RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

ବିଜେଡ଼ି ନେତା ଶ୍ରୀନାଥ ସୋରେନଙ୍କ ଦାଦାଗିରି, ଯୁବକଙ୍କୁ ନିର୍ଘାତ ପିଟିଲେ ପୂର୍ବତନ ବିଧାୟକ

</title>

<link>

https://khabarodisha.com/Politics/ex-bjd-mla-srinath-soren-attacks-a-man-on-road-156744

</link>

<guid>

https://khabarodisha.com/Politics/ex-bjd-mla-srinath-soren-attacks-a-man-on-road-156744

</guid>

Tue, 03 Nov 2026 03:42:00 GMT

</pubDate>

ଉଦଳା: ପୁଣି ଥରେ ବିଜୁ ଜନତା ଦଳର ନେତାଙ୍କ ଦାଦାଗିରି ସାମ୍ନାକୁ ଆସିଛି । ପୂର୍ବତନ ବିଜେଡ଼ି ଉଦଳା ବିଧାୟକ ଶ୍ରୀନାଥ ସୋରେନଙ୍କ ନାଁରେ ସାଙ୍ଘାତିକ ଅଭିଯୋଗ । ମଝି ରାସ୍ତାରେ ସ୍ପଷ୍ଟ ଦିବାଲୋକରେ ବିଜେଡ଼ି ନେତା ଜଣେ ଯୁବକଙ୍କୁ ନିର୍ଘାତ ମାଡ଼ ମାରିଛନ୍ତି । ପୂର୍ବତନ ବିଜେଡି ବିଧାୟକ ଶ୍ରୀନାଥ ସୋରେନ ଏବଂ ଅନ୍ୟ କର୍ମୀ। ଶ୍ରୀନାଥ ସୋରେନ ଙ୍କ ସହିତ ଉଦଳା ବ୍ଲକ ସଭାପତି ଗୋବିନ୍ଦ ବେହେରା, ଜିଲ୍ଲା ଉପ ସଭାପତି ଶଶଧର ସ୍ୱାଇଁ ଙ୍କ ସମେତ ଅନ୍ୟ ବିଜେଡି କର୍ମୀ ସଂଘବଦ୍ଧ ଆକ୍ରମଣ କରିଥିବା ଅଭିଯୋଗ ହୋଇଛି ।

ଉଦଳା ଥାନା ବୃନ୍ଦାଗଡି ଛକରେ ନିକଟରେ ଗାଡ଼ି ଚଳାଇବାକୁ ନେଇ ଗଣ୍ଡଗୋଳ ହୋଇଛି । ଭରଡ଼ାଡ଼ିହି ଅଞ୍ଚଳର ଦେବାଶିଷ ହାଁସଦା ବାଇକରେ ଆସୁଥିବାବେଳେ ଶ୍ରୀନାଥ ସୋରେନ ଏବଂ ତାଙ୍କ କର୍ମୀମାନେ କାରରେ ହାଟସାହିରୁ ଉଦଳା ଅଭିମୁଖେ ଆସୁଥିଲେ । ରାସ୍ତା ଛାଡ଼ିବାକୁ ନେଇ ବାକ ବିତଣ୍ଡା ହୋଇଥିଲା । ଏହି ସମୟରେ ଦେବାଶିଷଙ୍କୁ ଅତର୍କିତ ଭାବେ ପୂର୍ବତନ ବିଧାୟକ ଏବଂ ଅନ୍ୟ ମାନେ ବାଡ଼ିରେ ନିର୍ଘାତଭାବେ ମାଡ଼ ମାରିଥିଲେ। ଗୋଡେଇ ଗୋଡେଇ ଯୁବକଙ୍କୁ ମାଡ଼ ମାରିଛନ୍ତି, ଏପରିକି ଯୁବକଙ୍କ ମୁଣ୍ଡ ଫଟାଇ ଲହୁଲୁହାଣ କରିଛନ୍ତି।

ମାଡ଼ ମରା ସମୟର ଭିଡ଼ିଓ ସାମ୍ନାକୁ ଆସିଛି। ଯେଉଁଥିରେ ପୂର୍ବତନ ବିଧାୟକ ନିଜେ ମାଡ଼ ମାରୁଥିବା ଦେଖିବାକୁ ମିଳିଛି ।

ସେପଟେ ପୂର୍ବତନ ବିଧାୟକ ମାଡ଼ ମାରି ନ ଥିବା କହି ସଫେଇ ଦେଇଛନ୍ତି । ସେ କହିଛନ୍ତି ରାସ୍ତା ନ ଛାଡ଼ିବାକୁ ଯୁକ୍ତି ତର୍କ ହୋଇଥିଲା । ସେ ନିଜର ପରିଚୟ ଦେଇଥିଲେ କିନ୍ତୁ ଦେବାଶିଷ ଏବଂ ତାଙ୍କ ସହିତ ଯୁବକ ଅଶ୍ଳୀଳ ଭାଷାରେ ଗାଳି ଗୁଲଜ କରିଥିଲେ । ଉକ୍ତ ଯୁବକ ତାଙ୍କ ମୁଣ୍ଡ ଧରିବାକୁ ସେ ନିଜର ଆତ୍ମସମ୍ମାନ ପାଇଁ ମାରିଥିବା କହିଛନ୍ତି । ଛକରେ ଥିବା ସ୍ଥାନୀୟ ଲୋକେ ଉକ୍ତ ଯୁବକଙ୍କୁ ପିଟିଥିବା ସେ କହିଛନ୍ତି ।

ଏ ନେଇ ଉଦଳା ଥାନାରେ ଅଭିଯୋଗ ହୋଇଛି । ଯୁବକଙ୍କ ମୁଣ୍ଡରେ ପ୍ରବଳ ଆଘାତ ଲାଗିଥିବାବେଳେ ପ୍ରବଳ ରକ୍ତସ୍ରାବ ହୋଇଥିଲା । ପୋଲିସ ତାଙ୍କୁ ଡାକ୍ତରଖାନାକୁ ନେଇ ଚିକିତ୍ସା କରାଇଛନ୍ତି ।

</description>

</item>

<item>

<title>

ଅମିତ ଶାହଙ୍କ ରାହୁଲଙ୍କୁ ଖୋଲା ଚ୍ୟାଲେଞ୍ଜ: 'ମକ୍ ପାର୍ଲାମେଣ୍ଟରେ ହିଁ ପ୍ରଧାନମନ୍ତ୍ରୀ ହୋଇପାରିବେ, ସ୍ଵତନ୍ତ୍ର ଅଧିବେଶନ ପାଇଁ ପ୍ରସ୍ତୁତ'

</title>

<link>

https://khabarodisha.com/Politics/amit-shah-challenges-rahul-gandhi-mock-parliament-sir-voter-list-156726

</link>

<guid>

https://khabarodisha.com/Politics/amit-shah-challenges-rahul-gandhi-mock-parliament-sir-voter-list-156726

</guid>

Mon, 02 Nov 2026 15:28:00 GMT

</pubDate>

ହାଇଦ୍ରାବାଦ: ତେଲେଙ୍ଗାନାର ହାଇଦ୍ରାବାଦଠାରେ ବିଜେପି ଦ୍ୱାରା ଆୟୋଜିତ 'ଲୋକତନ୍ତ୍ର ବଞ୍ଚାଓ, ଅରାଜକତା ହଟାଓ' ପଦଯାତ୍ରା ଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ବିରୋଧୀ ଦଳ ଉପରେ କଡ଼ା ଆକ୍ରମଣ କରିଛନ୍ତି। ବିଶେଷ କରି କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ସମାଲୋଚନା କରିବା ସହ ଏସଆଇଆର (SIR) କାର୍ଯ୍ୟକ୍ରମ ଏବଂ ଅନୁପ୍ରବେଶକାରୀଙ୍କ ପ୍ରସଙ୍ଗକୁ ନେଇ ସେ ସୁରକ୍ଷା ଓ ରାଜନୈତିକ ସ୍ଥିତି ଉପରେ ନିଜର ପକ୍ଷ ରଖିଛନ୍ତି।

