<?xml version="1.0" encoding="utf-8"?>
 <rss version="2.0">
   <channel>
      <title>Khabar Odisha</title>
      <link>https://khabarodisha.com/</link>
      <description>
        Khabar Odisha: Breaking news, views, reviews from across India
      </description>
      <copyright>
        Copyright:(C) Khabar Odisha.
      </copyright>
      <image>
        <title>Khabar Odisha</title>
        <link>https://khabarodisha.com/</link>
        <url>
          https://khabarodisha.com/passets/images/logo.png
        </url>
      </image>
      <item>
        <title>
           କଂଗ୍ରେସ ଉପରେ ବର୍ଷିଲେ ଗଡକରୀ, ଯିଏ ୧୯୮୪ ଦଙ୍ଗା ପୀଡିତାଙ୍କୁ ନ୍ୟାୟ ଦେଇପାରିଲେ ନାହିଁ ସେ ଦେଶର ଗରୀବଙ୍କୁ କି ନ୍ୟାୟ ଦେବେ
        </title>
        <link>
           https://khabarodisha.com/Opinion/National-Election-Odisha-nitin-gadkari-says-disappointed-opposition-abusing-pm-modi-52919
        </link>
        <guid>
           https://khabarodisha.com/Opinion/National-Election-Odisha-nitin-gadkari-says-disappointed-opposition-abusing-pm-modi-52919
        </guid>
        <pubDate>
           Thu, 09 May 2019 06:47:47 GMT
        </pubDate>
        <description>

କେନ୍ଦ୍ରମନ୍ତ୍ରୀ ନିତିନ ଗଡକରୀ ପ୍ରେସ କନଫରେନ୍ସ କରି ବିରୋଧିଙ୍କୁ ଟାର୍ଗେଟ କରିଛନ୍ତି । ଗଡକରୀ କହିଛନ୍ତି ଯେ, ନିରାଶ୍ ବିରୋଧି ଦେସର ପ୍ରଧାନମନ୍ତ୍ରୀ ମୋଦିଙ୍କୁ ୫୬ ଗାଳି ଦେଇଛି ।ଏହା ୫୬ ଭୋଗ ସଦୃଶ୍ୟ । ସେ କହିଛନ୍ତି କି ପ୍ରଧାନମନ୍ତ୍ରୀ କୌଣସି ଦଳର ନୁହନ୍ତି, ସେ ସାରା ଦେଶର ପ୍ରଧାନମନ୍ତ୍ରୀ ଅଟନ୍ତି । ଏହା ଦୁର୍ଭାଗ୍ୟଜନକ ଯେ ପ୍ରଧାନମନ୍ତ୍ରୀଙ୍କୁ ସମ୍ମାନ ଦେବା ବଦଳରେ ବିରୋଧି, ଖାସକରି କଂଗ୍ରେସ ଦ୍ୱାରା ତାଙ୍କ ଅଭଦ୍ର ଟିପ୍ପଣୀ କରାଯାଉଛି ।

ଗଡକରୀ କଂଗ୍ରେସକୁ ଟାର୍ଗେଟ କରିବା ସହିତ କହିଥିଲେ, ପର୍ଫୋରମାନ୍ସ ଓ କାର‌୍ୟ୍ୟ ନିର୍ବାଚନର ମୁଦ୍ଦା ନ ହେଉ, ଏଥିପାଇଁ ବିରୋଧି ଦୁଇଟି ବିଷୟ ଉପରେ ନିର୍ବାଚନକୁ ଆଣିବାକୁ ଚାହୁଁଛନ୍ତି । ପ୍ରଥମଟି ହେଉଛି ଦଳିତ, ଅଳ୍ପସଂଖ୍ୟକ, ଏସ୍‌ସି-ଏସ୍‌ଟିଙ୍କ ମନରେ ଭୟ ସୃଷ୍ଟି କରିବା ଏବଂ ଦ୍ୱିତୀୟଟି ହେଉଛି ବିକାଶର ଯେଉଁ କାମ ୫୦ ବର୍ଷରେ ହୋଇପାରିନାହିଁ ଓ ୫ ବର୍ଷରେ ଯାହା ହୋଇଛି, ସେ ଉପରେ ଚର୍ଚ୍ଚା ନ କରି ଜାଣିଶୁଣି ଅଭଦ୍ର ଟିପ୍ପଣୀ କରିବା । ଯେଉଁଥିରେ ରାହୁଲ ଗାନ୍ଧୀଙ୍କୁ ସୁପ୍ରିମ କୋର୍ଟରେ ନିଜର ବୟାନ ପାଇଁ ଯେଉଁ ପରିସ୍ଥିତି ଦେଇ ଗତିକରିବାକୁ ପଡିଛି ତାହା ସମସ୍ତଙ୍କୁ ଜଣା । 

ସେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ଟାର୍ଗେଟ କରି କହିଛନ୍ତି ଯେ, ଯିଏ ୧୯୮୪ ଦଙ୍ଗା ପୀଡିତାଙ୍କୁ ନ୍ୟାୟ ଦେଇପାରିଲେ ନାହିଁ ସେ ଦେଶର ଗରୀବଙ୍କୁ କି ନ୍ୟାୟ ଦେବେ । ଏହା ସହିତ ସେ ଆହୁରି କହିଥିଲେ, ଏମାନଙ୍କର ପୀଢି ଗରିବ ହଟାଅ ବୋଲି ନାରା ଦେଇ ଆସିଛନ୍ତି, କିନ୍ତୁ ଗରିବି ଏପର‌୍ୟ୍ୟନ୍ତ ହଟିନାହିଁ । ଏବେ ରାହୁଲ ଗାନ୍ଧୀ ମଧ୍ୟ ସମାନ କଥା କହୁଛନ୍ତି, ତେବେ ଏହାର ବିଶ୍ୱସନୀୟତା କେଉଁଠି ଅଛି ? ଏହା ନ୍ୟାୟ ନୁହେଁ, ଆଜି ପର‌୍ୟ୍ୟନ୍ତ ହୋଇଥିବା ଅନ୍ୟାୟର କଥା । 

        </description>
      </item>
      <item>
        <title>
           ଝାଡ଼ଖଣ୍ଡରେ ବିଜେପି ଅଫିସ୍‌ ଉଡ଼ାଇଲେ ମାଓବାଦୀ
        </title>
        <link>
           https://khabarodisha.com/Opinion/maoists-blast-at-bjp-office-in-Jharkhand-52444
        </link>
        <guid>
           https://khabarodisha.com/Opinion/maoists-blast-at-bjp-office-in-Jharkhand-52444
        </guid>
        <pubDate>
           Fri, 26 Apr 2019 22:02:38 GMT
        </pubDate>
        <description>

ଝାଡ଼ଖଣ୍ଡରେ ନିର୍ବାଚନ ପୂର୍ବରୁ ମାଓବାଦୀ ହମଲା କରିଛନ୍ତି । ପାଲାମୁ ଜିଲ୍ଲା ଅନ୍ତର୍ଗତ ହରିହରଗଂଜରେ ଥିବା ଭାରତୀୟ ଜନତା ପାର୍ଟି କାର୍ଯ୍ୟାଳୟରେ ବୋମା ପକାଇଛନ୍ତି । ଏହା ସହିତ ନିର୍ବାଚନକୁ ବିରୋଧ କରି ଚିଠି ମଧ୍ୟ ଛାଡ଼ି ଯାଇଛନ୍ତି ମାଓବାଦୀ । ନିର୍ବାଚନ ବର୍ଜନ କରିବାକୁ ଆହ୍ୱାନ କରାଯାଇଛି ।

ହରିହରଗଂଜରେ ଥିବା ବିଜେପି ଅଫିସ୍‌ରରେ ରାତି ଅଧରେ ବିସ୍ପୋରଣ କରାଯାଇଛି । ଭାକପା ମାଓବାଦୀ ସଂଗଠନର ୧୨ ଜଣ ସଦସ୍ୟ ସାମିଲ ଥିଲେ । ଚିଠିରେ ରାଫେଲ ଡିଲ୍‌, ବିଜୟ ମାଲ୍ୟା ଓ ନୀରବ ମୋଦୀଙ୍କ ସମ୍ପର୍କରେ ଲେଖାଯାଛି । ବିସ୍ଫୋରଣରେ କେହି ମୃତାହତ ହୋଇ ନ ଥିବା ପୋଲିସ ସୂଚନା ଦେଇଛନ୍ତି । ମାଓବାଦୀମାନେ ବିହାର ଅଭିମୁଖେ ପଳାଇ ଯାଇଥିବା ସୂଚନା ମିଳିଛି । ଆକ୍ରମଣ ପରେ ଘଟଣା ସ୍ଥଳରେ ସର୍ଚ୍ଚ ଅପରେସନ୍‌କୁ ଜୋରଦାର କରାଯାଇଛି । 

