି: ଦିଲ୍ଲୀ, ମହାରାଷ୍ଟ୍ର ସହ ୬ ରାଜ୍ୟରେ ବୃଦ୍ଧି ପାଇଲା ଭୋଟର ତାଲିକା ପ୍ରକାଶନ ତାରିଖ

</title>

<link>

https://khabarodisha.com/Politics/ec-extends-final-voter-list-deadline-6-states-delhi-maharashtra-sir-controversy-156596

</link>

<guid>

https://khabarodisha.com/Politics/ec-extends-final-voter-list-deadline-6-states-delhi-maharashtra-sir-controversy-156596

</guid>

Thu, 29 Oct 2026 18:26:00 GMT

</pubDate>

ନୂଆଦିଲ୍ଲୀ: ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କୁ ନେଇ ଚାଲିଥିବା SIR (ସ୍ପେସାଲ୍ ଇନ୍‌ସପେକ୍ସନ୍ ଆଣ୍ଡ୍ ରିଭିଜନ୍) ବିବାଦ ମଧ୍ୟରେ ଭାରତୀୟ ନିର୍ବାଚନ ଆୟୋଗ (EC) ଏକ ବଡ଼ ନିଷ୍ପତ୍ତି ନେଇଛନ୍ତି। ଦେଶର ୬ଟି ରାଜ୍ୟରେ ଏସଆଇଆର୍ କାର୍ଯ୍ୟସୂଚୀ ଏବଂ ଚୂଡ଼ାନ୍ତ ଭୋଟର ତାଲିକା ପ୍ରକାଶନର ତାରିଖକୁ ଆଗକୁ ବୃଦ୍ଧି କରାଯାଇଛି। ନିର୍ବାଚନ ଆୟୋଗଙ୍କ ସୂଚନା ଅନୁଯାୟୀ, ହରିୟାଣା, ତେଲେଙ୍ଗାନା, ନାଗାଲାଣ୍ଡ, ଆନ୍ଧ୍ରପ୍ରଦେଶ ଏବଂ ମହାରାଷ୍ଟ୍ରରେ ଆସନ୍ତା ନଭେମ୍ବର ୩୦ ତାରିଖରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ।

ଅନ୍ୟପଟେ ଦିଲ୍ଲୀ ପାଇଁ ଏହି ଫାଇନାଲ୍ ଡ୍ରାଫ୍ଟ ଡିସେମ୍ବର ୨୨ ତାରିଖରେ ଜାରି କରାଯିବ। ସୂଚନାଯୋଗ୍ୟ ଯେ, ଫର୍ମ-୬କୁ ନେଇ ସୁପ୍ରିମକୋର୍ଟରେ ହୋଇଥିବା ଶୁଣାଣି ସମୟରେ ଦିଲ୍ଲୀ SIR ପ୍ରକ୍ରିୟା ଉପରେ ଆଦାଲତ ପ୍ରଶ୍ନ ଉଠାଇଥିଲେ। ଏହାପରେ ନିର୍ବାଚନ ଆୟୋଗଙ୍କ ପକ୍ଷରୁ ଦାବି ଓ ଆପତ୍ତି ଦାଖଲ ଏବଂ ଚୂଡ଼ାନ୍ତ ଭୋଟର ତାଲିକା ପ୍ରକାଶନର ସମୟସୀମା ବୃଦ୍ଧି କରାଯାଇଛି।

ସଂଶୋଧିତ କାର୍ଯ୍ୟସୂଚୀ ଅନୁଯାୟୀ, ନାଗରିକଙ୍କ ଦାବି ଏବଂ ଆପତ୍ତିଗୁଡ଼ିକର ସମାଧାନ ପାଇଁ ଭିନ୍ନ ଭିନ୍ନ ରାଜ୍ୟ ପାଇଁ ନୂଆ ତାରିଖ ଧାର୍ଯ୍ୟ କରାଯାଇଛି। ହରିୟାଣା ଓ ଆନ୍ଧ୍ରପ୍ରଦେଶରେ ଦାବି ଓ ଆପତ୍ତି ସମାଧାନର ଶେଷ ତାରିଖ ନଭେମ୍ବର ୨୦ ହୋଇଥିବା ବେଳେ ଚୂଡ଼ାନ୍ତ ଭୋଟର ତାଲିକା ନଭେମ୍ବର ୩୦ରେ ପ୍ରକାଶ ପାଇବ। ହରିୟାଣାରେ ଦାବି ଓ ଆପତ୍ତି ଦାଖଲ ପ୍ରକ୍ରିୟା ୩୧ ଜୁଲାଇ ୨୦୨୬ରୁ ଆରମ୍ଭ ହୋଇ ୨୦ ନଭେମ୍ବର ୨୦୨୬ ପର୍ଯ୍ୟନ୍ତ ଚାଲିବ।

