କେନ୍ଦ୍ରାପଡ଼ାରେ ଦବିଲା ନିର୍ମାଣାଧିନ ରେଳ ଲାଇନ । ମାର୍ଶାଘାଇ କେନାଲ ବ୍ରିଜ୍ ଗୋସେଇଁ ବନ୍ଧଠାରେ ନିର୍ମାଣାଧୀନ ରେଳ ଲାଇନ ଦବିଯିବାରୁ ୨ଟି ଘର କ୍ଷତିଗ୍ରସ୍ତ ହୋଇଛି ।

ଗତକାଲି ବିଳମ୍ବିତ ରାତିରେ କେନ୍ଦ୍ରାପଡ଼ା ହରିଦାସପୁର-ପାରାଦୀପ ମାର୍ଶାଘାଇ କେନାଲ ବ୍ରିଜ୍ ଗୋସେଇଁ ବନ୍ଧଠାରେ ନିର୍ମାଣାଧୀନ ରେଳ ଲାଇନ ଦବି ଯାଇଛି । ରେଳ ଲାଇନ ଦବି ଯିବାବାରୁ ରାସ୍ତାକଡ଼ରେ ଥିବା ୨ଟି ଘର କ୍ଷତିଗ୍ରସ୍ତ ହୋଇଛି । ୨ଟି ଘରର କାନ୍ଥ ଫାଟିଥିବାରୁ ପରିବାର ଲୋକେ ଭୟଭୀତ ହୋଇପଡ଼ିଛନ୍ତି । ନିମ୍ନମାନର କାମ ଯୋଗୁଁ ରେଳ ଲାଇନ ଦବି ଯାଇଥିବା ଅଭିଯୋଗ ହୋଇଛି । ରେଳ ଲାଇନରୁ ୫୦ ଫୁଟ ନିକଟରେ ଥିବା ପରିବାର କ୍ଷତିଗ୍ରସ୍ତ ହୋଇଛନ୍ତି ।

କ୍ଷୁଧାର୍ତ୍ତଙ୍କ ପାଇଁ ଅନ୍ନଦାନ । ଅସହାୟଙ୍କ ପେଟକୁ ମୁଠାଏ ଦାନା । କୌଣସି ଏନ୍‌ଜିଓ, ସରକାରୀ ବା ଅନ୍ୟ କାହାର ସହଭାଗୀତାରେ ନୁହେଁ ବରଂ ନିଜ ଉପାୟରେ ଖୋଲିଛନ୍ତି ମାଗଣା ଅନ୍ନଦାନ ସେବା । ଏହି ମାଗଣା ଅନ୍ନଦାନ ସେବା ଖୋଲାଯାଇଛି ସ୍ଥାନୀୟ ଲକ୍ଷ୍ମୀସାଗର ଅଞ୍ଚଳ ସ୍ଥିତ ଟ୍ରାଫିକ ଛକ ନିକଟରେ । ରାଜ୍ୟ ସରକାରଙ୍କ ୫ ଟଙ୍କିଆ ଆହାର କେନ୍ଦ୍ର ଭଳି ଏହି ଖାଇବା ସୁବିଧାକୁ ମଧ୍ୟ ଅଧିକ ଗୁରୁତ୍ୱ ଦିଆଯାଇଛି । ଖାଦ୍ୟର ଗୁଣବତା ମଧ୍ୟ ଉଚ୍ଚକୋଟିର । ଦିନକୁ ପ୍ରାୟ ଦୁଇଶହରୁ ଅଧିକ ଗରିବ ଓ ବାସହରା ଲୋକମାନେ ଏଠାକୁ ଖାଇବା ପାଇଁ ଆସୁଥିବା ବେଳେ ଭିକ୍ଷୁକଙ୍କ ପାଇଁ ଏହି ଅନ୍ନଦାନ ବର ପ୍ରଦାନସ୍ୱରୂପ ହୋଇଛି ।   

ସପ୍ତାହରେ ରବିବାରକୁ ବାଦ୍ ଦେଲେ ୬ ଦିନ ଖୋଲା ରହୁଥିବା ଏହି ଅନ୍ନଦାନ କେନ୍ଦ୍ର ଲକ୍ଷ୍ମୀସାଗର ଅଂଚଳରେ ପ୍ରତିଷ୍ଠିତ ହୋଇପାରିଛି । ଦିନ ୧ଟା ହୋଇଗଲେ ଏହି କେନ୍ଦ୍ରରେ ଲମ୍ବା ଲାଇନ ଲାଗେ । ସ୍ଥାନୀୟ ଅଂଚଳରେ ଥିବା ଶତାଧିକ ଭିକ୍ଷୁକ, ଗରିବ, ଅସହାୟ ଲୋକମାନେ ଏଠାରେ ଆସି ଭିଡ ଜମାନ୍ତି । ପରେ ସେମାନଙ୍କୁ ସେଠାକାର କର୍ମଚାରୀମାନଙ୍କ ଦ୍ୱାରା ଖଲି ପତ୍ରରେ ଦୈନିକ ପ୍ରାୟତଃ ଭାତ, ଡାଲମା ଓ ଖଟା ଆଦି ପରସା ଦିଆଯାଇଥାଏ । ତେବେ ସେଠାରେ ବସି ଖାଇବା ପାଇଁ ବ୍ୟବସ୍ଥା ନଥିବାରୁ ଲୋକମାନେ ରାସ୍ତାପାଖରେ ତଳେ ବସି ଖାଇଥାନ୍ତି ।   