        </description>
      </item>
      <item>
        <title>
           କେରଳ: ଭିଭିପାଟ ମେସିନରେ ପଶିଲା ସାପ, ବନ୍ଦ କରିବାକୁ ପଡିଲା ଭୋଟିଂ
        </title>
        <link>
           https://khabarodisha.com/Opinion/Elecation-odisha-Lok-Sabha-Chunav-Snake-Crept-Inside-Vvpat-Machine-Pauses-Polling-In-Kannur-52305
        </link>
        <guid>
           https://khabarodisha.com/Opinion/Elecation-odisha-Lok-Sabha-Chunav-Snake-Crept-Inside-Vvpat-Machine-Pauses-Polling-In-Kannur-52305
        </guid>
        <pubDate>
           Tue, 23 Apr 2019 06:09:55 GMT
        </pubDate>
        <description>

କେରଳର କନ୍ନୁର ଲକସୋଭା ଆସନରେ ଜଣେ “ଅଦରକାରୀ ଅତିଥି”ଙ୍କ ପାଇଁ ମତଦାନକୁ କିଛି ସମୟ ପାଇଁ ବନ୍ଦ କରିବାକୁ ପଡିଥିଲା । କୁହାଯାଉଛି ଯେ ମୟିଲ କନ୍ଦକ୍କାଇ ନିର୍ବାଚନ ଅଞ୍ଚଳର ଗୋଟିଏ ବୁଥରେ ଗୋଟିଏ ସାପ ଭିଭିପାଟ ମେସିନରେ ପସି ଯାଇଥିଲା । ସାପକୁ ଦେଖିବା ପରେ ସେଠାରେ ମତଦାନ ପାଇଁ ଠିଆ ହୋଇଥିବା ଲୋକେ ଭୟଭୀତ ହୋଇ ପଡିଥିଲେ । ଅଧିକାରୀମାନେ କିଛି ସମୟ ପର୍ଯ୍ୟନ୍ତ ମତଦାନକୁ ବନ୍ଦ କରିଥିଲେ । ସୂଚନାଯୋଗ୍ୟ ଯେ ତୃତୀୟ ପର୍ଯ୍ୟାୟ ନିର୍ବାଚନ ପାଇଁ 13ଟି ରାଜ୍ୟ ଏବଂ ଦୁଇଟି କେନ୍ଦ୍ର ଶାସିତ ଅଞ୍ଚଳର 116ଟି ଆସନ ପାଇଁ  ମତଦାନ ଚାଲିଛି । 

ପରେ ସାପରୁ ସେଠାରୁ କଡା ଯାଇଥିଲା ଏବଂ ପରେ ମତଦାନ ଆରମ୍ଭ ହୋଇଥିଲା । ଏଠାରେ ନିର୍ବାଚନ ଆରମ୍ଭରେ ଭିଡ ଦେଖିବାକୁ ମିଳିଥିଲା । କନ୍ନୁର ସଂସଦୀୟ କ୍ଷେତ୍ରରୁ ବର୍ତ୍ତମାନ ସାଂସଦ ପିକେ ଶ୍ରୀମତି(ସିରିଆଇ-ଏଲଡିଏଫ), କେ.ସୁରେନ୍ଦ୍ରନ(କଂଗ୍ରେସ-ୟୁଡିଏଫ) ଏବଂ ସିକେ ପଦ୍ମନାଭନ(ବିଜେପି-ଏନଡିଏ)ରୁ ନିର୍ବାଚନ ଲଢୁଛନ୍ତି । 

କେରଳରେ 20ଟି ଲୋକସଭା ଆସନ ରହିଛି । ଗୋଟିଏ ପର୍ଯ୍ୟାୟରେ ଏଠାରେ ନିର୍ବାଚନ ଶେଷ ହେବ । 

        </description>
      </item>
      <item>
        <title>
           ଜାଣନ୍ତୁ କଣ ଥିଲା ଗେଷ୍ଟ ହାଉସ କାଣ୍ଡ, ଯାହାକୁ ଭୁଲି ମାୟବତୀ ପୁଣି ଏସପି ସହ କଲେ ମେଣ୍ଟ
        </title>
        <link>
           https://khabarodisha.com/Opinion/politics-odisha-sp-bsp-learn-what-was-the-guest-house-scandal-46452
        </link>
        <guid>
           https://khabarodisha.com/Opinion/politics-odisha-sp-bsp-learn-what-was-the-guest-house-scandal-46452
        </guid>
        <pubDate>
           Sat, 12 Jan 2019 16:38:13 GMT
        </pubDate>
        <description>

ଲୋକସଭା ନିର୍ବାଚନକୁ ନଜରରେ ରଖି ଉତ୍ତର ପ୍ରଦେଶର ଦୁଇ ଦଳ ମଧ୍ୟରେ ଥିବା ଦୀର୍ଘ ଦିନର ଶତ୍ରୁତା ଶେଷ ହୋଇଛି । ସାରା ଦେଶରେ  ଚାଲିଥିବା ମୋଦୀ ଲହରୀକୁ ଉତ୍ତର ପ୍ରଦେଶରେ ରୋକିବା ପାଇଁ ଏସପି ଓ ବିଏସପି ମଧ୍ୟରେ ମେଣ୍ଟ ହୋଇଛି । ଏନେଇ ଏସପି ଅଧ୍ୟକ୍ଷ ଅଖିଲେଶ ଯାଦବ ଓ ବିଏସପି ମୁଖ୍ୟ ମାୟାବତୀ ଆଜି ମିଳିତ ଭାବେ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି । ଦୁଇ ଦଳ ୩୮-୩୮ଟି ସିଟରେ ନିର୍ବାଚନ ଲଢିବେ ।

ଏହା ସାମ୍ବାଦିକ ସମ୍ମିଳନୀରେ ମାୟବାତୀ ଗେଷ୍ଟ ହାଉସ କାଣ୍ଡ ପ୍ରସଙ୍ଗ ଉଠାଇଛନ୍ତି । ସେ କହିଛନ୍ତି ଯେ ୧୯୯୩ ମସିହାରେ କାଶୀରାମ ଏବଂ ମୁଲାୟମ ସିଂହ ଯାଦବ ମେଣ୍ଟ କରି ନିର୍ବାଚନ ଲଢିଥିଲେ । କିନ୍ତୁ ଏହି ମେଣ୍ଟ ବେଶି ଦିନ ଚାଲିପାରିନଥିଲା । ଏବେ ସେହି ଗେଷ୍ଟ ହାଉସ କାଣ୍ଡକୁ ଭୁଲି ଏହି ପ୍ରକାର ମେଣ୍ଟ କରିବାର ଆବଶ୍ୟକତା ରହିଛି । 

ତେବେ କଣ ଥିଲା ଗେଷ୍ଟ ହାଉସ କାଣ୍ଡ ?

ସୂଚନାଯୋଗ୍ୟ, ବାବରୀ ମସଜିଦ ଘଟଣା ପରେ ୧୯୯୩  ରେ ମୁଲାୟମ ସିଂହ ଯାଦବ ଏବଂ ବିଏସପି ଅଧ୍ୟକ୍ଷ କାଶୀରାମ ବିଜେପିକୁ  ରୋକିବା ପାଇଁ ମେଣ୍ଟ କରିଥିଲେ ଯାହାକୁ କୋଲଙ୍କ ସମର୍ଥମ ମଧ୍ୟ ମିଳିଥିଲା । ମୁଲାୟମ ସିଂହଙ୍କ ନେତୃତ୍ୱରେ ମେଣ୍ଟ ସରକାର ହୋଇଥିଲା । କିନ୍ତୁ ବେଶି ଦିନ ଚାଲିପାରିନଥିଲା ଏହି ମେଣ୍ଟ ସରକାର । ଗୋଟିଏ ରାଲିରେ ମାୟାବତୀ ମେଣ୍ଟ ଭାଙ୍ଗିବା ନେଇ ହଠାତ ଘୋଷଣା କରିଥିଲେ ୨ ଜୁନ ୧୯୯୫ରେ ମାୟବତୀ ବିଧାୟକମାନଙ୍କ ସହ ଲକ୍ଷ୍ନୋର ମୀରାବାଇ ଗେଷ୍ଟ ହାଉସର ରୁମ ନମ୍ବର ୧ରେ ଥିଲେ । ହଠାତ ଏସପିର ନେତା ମାନେ ଗେଷ୍ଟ ହାଉସରେ ପସି ମାୟାବତୀଙ୍କ ସହ ଖରାପ ବ୍ୟବହାର କରିବା ସହ ଅପଶବ୍ଦ ବ୍ୟବହାର କରିଥିଲେ । ନିଜକୁ ବଞ୍ଚାଇବା ପାଇଁ ରୁମରେ ନିଜକୁ ବନ୍ଦ କରି ରଖିଥିଲେ ମାୟବାତୀ । ପ୍ରତ୍ୟେକଦର୍ଶୀଙ୍କ ସୂଚନା ଅନୁସାରେ ସେ କେବଳ ଠିଆ ହୋଇ ସିଗାରେଟ ପିଉଥିଲେ । ଏହା ପରେ ତତକାଳୀନ ମୁଲାୟମ ସିଂହଙ୍କ ସରକାରକୁ ବରଖାସ୍ତ କରାଯାଇଥିଲା । ମାୟାବତୀଙ୍କ ଜୀବନୀ ଉପରେ ଆଧାରିତ ବହି ବହନ ଜୀରେ ମଧ୍ୟ ଏହି କାଣ୍ଡ ବିଷୟରେ ଉଲ୍ଲେଖ ରହିଛି । ତେବେ ଏବର ମେଣ୍ଟ ସରକାର କେତେ ଦୂର ଚାଲୁଛି ତାହା ଦେଖିବାକୁ ବାକି ରହିଲା । 