କଂଗ୍ରେସର ମକ୍ ପାର୍ଲାମେଣ୍ଟ (ନକଲି ସଂସଦ)କୁ ନେଇ କଟାକ୍ଷ କରି ଶାହ କହିଛନ୍ତି ଯେ, ରାହୁଲ ଗାନ୍ଧୀ କେବଳ ନକଲି ସଂସଦରେ ହିଁ ପ୍ରଧାନମନ୍ତ୍ରୀ ହୋଇପାରିବେ, କାରଣ ଅସଲି ସଂସଦରେ ସେ କେବେ ବି ପ୍ରଧାନମନ୍ତ୍ରୀ ହୋଇପାରିବେ ନାହିଁ। ଏହାଦ୍ୱାରା ଅନ୍ତତଃ ସୋନିଆ ଗାନ୍ଧୀଙ୍କ ମନକୁ ଶାନ୍ତି ମିଳିବ ବୋଲି ସେ ତାଚ୍ଛଲ୍ୟ କରିଛନ୍ତି। ନିର୍ବାଚନ ଜିତିବା ପାଇଁ ଲୋକଙ୍କ ସମସ୍ୟା ବୁଝିବା ଆବଶ୍ୟକ, ପ୍ରତି ତିନି-ଚାରି ମାସରେ ବିଦେଶ ଗସ୍ତ କରିବା କିମ୍ବା ହାତରେ ସମ୍ବିଧାନ ଧରି ସଂସଦ ଚାଲିବାକୁ ନଦେବା ଠିକ୍‌ ନୁହେଁ।

ଗୃହମନ୍ତ୍ରୀ ବିରୋଧୀଙ୍କୁ ଖୋଲା ଚ୍ୟାଲେଞ୍ଜ ଦେଇ କହିଛନ୍ତି ଯେ, ସରକାର ସଂସଦର ସ୍ୱତନ୍ତ୍ର ଅଧିବେଶନ ଡାକିବାକୁ ସମ୍ପୂର୍ଣ୍ଣ ପ୍ରସ୍ତୁତ ଅଛନ୍ତି, ବିରୋଧୀ ଆସି ଯେକୌଣସି ମୁଦ୍ଦା ଉପରେ ଆଲୋଚନା କରନ୍ତୁ। କିନ୍ତୁ ବିରୋଧୀ ଆଲୋଚନା କରିବେ ନାହିଁ, କାରଣ ସେମାନେ ଜାଣିଛନ୍ତି ଯେ ସଂସଦରେ ଚର୍ଚ୍ଚା ହେଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସେମାନଙ୍କ ଅଭିଯୋଗକୁ ଖଣ୍ଡନ କରିଦେବେ। କେବଳ ଅରାଜକତା ସୃଷ୍ଟି କରି ଖବରରେ ରହିବା ସେମାନଙ୍କର ଲକ୍ଷ୍ୟ।

ଦିଲ୍ଲୀରେ କଂଗ୍ରେସର ରାଲିକୁ 'ଅନୁପ୍ରବେଶକାରୀଙ୍କୁ ବଞ୍ଚାଓ ରାଲି' ଭାବେ ଅଭିହିତ କରି ଶାହ କହିଛନ୍ତି ଯେ, କଂଗ୍ରେସ ଏସଆଇଆର କାର୍ଯ୍ୟକ୍ରମକୁ ରୋକି ଭୋଟର ତାଲିକାରୁ ବାଂଲାଦେଶୀ ଅନୁପ୍ରବେଶକାରୀଙ୍କୁ ସୁରକ୍ଷା ଦେବାକୁ ଚେଷ୍ଟା କରୁଛି। କିନ୍ତୁ ବିଜେପି ପ୍ରତ୍ୟେକ ଅନୁପ୍ରବେଶକାରୀଙ୍କୁ ଭୋଟର ତାଲିକା ଏବଂ ଦେଶରୁ ବାହାର ନକରିବା ପର୍ଯ୍ୟନ୍ତ ଶାନ୍ତ ହୋଇ ବସିବ ନାହିଁ।

ଭୋଟର ତାଲିକାରୁ ୧୩ କୋଟି ନାମ କଟାଯିବା ନେଇ ରାହୁଲ ଗାନ୍ଧୀଙ୍କ ଅଭିଯୋଗକୁ ସେ ସମ୍ପୂର୍ଣ୍ଣ ମିଥ୍ୟା ବୋଲି କହିଛନ୍ତି। ଏହି ନାମଗୁଡ଼ିକ ମଧ୍ୟରୁ ସବା ୬ କୋଟି ଅନ୍ୟତ୍ର ସ୍ଥାନାନ୍ତରିତ ହୋଇଥିବା ଲୋକ, ୨.୮ କୋଟି ମୃତ ବ୍ୟକ୍ତି, ୧ କୋଟି ଡୁପ୍ଲିକେଟ୍ ନାମ ଏବଂ ଅବଶିଷ୍ଟ ୩ କୋଟି କୌଣସି ପ୍ରକୃତ ନାଗରିକ ନୁହଁନ୍ତି ବରଂ ବାଂଲାଦେଶୀ ଅନୁପ୍ରବେଶକାରୀ ଅଟନ୍ତି ବୋଲି ଗୃହମନ୍ତ୍ରୀ ସ୍ପଷ୍ଟ କରିଛନ୍ତି।

</description>

</item>

<item>

<title>

ପଞ୍ଜାବରେ ଆପ୍ ଦଳକୁ ଝଟକା, ୨ ଦିନରେ ୩ ବିଧାୟକଙ୍କ ଇସ୍ତଫା

</title>

<link>

https://khabarodisha.com/Politics/punjab-3-mlas-resigned-from-aap-party-in-2-days-156705

</link>

<guid>

https://khabarodisha.com/Politics/punjab-3-mlas-resigned-from-aap-party-in-2-days-156705

</guid>

Mon, 02 Nov 2026 06:05:00 GMT

</pubDate>

ନୂଆଦିଲ୍ଲୀ: ପଞ୍ଜାବ ବିଧାନସଭା ନିର୍ବାଚନ ପୂର୍ବରୁ ପଞ୍ଜାବରେ 'ଆମ୍ ଆଦମୀ ପାର୍ଟି' ଭିତରେ ଦେଖାଦେଇଥିବା ବିଦ୍ରୋହ ବର୍ତ୍ତମାନ ଦଳ ପାଇଁ ଏକ ନୂତନ ଆହ୍ୱାନ ସୃଷ୍ଟି କରିଛି । ଦଳର ପ୍ରାର୍ଥୀ ଚୟନକୁ ନେଇ ଜଣକ ପରେ ଜଣେ ବର୍ତ୍ତମାନର ବିଧାୟକ ଇସ୍ତଫା ଦେବାକୁ ଲାଗିଛନ୍ତି । ଆଜି ପୁଣି ଜଣେ ଅମୃତସର ଉତ୍ତର ନିର୍ବାଚନ ମଣ୍ଡଳୀର ବିଧାୟକ କୁଅଁର ବିଜୟ ପ୍ରତାପ ସିଂହ ମଧ୍ୟ ନିଜ ବିଧାୟକ ପଦରୁ ଇସ୍ତଫା ଦେଇଛନ୍ତି। ଏହାକୁ ମିଶାଇ ଗତ ଦୁଇ ଦିନ ମଧ୍ୟରେ ତିନି ଜଣ ବିଧାୟକ ଇସ୍ତଫା ଦେଇ ସାରିଲେଣି ।

ଗତ ଶନିବାର ଦଳ ପକ୍ଷରୁ ପ୍ରଥମ ପର୍ଯ୍ୟାୟ ୪୦ ଜଣିଆ ପ୍ରାର୍ଥୀ ତାଲିକା ଜାରି କରାଯାଇଥିଲା । ଟିକେଟ୍ ବଣ୍ଟନକୁ ନେଇ ଅସନ୍ତୁଷ୍ଟ ଥିବା ନେତା ଆଉ ଆଲୋଚନାକୁ ଅପେକ୍ଷା ନ କରି ଦଳ ଛାଡ଼ୁଥିବା ଦେଖିବାକୁ ମିଳୁଛି । ବିଜୟ ପ୍ରତାପ ସିଂହଙ୍କ ପୂର୍ବରୁ ଦୁଇ ବିଧାୟକ ଚେତନ ସିଂହ ଜୋରାମାଜରା ଓ ହରମୀତ ସିଂହ ପଠାନମାଜରା ଇସ୍ତଫା ଦେଇ ସାରିଛନ୍ତି । ପଞ୍ଜାବର ରାଜନୈତିକ ପରିସ୍ଥିତିରେ ବେଶ୍ ହଇଚଇ ସୃଷ୍ଟି ହୋଇଛି।