ଅନ୍ୟ କାହାର ସହାୟତାରେ ଅସହାୟଙ୍କୁ ମାଗଣା ଖାଦ୍ୟ ଯୋଗାଉଥିବା ଏହି ଅନ୍ନଦାନ ସେଂଟର ସାଂପ୍ରତିକ ସମାଜରେ ଉଦାହରଣ ସୃଷ୍ଟି କରିପାରିଛି । ସ୍ଥାନୀୟ ଅଂଚଳରେ ପ୍ରତିଷ୍ଠିତ ଲାଭ କରିବା ସହ ଅନ୍ନଦାତାଙ୍କ ପରି ଏହି ସେଂଟର ଗରିବ, ଭିକାରୀ ଓ ଅସହାୟଙ୍କ ପେଟର ଭୋକକୁ ମେଂଟାଇବାରେ ସହାୟକ ହୋଇପାରିଛି । ଏଠାରେ କାମ କରୁଥିବା କର୍ମଚାରୀମାନେ ମଧ୍ୟ ଖାଦ୍ୟ ପରସି ବେଶ ଖୁସି ଥିବା ମତବ୍ୟକ୍ତ କରିଛନ୍ତି । ସମାଜର ପ୍ରତିଷ୍ଠିତ ଲୋକମାନେ ଏଭଳି କାମ ପାଇଁ ଆଗ୍ରହ ପ୍ରକାଶ କରି  ନିଜ ଆୟର ସ୍ୱଳ୍ପ ଟଙ୍କା ଅସହାୟଙ୍କ ସେବାରେ ଲଗାଇବାକୁ ସେମାନେ ପରାମର୍ଶ ଦେଇଛନ୍ତି । ରାଜ୍ୟ ସରକାର କିମ୍ବା କେନ୍ଦ୍ର ସରକାର ମଧ୍ୟ ଏହି କେନ୍ଦ୍ରକୁ ପ୍ରୋତ୍ସାହନ କରିବା ନେଇ ବିଭିନ୍ନ ମହଲରୁ ଦାବୀ ହୋଇଛି ।   

ସତ୍ୟଜିତ ସାମଲ 

ଏସସିବି ପୁନର୍ବିନ୍ୟାସ ପାଇଁ ଜିଲ୍ଲାପାଳଙ୍କ ପକ୍ଷରୁ କଟକରେ ଉଚ୍ଛେଦ ପ୍ରକ୍ରିୟା ଚାଲିଛି। ଗତକାଲି ମା ମଙ୍ଗଳା ବସ୍ତିରେ ସିଏମସି ପକ୍ଷରୁ ସର୍ଭେ ହୋଇଥିବା ବେଳେ ଆଜି ମଧ୍ୟ ମଙ୍ଗଳା ବସ୍ତି, ସୁଇପର କଲୋନୀ ଓ ଏସସିବି ମେଡିକାଲ ଆଗରେ ଥିବା ବସ୍ତି ଓ କଲୋନୀର ସର୍ଭେ କରାଯିବ। ସିଏମସି ଏନଫୋରସମେଣ୍ଟର ୬ଟି ଟିମ୍ ଗଠନ କରାଯାଇଛି। ପ୍ରତି ଟିମରେ ୬ ଜଣ ଲେଖାଏଁ ସଦସ୍ୟ ଅଛନ୍ତି। 

ସୂଚନାନୁଯାୟୀ, ଆଜି ସିଏମସି ପକ୍ଷରୁ ସର୍ଭେ କରାଯାଇ ବସ୍ତିରେ ଥିବା ଘର ଗୁଡ଼ିକ ଚିହ୍ନଟ କରାଯାଇଛି ଓ ସେମାନଙ୍କୁ ଉଚ୍ଛେଦ ପ୍ରକ୍ରିୟା ବିଷୟରେ ସଚେତନ କରାଯାଇଛି। ଏପରିକି ବସ୍ତି ବାସୀନ୍ଦାଙ୍କୁ ଘର ଉଚ୍ଛେଦ ବଦଳରେ ଜଗତପୁରର ନିମପୁରରେ ଘତ ତିଆରି ପାଇଁ ଜାଗା, ୫୦ ହଜାର ଟଙ୍କା ଓ ଅନ୍ୟାନୟ ସୁବିଧା ଯୋଗାଇ ଦିଆଯିବ ବୋଲି କୁହାଯାଇଛି। ଏଥିପାଇଁ ନିମପୁରରେ ସଫେଇ ପ୍ରକ୍ରିୟା ମଧ୍ୟ ଆରମ୍ଭ ହେଲାଣି। ଅପର ପକ୍ଷରେ ବସ୍ତି ବାସୀନ୍ଦାମାନେ ସରକାରଙ୍କ ଏହି ନିଷ୍ପତ୍ତିକୁ ସ୍ଵାଗତ କରୁଥିବା ବେଳେ କିଛିକାଂଶରେ ଏହାକୁ ବିରୋଧ ମଧ୍ୟ କରୁଛନ୍ତି। ସେମାନେ ଦାବି କରୁଛନ୍ତି ଯେ, ଘର ବଦଳରେ ତାଙ୍କୁ ଘର ଦିଆଯାଉ। 