        </description>
      </item>
      <item>
        <title>
           ସ୍ୱାମୀ ବିବେକାନନ୍ଦଙ୍କର ଏହି ୧୦ଟି କଥା ଦୂର କରିଦେବ ଆପଣଙ୍କର ସମସ୍ତ ଚିନ୍ତା
        </title>
        <link>
           https://khabarodisha.com/Opinion/odisha-education-10-gurumatras-of-swami-vivekananda-46449
        </link>
        <guid>
           https://khabarodisha.com/Opinion/odisha-education-10-gurumatras-of-swami-vivekananda-46449
        </guid>
        <pubDate>
           Sat, 12 Jan 2019 15:57:33 GMT
        </pubDate>
        <description>

ସ୍ୱାମୀ ବିବେକାନନ୍ଦଙ୍କ ଜନ୍ମ ୧୮୬୩ ମସିହା ଜାନୁଆରୀ ୧୨ରେ ହୋଇଥିଲା। ବିବେକାନନ୍ଦଙ୍କୁ ଯୁବକମାନେ ଆଦର୍ଶ ମାନନ୍ତି, ଏଥିପାଇଁ  ତାଙ୍କ ଜନ୍ମ ଦିନକୁ ଯୁବ ଦିବସ ଭାବେ ପାଳନ କରାଯାଏ । ଆମେରିକାରେ ସମାନତା ଧର୍ମର ପ୍ରତିନିଧିତ୍ୱ କରିବା ଲୋକ ସ୍ୱାମୀ ବିବେକାନନ୍ଦଙ୍କର କୁହାଯାଇଥିବା ବର୍ଷ ପୁରୁଣା କଥାକୁ କହିଛନ୍ତି ଏହି ଗୁରୁମନ୍ତ୍ରକୁ ନିରାଶ ଥିବା ବ୍ୟକ୍ତି ପଢିଲେ ଜୀବନ ବଂଚିବାର ଏକ ନୂଆ ପ୍ରେରଣା ମିଳିଥାଏ । ବିବେକାନନ୍ଦଙ୍କର କୁହାଯାଇଥିବା କଥା ଗୁଡିକ ଉପରେ ଯଦି ଆପଣ ୨ମିନିଟ ବିଚାର କରିବେ ତେବେ ଜୀବନର ବହୁ ସମସ୍ୟା ର ସମାଧାନ ଆରାମରେ ହୋଇଯିବ ।

୧-        ଗୀତା ଅଧ୍ୟୟନ କରିବା ବଦଳରେ ଫୁଟବଲ ଖେଳି ସ୍ୱର୍ଗର ଅଧିକ ନିକଟତର ହୁଅନ୍ତୁ ।

୨-        ହୃଦୟ ଓ ମସ୍ତିଷ୍କ ମଧ୍ୟରୁ ସବୁବେଳେ ନିଜ ହୃଦୟର କଥା ଶୁଣନ୍ତୁ ।

୩-        ଗୋଟିଏ ସମୟରେ ଗୋଟିଏ କାମ କର, ନିଜ ଆତ୍ମା ସେହି କାମରେ ଲଗେଇଦିଅ ଓ ବାକି ସବୁ ଭୁଲିଯାଅ ।

୪-        କୌଣସି ସମସ୍ୟା ଯଦି ତୁମ ସାମ୍ନାରେ ନଆସେ ତେବେ ସୁନିଶ୍ଚିତ ହୋଇଯିବେ କି ତୁମେ ଭୁଲ ରାସ୍ତାରେ ଯାଉଛ ।

୫-        ଉଠ, ଜାଗ ଓ ଲକ୍ଷ ସମ୍ପୂର୍ଣ୍ଣ ନହେବା ପର୍ଯ୍ୟନ୍ତ କାମ କରିଚାଲ ।

୬-        ଗୋଟିଏ ଲକ୍ଷ୍ୟ ରଖନ୍ତୁ । ସେହି ଲକ୍ଷ୍ୟକୁ ନିଜ ଜୀବନ ବନାନ୍ତୁ । ଏହା ବିଷୟରେ ଭାବନ୍ତୁ, ସ୍ୱପ୍ନ ଦେଖନ୍ତୁ, ସେହି ଲକ୍ଷ ସହ ବଞ୍ଚନ୍ତୁ । ଆପଣଙ୍କ ଲକ୍ଷ ନିଶ୍ଚିତ ରୂପରେ ପୂରଣ ହେବ ।

୭-        ନିଜକୁ ଦୁର୍ବଳ ଭାବିବା ସବୁଠାରୁ ବଡ ଭୁଲ ।

୮-        ସବୁଠୁ ବଡ ଧର୍ମ ହେଲା ନିଜ ସ୍ୱଭାବ ପ୍ରତି ସଚ୍ଚଟ ହେବା । ନିଜ ଉପରେ ଭରସା ରଖ ।

୯-        ଯେଉଁ ନିଆଁ ଆମକୁ ଗରମ ଦେଇଥାଏ, ତାହା ଅମକୁ ନଷ୍ଟ ମଧ୍ୟ ଦେଇପାରେ । ଏହା ନିଆଁର ଦୋଷ ନୁହେଁ ।

୧୦-     ମସ୍ତିଷ୍କର ଶକ୍ତି ସୂର‌୍ୟ୍ୟର କିରଣ ସହିତ ସମାନ ଅଟେ । ଯେବେ ଏହା କେନ୍ଦ୍ରୀତ ହୁଏ, ଚମକ ଉଠେ ।

        </description>
      </item>
      <item>
        <title>
           ରାହୁଲଙ୍କ ଅଭିଯୋଗ, ମେହୁଲ ଚୋକସିଙ୍କ କମ୍ପାନୀରୁ ଦରମା ନେଉଥିଲେ ଜେଟଲୀଙ୍କ ଝିଅ
        </title>
        <link>
           https://khabarodisha.com/Opinion/rahul-gandhi-slams-finance-ministry-arun-jaitley-over-banking-scam-in-twitter-41762
        </link>
        <guid>
           https://khabarodisha.com/Opinion/rahul-gandhi-slams-finance-ministry-arun-jaitley-over-banking-scam-in-twitter-41762
        </guid>
        <pubDate>
           Mon, 22 Oct 2018 22:58:28 GMT
        </pubDate>
        <description>

କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ଅର୍ଥମନ୍ତ୍ରୀ ଅରୁଣ ଜେଟଲୀଙ୍କ ଉପରେ କରିଛନ୍ତି ହମଲା। ରାହୁଲ ଟ୍ଵିଟ୍ କରି ପଲାତକ ମେହୁଲ ଚୋକସି ଓ ଜେଟଲୀଙ୍କ ଝିଅ ମଧ୍ୟରେ ଆଇସିଆଇସିଆଇ ବ୍ୟାଙ୍କ ମାଧ୍ୟମରେ ହୋଇଥିବା ନେଣ ଦେଣର ପ୍ରମାଣ ମଧ୍ୟ ଦେଇଛନ୍ତି। ରାହୁଲ ଟ୍ଵିଟ୍ କରି ଲେଖିଛନ୍ତି ଯେ ଅରୁଣ ଜେଟଲୀଙ୍କ ଝିଅ ଚୋର ମେହୁଲ ଚୋକସିଙ୍କ ବେତନ ଆଧାରରେ କାମ କରୁଥିଲେ।  ଏହି ମାମଲାରେ ପାର୍ଟି ଏବେ ନୈତିକତା ଆଧାରରେ ଜେଟଲୀଙ୍କ ଇସ୍ତଫା ଦାବି କରିଛି। 