ସେହିପରି ମହାରାଷ୍ଟ୍ରରେ ଆପତ୍ତି ଦାଖଲର ଶେଷ ତାରିଖ ନଭେମ୍ବର ୧୩ ଏବଂ ସମାଧାନର ଶେଷ ତାରିଖ ନଭେମ୍ବର ୨୫ ରଖାଯାଇଥିବା ବେଳେ ଫାଇନାଲ୍ ଲିଷ୍ଟ ନଭେମ୍ବର ୩୦ରେ ଆସିବ। ନାଗାଲାଣ୍ଡରେ ଦାବି ଓ ଆପତ୍ତି ସମାଧାନର ଶେଷ ତାରିଖ ନଭେମ୍ବର ୨୫ ଏବଂ ତେଲେଙ୍ଗାନାରେ ଆପତ୍ତି ଦାଖଲର ସମୟସୀମା ନଭେମ୍ବର ୨୬ ପର୍ଯ୍ୟନ୍ତ ବୃଦ୍ଧି କରାଯାଇଛି, ଯେଉଁଠାରେ ନଭେମ୍ବର ୩୦ରେ ଚୂଡ଼ାନ୍ତ ତାଲିକା ଜାରି ହେବ।

ଅନ୍ୟପଟେ ଦିଲ୍ଲୀରେ ଦାବି ଓ ଆପତ୍ତିଗୁଡ଼ିକର ସମାଧାନ ଡିସେମ୍ବର ୧୫ ସୁଦ୍ଧା ଶେଷ ହେବ ଏବଂ ଡିସେମ୍ବର ୨୨ରେ ଚୂଡ଼ାନ୍ତ ଭୋଟର ତାଲିକା ପ୍ରକାଶ ପାଇବ। ନିର୍ବାଚନ ଆୟୋଗଙ୍କ ପକ୍ଷରୁ ସମସ୍ତ ସମ୍ପୃକ୍ତ ନିର୍ବାଚନ ଅଧିକାରୀଙ୍କୁ ଏହି ନୂତନ କାର୍ଯ୍ୟସୂଚୀ ବାବଦରେ ସାଧାରଣ ଜନତାଙ୍କ ମଧ୍ୟରେ ବ୍ୟାପକ ସଚେତନତା ଓ ପ୍ରଚାର ପ୍ରସାର କରିବାକୁ ନିର୍ଦ୍ଦେଶ ଦିଆଯାଇଛି।

</description>

</item>

<item>

<title>

କର୍ଣ୍ଣାଟକରେ ସରକାର, ତଥାପି ଚାରି ଯାକ ଆସନ ହାରିଲା କଂଗ୍ରେସ; ଜାଣନ୍ତୁ ହାରିବାର ଏହି ୫ ବଡ଼ କାରଣ

</title>

<link>

https://khabarodisha.com/Politics/mlc-election-results-2026-congress-defeat-156564

</link>

<guid>

https://khabarodisha.com/Politics/mlc-election-results-2026-congress-defeat-156564