କଟକ ଏସସିବି ପୁନର୍ବିନ୍ୟାସ ପାଇଁ ଜିଲ୍ଲା ପ୍ରଶାସନ ପକ୍ଷରୁ ପ୍ରଥମ ଉଚ୍ଛେଦ କାର୍ଯ୍ୟ ଆରମ୍ଭ କରାଯାଇଛି। ଆଜି ଜୋବ୍ରା ଖଲାସୀ ଲେନରେ ଥିବା ପୁରୁଣା ଜଳସେଚନ କ୍ଵାର୍ଟର୍ସ ଭଙ୍ଗାଯାଉଛି। ଗତକାଲି  ପୁନର୍ବିନ୍ୟାସ ଓ ଥଇଥାନ ଘୋଷଣା ସମ୍ପର୍କରେ ଖୋଦ୍ ଜିଲ୍ଲାପାଳ ଲୋକମାନଙ୍କୁ ସଚେତନ କରାଇଥିଲେ। 

ଗତ ୨୫ ତାରିଖରେ ମୁଖ୍ୟମନ୍ତ୍ରୀ ଏସସିବି ପୁନର୍ବିନ୍ୟାସ, ଥଇଥାନ ଓ ସହାୟତା ପ୍ୟାକେଜ ମଞ୍ଜୁରୀ ଦେଇଥିଲେ। ଏହି ଉଚ୍ଛେଦ ପ୍ରକ୍ରିୟାରେ ୩୦୦ରୁ ଅଧିକ ପରିବାର ପ୍ରଭାବିତ ହେବେ। ପ୍ରଭାବିତ ପରିବାରଙ୍କୁ ଯୋବ୍ରା ବ୍ରିଜ୍ ଅପରପାର୍ଶ୍ଵରେ ଥଇଥାନ କରାଯିବ। ଏ ନେଇ ସିଏମସି କର୍ତ୍ତୃପକ୍ଷଙ୍କ ସହ ଆଲୋଚନା କରାଯାଇଛି। 

ଉଲ୍ଲେଖଯୋଗ୍ୟ, ରାଜ୍ୟର ପ୍ରମୁଖ ଚିକିତ୍ସାସେବା ଅନୁଷ୍ଠାନ ଶ୍ରୀରାମଚନ୍ଦ୍ର ଭଞ୍ଜ ମେଡିକାଲ୍ କଲେଜ୍ ଓ ହସ୍ପିଟାଲ୍‌ର ପୁନର୍ବିନ୍ୟାସ କରି ଏହାକୁ ଏକ ଅତ୍ୟାଧୁନିକ ଚିକିତ୍ସା ସେବା ପ୍ରତିଷ୍ଠାନ ଭାବରେ ବିକଶିତ କରିବା ପାଇଁ ରାଜ୍ୟ ସରକାର ନିଷ୍ପତ୍ତି ନେଇଥିଲେ। ଏଥିପାଇଁ ଏହାର ସଂପ୍ରସାରଣ କରି ଏହାକୁ ସମସ୍ତ ଅତ୍ୟାଧୁନିକ ଚିକିତ୍ସା ଓ ଗବେଷଣା ସୁବିଧା ସହିତ ୩୦୦୦ ଶଯ୍ୟା ବିଶିଷ୍ଟ ଚିକିତ୍ସା ପ୍ରତିଷ୍ଠାନ ଭାବରେ ଗଢ଼ିବାର କାର‌୍ୟ୍ୟକ୍ରମ ଆରମ୍ଭ କରାଯାଇଛି। ଏଥିପାଇଁ ଥଇଥାନ ଓ ସହାୟତା ପ୍ୟାକେଜକୁ ମୁଖ୍ୟମନ୍ତ୍ରୀ ଅନୁମୋଦନ କରିଛନ୍ତି। 