ରାହୁଲ ଟ୍ଵିଟ୍ କରି ଅଭିଯୋଗ କରିଛନ୍ତି ଯେ ଜେଟଲୀଙ୍କ ଝିଅକୁ ଆଇସିଆଇସିଆଇ ବ୍ୟାଙ୍କରୁ ଅର୍ଥ ମିଳିଛି। ଅନ୍ୟ ପଟେ ତାଙ୍କର ପିତା ଅର୍ଥମନ୍ତ୍ରୀ ଜେଟଲୀ  ଏହି ସବୁ ଫାଇଲକୁ ଦବାଇ ଚୋକସିଙ୍କୁ ଦେଶରୁ ପଳାୟନ କରିବାକୁ ଅନୁମତି ଦେଇଛନ୍ତି। ରାହୁଲ ଟ୍ଵିଟରେ ସମ୍ବନ୍ଧିତ ବ୍ୟାଙ୍କର ଖାତା ନମ୍ବର ମଧ୍ୟ ଦେଇଛନ୍ତି। ଏହି ଟ୍ଵିଟ୍ ସହିତ ଅରୁଣ ଜେଟଲୀ ମଷ୍ଟ ରିଜାଇନ ହ୍ୟାଟସ୍ୟାଗ ମଧ୍ୟ ଦିଆଯାଇଛି। 

ଏହି ମାମଲାରେ କଂଗ୍ରେସ ନେତା ସଚିନ ପାଇଲଟ, ଗୁଜରାତ ପ୍ରଭାରୀ ରାଜୀବ ସାଟଭ ଓ ମହିଳା କଂଗ୍ରେସ ଅଧ୍ୟକ୍ଷା ସୁସ୍ମିତା ଦେବ ମିଳିତ ସାମ୍ଵାଦିକ ସମ୍ମିଳନୀ କରି  ଜେଟଲୀଙ୍କ ଝିଅ-ଜ୍ଵାଇଁଙ୍କ ସହ ଚୋକସିଙ୍କ ସଂପର୍କ ଓ ନେଣଦେଣକୁ ନେଇ ଅଭିଯୋଗ କରିଛନ୍ତି। 

ଉଲ୍ଲେଖଯୋଗ୍ୟ ରାହୁଲ ଗାନ୍ଧୀଙ୍କ ବ୍ୟାଙ୍କ ଘୋଟାଲାକୁ ନେଇ ପୂର୍ବେ ଅର୍ଥମନ୍ତ୍ରୀ ଅରୁଣ ଜେଟଲୀ ହମଲା କରୁଥିଲେ। ପଞ୍ଜାବ ନ୍ୟାସନାଲ ବ୍ୟାଙ୍କ ଓ ଅନ୍ୟ ବ୍ୟାଙ୍କ ଅଧିକାରୀଙ୍କ ସହ ସଲାସୁତୁରାରେ କିଛି ବଡ଼ ଉଦ୍ୟୋଗପତି ନିୟମର ଅଣଦେଖା କରି ବ୍ୟାଙ୍କରୁ ଲୋନ ନେଇ ଆଉ ପରିଶୋଧ କରି ନାହାନ୍ତି। ଏହି ମାମଲାରେ ପିଏନବି ବ୍ୟାଙ୍କ ସ୍ଵୀକାର କରିଥିଲା ଯେ କିଛି ଲୋକଙ୍କ ସଲାସୁତୁରାରେ  କିଛି ଲୋକଙ୍କୁ ଫାଇଦା ଦିଆଯାଇଛି। ଏହାକୁ ନେଇ ଜେଟଲୀ ରାହୁଲଙ୍କୁ ଟାର୍ଟେଟ୍ କରୁଥିଲେ।

        </description>
      </item>
      <item>
        <title>
           ଦାମ ରାଉତ ବେଲାଳସେନରୁ ବିଭିଷଣ
        </title>
        <link>
           https://khabarodisha.com/Opinion/Dama-Rout-Belalasena-Bibhisena-40022
        </link>
        <guid>
           https://khabarodisha.com/Opinion/Dama-Rout-Belalasena-Bibhisena-40022
        </guid>
        <pubDate>
           Fri, 21 Sep 2018 14:22:18 GMT
        </pubDate>
        <description>

 ମହାଭାରତର ବେଲାଳସେନରୁ ରାମାୟଣର ବିଭିଷଣ । ସେ ନିଜେ କହିଥିଲେ ମୁଁ ହେଉଛି ବେଲାଳସେନ । ପୁରା ମହାଭାରତ ଯୁଦ୍ଧକୁ ମୁଁ ସବୁ ଦେଖିଛି । ସବୁ କହିବି । ହେଲେ ଅଧା କହିଲା ପରେ ସେ ହେଲେ ଦଳରୁ ବହିଷ୍କାର । ଆଉ ପାଲଟିଲେ ବିଭିଷଣ । ଖାଲି ଦେଖିଥିବା କଥାକୁ କେବଳ କହି ନଛାଡି ବଂର ନିଜେ ଦୁର୍ନୀତି ବିରୋଧରେ ଲଢିବେ ବୋଲି ଘୋଷଣା କରିଛନ୍ତି ଦାମ ରାଉତ । 

ପୁରାଣର ଏହି ଦୁଇ ଚରିତ୍ର ବେଲାଳସେନ ଏବଂ ରାମାୟଣର ବିଭିଷଣ । ଏହି ଦୁଇ ଚରିତ୍ରରୁ ବେଲାଳସେନ ଏକ ମୁକ ପ୍ରାୟ ଚରିତ୍ର । ସମ୍ପୁର୍ଣ୍ଣ ମହାଭାରତ ଯୁଦ୍ଧକୁ କେବଳ ଦେଖି ଯୁଦ୍ଧ ସରିଲା ପରେ କହିଥିଲା । ହେଲେ ବିଭିଷଣ କିନ୍ତୁ ତାହା କରିନଥିଲେ । ଧର୍ମର ରକ୍ଷା ପାଇଁ ସେ ହୋଇଯାଇଥିଲେ ଗୃହ ଶତ୍ରୁ । ନିଜ ଭାଇ ରାବଣକୁ ବଦ୍ଧ କରିବା ପାଇଁ ଆସିଥିଲେ ରାମଙ୍କ ପାଖକୁ । ଇନ୍ଦ୍ରଜିତ ପାଇଥିବା ବର ଅନୁସାରେ ତାକୁ କିଏ ମାରିପାରିବ,  ମହିରାବଣ ପାତାଳରେ କେଉଁଠି ରହୁଛି, ରାବଣର କେଉଁ ସେନାପତି ସହ କିଏ ଲଢିପାରିବ, ରାବଣର ସମସ୍ତ ଗୁପ୍ତ କଥା ଜଣାଥିଲା ବିଭିଷଣକୁ । ଏପରିକି ଲକ୍ଷ୍ମଣ ଶକ୍ତିଭେଦ ହେଲାପରେ ତାଙ୍କର ଚିକିସ୍ତ୍ରା ପାଇଁ ବୈଦ୍ୟ ସୁଶେଣ ହିଁ ଏକମାତ୍ର ବୈଦ୍ୟ ଏକଥା ବିଭିଷଣ ହିଁ ବତାଇଥିଲେ ରାମଙ୍କୁ । ଯାହାଫଳରେ ଲକ୍ଷ୍ମଣ ବଂଚିପାରିଥିଲେ । ଯଦି ରାମଙ୍କ ପାଖେ ବିଭିଷଣ ନଥାନ୍ତେ ତାହେଲେ ରାବଣକୁ ବଦ୍ଧ କରିବା ରାମଙ୍କ ପାଇଁ ଅସମ୍ଭବ ହୋଇଥାନ୍ତା ।

ହେଲେ ଦାମ ରାଉତଙ୍କ ପାଇଁ ରାମ କିଏ, ସେ ନିଜେ ନା ଆଉ କିଏ ତାହା ଜଣା ନଥିଲା ବେଳେ କିନ୍ତୁ ଏବେ ସେ ଯେ ବିଭିଷଣ ଭୁମିକାରେ ଅବତିର୍ଣ୍ଣ ଏଥିରେ କୌଣସି ସନ୍ଦେହ ନାହିଁ । ସେ ନିଜେ କହିସାରିଛନ୍ତି ଆନ୍ନାଙ୍କ ଭୂମିକାରେ ଆସି ନବିନ ପଟ୍ଟନାୟକଙ୍କର ସମସ୍ତ ଦୁର୍ନୀତି ଉପରୁ ମୁଖା ଖୋଲିବେ ଏବଂ ରାଜ୍ୟ ସାରା ବୁଲି ପ୍ରଚାର କରିବେ । ଆଗାମି ୨୦୧୯ ଲଢେଇରେ ଦାମ ରାଉତ ବିଭିଷଣ ଭୂମିକାରେ ଓହ୍ଲାଇବେ ସେଥିରେ କୌଣସି ସନ୍ଦେହ ନାହିଁ ।