</guid>

Thu, 29 Oct 2026 07:40:00 GMT

</pubDate>

ନୂଆଦିଲ୍ଲୀ: ବିଧାନ ପରିଷଦ ନିର୍ବାଚନରେ କଂଗ୍ରେସକୁ ବଡ଼ ଝଟକା। ଦେଶର ୪ଟି ରାଜ୍ୟରେ ୨୮ଟି MLC ଆସନ ପାଇଁ ହୋଇଥିବା ନିର୍ବାଚନର ୨୭ଟି ଆସନର ଫଳାଫଳ ଘୋଷଣା ହୋଇଛି। ଏଥିରେ NDA ୧୬ଟି ଆସନରେ ବିଜୟୀ ହୋଇଥିବା ବେଳେ କେବଳ ବିଜେପି ୧୩ଟି ଆସନ ହାତେଇଛି। ଅନ୍ୟପଟେ କଂଗ୍ରେସ ମାତ୍ର ଗୋଟିଏ ଆସନରେ ସୀମିତ ରହିଛି। ବିଶେଷ କଥା ହେଉଛି, କର୍ଣ୍ଣାଟକରେ କ୍ଷମତାରେ ଥାଇ ମଧ୍ୟ କଂଗ୍ରେସ ଚାରୋଟି ଯାକ ଆସନରେ ପରାଜୟର ସାମ୍ନା କରିଛି। ତେବେ ଏହି ନିର୍ବାଚନରେ କଂଗ୍ରେସର ଏଭଳି ଶୋଚନୀୟ ପ୍ରଦର୍ଶନ ପଛରେ କ’ଣ ରହିଛି କାରଣ?

ବିଜେପି-NDAର ଦବଦବା, କଂଗ୍ରେସ ନିରାଶ

ଚାରିଟି ରାଜ୍ୟର ୨୮ଟି ବିଧାନ ପରିଷଦ ଆସନ ପାଇଁ ମତଦାନ ହୋଇଥିବା ବେଳେ ୨୭ଟି ଆସନର ଫଳାଫଳ ପ୍ରକାଶ ପାଇଛି। ବାରାଣସୀ ସ୍ନାତକ ନିର୍ବାଚନମଣ୍ଡଳୀରେ ଦ୍ୱିତୀୟ ପସନ୍ଦର ଭୋଟ ଗଣତି ଜାରି ରହିଥିବାରୁ ଗୋଟିଏ ଆସନର ଫଳାଫଳ ବାକି ରହିଛି।

ଘୋଷିତ ଫଳାଫଳ ଅନୁସାରେ, NDA ୧୬ଟି ଆସନ ଜିତିଥିବା ବେଳେ ବିଜେପି ଏକାକୀ ୧୩ଟି ଆସନରେ ବିଜୟୀ ହୋଇଛି। ଉତ୍ତରପ୍ରଦେଶରେ ସମାଜବାଦୀ ପାର୍ଟି ୪ଟି ଆସନ ଜିତିଛି ଏବଂ ଆଉ ଗୋଟିଏ ଆସନରେ ଆଗୁଆ ଥିବା ରିପୋର୍ଟ ହୋଇଛି। ମହାରାଷ୍ଟ୍ରରେ ଶରଦ ପାୱାରଙ୍କ ଏନସିପି ଦୁଇଟି ଆସନ ଜିତିଛି। ବିହାରରେ ପ୍ରଶାନ୍ତ କିଶୋରଙ୍କ ଜନ ସୁରାଜ ମଧ୍ୟ ଖାତା ଖୋଲିଛି।

ବିହାରର ୮ଟି ଆସନ ମଧ୍ୟରୁ ବିଜେପି ୩ଟିରେ ବିଜୟୀ ହୋଇଥିବା ବେଳେ ଜେଡିୟୁ, ଆରଜେଡି ଓ ଜନ ସୁରାଜ ଗୋଟିଏ ଲେଖାଏଁ ଆସନ ଜିତିଛନ୍ତି। ଦୁଇଟି ଆସନରେ ସ୍ୱାଧୀନ ପ୍ରାର୍ଥୀ ବିଜୟୀ ହୋଇଛନ୍ତି। ଏଠାରେ କଂଗ୍ରେସ ଖାତା ଖୋଲିପାରିନାହିଁ।