ସ୍ଥାୟୀ ଘର, ଦୋକାନ, ଅନଧିକୃତ ଘର, ଉଠାଦୋକାନୀଙ୍କ ଥଇଥାନ ପାଇଁ ପ୍ୟାକେଜ ଘୋଷଣା କରାଯାଇଛି। ଜମି ମାଲିକଙ୍କ ଠାରୁ ସରକାରୀ ଅନୁମୋଦିତ ପ୍ରକ୍ରିୟାରେ ଅଧିଗ୍ରହଣ କରାଯିବ। ରାଜ୍ୟ ସରକାରଙ୍କ କ୍ଷତିପୂରଣ ଆଇନ ଅନୁସାରେ କ୍ଷତିପୂରଣ ମିଳିବ । ଜମି, ବାସହରା ପରିବାରକୁ ଜରୁରୀ ବ୍ୟବସ୍ଥା ପାଇଁ ୧ଲକ୍ଷ ସହାୟତା ମିଳିବ। ଅନଧିକୃତ ବାସଗୃହ କ୍ଷତିଗ୍ରସ୍ତଙ୍କ ପାଇଁ ଏକକାଳୀନ ମିଳିବ ୫୦ ହଜାର। ପ୍ରତି ପରିବାର ପାଇଁ ୧୫ ୧୫ ପ୍ଲଟରେ ଅସ୍ଥାୟୀ ଗୃହନିର୍ମାଣ ଲାଇସେନ୍ସ। ଅସ୍ଥାୟୀ ଆବାସସ୍ଥଳୀରେ ଆଶ୍ରିତ ଲୋକଙ୍କୁ ୮ଦିନ ଖାଦ୍ୟ ମିଳିବ। ସ୍ଥାନାନ୍ତର ଲୋକଙ୍କ ପାଇଁ ମହାନଗର ନିଗମ ପକ୍ଷରୁ ପରିବହନ ବ୍ୟବସ୍ଥା କରାଯିବ। ସିଏମସି ରେଜଷ୍ଟ୍ରୀଭୁକ୍ତ ଦୋକାନୀଙ୍କୁ ଏକକାଳୀନ ମିଳିବ ଏକ ଲକ୍ଷ ଟଙ୍କା। ସ୍ଥିତିବାନ୍ ସତ୍ତ୍ଵେ ଥିବା ସ୍ଥାୟୀ ଦୋକାନ ଘରକୁ ସିଧା କ୍ରୟ କରାଯିବ। ସ୍ଥାୟୀ ଦୋକାନ ପରିବହନ ବ୍ୟବସ୍ଥା ପାଇଁ ୨ଟି କିସ୍ତିରେ ମିଳିବ ଏକ ଲକ୍ଷ। 

ସେହିପରି ଅନଧିକୃତ ଦୋକାନ ଘର ପାଇଁ ଏକକାଳୀନ ମିଳିବ ୩୦ ହଜାର। ପ୍ରତି ଉଠା ଦୋକାନୀଙ୍କୁ ଏକକାଳୀନ ମିଳିବ ୨୦ ହଜାର ସହାୟତା। ସ୍ଥାନାନ୍ତରିତ ଧାର୍ମିକ ଅନୁଷ୍ଠାନ, କ୍ଲବ ପାଇଁ ଏକକାଳୀନ ୧ ଲକ୍ଷ ମିଳିବ। ସ୍ଥାନାନ୍ତରିତ ପ୍ରତି ଗାଈ ଗୁହାଳ ପିଛା ଏକକାଳୀନ ମିଳିବ ୨୦ ହଜାର। ସରକାରୀ କ୍ଵାର୍ଟର୍ସ ହରାଉଥିବା କର୍ମଚାରୀଙ୍କୁ ଘରଭଡା ଓ ସ୍ଵତନ୍ତ୍ର ସହାୟତା। ୪ର୍ଥ ଶ୍ରେଣୀଙ୍କୁ ୫ହଜାର, ତୃତୀୟ ଶ୍ରେଣୀ କର୍ମଚାରୀଙ୍କୁ ୭୫୦୦ ଟଙ୍କା। ୨ୟ ଶ୍ରେଣୀଙ୍କୁ ୧୦ ହଜାର, ପ୍ରଥମ ଶ୍ରେଣୀ କର୍ମଚାରୀଙ୍କ ୧୨,୫୦୦। ଜିଲ୍ଲାପାଳ ଆବଶ୍ୟକ ସ୍ଥଳେ ସହାୟତା ବୃଦ୍ଧି, ପରିବର୍ତ୍ତନ ନିଷ୍ପତ୍ତି ନେବେ ବୋଲି ସୂଚନା ମିଳିଛି। 