        </description>
      </item>
      <item>
        <title>
           ବଦଳିଛନ୍ତି ନବିନ, ଆଗରୁ ଦୁର୍ନୀତି କଲେ ବିଦା କରୁଥିଲେ ଆଉ ଏବେ ଦୁର୍ନୀତିକୁ ବିରୋଧ କଲେ
        </title>
        <link>
           https://khabarodisha.com/Opinion/Naveen-Pattnaik-Change-In-Image-Dama-Rout-39597
        </link>
        <guid>
           https://khabarodisha.com/Opinion/Naveen-Pattnaik-Change-In-Image-Dama-Rout-39597
        </guid>
        <pubDate>
           Thu, 13 Sep 2018 21:15:39 GMT
        </pubDate>
        <description>

 ନବିନ ପଟ୍ଟନାୟକଙ୍କ ନେତୃତ୍ୱକୁ ଲୋକ କାହିଁକି ବାରମ୍ବାର ଭରସା କରିଛନ୍ତି ? କାହିଁକି ଥରେ ନୁହେଁ ଚାରି ଚାରି ଥର ଲୋକ ନବିନ ପଟ୍ଟନାୟକଙ୍କୁ ମୁଖ୍ୟମନ୍ତ୍ରୀ ଭାବେ ଭାବିଛନ୍ତି ? ଏହାର ଗୋଟିଏ ମୁଖ୍ୟ କାରଣ ହେଲା ସାଧାରଣରେ ଏକଥା ବିଶ୍ୱାସ ଅଛି ନବିନ ବାବୁ ନିଜେ ଦୁର୍ନୀତି କରନ୍ତି ନାହିଁ କି ତାଙ୍କ ସରକାରରେ ଦୁର୍ନୀତି ଗ୍ରସ୍ତ ନେତାଙ୍କର କୌଣସି ସ୍ଥାନ ନାହିଁ । ହେଲେ ସେହି ଧାରଣ ଯେ ଏକ ମିଛ ଧାରଣ ତାହା ଆଜି ପ୍ରମାଣିତ ହେଲାଭଳି ମନେ ହେଉଛି।

ନବିନଙ୍କ ପ୍ରଥମ ଦୁଇଟି ପାଳିରେ ବିଦା କରିଥିଲେ ପ୍ରଶାନ୍ତ ନନ୍ଦ, ନଳିନି ମହାନ୍ତି, କମଳା ଦାସ, ଅମର ଶତପଥୀ, ଦେବୀ ମିଶ୍ର ଆଦି ନେତାଙ୍କୁ । ସେ ସମସ୍ତେଙ୍କୁ ନବିନ ବିଦା କରିଥିଲେ କେବଳ ଛାୟା ଦୁର୍ନୀତି ଅଭିଯୋଗରେ, ଦୁର୍ନୀତି ପ୍ରମାଣ ହେବା ଆଗରୁ କେବଳ ଅଭିଯୋଗ ଆଧାରରେ ହିଁ ନବିନ ସେମାନଙ୍କୁ ବିଦା କରିଥିଲେ । ଦୁର୍ନୀତିର ଅଭିଯୋଗ ଆସିଲା ମାନେ ମନ୍ତ୍ରୀମଣ୍ଡଳରୁ ବିଦା କରିଦେଉଥିବା କାରଣରୁ ସାଧାରଣରେ ଗୋଟିଏ ସନ୍ଦେଶ ଯାଇଥିଲା କି ନବିନବାବୁ ଜଣେ ସ୍ୱଛ ରାଜନେତା ସେ ଦୁର୍ନୀତି କରନ୍ତି କି ନାହିଁ କି ଦୁର୍ନୀତିକୁ ବରଦାସ୍ତ କରନ୍ତି ନାହିଁ । ଦୁର୍ନୀତି ଦେଖିଲା ମାନେ ତାଙ୍କ ନାହିଁ ଡିଏଁ ଇତ୍ୟାଦି । 

ହେଲେ ଯେଉଁ ଭଳି ଢଙ୍ଗରେ ମୁଖ୍ୟମନ୍ତ୍ରୀ ନବିନ ବାବୁ ଏବେ ଦାମ ରାଉତଙ୍କୁ ଦଳରୁ ବିଦା କଲେ ତାଙ୍କର ସେ ଦୁର୍ନୀତି ବିରୋଧୀ ଭାବମୁର୍ତୀ ଆଉ ବଜାୟ ରହିବ ନାହିଁ ଏକଥା ଲାଗୁଛି । କାରଣ ବହିଷ୍କାରରେ କାରଣ ଭାବେ ବିଜୁ ଜନତା ଦଳ ତରଫରୁ ଯାହା କାରଣ ଦର୍ଶାଯାଇଛି କି ସେ ଦଳ ବିରୋଧୀ କାମ କରୁଥିଲେ ବାସ୍ତବରେ ଦାମ ରାଉତ ବିଜୁ ଜନତା ଦଳ ବିରୋଧରେ ସେପରି କିଛି କରିନାହାନ୍ତି । ସେ କେବଳ ସରକାରଙ୍କ କିଛି ଦୁର୍ନିତିକୁ ସାମନାକୁ ଆଣିଥିଲେ । ଯେଉଁ ଦୁର୍ନୀତିକୁ ସରକାରୀ ସ୍ତରରେ ଏବେ ସୁଦ୍ଧା ଖଣ୍ଡନ କରିବା ପାଇଁ କେଉଁ ସରକାରି ବାବୁ ଅଫିସର ମନ୍ତ୍ରୀଙ୍କର ସାହାସ ହେଉନାହିଁ । ମୁଖ୍ୟମନ୍ତ୍ରୀ କାର୍ଯ୍ୟାଳୟ ଏହି ଦୁର୍ନୀତି ସବୁରେ ସମ୍ପୃକ୍ତ ଅଛି ବୋଲି ଦାମ ରାଉତ ଅଭିଯୋଗ କରିଥିଲେ ।

ସେତେବେଳେ ମୁଖ୍ୟମନ୍ତ୍ରୀଙ୍କର ନୈତିକ ଦାୟୀତ୍ୱ ହେଉଛି ନିଜ କାର୍ଯ୍ୟାଳୟ ପକ୍ଷ୍ୟରୁ କୌଣସି ଦୁର୍ନୀତି ହୋଇନାହିଁ ବୋଲି କହି ସାଧାରଣ ଲୋକଙ୍କ ସନ୍ଦେହ ଦୁର କରିବା କଥା ନହେଲେ ନିଜେ ସମ୍ପୃର୍ଣ୍ଣ ତଥ୍ୟ ପ୍ରମାଣ ଆଣି ସାଧାରଣରେ ପ୍ରକାଶ କରିବା କଥା କି ନା ମୁଖ୍ୟମନ୍ତ୍ରୀ କାର୍ଯ୍ୟାଳୟ କୌଣସି ଦୁର୍ନୀତି କରିନାହିଁ । କାରଣ ଅଭିଯୋଗ ସିଧାସଳଖ ତାଙ୍କ କାର୍ଯ୍ୟାଳୟ ବିରୋଧରେ ଥିଲା ଯାହାର ମୁଖ୍ୟ ହେଉଛନ୍ତି ସେ ନିଜେ । ହେଲେ ସେ ନିଜ କାର୍ଯ୍ୟାଳୟ ଉପରେ ଆସିଥିବା ଅଭିଯୋଗ ଉପରେ କୌଣସି ପଦକ୍ଷେପ ନଦେବା ବଦଳରେ ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କରିଲେ ।

ଦୀର୍ଘଦିନ ଧରି ନବିନ ବାବୁଙ୍କର ଯେଉଁ ଦୁର୍ନୀିତ ବିରୋଧୀ ଭାବମୁର୍ତୀ ଥିଲା ତାହା ଏବେ ଭାଙ୍ଗିଯାଇଛି । ଗଣତନ୍ତ୍ରରେ ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ଦଳରୁ ବହିଷ୍କାର କଲେ ଏହାର ଓଲଟା ପ୍ରଭାବ ପଡିପାରେ । ସାଧ।।ରଣ ଲୋକଙ୍କ ବିଶ୍ୱାସ ଜିତିବାକୁ ହେଲେ ଦୁର୍ନୀତି ଅଭିଯୋଗ ମିଛ ବୋଲି ଏହାର ପ୍ରମାଣ ଦେଖାଇବାକୁ ପଡେ । ଦୁର୍ନୀତିର ଅଭିଯୋଗ ଆଣିଥିବା ଲୋକଙ୍କୁ ବହିଷ୍କାର କଲେ ଦୁର୍ନିତି ହୋଇଛି ବୋଲି ଲୋକେ ଭାବନ୍ତି ।