ବିଜୟ ପ୍ରତାପ ସିଂହଙ୍କ ନିଜର ଇସ୍ତଫା ପତ୍ର ସିଧାସଳଖ ପଞ୍ଜାବ ବିଧାନସଭାର ବାଚସ୍ପତିଙ୍କ ନିକଟରେ ଦାଖଲ କରିଛନ୍ତି। ସେ ଏହି ପ୍ରକ୍ରିୟାରେ ଦଳର ନେତୃତ୍ୱଙ୍କୁ ଅନ୍ତର୍ଭୁକ୍ତ କରିନାହାନ୍ତି କିମ୍ବା ଦଳର କୌଣସି ପଦାଧିକାରୀଙ୍କ ମାଧ୍ୟମରେ ନିଜ ଇସ୍ତଫା ପତ୍ର ପଠାଇ ନାହାନ୍ତି । ଏହି ପତ୍ରରେ ସେ ସ୍ପଷ୍ଟ ଭାବରେ ଉଲ୍ଲେଖ କରିଛନ୍ତି ଯେ, ନଭେମ୍ବର ୧ ତାରିଖରୁ ସେ ସଦନର ସଦସ୍ୟ ପଦ ତ୍ୟାଗ କରୁଛନ୍ତି। ଉକ୍ତ ପତ୍ରଟି ଇ-ମେଲ୍, ହ୍ୱାଟସ୍‌ଆପ୍ ଏବଂ ଡାକ ସେବା ମାଧ୍ୟମରେ ବାଚସ୍ପତିଙ୍କ ନିକଟକୁ ପଠାଯାଇଛି ।

ସେ ନିଜ ଇସ୍ତଫା ପାଇଁ କୌଣସି ରାଜନୈତିକ କିମ୍ବା ବ୍ୟକ୍ତିଗତ କାରଣ ଦର୍ଶାଇ ନାହାନ୍ତି। ତେବେ, ସୋମବାର ଦିନ ସେ ସୋସିଆଲ ମିଡିଆ ମାଧ୍ୟମରେ ଅମୃତସରବାସୀଙ୍କ ଉଦ୍ଦେଶ୍ୟରେ ଏକ ବାର୍ତ୍ତା ଦେଇ ନିଜ ନିଷ୍ପତ୍ତି ବିଷୟରେ ଜଣାଇଥିଲେ। ସେ ଜଣାଇଲେ ଯେ ସେ ବିଧାନସଭା ସଦସ୍ୟ ପଦରୁ ଇସ୍ତଫା ଦେଇଛନ୍ତି । ଜନସାଧାରଣଙ୍କଠାରୁ ପାଇଥିବା ଭଲପାଇବା ଓ ସମ୍ମାନ ପାଇଁ ସେ ସର୍ବଦା କୃତଜ୍ଞ ରହିବେ ବୋଲି ପ୍ରକାଶ କରିଛନ୍ତି।

ନିଜ ବାର୍ତ୍ତାରେ କୁଅଁର ବିଜୟ ପ୍ରତାପ ପଞ୍ଜାବରେ ନିଶା କାରବାର, ଚାନ୍ଦା ଆଦାୟ, ଗ୍ୟାଙ୍ଗଷ୍ଟର ସଂସ୍କୃତି ଏବଂ ଦୁର୍ନୀତିକୁ ପ୍ରମୁଖ ଆହ୍ୱାନ ଭାବରେ ଚିହ୍ନଟ କରିଛନ୍ତି। ସେ କହିଛନ୍ତି ଯେ ରାଜ୍ୟକୁ ଏହି ସମସ୍ୟାଗୁଡ଼ିକରୁ ମୁକ୍ତ କରିବା ପାଇଁ ସାମୂହିକ ପ୍ରୟାସର ଆବଶ୍ୟକତା ରହିଛି। ସେ ଦାବି କରିଛନ୍ତି ଯେ ବିଧାୟକ ଭାବରେ ନିଜ କାର୍ଯ୍ୟକାଳ ମଧ୍ୟରେ ସେ ନିଜ ଲକ୍ଷ୍ୟର ୯୦ ପ୍ରତିଶତ ହାସଲ କରିପାରିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ରାଜନୀତିରେ ଚାଲିଆସୁଥିବା 'ମାଇଁ-ବାପ୍' (ଅର୍ଥାତ୍ ପ୍ରଭାବଶାଳୀ ବ୍ୟକ୍ତିଙ୍କ ଆଶ୍ରୟ ବା 'ପାଟ୍ରୋନେଜ୍' ଉପରେ ଆଧାରିତ) ସଂସ୍କୃତିକୁ ଭାଙ୍ଗିବା ତାଙ୍କର ସବୁଠାରୁ ବଡ଼ ସଫଳତା ଥିଲା ଏବଂ ସେ ଜନସାଧାରଣଙ୍କୁ ନିଜର ପ୍ରେରଣାର ମୁଖ୍ୟ ଉତ୍ସ ଭାବରେ ଗ୍ରହଣ କରି କାର୍ଯ୍ୟ କରିଛନ୍ତି।

</description>

</item>

<item>

<title>

ରାଜ୍ୟ ପାଇଁ ସ୍ୱତନ୍ତ୍ର ପତାକା ଦାବି: ଜାତୀୟ ପତାକା ସମକକ୍ଷ ପ୍ରସ୍ତାବକୁ ନେଇ ତାମିଲନାଡ଼ୁରେ ବଢ଼ିଲା ରାଜନୈତିକ ଉତ୍ତେଜନା

</title>

<link>

https://khabarodisha.com/Politics/tamil-nadu-minister-demands-new-state-flag-bjp-reaction-156695

</link>

<guid>

https://khabarodisha.com/Politics/tamil-nadu-minister-demands-new-state-flag-bjp-reaction-156695

</guid>

Sun, 01 Nov 2026 18:29:00 GMT

</pubDate>

ଚେନ୍ନାଇ: ତାମିଲନାଡ଼ୁରେ ଏକ ନୂତନ ଏବଂ ସ୍ୱତନ୍ତ୍ର ରାଜ୍ୟ ପତାକା ଗଠନକୁ ନେଇ ବଡ଼ଧରଣର ରାଜନୈତିକ ବିବାଦ ଦେଖାଦେଇଛି। ରାଜ୍ୟ ସରକାରଙ୍କ ଜଣେ ପ୍ରଭାବଶାଳୀ ମନ୍ତ୍ରୀ ଆଧବ ଅର୍ଜୁନ ତାମିଲନାଡ଼ୁ ପାଇଁ ଏକ ସ୍ୱତନ୍ତ୍ର ପତାକା ରହିବା ଦରକାର ବୋଲି ଦାବି କରିବା ସହ ଏହାକୁ ଜାତୀୟ ପତାକା (ତ୍ରିରଙ୍ଗା) ସମକକ୍ଷ ମାନ୍ୟତା ଦେବାକୁ କହିଛନ୍ତି। ତେବେ ଏହି ପ୍ରସ୍ତାବକୁ ନେଇ ଭାରତୀୟ ଜନତା ପାର୍ଟି (BJP) କଡ଼ା ବିରୋଧ ପ୍ରକାଶ କରିବା ସହ ଏହାକୁ ବିଚ୍ଛିନ୍ନତାବାଦୀ ଚିନ୍ତାଧାରା' ବୋଲି ଅଭିହିତ କରିଛି।

ମନ୍ତ୍ରୀ ଆଧବ ଅର୍ଜୁନ ଏକ କାର୍ଯ୍ୟକ୍ରମରେ ମତ ପ୍ରକାଶ କରି କହିଛନ୍ତି ଯେ ରାଜ୍ୟର ଅସ୍ମିତା ଓ ପରିଚୟ ବଜାୟ ରଖିବା ପାଇଁ ତାମିଲନାଡ଼ୁର ନିଜସ୍ୱ ଏକ ପତାକା ରହିବା ଆବଶ୍ୟକ। ଏହି ପତାକାକୁ ପ୍ରଥମେ ମୁଖ୍ୟମନ୍ତ୍ରୀଙ୍କ ବାସଭବନ ଏବଂ ପରେ ରାଜ୍ୟର ପ୍ରତିଟି ଗୃହରେ ସମ୍ମାନର ସହ ଉତ୍ତୋଳନ କରାଯିବା ଉଚିତ୍ ବୋଲି ସେ ମତ ଦେଇଛନ୍ତି। ବିଶେଷକରି ପ୍ରତିବର୍ଷ ନଭେମ୍ବର ୧ (ରାଜ୍ୟ ପୁନର୍ଗଠନ ଦିବସ) ଏବଂ ଜୁଲାଇ ୧୮ ତାରିଖରେ ଏହି ପତାକା ପ୍ରଦର୍ଶନ କରିବାକୁ ସେ ପ୍ରସ୍ତାବ ଦେଇଛନ୍ତି।