କଂଗ୍ରେସର ପରାଜୟ ପଛରେ ୫ଟି ବଡ଼ କାରଣ

୧. ବିହାରରେ ମହାମେଣ୍ଟରେ ଫାଟ

ବିହାରରେ କଂଗ୍ରେସ, ଆରଜେଡି ଓ ବାମପନ୍ଥୀ ଦଳଗୁଡ଼ିକ ମଧ୍ୟରେ ନିର୍ବାଚନୀ ସମନ୍ୱୟର ଅଭାବ ଦେଖିବାକୁ ମିଳିଥିଲା। ଅନେକ ନିର୍ବାଚନମଣ୍ଡଳୀରେ ସହଯୋଗୀ ଦଳଗୁଡ଼ିକ ଅଲଗା ଅଲଗା ପ୍ରାର୍ଥୀ ଦେଇଥିବାରୁ ବିରୋଧୀ ଭୋଟ ବିଭାଜିତ ହୋଇଥିଲା। ଦରଭଙ୍ଗା ଶିକ୍ଷକ ଆସନରେ କଂଗ୍ରେସର ବରିଷ୍ଠ ନେତା ମଦନ ମୋହନ ଝାଙ୍କୁ ପରାଜୟର ସାମ୍ନା କରିବାକୁ ପଡ଼ିଥିଲା। ରିପୋର୍ଟ ଅନୁସାରେ, ଏହି ଆସନରେ ଜନ ସୁରାଜ ପ୍ରାର୍ଥୀ ବିଜୟୀ ହୋଇଥିଲେ। ମେଣ୍ଟ ଭିତରେ ତାଳମେଳର ଅଭାବ କଂଗ୍ରେସ ପାଇଁ ମହଙ୍ଗା ପଡ଼ିଥିବା କୁହାଯାଉଛି।

୨. ତୃଣମୂଳ ସ୍ତରରେ ସଂଗଠନ ଦୁର୍ବଳ

କଂଗ୍ରେସର ଆଉ ଏକ ବଡ଼ ସମସ୍ୟା ହେଉଛି ତୃଣମୂଳ ସ୍ତରରେ ସଂଗଠନର ଦୁର୍ବଳତା। କର୍ଣ୍ଣାଟକରେ କଂଗ୍ରେସ ସରକାର ଥିବା ସତ୍ତ୍ୱେ ଦଳ ଚାରୋଟି ଯାକ MLC ଆସନ ହାରିଛି। ଏଠାରେ ବିଜେପି ତିନୋଟି ଏବଂ ତାର ସହଯୋଗୀ ଜେଡିଏସ୍ ଗୋଟିଏ ଆସନ ଜିତିଛି। ଜେଡିଏସ୍ ପ୍ରାର୍ଥୀ ଏପି ରଙ୍ଗନାଥ କଂଗ୍ରେସର ପାଞ୍ଚ ଥରର MLC ପୁଟ୍ଟନ୍ନାଙ୍କୁ ପରାସ୍ତ କରିଛନ୍ତି। ଏହି ଫଳାଫଳ କଂଗ୍ରେସର ସାଂଗଠନିକ ଶକ୍ତି ଉପରେ ପ୍ରଶ୍ନ ଉଠାଇଛି।

୩. ପ୍ରାର୍ଥୀ ଚୟନରେ ତ୍ରୁଟି

ନିର୍ବାଚନରେ ବିଜୟ ପାଇଁ ଉପଯୁକ୍ତ ପ୍ରାର୍ଥୀ ଚୟନ ଗୁରୁତ୍ୱପୂର୍ଣ୍ଣ। ରାଜନୈତିକ ଆକଳନ ଅନୁସାରେ, କିଛି ଆସନରେ କଂଗ୍ରେସ ଜିତିବାର ସମ୍ଭାବନା ଥିବା ପ୍ରାର୍ଥୀଙ୍କୁ ଚୟନ କରିବାରେ ଭୁଲ୍ କରିଛି। ଅନ୍ୟପଟେ ବିଜେପି, ସମାଜବାଦୀ ପାର୍ଟି ଓ ଅନ୍ୟ ଦଳଗୁଡ଼ିକ ସ୍ଥାନୀୟ ସମୀକରଣକୁ ଗୁରୁତ୍ୱ ଦେଇ ପ୍ରାର୍ଥୀ ଚୟନ କରିଥିବା କୁହାଯାଉଛି। ଫଳରେ କଂଗ୍ରେସକୁ ଏହାର କ୍ଷତି ସହିବାକୁ ପଡ଼ିଛି।

