ଚଳିତ ବର୍ଷ ମ୍ୟୁଚୁଆଲ୍ ଫଣ୍ଡ କ୍ଷେତ୍ରରେ (SIP) ସିଷ୍ଟମେଟିକ୍ ନିବେଶ ଯୋଜନା ଭଲ ରହିଛି। SIP ନିବେଶ ସ୍ତର ରେକର୍ଡ ସ୍ତରରେ ପହଂଚିଛି। ଶିଳ୍ପ ବିଶେଷଜ୍ଞମାନେ ଷ୍ଟକ୍ ବଜାରରେ ତୀବ୍ର ବୃଦ୍ଧି ପରେ ନିବେଶକଙ୍କ ଦ୍ୱାରା ଲାଭ ବୁକିଂ ହ୍ରାସକୁ ଦାୟୀ କରିଛନ୍ତି। ବଜାର ବୃଦ୍ଧି ବେଞ୍ଚମାର୍କ ସୂଚକାଙ୍କକୁ ରେକର୍ଡ ଉଚ୍ଚତା ନିକଟରେ ପହଞ୍ଚାଇ ଦେଇଛି। ତଥାପି, ସିଷ୍ଟମେଟିକ୍ ନିବେଶ ଯୋଜନା (SIPs) ଏହି ଧାରା ପ୍ରତିରୋଧ କରିଛି, ନିବେଶ ୨୯,୫୨୯ କୋଟିର ନୂତନ ସର୍ବୋଚ୍ଚ ସ୍ତରରେ ପହଞ୍ଚିଛି।

ଅକ୍ଟୋବରରେ ବଜାରରେ ବୃଦ୍ଧି ସତ୍ତ୍ୱେ, ନିବେଶକଙ୍କ ଇକ୍ୱିଟି MF ଉପରେ ବିଶ୍ୱାସ ହ୍ରାସ ପାଇଛି। ଅକ୍ଟୋବରରେ ନେଟ୍ ଇକ୍ୱିଟି ପ୍ରବାହ ଜୁଲାଇ ପରେ ସବୁଠାରୁ କମ୍ ଥିଲା। ତଥାପି, ବଜାରରେ ରେକର୍ଡ SIP ନିବେଶ ଅକ୍ଷୁର୍ଣ୍ଣ ରହିଛି। ତେବେ SIP ପରିମାଣ ଏବଂ ନିବେଶକ କାର୍ଯ୍ୟକଳାପ ବୃଦ୍ଧି ପାଉଥିବା ସୂଚାଇ ଦିଏ ଯେ ଭାରତୀୟ ନିବେଶକମାନେ ଏବେ ଦୀର୍ଘକାଳୀନ, ଶୃଙ୍ଖଳିତ ଏବଂ ବ୍ୟବସ୍ଥିତ ନିବେଶକୁ ଗ୍ରହଣ କରୁଛନ୍ତି।

ଅକ୍ଟୋବର ମାସରେ ମ୍ୟୁଚୁଆଲ‌ ଫଣ୍ଡ୍ କ୍ଷେତ୍ରରେ ଏସ୍‌ଆଇପି (ସିଷ୍ଟମେଟିକ୍ ଇନଭେଷ୍ଟମେଣ୍ଟ୍ ପ୍ଲାନ୍) ନିବେଶ ଭଲ ରହିଛି। ଏସ୍‌ଆଇପି ନିବେଶ ସ୍ତର ରେକର୍ଡ ୨୯,୫୨୯ କୋଟିରେ ପହଞ୍ଚିଛି। ସେପ୍ଟେମ୍ବର ମାସରେ ଏହା ୨୯,୩୬୧ କୋଟି ଟଙ୍କାରେ ରହିଥିଲା ବୋଲି ଆମ୍ପି(ଆସୋସିଏସନ୍ ଅଫ୍ ମ୍ୟୁଚୁଆଲ‌ ଫଣ୍ଡ୍‌ସ ଇନ୍ ଇଣ୍ଡିଆ) ତଥ୍ୟରୁ ଜଣାଯାଇଛି।