ଅନ୍ୟପକ୍ଷରେ, ଶାସକ ଦଳର ମନ୍ତ୍ରୀଙ୍କ ଏପରି ବୟାନକୁ ବିରୋଧ କରି ବିଜେପି କଡ଼ା ପ୍ରତିକ୍ରିୟା ରଖିଛି। ବିଜେପି ନେତାମାନେ ଅଭିଯୋଗ କରିଛନ୍ତି ଯେ ଏଭଳି ଦାବି ଦେଶର ଅଖଣ୍ଡତା ଏବଂ ଜାତୀୟ ପତାକାର ମର୍ଯ୍ୟାଦା ପ୍ରତି କୁଠାରଘାତ କରୁଛି। ତାମିଲ ପରିଚୟ କିମ୍ବା ସଂସ୍କୃତିକୁ ପ୍ରମାଣିତ କରିବା ପାଇଁ କୌଣସି ଅତିରିକ୍ତ ପତାକାର ଆବଶ୍ୟକତା ନାହିଁ, କାରଣ ଭାରତୀୟ ତ୍ରିରଙ୍ଗା ପତାକା ତଳେ ସମସ୍ତେ ଏକାଠି ଅଛନ୍ତି ବୋଲି ସେମାନେ ଦୃଢ଼ୋକ୍ତି ପ୍ରକାଶ କରିଛନ୍ତି।

Also Read: ଗୋଟିଏ ଦିନରେ ୨ ଲକ୍ଷ ଗାଡ଼ିର RC ବାତିଲ୍: ଆହୁରି ୨୫ ଲକ୍ଷ ଗାଡ଼ି ଉପରେ ଝୁଲୁଛି କାର୍ଯ୍ୟାନୁଷ୍ଠାନର ଖଣ୍ଡା

</description>

</item>

<item>

<title>

ପ୍ରଧାନମନ୍ତ୍ରୀ ହେବାକୁ ଥିଲେ ସାରା ଜୀବନ 'ମକ୍ ପାର୍ଲିାମେଣ୍ଟ'ରେ ରୁହନ୍ତୁ: ରାହୁଲ ଗାନ୍ଧୀଙ୍କୁ କେନ୍ଦ୍ରୀୟ ଗୃହମନ୍ତ୍ରୀ ଅମିତ ଶାହାଙ୍କ କଟାକ୍ଷ

</title>

<link>

https://khabarodisha.com/Politics/amit-shah-taunts-rahul-gandhi-mock-parliament-pm-156687

</link>

<guid>

https://khabarodisha.com/Politics/amit-shah-taunts-rahul-gandhi-mock-parliament-pm-156687

</guid>

Sun, 01 Nov 2026 15:48:00 GMT

</pubDate>

ନୂଆଦିଲ୍ଲୀ: କଂଗ୍ରେସ ସାଂସଦ ତଥା ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀଙ୍କୁ କଡ଼ା ସମାଲୋଚନା କରିଛନ୍ତି କେନ୍ଦ୍ର ଗୃହମନ୍ତ୍ରୀ ଅମିତ ଶାହା। ଦିଲ୍ଲୀରେ ଏକ କାର୍ଯ୍ୟକ୍ରମକୁ ସମ୍ବୋଧନ କରିବା ଅବସରରେ ଶାହା କହିଛନ୍ତି ଯେ ଯଦି ରାହୁଲ ଗାନ୍ଧୀଙ୍କୁ ପ୍ରଧାନମନ୍ତ୍ରୀ ହେବାର ଅଛି, ତେବେ ସେ ସାରା ଜୀବନ କେବଳ ପ୍ରତୀକାତ୍ମକ ସଂସଦ ବା 'ମକ୍ ପାର୍ଲିାମେଣ୍ଟ'ରେ ହିଁ ବସିରୁହନ୍ତୁ; କାରଣ ବାସ୍ତବରେ ତାଙ୍କର ପ୍ରଧାନମନ୍ତ୍ରୀ ହେବା କେବେବି ସମ୍ଭବ ନୁହେଁ।

ମଲ୍ଲିକାର୍ଜୁନ ଖର୍ଗେଙ୍କ ବାସଭବନରେ ବିରୋଧୀଙ୍କ ଦ୍ୱାରା 'ମକ୍ ପାର୍ଲିାମେଣ୍ଟ' (ପ୍ରତୀକାତ୍ମକ ସଂସଦ) ପରିଚାଳନା କରାଯିବା ପ୍ରସଙ୍ଗରେ କଡ଼ା ପ୍ରତିକ୍ରିୟା ରଖି ଶାହା କହିଛନ୍ତି ଯେ ଗତ ୧୫ ବର୍ଷ ଭିତରେ ବିଭିନ୍ନ ନିର୍ବାଚନରେ କଂଗ୍ରେସ କ୍ରମାଗତ ଭାବେ ପରାଜୟର ସମ୍ମୁଖୀନ ହୋଇଆସୁଛି। ସୋନିଆ ଗାନ୍ଧୀଙ୍କ ସ୍ୱପ୍ନ ତାଙ୍କ ପୁଅକୁ ପ୍ରଧାନମନ୍ତ୍ରୀ ଭାବେ ଦେଖିବା ଥିଲେ ହେଁ, ତାହା ପୂରଣ ହୋଇପାରୁନାହିଁ। ଏବେ ସେମାନେ ପ୍ରତୀକାତ୍ମକ ସଂସଦ ଚଳାଇବାର ଏକ ନୂଆ ବାଟ ବାଛିଛନ୍ତି।

ଏହି ଅବସରରେ ଗୃହମନ୍ତ୍ରୀ ଶାହା ୧୯୮୪ ମସିହା ଶିଖ୍ ବିରୋଧୀ ଦଙ୍ଗାର ବାର୍ଷିକୀ ଦିନ ଦିଲ୍ଲୀରେ କଂଗ୍ରେସ ଏବଂ 'ଇଣ୍ଡି' ମେଣ୍ଟ ପକ୍ଷରୁ ଅନୁଷ୍ଠିତ ରାଲିକୁ କଡ଼ା ସମାଲୋଚନା କରିଛନ୍ତି। ସେ କହିଛନ୍ତି ଯେ ଏଭଳି କଳା ଦିବସରେ ରାଲି କରିବା ଏବଂ ଶିଖ୍ ନରସଂହାରର ପୀଡ଼ିତମାନଙ୍କ କ୍ଷତରେ ଲୁଣ ଲଗାଇବା ସଦୃଶ ଅଟେ। ସେତେବେଳେ ହଜାର ହଜାର ନିରୀହ ଶିଖ୍ ସମ୍ପ୍ରଦାୟର ଲୋକଙ୍କୁ ନିର୍ମମ ଭାବେ ହତ୍ୟା କରାଯାଇଥିବା ସେ ମନେ ପକାଇ ଦେଇଛନ୍ତି।

୧୯୮୪ ଦଙ୍ଗା ପରେ ତତ୍କାଳୀନ ପ୍ରଧାନମନ୍ତ୍ରୀ ରାଜୀବ ଗାନ୍ଧୀ ଦେଇଥିବା ବିବାଦୀୟ ମନ୍ତବ୍ୟକୁ ଉଲ୍ଲେଖ କରି ଶାହା କହିଛନ୍ତି ଯେ "ବଡ଼ ଗଛ ପଡ଼ିଲେ ଭୂମିକମ୍ପ ହୁଏ" ବୋଲି କହି ହଜାର ହଜାର ହତ୍ୟାକାଣ୍ଡକୁ ଯେପରି ସମର୍ଥନ କରାଯାଇଥିଲା, ସେଭଳି ମନ୍ତବ୍ୟ କେବଳ କଂଗ୍ରେସ ନେତାମାନଙ୍କ ଦ୍ୱାରା ହିଁ ସମ୍ଭବ ଅଟେ।

ଅମିତ ଶାହା ଆହୁରି ମଧ୍ୟ ଅଭିଯୋଗ କରିଛନ୍ତି ଯେ ମୁଖ୍ୟ ନିର୍ବାଚନ କମିଶନରଙ୍କ ବିରୋଧରେ ବିରୋଧୀ ଦଳଗୁଡ଼ିକ ପକ୍ଷରୁ ଚାଲିଥିବା ଅଭିଯାନ ଏବଂ ରାଲି କେବଳ ରାଜନୈତିକ ଅସ୍ଥିରତା ସୃଷ୍ଟି କରିବା ପାଇଁ ଉଦ୍ଦିଷ୍ଟ। ମିଥ୍ୟା ପ୍ରଚାର କରିବା, ଦେଶରେ ଅରାଜକତା ସୃଷ୍ଟି କରିବା ଏବଂ ସଂସଦକୁ ସଠିକ୍ ଭାବେ କାମ କରିବାକୁ ନ ଦେବା ହିଁ ବିରୋଧୀଙ୍କ ପ୍ରକୃତ କାର୍ଯ୍ୟଶୈଳୀ ବୋଲି ସେ କଡ଼ା ଭାଷାରେ ସମାଲୋଚନା କରିଛନ୍ତି।

