RSS Feed

<?xml version="1.0" encoding="utf-8"?>

<title>Khabar Odisha</title>

Khabar Odisha: Breaking news, views, reviews from across India

</description>

</copyright>

<image>

<title>Khabar Odisha</title>

<url>

https://khabarodisha.com/passets/images/logo.png

</url>

</image>

<item>

<title>

ଓଡ଼ିଶାରେ ଗ୍ରୀନ୍ ମୋବିଲିଟି ଦିଗରେ ବଡ଼ ପଦକ୍ଷେପ; ଭୁବନେଶ୍ୱର ସମେତ ୬ ସହରରେ ୧୯୦ ଚାର୍ଜିଂ ଷ୍ଟେସନ୍ ପାଇଁ ପ୍ରସ୍ତାବ

</title>

<link>

https://khabarodisha.com/City/Odisha-to-Get-190-EV-Charging-Stations-Across-6-Cities-147911

</link>

<guid>

https://khabarodisha.com/City/Odisha-to-Get-190-EV-Charging-Stations-Across-6-Cities-147911

</guid>

Wed, 29 Apr 2026 13:52:00 GMT

</pubDate>

ଭୁବନେଶ୍ୱର: ବୈଦ୍ୟୁତିକ ଯାନ ଦିଗରେ ଓଡ଼ିଶା ନେଉଛି ବଡ଼ ପଦକ୍ଷେପ। PM E-DRIVE ଯୋଜନା ଅଧିନରେ ରାଜ୍ୟର ୬ଟି ପ୍ରମୁଖ ସହର ଅନୁଗୋଳ, ବାଲେଶ୍ୱର, ଭୁବନେଶ୍ୱର, କଟକ, କଳିଙ୍ଗନଗର ଓ ପୁରୀରେ ୧୯୦ଟି EV ଚାର୍ଜିଂ ଷ୍ଟେସନ୍ ସ୍ଥାପନ ପାଇଁ ପ୍ରସ୍ତାବ ଦିଆଯାଇଛି। ଏହି ପଦକ୍ଷେପ ରାଜ୍ୟରେ ପରିବେଶମୂଳକ ଯାନ ବ୍ୟବହାରକୁ ତ୍ୱରାନ୍ୱିତ କରିବାରେ ମୁଖ୍ୟ ଭୂମିକା ନେବ।

ଭୁବନେଶ୍ୱରରେ ଆୟୋଜିତ ଏକ ଗୁରୁତ୍ୱପୂର୍ଣ ବୈଠକରେ କେନ୍ଦ୍ର ଭାରୀ ଶିଳ୍ପ ବିଭାଗ, ରାଜ୍ୟ ପରିବହନ ପ୍ରାଧିକରଣ ଓ BHEL ମିଳିତ ଭାବେ ଏହି ପ୍ରସ୍ତାବ ଆଗକୁ ଆଣିଛନ୍ତି। ଚାର୍ଜିଂ ଷ୍ଟେସନ୍‌ଗୁଡ଼ିକ ପାଇଁ ସ୍ଥାନ ଚୟନ କାମ BHEL ଓ ପରିବହନ ପ୍ରାଧିକରଣ ମିଶିକରି କରିବେ। ବିଶେଷକରି ଜାତୀୟ ରାଜପଥ ଓ ଆଞ୍ଚଳିକ କେନ୍ଦ୍ରଗୁଡ଼ିକୁ ଅଗ୍ରଗଣ୍ୟତା ଦିଆଯିବ।

ପ୍ରକଳ୍ପ ରୂପାୟଣ ପରେ ଏହି ଷ୍ଟେସନ୍‌ଗୁଡ଼ିକୁ ରାଜ୍ୟ ପରିବହନ ପ୍ରାଧିକରଣ ନିଜେ ପରିଚାଳନା କରିପାରେ କିମ୍ବା ନୋଡାଲ ଅପରେଟରଙ୍କୁ ଦାୟିତ୍ୱ ଦେଇପାରେ। ଏହି ବ୍ୟାପକ ଯୋଜନା ପାଇଁ ୧୦,୯୦୦ କୋଟି ଟଙ୍କାର ବ୍ୟୟବରାଦ ହୋଇଛି।

ପରିବେଶ ପ୍ରଦୂଷଣ କମାଇବା ଓ ଇଲେକ୍ଟ୍ରିକ୍ ଭେହିକଲ୍ ବ୍ୟବହାରକୁ ବଢ଼ାଇବା ଲକ୍ଷ୍ୟରେ ଏହି ଭିତ୍ତିଭୂମି ବିକାଶକୁ ଏକ ମହତ୍ତ୍ୱପୂର୍ଣ ପଦକ୍ଷେପ ଭାବେ ଦେଖାଯାଉଛି। ଏହା ସହିତ ଓଡ଼ିଶା ଶୀଘ୍ର ଗ୍ରୀନ୍ ମୋବିଲିଟି ଦିଗରେ ଏକ ନୂଆ ମାଇଲଷ୍ଟୋନ୍ ସୃଷ୍ଟି କରିବାକୁ ପ୍ରସ୍ତୁତ।

</description>

</item>

<item>

<title>

ରାଜଧାନୀରେ ଅବାଧରେ ଚାଲିଛି ରେଭ୍ ପାର୍ଟି ! ନିଶାରେ ମତୁଆଲା ଯୁବପୀଢ଼ି

</title>

<link>

https://khabarodisha.com/City/illegal-rave-party-at-bhubaneswar-147778

</link>

<guid>

https://khabarodisha.com/City/illegal-rave-party-at-bhubaneswar-147778

</guid>

Mon, 27 Apr 2026 04:39:00 GMT

</pubDate>

ଗୋଟିଏ ପଟେ ରାଜ୍ୟ ସରକାର ରାଜଧାନୀ ଡାନ୍ସ ବାର୍ ଉପରେ କଟକଣା ଲାଗୁ କରିଥିବାବେଳେ ଅନ୍ୟପଟେ ଅବାଧରେ ଚାଲିଛି ରାତିସାରା ରେଭ୍ ପାର୍ଟି । ନିଶାରେ ମତୁଆଲା ହୋଇ ଡିଜେ ମ୍ୟୁଜିକରେ ଝୁମୁଛନ୍ତି ଯୁବପୀଢ଼ି । ଶେଷରେ ଖବର ପାଇ ଚଢ଼ଉ କରିଛି କମିଶନରେଟ୍ ପୋଲିସ ।