ଜମା ହୋଇଥିବା ଆକାଉଣ୍ଡ ସଂଖ୍ୟା ଅକ୍ଟୋବରରେ ୯.୪୫ କୋଟିକୁ ବୃଦ୍ଧି ପାଇଛି। ସେପ୍ଟେମ୍ବରରେ ଏହି ଆକାଉଣ୍ଟ ସଂଖ୍ୟା ୯.୨୫ ରହିଥିଲା | ତେବେ ମୋଟ ଏକ ଏଆଇପି ଆକାଉଣ୍ଟ ସଂଖ୍ୟା ୯.୮୮ ୮ କୋଟିକୁ ବୃଦ୍ଧି ପାଇଛି, ଯାହା ସେପ୍ଟେମ୍ବରରେ ୯.୭୩ କୋଟିରେ ରହିଥିଲା। ଏସ୍‌ଆଇପି ଜରିଆରେ ସଂପ୍ରତି ୧୬.୨୫ ଲକ୍ଷ କୋଟି ଟଙ୍କାର ସଂପତ୍ତ ପରିଚାଳିତ ହେଉଛି। ସେପ୍ଟେମ୍ବରରେ ଏହି ରାଶି ୧୫.୫୨ ଲକ୍ଷ କୋଟିରେ ରହିଥିଲା। 

ମର୍ଣ୍ଣିଂଷ୍ଟାର ଇନଭେଷ୍ଟମେଣ୍ଟ ରିସର୍ଚ୍ଚ ଇଣ୍ଡିଆର ଗବେଷଣା ମୁଖ୍ୟ ହିମାଂଶୁ ଶ୍ରୀବାସ୍ତବ କହିଛନ୍ତି, "ଷ୍ଟକ୍ ବଜାରରେ ଏକ ଗୁରୁତ୍ୱପୂର୍ଣ୍ଣ ବୃଦ୍ଧି ଏବଂ ପାର୍ବଣ ଋତୁ ପରେ ନିବେଶକଙ୍କ ଦ୍ୱାରା ଲାଭ-ବୁକିଂ ଯୋଗୁଁ ନିବେଶକଙ୍କ ନିବେଶରେ ହ୍ରାସ ଘଟିପାରେ। ଯଦିଓ ନିବେଶର ଗତି ମନ୍ଥର ହୋଇଥିଲା, ଇକ୍ୱିଟି ନିବେଶ ପ୍ରତି ନିବେଶକଙ୍କ ମନୋଭାବ ସ୍ଥିର ରହିଥିଲା।"

ଆସୋସିଏସନ ଅଫ୍ ମ୍ୟୁଚୁଆଲ୍ ଫଣ୍ଡ୍ସ ଇନ୍ ଇଣ୍ଡିଆ (ଆମ୍ଫି)ର ତଥ୍ୟ ଅନୁଯାୟୀ, ନୂତନ ନିବେଶରେ ଚାରି ପ୍ରତିଶତ ହ୍ରାସ ଏବଂ ନିବେଶ ପ୍ରତ୍ୟାହାରରେ ଆଠ ପ୍ରତିଶତ ବୃଦ୍ଧି ଯୋଗୁଁ ନିଟ୍ ନିବେଶରେ ହ୍ରାସ ଘଟିଛି। ଅଧିକାଂଶ ଇକ୍ୱିଟି ପାଣ୍ଠି ବର୍ଗରେ ପ୍ରବେଶ ହ୍ରାସ ପାଇଥିଲେ ମଧ୍ୟ, ଫ୍ଲେକ୍ସିକ୍ୟାପ୍ ପାଣ୍ଠି ବୃଦ୍ଧି ପାଇଥିଲା। ସର୍ବବୃହତ ଇକ୍ୱିଟି ପାଣ୍ଠି ହେବାକୁ ଯାଉଥିବା ଏହି ବର୍ଗ ଅକ୍ଟୋବରରେ ପ୍ରାୟ ₹୯,୦୦୦ କୋଟି ଟଙ୍କା ଆକର୍ଷିତ କରିଥିଲା, ଯାହା ସେପ୍ଟେମ୍ବରରେ ₹୭,୦୦୦ କୋଟି ଥିଲା। 

କୋଟାକ୍ ଏଏମସିର ସିଆଇଓ ହର୍ଷ ଉପାଧ୍ୟାୟ କହିଛନ୍ତି ଯେ ଆଗାମୀ କିଛି ବର୍ଷ ପାଇଁ ଏମ୍ଏଫ୍ ଶିଳ୍ପ ବୃଦ୍ଧି ପାଇବ। ଆଗକୁ ଇକ୍ୱିଟି ପାଣ୍ଠିରେ ନିବେଶ ଦୃଢ଼ ରହିବ। ଆଗାମୀ  ୩ରୁ ୫ ବର୍ଷ ମଧ୍ୟରେ SIP ନିବେଶ ବୃଦ୍ଧି ପାଇବାର ଆଶା କରାଯାଉଛି। 

ଅଧିକ ପଢନ୍ତୁ: ଅଷ୍ଟମ ବେତନ ଆୟୋଗରେ ସମାପ୍ତ ହେବ ଏହି ଭତ୍ତା, ଡବଲ ହେବ ପେନସନ ! କଣ ରହିଛି ସରକାରଙ୍କ ଯୋଜନା