ମହାକାଶରେ ଆଉ ଭାରତ ଆଉ ଏକ ଉପଲବ୍ଧି ହାସଲ କରିଛି । ଇସ୍ରୋ ମହାକାଶକୁ ଆଉ ଗୋଟେ ଗୁଇନ୍ଦା ଆଖି ରିସେଟ-2ବିଆର1 ପଠାଇଛି । ଭାରତର ରାଡାର ଅମେଜିଙ୍ଗ ପୃଥ୍ୱୀ ନଜର ରଖୁଥିବା ଉପଗ୍ରହ ରିସେଟ-2ବିଆର1କୁ ପିଏସଏଲଭି-48 ଯାନ ମାଧ୍ୟମରେ ଶ୍ରୀହରିକୋଟା ମହାକାଶ କେନ୍ଦ୍ରରୁ ଉତକ୍ଷେପଣ କରାଯାଇଛି । ଏଥି ପାଇଁ ପ୍ରାୟ 24 ଘଟଣା ପୂର୍ବରୁ ଓଲଟା ଗଣତି ଆରମ୍ଭ ହୋଇଥିଲା । 

ISRO launches RISAT-2BR1 and 9 customer satellites by PSLV-C48 from Satish Dhawan Space Centre (SDSC) SHAR, Sriharikota; RISAT-2BR1 is a radar imaging earth observation satellite weighing about 628 kg. pic.twitter.com/nc50lOf2Wy

— ANI (@ANI) December 11, 2019

ଭାରତୀୟ ମହାକାଶ ଗବେଷଣା ସଂସ୍ଥା (ଇସ୍ରୋ) ପକ୍ଷରୁ କୁହାଯାଇଛି ଯେ ପିଏସଏଲଭିର ଏହା 50ତମ ମିଶନ, ପିଏସଏଭି-ସି48କୁ ଶ୍ରୀହରିକୋଟାର ସତିଶ ଧୱନ ମହାକାଶ କେନ୍ଦ୍ରର ପ୍ରଥମ ଲଞ୍ଚପେଡରୁ ବୁଧବାର ଦିନ ଅପରାହ୍ଣ 3.25 ମିନିଟରେ ଲଞ୍ଚ କରାଯାଇଛି । 

 ଏହି ଉତକ୍ଷେପଣ ଭାରତର ମହାକାଶ ସଂସ୍ଥା ଏକ ବଡ ଉପଲବ୍ଧି ଅଟେ । ଏହା ପଛର କାରଣ ଏହା ପିଏସଏଲଭିର 50ତମ ଉତକ୍ଷେପଣ  ଏବଂ ଶ୍ରୀହରିକୋଟାରୁ ଉତକ୍ଷେପଣ ହେଉଥିବା 75ତମ ରକେଟ । 

କୃଷି,ଜଙ୍ଗଲ ଏବଂ ବିପର୍ଯୟ ମୁକିବାଲ କରିବାରେ ସହାୟତା ଉପଲବ୍ଧ କରିବା ଉଦ୍ଦେଶ୍ୟରେ ଏହି ଉପଗ୍ରହ ପ୍ରସ୍ତୁତ କରାଯାଇଛି । ଆସନ୍ତା ପାଞ୍ଚ ବର୍ଷ ପର୍ଯ୍ୟନ୍ତ ଉପଗ୍ରହଟି କାମ କରିବ । 628 କିଲୋଗ୍ରାମର ଏହି ଉପଗ୍ରହ ନିଜ ସହ ଅନ୍ୟ 9ଟି ଛୋଟ ଉପଗ୍ରହକୁ ନିଜ ସାଙ୍ଗରେ ନେଇ ଯାଇଛି । ଏଥିରେ ଇସ୍ରାଏଲ, ଇଟାଲୀ, ଜାପାନର ଗୋଟିଏ ଗୋଟିଏ ଏବଂ ଆମେରିକାର 6ଟି ଉପଗ୍ରହ ସାମିଲ ରହିଛି ।

 ଭୁବନେଶ୍ଵର ଖଣ୍ଡଗିରି ଅଞ୍ଚଳରେ ସେକ୍ସ ରାକେଟ୍ ଠାବ। ଖଣ୍ଡଗିରି ନିକଟ ଏମ୍ସ ନଗରର ଏକ ହୋଟେଲରୁ ସେକ୍ସ ରାକେଟ ଚାଲିଥିବା ଅଭିଯୋଗ ହୋଇଥିଲା। ଫଳରେ ପୋଲିସ ଏଠାରେ ଚଢାଉ କରିଥିଲା। ୨ ଦଲାଲଙ୍କ ସମେତ ୪ ଗ୍ରାହକ ଗିରଫ କରାଯାଇଥିବା ବେଳେ ୬ ବଙ୍ଗୀୟ ଯୁବତୀଙ୍କୁ ଉଦ୍ଧାର କରାଯାଇଛି।  ସେହି ସମୟରେ ମାଷ୍ଟର ମାଇଣ୍ଡ ଘଟଣା ସ୍ଥଳରୁ ଫେରାର ହୋଇଯାଇଛି। 