ରାଜଧାନୀ ଉପକଣ୍ଠ ଚନ୍ଦକା ଥାନା ଅଞ୍ଚଳରେ ଏକ ହୋଟେଲର ରେଭ୍ ପାର୍ଟି ଆୟୋଜିତ ହୋଇଥିଲା । ଶତାଧିକ ଯୁବପୀଢ଼ି ନିଶା ଶକ୍ତ ଅବସ୍ଥାରେ ରାତି ସାରା ନାଚିଥିଲେ । ଖବର ପାଇ ମେଣ୍ଢାଶାଳ ଏବଂ ଚନ୍ଦକା ଥାନା ପୋଲିସ ଚଢ଼ଉ କରିଥିଲା । ଚଢ଼ଉବେଳେ ନିଶା ଦ୍ରବ୍ୟ ସହିତ ଆପତ୍ତି ଜନକ ସାମଗ୍ରୀ ଜବତ କରିଛି । ପୋଲିସ ମାଲିକଙ୍କୁ ଅଟକ ରଖି ପଚରାଉଚରା କରୁଛି । ତେବେ ପୋଲିସ କହିଛି ଯେ ଏହା ରେଭ୍ ପାର୍ଟି ନ ଥିଲା ବରଂ ଜଣେ ବ୍ୟକ୍ତିଙ୍କ ବ୍ୟକ୍ତିଗତ ଜନ୍ମ ଦିନ ପାର୍ଟି ଥିଲା । କିନ୍ତୁ ସେଠାରେ ବିପୁଳ ପରିମାଣରେ ମଦ ପିଇଥିଲେ ।

କେବଳ ଏହି ଗୋଟେ ସ୍ଥାନରେ ନୁହେଁ ଏପରି ଅନେକ ରିସର୍ଟ ଏବଂ ହୋଟେଲରେ ବେଆଇନ ଭାବେ ରେଭ୍ ପାର୍ଟି ଚାଲୁଛି । ତେବେ ଏଠାରେ ପ୍ରଶ୍ନ ଉଠୁଛି ରେଭ୍ ପାର୍ଟି ପାଇଁ ଅନୁମତି ଦେଉଛି କିଏ ? ନାଁ ପୋଲିସ ଜାଣତରେ ଏସବୁ କିଛି ଚାଲିଛି ।

ଅଧିକ ପଢ଼ନ୍ତୁ:- ଚାଷ ଜମିରେ ପଡ଼ିଛି ମହିଳାଙ୍କ ଦଗ୍ଧ ମୃତଦେହ, ଶାଶୁ ଘର ପୋଡ଼ି ଦେଇଥିବା ସନ୍ଦେହ

</description>

</item>

<item>

<title>

ଏଣିକି ମହଙ୍ଗା ହେବ ଆପାର୍ଟମେଣ୍ଟ କିଣା; ନୂଆ ନିୟମରେ ବଢ଼ିଲା ଖର୍ଚ୍ଚ, ସମସ୍ତଙ୍କୁ ଏବେ ୫% ଷ୍ଟାମ୍ପ ଡ୍ୟୁଟି

</title>

<link>

https://khabarodisha.com/City/Apartment-Buyers-Hit-Hard-Flat-5-Stamp-Duty-Now-Mandatory-147643

</link>

<guid>

https://khabarodisha.com/City/Apartment-Buyers-Hit-Hard-Flat-5-Stamp-Duty-Now-Mandatory-147643

</guid>

Fri, 24 Apr 2026 06:47:00 GMT

</pubDate>

ଭୁବନେଶ୍ୱର: ରାଜ୍ୟରେ ଘର କିଣିବାକୁ ଚାହୁଁଥିବା ଲୋକଙ୍କ ପାଇଁ ଆସିଛି ବଡ଼ ଝଟକା। ଏପର୍ଯ୍ୟନ୍ତ ଆପାର୍ଟମେଣ୍ଟ ମୂଲ୍ୟ ଅନୁଯାୟୀ ୩%, ୪% ଓ ୫% ଭାବେ ତିନୋଟି ସ୍ଲାବ୍‌ରେ ଷ୍ଟାମ୍ପ ଡ୍ୟୁଟି ଲାଗୁ ହେଉଥିଲା। କିନ୍ତୁ ଏବେ ସେହି ବ୍ୟବସ୍ଥାକୁ ହଟାଇ ସମସ୍ତଙ୍କ ପାଇଁ ସିଧାସଳଖ ୫% ଷ୍ଟାମ୍ପ ଡ୍ୟୁଟି ଲାଗୁ କରାଯାଇଛି। ବୁଧବାର ରାଜ୍ୟ କ୍ୟାବିନେଟ୍ ଏହି ପ୍ରସ୍ତାବକୁ ମଞ୍ଜୁର କରିଛି।

ଏହି ନୂଆ ନିୟମ ପରେ ଆପାର୍ଟମେଣ୍ଟ କିଣିବା ଆଉ ଅଧିକ ମହଙ୍ଗା ହେବ। ପୂର୍ବରୁ ୫ ଲକ୍ଷ ପର୍ଯ୍ୟନ୍ତ ଘର କିଣିଲେ ୩% ଏବଂ ୫ରୁ ୧୫ ଲକ୍ଷ ମଧ୍ୟରେ ୪% ଷ୍ଟାମ୍ପ ଡ୍ୟୁଟି ଦେବାକୁ ପଡୁଥିଲା। କିନ୍ତୁ ଏବେ ମୂଲ୍ୟ ଯେତେ ହେଉନାହିଁ, ସିଧା ୫% ଡ୍ୟୁଟି ଦେବା ଅନିବାର୍ୟ। ଏହା ସହିତ ପୂର୍ବର ରେଜିଷ୍ଟ୍ରେସନ୍ ଫି’ ମଧ୍ୟ ଲାଗୁ ରହିବ।

ରାଜସ୍ୱ ବିଭାଗ କହୁଛି, ବର୍ତ୍ତମାନ ସମୟରେ ୧୫ ଲକ୍ଷରୁ କମ୍ ମୂଲ୍ୟରେ ଫ୍ଲାଟ୍‌ ମିଳୁନାହିଁ, ସେହିପାଇଁ ପୁରୁଣା ସ୍ଲାବ୍ ବ୍ୟବସ୍ଥାକୁ ହଟାଯାଇଛି। କିନ୍ତୁ ଏହି ନିଷ୍ପତ୍ତି ନେଇ ପ୍ରଶ୍ନ ଉଠିଛି, ଯେଉଁ ଗରିବ ଓ ମଧ୍ୟମବର୍ଗୀୟ ପରିବାର ଛୋଟ ଘର କିଣୁଥିଲେ, ସେମାନେ ଏବେ ଅଧିକ ଭାର ବୋହିବାକୁ ପଡିବ।