୪. ରାହୁଲ ଗାନ୍ଧୀଙ୍କ ପ୍ରସଙ୍ଗକୁ ଭୋଟରଙ୍କ ପାଖରେ ପହଞ୍ଚାଇବାରେ ବିଫଳ

କଂଗ୍ରେସ ନେତା ରାହୁଲ ଗାନ୍ଧୀ ବେକାରୀ, ପେପର ଲିକ୍, ସରକାରୀ ଚାକିରିରେ ଅନିୟମିତତା ଓ ଭୋଟ ଚୋରି ଭଳି ପ୍ରସଙ୍ଗ ଉଠାଇ ଆସୁଛନ୍ତି। ହେଲେ ଏହି ପ୍ରସଙ୍ଗଗୁଡ଼ିକୁ ନିର୍ବାଚନୀ ସମର୍ଥନରେ ପରିଣତ କରିବାରେ ଦଳ ସଫଳ ହୋଇନାହିଁ। ରାଜନୈତିକ ବାର୍ତ୍ତା ଓ ତୃଣମୂଳ ସ୍ତରରେ ଦଳର କାର୍ଯ୍ୟ ମଧ୍ୟରେ ସମନ୍ୱୟର ଅଭାବ ଏହାର ଏକ କାରଣ ହୋଇଥାଇପାରେ।

୫. ନେତାଙ୍କ ବିବାଦୀୟ ବୟାନ

ନିର୍ବାଚନ ସମୟରେ ନେତାମାନଙ୍କ ବିବାଦୀୟ ବୟାନ ରାଜନୈତିକ ମାହୋଲକୁ ପ୍ରଭାବିତ କରିଥାଏ। କଂଗ୍ରେସର କିଛି ନେତାଙ୍କ ବୟାନକୁ ନେଇ ବିଜେପି ଆକ୍ରମଣାତ୍ମକ ରଣନୀତି ଆପଣାଇଥିଲା। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡ଼ଗେଙ୍କ ବୟାନକୁ ନେଇ ମଧ୍ୟ ବିବାଦ ଦେଖାଦେଇଥିଲା। ତେବେ ଏହି ବୟାନଗୁଡ଼ିକର ନିର୍ବାଚନ ଫଳାଫଳ ଉପରେ କେତେ ପ୍ରଭାବ ପଡ଼ିଛି, ତାହା ସ୍ପଷ୍ଟ ଭାବେ କହିବା କଷ୍ଟକର।

ଆଗକୁ କ’ଣ ହେବ କଂଗ୍ରେସର ରଣନୀତି?

MLC ନିର୍ବାଚନର ଫଳାଫଳ କଂଗ୍ରେସ ପାଇଁ ଆତ୍ମସମୀକ୍ଷାର ସମୟ ଆଣିଛି। ବିହାରରେ ମେଣ୍ଟ ସମନ୍ୱୟ, କର୍ଣ୍ଣାଟକରେ ସାଂଗଠନିକ ଶକ୍ତି ଏବଂ ପ୍ରାର୍ଥୀ ଚୟନ ଭଳି ପ୍ରସଙ୍ଗରେ ଦଳକୁ ନୂଆ ରଣନୀତି ପ୍ରସ୍ତୁତ କରିବାକୁ ପଡ଼ିପାରେ। ଅନ୍ୟପଟେ NDAର ଏହି ପ୍ରଦର୍ଶନ ତାକୁ ରାଜନୈତିକ ଫାଇଦା ଦେଇଛି। ଏବେ ପ୍ରଶ୍ନ ହେଉଛି, ଏହି ପରାଜୟରୁ ଶିକ୍ଷା ନେଇ କଂଗ୍ରେସ ଆଗାମୀ ନିର୍ବାଚନ ପାଇଁ ନିଜକୁ କିପରି ପ୍ରସ୍ତୁତ କରିବ?

