ନୂଆଦିଲ୍ଲୀ: ଆଗାମୀ ସମୟରେ ଆମେ ବିହାରର ବିକାଶ, ଏହାର ଭିତ୍ତିଭୂମି ଏବଂ ରାଜ୍ୟର ସଂସ୍କୃତିକୁ ଏକ ନୂତନ ପରିଚୟ ଦେବା ପାଇଁ ଅକ୍ଳାନ୍ତ ପରିଶ୍ରମ କରିବୁ । ଆମେ ନିଶ୍ଚିତ କରିବୁ ଯେ ଏହାର ଯୁବପିଢ଼ି ଏବଂ ମହିଳାମାନେ ଏକ ସମୃଦ୍ଧ ଜୀବନ ପାଇଁ ପ୍ରଚୁର ସୁଯୋଗ ପାଇବେ । ବିହାରରେ ଅଦ୍ଭୁତପୂର୍ବ ସଫଳତା ପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି ପ୍ରତିକ୍ରିୟା ରଖିଛନ୍ତି । 

ବିହାରରେ ପୁଣି ଥରେ ଏନଡିଏ ସରକାର ଗଢ଼ିବାକୁ ଯାଉଛି । ସରକାର ଗଢ଼ିବାକୁ ଏନଡିଏକୁ ବାଛି ଥିବାରୁ ମୋଦି ସମସ୍ତ ବିହାର ବାସିନ୍ଦାଙ୍କୁ କୃତଜ୍ଞତା ଜଣାଇଛନ୍ତି । ବିହାର ନିର୍ବାଚନ ଫଳାଫଳ ପ୍ରକାଶ ପାଇବା ମଧ୍ୟରେ ମୋଦିରେ ଏକ୍ସରେ ପୋଷ୍ଟ କରି କହିଛନ୍ତି, ସୁଶାସନ, ବିକାଶ, ଜନ କଲ୍ୟାଣର ଭାବନା ଏବଂ ସାମାଜିକ ନ୍ୟାୟର ବିଜୟ ହୋଇଛି । ମୋଦି ଲେଖିଛନ୍ତି ଯେ ୨୦୨୫ ବିଧାନସଭା ନିର୍ବାଚନରେ ଏନଡିଏକୁ ଐତିହାସିକ ଏବଂ ଅଭୂତପୂର୍ବ ବିଜୟ ପାଇଁ ଆଶୀର୍ବାଦ ଦେବା ପାଇଁ ବିହାରରେ ମୋର ପରିବାରର ସଦସ୍ୟମାନଙ୍କ ପ୍ରତି ମୋର ଗଭୀର କୃତଜ୍ଞତା। ଏହି ବିପୁଳ ଜନାଦେଶ ଆମକୁ ଲୋକଙ୍କ ସେବା କରିବା ଏବଂ ବିହାର ପାଇଁ ନୂତନ ସଂକଳ୍ପ ସହିତ କାମ କରିବାକୁ ସଶକ୍ତ କରିବ ।

ଯେଉଁମାନେ ଅକ୍ଳାନ୍ତ ପରିଶ୍ରମ କରିଛନ୍ତି, ପ୍ରତ୍ୟେକ ଏନଡିଏ କର୍ମୀଙ୍କ ପ୍ରତି ମୋଦି କୃତଜ୍ଞତା ପ୍ରକାଶ କରିଛନ୍ତି । ସେମାନେ ଜନସାଧାରଣଙ୍କ ପାଖରେ ପହଞ୍ଚିଛନ୍ତି, ଆମର ବିକାଶ ଯୋଜନାକୁ ଉପସ୍ଥାପନ କରିଛନ୍ତି ଏବଂ ବିରୋଧୀଙ୍କ ପ୍ରତ୍ୟେକ ମିଛକୁ ଦୃଢ଼ ଭାବରେ ପ୍ରତିହତ କରିଛନ୍ତି। ତେଣୁ ସେମାନଙ୍କୁ ହୃଦୟରୁ କୃତଜ୍ଞତା ଜଣାଉଛନ୍ତି ମୋଦୀ । 

ସେହିପରି ମୋଦି ଆହୁରି ପ୍ରତିଶ୍ରୁତି ମଧ୍ୟ ଦେଇଛନ୍ତି । ଆଗାମୀ ସମୟରେ, ଆମେ ବିହାରର ବିକାଶ, ଏହାର ଭିତ୍ତିଭୂମି ବୃଦ୍ଧି ଏବଂ ରାଜ୍ୟର ସଂସ୍କୃତିକୁ ଏକ ନୂତନ ପରିଚୟ ଦେବା ପାଇଁ ଅକ୍ଳାନ୍ତ ପରିଶ୍ରମ କରିବୁ। ଆମେ ନିଶ୍ଚିତ କରିବୁ ଯେ ଏହାର ଯୁବପିଢ଼ି ଏବଂ ମହିଳାମାନେ ଏକ ସମୃଦ୍ଧ ଜୀବନ ପାଇଁ ପ୍ରଚୁର ସୁଯୋଗ ପାଇବେ ବୋଲି କହିଛନ୍ତି ମୋଦି ।