        </description>
      </item>
      <item>
        <title>
           ରତ୍ନଭଣ୍ଡାର ପ୍ରସଙ୍ଗରେ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ବଡ ପ୍ରଶ୍ନ, ପଦଯାତ୍ରା ପରେ ତୃତୀୟ ମହଲାରେ କମ୍ପନ, ସାରା ରାଜ୍ୟରେ ତେଜୁଛି ଅସନ୍ତୋଷ
        </title>
        <link>
           https://khabarodisha.com/Opinion/Ratna-Bhandar-Jagannath-Temple-Padajatra-Naveen-38231
        </link>
        <guid>
           https://khabarodisha.com/Opinion/Ratna-Bhandar-Jagannath-Temple-Padajatra-Naveen-38231
        </guid>
        <pubDate>
           Tue, 21 Aug 2018 13:41:34 GMT
        </pubDate>
        <description>

 ଭୁବନେଶ୍ୱର, ୨୧ ଅଗଷ୍ଟ (ଖବର ଓଡିଶା) - ମହାପ୍ରଭୁ ଶ୍ରୀ ଜଗନ୍ନାଥଙ୍କ ରତ୍ନଭଣ୍ଡାରରେ ରତ୍ନ ଅଛକି ନାହିଁ ଏହାକୁ ନେଇ ସାଧାରଣରେ ଏବେ ସୃଷ୍ଟି ହୋଇଛି ବଡ ପ୍ରଶ୍ନ । ଏହାକୁ ନେଇ ଜଗନ୍ନାଥ ପ୍ରେମୀମାନେ ଚିନ୍ତାରେ ରହିଥିବା ବେଳେ ମୁଖ୍ୟମନ୍ତ୍ରୀଙ୍କ ନୀରବତା ଏହି ପ୍ରସଙ୍ଗକୁ ଆହୁରି ଅଧିକ ଜଟିଳ କରିଦେଇଛି । ଯାହାକୁ ନେଇ ରାଜ୍ୟ ସରକାରଙ୍କ ପାଇଁ ଏବେ ବଢୁଛି ଅଡୁଆ  । ଏହି ପ୍ରସଙ୍ଗରେ ରାଜ୍ୟ ସରକାରଙ୍କ ପକ୍ଷରୁ କମିଶନ ବସାଇ ତଦନ୍ତ ନିର୍ଦ୍ଦେଶ ଦେଇଥିବା ବେଳେ କମିଶନ ତଦନ୍ତ ଆରମ୍ଭ କରିଛନ୍ତି । ସେପଟେ କିନ୍ତୁ ଏହି ପ୍ରସଙ୍ଗରେ ମୁଖ୍ୟମନ୍ତ୍ରୀ ଏଯାଏଁ ମୁହଁ ଖୋଲିନାହାନ୍ତି । ଅନ୍ୟପଟେ  ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାରରୁ ନବୀନ ନିବାସ ଯାଏଁ ପଦଯାତ୍ରା ପରେ ପୁଣିଥରେ ସରକାରଙ୍କ ପାଇଁ ବଢିଛି ଅଡୁଆ । ସାରା ରାଜ୍ୟରେ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଥିବା ବେଳେ ଏହାକୁ ନେଇ ତୃତୀୟ ମହଲାରେ ଏକପ୍ରକାର କମ୍ପନ ସୃଷି ହୋଇଥିବା ନେଇ ପାୱାର କରିଡରରେ ଚାଲିଛି ଜୋରଦାର ଚର୍ଚ୍ଚା ।

ରତ୍ନଭଣ୍ଡାର ଚାବି ହଜିବା ପ୍ରସଙ୍ଗ ଜଣାପଡିବା ପର ଠାରୁ ବିଶ୍ୱ ଦରବାରରେ ମଧ୍ୟ ଏହାକୁ ନେଇ ପ୍ରତିକ୍ରିୟା ପ୍ରକାଶ ପାଇଛି । ରାଜନୈତିକ ଦଳ ଠାରୁ ଆରମ୍ଭ କରି ସାମାଜିକ ସଙ୍ଗଠନ ମଧ୍ୟ ଏନେଇ ରାସ୍ତାକୁ ଓହ୍ଲାଇଛନ୍ତି । ଥାନାରେ ମଧ୍ୟ ଏନେଇ ମାମଲା ଦାଏର ହୋଇଛି । ଏହାସତ୍ୱେ ମଧ୍ୟ ମୁଖ୍ୟମନ୍ତ୍ରୀଙ୍କ ନୀରବତାକୁ ନେଇ ସାଧାରଣରେ ବଡ ପ୍ରଶ୍ନ ଉଠିଛି । ସେପଟେ ଶ୍ରୀ ଜଗନ୍ନାଥ ସଂସ୍କୃତି ସୁରକ୍ଷା ପରିଷଦ ପକ୍ଷରୁ ସିଂହଦ୍ୱାର ଠାରୁ ନବୀନ ନିବାସ ଯାଏଁ ପଦଯାତ୍ରା ହୋଇଥିବା ବେଳେ ଆନ୍ଦୋଳନକାରୀ ମାନଙ୍କୁ ମୁଖ୍ୟମନ୍ତ୍ରୀ ସାକ୍ଷାତ ନକରିବା କି ସମୟ ନଦେବାକୁ ନେଇ ଏବେ ସାଧାରଣରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି । ଏପରିକି ଏକ ସମ୍ବେଦନଶୀଳ ପ୍ରସଙ୍ଗ, ଯାହାକି ସମଗ୍ର ଓଡିଆଙ୍କ ଭାବାବେଗ ସହ ସମ୍ପୃକ୍ତି ରହିଛି । ଏଭଳି ପ୍ରସଙ୍ଗକୁ ରାଜ୍ୟ ସରକାର ଏଡାଇ ଯିବା ଦୁର୍ଭାଗ୍ୟଜନକ ବୋଲି କହିଛନ୍ତି ବିରୋଧୀ କଂଗ୍ରେସ ଓ ବିଜେପି ।

        </description>
      </item>
      <item>
        <title>
           କୋକାକୋଲା ସ୍ପ୍ରାଇଟ ଛାଡନ୍ତୁ ପଇଡ ପାଣି ପିଅନ୍ତୁ
        </title>
        <link>
           https://khabarodisha.com/Opinion/Say-No-To-Cocacola-Yes-To-Coconut-34812
        </link>
        <guid>
           https://khabarodisha.com/Opinion/Say-No-To-Cocacola-Yes-To-Coconut-34812
        </guid>
        <pubDate>
           Thu, 28 Jun 2018 18:25:10 GMT
        </pubDate>
        <description>

 ଆମେ ମାନେ ପ୍ରାୟ ସମସ୍ତେ ମୃଦ୍ୟୁ ପାନୀୟ ମୋହରେ ପଡିଯାଇଛେ । ହେଲେ ଏହି ମୃଦ୍ୟୁ ପାନୀୟ କେତେ ମାତ୍ରାରେ ଆମ ସ୍ୱାସ୍ଥ୍ୟ, ଆମ ଅର୍ଥନୀତି, ଆମ ପରିବେଶକୁ ଖରାପ କରୁଛି ତାହା ଆମେ ଜାଣିଛେ କି ? ଏବେ ସମୟ ଆସିଛି କୋକାକୋଲା, ସ୍ପ୍ରାଇଟ, ପେପସି, ଥମସଅପ, ମିରିଣ୍ଡା ଏସବୁକୁ ଛାଡିବା ଆଉ ପଇଡ ପାଣି ପିଇବା । ତାହେଲେ ଯାଇ ଆମେ ସୁସ୍ଥ ରହି ପାରିବା ଏବଂ ଆମର ଦେଶି ଅର୍ଥନୀତିକୁ ସୁରକ୍ଷିତ ରଖିପାରିବା ।

ଅର୍ଥନୀତି

ଏବେ ନିପଟ ମଫସଲ ଗାଁ ଠାରୁ ଆରମ୍ଭ କରି ରାଜଧାନୀର ବଡ ସପିଙ୍ଗମଲରେ ସବୁଠି ମିଳୁଛି ଏହି ମିଠା ବିଷ ସବୁ । ସାରା ଭାରତରେ ଏହି କୋଲ୍ଡଡ୍ରିଙ୍କସ ଯାହାକୁ ଆମେ ମୃଦ୍ୟୁ ପାନୀୟ କହୁଛେ ତାହାର ବଜାର ହେଉଛି ୧୮,୦୦୦ କୋଟି ଟଙ୍କାର । ଓଡିଶାରେ ପାଖାପାଖି ୮୦୦ କୋଟି ଟଙ୍କାର । ୪ କୋଟି ଜନ ସଂଖ୍ୟାରେ ୮୦୦ କୋଟିର ବେପାର । ଆଉ ଏହି ବେପାରରେ ବିଦେଶି କମ୍ପାନୀ କୋକାକୋଲା ଏବଂ ପେପସି କମ୍ପାନୀର ହେଉଛି ୮୦ % ସେୟାର । ଆମକୁ ପାଣୀରେ କିଛି କେମିକାଲ ଆଉ ଫ୍ଲେଭର ପକେଇ ଦେଇ ଏହାକୁ ଆକର୍ଷଣୀୟ ବୋଟଲରେ ପ୍ୟାକେଟ କରି ଏମାନେ କୋଟି କୋଟି ଲାଭ କରନ୍ତି ଏବଂ ଏହି ଅର୍ଥ ଚାଲିଯାଏ ସିଧା ସିଧା ବିଦେଶକୁ । ଆଉ ଏହି ୮୦୦ କୋଟି ଟଙ୍କା ଯଦି ଆମ ନିଜ ରାଜ୍ୟର ପଇଡ ଚାଷୀଙ୍କ ପାଖରେ ରୁହନ୍ତା ତାହେଲେ ଭାବନ୍ତୁ ତ କେତେ ଭଲ ହୁଅନ୍ତା । ସେମାନଙ୍କ ଆର୍ଥୀକ ପ୍ରଗତି ହେବା ସହ ଛୋଟ ଛୋଟ ବେପାରୀ ମାନେ ଅଧିକ ଲାଭ ପାଆନ୍ତେ ଏବଂ ଲୋକମାନେ ମଧ୍ୟ କମ ଅର୍ଥରେ ଭଲ ସ୍ବାସ୍ଥ୍ୟକର ପାନୀୟ ପିଇପାରନ୍ତେ ।