ସରକାରଙ୍କ ସୁଲଭ ଗୃହ ଯୋଜନା ଯଥା ପିଏମ୍-ଆବାସ ଯୋଜନାରେ ଘର କିଣୁଥିବା ଲୋକମାନେ ମଧ୍ୟ ଏଥିରୁ ବଞ୍ଚି ପାରିବେ ନାହିଁ। ପୂର୍ବରୁ କମ୍ ଡ୍ୟୁଟି ଦେଉଥିବା ଏହି ବର୍ଗକୁ ଏବେ ସିଧା ୫% ଦେବାକୁ ପଡିବ।

ଅନ୍ୟ ରାଜ୍ୟରେ କମ୍ ମୂଲ୍ୟର ଘର ପାଇଁ ରିହାତି ଥିବା ବେଳେ ଓଡ଼ିଶାରେ ଏହି ପଦକ୍ଷେପ ନେଇ ବିରୋଧ ବଢ଼ିଛି। ଏହା ଦ୍ୱାରା ଘର ମୂଲ୍ୟ ଆଉ ବଢ଼ିବ ଓ ବଜାରରେ ଅନେକ ଫ୍ଲାଟ୍ ଖାଲି ପଡି ରହିବା ସମ୍ଭାବନା ରହିଛି।

ତଥାପି ସରକାର ପକ୍ଷରୁ କୁହାଯାଇଛି ଯେ ସୁଲଭ ଗୃହ ଯୋଜନା ପାଇଁ ବିଶେଷ ରିହାତି ବିଚାରଧୀନ ଅଛି। ଏବେ ନଗର ଉନ୍ନୟନ ବିଭାଗର ଅନ୍ତିମ ନିଷ୍ପତ୍ତିକୁ ନଜର ରଖିଛନ୍ତି ସମସ୍ତେ।

</description>

</item>

<item>

<title>

ଅସହ୍ୟ ତାତିରେ ସନ୍ତୁଳି ହେଉଛି ଜନଜୀବନ; ଦିନ ୧ଟା ୩୦ ସୁଦ୍ଧା ୪୨ ଡିଗ୍ରୀ ଛୁଇଁଲା ଭୁବନେଶ୍ୱରର ପାରଦ

</title>

<link>

https://khabarodisha.com/City/unbearable-heat-in-the-capital-bhubaneswars-temperature-touched-42-degrees-by-130-pm-147590

</link>

<guid>

https://khabarodisha.com/City/unbearable-heat-in-the-capital-bhubaneswars-temperature-touched-42-degrees-by-130-pm-147590

</guid>

Thu, 23 Apr 2026 09:10:00 GMT

</pubDate>

ଭୁବନେଶ୍ୱର: ଅସହ୍ୟ ତାତିରେ ସନ୍ତୁଳି ହେଉଛି ଜନଜୀବନ। ଏବେ ରାଜଧାନୀ ଭୁବନେଶ୍ୱରର ଅବସ୍ଥା ଦେଖିଲେ ଲାଗୁଛି, ସହରଟି ସତେ ଯେମିତି ଗୋଟିଏ ତତଲା କଡେଇ। ଗୁରୁବାର ଦିନ ପାରଦ ସିଧା ୪୨ ଡିଗ୍ରୀକୁ ଛୁଇଁ ରେକର୍ଡ ଭାଙ୍ଗିଦେଇଛି। ଦିନ ବଢ଼ିବା ସହିତ ତାତିର ତେଜ ବି ବଢ଼ି ଚାଲିଛି। ଦିନ ୧ଟା ୩୦ ସୁଦ୍ଧା ଏୟାରପୋର୍ଟ ଅଞ୍ଚଳରେ ୪୨ ଡିଗ୍ରୀ ରେକର୍ଡ ହୋଇଛି।

କେବଳ ରାଜଧାନୀ ନୁହେଁ, ସାରା ଓଡ଼ିଶା ଏବେ ତାତିରେ ଜଳୁଛି। ଝାରସୁଗୁଡା ବୁଧବାର ଦେଶର ସର୍ବାଧିକ ଉତ୍ତପ୍ତ ସହର ଭାବେ ଆଗକୁ ଆସିଥିଲା, ଯେଉଁଠାରେ ପାରଦ ୪୪.୬ ଡିଗ୍ରୀକୁ ଛୁଇଁଥିଲା। ଏହା ସହିତ ରାଜ୍ୟର ବିଭିନ୍ନ ସ୍ଥାନରେ ତାପମାତ୍ରା ଲଗାତାର ବଢ଼ୁଥିବାରୁ ଲୋକମାନେ ଘରୁ ବାହାରିବାକୁ ଭୟ କରୁଛନ୍ତି।

ଗତ କିଛି ଦିନ ଧରି ପଶ୍ଚିମ ଓଡ଼ିଶାରେ ଯେପରି ତାତିର ପ୍ରଚଣ୍ଡ ରୂପ ଦେଖାଯାଉଥିଲା, ଏବେ ସେହି ତାପ ଲହରୀ ଉପକୂଳ ଓ ଦକ୍ଷିଣ ଅଞ୍ଚଳକୁ ମଧ୍ୟ ଗ୍ରସିଛି। ସୂର୍ଯ୍ୟର ତୀବ୍ର କିରଣ ଏବଂ ଗରମ ପବନ ମିଶି ଜୀବନକୁ ଅସହ୍ୟ କରିଦେଇଛି। ରାସ୍ତା ଘାଟ ଶୂନ୍ୟ ପଡ଼ିଥିବା ବେଳେ, ଠଣ୍ଡା ପାଣି ଓ ଛାୟା ପାଇଁ ଲୋକମାନେ ଆଉଟୁପାଉଟୁ ହେଉଛନ୍ତି।

ପାଣିପାଗ ବିଭାଗର ଆକଳନ ବି ଆଉ ଅଧିକ ଚିନ୍ତା ବଢ଼ାଇଛି। ୨୫ ତାରିଖ ପର୍ଯ୍ୟନ୍ତ ଏହି ତାତିରୁ ମୁକ୍ତି ମିଳିବାର ଆଶା ନାହିଁ। ତେବେ ୨୬ ତାରିଖରୁ କିଛି ସ୍ଥାନରେ ୨ରୁ ୩ ଡିଗ୍ରୀ ପର୍ଯ୍ୟନ୍ତ ତାପମାତ୍ରା କମିପାରେ ବୋଲି ସୂଚନା ମିଳିଛି।

</description>

</item>

<item>

<title>

ବଦଳିପାରେ ପୌର ନିର୍ବାଚନର ଢାଞ୍ଚା; ୨୦୨୭ ପାଇଁ ଆସୁଛି ବଡ଼ ପ୍ଲାନ୍‌

</title>

<link>

https://khabarodisha.com/City/Big-Change-Ahead-Odisha-May-Scrap-Direct-Mayor-Elections-in-2027-147554

</link>

<guid>

https://khabarodisha.com/City/Big-Change-Ahead-Odisha-May-Scrap-Direct-Mayor-Elections-in-2027-147554