</description>

</item>

<item>

<title>

ରାହୁଲ ଗାନ୍ଧୀଙ୍କୁ ଆମର କୌଣସି ଆପତ୍ତି ନାହିଁ, ଜୀବନସାରା ‘ମକ୍ ପ୍ରଧାନମନ୍ତ୍ରୀ’ କରି ରଖନ୍ତୁ: ବିରୋଧୀଙ୍କୁ ବିଜେପିର କଡ଼ା ତାତ୍ସଲ୍ୟ

</title>

<link>

https://khabarodisha.com/Politics/keep-rahul-gandhi-mock-prime-minister-for-life-bjp-taunts-opposition-156669

</link>

<guid>

https://khabarodisha.com/Politics/keep-rahul-gandhi-mock-prime-minister-for-life-bjp-taunts-opposition-156669

</guid>

Sat, 31 Oct 2026 17:33:00 GMT

</pubDate>

ନୂଆଦିଲ୍ଲୀ: କଂଗ୍ରେସ ଏବଂ ‘ଇଣ୍ଡିଆ’ (INDIA) ମେଣ୍ଟର ପ୍ରତିକାତ୍ମକ ସଂସଦ ଆୟୋଜନକୁ ନେଇ କଡ଼ା ସମାଲୋଚନା କରିଛି ଭାରତୀୟ ଜନତା ପାର୍ଟି (ବିଜେପି)। ବିଜେପି ମୁଖପାତ୍ର ସମ୍ବିତ ପାତ୍ର ବିରୋଧୀଙ୍କୁ କଟାକ୍ଷ କରି କହିଛନ୍ତି ଯେ, ଯଦି ଆପଣମାନେ ପ୍ରତିକାତ୍ମକ ସଂସଦ ବସାଉଛନ୍ତି, ତେବେ ରାହୁଲ ଗାନ୍ଧୀଙ୍କୁ ଜୀବନସାରା ଆପଣଙ୍କ ‘ମକ୍ ପ୍ରଧାନମନ୍ତ୍ରୀ’ ଭାବେ ବସାଇ ରଖନ୍ତୁ, ଆମର କୌଣସି ଅପତ୍ତି ନାହିଁ।

ନୂଆଦିଲ୍ଲୀସ୍ଥିତ ବିଜେପି ମୁଖ୍ୟାଳୟରେ ଏକ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରି ସମ୍ବିତ ପାତ୍ର ଏବଂ ରାଜ୍ୟସଭା ସାଂସଦ ସୁଧାଂଶୁ ତ୍ରିବେଦୀ ବିରୋଧୀଙ୍କୁ କଡ଼ା ଭାଷାରେ ଟାର୍ଗେଟ କରିଛନ୍ତି। ସେମାନେ କହିଛନ୍ତି ଯେ ବିଶ୍ୱବ୍ୟାଙ୍କର ସାମ୍ପ୍ରତିକ ରିପୋର୍ଟ ଅନୁସାରେ ଭାରତରେ ଅତ୍ୟଧିକ ଦାରିଦ୍ର୍ୟ ହାର ୨୦୧୧ରୁ ୨୦୨୩ ମଧ୍ୟରେ ୨୭.୧ ପ୍ରତିଶତରୁ ଖସି ଆସି ମାତ୍ର ୨.୬ ପ୍ରତିଶତରେ ପହଞ୍ଚିଛି। ଏହି ସମୟ ମଧ୍ୟରେ ପ୍ରାୟ ୫୦ କୋଟି ଲୋକ ଦାରିଦ୍ର୍ୟ ସୀମା ରେଖାରୁ ମୁକ୍ତ ହୋଇଛନ୍ତି। ଏହି ରିପୋର୍ଟ ଆସିବା ପରେ ବିରୋଧୀଙ୍କ ପ୍ରତିକାତ୍ମକ ସଂସଦ କେବଳ ଏକ ମଜାକ ପାଲଟିଯାଇଛି।

"ପ୍ରଥମ ଭୋଟ୍ ଚୋରି ନେହେରୁ କରିଥିଲେ"

କଂଗ୍ରେସର 'ଭୋଟ୍ ଚୋରି' ଅଭିଯୋଗକୁ ପାଲଟା ଜବାବ ଦେଇ ସମ୍ବିତ ପାତ୍ର କହିଛନ୍ତି ଯେ, "ଦେଶରେ ପ୍ରଥମ ଭୋଟ୍ ଚୋରି କଂଗ୍ରେସ ନେତା ପଣ୍ଡିତ ଜବାହରଲାଲ ନେହେରୁ କରିଥିଲେ।" ସେ ଅଭିଯୋଗ କରିଛନ୍ତି ଯେ ସରଦାର ବଲ୍ଲଭଭାଇ ପଟେଲଙ୍କ ସମର୍ଥନକୁ ଅଣଦେଖା କରି ଏବଂ ଗଣତାନ୍ତ୍ରିକ ପରମ୍ପରାକୁ ଭୁଲ୍ ପ୍ରମାଣିତ କରି ନେହେରୁ ନିଜେ ପ୍ରଧାନମନ୍ତ୍ରୀ ହୋଇଥିଲେ।

ରାହୁଲ ଗାନ୍ଧୀଙ୍କୁ ନେଇ କଂଗ୍ରେସକୁ କଟାକ୍ଷ

ବିଜେପି ନେତାମାନେ କହିଛନ୍ତି ଯେ, କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଯେତେଥର ଲଞ୍ଚ କରିବାକୁ ଚେଷ୍ଟା କଲେ ମଧ୍ୟ ତାହା ସଫଳ ହେବ ନାହିଁ। "ଏହି ସାଟେଲାଇଟ୍ କେବେ ବି ଲଞ୍ଚ ହେବ ନାହିଁ, କାରଣ ଏହା ପାଖରେ ଆଗକୁ ବଢ଼ିବା ପାଇଁ କୌଣସି ଇନ୍ଧନ ନାହିଁ," ବୋଲି ପାତ୍ର କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ଆପଣମାନେ ଦୈନନ୍ଦିନ ଭଜନ-କୀର୍ତ୍ତନ ପରି ‘ପ୍ରଧାନମନ୍ତ୍ରୀ, ପ୍ରଧାନମନ୍ତ୍ରୀ’ ଜପ କରନ୍ତୁ, କିନ୍ତୁ ରାହୁଲ ଗାନ୍ଧୀଙ୍କୁ ଆଜୀବନ ସେହି ପଦରେ କଳ୍ପନା କରି ଆପଣଙ୍କ ରାଜନୈତିକ ଜନାଜା ସଜାଉଥାନ୍ତୁ।

</description>

</item>

<item>

<title>

ପଟେଲ ଜୟନ୍ତୀରେ ମୋଦୀଙ୍କ ଗର୍ଜନ: "ଭାରତକୁ ଦୁର୍ବଳ କରିବାକୁ ବିଦେଶୀ ମାଟିରେ ଷଡ଼ଯନ୍ତ୍ର, ସଜାଗ ରୁହନ୍ତୁ ଦେଶବାସୀ"

</title>

<link>

https://khabarodisha.com/Politics/national-unity-day-pm-modi-slams-opposition-foreign-visits-naxalism-speech-156667

</link>

<guid>

https://khabarodisha.com/Politics/national-unity-day-pm-modi-slams-opposition-foreign-visits-naxalism-speech-156667

</guid>

Sat, 31 Oct 2026 16:58:00 GMT

</pubDate>

ନୂଆଦିଲ୍ଲୀ: ଦେଶର ଅଖଣ୍ଡତା ଏବଂ ଏକତାକୁ ନେଇ କଂଗ୍ରେସ ତଥା ବିରୋଧୀ ଦଳଗୁଡ଼ିକୁ କଡ଼ା ସମାଲୋଚନା କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ। ଗୁଜୁରାଟର ଏକତା ନଗରସ୍ଥିତ ପରେଡ୍ ଗ୍ରାଉଣ୍ଡରେ ସରଦାର ବଲ୍ଲଭଭାଇ ପଟେଲଙ୍କ ୧୫୧ତମ ଜୟନ୍ତୀ ତଥା ଜାତୀୟ ଏକତା ଦିବସ ଅବସରରେ ଏକ ବିରାଟ ସମାବେଶକୁ ସମ୍ବୋଧିତ କରି ପ୍ରଧାନମନ୍ତ୍ରୀ କହିଛନ୍ତି ଯେ, ଆଜିର ବିରୋଧୀ ଦଳଗୁଡ଼ିକ କେବଳ ‘ବିରୋଧ ପକ୍ଷ’ ହୋଇରହି ନାହାନ୍ତି, ବରଂ ଦେଶର ବିକାଶ ପଥରେ ସେମାନେ ‘ଅବରୋଧ ପକ୍ଷ’ ପାଲଟିଛନ୍ତି।