ଆପଣ ଭାବୁଥିବେ କୋଲ୍ଡଡ୍ରିଙ୍କସ ପିଇବା ବନ୍ଦ କରିଦେଲେ ଯେଉଁ ସବୁ ଦୋକାନୀମାନେ ଏବେ ବିକ୍ରି କରୁଛନ୍ତି ସେମାନ ହଇରାଣ ହେବେ । ବାସ୍ତବରେ ଗୋଟିଏ ୧୦ରୁ ୧୨ ଟଙ୍କାର କୋଲ୍ଡଡ୍ରିଙ୍କସରୁ ଦୋକାନୀ ପାଏ ମାତ୍ର ୧ ଟଙ୍କା । ମନେକରନ୍ତୁ ଏକ ଲିଟର ଥଣ୍ଡାର ଦାମ ହେଉଛି ୫୦ ଟଙ୍କା । ସେହି ୫୦ ଟଙ୍କାର କୋଲ୍ଡଡ୍ରିଙ୍କସ ରୁ ଦୋକାନୀ ପାଏ ମାତ୍ର ୩ରୁ ୫ଟଙ୍କା । ବାକି ୪୫ ଟଙ୍କାରୁ ସରକାର ଟିକସ ପାଆନ୍ତି ସର୍ବାଧୀକ ୫ ଟଙ୍କା । ବାକି ୪୦ ଟଙ୍କା ଯାଏ କମ୍ପାନୀ ପାଖକୁ । କମ୍ପାନୀର କର୍ମଚାରୀ ଦରମା ଖର୍ଚ୍ଚ, ବୋତଲ ଖର୍ଚ୍ଚ ଏବଂ ପାନିୟ ପ୍ରସ୍ତୁତି ଖର୍ଚ୍ଚରେ ଖର୍ଚ୍ଚ ହୁଏ ସର୍ବାଧୀକ ୫ ଟଙ୍କା ରୁ ୧୦ ଟଙ୍କା । ବାକି ୩୦ ଟଙ୍କା ହେଉଛି କମ୍ପାନୀର ଲାଭ । ପ୍ରାୟ ୬୦%  ଲାଭ ହୁଏ ଏବଂ ଏହା ସିଧା ସିଧା ଚାଲିଯାଏ ବିଦେଶକୁ । ହେଲେ ଯଦି ପଇଡ ଆମେ ସମସ୍ତେ ପିଅନ୍ତେ ତାହେଲେ ଏହି ପଇସା ଓଡିଆ ଚାଷୀ, ଛୋଟ ଛୋଟ ବେପାରୀଙ୍କ ପାଖରେ ରୁହନ୍ତା ।

ଓଡିଶାର ପ୍ରାକୃତିକ ଭୌଗଳିକ ପରିବେଶ ଯାହା ସେଥିରେ ପଇଡ ଚାଷ ବ୍ୟାପକ ମାତ୍ରାରେ ହୋଇପାରିବ । ଆମର ତ ଏଠି ଅନେକ ଯାଗାରେ ଖାଲି ନଡିଆ ଚାରା ପକାଇ ଦେଲେ ଗଛ ତାର ମନକୁ ମନ ହେବ । ବିଶେଷ ଯତ୍ନ ନନେଲେବି ପଇଡ ଫଳିବ । ଦେଶର ପଇଡା ବା ନଡିଆ ପାଇଁ ଉପଯୁକ୍ତ ଥିବା ମାତ୍ର ୬ଟି ରାଜ୍ୟରୁ ଓଡିଶା ଅନ୍ୟତମ । ହେଲେ ଆମ ମାନଙ୍କ କୋଲ୍ଡଡ୍ରିଙ୍କସ ପ୍ରେମ ପାଇଁ ଏହି ପଇଡ ଚାଷ ଆଜି ନଷ୍ଟ ହେବାକୁ ବସିଲାଣି । ଏବେ ରାଜ୍ୟରେ ଯେତିକି ପଇଡ ବା ନଡିଆ ଉପ୍ତାଦନ ହେଉଛି ତାହା ଆମର କ୍ଷମତାର ମାତ୍ର ୧୦% । ଆହୁରି ଅଧିକ ୯୦% ପଇଡ ଉପ୍ତାଦନ ପାଇଁ ରାଜ୍ୟ ସକ୍ଷମ । ହେଲେ ପଇଡ ବିକ୍ରି ନହୋଇ ପାରିବା କାରଣରୁ, ଏବଂ ନଡିଆରୁ ତେଲ ବାହାର କରି ଏହାର ବିକ୍ରି ସୁବିଧା ନଥିବା କାରଣରୁ ଚାଷୀ ମାନେ ଆଉ ପଇଡ ଚାଷ ପାଇଁ ଆଗ୍ରହ ଦେଖଉ ନାହାନ୍ତି ।

ସ୍ବାସ୍ଥ୍ୟ

ଋିସର୍ଚ୍ଚରୁ ଜଣା ପଡିଛି ଯେ ଯେଉଁମାନେ ନିୟମିତ ଭାବେ ଦୈନିକ ୨୦୦ ମିଲିଲିଟରରୁ ଅଧିକ କୋଲ୍ଡ ଡ୍ରିଙ୍କସ ପିଅନ୍ତି ସେମାନେ ୪୦ ବର୍ଷ ବୟସରେ ପହଂଚିଲାବେଳକୁ ସୁଗାର ଡାଇବେଟିସ ଏବଂ କିଡନି  ରୋଗରେ ଆକ୍ରାନ୍ତ ହେବାର ସମ୍ଭାବନା ଅଧିକ । କୋଲ୍ଡ ଡ୍ରିଙ୍କସ ପିଇବା ଫଳରେ ଦାନ୍ତ ଏବଂ ହାଡକୁ ଯଥେଷ୍ଟ କ୍ଷତି ପହଂଚିଥାଏ । ପରୀକ୍ଷାରୁ ଜଣାପଡିଛି ଯେ ଗୋଟିଏ ଗ୍ଲାସରେ ଯଦି କୋକାକୋଲା ବା ସେହିଭଳି ମୃଦ୍ୟୁପାନୀୟରେ ଯଦି ଏକ ଦାନ୍ତକୁ ୧ ସପ୍ତାହ ବୁଡାଇ ରଖାଯାଇରଖାଯାଏ ତାହେଲେ ଏକ ସପ୍ତାହ ପରେ ଏହି ଦାନ୍ତଟି ସେଥିରେ ମିଳେଇ ଯିବ ଏବଂ ନିଜର ଅସ୍ତିତ୍ୱ ହରାଇବ । ଏଥିରୁ ବୁଝାପଡୁଛି ଯେ ଶରୀର ପାଇଁ କୋଲ୍ଡଡ୍ରିଙ୍କସ କେତେ ହାନି କାରକ । କୋକ ଏବଂ ଅରେଂଜ ଫ୍ଲେଭର କୋଲ୍ଡଡ୍ରିଙ୍କସରେ ମିଶୁଥିବା କୃତିମ ରଙ୍ଗ ସବୁ ହେଉଛନ୍ତି କ୍ୟାନସର ବେମାରୀ ଗୋଟିଏ ଗୋଟିଏ ଏଜେଂଟ । ମୃଦ୍ୟୁପାନିୟ ପ୍ରସ୍ତୁତିରେ ଫସପରିକଏ ଏସିଡର ବ୍ୟବହାର ହୁଏ ଯାହା କିଡନିକୁ ନଷ୍ଟ କରିଦେଇଥାଏ । କୋଲା ପିଇବା ଫଳରେ ରକ୍ତରେ ଅତ୍ୟଧିକ ଫସଫେଟ ଆସିଥାଏ ଯାହା ଶରୀରରେ କ୍ୟାଲସିୟମ ମେଟାବଲିଜିମକୁ ନଷ୍ଟ କରିଦେଇଥାଏ । କ୍ୟାଲସିୟମ ମେଟାବଲିଜିମ ନଷ୍ଟ ହେବାର ପ୍ରଭାବ ମସ୍ତିଷ୍କ, ହାଡ ଏବଂ ଦାନ୍ତ ଉପରେ ପଡେ । ମୃଦ୍ୟୁପାନୀୟରେ ସେପରି କିଛି ଏନର୍ଜି ବା ଭିଟାମିନସ ନାହିଁ । କେବଳ ପାଟି ସୁଆଦ ଏବଂ ବଡ ବଡ ସିନେମା ତାରକା ଏବଂ ଖେଳାଳୀଙ୍କ ବିଜ୍ଞାପନରେ ପ୍ରଭାବିତ ହୋଇ ଲୋକମାନେ ଏହାକୁ ପିଇ ଦେଇଥାନ୍ତି ।