ଭୁବନେଶ୍ଵର ଖଣ୍ଡଗିରି ଅଞ୍ଚଳରେ ପୁଣି ସେକ୍ସ ରାକେଟ ଠାବ। କିଛି ଦିନ ହେବ ଏମସ ନଗରରେ ଏକ ହୋଟେଲରେ ସେକ୍ସ ରାକେଟ୍ ହେଉଥିବା ଅଭିଯୋଗ ହୋଇଥିଲା। ଏହାପରେ ପୋଲିସ ହୋଟେଲରେ ଚଢାଉ କରିଛି। ଚଢାଉରେ  ୨ ଦଲାଲଙ୍କ ସମେତ ୪ ଗ୍ରାହକ ଗିରଫ କରାଯାଇ। ସେଠାରୁ ୬ ଜଣ ବଙ୍ଗୀୟ ଯୁବତୀ ଉଦ୍ଧାର ହୋଇଛନ୍ତି। କିଙ୍ଗ୍ ପିନ୍ ଘଟଣା ସ୍ଥଳରୁ ଫେରାର ହୋଇଯାଇଛି। ଏହି ଘଟଣାରେ ହୋଟେଲ ମାଲିକ ସଂପୃକ୍ତ ଅଛନ୍ତି କି ନାହିଁ ତାହା ଏଯାଏଁ ସ୍ପଷ୍ଟ ହୋଇ ନାହିଁ। ତେବେ ହୋଟେଲ ମାଲିକଙ୍କୁ ପଚରାଉଚୁରା କରିବାରୁ ସେ ଏସମ୍ପର୍କରେ କିଛି ଜାଣି ନାହାଁନ୍ତି ବୋଲି କହିଛନ୍ତି।

ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ବାରମ୍ବାର ତାଗିଦ ପରେ ରାଜଧାନୀର ବିଭିନ୍ନ ବ୍ୟବସାୟିକ ପ୍ରତିଷ୍ଠାନ ପାର୍କିଂ ଫି ଆଦାୟ କରୁଛନ୍ତି । ଆଜି ପୁଣି ଥରେ ରାଜଧାନୀ ୧୦ଟି ସପିଂ ମଲ ଓ ୩ଟି ହସ୍ପିଟାଲକୁ ନୋଟିସ୍‌ ଜାରି କରାଯାଇଛି । ଏହି ସବୁ ପ୍ରତିଷ୍ଠାନକୁ ଅଫ୍‌-ଷ୍ଟ୍ରିଟ୍‌ ପାର୍କିଂ ଶୁଳ୍କ ଆଦାୟ ପାଇଁ ନୋଟିସ୍‌ ଜାରି କରାଯାଇଥିବା ବିଡିଏ ଯୋଜନା ସଦସ୍ୟ ଗୌରୀଶଙ୍କର ଭୂୟାଁଙ୍କ ସୂଚନା ଦେଇଛନ୍ତି ।

ବ୍ୟସାୟିକ ପ୍ରତିଷ୍ଠାନ ଯଥା ସିମ୍ଫୋନି ମଲ, ଦ ଓ୍ଵାଲର୍ଡ, ଫୋରମ୍‌ ମାର୍ଟ, ମାରୁତି ମଲ, ପାଲ ମନ୍ତ୍ରା, ପାଣ୍ଟାଲୁନ୍‌ସ, ଭବାନି କମର୍ସିଆଲ୍ ଏନ୍‌କ୍ଲେଭ, ଏସ୍‌ପ୍ଲାନେଡ୍‌ ଓ୍ଵାନ୍‌ ଓ ଡିଏନ୍‌ ରିଗାଲିଆକୁ ନୋଟିସ୍‌ ଜାରି ହୋଇଛି । ସେହିପରି ଆପୋଲୋ ହସ୍‌ପିଟାଲ, କଳିଙ୍ଗ ହସ୍‌ପିଟାଲ ଓ କେୟାର ହସ୍‌ପିଟାଲ ଆଦିକୁ ପାର୍କିଂ ଶୁଳ୍ପ ଆଦାୟ ରୋକିବାକୁ ନିର୍ଦ୍ଦେଶନାମା ଜାରି ହୋଇଛି ।  ଯଦି କେହି ଏହି ନିୟମକୁ ଉଲ୍ଲଂଘନ କରନ୍ତି ତାହା ହେଲେ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି କୁହାଯାଇଛି । ବିଲ୍ଡିଂ ପ୍ଲାନ୍‌ ଅନୁମତି ବେଳେ ପାର୍କିଂ ପ୍ଲାନ୍‌ ପାଇଁ ରିହାତି ଦିଆଯିବ । ଆଇନ ଉଲଂଘନ କଲେ ଓଡ଼ିଏ ଆକ୍ଟ ୧୯୮୨ ଅନୁସାରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଆବଶ୍ୟକ ପଡ଼ିଲେ ବିଲଡିଂର ପ୍ଲାନ୍‌ ଅନୁମତି ମଧ୍ୟ ପ୍ରତ୍ୟାହାର କରାଯାଇପାରେ । ଫାସିଲିଟେସନ ଚାର୍ଜ ନାମରେ କୌଣସି ପାର୍କିଂ ଫି ଆଦାୟ ହୋଇପାରିବ ନାହିଁ ବୋଲି ନୋଟିସ୍‌ରେ କୁହାଯାଇଛି ।