</description>

</item>

<item>

<title>

ପ୍ରଧାନ ବିଚାରପତିଙ୍କୁ ନିସର୍ତ୍ତ କ୍ଷମା ମାଗିଲେ ସାଂସଦ ସଞ୍ଜୟ ରାଉତ

</title>

<link>

https://khabarodisha.com/Politics/mp-sanjay-rout-apologises-to-cji-surya-kanta-156559

</link>

<guid>

https://khabarodisha.com/Politics/mp-sanjay-rout-apologises-to-cji-surya-kanta-156559

</guid>

Thu, 29 Oct 2026 06:11:00 GMT

</pubDate>

ନୂଆଦିଲ୍ଲୀ: ଦେଶର ସର୍ବୋଚ୍ଚ ଅଦାଲତର ପ୍ରଧାନ ବିଚାରପତିଙ୍କୁ ଅସମ୍ମାନୀତ କରିଥିବା ଶିବସେନା ୟୁବିଟି ସାଂସଦ ସଞ୍ଜୟ ରାଉତ ଶେଷରେ କ୍ଷମା ପ୍ରାର୍ଥନା କରିଛନ୍ତି । ସୁପ୍ରିମକୋର୍ଟରୁ ଅବମାନନା ନୋଟିସ୍ ପାଇବା ପରେ ସଞ୍ଜୟ କ୍ଷମା ମାଗିଛନ୍ତି । ସେ ବିନା ସର୍ତ୍ତରେ ନିଜ ଇଚ୍ଛାରେ କ୍ଷମା ମାଗିଥିବା କହିଛନ୍ତି ।

ସଞ୍ଜୟ ରାଉତ ଅଦାଲତଙ୍କ ଗୌରବ ଏବଂ ଅଧିକାରର ସମ୍ମାନକୁ ସମ୍ମାନ ଜଣାଇ କହିଛନ୍ତି ଯେ ସେ ସୁପ୍ରିମକୋର୍ଟଙ୍କ ସ୍ୱାଧୀନତା ଏବଂ ପ୍ରତିଷ୍ଠା ବଜାୟ ରଖିବା ଆଭିମୁଖ୍ୟର ମହତ୍ତ୍ୱକୁ ହୃଦୟଙ୍ଗମ କରିଛନ୍ତି । ଅଦାଲତଙ୍କ ଗୌରବ, ସ୍ୱତନ୍ତ୍ରତା ଏବଂ ଅଧିକାର କ୍ଷୁର୍ଣ୍ଣ କରିବାରେ ତାଙ୍କର କୌଣସି ଆଭିମୁଖ୍ୟ ନଥିବା ସେ କହିଛନ୍ତି ।

ତେବେ ସଞ୍ଜୟ ରାଉତଙ୍କ କ୍ଷମା ପ୍ରାର୍ଥନା ପରେ ମଧ୍ୟ ସୁପ୍ରିମକୋର୍ଟରେ ଏହି ମାମଲାର ଅନ୍ତ ହୋଇ ନାହିଁ । ବୁଧବାର ହୋଇଥିବା ଶୁଣାଣିରେ ସଞ୍ଜୟଙ୍କ ତରଫରୁ କୌଣସି ଓକିଲ ଉପସ୍ଥିତ ନ ଥିଲେ । ସେଥିପାଇଁ ସଞ୍ଜୟଙ୍କୁ ସୁପ୍ରିମକୋର୍ଟ ଜବାବ ତଲବ କରିଛନ୍ତି । ଆସନ୍ତା ମାସ ୧୭ ତାରିଖରେ ବ୍ୟକ୍ତିଗତ ଭାବେ ହାଜର ହେବାକୁ ଅଦାଲତ ନିର୍ଦ୍ଦେଶ ଦେଇଛନ୍ତି । ଅଦାଲତ ତାଙ୍କ କ୍ଷମା ପ୍ରାର୍ଥନା ଉପରେ ବିଚାର କରିବେ ।