କିନ୍ତୁ ପଇଡ ପିଇବା ଶରୀର ପ୍ରତି ଅନେକ ଲାଭ ଦାୟକ ହୋଇଥାଏ । ପ୍ରଥମତଃ ଏହା ସମ୍ପୁର୍ଣ୍ଣ ପ୍ରାକୃତିକ । ଏଥିରେ କୋଲ୍ଡ ଡ୍ରିଙ୍କସ ଭଳି କୌଣସି କେମିକାଲର ଭୟ ନାହିଁ । ୨୫୦ ଗ୍ରାମ ପଇଡ ପାଣିରେ ୪୬ କ୍ୟାଲୋରି ଏନର୍ଜି ଥାଏ ଯାହା ସମାନ ପରିମାଣର କୋଲ୍ଡଡ୍ରିଙ୍କସରେ ଥିବା ଏନର୍ଜି ଅପେକ୍ଷା ୪ ଗୁଣ ଅଧୀକ । ଏହା ଛଡା ପଇଡ ପାଣିରେ ଫାଇବର, ପ୍ରୋଟିନ, କାବ୍ରସ, ଭିଟାମିନ-ସି, ମ୍ୟାଗ୍ନେସିୟମ, ପୋଟାସିୟମ, କ୍ୟାଲିସିୟମ ଏବଂ ସୋଡିୟମ ଥାଏ ଯାହା ଶରୀର ପାଇଁ ବହୁତ ଭଲ । ପଇଡ ପାଣି ଶରୀରରେ ସୁଗାର ଲେଭେଲକୁ କମ କରିଥାଏ ଯାହା ଫଳରେ ଡାଇବେଟିସ ହୋଇନଥାଏ । ସର୍ଭେରୁ ଜଣାପଡିଛି ସକାଳେ ନିୟମିତ ପଇଡ ପାଣି ପିଇଲେ ଉଚ୍ଚ ରକ୍ତଚାପରୁ ମୁକ୍ତି ମିଳେ । ପଇଡ ପାଣିରେ ପଟ୍ଟାସିୟମ ଥିବାରୁ ଏହା ରକ୍ତଚ୍ଚାପକୁ ନିୟନ୍ତ୍ରଣ କରିବାରେ ସାହାଯ୍ୟ କରେ ।

ଯଦି କାହାକୁ ଡାଇରିଆ ବା ଦଣ୍ଡିସ ହୋଇଥାଏ ତାକୁ ଯଦି କୋଲ୍ଡଡ୍ରିଙ୍କସ ଦିଆଯାଏ ତାହେଲେ ରୋଗୀର ମୃତ୍ୟୁ ସୁନିଶ୍ଚିତ ହେଲେ ଯଦି ପଇଡ ପାଣି ଦିଆଯାଏ ତାହେଲେ ଏହା ରୋଗକୁ ପ୍ରଶମିତ କରିଥାଏ । ଏଥିରୁ ଜଣାପଡୁଛି ଆମେ କାହିଁକି କୋଲ୍ଡଡ୍ରିଙ୍କସକୁ ଛାଡି ପଇଡ ପିଇବା ଉଚିତ ।

ପରିବେଶ

କୋଲ୍ଡଡ୍ରିଙ୍କସର ସବୁଠାରୁ ଖରାପ ପ୍ରଭାବ ଯାହା ପରିବେଶକୁ ବହୁତ କ୍ଷତି କରେ ତାହା ହେଲା ଏହାର ପ୍ଲାଷ୍ଟିକ ବୋତଲ ଏବଂ ଏହାର ଠିପି । ଭାରତରେ ବର୍ଷକୁ ଏତେ ପରିମାଣର କୋଲ୍ଡଡ୍ରିଙ୍କସ ବିକ୍ରି ହେଉଛିଯେ ଯଦି ଏହାକୁ କେବଳ ଗୋଟିଏ ଗୋଟିଏ କରି ସଜା ଯାଏ ତାହେଲେ ସାରା ଭାରତର ଅଧା କ୍ଷେତ୍ରଫଳ ଭରିଯିବ । ଭାରତରେ ବର୍ଷକୁ ୧୩ ମିଲିୟନ ମେଟ୍ରିକ ଟନର ପ୍ଲାଷ୍ଟିକ ଉପ୍ତାଦନ ହୁଏ ଯାହାର ୩୦ରୁ ୩୫ % ହେଉଛି କେବଳ ଏହି କୋଲ୍ଡ ଡ୍ରିଙ୍କସ ପାଇଁ । ଆମ ଦେଶର ଜନସଂଖ୍ୟା ଅଧୀକ ଥିବାରୁ ପ୍ଲାଷ୍ଟିକ ବର୍ଜ୍ୟବସ୍ତୁର ପରିମାଣ ଅଧିକ ହୋଇଯାଉଛି । ଏହି ସବୁ ବୋତଲକୁ ରିସାଇକ୍ଲିଙ୍ଗ କରିବା ପାଇଁ ସରକାରୀ ବା ବେସରକାରୀ ସ୍ତରରେ କୌଣସି ବ୍ୟବସ୍ଥା ନାହିଁ । ଏତେ ବିପୁଳ ପରିମାଣ ପ୍ଲାଷ୍ଟିକ ଯିବ କୁଆଡେ । ସବୁ ଯାଉଛି ବିଭିନ୍ନ ଜଳାଶୟ, ନଦୀ, ସମୁଦ୍ର ଆଉ ମାଟିକୁ । ହେଲେ ପଇଡର କୌଣସି ବର୍ଜ୍ୟବସ୍ତୁ ନାହିଁ । ଏହାର ସମସ୍ତ ଜିନିଷ କାମରେ ଲାଗେ । ଖାଇକି ଫୋପଡା ଯାଉଥିବା ପଇଡ ଶୁଖିଲେ ସେଥିରୁ କତା ବାହାରିପାରିବ ଯେଉଁଥିରୁ ଦଉଡି ବାହାରିପାରିବ, ପା ପୋଛ, ଅଖା, ବ୍ୟାଗ, ମଶିଣା, କଣ୍ଢେଇ ଇତ୍ୟାଦି ତିଆରି ହୋଇପାରିବ । ନଡିଆ କତାରୁ ଏପରି ଅନେକ ଘରକରଣା ଜିନିଷ ତିଆରି ହୋଇପାରିବ ଯାହା ଆମର ଦୈନଦିନ ଜିବନରେ ଅନେକ କାମରେ ଆସେ । ଆଗରୁ ଶ୍ରୀ ଜଗନ୍ନାଥଙ୍କ ରଥଯାତ୍ରା ବେଳେ ଲାଗୁଥିବା ଦଉଡି ସବୁ ଆମର ସାକ୍ଷୀଗୋପାଳରେ ପ୍ରସ୍ତୁତ ହେଉଥିଲା । ଏକଥା ବେଶି ଦିନର କଥା ନୁହେଁ ମାତ୍ର ୩୦ ବର୍ଷ ତଳର କଥା । ହେଲେ ଏବେ ଏହା କେରଳରୁ ଆସୁଛି । କାରଣ ଆମେ ନଡିଆ ଚାଷକୁ ଯେତିକି ପ୍ରୋସ୍ତ୍ରାହନ ଦେବା କଥା ତାହା କରିପାରିଲେ ନାହିଁ ଯାହା ଫଳରେ ଏହି ଚାଷ ଦିନକୁ ଦିନ ଡୁବିଲା ଏବଂ ରାଜ୍ୟର ପଇଡ ଉପ୍ତାଦନ ମଧ୍ୟ କମିବାରେ ଲାଗିଲା ।

ଏସବୁର ସମାଧାନ ହେବ ଯଦି ଆମେ କୋଲ୍ଡଡ୍ରିଙ୍କସ ପିଇବା ଛାଡିବା ଏବଂ ପଡଇ ପିଇବା ।

        </description>
      </item>
   </rss>
 </channel>