ମୁମ୍ବାଇ: ମହଙ୍ଗା ମାଡ଼ ଖାଲି ସାଧାରଣ ଜନତାଙ୍କୁ କଲବଲ କରୁନି, ଏଥିରେ ବଲିଉଡ ଷ୍ଟାର ବି ବାଦ୍ ପଡୁନାହାନ୍ତି । ନିକଟରେ ବଲିଉଡ ଅଭିନେତ୍ରୀ କାଜୋଲ ମଧ୍ୟ ଏହାକୁ ନେଇ ଚିନ୍ତାରେ ପଡିଛନ୍ତି । ନିିଜ ଘରକୁ ଆସୁଥିବା ବିଜୁଳି ବିଲ୍ ଦେଖି ସେ ରାଗିଯାଇଛନ୍ତି । ସୋସିଆଲ ମିଡିଆରେ ଏନେଇ ସେ ଏକ ପୋଷ୍ଟ କରିଛନ୍ତି, ଯେଉଁଥିରେ ଲେଖିଛନ୍ତି-ଏଭଳି ଲାଗୁଛି ଏହା କେବଳ ବିଜୁଳି ବିଲ୍ ନୁହେଁ ବରଂ ସୂର୍ଯ୍ୟାଲୋକ ବ୍ୟବହାର ପାଇଁ ବିଲ୍ ଅଟେ । 

କାଜୋଲ ନିଜ ଇନଷ୍ଟାଗ୍ରାମ ଷ୍ଟାରୀରେ ଲେଖିଛନ୍ତି, ମୁଁ ଘରେ ନିଜ ବିଜୁଳି ବ୍ୟବହାର ହ୍ରାସ କରିଛି । ଏହା ସ୍ୱତେ ଏତେ ଟଙ୍କାର ବିଲ୍ ଆସିବା ଆଶ୍ଚର୍ଯ୍ୟକର ଘଟଣା ଲାଗୁଛି । ଏପରି ଲାଗୁଛି ପୂରା ସୂର୍ଯ୍ୟ ଆଲୋକ ପାଇଁ ଚାର୍ଜ ମିଶି ଏ ବିଜୁଳି ବିଲ୍ ପ୍ରସ୍ତୁତ ହୋଇଛି । ମୁମ୍ବାଇର ଶିବଶକ୍ତି ନାମକ ଏକ ଆଲିସାନ ବଙ୍ଗଳାରେ ନିଜ ୨ ପିଲାଙ୍କ ସହ  ରହୁଛନ୍ତି କାଜୋଲ ଓ ଅଜୟ ଦେବଗନ । ତେବେ କାଜୋଲ ରହୁଥିବା ଏହି ବଙ୍ଗଳାର ମୂଲ୍ୟ ରହିଛି ପାଖାପାଖି ୬୦ କୋଟି ।