</guid>

Wed, 22 Apr 2026 13:52:00 GMT

</pubDate>

ଭୁବନେଶ୍ୱର: ଓଡ଼ିଶାର ପୌର ନିର୍ବାଚନ ବ୍ୟବସ୍ଥାରେ ଆସିପାରେ ବଡ଼ ପରିବର୍ତ୍ତନ। ୨୦୨୭ ପୌର ନିର୍ବାଚନକୁ ନଜରରେ ରଖି ସରକାର ପକ୍ଷରୁ ମେୟର ଓ ପୌରାଧ୍ୟକ୍ଷଙ୍କ ନିର୍ବାଚନ ପ୍ରଣାଳୀକୁ ପୁଣିଥରେ ବଦଳାଇବାକୁ ଚର୍ଚ୍ଚା ଜୋରଦାର ହୋଇଛି। ସୂଚନା ଅନୁଯାୟୀ, ଏଥର ସିଧାସଳଖ ଭୋଟ୍‌ ନୁହେଁ, ପରୋକ୍ଷ ଭାବେ ମେୟର ଓ ପୌରାଧ୍ୟକ୍ଷ ବଛାଯିବେ।

୨୦୨୨ରେ ରାଜ୍ୟର ସମସ୍ତ ମହାନଗର ନିଗମ, ମ୍ୟୁନିସିପାଲିଟି ଓ ଏନ୍‌ଏସିରେ ପ୍ରଥମଥର ପାଇଁ ସିଧାସଳଖ ଭୋଟ୍‌ ମାଧ୍ୟମରେ ମେୟର ଓ ପୌରାଧ୍ୟକ୍ଷଙ୍କୁ ଚୟନ କରାଯାଇଥିଲା। ଜନସାଧାରଣ ନିଜେ ନେତୃତ୍ୱ ବାଛିଥିଲେ। କିନ୍ତୁ ଆସନ୍ତା ନିର୍ବାଚନରେ ଏହି ପ୍ରଣାଳୀକୁ ପୁଣି ବଦଳାଇବା ପାଇଁ ସରକାରୀ ମହଳରେ ପ୍ରସ୍ତୁତି ଚାଲିଛି।

ନୂଆ ପ୍ରସ୍ତାବ ଅନୁସାରେ, ନିର୍ବାଚିତ କର୍ପୋରେଟରମାନେ ମେୟରଙ୍କୁ ବାଛିବେ ଏବଂ କାଉନ୍ସିଲରମାନେ ପୌରାଧ୍ୟକ୍ଷଙ୍କୁ ନିର୍ବାଚନ କରିବେ। ଏହି ପରିବର୍ତ୍ତନ ପାଇଁ ଓଡ଼ିଶା ମ୍ୟୁନିସିପାଲିଟି ଆକ୍ଟ, ୨୦୦୩ ଓ ଓଡ଼ିଶା ମ୍ୟୁନିସିପାଲ କର୍ପୋରେସନ୍‌ ଆକ୍ଟ, ୨୦୦୩ରେ ସଂଶୋଧନ ଆଣାଯିବାର ସମ୍ଭାବନା ରହିଛି।

ଜଣାପଡ଼ୁଛି ଯେ, ୨୦୧୮ରେ ହୋଇଥିବା ସଂଶୋଧନ ମାଧ୍ୟମରେ ପ୍ରତ୍ୟକ୍ଷ ନିର୍ବାଚନ ବ୍ୟବସ୍ଥା ଲାଗୁ ହୋଇଥିଲେ ମଧ୍ୟ, ବର୍ତ୍ତମାନ ପୁଣି ପରୋକ୍ଷ ପ୍ରଣାଳୀକୁ ଫେରିବା ଯୋଜନା ଚାଲିଛି। ଏହାସହ ଅନେକ ପୌରସଂସ୍ଥାରେ ୱାର୍ଡ ସଂଖ୍ୟା ବୃଦ୍ଧି, ସୀମା ପୁନଃନିର୍ଦ୍ଧାରଣ ଓ ସଂରକ୍ଷଣ ବ୍ୟବସ୍ଥାରେ ବଦଳ ଆଣିବା ନେଇ ମଧ୍ୟ ଚର୍ଚ୍ଚା ହେଉଛି।

ରାଜନୈତିକ ମହଳରେ ଏହାକୁ ନେଇ ତର୍କ ବଢ଼ୁଥିବାବେଳେ, ଶାସକ ଦଳ ପକ୍ଷରୁ ଆଗାମୀ ନିର୍ବାଚନରେ ଅଧିକ ପୌରସଂସ୍ଥା ଦଖଳ କରିବାକୁ ଏକ ରଣନୀତି ଭାବେ ଦେଖାଯାଉଛି।

ଏହି ପ୍ରସ୍ତାବକୁ ଶୀଘ୍ର କ୍ୟାବିନେଟ୍‌ରେ ଅନୁମୋଦନ ପାଇଁ ରଖାଯିବ ଏବଂ ପରେ ବିଧାନସଭାରେ ପାସ୍‌ କରାଯିବାର ଯୋଜନା ରହିଛି। ଯଦି ଏହା ଲାଗୁ ହୁଏ, ତେବେ ଓଡ଼ିଶାର ପୌର ନିର୍ବାଚନ ଇତିହାସରେ ଆଉ ଗୋଟିଏ ବଡ଼ ପରିବର୍ତ୍ତନ ଲିପିବଦ୍ଧ ହେବ।

</description>

</item>

<item>

<title>

ଭୁବନେଶ୍ୱରର ପଳାଶୁଣିରେ ହୁତୁହୁତୁ ହୋଇ ଜଳିଗଲା ଚଳନ୍ତା ଟ୍ରକ; ଅଳ୍ପକେ ବର୍ତ୍ତିଗଲେ ଡ୍ରାଇଭର ଓ ହେଲପର

</title>

<link>

https://khabarodisha.com/City/moving-truck-turns-into-fireball-on-nh-16-in-bhubaneswar-traffic-hit-147550

</link>

<guid>

https://khabarodisha.com/City/moving-truck-turns-into-fireball-on-nh-16-in-bhubaneswar-traffic-hit-147550

</guid>

Wed, 22 Apr 2026 12:33:00 GMT

</pubDate>

ରାଜଧାନୀ ଭୁବନେଶ୍ୱରର ପଳାଶୁଣି ଛକ ନିକଟରେ ବୁଧବାର ଦିନ ଏକ ଭୟଙ୍କର ଅଗ୍ନିକାଣ୍ଡ ଘଟିଛି। ଜାତୀୟ ରାଜପଥ-୧୬ ଉପରେ ଚାଲୁଥିବା ଅବସ୍ଥାରେ ଏକ ଟ୍ରକରେ ହଠାତ୍ ନିଆଁ ଲାଗିଯାଇଛି। ଚାହୁଁ ଚାହୁଁ ଟ୍ରକଟି ହୁତୁହୁତୁ ହୋଇ ଜଳିଉଠିଥିଲା। ଏହି କାରଣରୁ ଅଞ୍ଚଳରେ ଭୟ ଓ ଅସ୍ଥିରତା ସୃଷ୍ଟି ହୋଇଥିଲା।