ବିଦେଶ ମାଟିରେ ଗୁପ୍ତ ବୈଠକ ଏବଂ ଦେଶ ଭଙ୍ଗା ସାଧୁତା

ବିଦେଶ ଗସ୍ତ ସମୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସମେତ ବିରୋଧୀଙ୍କ ଭୂମିକାକୁ ଟାର୍ଗେଟ କରି ପ୍ରଧାନମନ୍ତ୍ରୀ କହିଛନ୍ତି, "ବିଦେଶୀ ଧରତୀରେ ଚୁପ୍‌ଚାପ୍ କାହା ସହ ମୁଲାକାତ ଚାଲିଛି? ଭାରତ ବିରୋଧୀ ଶକ୍ତିଗୁଡ଼ିକ କାହାକୁ ସମର୍ଥନ ଯୋଗାଉଛନ୍ତି ଏବଂ କିଏ ଭାରତର ଶତ୍ରୁମାନଙ୍କ ଭାଷାରେ କହୁଛି?"

ସେ ଅଭିଯୋଗ କରିଛନ୍ତି ଯେ, ସୋସିଆଲ ମିଡିଆକୁ ଏକ ଅସ୍ତ୍ର ଭାବରେ ବ୍ୟବହାର କରି ଦେଶରେ କପୋଳକଳ୍ପିତ ଗୁଜବ ସୃଷ୍ଟି କରାଯାଉଛି ଏବଂ ଆନ୍ତର୍ଜାତୀୟ ସ୍ତରରେ ଭାରତର ପ୍ରତିଛବିକୁ ମଳିନ କରିବା ପାଇଁ ବଡ଼ଧରଣର ଷଡ଼ଯନ୍ତ୍ର ଚାଲିଛି। ଦେଶର ଜନସାଧୁତାକୁ ଭାଗ ଭାଗ କରିବାକୁ ଚାହୁଁଥିବା ଏହି ଶକ୍ତିଗୁଡ଼ିକ ବିରୁଦ୍ଧରେ ସମସ୍ତଙ୍କୁ ଏକାଠି ହେବାକୁ ପଡ଼ିବ।

"ନକ୍ସଲବାଦ ଶେଷ, କିନ୍ତୁ ମାନସିକ ନକ୍ସଲ୍‌ମାନେ ବିପଦ"

ଦେଶର ଆଭ୍ୟନ୍ତରୀଣ ସୁରକ୍ଷା ପ୍ରସଙ୍ଗରେ କଡ଼ା ବୟାନ ଦେଇ ପ୍ରଧାନମନ୍ତ୍ରୀ କହିଛନ୍ତି ଯେ, ଗତବର୍ଷ ସେ ଦେଇଥିବା ପ୍ରତିଶ୍ରୁତି ଅନୁଯାୟୀ ଦେଶକୁ ନକ୍ସଲବାଦ ଓ ମାଓବାଦରୁ ସମ୍ପୂର୍ଣ୍ଣ ମୁକ୍ତ କରାଯାଇଛି। କିନ୍ତୁ ଦେଶ ଭତରେ ରହିଥିବା ‘ଦିମାଗୀ ନକ୍ସଲ୍’ (ମାନସିକତା ଦୃଷ୍ଟିରୁ ନକ୍ସଲ ସମର୍ଥକ) ବର୍ତ୍ତମାନ ମଧ୍ୟ ବଡ଼ ବିପଦ ସୃଷ୍ଟି କରୁଛନ୍ତି।

ଆଗାମୀ ଦିନରେ ଭାରତର ପଦକ୍ଷେପଗୁଡ଼ିକ ମଧ୍ୟରେ ସୀମାକୁ ସମ୍ପୂର୍ଣ୍ଣ ସୁରକ୍ଷିତ କରିବା, ଅନୁପ୍ରବେଶ ଓ ଜନସାଂଖ୍ୟିକ ପରିବର୍ତ୍ତନକୁ ରୋକିବା ଏବଂ ‘ପନ୍ଥନିରପେକ୍ଷ ନାଗରିକ ସଂହିତା’ ଦିଗରେ ଆଗକୁ ବଢ଼ିବା ସାମିଲ ରହିଛି ବୋଲି ସେ ଦୃଢ଼ୋକ୍ତି ପ୍ରକାଶ କରିଛନ୍ତି।

କଂଗ୍ରେସର ପୁରୁଣା ସ୍ଲୋଗାନକୁ ଟାର୍ଗେଟ କରି ମୋଦୀ କହିଛନ୍ତି ଯେ, କେବଳ ‘ଗରିବ ହଟାଓ’ର ନାରା ଦେଉଥିବା ଲୋକମାନେ ନିଜେ କୋଟିପତି ହୋଇଗଲେ। କିନ୍ତୁ ବିଶ୍ୱବ୍ୟାଙ୍କର ରିପୋର୍ଟ ଅନୁସାରେ, ଗତ ୧୦-୧୨ ବର୍ଷ ଭେତରେ ପ୍ରାୟ ୫୦ କୋଟି ଭାରତୀୟ ଦାରିଦ୍ର୍ୟ ସୀମା ରେଖାକୁ ଅତିକ୍ରମ କରି ସଫଳତାର ସହ ଆଗକୁ ବଢ଼ିଛନ୍ତି। ଦେଶରେ ଏକଚାଳିଶ ପ୍ରତିଶତରୁ ଅଧିକ ଥିବା ଅତ୍ୟଧିକ ଦାରିଦ୍ର୍ୟ ସଂଖ୍ୟା ବର୍ତ୍ତମାନ ୩ ପ୍ରତିଶତରୁ ତଳକୁ ଖସିଆସିଛି।

ବିଶ୍ୱବ୍ୟାପୀ ସଙ୍କଟ ଭିତରେ ଭାରତର ଏକତା ମହାଶକ୍ତି

ବିଶ୍ୱର ବିଭିନ୍ନ ଦେଶରେ ଯୁଦ୍ଧ ପରିସ୍ଥିତି ଏବଂ ଆର୍ଥିକ ମାନ୍ଦାବସ୍ଥା ଚାଲିଥିବା ବେଳେ ଶକ୍ତି ସଙ୍କଟ ସମୟରେ ଭାରତ ନିଜ ଜନସାଧୁତାଙ୍କ ଉପରେ ଏହାର ପ୍ରଭାବ ପଡ଼ିବାକୁ ଦେଇନାହିଁ। ଭାରତୀୟମାନଙ୍କ ମଧ୍ୟରେ ଥିବା ପାରସ୍ପରିକ ଭାଇଚାରା ଓ ଏକତା ହିଁ ଆଜି ଦେଶର ସବୁଠୁ ବଡ଼ ଶକ୍ତି ବୋଲି ସେ ମତବ୍ୟକ୍ତ କରିଛନ୍ତି।

ଏହି ଅବସରରେ ଦେଶର ୫୫୦ରୁ ଅଧିକ ରାଜ୍ୟକୁ ଏକାଠି କରିଥିବା ଲୌହ ପୁରୁଷ ସରଦାର ପଟେଲଙ୍କ ଅବଦାନକୁ ସ୍ମରଣ କରି ପ୍ରଧାନମନ୍ତ୍ରୀ ଦେଶବାସୀଙ୍କୁ ଜାତୀୟ ଏକତା ଦିବସର ଶୁଭକାମନା ଜଣାଇଛନ୍ତି।

ସରଦାର

</description>

</item>

<item>

<title>

ମୋଦୀ-ଶାହଙ୍କୁ ବି ଦେଖିନେବୁ, ହେଲେ ପ୍ରଥମ ଟାର୍ଗେଟ୍...', ମୁଖ୍ୟ ନିର୍ବାଚନ କମିଶନରଙ୍କ ବିରୋଧରେ ବର୍ଷିଲେ ରାହୁଲ ଗାନ୍ଧୀ

</title>

<link>

https://khabarodisha.com/Politics/rahul-gandhi-criticizes-cec-gyanesh-kumar-mock-parliament-vote-deletion-156664

</link>

<guid>

https://khabarodisha.com/Politics/rahul-gandhi-criticizes-cec-gyanesh-kumar-mock-parliament-vote-deletion-156664