ସମ୍ପୂର୍ଣ୍ଣ ମାମଲା

ସଞ୍ଜୟ ରାଉତ ଆଲବେନିୟାରେ ହୋଇଥିବା ଏକ ହିଂସାର ଭିଡ଼ିଓ ସେୟାର କରି ଲେଖିଥିଲେ ଯେ ସେଠାକାର ଜନତା ଦୁର୍ନୀତିଗ୍ରସ୍ତ ପ୍ରଧାନମନ୍ତ୍ରୀଙ୍କୁ ସାହାଯ୍ୟ କରିବା ଅଭିଯୋଗରେ ସୁପ୍ରିମକୋର୍ଟରେ ନିଆଁ ଲଗାଇବା ସହିତ ସରକାରୀ କୋଠା ଗୁଡ଼ିକ ଉପରେ ଆକ୍ରମଣ କରିଛନ୍ତି । ତେଣୁ ଭାରତ ସହିତ ଅନ୍ୟାନ୍ୟ ଦେଶ ଏଠାରୁ ଶିକ୍ଷା ପାଇବା ଉଚିତ । ପ୍ରଧାନ ବିଚାରପତି ସୂର୍ଯ୍ୟକାନ୍ତଙ୍କ ବିରୋଧରେ କରିଥିବା ଟିପ୍ପଣୀ କରିବା ଅଭିଯୋଗରେ ସୁପ୍ରିମକୋର୍ଟ ତାଙ୍କୁ ଅଦାଲତ ଅବମାନନା ନୋଟିସ୍ ଜାରି କରିଥିଲେ ।

</description>

</item>

<item>

<title>

ଜ୍ଞାନୁଙ୍କୁ ଯିବାକୁ ପଡ଼ିବ': ନଭେମ୍ବର ୧ରେ ଦିଲ୍ଲୀରେ ହେବାକୁଥିବା 'ଇଣ୍ଡିଆ' ମେଣ୍ଟର ରାଲିକୁ ସମର୍ଥନ କଲା କକ୍ରୋଚ୍ ଜନତା ପାର୍ଟି

</title>

<link>

https://khabarodisha.com/Politics/cjp-abhijeet-dipke-extends-support-to-india-bloc-november-1-rally-delhi-156551

</link>

<guid>

https://khabarodisha.com/Politics/cjp-abhijeet-dipke-extends-support-to-india-bloc-november-1-rally-delhi-156551

</guid>

Wed, 28 Oct 2026 18:22:00 GMT

</pubDate>

ନୂଆଦିଲ୍ଲୀ: ମୁଖ୍ୟ ନିର୍ବାଚନ ଆୟୋଗ (CEC) ଜ୍ଞାନେଶ କୁମାରଙ୍କୁ ପଦରୁ ହଟାଇବା ଏବଂ ଭୋଟର ତାଲିକା ପ୍ରକ୍ରିୟାକୁ ବିରୋଧ କରି କଂଗ୍ରେସ ପାର୍ଟି ନେତୃତ୍ୱରେ ଆଗାମୀ ନଭେମ୍ବର ୧ ତାରିଖରେ ଦିଲ୍ଲୀର ରାମଲୀଳା ମଇଦାନରେ 'ଇଣ୍ଡିଆ' ମେଣ୍ଟ ପକ୍ଷରୁ ଏକ ବିଶାଳ ମହାରାଲିର ଆୟୋଜନ କରାଯାଉଛି। ଏହି ପରିପ୍ରେକ୍ଷୀରେ, ଅଭିଜିତ୍ ଦୀପକେଙ୍କ ନେତୃତ୍ୱାଧୀନ 'କକ୍ରୋଚ୍ ଜନତା ପାର୍ଟି' (CJP) ଏହି ବିରୋଧ ପ୍ରଦର୍ଶନକୁ ନିଜର ପୂର୍ଣ୍ଣ ସମର୍ଥନ ଜଣାଇଛି।