ସୂଚନା ଅନୁଯାୟୀ, ଟ୍ରକଟିରେ ହଠାତ୍ ନିଆଁ ଲାଗିଯାଇଥିଲା ଏବଂ କିଛି ସମୟ ପରେ ନିଆଁ ଭୟଙ୍କର ରୂପ ନେଇଥିଲା। ଡ୍ରାଇଭର ଓ ହେଲପର ତୁରନ୍ତ ଟ୍ରକରୁ ବାହାରି ଯାଇଥିବାରୁ ସେମାନେ ଅଳ୍ପକେ ଜୀବନ ବଞ୍ଚାଇ ପାରିଛନ୍ତି। ଘଟଣାର ସୂଚନା ପାଇବା ପରେ ଅଗ୍ନିଶମ ବାହିନୀର ଟିମ୍ ତୁରନ୍ତ ସ୍ଥାନୀୟ ଅଞ୍ଚଳରେ ପହଞ୍ଚି ନିଆଁକୁ ନିୟନ୍ତ୍ରଣ କରିଥିଲେ। କିଛି ସମୟର ପ୍ରଚେଷ୍ଟା ପରେ ନିଆଁକୁ ସଫଳତାର ସହ ଆୟତ୍ତ କରାଯାଇଥିଲା।

ଏହି ଘଟଣା ପରେ ଓଭରବ୍ରିଜ୍‌ ଉପରେ ଦୀର୍ଘ ସମୟ ପର୍ଯ୍ୟନ୍ତ ଯାତାୟାତ ପୂରାପୂରି ଠପ୍‌ ହୋଇପଡ଼ିଥିଲା। ଦୁଇପଟେ ଲମ୍ବା ଗାଡ଼ି ଲାଇନ୍‌ ଦେଖିବାକୁ ମିଳିଥିଲା। ଅଗ୍ନିକାଣ୍ଡର କାରଣ କଣ ତାହା ଏପର୍ଯ୍ୟନ୍ତ ସ୍ପଷ୍ଟ ହୋଇନଥିବାବେଳେ ପୁଲିସ ଓ ପ୍ରଶାସନ ତଦନ୍ତ ଆରମ୍ଭ କରିଛନ୍ତି। ଟ୍ରାଫିକ ସମସ୍ୟା ଉପୁଜିବାରୁ ପଳାଶୁଣୀ ରାସ୍ତାରେ ଯାତାୟାତ କଟକଣା ଲାଗୁ କରିଛି ପୋଲିସ। ୧ ଘଣ୍ଟା ପାଇଁ ଏହି କଟକଣା ଲାଗୁ ହୋଇଛି। ଟ୍ରକ ଜାଳିବା ପରେ ସମସ୍ୟା ହେବାରୁ ବିକଳ୍ପ ରାସ୍ତା ଦେଇ ଯିବାକୁ ପରାମର୍ଶ ଦେଇଛି ପୋଲିସ।

</description>

</item>

<item>

<title>

ଡିଜିଟାଲ୍ ଶାସନରେ ଓଡ଼ିଶାର ବଡ଼ ପଦକ୍ଷେପ; OSWAS ନେଇଆସିଲା ସ୍ମାର୍ଟ ଶାସନ, ସମସ୍ତ ULBରେ ହେବ ଲାଗୁ

</title>

<link>

https://khabarodisha.com/City/odishas-oswas-reform-sets-new-benchmark-in-digital-governance-147196

</link>

<guid>

https://khabarodisha.com/City/odishas-oswas-reform-sets-new-benchmark-in-digital-governance-147196

</guid>

Wed, 15 Apr 2026 14:07:00 GMT

</pubDate>

ଭୁବନେଶ୍ୱର: ଓଡ଼ିଶା ନଗର ପ୍ରଶାସନରେ ଆଉ ଏକ ଐତିହାସିକ ପଦକ୍ଷେପ ନେଇଛି। Odisha Secretariat Workflow Automation System (OSWAS) ସଫଳତାର ସହିତ ରାଜ୍ୟର ସମସ୍ତ ୧୧୫ଟି Urban Local Bodies (ULBs)ରେ ଲାଗୁ ହୋଇ ଡିଜିଟାଲ୍ ଶାସନକୁ ନୂଆ ଦିଗ ଦେଇଛି। Housing & Urban Development Department ପକ୍ଷରୁ ଆରମ୍ଭ ହୋଇଥିବା ଏହି ପ୍ରୟାସ ପୁରୁଣା କାଗଜ ଭିତ୍ତିକ ପ୍ରଣାଳୀକୁ ପଛକୁ ଛାଡ଼ି ଏକ ସ୍ୱଚ୍ଛ, ଦ୍ରୁତ ଓ କାର୍ଯ୍ୟକ୍ଷମ ବ୍ୟବସ୍ଥା ସୃଷ୍ଟି କରିଛି।

ଏହି ବ୍ୟବସ୍ଥା ଅଧୀନରେ ୫ଟି ମ୍ୟୁନିସିପାଲ୍ କର୍ପୋରେସନ୍, ୪୮ଟି ମ୍ୟୁନିସିପାଲିଟି ଓ ୬୨ଟି ନୋଟିଫାଇଡ୍ ଏରିଆ କାଉନ୍ସିଲ୍‌ରେ OSWAS ଲାଗୁ ହୋଇଛି। Tata Consultancy ସେରବିସସ (TCS) ଓ Odisha Computer Application Centre (OCAC) ମିଶି ଏହାକୁ ଉନ୍ନତ କରିଛନ୍ତି। ଏହି ପ୍ଲାଟଫର୍ମ ଦ୍ୱାରା ଅଧିକାରିକ ଫାଇଲ୍‌ଗୁଡ଼ିକର ସମ୍ପୂର୍ଣ୍ଣ ଡିଜିଟାଲ୍ ପରିଚାଳନା, ରିଅଲ୍-ଟାଇମ୍ ଟ୍ରାକିଂ ଓ ସମୟସୀମା ମଧ୍ୟରେ ନିଷ୍ପତ୍ତି ନେବା ସୁବିଧା ମିଳୁଛି।