ଏଠାରେ ଉଲ୍ଲେଖ ଯୋଗ୍ୟ, ଭୁବନେଶ୍ୱରରେ ଥିବା ସପିଂ ମଲ୍‌, ମଲ୍ଟିପ୍ଲେକ୍ସ, ବ୍ୟବସାୟିକ ପ୍ରତିଷ୍ଠାନ, ହସ୍ପିଟାଲ, ଆପାର୍ଟମେଣ୍ଟରେ ଥିବା ନିଜସ୍ୱ ପାର୍କିଂ ଅଂଚଳରୁ ଲୋକଙ୍କଠାରୁ ଫି ଆଦାୟ କରାଯିବ ନାହିଁ ବୋଲି ବିଡିଏ କମିଶନର୍‌ କହିଥିଲେ । ଯେଉଁମାନେ ବେଆଇନ ଭାବେ ପାର୍କିଂ ଫି’ ଆଦାୟ କରିବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଯେଉଁମାନେ ବାହାରେ ପାର୍କିଂ କରିଥିବେ ସେମାନଙ୍କଠାରୁ ବିଡିଏ ଜରିମାନା ଆଦାୟ କରିବ ବୋଲି କୁହାଯାଇଥିଲା । ମାତ୍ର କିଛି ସପିଂ ମଲ୍‌ ନିର୍ଦ୍ଦେଶନାମାର ଅବମାନନା କରିଥିଲେ । 

ରାଉରକେଲା ସହରର ମଙ୍ଗଳଭବନ ନିକଟରେ ଥିବା ଏକ କପଡ଼ା ଦୋକାନରେ ଭୟାବହ ଅଗ୍ନିକାଣ୍ଡ ହୋଇଛି । ନିଆଁ ଲାଗି ଦୋକାନର ପ୍ରାୟ ୭ ଲକ୍ଷ ଟଙ୍କାର ସମ୍ପତ୍ତି ପୋଡ଼ି ପାଉଁଶ ହୋଇଯାଇଛି । ଦୁଇଟି ଦମକଳ ଗାଡ଼ି ଆସି ନିଆଁକୁ ଆୟତ୍ତ କରିଛନ୍ତି ।

ଗତକାଲି ବିଳମ୍ବିତ ରାତିରେ ମଙ୍ଗଳ ଭବନ ନିକଟରେ ଥିବା କପଡ଼ା ଦୋକାନରେ ନିଆଁ ଲାଗିଥିଲା । ସ୍ଥାନୀୟ ଲୋକ ତୁରନ୍ତ ଅଗ୍ନିଶମ ବିଭାଗକୁ ଖବର ଦେଇଥିଲା । ଅଗ୍ନିକାଣ୍ଡ ଏତେ ଭୟାବହ ଥିଲା ଯେ ଦୁଇଟି ଦମକଳ ଗାଡ଼ି ଆସି ନିଆଁକୁ ଆୟତ୍ତ କରିଥିଲେ । ତେବେ ଏଥିରେ ଦୋକାନର ବ୍ୟାପକ କ୍ଷତି ହୋଇଯାଇଛି । ପ୍ରାୟ ୭ ଲକ୍ଷ ଟଙ୍କାର କପଡ଼ା ପୋଡ଼ି ଯାଇଛି । ବିଦ୍ୟୁତ୍‌ ସଟ୍‌ ସର୍କିଟରୁ ନିଆଁ ଲାଗିଥିବା ସନ୍ଦେହ କରାଯାଇଛି । ତେବେ ଏତେବଡ଼ ଦୋକାନରେ ଅଗ୍ନି ନିରାପତ୍ତା ବ୍ୟବସ୍ଥା ନ ଥିବାରୁ ଠିକ୍‌ ସମୟରେ ନିଆଁକୁ ଆୟତ କରାଯାଇ ପାରିଲା ନାହିଁ ବୋଲି କୁହାଯାଉଛି । ଅଗ୍ନିଶମ ବିଭାଗ ଏହାର ଯାଞ୍ଚ କରୁଛି । 

ଭୁବନେଶ୍ୱରର ବିଭିନ୍ନ ସପିଂ ମଲ୍‌ରେ ଆଜି ଭୁବନେଶ୍ୱର ଉନ୍ନୟନ କର୍ତ୍ତୃପକ୍ଷଙ୍କ ତରଫରୁ ଚଢ଼ାଉ କରାଯାଇଛି । ସହିତ ସହିଦ ନଗରସ୍ଥିତ ବିଏମସି ଭବାନୀ ମଲରେ ପାର୍କିଂ ଫି ଆଦାୟ କରାଯାଉଥିବା ବେଳେ ବିଡିଏ ଓ ବିଏମ୍‌ସି ସ୍କ୍ୱାଡ ଚଢ଼ାଉ କରିଛି । ଚଢ଼ାଉ ସମୟରେ ରସିଦ୍‌ କଟାଯାଉଥିବା ପିଓଏସ୍‌ ମେସିନ୍‌କୁ ଜବତ କରାଯାଇଛି ।