କକ୍ରୋଚ୍ ଜନତା ପାର୍ଟିର ମୁଖ୍ୟ ଅଭିଜିତ୍ ଦୀପକେ ସୋସିଆଲ ମିଡିଆରେ ଏକ ପୋଷ୍ଟ ସେୟାର କରି ଏହି ସମର୍ଥନ ସମ୍ପର୍କରେ ଘୋଷଣା କରିଛନ୍ତି। ସେ ନିଜ ପୋଷ୍ଟରେ ଲେଖିଛନ୍ତି, “ଜ୍ଞାନୁଙ୍କୁ ଯିବାକୁ ପଡ଼ିବ! କକ୍ରୋଚ୍ ଜନତା ପାର୍ଟି 'ଇଣ୍ଡିଆ' ମେଣ୍ଟର ନଭେମ୍ବର ୧ ରାଲିକୁ ସମର୍ଥନ କରୁଛି। ଦେଶ ସବୁବେଳେ ସର୍ବୋପରି!” ତାଙ୍କର ଏହି ପୋଷ୍ଟକୁ ପାର୍ଟିର ସହ-ସଂଯୋଜକ ସୌରଭ ଦାସ ଏବଂ ଆଶୁତୋଷ ରାଙ୍କା ମଧ୍ୟ ସେୟାର କରିଛନ୍ତି। ସୌରଭ ଦାସ କହିଛନ୍ତି ଯେ, ଏକ ଅଧିକ ଗଣତାନ୍ତ୍ରିକ ଏବଂ ଉତ୍ତରଦାୟୀ ଭାରତ ଗଠନ ପାଇଁ ସେମାନେ ଏହି ବିରୋଧ ରାଲିକୁ ସମର୍ଥନ କରୁଛନ୍ତି।

ମୁଖ୍ୟ ନିର୍ବାଚନ ଆୟୋଗଙ୍କ ଉପରେ କଡ଼ା ଆକ୍ରମଣ

ସମର୍ଥନ ପତ୍ର ଜରିଆରେ CJP ପକ୍ଷରୁ କୁହାଯାଇଛି ଯେ, ଗଣମାଧ୍ୟମ ଓ ନିର୍ବାଚନ ପ୍ରକ୍ରିୟାରେ ସ୍ୱଚ୍ଛତା ରକ୍ଷା କରିବା ପାଇଁ ମୁଖ୍ୟ ନିର୍ବାଚନ ଆୟୋଗ ଜ୍ଞାନେଶ କୁମାରଙ୍କ ଇସ୍ତଫା ଅତ୍ୟନ୍ତ ଜରୁରୀ। ପତ୍ରରେ ଉଲ୍ଲେଖ କରାଯାଇଛି ଯେ, "ଜନସାଧାରଣ ନିଜ ସରକାର ନିଜେ ଚୟନ କରିବେ, ନା କି ସରକାର ନିଜର ଭୋଟର ଚୟନ କରିବେ। ଭୋଟର ତାଲିକା ସଂଶୋଧନ ପ୍ରକ୍ରିୟା ଜରିଆରେ ଏହି ମୌଳିକ ସିଦ୍ଧାନ୍ତକୁ ଦୁର୍ବଳ କରାଯାଉଛି।"

ପାର୍ଟି ପକ୍ଷରୁ ଆହୁରି ମଧ୍ୟ କୁହାଯାଇଛି ଯେ ଡାକ୍ତର ବି.ଆର୍. ଆମ୍ବେଦକର ଏବଂ ସମ୍ବିଧାନ ନିର୍ମାତାମାନେ ଦେଶର ପ୍ରତ୍ୟେକ ବୟସ୍କ ନାଗରିକଙ୍କୁ ଭୋଟ୍ ଦେବାର ସମାନ ଅଧିକାର ଦେଇଥିଲେ। କିନ୍ତୁ ବର୍ତ୍ତମାନର ପରିସ୍ଥିତିରେ ଯୋଗ୍ୟ ଭୋଟରମାନଙ୍କୁ ସେମାନଙ୍କ ଅଧିକାରରୁ ବଞ୍ଚିତ କରାଯାଉଥିବା ନେଇ ଗମ୍ଭୀର ଚିନ୍ତା ପ୍ରକାଶ ପାଇଛି। ନିର୍ବାଚନ ଆୟୋଗର ସ୍ୱାଧୀନତା ଏବଂ ନିରପେକ୍ଷତା ଫେରାଇ ଆଣିବା ପାଇଁ ଏହି ସଂଘର୍ଷରେ ସମସ୍ତେ ଏକାଠି ହେବାକୁ ପାର୍ଟି ଆହ୍ୱାନ ଦେଇଛି।

</description>

</item>

</rss>

</channel>