ଏନେଇ ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର କହିଛନ୍ତି, "OSWAS ନଗର ପ୍ରଶାସନକୁ ଆଧୁନିକ କରିବାରେ ଏକ ମାଇଲଷ୍ଟୋନ୍। ଏହା ପାରଦର୍ଶିତା, ଦ୍ରୁତତା ଓ ଦାୟିତ୍ୱବୋଧକୁ ବଢ଼ାଇ ଲୋକମାନଙ୍କୁ ଶୀଘ୍ର ଓ ଉନ୍ନତ ସେବା ଦେବାରେ ସାହାଯ୍ୟ କରୁଛି। ଦୈନନ୍ଦିନ ପ୍ରଶାସନରେ ସ୍ୱଚ୍ଛତା, ଗତି ଏବଂ ଦାୟିତ୍ୱ ଆଣି, ଆମେ ନାଗରିକମାନଙ୍କୁ ଉତ୍ତମ ଏବଂ ଦ୍ରୁତ ସେବା ପ୍ରଦାନ କରିବା ପାଇଁ ଆମର ସହରାଞ୍ଚଳ ସ୍ଥାନୀୟ ସଂସ୍ଥାଗୁଡ଼ିକୁ ସଶକ୍ତ କରୁଛୁ। ଏହି ପଦକ୍ଷେପ ଏକ ଭିକ୍ସିଟ୍ ଓଡ଼ିଶା ପାଇଁ ଦକ୍ଷ, ପ୍ରଯୁକ୍ତିବିଦ୍ୟା-ଚାଳିତ ପ୍ରତିଷ୍ଠାନ ଗଠନ ପ୍ରତି ଆମର ପ୍ରତିବଦ୍ଧତାକୁ ପ୍ରତିଫଳିତ କରେ।"

ପୂର୍ବରୁ ମ୍ୟୁନିସିପାଲ୍ କାର୍ଯ୍ୟାଳୟଗୁଡ଼ିକରେ ଫାଇଲ୍ ଘୁରଣିରେ ବିଳମ୍ବ ଓ ଅସଙ୍ଗତି ଥିଲା। କିନ୍ତୁ OSWAS ଆସିବା ପରେ ସ୍ଥିର ପ୍ରକ୍ରିୟା, ଡିଜିଟାଲ୍ ଅଡିଟ୍ ଟ୍ରେଲ୍ ଓ ଆଟୋମେଟେଡ୍ ସିଷ୍ଟମ୍ ମାଧ୍ୟମରେ ଦକ୍ଷତା ବଢ଼ିଛି।

ସେହିପରି ଅତିରିକ୍ତ ମୁଖ୍ୟ ସଚିବ ଉଷା ପାଢ଼ୀ କହିଛନ୍ତି, ଏହା କେବଳ ଟେକ୍ନୋଲୋଜି ଅପଗ୍ରେଡ୍ ନୁହେଁ, ବରଂ ଏକ ସମ୍ପୂର୍ଣ୍ଣ ପ୍ରଶାସନିକ ସଂଶୋଧନ। ଡ୍ୟାଶବୋର୍ଡ ମାଧ୍ୟମରେ ଫାଇଲ୍ ଗତିବିଧି ଓ ପେଣ୍ଡେନ୍ସି ଟ୍ରାକ୍ କରିବା ସହ ଏହା ଡାଟା ଭିତ୍ତିକ ନିଷ୍ପତ୍ତିକୁ ସହଜ କରୁଛି।

OSWAS ମାଧ୍ୟମରେ ଓଡ଼ିଶା ଦେଶରେ ଡିଜିଟାଲ୍ ଶାସନର ଏକ ନୂତନ ମାନଦଣ୍ଡ ସ୍ଥାପନ କରିଛି, ଯାହା ‘ବିକସିତ ଓଡ଼ିଶା’ ଦୃଷ୍ଟିକୋଣକୁ ଆହୁରି ମଜବୁତ କରୁଛି।

</description>

</item>

<item>

<title>

ରାଜଧାନୀ ପ୍ରତିଷ୍ଠା ଦିବସରେ ରାଜନୀତି, ନିମନ୍ତ୍ରଣକୁ ନେଇ ସାଂସଦ-ମେୟର କଥା କଟାକଟି

</title>

<link>

https://khabarodisha.com/City/Sulochana-Das-and-Aparajita-Sarangi-face-to-face-147064

</link>

<guid>

https://khabarodisha.com/City/Sulochana-Das-and-Aparajita-Sarangi-face-to-face-147064

</guid>

Mon, 13 Apr 2026 10:13:00 GMT

</pubDate>

ଭୁବନେଶ୍ୱର: ଆଜି ହେଉଛି ରାଜ୍ୟ ରାଜଧାନୀ ଭୁବନେଶ୍ୱରର ପ୍ରତିଷ୍ଠା ଦିବସ । ୭୭ ଯାତ୍ରା ସଫଳତାର ସହ ପୂରଣ କରି ୭୮ ବର୍ଷରେ ପାଦ ଥାପିଛି ଭୁବନେଶ୍ୱର ସହର । କିନ୍ତୁ ଏହି ପ୍ରତିଷ୍ଠା ଦିବସରେ ରାଜନୀତି ତେଜିଛି । ନିମନ୍ତ୍ରଣକୁ ନେଇ ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଓ ମେୟର ସୁଲୋଚନା ଦାସଙ୍କ ମଧ୍ୟରେ କଥାକଟି ହୋଇଛି ।

ସାଂସଦ ଷଡ଼ଙ୍ଗୀ କହିଛନ୍ତି ଯେ ବିଗତ ସରକାର ସମୟରେ ଭୁବନେଶ୍ୱର ପ୍ରତିଷ୍ଠା ଦିବସରେ ତାଙ୍କୁ ନିମନ୍ତ୍ରଣ କରାଯାଉନଥିଲା । ଏକଥା ସମସ୍ତେ ଜାଣନ୍ତି । କିନ୍ତୁ ଆମ ସରକାର ଆସିବା ପରେ ତାଙ୍କୁ ନିମନ୍ତ୍ରଣ କରାଯାଇଛି । ଯେଉଁଥିପାଇଁ ସେ ବହୁତ ଖୁସି ମଧ୍ୟ ଅଛନ୍ତି । ଏଥିପାଇଁ ସରକାର ଏବଂ ମେୟରଙ୍କୁ ଧନ୍ୟବାଦ ଜଣାଇଛନ୍ତି ସାଂସଦ । ସେ ଆହୁରି କହିଛନ୍ତି, ଭୁବନେଶ୍ୱର ସହିତ ତାଙ୍କର ଭାବନାତ୍ମକ ସମ୍ପର୍କ ରହିଛି । ପ୍ରତ୍ୟେକ ବର୍ଷ ଏପ୍ରିଲ ୧୩ରେ ରାଜଧାନୀ ପ୍ରତିଷ୍ଠା ଦିବସ ପାଳିତ ହେବ,ସେତେବେଳେ ସେ ଯେଉଁଠି ଥିଲେ ବି ଆସିକି ଯୋଗ ଦେବେ ।