</guid>

Sat, 31 Oct 2026 15:49:00 GMT

</pubDate>

ନୂଆଦିଲ୍ଲୀ: ଇଣ୍ଡିଆ ମେଣ୍ଟ ପକ୍ଷରୁ ଆୟୋଜିତ ଏକ ପ୍ରତୀକାତ୍ମକ ସାର୍ବଜନୀନ ମହାଭିଯୋଗ କାର୍ଯ୍ୟକ୍ରମରେ ଲୋକସଭାରେ ବିରୋଧୀ ଦଳର ନେତା ରାହୁଲ ଗାନ୍ଧୀ ମୁଖ୍ୟ ନିର୍ବାଚନ କମିଶନର (CEC) ଜ୍ଞାନେଶ କୁମାରଙ୍କ ବିରୋଧରେ କଡ଼ା ଆକ୍ରମଣ କରିଛନ୍ତି। କାର୍ଯ୍ୟକ୍ରମକୁ ସମ୍ବୋଧିତ କରି ରାହୁଲ ଗାନ୍ଧୀ ଦାବି କରିଛନ୍ତି ଯେ, ଦେଶରେ ୧୩.୩ କୋଟି ଭୋଟ୍ କାଟି ଦିଆଯାଇଛି, ଯାହାକି ପ୍ରତି ସାତ ଜଣରେ ଜଣେ ଭାରତୀୟଙ୍କ ଭୋଟ୍ ବାତିଲ ହେବା ସହ ସମାନ।

ଆମେ ଛାଡ଼ିବୁ ନାହିଁ

କାର୍ଯ୍ୟକ୍ରମରେ କେନ୍ଦ୍ର ସରକାର ଏବଂ ନିର୍ବାଚନ ଆୟୋଗଙ୍କ ଉପରେ ବର୍ଷି ରାହୁଲ ଗାନ୍ଧୀ କହିଛନ୍ତି ଯେ, ସେମାନେ କେବଳ ମୋଦୀ ଓ ଶାହଙ୍କୁ ନୁହେଁ ବରଂ ଏହି ସବୁ ଅନିୟମିତତାର ମୁଖ୍ୟ କେନ୍ଦ୍ରକୁ ମଧ୍ୟ ଛାଡ଼ିବେ ନାହିଁ। ତାଙ୍କ ଭାଷାରେ, "ଜ୍ଞାନେଶ କୁମାର କେବଳ ଏହି ପ୍ରକ୍ରିୟାର ଗୋଟିଏ ଅଂଶ, କିନ୍ତୁ ଆମେ ଜାଣୁ ପଛରେ କିଏ ଅଛନ୍ତି। ଆମେ କାହାକୁ ବି ଛାଡ଼ିବୁ ନାହିଁ।"

ଅବୈଧ ନିର୍ବାଚନ

ରାହୁଲ ଗାନ୍ଧୀ ଅଭିଯୋଗ କରିଛନ୍ତି ଯେ ନିର୍ବାଚନ ଆୟୋଗଙ୍କ ନିଜସ୍ୱ ତଥ୍ୟ ଏବଂ ପରିସ୍ଥିତି ସୂଚାଉଛି ଯେ ୨୦୨୪ ଲୋକସଭା ନିର୍ବାଚନ ଏକ ସ୍ୱଚ୍ଛ ପ୍ରକ୍ରିୟା ନଥିଲା। ବିଜେପିର ବହୁ ନେତା ମଧ୍ୟ ଏହି ଭୁଲ୍ ଏବଂ ଅବୈଧ ପଦ୍ଧତି ଜରିଆରେ ସଂସଦରେ ପହଞ୍ଚିଛନ୍ତି ବୋଲି ସେ ଦାବି କରିଛନ୍ତି।

ବିରୋଧୀ ଦଳଗୁଡ଼ିକ ପକ୍ଷରୁ ନିର୍ବାଚନ ଆୟୋଗଙ୍କ ଭୂମିକା ଏବଂ ଭୋଟର ତାଲିକା ସଂଶୋଧନ ପ୍ରକ୍ରିୟାକୁ ନେଇ କ୍ରମାଗତ ଭାବେ ଅସନ୍ତୋଷ ପ୍ରକାଶ ପାଉଥିବାବେଳେ, ଏହି ପ୍ରତୀକାତ୍ମକ ମହାଭିଯୋଗ କାର୍ଯ୍ୟକ୍ରମ ରାଜନୈତିକ ପାଣିପାଗକୁ ଆହୁରି ସରଗରମ କରିଛି।

Also Read: ସର୍ଦ୍ଦାର ପଟେଲଙ୍କ ଭୋଟ୍ ଚୋରି କରି ପ୍ରଧାନମନ୍ତ୍ରୀ ହୋଇଥିଲେ ନେହେରୁ: ବିଜେପି

</description>

</item>

<item>

<title>

ସର୍ଦ୍ଦାର ପଟେଲଙ୍କ ଭୋଟ୍ ଚୋରି କରି ପ୍ରଧାନମନ୍ତ୍ରୀ ହୋଇଥିଲେ ନେହେରୁ: ବିଜେପି

</title>

<link>

https://khabarodisha.com/Politics/bjp-mp-sambit-patra-targets-congress-on-mock-parliament-156657

</link>

<guid>

https://khabarodisha.com/Politics/bjp-mp-sambit-patra-targets-congress-on-mock-parliament-156657

</guid>

Sat, 31 Oct 2026 13:00:00 GMT

</pubDate>

ନୂଆଦିଲ୍ଲୀ: ବାରମ୍ବାର ବିଜେପି ସରକାରଙ୍କ ଉପରେ ଭୋଟ ଚୋରିର ଅଭିଯୋଗ ଆଣୁଥିବା କଂଗ୍ରେସକୁ ଭାରତୀୟ ଜନତା ପାର୍ଟି ଆଜି ମୁହଁତୋଡ଼ ଜବାବ ଦେଇଛି । ବିଜେପି ମୁଖପାତ୍ର ତଥା ସାଂସଦ ସମ୍ବିତ ପାତ୍ର ଶନିବାର ଏକ ସାମ୍ବାଦିକ ସମ୍ମିଳନୀ କରି କଂଗ୍ରେସ ଉପରେ ବର୍ଷିଛନ୍ତି। 'ଭୋଟ୍ ଚୋରି' ପ୍ରସଙ୍ଗ ଉଠାଇ ସେ ଦାବି କରିଛନ୍ତି ଯେ, ଦେଶରେ ଏଭଳି ଘଟଣା ପ୍ରଥମ ଥର ପାଇଁ ଜବାହରଲାଲ ନେହେରୁଙ୍କ ସମୟରେ ଘଟିଥିଲା। ସେ ଅଭିଯୋଗ କରିଛନ୍ତି ଯେ, ସର୍ଦ୍ଦାର ପଟେଲଙ୍କ ଭୋଟ୍ ଚୋରି କରି ନେହେରୁ ପ୍ରଧାନମନ୍ତ୍ରୀ ପଦରେ ବସିଥିଲେ ।

ସମ୍ବିତ ପାତ୍ର କଂଗ୍ରେସର ମକ୍ ସଂସଦ କାର୍ଯ୍ୟକ୍ରମ କଡ଼ା ସମାଲୋଚନା କରିଛନ୍ତି । ସେ କହିଛନ୍ତି ଯେ ଆଜି ଯେତେବେଳେ ମଲ୍ଲିକାର୍ଜୁନ ଖଡ଼ଗେ ଭୋଟ୍ ଚୋରି ବିଷୟରେ କହୁଥିଲେ, ସେତେବେଳେ ତାଙ୍କ ମନକୁ ଆସିଲା ଯେ ପ୍ରକୃତରେ ଭୋଟ୍ ଚୋରି କେଉଁଠୁ ହୋଇଥିଲା, ପଣ୍ଡିତ ନେହେରୁ ଭୋଟ୍ ଚୋରି କରି ପ୍ରଧାନମନ୍ତ୍ରୀ ହୋଇଥିଲେ। କଂଗ୍ରେସ ଦଳ ଏକ 'ନକଲି ସଂସଦ' ଆୟୋଜନ କରୁଛି, କିନ୍ତୁ ଭୋଟ୍ ଚୋରିର ପ୍ରଥମ ଘଟଣା ନେହେରୁ ଜୀ ହିଁ ଘଟାଇଥିଲେ।

