ଚଳିତ ବର୍ଷ ବିଶ୍ଵକପ୍ ର ମହାମୁକାବିଲା ରେ ଭାରତକୁ ପରାସ୍ତ କରି ବିଜୟ ହୋଇଛି ଅଷ୍ଟ୍ରେଲିଆ । ଏହା ସହ ସମସ୍ତ ଦେଶବାସୀଙ୍କ ହୃଦୟ ଭାଙ୍ଗି ଯାଇଛି । ଏହାକୁ ନେଇ ବିଜୟୀ ଟିମ ଅଷ୍ଟ୍ରେଲିଆକୁ ଶୁଭେଚ୍ଛା ଜଣାଇଛନ୍ତି ନରେନ୍ଦ୍ର ମୋଦି । ନରେନ୍ଦ୍ର ମୋଦି ତାଙ୍କ ସୋସିଆଲ ମିଡ଼ିଆ ଆକାଉଣ୍ଟରେ ଅଷ୍ଟ୍ରେଲିଆକୁ ଶୁଭେଚ୍ଛା ଜଣାଇ ଲେଖିଛନ୍ତି, ଏକ ଚମତ୍କାର ବିଶ୍ୱକପ ବିଜୟ ପାଇଁ ଅଷ୍ଟ୍ରେଲିଆକୁ ଅଭିନନ୍ଦନ! ଟୁର୍ନାମେଣ୍ଟ ମାଧ୍ୟମରେ ସେମାନଙ୍କର ଏକ ପ୍ରଶଂସନୀୟ ପ୍ରଦର୍ଶନ ଥିଲା, ଯାହା ଏକ ଚମତ୍କାର ବିଜୟରେ ଶେଷ ହୋଇଥିଲା । ଆଜି ତାଙ୍କର ଉଲ୍ଲେଖନୀୟ ଖେଳ ପାଇଁ ଟ୍ରାଭିସ୍ ହେଡଙ୍କୁ ପ୍ରଶଂସା ।
ଏଥିସହ ଟିମ୍ ଇଣ୍ଡିଆକୁ ସାନ୍ତ୍ଵନା ଜଣାଇ ଲେଖିଛନ୍ତି, ପ୍ରିୟ ଦଳ ଭାରତ,ବିଶ୍ୱକପ୍ ମାଧ୍ୟମରେ ତୁମର ପ୍ରତିଭା ଏବଂ ନିଷ୍ଠା ଉଲ୍ଲେଖନୀୟ ଥିଲା । ତୁମେ ମହାନ ଆତ୍ମା ସହିତ ଖେଳିଛ ଏବଂ ଦେଶ ପାଇଁ ଅପାର ଗର୍ବ ଆଣିଛ । ଆମେ ଆଜି ଏବଂ ସର୍ବଦା ଆପଣଙ୍କ ସହିତ ଛିଡା ହୋଇଥାଉ ।