ସାଂସଦଙ୍କ ଏଭଳି ଅଭିଯୋଗକୁ ଅତ୍ୟନ୍ତ ଦୁଃଖଦ କଥା କହିଛନ୍ତି ମେୟର ସୁଲୋଚନା ଦାସ । ମେୟର ସାଂସଦଙ୍କ ଅଭିଯୋଗକୁ ଖଣ୍ଡନ କରି କହିଛନ୍ତି ଯେ ଯେବେଠାରୁ ସେ ମେୟର ହୋଇଛନ୍ତି ସେବେଠାରୁ ଗତ ୪ ବର୍ଷ ହେଲା ନିମନ୍ତ୍ରଣ କରାଯାଉଛି । କିନ୍ତୁ ସେ ଅଲଗା କାମରେ ସହରରୁ ବାହାରେ ଥାଆନ୍ତି ଆସିପାରନ୍ତି ନାହିଁ । ଗତ ବର୍ଷେ ସେ ନିଜେ ସାଂସଦଙ୍କ ସହିତ ଫୋନରେ କଥା ହୋଇଥିଲେ । କିନ୍ତୁ ସେ ଆସିନ ଥିଲେ । ଯେତେ କାମ ରହିଲେ ମଧ୍ୟ ସାଂସଦ ସମୟ ବାହାର କରି ରାଜଧାନୀ ପ୍ରତିଷ୍ଠା ଦିବସରେ ଆସିବା ଜରୁରୀ । ଭୁବନେଶ୍ୱର ପ୍ରଥମେ ଅନ୍ୟ ସବୁ କାମ ପରେ ବୋଲି କହିଛନ୍ତି ସୁଲୋଚନା ।

</description>

</item>

<item>

<title>

ଏପ୍ରିଲ ୩୦ ସୁଦ୍ଧା ଖୋଲିବ ସାଲିଆ ସାହି ରାସ୍ତା

</title>

<link>

https://khabarodisha.com/City/salia-sahi-road-to-be-opened-by-april-30-146782

</link>

<guid>

https://khabarodisha.com/City/salia-sahi-road-to-be-opened-by-april-30-146782

</guid>

Tue, 07 Apr 2026 14:02:00 GMT

</pubDate>

ଭୁବନେଶ୍ୱର: .ଖୁବଶୀଘ୍ର ଭୁବନେଶ୍ୱର ନୟାପଲ୍ଲୀ ସାଲିଆ ସାହି ନିକଟସ୍ଥ ନିର୍ମାଣଧୀନ ରାସ୍ତା ଶେଷ ହେବ । ଆସନ୍ତା ଏପ୍ରିଲ ଆସନ୍ତା ଏପ୍ରିଲ ୩୦ ତାରିଖ ସୁଦ୍ଧା ଜନସାଧାରଣଙ୍କ ପାଇଁ ଉନ୍ମୁକ୍ତ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇ ପୂର୍ତ୍ତ ବିଭାଗ ମନ୍ତ୍ରୀ ପୃଥ୍ୱୀରାଜ ହରିଚନ୍ଦନ ।

ମନ୍ତ୍ରୀ ଆଜି ନୟାପଲ୍ଲୀ ସାଲିଆ ସାହି ନିକଟରେ ନିର୍ମାଣାଧୀନ ସମାନ୍ତରାଳ ରାସ୍ତା (Left Parallel Road) କାର୍ଯ୍ୟର ସମୀକ୍ଷା କରିଛନ୍ତି । ଏହି ନିର୍ମାଣ କାର୍ଯ୍ୟକୁ ଶୀଘ୍ର ଶେଷ କରି ଆସନ୍ତା ଏପ୍ରିଲ ୩୦ ତାରିଖ ସୁଦ୍ଧା ଜନସାଧାରଣଙ୍କ ପାଇଁ ଉନ୍ମୁକ୍ତ କରିବାକୁ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ସହରରେ ବଢୁଥିବା ଟ୍ରାଫିକ ସମସ୍ୟାର ସମାଧାନ ପାଇଁ ଏହି ରାସ୍ତା ଏକ ମୁଖ୍ୟ ମାଧ୍ୟମ ସାଜିବ ଏବଂ ଯାତାୟାତକୁ ଅଧିକ ସହଜ ଓ ସୁଗମ କରିବ। ଏହାଦ୍ୱାରା ସିଆରପିଏଫ୍ ଛକ, ଉତ୍କଳ ହସ୍ପିଟାଲ, ଇନଫୋସିସ୍ ଓ କିମ୍ସ୍ , କିଟ୍ ଅଞ୍ଚଳକୁ ଯୋଗାଯୋଗ ବହୁତ ସହଜ ହୋଇପାରିବ।

ଏହି ସମୀକ୍ଷାରେ ମନ୍ତ୍ରୀଙ୍କ ସହିତ ସର୍ବୋଚ୍ଚ ଯନ୍ତ୍ରୀ (ରାସ୍ତା) ଇଂ. ଧ୍ୟାନଚାନ୍ଦ ନାୟକ, ମୁଖ୍ୟ ନିର୍ମାଣ ଯନ୍ତ୍ରୀ ଇଂ. ମନୋଜ ମହାନନ୍ଦ, ଅଧୀକ୍ଷଣ ଯନ୍ତ୍ରୀ (ରାସ୍ତା ଓ ଗୃହ, ଡିଭିଜନ-୩) ଇଂ. ନରେନ୍ଦ୍ର କୁମାର ଘଡେଇ ଏବଂ ବିଭାଗୀୟ ଅନ୍ୟ ଅଧିକାରୀମାନେ ଉପସ୍ଥିତ ଥିଲେ।

ଅଧିକ ପଢ଼ନ୍ତୁ:- ପୁଣି ଆମ ବସ୍ ଦୁର୍ଘଟଣା; ହାଇୱାକୁ ପଛରୁ ଦେଲା ଧକ୍କା, ଅଳ୍ପକେ ବର୍ତ୍ତିଲେ ଯାତ୍ରୀ

</description>

</item>

<item>

<title>

ଦୁଇଦିନ ଧରି ଝୁମିବ ରାଜଧାନୀ; ଭୁବନେଶ୍ୱର ପ୍ରତିଷ୍ଠା ଦିବସ ପାଳନ ପାଇଁ ଚାଲିଛି ଭବ୍ୟ ପ୍ରସ୍ତୁତି

</title>

<link>

https://khabarodisha.com/City/a-high-level-preparatory-meeting-for-the-grand-celebration-of-the-78th-foundation-day-of-bhubaneswar-146523