ଭୁବନେଶ୍ୱରରେ ଥିବା ସପିଂ ମଲ୍‌, ମଲ୍ଟିପ୍ଲେକ୍ସ, ବ୍ୟାବସାୟିକ ପ୍ରତିଷ୍ଠାନ, ହସ୍ପିଟାଲ, ଆପାର୍ଟମେଣ୍ଟରେ ଥିବା ନିଜସ୍ୱ ପାର୍କିଂ ଅଂଚଳରୁ ଲୋକଙ୍କଠାରୁ ଫି ଆଦାୟ କରାଯିବ ନାହିଁ ବୋଲି ବିଡିଏ କମିଶନର୍‌ କହିଥିଲେ । ଯେଉଁମାନେ ବେଆଇନ ଭାବେ ପାର୍କିଂ ଫି’ ଆଦାୟ କରିବେ ତାଙ୍କ ଉପରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଯେଉଁମାନେ ବାହାରେ ପାର୍କିଂ କରିଥିବେ ସେମାନଙ୍କଠାରୁ ବିଡିଏ ଜରିମାନା ଆଦାୟ କରିବ ବୋଲି କୁହାଯାଇଥିଲା । ମାତ୍ର କିଛି ସପିଂ ମଲ୍‌ ନିର୍ଦ୍ଦେଶନାମାର ଅବମାନନା କରିଥିଲେ । ଗୁରୁବାର ଦିନ ବିଭିନ୍ନ ସ୍ଥାନରେ ପାର୍କିଂ ଫି ଆଦାୟ ହେଉଥିବା ନେଇ ଗଣମାଧ୍ୟମରେ ଖବର ପ୍ରକାଶ ପାଇଥିଲା । ଏହା ପରେ ବିଡିଏ ପକ୍ଷରୁ ଚଢ଼ାଉ କରାଯାଇଛି ।

ରାଜଧାନୀରେ ଭୁବନେଶ୍ୱରରେ କରାଯାଉଥିବା ବେଆଇନ ପାର୍କିଂ ରୋକିବାକୁ ତତ୍ପରତା ପ୍ରକାଶ ପାଇଛି । ବେଆଇନ ପାର୍କିଂ ରୋକିବାକୁ ସ୍ୱତନ୍ତ୍ର ସ୍କ୍ୱାର୍ଡ ଗଠନ କରାଯିବ । ପାର୍କିଂ ନ ଥିବା ସ୍ଥାନରେ ଗାଡ଼ି ରଖିଥିବା ଦେଖା ଗଲେ ଜରିମାନା ଆଦାୟ କରାଯିବ ବୋଲି ଗୃହ ଓ ନଗର ଉନ୍ନୟନ ବିଭାଗ ମନ୍ତ୍ରୀ ପ୍ରତାପ ଜେନା କହିଛନ୍ତି ।

ମନ୍ତ୍ରୀ କହିଛନ୍ତି ଯେ ଯେଉଁ ସପିଂ ମଲ୍‌ଗୁଡ଼ିକର ନିଜସ୍ୱ ପାର୍କିଂ ସ୍ଥାନ ରହିଛି ସେମାନେ ଲୋକଙ୍କଠାରୁ ଟଙ୍କା ଆଦାୟ କରିପାରିବେ ନାହିଁ । ଏହା ସହିତ ଯଦି ସପିଂ ମଲ୍‌ ବାହାରେ କେହି ଗାଡ଼ି ରଖୁଛନ୍ତି ସେଠି ମଧ୍ୟ ସେମାନେ ପାର୍କିଂ ଫି ନେଇ ପାରିବେ । ବିଡିଏ ସ୍କ୍ୱାର୍ଡ ସେଠାରୁ ଜରିମାନା ଆଦାୟ କରିବ ବୋଲି ମନ୍ତ୍ରୀ ଶ୍ରୀ ଜେନା କହିଛନ୍ତି ।

ଏଠାରେ ଉଲ୍ଲେଖ ଯୋଗ୍ୟ, ଗତକାଲି ବ୍ୟବସାୟିକ ପ୍ରତିଷ୍ଠାନ, ହସ୍ପିଟାଲ, ସିନେମା ହଲ୍ ଓ ଆପାର୍ଟମେଣ୍ଟ ଆଦିରେ ଆଦାୟ ହେଉଥିବା ପାର୍କିଂ ଫି’କୁ ବନ୍ଦ କରିବାକୁ ବିଡିଏ ନିର୍ଦ୍ଦେଶ ଦେଇଛି । ଏହା ବିଲିଡିଂ ପ୍ଲାନ୍ ଓ ବିଡିଏର ଅନ୍ୟାନ୍ୟ ନିୟମ ଅଧିନରେ ଆସୁ ନାହିଁ ।