ପ୍ରଧାନମନ୍ତ୍ରୀ ଚୟନ ପାଇଁ ଏକ ଭୋଟ୍ ଗ୍ରହଣ କରାଯାଇଥିଲା, ଯେଉଁଥିରେ ସର୍ଦ୍ଦାର ପଟେଲ ମଧ୍ୟ ଜଣେ ପ୍ରାର୍ଥୀ ଥିଲେ । କିନ୍ତୁ ସର୍ଦ୍ଦାର ପଟେଲଙ୍କ ଭୋଟ୍‌ଗୁଡ଼ିକୁ 'ଚୋରି' କରି ନିଆଯାଇଥିଲା, ଯାହା ଫଳରେ ତାଙ୍କ ବଦଳରେ ନେହେରୁ ପ୍ରଧାନମନ୍ତ୍ରୀ ହୋଇପାରିଥିଲେ।

ନିର୍ବାଚନ ଆୟୋଗ ଏବଂ ମୁଖ୍ୟ ନିର୍ବାଚନ କମିଶନରଙ୍କୁ କଂଗ୍ରେସ ଯେଉଁ ଅଭିଯୋଗ ଆଣିଛନ୍ତି ତାହାକୁ ନିନ୍ଦା କରିଛି ବିଜେପି । ସମ୍ବିତ ଦୃଢ଼ତାର ସହ କହିଛନ୍ତି ଯେ କଂଗ୍ରେସ ଦଳ ଓ ଏହାର କିଛି ସହଯୋଗୀ ଦଳ ଗଣତନ୍ତ୍ରକୁ ଉପହାସର ପାତ୍ର କରୁଛନ୍ତି। ମଲ୍ଲିକାର୍ଜୁନ ଖଡ଼ଗେ ଦାବି କରିଛନ୍ତି ଯେ ଭାରତରେ ୧୩ କୋଟି ଲୋକଙ୍କ ନାମ ଭୋଟର ତାଲିକାରୁ ହଟାଇ ଦିଆଯାଇଛି। ଯଦି ଏହା ସତ ହୁଏ, ତେବେ ସେହି ୧୩ କୋଟି ଲୋକ ରାଜରାସ୍ତାକୁ ଓହ୍ଲାଇ ଆସିବେ।

ବର୍ତ୍ତମାନ କଂଗ୍ରେସ ଦଳ ଦ୍ୱାରା କରାଯାଉଥିବା ଏହି ନାଟକ, ଯାହାକୁ ଏକ 'ନକଲି ସଂସଦ' କୁହାଯାଇପାରେ । ତାହା ପ୍ରକୃତରେ ସଂସଦର ଏକ ଉପହାସ ଅଟେ। ସେଠାରେ ଉପସ୍ଥିତ ଥିବା ସମସ୍ତ ବକ୍ତା ଏବଂ ଅଂଶଗ୍ରହଣକାରୀମାନେ ଏହା ଉପରେ ଧ୍ୟାନ ଦେବା ଉଚିତ୍। ସେ କହିଲେ ଯେ, ଭାରତରେ ମୋଟ ୧୨ ଥର ଏସ୍ଆଇଆର୍ କରାଯାଇଛି, ଯେଉଁଥିରୁ ୧୦ ଥର କଂଗ୍ରେସ ଦଳର ଶାସନ କାଳରେ ହୋଇଥିଲା।

ବଙ୍ଗଳାରେ, ଅନେକ ମୃତ ବ୍ୟକ୍ତିଙ୍କ ନାମ ବ୍ୟବହାର କରି 'ଭୂତ ଭୋଟ୍' ଦିଆଯାଉଥିଲା। ମମତା ବାନାର୍ଜୀଙ୍କ ପାଖରେ ଏହାର ସମ୍ପୂର୍ଣ୍ଣ ତଥ୍ୟ ଥିଲା; କେଉଁ ଅଞ୍ଚଳ, ପଡ଼ୋଶୀ ଅଞ୍ଚଳ କିମ୍ବା କଲୋନୀରେ କେତେ ଜଣ ଲୋକଙ୍କର ମୃତ୍ୟୁ ହୋଇଛି, ସେ ବିଷୟରେ ସେ ସଠିକ୍ ଭାବରେ ଜାଣିଥିଲେ। ଏଥିପାଇଁ ସୁବ୍ୟବସ୍ଥିତ ଭାବରେ ତାଲିକା ପ୍ରସ୍ତୁତ କରାଯାଉଥିଲା ଏବଂ ନିର୍ବାଚନ ଦିନ ଟିଏମସି କର୍ମୀମାନେ ଏହି 'ନକଲି ଭୋଟ୍' ଦେଉଥିଲେ। 'ଏସଆଇଆର୍' (SIR) ପ୍ରକ୍ରିୟା ଯୋଗୁଁ ନକଲି ଭୋଟ୍ ଦିଆଯାଇପାରିଲା ନାହିଁ । ତେଣୁ, ଆଜି ଯେଉଁ ନିରାଶା ଦେଖିବାକୁ ମିଳୁଛି, ତାହା ଏକ ସ୍ୱାଭାବିକ ପରିଣାମ ଅଟେ।

</description>

</item>

<item>

<title>

ପଞ୍ଜାବ ନିର୍ବାଚନ: ୪୦ ଜଣିଆ ପ୍ରାର୍ଥୀ ତାଲିକା ଘୋଷଣା କଲା ଆପ୍

</title>

<link>

https://khabarodisha.com/Politics/punjab-election-aap-announces-40-candidates-name-on-first-phase-156650

</link>

<guid>

https://khabarodisha.com/Politics/punjab-election-aap-announces-40-candidates-name-on-first-phase-156650

</guid>

Sat, 31 Oct 2026 10:42:00 GMT

</pubDate>

ନୂଆଦିଲ୍ଲୀ: ଆଗାମୀ ୨୦୨୭ ପଞ୍ଜାବ ବିଧାନସଭା ନିର୍ବାଚନ ପାଇଁ ଆମ ଆଦମୀ ପାର୍ଟି ତାର ପ୍ରଥମ ଗୋଟି ଚାଳନା କରିଛି । ଶନିବାର ଆପ୍ ପ୍ରଥମ ପ୍ରାର୍ଥୀ ତାଲିକା ଜାରି କରିଛି । ଏହି ତାଲିକାରେ ମୋଟ ୪୦ ଜଣ ପ୍ରାର୍ଥୀଙ୍କ ନାମ ରହିଛି।

ଦିଲ୍ଲୀରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ମୁଖ୍ୟମନ୍ତ୍ରୀ ଭଗୱନ୍ତ ମାନ ଏବଂ ଦଳର ପଞ୍ଜାବ ପ୍ରଭାରୀ ମନୀଷ ସିସୋଦିଆ ଏହି ନାମଗୁଡ଼ିକ ଘୋଷଣା କରିଛନ୍ତି। ଏହି ତାଲିକାରେ ବର୍ତ୍ତମାନର କୌଣସି କ୍ୟାବିନେଟ୍ ମନ୍ତ୍ରୀଙ୍କ ନାମ ସାମିଲ ନାହିଁ। ସେମାନଙ୍କ ନିର୍ବାଚନ ମଣ୍ଡଳୀ ଏବଂ ପ୍ରାର୍ଥିତ୍ୱର ସ୍ଥିତି ବର୍ତ୍ତମାନ ପାଇଁ ଅସ୍ପଷ୍ଟ ରହିଯାଇଛି।

ତାଲିକା ଘୋଷଣା ପୂର୍ବରୁ ଦିଲ୍ଲୀରେ ଆପ ମୁଖିଆ ଅରବିନ୍ଦ କେଜ୍ରିୱାଲଙ୍କ ବାସଭବନରେ ଦଳର 'ରାଜନୈତିକ ବ୍ୟାପାର କମିଟି' ବୈଠକ ବସିଥିଲା । ତମାମ ଆଲୋଚନା ପରେ ପ୍ରାର୍ଥୀ ତାଲିକା ଚୂଡ଼ାନ୍ତ କରାଯାଇଥିଲା।

ଏହି ପ୍ରଥମ ତାଲିକା ପ୍ରକାଶ ପାଇବା ପରେ ପଞ୍ଜାବ ନିର୍ବାଚନ ପାଇଁ ଆମ ଆଦମୀ ପାର୍ଟିର ଟିକେଟ୍ ବଣ୍ଟନ ରଣନୀତିକୁ ନେଇ ଜୋରଦାର ଚର୍ଚ୍ଚା ଆରମ୍ଭ ହୋଇଯାଇଛି। ଦଳ ନିଜର ୩୦ରୁ ୪୦ ଜଣ ବର୍ତ୍ତମାନର ବିଧାୟକଙ୍କୁ ଟିକେଟ୍ ନ ଦେଇପାରେ ବୋଲି ବ୍ୟାପକ ଅନୁମାନ କରାଯାଉଛି।

</description>

</item>

</rss>

</channel>