</link>

<guid>

https://khabarodisha.com/City/a-high-level-preparatory-meeting-for-the-grand-celebration-of-the-78th-foundation-day-of-bhubaneswar-146523

</guid>

Thu, 02 Apr 2026 14:25:00 GMT

</pubDate>

ଭୁବନେଶ୍ୱର: ଓଡ଼ିଶାର ରାଜଧାନୀ ଭୁବନେଶ୍ୱରର ୭୮ତମ ପ୍ରତିଷ୍ଠା ଦିବସକୁ ଚଳିତ ବର୍ଷ ଭବ୍ୟ ଓ ଆକର୍ଷଣୀୟ ଭାବେ ପାଳନ କରିବାକୁ ପ୍ରସ୍ତୁତି ଜୋରଦାର ହୋଇଛି। ଅପ୍ରିଲ ୧୩ ଓ ୧୪ ଏହି ଦୁଇ ଦିନ ଧରି ଏହି ମହୋତ୍ସବ ଆୟୋଜିତ ହେବାକୁ ଥିବା ବେଳେ, ସରକାରୀ ସ୍ତରରେ ସମସ୍ତ ପ୍ରସ୍ତୁତିକୁ ଅନ୍ତିମ ରୂପ ଦିଆଯାଇଛି।

ଲୋକସେବା ଭବନରେ ମୁଖ୍ୟ ଶାସନ ସଚିବ ଅନୁ ଗର୍ଗଙ୍କ ଅଧ୍ୟକ୍ଷତାରେ ହୋଇଥିବା ଉଚ୍ଚସ୍ତରୀୟ ବୈଠକରେ ଏହି ଉତ୍ସବ ପାଳନ ସମ୍ପର୍କରେ ମୁଖ୍ୟ ନିଷ୍ପତ୍ତି ଗ୍ରହଣ କରାଯାଇଛି। ଏବର୍ଷ ଏପ୍ରିଲ ୧୩ରେ ସ୍ୱତନ୍ତ୍ର ଭାବେ ଏବଂ ୧୪ରେ ରାଜ୍ୟ ସରକାରଙ୍କ “ଓଡ଼ିଆ ପକ୍ଷ” ସହ ସମନ୍ୱୟରେ ଉତ୍ସବ ପାଳନ କରାଯିବ।

ପ୍ରଥମ ଦିନ ପିଏମଜି ଛକରେ ଅବସ୍ଥିତ ପ୍ରତିଷ୍ଠା ଶିଳାନ୍ୟାସ ଫଳକରେ ପୁଷ୍ପମାଲ୍ୟ ଅର୍ପଣ ସହ କାର୍ଯ୍ୟକ୍ରମ ଆରମ୍ଭ ହେବ। ପରେ ମୁଖ୍ୟ ଅତିଥିଙ୍କ ଦ୍ୱାରା ପତାକା ଉତ୍ତୋଳନ କରାଯିବା ସହ ରବୀନ୍ଦ୍ର ମଣ୍ଡପରୁ ଜୟଦେବ ଭବନ ପର୍ଯ୍ୟନ୍ତ ଆକର୍ଷଣୀୟ ବେସାମରିକ ପରେଡ୍ ଆୟୋଜିତ ହେବ। ଏହା ସହ ଜୟଦେବ ଭବନରେ ରାଜଧାନୀର ଐତିହ୍ୟ ଓ ଗୌରବକୁ ଉଜାଗର କରିବାକୁ ଫଟୋ ପ୍ରଦର୍ଶନୀ ମଧ୍ୟ ଲୋକଙ୍କ ଆକର୍ଷଣ କେନ୍ଦ୍ରବିନ୍ଦୁ ପାଲଟିବ।

ତେବେ ଗ୍ରୀଷ୍ମ ପ୍ରଭାବକୁ ଦୃଷ୍ଟିରେ ରଖି ପରେଡ୍ କାର୍ଯ୍ୟକ୍ରମକୁ ପ୍ରାତଃକାଳୀନ ସମୟରେ ଶେଷ କରିବାକୁ ନିର୍ଦ୍ଦେଶ ଦିଆଯାଇଛି। ସେହିପରି ଛାତ୍ରଛାତ୍ରୀଙ୍କ ପାଇଁ ପାଣି, ଓଆରଏସ୍‌ ଓ ଆବଶ୍ୟକ ସୁବିଧା ସୁନିଶ୍ଚିତ କରାଯିବ।

ଅପ୍ରିଲ ୧୩ ସନ୍ଧ୍ୟାରେ ଉତ୍କଳ ମଣ୍ଡପରେ “ରାଜଧାନୀ ଗୌରବ ସମ୍ମାନ” ପ୍ରଦାନ କରାଯିବା ସହ ବିଭିନ୍ନ ପ୍ରତିଯୋଗିତାର ବିଜେତାମାନେ ସମ୍ମାନିତ ହେବେ। ଏଥି ସହିତ ଓଡ଼ିଆ ସଂସ୍କୃତିକ ରଙ୍ଗରେ ଭରିଥିବା ଚିତ୍ତାକର୍ଷକ କାର୍ଯ୍ୟକ୍ରମ ଦର୍ଶକଙ୍କୁ ମନୋମୁଗ୍ଧ କରିବ।

ସେହିପରି ଦ୍ୱିତୀୟ ଦିନ ଅପ୍ରିଲ ୧୪ରେ ମଧ୍ୟ ଉତ୍କଳ ମଣ୍ଡପରେ ଓଡ଼ିଆ ପକ୍ଷ ସହ ସାଂସ୍କୃତିକ କାର୍ଯ୍ୟକ୍ରମ ଆୟୋଜିତ ହେବ।ଦୁଇଦିନ ଧରି ଏହି ଉତ୍ସବରେ ବିଭିନ୍ନ ଅତିଥିମାନେ ଯୋଗଦେବାର କାର୍ଯ୍ୟକ୍ରମ ରହିଛି। ରାଜଧାନୀ ଭୁବନେଶ୍ୱର ଏହି ଦୁଇ ଦିନ ଧରି ଉତ୍ସବ, ସଂସ୍କୃତି ଓ ଗୌରବର ରଙ୍ଗରେ ରଙ୍ଗିତ ହେବାକୁ ପ୍ରସ୍ତୁତ ହେଉଛି।

ଅଧିକ ପଢନ୍ତୁ: ଖୁବଶୀଘ୍ର ଆସୁଛି ‘କନ୍ୟା ସୁମଙ୍ଗଳ ଯୋଜନା’; ଝିଅ ଜନ୍ମରୁ ୨୧ ବର୍ଷ ପର୍ଯ୍ୟନ୍ତ ମିଳିବ ସରକାରୀ ଆର୍ଥିକ ସହାୟତା

</description>

</item>

</rss>

</channel>